تسجيل الدخول

مشاهدة النسخة كاملة : نظام التعليم عن بعد ؟؟

النبع الخجول
2012- 9- 5, 02:50 PM
السسسلام عليكم


اممم عندي عدده اسئله عن ابي احد يرد علي ويريحني

لان بصرااحه دخت وانا احوووس بين الروابط كلها ولا لقيت اجابه شافيه

امم ابغي اعرف اذا عطوونا الرقم السري وش نسوي يعني شنو الخطوه الثانيه ؟؟ :sm5:

وهل هي تحديد المراكز ؟؟ طيب اذا تحديد المراكز شنو الخطوه اللي بعدها

ونظام البلاك بورد وش سالفته ومتى نفتحه ومتى ننزل المحاضرات ؟؟

لان اشوف ناس من الحين تفتحه مدري وش يسوون ؟ اللي اعرفه ان المقررات مانزلت :(269):

وبعد بسال عن النظام الافتراضي بعد هذا وش سالفته ومتى افتحه :(107):

اتمنى ااجد اجابه بحيث يكون هذا الموضوع مرجع لكل مستجد

لان بصراحه اخذنا الرقم السري ولا ندري وش نسوووي :biggrin:

طبعا انا اسال عني اختي لانها مقبوله في الانتساب

وجزاكم الله خير :106:
سليمان عواض
2012- 9- 5, 02:56 PM
بعد الرقم السري
بتدخلي على هذا الرابط واللي هو الخدمات الطلابية
http://del.kfu.edu.sa/entisab_app/index.asp

لما تتصفحي الخدمات بتفهمي كثير

وباقي الاسئلة بيفيدوك الأخوة والأخوات ان شاء الله
mǾҺÄmmĔđ
2012- 9- 5, 03:00 PM
امم ابغي اعرف اذا عطوونا الرقم السري وش نسوي يعني شنو الخطوه الثانيه ؟؟
ولاشيء تدخلين على النظام الافتراضي علشان تنزل المحاظرات بحيث تنزل كل اسبوع محاظر للمادة الوحده
وهل هي تحديد المراكز ؟؟ طيب اذا تحديد المراكز شنو الخطوه اللي بعدها
نعم تحدد مركز اختبارها فقط المدينه مثل الدمام وكذا وخلاص قبل موعد الاختبار يحددون لها مكان معين في الدمام تروح تختبر فيه
ونظام البلاك بورد وش سالفته ومتى نفتحه ومتى ننزل المحاضرات ؟؟
هذا حق المحاظرات المباشر مثل اعلان الدكتور فيه محاظره بتاريخ 20/10 الساعة 10 الصباح تروح للبلاك بورد وتشوف المحاظره مباشره
وبعد بسال عن النظام الافتراضي بعد هذا وش سالفته ومتى افتحه
هو فاتح الان بس احنا المستوى الاول ما نزل ولاشيء الايام القادمة ان شاء الله تنزل المحاظرات ومن خلال النظام الافتراضي تتابع المحاظرات والواجبات وتنزل المحاظر والشغلات هذي
نجمة بلادهـا
2012- 9- 5, 03:23 PM
السسسلام عليكم

وعليكم السلام ورحمة الله وبركاتة ...

اممم عندي عدده اسئله عن ابي احد يرد علي ويريحني
بأذن الله اقدر اقدم لك الاجابه واذا فيه نقص البركه بالاخوان ...

لان بصرااحه دخت وانا احوووس بين الروابط كلها ولا لقيت اجابه شافيه

امم ابغي اعرف اذا عطوونا الرقم السري وش نسوي يعني شنو الخطوه الثانيه ؟؟ :sm5:

الرقم السري والرقم الجامعي .. تستطيعين من خلاله الدخول على البلاك بورد والتعليم الافتراضي
لاتمام واجباتك وسماع محاضراتك ...

وهل هي تحديد المراكز ؟؟ طيب اذا تحديد المراكز شنو الخطوه اللي بعدها

بالنسبه لتحديد مركز الاختبار عليك تحديد منطقتك .. وقبل الاختبار سيتم تحديد المدرسه التي سيتم اختبارك فيها ...

ونظام البلاك بورد وش سالفته ومتى نفتحه ومتى ننزل المحاضرات ؟؟
البلاك بور بأستطاعتك الدخول عليه في اي وقت وسماع محاضراتك وحل واجباتك والمحاضرات المباشره

والمحاضرات تنزل لكل اسبوع محاضره

لان اشوف ناس من الحين تفتحه مدري وش يسوون ؟ اللي اعرفه ان المقررات مانزلت :(269):
المقررات نزلت لكن بانتظار المحاضرات ..

وبعد بسال عن النظام الافتراضي بعد هذا وش سالفته ومتى افتحه :(107):

الافتراضي مثل البلاك بورد يوجد فيه واجبات ومحاضرات ومعلومات عن كل دكتور ..الخ

اتمنى ااجد اجابه بحيث يكون هذا الموضوع مرجع لكل مستجد

اتمنى اكون افدتك ..

لان بصراحه اخذنا الرقم السري ولا ندري وش نسوووي :biggrin:

طبعا انا اسال عني اختي لانها مقبوله في الانتساب

وجزاكم الله خير :106:


بالتوفيق للجميع ...