تجربة المستويات المتقدمه بالدراسه عن بعد

[أفا يا قلب]

مرحبا
حابة استفسر من المستويات المتقدم كيف كان معاكم مستوى أول.. بصراحه انا ماعندي وقت افتح محاضرة الدكتور حملت الي نزلو بس افتح واسمع ومع الدوام وارجع متأخر احس ماكو وقت

بتفيدني!!؟ ولا تكفي احمل شرح المحاضره واذاكرها.. طبعا مقرره اقرى المحاضرات أول بأول
بروح اطبعها هالشهر ان شاء الله وارتبها عندي علشان اكون جاهزه ولا احوس نفسي بالنهايه

ماأبغا اتشتت او اني ماأشوفها واتحسف

رأيكم يهمني:g2:

[Confident Step]

حياك الله برحاب جامعتنا :004:
انا ماذكر اني فتحت ولا محاضره :mh35:

ماعدا المستوى الأول الإنجليزيه العامه والمستوى الثاني الاحصاء لأن يبيلهم شرح
اما الباقي تكفي الملازم :119:
وطبعا تحميل المحاضرات ضروووري جدا لو ماسمعتها بمجرد تحملينها تحسب لك الدرجه..
لاتشيلين هم الله ييسرها :oao:

[مكافحه]

فى مواد لازم تفتحين المحاضره:rose:مثل مواد الفهم النحو الاحصاء الانجليزى
مواد يكفى انك ذاكرين من الملازم :rose::rose::موفقه

[بوح نبضي]

اممممم فيةة مواد فتحتيها او مافتحتيها ماراح تقدرين تستووعبينها مثل مادة مبادئ الادارة اول محاضرة سمعتها بس وحرمت افتحها ثانيةة..

النحو لازم تفتحينه عشان تفهمين..

العقيدة الاسلامية مايحتاج ابداًً يكفي الملزمةة .

مهارات التعلم والتفكير جميييل جداً تستفيدين منة يتطرق لعدة موواضيع احسها افادتني ..
الصحة واللياقة برضوا مفيد كانه برنامج عن الصحة:biggrin: وعادي اذا مافتحتية..
الانقلش لاني مافهم فيه حاجة مافتحت ابداً..

الزبدة انتي شوفي الملازم وبتعرفين اللي يحتاج فهم وكذا واللي بس حفظ وانتي ماشيةة..

ربي يعيينك ويووفقك:106:

[طموح فتاه]

من رأيي مشاهدة المحاضره مهمه جداً لتركيز المعلومات ,, حتى لوذاكرتي الملازم أول بأول ,, اعتقد الوقت اللي بتاخذيه لمشااهدة المحاضرات أقل من الوقت اللي بتحتاجينه لمذاكره وفهم وحفظ المحاضره وانتي موشايفتها يعني مشاهدة المحاضره يسهل عليك المذاكره وتفهمي افضل وتركز المعلومه ولا كيف بتحسي انك تدرسي ,, عمري ماطنشت محاضرات ,, في نظري مشاهدة المحاضرات أول بأول اهم من المذاكره من الملخصات ,, لأن اساسا فيه اشياء الدكتور ينبه عليها ويقول عنها مهمه
وخصوصاً الانجليزي انتي محتاجه تشوفين المحاضرات حتى يتطور مستواك وتستفيدي للمستويات الجايه
من درست للحين ماطنشت محاضرات ماعدا مبادئ الإدارة احس مشاهدة المحاضره تضيييييع زياده غير كذا الماده ماحبيتها شفت 5 محاضرات من 14 محاضره

[❤ Ρąŧćħį ..}]

-

ححيآإككَ الله :004:
بآلنسبه لي ماأذكر اني فتحت محاضره وتابعتهآ لين النهآية لأن كل اللي يقوله موجود بالملخص ليه اضيع وقتي
فقط يوم كنت بالمستوى الاول
شفت محاضرات الانجليزي ككآملة لأني ميح بآلآنجليزي لازم أحد يشرحه لي :oao:,,وغير ككذا اكتفي بالملخصات اللي آخذهآ

وكل شخص له طريقه للمذآكره,اذا مَ عندكك وقت تتابعين حمليها عشان تحتسب لك الدرجه وذاكري من الملازم لان مَ بيجي شي من برى

وبآلتوفيق لك وللجميع ان شآء الله
:106::106:

[aboody29]

وش المقصود ب الملزمه ؟ و كيف احملها

[بوح نبضي]

الملزمة هي نفس المحتوئ بس بطريقة مرتبة ومنظمة وتفتح النفس ..

ممكن تتحمل من هنا ف المنتدئ او من اي مكتبة عندها ملازم جامعتنا..

[أفا يا قلب]

الله يسعد قلوبكم على هالردود الي تفتح النفس
عن نفسي لما فتحت الملازم ماحسيت فيها لخبطه وحوسه زي حوسة الكتب ولا فيها كلام دش
ابطبعها واقراها احفظها أول بأول ان شاء الله:g2:

[أخيراً قررت]

طيب كيف نحصل الملازم ؟؟

[tn toon]

وعليكم السلام ورحمه الله

اختي في مواد تكون محتاجه تسمعين محاضرات
لان يبغالها شرح وكذا مثل الاحصاء
والبعض يسمع محاضرات عشان ترسخ المعلومه

وانتي وراحتك بعض الشرايح ماتكون كافيه فتحتاج جنبها للمحاضره
واذا محاضراتكم ماتغيرت والدكتور ماتغير
بعض الاخوان بالمنتدى منزل ملخص للمحاضرات المسجله

وبالتوفيق يارب لك ولنا

[thamer1415]

السلام عليكم
وين احصل الملازم هل ترسل بواسطة البريد

[❤ Ρąŧćħį ..}]

السلام عليكم
وين احصل الملازم هل ترسل بواسطة البريد

-

وعليكم السلآم ورحمة الله وبركآته

الملآزم تلآقيهآ بآلمكتبه اذا انت باآلرياض شوف مكتبه تميم موجوده الملخصآت
وهنآ مووضع كآمل لجميع المكتبات المتوفره فيهآ



http://www.ckfu.org/vb/t240281.html
بآلتوفيق يَ رب
:106:

[هيا العبدالله]

انا مع اختي طموح فتاة ,, لازم تشوفين المحاضرة علشان تقدرين تفهمين اللي تذاكرينه ,, وانتي شوفي اذا بتقدرين تذاكرين بدون مااحد يشرح لك فلاتفتحين المحاضرات وتضيعين وقتك عالفاضي ,,,

الله يوفقك يااارب ,,:106::004:

[شهد المدينه]

الله يوفقنا جميعا

[احمد الدمام]

الصدق ان فيه مواد كانت ترفع اوم الضغط عندي من الملل الي فيها

مثل المواد الي يجي الدكتور يقرا هذا على طول اسحب عليه واذاكر من الملخصات لانه قاعد يقراها وش استفيد

بس فيه مواد مثل الانجليزي بالمستوى الاول استفدت منه كثير عمار المعاني

[شموخ22]

يارب سهلها علينا
حابه اعرف الاختبارات سهله والا صعبه
احس اسإلة المانقشه من يجيبها بين الاسطر
:139::139::139::139::139:

[أفا يا قلب]

اسئلة الاختبارات كلها اختياري
الله يوفق كل من رد على موضوعي:004::004::004: