المذاكره من الجهاز ماله وما عليه !!! [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : المذاكره من الجهاز ماله وما عليه !!!

ابونواف السالمي

2012- 9- 9, 11:49 PM

انا ابي اقرأ الملازم من جهاز واقدر اضيف على الملزمه تعليق او ملاحظه
ايهما يحقق لي هذه الخاصيه الايباد ام الجلكسي
ولا مافيه شي من هالكلام فيهم الاثنين

اتمنى من كان يذاكر من الاجهزه يوافينا بخبرته بهالامر
وهل المذاكره من الجهاز متعبه ام لا
لاني هالترم ابي ابعد عن الملازم المصوره

المنصور

2012- 9- 10, 12:00 AM

انا رايي من الملازمه افضل وكلاً ورايه
ماحب الجهاز ابداً بس تحميل ومشاهدة المحاضرات لبعضها فقط

Dr-Computer

2012- 9- 10, 12:02 AM

نصيحه [[ أطبــع ]] أول شــي المقــرر ..!!
بعــدين تــاّبع الشــرح وأكتب كل الاشيـاء المهم الي يقـول عليهــاّ ..!!
راّح تكـون هـذي خطتـي ..!!

وجربهـاّ راّح تجيـب فـل مـارك بأذن الله .. :oao:

مميّز

2012- 9- 10, 12:30 AM

اخوي وين القاء المقررات علشان اطبعها مثل مايقولون الدكاترة ؟؟

Dr-Computer

2012- 9- 10, 12:43 AM

mad77000

2012- 9- 10, 01:02 AM

حمل برنامج Adobe Reader على الايباد وبعد,ها اعمل داون لود عن طريق الاب توب للملخصات والمحتوى , ادخل على الاي تونز وختار التطبيقات بتلقى من ضمنها برنامج Adobe اسفل الشاشه اضف عليه الي حملته , بعد كذا ادخل على البرنامج من الاي باد واختار ملخصاتك وذاكرها واضف تعليقاتك الخاصه كتابه او صوت وتقدر بعد تحط هاي لايت على بعض الجمل , هذي طريقتي في المذاكره ممتاز جدا ومريح, الله يوفقك

عبدالله....

2012- 9- 10, 01:33 AM

حمل برنامج adobe reader على الايباد وبعد,ها اعمل داون لود عن طريق الاب توب للملخصات والمحتوى , ادخل على الاي تونز وختار التطبيقات بتلقى من ضمنها برنامج adobe اسفل الشاشه اضف عليه الي حملته , بعد كذا ادخل على البرنامج من الاي باد واختار ملخصاتك وذاكرها واضف تعليقاتك الخاصه كتابه او صوت وتقدر بعد تحط هاي لايت على بعض الجمل , هذي طريقتي في المذاكره ممتاز جدا ومريح, الله يوفقك

اخوي الله يعطيك العافيه بس عندي استفسار بسيط بعد مادخلت على الايتونز من الاب وين القى التطبيقات الا فيها البرنامج الادوبي ياليت تشرح الطريقه بتفصيل ادق ومشكور مقدما
اخوك عبدالله......

مكافحه

2012- 9- 10, 01:49 AM

:106::106:

فلوريدا

2012- 9- 10, 08:22 AM

moly

2012- 9- 10, 09:10 AM

شوف اخوي انا معاي هالجهاز
http://g-ecx.images-amazon.com/images/G/01/electronics/asus/TF101-A1_android_L.jpghttp://ونظامه زي الجالكسي
واحمل عليه الاسئلة تبع الاستاذ او اسئلة الاختبارات زي كذ يعني واقدر اعدل عليه وفيه برنامج ناسية اسمه المهم تقدر تحط استكر وتكتب عليه >> الاوراق الصغيره الفسفورية عرفتها:biggrin:
وانا ماعتمد على الجهاز 100% بس اذا انت تقدر تذاكر من الجهاز يعني مو كل شوي طالع :biggrin: اشتريه

Pure Lady

2012- 9- 10, 09:46 AM

يـاّغــاّلي تلقـاّهـاّ ..
بعــد مـاّتدخل ع المحــاّظرهـ .. وتبــي تشــوف المحـاظرهـ أو تبي تسمعهـاّ إلـخ ..
قبــل [[ مـاّتضغط ]] تلقـاّهـاّ .. تحـت مكتــوب المحتــوى والله ويوفقــك ..

وأذاّ مـاّعرفت قــولــي أشرحهـاّ لك بالصـور يـاّغاّلي .. :106:

طيب مافيه طريقة احفضها على الايباد بدون ما أطبعها عندي برنامج الادوبي بس ما عرفت استخدمه وانزل المحتوى علية. يعني ابي طريقة افتح النت انزل دايركت على الادوبي من غير طباعه

ياربي راح يومي وانا احوس لا اللي درست ولا حليت. ماغير أدور وللحين مالقيت شي

أنا طلبي بي انزل المحاضرات. واشوفها من غير نت

مافي احد مثلي

2012- 9- 10, 09:47 AM

moli
الجهاز الي عندك مايعلق
ويشغل فيديو

moly

2012- 9- 10, 10:09 AM

moli
الجهاز الي عندك مايعلق
ويشغل فيديو

*لا ابدا مايعلق بيكمل السنة معاي وماشي تمام ولا ترتفع حرارته مثل الجالكسي ولا شيء بس عيبه الوحيد اللي ماعجبني انو وزنه اثقل من الايباد والجالكسي بس مع الايام بتتعود عليه ويجي معاه كيبورد يفك ويتركب يعني 2 في 1

*ايه يشغل كل اللي تبيه :biggrin: فيديو محاضرات الجامعة يوتيوب كل شيء
اذا تبي اشغل المحاضرة منه واوريك كيف ماعندي مشكلة

هذي صفحة الجهاز من الموقع نفسه
http://www.asus.com/Eee/Eee_Pad/Eee_Pad_Transformer_TF101/

الجوووود

2012- 9- 10, 10:26 AM

اختى مولى يعنى احصل المحاضرات فية والملخصات من دون نت ؟؟؟

mad77000

2012- 9- 10, 10:38 AM

اخوي الله يعطيك العافيه بس عندي استفسار بسيط بعد مادخلت على الايتونز من الاب وين القى التطبيقات الا فيها البرنامج الادوبي ياليت تشرح الطريقه بتفصيل ادق ومشكور مقدما
اخوك عبدالله......

صباح الخير

نزل البرنامج على الايباد فقط , بعد ما تنزله وتحوس فيه شوي وتتعرف عليه , اذهب الى الاب توب واشبك الايباد وادخل على الايتونز , بعد كذا حاول تضيف الملخصات الي عندك على الاب توب في الايباد حقك , اذا ما تعرف تضيف ملفات على الايباد من الاب توب انا مقدر افيدك , شكرا

Pure Lady

2012- 9- 10, 02:09 PM

اشدعوه محد رد علي فوق :Cry111:

lole..

2012- 9- 10, 02:31 PM

انا اشوف من الجهاز افضل
وبيصر كل شي مرتب بعيد عن الاوراق والحوسه
انا ذاكرت اول محاضرة من الايباد .. واي شي اضافي قاله الدكتور سجلته بدفتر
وهذا برنامج لو تبي تضيف ملاحظات او تعليق على المحتوى او الملخص
اسمه GoodNotes

ابونواف السالمي

2012- 9- 10, 11:15 PM

شوف اخوي انا معاي هالجهاز
http://g-ecx.images-amazon.com/images/g/01/electronics/asus/tf101-a1_android_l.jpghttp://ونظامه زي الجالكسي
واحمل عليه الاسئلة تبع الاستاذ او اسئلة الاختبارات زي كذ يعني واقدر اعدل عليه وفيه برنامج ناسية اسمه المهم تقدر تحط استكر وتكتب عليه >> الاوراق الصغيره الفسفورية عرفتها:biggrin:
وانا ماعتمد على الجهاز 100% بس اذا انت تقدر تذاكر من الجهاز يعني مو كل شوي طالع :biggrin: اشتريه

هلابك اختي
كلامك بصراحه شجعني اشري الجهاز اللي تقولين
ابي معلومات عنه
سعة الذاكره وهل يشتغل على الفور جي والثري جي والوايف وهل يدعم الغه العربيه
وكم سعره ومن وين احصله وايش فرقه عن الايباد وبرامجه
اسئله كثيره لكن ربي يجزاك الجنه

ريم 2012

2012- 9- 10, 11:52 PM

بالله لو سمحتو انا ماتفتح عندي بعض المحاضرات ايش السبب؟ :g2:

مسافر نت

2012- 9- 11, 05:36 AM

بديت انخرع من سوالفكم لسه مابدت الدراسه تو المحاضرات التمهيديه نزلت وتقولون مذاكره شالسالفه يالربع وبعدين نبى نذاكر من ملخص واحد مانبى نتشتت مافيه ملخص للاختبارات يغنينا عن المذاكره يعنى نذاكره ونختبر ونخلص:58545:

moly

2012- 9- 11, 12:12 PM

هلابك اختي
كلامك بصراحه شجعني اشري الجهاز اللي تقولين
ابي معلومات عنه
سعة الذاكره وهل يشتغل على الفور جي والثري جي والوايف وهل يدعم الغه العربيه
وكم سعره ومن وين احصله وايش فرقه عن الايباد وبرامجه
اسئله كثيره لكن ربي يجزاك الجنه

* روح لجرير وجرب الجهاز بنفسك واستخدمه وبعدها قرر :10111: + شوفه باليوتيوب هذا اسمه Eee Pad Transformer + فيه تجمع بالبوابة الرقمية لملاك الجهاز ادخل شوف اقرا التعلقيات عشان ياتقتنع اكثر او تغير رايك :biggrin:
فيه انواع كثير زي نظام الجالكسي الاندرويد فيه توشيبا وفيه سوني وفيه اسوس :004: وفيه السامسونج بس ما انصح بالسامسونج لانه يحتر بسسرعة مدري ليه ! :000:

* معلومات :
1 / نظامة اندرويد ( الجهاز اشتريته ونوع النظام قرص العسل بعد فترة نزل تحديث الايسكريم ساندوتش )عاد مادري انت بيطلع لك اي نظام !
2 / شاشته 10 انش ( زي حجم الايباد بس هو اطول من الايباد والايباد اعرض منه يعني حقي نحيف وطويل والايباد دب وقصير وكلهم 10 انش بس تفاصيل الشاشة نختلف:biggrin: )
3 / وزنه اثقل من الايباد
4 / فيه احجام للجهاز انا اخذت 32 قيقا
5 / فيه واي فاي لحاله وفيه جي ثري + واي فاي ( انا لما اشتريته ماكان موجود الثري جي واخذت واي فاي ) الفور جي مادري !
6 / المداخل الكيبورد فيه مداخل والشاشة فيها
#الشاشة : فيها مدخل سماعات + شاحن + مدخل لذاكره الصغيرة ( زي حقت الجوال ) + فتحه للوصلة
# الكيبورد حقي بالكرتون ما استخدمه الا اذا ابدخل مومري الكاميرا شوف الصورة هذي فيها المداخل
http://www.asus.com/websites/global/products/gHh4q7I8dvWJzhdV/EeePad_Transformer_Dock.jpg
7 / الميزة الحلوه انو الجهاز يجلس 16 ساعة ! ( اذا كنت شابك الكيبورد في الشاشة وكلها شحنها 100 يجلس معاك يشتغل متواصل 16 !
8 / الميزة الاحلى انك اذا كنت تستخدم الشاشة لحالها وطفت مافيها شحن وماعندك شاحن ومعاك الكيبورد مشحون اشبكه وتلقائيا الشحن بيروح للشاشة

9 / تحصلة بجرير او تطلبه من الموقع انا اخذته من عند جرير

10 / سعره ( شاشة + كيبورد ) 2300 >> انا اخذته بهالسعر اكيد الان رخص فيه بعض المواقع بالنت تبيع لك الشاشة لحالها والكيبورد لحال

11 / الفرق عن الايباد : النظام الاسوس اندرويد والايباد له نظامه اغلب البرامج تبع الايباد تلاقيها موجوده بالماركت وايضا فيه العاب احمله عندي بالاسوس وماحصلها بالايباد والعكس صحيح بعض الالعاب تكون موجوده عند الايباد بس يعني على حسب المبرمج نفسه بعض المبرمجين ماينزلون العابهم على النظامين وبعضهم ينزلها هنا وهنا

كاني كثرت كلام :Looking_anim:
المهم دعوآتك لي الله يفرج همي وييسر امري ويحقق امنيتي :biggrin:

moly

2012- 9- 11, 12:28 PM

اختى مولى يعنى احصل المحاضرات فية والملخصات من دون نت ؟؟؟

* البلاك بورد لا طبعا لازم نت ( مادري اذا فيه برنامج صوتي يعني نحمل المحاضرة ويشتغل بدون نت ! ابسال وارد لك :biggrin: بس ذكريني بعد يوومين :Looking_anim: ) اما موقع البلاك بورد نفسه لازم نت
* الملخص ( المحاضرة المكتوبة ) ايه بدون نت انا اذا جيت اذاكر اطفي النت عشان ما اطلع واشوف اشياء ثانية :biggrin: ،، اذا حملتي الملخص بتلاقينها بالمكتبة وفي برنامج الاوفيس وكلها تشتغل بدون نت

moly

2012- 9- 11, 12:30 PM

على فكره :biggrin:
انا اخذ الجهاز معاي بالمركز ما اخذ الاوراق
وانا الوحيده اللي معاها هالجهاز :Looking_anim:
الاغلب لابتوب وايباد :139:

moly

2012- 9- 11, 12:41 PM

** ابراء للذمة
اذا اشتريت الجهاز لاتحل المناقشات منه حلها من الابتوب
انا حليتها وماوضح الكلام ! طلع لي خرابيط :biggrin:
مادري ليه ! اما مناقشات الانجليزي تمام طالعه بس العربي لا الا اذا كتبتها بنفسك اما اذا نسختها ماينفع

الجهاز ينفع تحميل الملازم + استماع للمحاضرة + حل الواجب ،، المناقشات لا ماينفع الا اذا كتبتها كتابة مو نسخ حلها من الابتوب اريح:biggrin: :rose: