طريقة السداد من مباشر / مصرف الانماء + مصرف الراجحي ,الوثائق المطلوبه

[دنيا الغموض]

السلام عليكم ورحمة الله

هالموضوع للي مايقدرون كل شوي يروحون للصرافه وايداع وتحويل
حنا البيت كله متعود ع مباشر الافراد بالنت
طبعا انا بنظري اسهل واريح بكثير من انو اروح للصرافه واحول

المهم انا راح احط الطريقه بالتفصيل
والتحويل بالمصرفين مشابهه لكن بالراجحي اسهل
وضحت التعليمات والنقاط باللون الاحمر


نبدا بمصرف الانماء وطريقة السداد

http://www.up-king.com/almaciat/3skfbaykcxc73gl03jrq.jpg (http://www.up-king.com/)


آو شيء نضغط ع الفواتير


http://www.up-king.com/almaciat/rogpw2dv5ol40bu7hrd7.jpg (http://www.up-king.com/)


بعدها التسديد لمره واحده
وراح تطلع الخانات فاضيه راح نعبيها مثل ماهو موضح بالخطوه التاليه



http://www.up-king.com/almaciat/vqsp9h3wt9a6jvge8ye0.jpg (http://www.up-king.com/)



هنا عبينا الخانات واظن كل شيء واضح

ونضغط ع مبلغ الفاتوره



http://www.up-king.com/almaciat/jlpiwflzchup2s9axp56.jpg (http://www.up-king.com/)


راح يطلع المبلغ تلقآآئي
نضغط ع التالي



http://www.up-king.com/almaciat/920a6fwhauby40q9gtsb.jpg (http://www.up-king.com/)


هنا تآكيد للمعلومات نضغط التالي


http://www.up-king.com/almaciat/m6p1scnrpv7dgncdqu82.jpg (http://www.up-king.com/)


راح يوسل مسج فيه الرقم السري لاتمام العمليه والتأكيد ع الجوال المسجل بالمصرف
نكتب الرقم وبعده تآكيد



http://www.up-king.com/almaciat/s19jqz1yye1sf0oxbre8.jpg (http://www.up-king.com/)



هنا تم التحويل مابقى الا نطبع الوصل للسداد




http://www.up-king.com/almaciat/ib8a5hz8ibset5sazwcq.jpg (http://www.up-king.com/)



هنا امر الطباعه



http://www.up-king.com/almaciat/9r2r72rxj37tz1mylvkw.jpg (http://www.up-king.com/)




هنا الطباعه
http://www.up-king.com/almaciat/tyoilgiwz79272915rfp.jpg (http://www.up-king.com/)


هنا طبعناها ولحد يعلق يقول ماماتوا اهل النوكيا:Looking_anim:

ترى عندي اثنين غيره>>بشري امتس:bawling::biggrin:


برب تكميل

[دنيا الغموض]

الحين نجي للتحويل بالراجحي
طبعا مافيه فرق كثير عن الانماء لكن اسهل

http://www.up-king.com/almaciat/f754snnd7y9zia4s9zw6.jpg (http://www.up-king.com/)

هنا الرئيسيه نروح نضغط من القائمه جنب سداد فواتير




http://www.up-king.com/almaciat/ob7g7c9amb6qwhi3hacc.jpg (http://www.up-king.com/)


بعد السداد راح نختار اضافة فاتوره جديده ونختار مثل ماراح اوضح بالخطوه الجايه



http://www.up-king.com/almaciat/o3iuqkciya9bzdgbxebe.jpg (http://www.up-king.com/)


هنا عبيناها نروح نضغط تآكككيد


http://www.up-king.com/almaciat/mhb05bibgugg3z55dp13.jpg (http://www.up-king.com/)


المبلغ 0 خخخخخخخخخخخخخخ:Looking_anim:
لاني سددتها بمصرف الانماء ولا لو ماسددتها كان طلعت 2485
الوصف مولازم
نسوي حفظ



http://www.up-king.com/almaciat/kub7rnzns915vea0wtd9.jpg (http://www.up-king.com/)



بعدها نسوي تآكيد وراح يجي مسج نفس مصرف الانماء
وندخله ونسوي تآكيد
ونضبط نفس خطوات مصرف الانماء بالضبببببببببطط

كذا خلصنا السداد مو؟؟




طيب المطلوب من الوثائق


للبنات
الشهاده طبق الاصل
صورة بطاقة العائله
نموذج البريد

وصل السداد مولازم لكن الافضل نسوي نسختين وحده ندزها والثانيه عندنا للاحتياط


الطلاب زياده
صورة بطاقة الاحوال
وصوره مقاس 6في4


ولغير السعوديين زياده صورة من الاقامه




هنا صوره فيها الوثائق حقتي
شهادتي+نموذج البريد+وصل السداد+صورة بطاقة العائله
http://www.up-king.com/almaciat/a1lnhykyybgy76o3qkxn.jpg (http://www.up-king.com/)


وبسسسس

اتمنى يكون الشرح واضح

وبالتوفيق للجميع يارب:106:

[قـورجـس ♛]

وآضح جدًا

ما قصرت .. بالتوفيق يارب

[دنيا الغموض]

وآضح جدًا

ما قصرت .. بالتوفيق يارب


ماعليتس زود فديت روحتس
وربي يوفق الجميع تلسمين:106:

[مــرــريــم]

ماقصرتي يعطيك العافيه

[سارا السالم]

شلون ارسل الوثائق بالبريد

[دنيا الغموض]

ماقصرتي يعطيك العافيه

ماعليتس زود ربي يعافيتس

[دنيا الغموض]

شلون ارسل الوثائق بالبريد


تروحين اقرب فرع للبريد السعودي
قولي لهم ابي ارسل الوثائق على جامعة الملك فيصل بالبريد الممتاز
وعطيهم المستند اللي طبعتيه حق البريد
هو راح يقصه من النص

وهذا عنوان الجامعه
http://www.kfu.edu.sa/ar/Deans/elearning/Pages/contacts.aspx

بالتوفيق:106:

[الكويتي 1]

بارك الله فيج وماقصرتي

شرح كافي ووافي

[سارا السالم]

مايطلب رقم صندوق بريد الجامعة ؟

[دنيا الغموض]

بارك الله فيج وماقصرتي

شرح كافي ووافي
الله يبارك فيك ماعليك زود
وتسلم اخوي:106:

[دنيا الغموض]

مايطلب رقم صندوق بريد الجامعة ؟

صندوق البريد اظن موضح بالرابط اللي حطيته
اذا طلبوه اعطيهم اياه
الأحساء 31982
ص.ب 400

[سارا السالم]

الله يسعدكِ ويوفقكِ يا قمر :004:+ :rose::rose::rose:

[ابونايف-اجتماع]

يعطيكي العافيه

[دنيا الغموض]

الله يسعدكِ ويوفقكِ يا قمر :004:+ :rose::rose::rose:
ويسعدتس دنيا واخره
اللهم امين وياتس:106:

[دنيا الغموض]

يعطيكي العافيه
الله يعافيك اخوي:106:

[دنيا الغموض]

:106:

[ميرال1433]

مشكوره على الموضوع
بس حبيت اسال أنا بطاقتي البلاد
عادي أسجل من الأنماء

[دنيا الغموض]

مشكوره على الموضوع
بس حبيت اسال أنا بطاقتي البلاد
عادي أسجل من الأنماء
العفو
لا ياحبيبتي كل مصرف له موقعه ومباشر
وكلهم الطرق مشابهه
وكلهم فيهم سداد

بالتوفيق:106:

[دنيا الغموض]

:biggrin:

[سبونج بوب]

عندي سؤالين ثلاثه :26:
بالنسبه للاول عن الشهاده :33:
هل اسلمهم شهادتي الاصليه الاصليه ولا طبق الاصل المطبوعه ؟؟؟؟؟؟؟؟؟؟
الثاني ::17:

ماهو رقم الطالب ؟؟ هل هو الرقم الجامعه ؟؟؟
السؤال الثالث في خانه الحساب في بنك الانما شنو الرقم الي نكتبه هل هو رقم الايبان للبنك ولا ؟؟؟
وشكرا لكم والله يوفقكم :16:

[ميلاد دمعي]

اختي ممكن طريقه التسجيل في موقع بنك الراجحي في الانترنت خطوه بخطوه

[رهام الغلا]

ماشاءالله ماقصرتي ربي يوفقك ..

التحويل بس من الراجحي والانماء
مايصير من بنك ثاني

[العسجديه]

هذا التسديد من مباشر الافراد طيب من الصرافه كيف ؟
تراني عليميه فالامور البنكيه حدي اسحب واستعلم عن رصيد :5:
وش احط اسم المفوتر والخرابيط هذي >>لحسه مخ من جد:24:
ورقمي السري اللي سجلت فيه ناسيته >>ماامداك :40: وش الدبره ؟
شوري دنيا الغموض تحملي غثاثتي ولك الاجر :13::1:

[دنيا الغموض]

عندي سؤالين ثلاثه :26:
بالنسبه للاول عن الشهاده :33:
هل اسلمهم شهادتي الاصليه الاصليه ولا طبق الاصل المطبوعه ؟؟؟؟؟؟؟؟؟؟
الثاني ::17:

ماهو رقم الطالب ؟؟ هل هو الرقم الجامعه ؟؟؟
السؤال الثالث في خانه الحساب في بنك الانما شنو الرقم الي نكتبه هل هو رقم الايبان للبنك ولا ؟؟؟
وشكرا لكم والله يوفقكم :16:

لازم الاصليه الاصليه

الرقم الجامعي اللي تلاقينه بوصل الارسال حق البريد

ياليت توضحين هل عن طريق المباشر او الصرافه؟؟
وفيه خانتين
خانه تحطين فيها رقمتس الجامعي

وخانع تحطين فيها رمز الجامعه
هذا اذا من الصرافه

[دنيا الغموض]

اختي ممكن طريقه التسجيل في موقع بنك الراجحي في الانترنت خطوه بخطوه
ابشر
بس احتري علي شوي

[دنيا الغموض]

ماشاءالله ماقصرتي ربي يوفقك ..

التحويل بس من الراجحي والانماء
مايصير من بنك ثاني
ماعليتس زود ياقلبي
لا حياتي كل البنوك تدعم
والطريقه متشابهه
ويوفقتس دنيا وآخره:16:

وهذا الرياض
http://www.ckfu.org/vb/t365047.html

[دنيا الغموض]

هذا التسديد من مباشر الافراد طيب من الصرافه كيف ؟
تراني عليميه فالامور البنكيه حدي اسحب واستعلم عن رصيد :5:
وش احط اسم المفوتر والخرابيط هذي >>لحسه مخ من جد:24:
ورقمي السري اللي سجلت فيه ناسيته >>ماامداك :40: وش الدبره ؟
شوري دنيا الغموض تحملي غثاثتي ولك الاجر :13::1:
طيب ابشري

http://apps.kfu.edu.sa/admission1433/adm_userPass.asp

http://www.kfu.edu.sa/ar/pages/newupdate.aspx


والصرافه شوفي

هذي الراجحي
http://www.ckfu.org/vb/t274525.html

وهذي الرياض
http://www.ckfu.org/vb/t284076.html

[دنيا الغموض]

اختي ممكن طريقه التسجيل في موقع بنك الراجحي في الانترنت خطوه بخطوه


شوف اخوي اول شيء لازم تفعل رقم جوالك
عشان تدخل حسابك بالراجحي قبل كان التفعيل بالصرافه
الحين لازم تروح لفرع لهم

بصراحه اخيس تعامل الراجحي
:23:


المهم الحين الشرح

تدخل هذي الصفحه حقة التسجيل
https://www.almubasher.com.sa/registration/logon.do

موجود الشرح فيها بالصور

اول واحد تكتب رقم الحساب اللي ع بطاقة الصراف

ثاني شيء تكتب رقمك السري حق الصراف اللي من 4 ارقام

ثالث شيء حساب البنك واكيد انك تعرفه تدخله وموجود بالصور يعني ما اظن يبيله شرح اكثرر

ماقدرت اشرح لآن بطاقتي مسجله من آول


لكن ركز معي بشغله

الرقم السري لازم يكون ارقام وحروف وماتحط حرف او رقم متشابه جنب بعض

مثلا انا
haya123

الرقم السري لازم حروف وارقام
ولازم اول حرف كبيتل caps lock
والباقي سمول مثلا تكتب اسمك انجلش اول حرف كبيتل والباقي سمول لازم
وتكتب مثلا وراه رقم جواله او بيتكم او اي رقم

>>محد كاتب اسمه ورقم بيتهم:42:


وبسسسس

وتقدر تخلي موظف يسجل لك اياه

لكن حاليا موقفه الخدمه لي بعد بكره

واعقد بنك واخيس بنك مع احترامي الراجحي

[يولـآند !]

شرَح ولـآ آحلىَ ..

حآولت آسدد من سَآمبـآإ ..
يطلع لي #
الفاتورة غير معرفة في نظام سداد

معناتههَ لـآزم من صرآفههَ !!
آو معنآتههَ لـآزم بنكـ ثآنيَ :31:

مشكورهه مرههَ '

[Maryam-m]

مشكورة. كفيتي. ووفيتي

ربى يرزقك الجنة :16:

[دنيا الغموض]

شرَح ولـآ آحلىَ ..

حآولت آسدد من سَآمبـآإ ..
يطلع لي #
الفاتورة غير معرفة في نظام سداد

معناتههَ لـآزم من صرآفههَ !!
آو معنآتههَ لـآزم بنكـ ثآنيَ :31:

مشكورهه مرههَ '




لا حبيبتي انا صارت معي يوم رحت اسوي دفع فاتوره بالانماء
بعدها يوم جربت سداد لمره واحدة ضبط

http://www.up-king.com/almaciat/vqsp9h3wt9a6jvge8ye0.jpg




وما ادري شلون الطريقة بالضبط بسامبا لآن مامعي حساب فيه ولا كان شرحت لتس يالغاليه

:16:

[يولـآند !]

فديت روحتس ، آدري مآ تقصريـن '
ماكوُ سداد مرة واحدةة في سآمبآ ..
http://up.arab-x.com/May12/VXW27472.png
ضغطت تسديد فواتير ;
اخترت ;
الخدمات التعليميةةة ;
طلع لي جامعة الملك فيصل
لكن لما جيت اسدد طلع لي اللي قلت لكـ
كنت متحمسَة بسوي شرح زيتس <~ هههههههههه

مو مشكلههَ قلبوشآ ،
بس حبيت أوريَكـ اللي يطلَع في سآمبَـآإ ;
:106:

[دنيا الغموض]

فديت روحتس ، آدري مآ تقصريـن '
ماكوُ سداد مرة واحدةة في سآمبآ ..
http://up.arab-x.com/may12/vxw27472.png
ضغطت تسديد فواتير ;
اخترت ;
الخدمات التعليميةةة ;
طلع لي جامعة الملك فيصل
لكن لما جيت اسدد طلع لي اللي قلت لكـ
كنت متحمسَة بسوي شرح زيتس <~ هههههههههه

مو مشكلههَ قلبوشآ ،
بس حبيت أوريَكـ اللي يطلَع في سآمبَـآإ ;
:106:



لبى كلتس ايه ترى السداد عندهم حاليا موشغال عرفتي
عشان كذا موضابط معتس سويه بوقت ثاني

انا كنت ابنزل اليوم للبلاد والراجحي والاهلي بعد ماتغيرت شكل الانظمة بالموقع حقهم
لكن اتصالي زي الزفت:23:

الله يعين بسس:16:

[sodloo3h]

سؤال الله يعطيكم العافية و آبي رد سريع الحين آنا من جامعة الدمام و أبي أدفع حق اللوكر بس مايطلع في الخيارات إلا جامعة الملك فيصل أنا آبي الدمام
*سؤالي كيف أطلع جامعة الدمام؟!

آرجو المساعدة :16:

[دنيا الغموض]

من اي مصرف بارك الله فيتس
عشان ادخل وآشوف
ﻵني مدري اذا يطلع وﻻﻻ

[sodloo3h]

الانماء :29:

[sodloo3h]

من اي مصرف بارك الله فيتس
عشان ادخل وآشوف
ﻵني مدري اذا يطلع وﻻﻻ

الانماء :29:

[دنيا الغموض]

الانماء :29:


حبيبتي جامعة الدمام ماطلعت معي لا بالانماء ولا الراجحي
آسفه وربي كنت حابه افيدتس بهالشيء:22::18:

[sodloo3h]

حبيبتي جامعة الدمام ماطلعت معي لا بالانماء ولا الراجحي
آسفه وربي كنت حابه افيدتس بهالشيء:22::18:

شكرا جزيلا :16:

[زمن الذكريات]

جزاك الله خير اختي دنياء على التذكير

وتم تسديد عن طريق بنك فرنسي

الله يوفقك

[دنيا الغموض]

جزاك الله خير اختي دنياء على التذكير

وتم تسديد عن طريق بنك فرنسي

الله يوفقك
ويجزاك جنته ويوفقكك:16: