إلى متى؟(مشكلة الموازي)

[جود20]

بسم الله الرحمن الرحيم

صباح\مساء الخير عليكم جميعا

كيفكم؟؟
بدخل بالموضوع علطول

الى متى رح يضلوا طلاب الموازي بدون مكافآت؟؟؟؟؟؟؟؟
ايش يفرقوا عن طلاب الصباحي
ومدام الفيصل دخلت نفسها بكليتنا وقالت انها تابعه لها ليش ماتعطي طلاب الموازي
مكافآت وتشوف لها حل بهالموضوع
ليش هالتفرقة العنصرية
طلاب الصباحي يتعبوا والموازي يتعبوا
مايصير كذا ظلم وحرام
طلاب الصباحي يستلموا المكافآت قدام الموازي والضحك والهبال يقوم عليهم
ليش كذا؟؟ وغير هذا ان احنا نداوم معاهم حالنا حالهم يعني مافي فرق
اوكي شالوا الرسوم على عينا وراسنا والف رحمة على والديهم
بس لو خلونا ندرس لحالنا ومانستلم مكافآت ارحم من ان احنا ندرس مع بعض وتصير تفرقة من هالنوع
يعني السنة اللي فاتت كانوا متشددين على موازي اكثر كويزات وتفتيش يوميييييييييييييييا
وطلاب الصباح مافي عليهم تشديد كثرنا
والكل يستغرب لو قلناله هالكلام يكون ردهم غريبة انتوا تدرسوا بفلوسكم بفلوسكم!!!
مافي شي اسمه فلوس بهالسوالف
الحين الزبدة ومافيها ابي صوتي وصوت كل طالب وطالبة كانت موازي وصارت صباحي
احنا نطاااااااااااااااالب بالمكاآفآت
وان شاء الله اصواتنا توصل للفيصل
لان مافي احد يحس بالمعاناة الا اذا جربها مثلنا
واللي عنده اي خبر بهالموضوع يحطه

ومشكورين ويعطيكم الف عافيه

تحياتي جود20

[بنوته شقيه]

مرحبا

كيفكم

انا اييدك اختي جوود

بصراحه ليش هالتفرقه .. يعني بنات الصباح احسن مننا

تنزل لهم مكافئات ويعطوهم شيكات قدامنا

يكسرو خواطرنا.. مثل مالهم الحق بان تنزل لهم مكافئات احنا لنا كمان

ليش يفرقو بيننا

الوضع كذا مايبشر بخير بليز بلاها هالتفرقه

لاولما نسال اللي بالكليه يردو بمسخره ويقولو لنا مالكم امل:017:

ليش شنهو السالفه مستوى ودرجات احنا مستوانا حلو مثل بنات الصباح واحسن كمان

لا وفوق كدا حتى بكشوفات الاسماء يكتبو جنب اسمنا وبكل فخر...موازي والبنات يسخر ويضحكو علينا

ياريت صوتنا يوصل لكل مسؤول ومن حقنا كطالبات جامعه الفيصل ان تكون لنا مكافئات:s12:

طيب الموازي اللي بالفيصل صار تنزل لهم مكافئات احنا ليش ماتنزل مانستاهل مثلا

ياريت صوتي يوصل وتنزل لنا مكفئات:praying:

تقبلو تحياتي

بنوته شقيه

[نهاية ضحكتي دمعه]

اممممم

بس مــآشوف في الكليــه تفرقــه بينـــآ وبين آلموآزي مثل مـآتقولون .. نضحك عليهم .. وآلخ .. عيب أصلآ !!

أن شــآلله صوتكـم يوصــل للجـــآمعه وتعطيكــم مكــآفأت .. وأن شــآلله يخلون مكــآفئآتنــآ في الصرآف .. ملينــآ :011:

تحيـــــــــــآتي ..

[جود20]

ياتفاحة انتي ماتضحكي إي بس احنا اللي نشوف واللي نحس
يمكن انتي ماتشوفي لانك مو حاطة في بالك هالشي ابدا
بس احنا اللي مانخذ ونحس ونشوف
هالسنة مافي تفرقة الا من ناحية المكافآت
بس السنة اللي فاتت كانت فيها ام التفرقة

يمكن انتي ماعندك صاحبات بموازي ولاحد علمك باللي كنا فيه

عالعموم احب ان اصواتنا تنسمع وتنزل لكم مكافآت بالشهور اللي طافت
وتنزل لنا مكافآت دايمة حالنا حالكم

[tica]

السلالالا م


اول شئ احب اشكر اختي جوود لانها بدت و فتحت الموضوع بجراة
وانه هذا مو سهل اي احد يفتحه


و اختي بنوته شقيه الله يحقق الي في بالج

اما اختي تفاحه

فحبيت اقول لج يمكن صحيح انه مافي تفرقه من ناحيه الدكتورات و الاستاذات في الكليه
لكن من الطالبات فيه
اذا من اول يوم داومنا فيه صباحي
تعالي سمعي الكلام
هم يجون ويقعدون قدام بالساهل و اذا هم موازي يعني
طيب و احنا وش دخلنا مو احنا الي رحنا و قلنا خلونا صباحي
ويكون بعلمج انه للحين في طالبات يمشون و النغزات و مدري وشو
ويكفي انه اسماءنا في كشف الاسماء مكتوب جنب اسامينا موازي



و على المكافئات تعالي شوفي اليوم الي تاخذون فيه مكافئات انواع الضحك و المسخرة
يمشون و يعرضون لنا الشيك قدامنا طيب وشو تبغين اسوي لج

بعدين بما انه احنا انضمينا الى جامعه الملك فيصل و طلاب الموازي في فيصل عطوهم ماكفئات طيب و احنا مو احنا تبع الجامعه واضن لازم التسويه في هذا الشئ و اضن انه كل مبنى لحاله مو مشكله عشان نصير تبعهم


و تحياتي

و اتمنى ينضم صوتي الى اصوات الموازي

و ثانكس

[joking]

حياك جود..

أولا انا طالب بالصباحي لما انظمت الجامعه للكليه الغو الموازي بس خلو الدفعه تكمل اللي بسنه ثاني

ثانيا دائما الدكاتره يشيدون بطلاب الموازي لدرجة انهم يقولون طلاب الموازي افضل منكم ليش ماتكونون زيهم

وين الضحك هنا؟؟

اما عن سالفة المكافأه شهر تنزل ونجلس ننتظرها اربع شهور بعدها ههههههههههه ماصارت مكافاه

تحياتي

[جود20]

هلا اخوي jokinglمشكوووووووور على مرورك
وترى حتى احنا كانوا يقولون لنا صاحباتنا اللي بالصباحي
ان الدكاترة يقولون لهم نفس الشي
بس طالبات الصباحي يقولوا لنا اكيد بتكونوا افضل لانهم متساهلين معاكم ههههههههه مع اني مااشوف تساهل
وترى عن جد كانوا طالبات الموازي شطار لان معظمهم نسبهم عالية بس الحظ ماوافقهم انهم يكونوا
بالصباحي
:praying:يالله ربي يعينكم تنتظروا شهر وشهر وربي يعينا ان احنا ننتظر لين ماربنا يفرجها:119:

[gold star]

بالحقيقه انتو يا طالبات وطلاب الموازي ما تستاهلون مكافات ..

احمدوا الله انكم ما تدفعون رسوم ..

وبعض طلبه الموازي ما يفهمون شيء مختبر الصيدله صار خرابه بسببهم .. والله حتى الدكاتره يشتكون منهم ...

[بنوته شقيه]

بالحقيقه انتو يا طالبات وطلاب الموازي ما تستاهلون مكافات ..

احمدوا الله انكم ما تدفعون رسوم ..

وبعض طلبه الموازي ما يفهمون شيء مختبر الصيدله صار خرابه بسببهم .. والله حتى الدكاتره يشتكون منهم ...

مشكوره اختي

بس مو تجي وتقول انتو ماتستاهلو ليش تطلع من جيبك هي؟:017:

وفوق هدا اذا جيت للفهم والمستوى العالي ترى هالشي موجود بالثنين صباحي وموازي وماتقدر تنكر هالشي

وبقول لك ترى انا موازي بس نسبتي95 اعلى من بنات كثير مع انهم صباحي

بس هذا اللي الله كتب لي واللي يبي يتعلم ويفهم ويعرف بيدبر حاله صباحي ولا موازي

تحياتي بنوته شقيه

[tica]

سلام ازيكووو



اول شئ gold star


مو انت الي تحدد احنا نستاهل مكافات ولا لأ
و بعدين لا تعمم


و بعدين انت متاكد انه الموازي هم الي مخربين معاملكم
يمكن من الصباحي

ف تاكد اول بعدين اقعد اتهم


و بعدين هذا ماله دخل هذا في صباحي تعال وشوف وشو يسون في الكليه من خرااب و على كذا يعطوونهم مكافات
فرقت


و بعدين ترا الموازي حالهم من حالكم ماتفرق اللهم بس انتوا تقعدون الصباح و احنا الظهر

في المواد ننضغط
و كل يوم يومين تفتيش

مراقبينا اكثر من بنات الصبااحي




و بعدين احنا مو فاتحينه هنا على اذا احد يستاهل ولا





تحياتي

[Medical man]

ههههههههههههه

السلام للجميع


أنا مو بنت ترا ولد خخخخخخخخخخ

إذا بتقولي أنه نسبكم يالصباحي ماقلت عن 80% ترا أنا ومعي 22 طالب في كلية العلوم الصحية بنين بالدمام نسبتنا ماقلت عن 90% وأحنا هدحنا موازي هههههههه

وعلى قولت الأخت الي تفضلت وقالت ترا فيه طلاب موازي درجاتهم أعلى من صباحي والصباحي من عطوه مكافأة ماهمه شي عكس الجاد والمضحي وخاش على حسابه يتحدى الفقر بس عشان يدرس

أخوتي وخواتي الموازيين ترا في النهاية بقول لكم شي وحطوه في بالكم اعتبروه تشجيع واعتبروه تحميس أو أي شي
لو يوم من الايام جاكم انسان واسطات وقال لكم أعطوني 35000 وبحطكم في وضيفة حكومية محترمة ومضمونة راتبها مايقل عن 5000 طول العمر ويزيد بالعكس بتطلع السالفة امبليش ( بلاش ) يعني الربحان الي دفع 35000 المهم انتو من البداية خشيتو متحمسين للوضيفة وانها صحية وحكومية وفخر للكل على هالشي حتى الفقير ضحى وخش بس عشان مايتعذب طول العمر والحمدلله جانا الأمر الملكي وأعفى الكل من الرسوم دي نعمة حلوة واحنا مادفعنا 5000 فقط واحنا ألحين على باب قرار الصحة في السعودية جديد وتأمينات صحية يعني وضايف الصحة ينرغب لها فوق ما الكل يتصور

ادا جت منهم بصراحة وعطونا مكافأة يكون ألف شكر وجزيل للكل ولو ماصار ترا كلها كم سنة والكل يطبق ويتوضف ويضحك على انه خش بفلوس ويقول الحمدلله

أنا بقول لك خبر بس مش أكيد لكن جاري دراسته/ جميع كليات خذمة المجتمع والكليات الصحية وغيرها من تطبيقية يقولوا بنزلوا للموازي 900 ريال شهريا وانرفع القرار وجاري دراسته وتوقيعه من قبل السمو الملكي

gold star اخ عزيز وغالي والله ولك كل احترام وتقدير بس كلامك يبغى له أدب ولباقة أشوي ترا احنا ماشلنا في خاطرنا على طالب صباحي ولا جبنا سيرته بالسوء انت جالس تهينا صح ههههههههه بس خذها مني كلمة كاش في الميدان ياحميدان مابغى اطولها وياك تدري احنا في موقع ناس أشراف وبين أسرة منتدى محترمة والكل يشيد انه يكون بين هالأسرة لكن خذها مني ترا بين هالناس الموازيين شباب وبنات يسووا طوايف عقول طلاب صباحي أنا اعرف صباحي نسبته 79% في كلية العلوم الصحية بس لأنه أبوه أداري وأنت أفهم الباقي أفهم يافهيم ههههههههههه

ولاتشيلوا هم مكافآت ولكم هم الدراسة والجد لاتنسوا فيه اختبار هيئة تخصصات تنتظر الكل وراح فيها يكون التصنيف ومايفرق عنده لاطالب جامعي ولا كلية ولا معهد أهلي هالاختبار يساوي الكل بالكل والوضيفة للأحسن

أحبكم يالموازي دنا بموت في الكل بس شدو حالكم ومابتلقوا الفرج الا من رب العالمين أرفعوا أيدكم وادعوا وباذنه تعالى منه الاستجابة

أتمنى للجميع النجاح والتوفيق ... :bye:

[جود20]

ههههههههههههههههههه
بصراحة ياجولد ستار انا قاعدة( اترفع)
تعرف شنو اترفع؟؟!! يعني احاول واحاول واحاول ارفع نفسي واكون افضل منك وماارد عليك
واحس اخواني كفوا ووفوا بالرد عليك

بنوتة شقية عزيزة وغالية ياقلبي مشكورة على ردك

tica لاتحرقي اعصابك انتي وبنوتة ولعلمك انتي وياها ان في ناس بالصباحي نسبهم اقل منا
وحتى لوووووووووو كان في ناس اعلى منا خير يعني؟؟!! بيدخلوا الجنة؟؟ ولا مافي حساب وعقاب عليهم!!؟؟
واحنااااااااااااااااا نستااااااااااااااهل كل خيرا(الموازي)<<< ضربات لناس

Medical man
كفييييييييييييييييييييييييت ووفيت وبردت لي قلبي الله يبرد قلبك اخوي
وبقول شي للي يقولوا الموازي مرتاحي
العام كانت عندنا مادة الاناتومي نعتبرها مصيبة طبعا لسنة اولى وتوهم جدد وداخلين عرض بالنص
هههههههه وكانوا الدكاترة يعطونا ملازم لكل محاضرة ماكنا نذاكر من الكتب (طبعا هذا بالترم الاول)
وحتى الصباحي يذاكروا من ملازم بس هم ملازمهم ماتزيد المحاضرة عن 8 اوراق او بالكثير 10 اوراق
وبنجي الحيييييييييين للموازي>>> اذا قلت المحاضرة عن 20 ورقة نقوم نزغرط<<على قولة المصريين

الله يعين
وان شاء الله ياخوي يكون خبرك صحيح
ويعطي كل من رد على موضوعي بذمة وضمير الف و600 و38 عافيه

تحياتي للكل:150: جود20

[طخطوخه]

اقوووووووووول
لاتموتون لاحقين على رزقكم
بتطيرون كلها سنه واشوي وبتتوظفون
لاتصيرون يهاااااااااااال أدرون عن ريال
الصباحي حتى وان نسبهم اقل من نسب الموازي فلحو في اختبار التحصيلي مو مثل غيرهم
مهما وان كانو نسبهم نازله لاتدخلون فيهم
بعدو انفسكم وكفو شركم عن الصباحي
ولان لسانكم طويل ماتستاهلون مكافات

[جود20]

نموت!!!
وليه ان شاء الله
عشانك داخلة موضوعنا عرض!!! يااااااا انتي
وندور على الريال بعد!!! ايش هالتفكير وايش هالمستوى الراقي بالتعبير والكلام!!
احسدك صراحة فنانة بالرد!!!<<< مدري مين البزر ياحلوة صراحة رقي بالكلام
الحين احنا ندافع عن عمرنا مش طولة لسان هذي
وبعدين لين جوا الموازي قالوا لك نبي ريال ياماما
قولي لهم مابعطيكم اوكي حبيبتي!!
وبعدين مين جاب طاري اختبار تحصيلي ومافحلنا فيه ومدري ايش ؟!! اظاهر متعقدة من شي معين مابي اقوله!!
المهم مو هذا موضوعنا احنا قلنا الظروف والحظ ماحالفهم يعني مو امتحان تحصيلي!!
والله ساتر على عباده
وبعدين مين جاب طاريك عشان نبعد نفسنا عنك!!
احنا مانكره الصباحي
بالعكس صاحباتنا وحبايبنا
احنا ننقاش موضوع مكافآتنا مو موضوع حبنا لك او لغيرك ياماما:hahaha_2008:
الله الرزااااااااق ويرزقنا من نعمته:praying:

ومشكورة على ردك الحلو

:119:

[بنوته شقيه]

اقوووووووووول
لاتموتون لاحقين على رزقكم
بتطيرون كلها سنه واشوي وبتتوظفون
لاتصيرون يهاااااااااااال أدرون عن ريال
الصباحي حتى وان نسبهم اقل من نسب الموازي فلحو في اختبار التحصيلي مو مثل غيرهم
مهما وان كانو نسبهم نازله لاتدخلون فيهم
بعدو انفسكم وكفو شركم عن الصباحي
ولان لسانكم طويل ماتستاهلون مكافات

اقول موضوع مالك فيه لاتتدخلي فيه
مين جاب طاري اختبار تحصيلي ولعلمك انا ماقدمت بهالكليه صباحي
رحت اختبرت بالرياض ...بس الدنيا حضوض وارزاق
ترى نتكلم عن مكافئات احنا ..اصحي ياماما
واحنا ندر الريااااااال عيب وش هالكلام
انا ماقدر انزل حالي وارد على هالكلام
اقوول اللي على راسه بطحه يتحسسها
وشوفي مين اللي يتعب اكثر ومين اللي يستاهل
واحنا ماجينا وقلنا انتو ماتستاهلو بالعكس تتهنو فيهم
بس انتو اللي لسانكم طويل وتقولو بنات الموازي مايستاهلو
واحمد ربكم..كان المنحه منكم مو من الملك
ولو دافعنا عن حقنا مااعتقد ان هذا طووله لسان ياحلوه


تحياتي

[MIDNIGHT]

ههههههههههههههههههههههههههههههههههههه

والله في ردودمادري وش تبي..:rolleyes:

صدق من قال الرزاق في السماوالحسادفي الارض..;)

كل واحدداخل لي عرض مايستاهلون مكافئآت ومدري وشوزين ليه عادمايستاهلون:confused: كل ذاخوف على

ميزانية الدوله:p ولاايش..:rolleyes:

اختي ان شاءالله تلقون تجاوب وتحصلون اللي تبون:)

سلام

[tica]

سلام


اول شئ موو انتوا تحددوا ولا ماتحددوا مين يستاهل ومين لأ
واذا على النسب انا نسبتي 89 واصلا ماطلع لي رقم يوم التسجيل
ويكون بعلمكم انا اعرف بنات من الصباحي كانوا معاي بالمدرسه نسبهم الحين تحت الثمانين و داخلين و قبلوهم

واذا على امتحان التحصيلي تررااا الدنيا حظوظ


بعدين احنا هنا مو فاتحينه الموضوع عشان نتهاوش هذا منتدى وا حنا فتحنا الموضوع عشان يوصل صوت الموازي لجامعه المللك
بعدين احنا ماقلنا بناخذ نص نص مكافائكم هالي خفتوا كانهم الحين بيخلونه النص بالنص
و الحمدلله انه الرسوم شالوها ما نعترض و شكرا للملك على هالمنحه

بس دام صرنا تبع الصباحي وش نفرق عنهم




و تحياتي


ولي رجعه مرة ثانيه


ثاانكس

[جود20]

مشكورين عالمرور الطيب
midnight
معاك حق شكلهم خايفين عالميزانية هههههههههههههه

tica انا بعد الحظ رديئ مثلك وماحصلت رقم وانتي عارفة نسبتي زي نسبتك
بس الله الرزاق
وهو قادر يرزقنا

مشكورين حبايبي على تجمعكم واتمنى اصواتنا توصل بصوت عالي لجامعة الملك فيصل
وتوصل لملكنا الحبيب ابو متعب (الله يطول بعمره)

[gold star]

سلام ازيكووو



اول شئ gold star


مو انت الي تحدد احنا نستاهل مكافات ولا لأ
و بعدين لا تعمم


و بعدين انت متاكد انه الموازي هم الي مخربين معاملكم
يمكن من الصباحي

ف تاكد اول بعدين اقعد اتهم


و بعدين هذا ماله دخل هذا في صباحي تعال وشوف وشو يسون في الكليه من خرااب و على كذا يعطوونهم مكافات
فرقت


و بعدين ترا الموازي حالهم من حالكم ماتفرق اللهم بس انتوا تقعدون الصباح و احنا الظهر

في المواد ننضغط
و كل يوم يومين تفتيش

مراقبينا اكثر من بنات الصبااحي




و بعدين احنا مو فاتحينه هنا على اذا احد يستاهل ولا





تحياتي

يا فهيمه دكاترت القسم يشتكون منكم حيل .. وربي انهم مستاين منكم ..وقالوا ان طلاب الموازي هما الي عمل بالمختبر الصيدله كده . الكلام مو مني ... .

> عشان لا اكدب الدكاتره يقولون بقسم الموازي للصيدله فيه اثنين يفهمون . (الجميع فاهم .. ان شاء الله .. )


----------------

ههههههههههههه

السلام للجميع


gold star اخ عزيز وغالي والله ولك كل احترام وتقدير بس كلامك يبغى له أدب ولباقة أشوي ترا احنا ماشلنا في خاطرنا على طالب صباحي ولا جبنا سيرته بالسوء انت جالس تهينا صح ههههههههه بس خذها مني كلمة كاش في الميدان ياحميدان مابغى اطولها وياك تدري احنا في موقع ناس أشراف وبين أسرة منتدى محترمة والكل يشيد انه يكون بين هالأسرة لكن خذها مني ترا بين هالناس الموازيين شباب وبنات يسووا طوايف عقول طلاب صباحي أنا اعرف صباحي نسبته 79% في كلية العلوم الصحية بس لأنه أبوه أداري وأنت أفهم الباقي أفهم يافهيم ههههههههههه


أتمنى للجميع النجاح والتوفيق ... :bye:

حياك خيوه ..
انا مغلط ع احد فيكم .. انا ما زلت متمسك براي انكم ما تستاهلون مكافات ..


--------------------------------


وانتي الي اسمج جود مدري كم اي جود 20 هع .. احترمي نفسك ...

وانتي متملكي رأي الغير فاهمه

تبي الي يدخل موضوعك لازم يساند رايك .. يا فهيمه انتي ما تملكي راي الغير



-------------------------------


بالنهايه انا قلت رايي .. ولا غلط على احد .. وادا فيكم فهم اني غلط بكلامي ... اقولها للجميع


انا اسف ....... .


تحياتي .

[جود20]

يافهيم هذا بكلية البنين
اما احنا البنات ماعندنا الا قسم تمريض عام وقسم قبالة فلا تجي تطبق كلام المختبرات مدري الصيدلة
علينا مو كل شي يصير عندكم طبقته علينا
وانت قلتها بنفسك الدكاترة اشتكوا من طلاب الموازي مو طالبات الموازي وزي ماتشوف احنا بنات
فما اعتقد نطينا بمختبراتكم وصيدلياتكم

_________________________________
وبعدين يااخوي احنا ماطلبنا رايك والملك الله يطول بعمره مابياخذ رايك بتوقيعه موافقته
على مكافآتنا او لا

_______________________________

ايووووووووووووووه انا اسمي جود 20 لاتغلط عالاسم ولا تتمسخر
لان احنا قاعدين نتناقش بموضوع جاد اوكي!!ومحترمة نفسي قبل لااشوفك وقبل تدخل موضوع احنا نناقش في مشكلة
تخص الموازي

وانا مو قاعدة املك راي الغير ومو قاعدة اقول للغير اقتنع بكلامي
الاختلاف بالراي لايفسد بالود قضية
بس اللي عنده كلمة خير يقولها واللي ماعنده ياليت لو يقولها بكل لباقة
مو مثلك يعني انت مارح تستفيد شي ان اخذنا ولا مااخذنا
ليش الانانية والحقد اللي بقلبك وماتبيهم يعطونا
عالعموم احنا رايك مايأثر و لا بأثر فينا
قلتها من قبل وبعيدها وبكررها الللللللللللللله الرزاق مو عبيده
_________________________

مشكور عالاراء القيمة وذات رفع المعنويات الكبيرة

تحياتي

[بنوته شقيه]

مرحبااا

ياجماعه الخير
احنا نتكلم عن موضوع يخصنا احنا الموازي
انا اشكر كل واحد اجى وابدى رايه:064:
بس ماله داعي الهواش خلونا نتكلم بالعقل وبأسلوب راقي
****************

احنا هنا نطالب بمكافئات حالنا حال غيرنا ومااعتقد ان ميزانيه الدوله عجزانه عننا
انا اشكر الملك على المنحه هذي وهو ماقصر وكثر الله خير وطول الله بعمره
واحنا مانعصب اذا جا احد وقال وتكلم براي مو راينا
بالعكس الخلاف لايفسد للود قضيه
بس نكون عقلانين ونتكلم بالمنطق وماظن لو نزلت لنا مكافئات احد بينضر
هذي مو كم شيك بيجيبوه مع شيكاتكم واذا خايفين عالميزانيه
مراااح يصيبها شي ..بس مو تجو وتقولو انتو ماتستهالو واحمدو ربكم عفوكم من الرسوم ومالكم امل
مو حلو هالكلام الله اللي يرزق مو انتو واحنا لو جينا وطالبنا بمكافئات
غرضنا الاول والاساسي هو المساواه مو كم رياااااال
وعيب ان احد يجي ويسخر ويضحك ويقول موازي
ترى احنا بشر حالنا حالكم


تحياتي

[gold star]

وانا مو قاعدة املك راي الغير ومو قاعدة اقول للغير اقتنع بكلامي
الاختلاف بالراي لايفسد بالود قضية
بس اللي عنده كلمة خير يقولها واللي ماعنده ياليت لو يقولها بكل لباقة
مو مثلك يعني انت مارح تستفيد شي ان اخذنا ولا مااخذنا
ليش الانانية والحقد اللي بقلبك وماتبيهم يعطونا
عالعموم احنا رايك مايأثر و لا بأثر فينا
قلتها من قبل وبعيدها وبكررها الللللللللللللله الرزاق مو عبيده
_________________________

مشكور عالاراء القيمة وذات رفع المعنويات الكبيرة

تحياتي

يا اختي انا مو ضارني ادا عطوكم لو ما عطوكم ؟..

انا قلت راي انه بعض طلاب وطالبات الموازي ما يستحقون يجلسون بالكليه (((بعض))) ومن هدا المنطلق اكرر واقول بعض منهم/منهن لا يستحقون مكافئه .

وان شاء يعطونكم عشان لا تقولي عني حقود ...

اختي انا اسف ادا ردي كان يزعل الجميع .. ممكن محد فهمني بس الحمدلله هدا الرد بيفهمكم انا شنو اقصد .

وانا محب اكون مكروه بينكم ...


انتمنى تفهميني من هدا الرد .
تحياتي

[tica]

اول شئ يا gold star

اظن انه من اسلوب الرد البق انه ما تحدد شئ محد معطيك اياهة
و اظن لازم تلزم حدوودك لان محد جبرك و قال لك تعال رد على الموضوع
بعدين احنا الحين ننقاش الموضوع مع الموازي و مع الجامعه مو معك ولا مع الصباحي



وبعدين احنا هنا فاتحين نقاش مو فاتحين موضوع كل واحد يقعد يعيب على اسم ثاني


وعلى العموم
شكرا يا طلاب الصباحي
هذا الي متوقع منكم


تحياتي

[tica]

و بعدين مثل ما بعض الموازي ما يستهلون


ف هناك كثيير كثيير من الصباحي ما يستاهلون مو فوووق 81 رسوب منكم يالصباحي




ثانكس

[جود20]

gold star
مو مشكلة حصل خير والسالفة مو سالفة مو فاهمينك بس الاسلوب شوي اسمح لي كان مش ولابد
واحنا مو داخلين نعادي احد بالاخير كلنا اخوان:119:
واللي كاتبه الله بصير
والله الله ناوي يرزقه بيرزقه من اعلى سماه:s12::praying:
وبالتوفيق للجميع

ومشكورة tica هدي اعصابك وصلي على محمد وال محمد

[Medical man]

يا فهيمه دكاترت القسم يشتكون منكم حيل .. وربي انهم مستاين منكم ..وقالوا ان طلاب الموازي هما الي عمل بالمختبر الصيدله كده . الكلام مو مني ... .

> عشان لا اكدب الدكاتره يقولون بقسم الموازي للصيدله فيه اثنين يفهمون . (الجميع فاهم .. ان شاء الله .. )


----------------



حياك خيوه ..
انا مغلط ع احد فيكم .. انا ما زلت متمسك براي انكم ما تستاهلون مكافات ..


--------------------------------


وانتي الي اسمج جود مدري كم اي جود 20 هع .. احترمي نفسك ...

وانتي متملكي رأي الغير فاهمه

تبي الي يدخل موضوعك لازم يساند رايك .. يا فهيمه انتي ما تملكي راي الغير



-------------------------------


بالنهايه انا قلت رايي .. ولا غلط على احد .. وادا فيكم فهم اني غلط بكلامي ... اقولها للجميع


انا اسف ....... .


تحياتي .




ههههههههههه وش اقول لك يخوك بس زي ماقالوا ترا مو أنت الي تحدد يستاهلوا لو مايستاهلوا اصلا فيه الكثير مو محتاج لهالمكافأة وبس محتاج للشهادة وبعدين أنت طالع في حالك أصلا كلك على بعضك وش تفرق عن باقي الخلق خشم زيادة لو أذون لو عيون زيادة لو مخك أكبر من مخ الباقي بمية جيجا هههههههههههههههههههه
شوف غناتي أنا مابغى أسوي وياك حزازية في المنتدى بس زي ماقلت لك ماتحدد أنت من يحتاج ومن يستاهل ومن مايستاهل وادا على المختبر على قولتك ترا فيه ألف واحد صباحي مابنحدد كليات ولا أقسام ولا اي شي وهم مايدروا وين الله حاطنهم لو مو من قبيلة فلان ماوصل صباحي ههههههههههههه
عموما أنت كفيت ووفيت بس الموضوع زي ماتفضلت الي حاطته أنها فقط ترفع صوتها وصوت شلتها الموازيين للجامعة وتراهم حالك من حالهم حيالله طالب وقدامك المشوار طويل ياخوك عندك اختبار الهيئة ومشاكلك مشاكل كان أول تخلص وتجلس في بيتكم ألحين ساووك بمعاهد أهلية دارسين سنتين ونص هههه يعني يا ابو زيد ماغزيت وبنشوف تالي وش يطلع منكم يالصباحي

سلملم غناتو :bye:

[gold star]

gold star
مو مشكلة حصل خير والسالفة مو سالفة مو فاهمينك بس الاسلوب شوي اسمح لي كان مش ولابد
واحنا مو داخلين نعادي احد بالاخير كلنا اخوان:119:
واللي كاتبه الله بصير
والله الله ناوي يرزقه بيرزقه من اعلى سماه:s12::praying:
وبالتوفيق للجميع

ومشكورة tica هدي اعصابك وصلي على محمد وال محمد

اللهم صلى على محمد والى محمد ...

انا يا جود وtica .. الله يعلم لا متعصب من ناحيه موازي وهدا صباحي ...


وانا اسف ادا ردي الاول كان فيه تجريح ليكم

بس بسبب بعض طلاب الموازي كما نوهت سابقا الي حصل بالقسم .. عصبني اشويه


اكرر اسفي .. اتمنى يوصل اسفي الي كل من اخد بخاطره علي ...

الكريم من يقبل الاسف ..

تحياتي

[gold star]

ههههههههههه وش اقول لك يخوك بس زي ماقالوا ترا مو أنت الي تحدد يستاهلوا لو مايستاهلوا اصلا فيه الكثير مو محتاج لهالمكافأة وبس محتاج للشهادة وبعدين أنت طالع في حالك أصلا كلك على بعضك وش تفرق عن باقي الخلق خشم زيادة لو أذون لو عيون زيادة لو مخك أكبر من مخ الباقي بمية جيجا هههههههههههههههههههه
شوف غناتي أنا مابغى أسوي وياك حزازية في المنتدى بس زي ماقلت لك ماتحدد أنت من يحتاج ومن يستاهل ومن مايستاهل وادا على المختبر على قولتك ترا فيه ألف واحد صباحي مابنحدد كليات ولا أقسام ولا اي شي وهم مايدروا وين الله حاطنهم لو مو من قبيلة فلان ماوصل صباحي ههههههههههههه
عموما أنت كفيت ووفيت بس الموضوع زي ماتفضلت الي حاطته أنها فقط ترفع صوتها وصوت شلتها الموازيين للجامعة وتراهم حالك من حالهم حيالله طالب وقدامك المشوار طويل ياخوك عندك اختبار الهيئة ومشاكلك مشاكل كان أول تخلص وتجلس في بيتكم ألحين ساووك بمعاهد أهلية دارسين سنتين ونص هههه يعني يا ابو زيد ماغزيت وبنشوف تالي وش يطلع منكم يالصباحي

سلملم غناتو :bye:

...

اختبار الهيئه راح اعديه بأذن الله ... واتعديه انت والكل ...

ادا طلاب المعاهد اتعديه .. ما بالك احنا




----------------------------------------------------------------------------------------------------------------------------------

[joking]

هلا اخوي jokinglمشكوووووووور على مرورك
وترى حتى احنا كانوا يقولون لنا صاحباتنا اللي بالصباحي
ان الدكاترة يقولون لهم نفس الشي
بس طالبات الصباحي يقولوا لنا اكيد بتكونوا افضل لانهم متساهلين معاكم ههههههههه مع اني مااشوف تساهل
وترى عن جد كانوا طالبات الموازي شطار لان معظمهم نسبهم عالية بس الحظ ماوافقهم انهم يكونوا
بالصباحي
:praying:يالله ربي يعينكم تنتظروا شهر وشهر وربي يعينا ان احنا ننتظر لين ماربنا يفرجها:119:

العفووو

وانا عندي سؤال بهالمناسبه انا تخصصي مختبر..

ليه اشوف اكثر الاقسام بالمستشفيات وخصوصا المختبر فيها فنيات اكثر من الرجال مع انو مافيه اقسام مختبر بالمملكه كلها الا بكليه وحده ؟؟

[gold star]

على حسب ما سمعته من دكتورنا ..

انه كل فنيات الصيدله والمختبر هدول من خريجات المعاهد


والله اعلم

[جود20]

اشكر كل من تجاوب معاي بهالموضوع
والله يحقق الامنيات يارب:s12:
ودعواتكم لنا
والله يوفق الجميع

[طخطوخه]

لونكم جايين طاقيني ومصفعيني
كان على الاقل قلت عندهم ذوق واحساس ومشاعر
لان الطق والتصفيع ارحم من ردكم

[جود20]

ردنا مقتبس من ردك
واسلوبك وطريقتك ياحبيبتي
على نفسها جنت براقش
اسمحي لي لو ان اسلوبك ذوق من البداية كان مالكل رد عليك هيك
احنا مو جايين هنا نتطاقق جايين نطرح موضوع جاد للنقاش
ونتمنى اصواتنا توصل للفيصل ولملكنا الحبيب ابو متعب:praying:

[طخطوخه]

روحي كتبي خطابك ووقعيه انتي مع البقيه ووصليه للعميد
لان هذا الموضوع ماله غرض هنا

[جود20]

هههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههههههههه
:hahaha_2008:
وربي قالوها(شر البلية مايضحك)
:d5:

[مامينا]

مساكم الله بالخير جميع

وربي يعطيكم العافيه

والله اخواني- اخواتي الموازي على راسنا انتو

وانا طالبه صباحي واشوف اللي يتضايقون منه الموازي

والشيء اللي يضايقهم يضايقني والله

وربي يستاهلون كل خير لأنهم يتعبون مثلنا قعده من الصبح وقعده وخرفه

حالهم من حالنا

واتمنى يتحقق اللي يبغونه


وربي يوفق الجميع ان شاء الله

[بنوته شقيه]

مساكم الله بالخير جميع

وربي يعطيكم العافيه

والله اخواني- اخواتي الموازي على راسنا انتو

وانا طالبه صباحي واشوف اللي يتضايقون منه الموازي

والشيء اللي يضايقهم يضايقني والله

وربي يستاهلون كل خير لأنهم يتعبون مثلنا قعده من الصبح وقعده وخرفه

حالهم من حالنا

واتمنى يتحقق اللي يبغونه


وربي يوفق الجميع ان شاء الله




فديت قلبك يالغاليه ..هذي الناس اللي تبرد القلب
مشكوره خيو
وياريت الكل يوقف معانا مثلك:s12:

تحياتي

[بنوته شقيه]

مرحبا
كيفكم
ابيكم تساعدوني وابي صيغه للخطاب
عشان نرفعه للعميد

بليز ساعدوووني:praying:

تحياتي

[جود20]

مشكوووووووووووورة مامينا على مرورك
يعطيك الف عافيه
دايما واقفة معنا بالسراء والضراء
تسلمي لي وربي يخليك لي