إيقاف التدريب لطلاب الاكاديمية بالهلال الاحمر

[نايف الرشيدي]

السلام عليكم ورحمة الله وبركاته

يسعد لي مسائكم

زملائي طلاب طب طوارى ( امتياز ) في جميع مدن المملكه ..
انا احد طلاب الاكاديميه بحائل .. وبختصار شديد .. صار معنا موقف وهو اثناء تدريبنا بالهلال الاحمر .. وبعد مضي شهر على التدريب تم ايقافنا من التدريب لاسباب مجهوله .. وعند استفسارنا لمشرف التدريب بالهلال الاحمر . قال ( والله ماعرف وش السبب بس القرار بين ادارة الاكاديمية وإدارة الهلال الاحمر بالرياض )
بعد كذا اتجهت للاكاديمية بحائل وقالو ( والله ماعندنا خبر لكن تعالوو بعد يومين راح نستفسر من الادارة بالرياض ونرد لكم ) راحت يومين وثلاثه واربعه .. وصار لنا الان 10 ايام .. وكل ماسالنا قالو والله ماندري بس المشكله بين الادارتين بالرياض .. عندها ..قمت بالاتصال على ادارة الاكاديمية بالرياض .. وللاسف يتم حويلي من قبل موظفات السنترال إلى المشرف الرئيسي على تدريب الطلبه .. ولكن للاسف لايرد على الاتصالات .. عندها طلبت من موظفة السنترال بتحويلي على اي شخص اخر ولو يكون حارس الامن ..

وقامت بتحويلي إلى موظف استقبال ( رجل )
وذكرت له المشكله من الالف إلى الياء .. وقال يا اخ نايف عطني رقمك واتصل فيك بعد دقايق .. وبالفعل اتصل الرجل بعد 10 دقايق .. وقال ان المشكله ليست فقط بحائل بل على جميع طلاب الاكاديميه بجميع المناطق بالمملكه .. فـ قلت له وش المشكله بالضبط ..؟

أجاب / والله المشكله تقنيه وإن شاء لله تنحل السبت القادم بتاريخ 28/10/1433هـ

قلت زين زين الله يعطيك العافيه .. بعدها قمت افر مخي واعصره عصر .. وش تعني مشكله تقنيه !

مشكله عرفناها .. لكن تقنيه هذي قصة ثانيه !!

لذالك يا اخواااني سؤالي سلمكم الله ..

هل كلام الموظف صحيح عندما قال ان الايقاف من الهلال الاحمر ليس فقط طلاب مدينة حائل ..

ياليت اللى يتدرب بالهلال الاحمر يفيدني وله جزيل الشككرررر

واسف على الاطاله .. طبعا هذا مع الاختصار الشديد :eek: ههههههه :biggrin:


لكم مودتي :rose:

[A H M E D]

وعليكم السلام ورحمة الله وبركاتة

نعم صحيح تم إيقاف جميع المتدربين في هيئة الهلال الأحمر السعودي .

والمشكلة الحقيقية مادية ..! الأكاديمية لم تدفع مستحقات التدريب للهلال الأحمر وهذه الحقيقة ..!

وأترك عنك أي كلام أخر والتعميم صادر من تاريخ 23 رمضان وإدارات المناطق في الهلال لم تعلن ذالك ولم توقف الطلاب عله أن تدقع المستحقات ولا يتأخرون الطلاب في فترة التدريب الى انها بأت كل سبل التوصل لحلول مع إدارت الأكاديمية في الرياض وبنائا عليه صدر قرار الإيقاف بالرغم من أنه هنالك تعاون كبير بين أدراة الهلال والأكاديمية بخصوص عقد دورات لمنسوبي الهيئة والمعينين الجدد في الهيئة التي تصل لعدة أشهر وتلتزم الهيئة بدفع الحقوق الماليةالمترتبة عليها ..

لذالك تأكد ياعزيزي أنها شكلة مالية وليس من حق الأكاديمية عدم الدفع خصوصا أنك قمة وزملائك بتسليمهم كافة المستحقات الدراسية فأنهم بالتأكيد لن يخبرونكم عن السبب الحقيقي حتي لايقعون في مشاكل بينهم وبين طلابهم ممن أنهو دفع المبالغ المالية ..!

كان الله بعونكم وأن التأخير لايصب في صالحكم أبدا خصوصا انه قريبا سيتم فتح باب التوظيف في هيئة الهلال الأحمر واخشى أن تفوتكم الفرصة وتنتظرون سنة آخرى لأسباب لاذنب لكم بها فسعو جاهدين للوصول لحل لمشكلتكم عبر الطرق المشروعة نظاميا .

وفقني الله وإياكم لمى فيه الخير بالدنيا والآخرة

دمتم .. بود .... :106:

[مبدع طوارئ]

قبل اسبوعين خلصت تدريبي في الهلال الاحمر ثلاث شهور وسلمت اوراق الحالات كلها اللي طلعتها في الثلاث الاشهر الماضيه سلمتها لمدير التدريب الهلال الاحمر في المدينة وماذكر ان التقيمات تطول عشان تجي اقل شي اسبوعين او ثلاث اسابيع ووممكن شهر

بس المشكله واضحه انها ماليه في الاكاديميه مو بس انتم حتى البنات المتدربات في الاحساء مايتتدربون عشان الاكاديميه تعاني من ضائقه ماليه

انا مو تبع الاكاديميه انا تبع معهد الدراسات لتدريب الطبي


ان شاء الله تنحل المشكله في اقرب وقت وتكملون تدريبكم

[نايف الرشيدي]

بارك الله فيكم اخواني على الرد ...

ولكن بخصوص الماديه يا اخ احمد .. فعلا بداية الامر كانت هناك احاديث بهذا الموضوع ...

والمشكله ان نصف الطلبه على الصندوق الخيري .. وانا من ضمنهم .. وعندي العقد المبرم بين الصندوق الخيري والاكاديميه ..

والمصيبه العظمى .. انني اتصل على رقم الصندوق الخيري الموجود بالعقد ولكن المفاجاة

( الرقم اللذي طلبته غير صحيح )

ولا نعلم إلى اين نقدم شكوانا ..

الشكوى لله بسسس

[A H M E D]

بارك الله فيكم اخواني على الرد ...

ولكن بخصوص الماديه يا اخ احمد .. فعلا بداية الامر كانت هناك احاديث بهذا الموضوع ...

والمشكله ان نصف الطلبه على الصندوق الخيري .. وانا من ضمنهم .. وعندي العقد المبرم بين الصندوق الخيري والاكاديميه ..

والمصيبه العظمى .. انني اتصل على رقم الصندوق الخيري الموجود بالعقد ولكن المفاجاة

( الرقم اللذي طلبته غير صحيح )

ولا نعلم إلى اين نقدم شكوانا ..

الشكوى لله بسسس

علي حسب علمي يأخ نايف أن الموضوع سيطول قليلا .. ربما شهر تقريبا

وتأكد بأن الموضوع مادي 100% فأنا لا أتكلم من تخيلي بل هذه المشكلة الحقيقية

لاكن الناس الان تعرف كيف تأخذ ماهو حق لها والشمس لاتحجب بغربال

نصيحة من أخ اذا اخذتها فأنك ستجنى ثمارها .. وان لم تأخذها أكون ع الاقل قد وجهتك

اذهب انت وعدد ثلاث أشخاص ممن يحسنون الحوار ورتبو كلامكم جيدا وذهبو لمحافظ المنطقة وبأذن الله ستحل كل أموركم بأقل مدة زمنية وأشرحو له كل شي وصدقني لن تندم

كل الود

[نايف الرشيدي]

أحبتي متابعين هذا الموضوع ..

حبيت ازيدكمم من الشعر بيت ..

المشكله مازالت ساريه .. ومازالت ادارة الاكاديمية بالرياض .. تتهرب . اكل اسبوع يقولون السبت الجاي تنحل المشكله

صار لنا شهر والمشكله مازالت .. والمصيبه فوق كل هذا .. ماندري وش المشكله

كل ماسالنهم قالو تقنيه تقنيه تقنيه تقنيه تقنيه ...

شباب الله يرضى عليكم

ابي كل طلاب الاكاديمية تخصص طب طوارى ( امتياز ) ويطبق بالهلال الاحمر حاليا وتم إيقافه

انه يراسلني على الخاص ...

واللى عنه معلومه مؤكده 100% واخر الاخبار عن هذا الموضوع ياليت يراسلني على الخاص او لشفافيه

يكتب رد هنا وشكرا لكم ..

السالفه صارت مهزله من جددددد :007: :007:

[ابو اصيل]

المشكلة في فرع الأكاديمييه بالرياض وانعكست على الفروع الاخرى

مشكلة في تزوير بعض الوثائق هناك

[نايف الرشيدي]

تزوير ؟

ياليت توضح اكثر اخوي ابو اصيل ..

تزوير ايش ..؟ ومن وين لك مصدر هالكلام ..؟

انا اللى اعرف ان جميع طلاب طب الطوراى امتياز حاليا بالهلال الاحمر تم إيقافهم عن التدريب ..

ياليت اذا فيه احد نفس حالتي يتكلم او يرد عشان تتضح لي الامور ..

انا ودي اجمع طلاب من كل المناطق .. عشان نتفق على شي واحد ونكون يد وحده

[Fahad Salem]

الله يكون بعونكم انا مثلكم امتياز لكن مدير المركز بلغني انه توقف التطبيق ولحد الان ان مستمر معهم و مدير المركز الله يعطيه العافيه قاال خلك ماافي مشكله استمر لين تخلص تطبيقك .

[مبدع طوارئ]

يا اخوان ليه ماتروح لنفس ادارة الابتعاث وتدفع رسوم التدريب وينتهي الموضوع

ليه تنتظرون شيك من الاكاديمة انت دارس بلفوسك ياحبيبي

حقكم لايروح

[نايف الرشيدي]

الابتعاث مالهم دخل ..

الموضوع بين ادارة الاكاديمية و إدارة الهلال الاحمر ..

اصلا حنا ماندري وش المشكله ... انا كل اللى ابيه ان ادارة الاكاديمية تتجاوب معنا ويكون هناك شفافيه بالموضوع

شباب ياليت الكل يتصل على رقم ادارة الاكاديمية بالرياض

هذي ارقامهم 014944777 .. 014944555

اذا ردت عليك بنت سنترال .. قلها بس حوليني على الدكتور محمد سعد

هذا المشرف العام على تدريب الطلاب بالمملكه كلها

ياليت الكل ينشب له .. عشان يتكلم ويقول لنا وش المشكله .. هذا الشخص كلمته قبل يومين

قالي المشكله راح تنحل الاثنين .. واليوم الثلاثاء ولا صار شي ...

قسم يقهررررون :( :Cry111:

[A H M E D]

فعلا لا ألوم أحد منكم الموضوع يقهر ويرفع الظغط

لاكن بأذن الله الموضوع الأن تقريبا شبه محلول ولا أعتقد أن يأخذ أكثر من الاسبوع هذا .. ربما يستأنف التدريب أبتدا من السبت والله أعلم حسب ماوصلت إلية الأمور .

وأنا حسب ماوصل لي شخصيا من إدارة الإكاديمية أن المشكلة أنتهت فقط مسألة وقت لحين أن يصدر أمر رسمي من إدارة الهلال الأحمر بستكمال التدريب وغدا بأذن الله سأطلع بنفسي علي ماوصل له سير الأمور .

وسأخبركم بكل ماتم حله والى أين وصلت ..... وانتم واصلو الضغط على إدارة الإكاديمية بكل وسيلة تتوفر لديكم .

................

أما من قال تزوير هذا الكلام عاري من الصحه تماما وحتى لو حصل تزوير مثل مايزعم الاخ فأن الهلال الأحمر لاناقة له ولاجمل في مثل هذه الأمور بل هي من أختصاص هيئة التخصصات الطبية .. للتوضيح حتى لايقلق أحد


أتمنى لكم مستقبلا زاهر وأوقات سعيدة

محبكم .... :106:

[نايف الرشيدي]

بيض الله وجهك اخوي احمد

بنتظار اخر الاخبار منك يالغالي :004:

[A H M E D]

بيض الله وجهك اخوي احمد

بنتظار اخر الاخبار منك يالغالي :004:

ووجهك النقي أيضا

متأسف لأنني تأخرت عليكم بالرد لعدم توافر المعلومة المؤكدة أو التأكيد عليها بحكم أن الأربعاء والخميس إجازة ولاكن بأذن الله سأخبركم اليوم بالجديد والأمور تبشر بخير ووضعكم محلول إن شاء الله لاتقلق

[نايف الرشيدي]

اهلين شباب ...

وبعد معانات .. تم بحمد الله ارسال خطابات لمراكز الهلال الاحمر في جميع مناطق المملكه

وسيتم العوده لتدريب من اليوم باذن الله


شاكر كل من ساهم في هذا الطرح ...

وشكر خاص للاستاذ احمد ..
:rose:

[A H M E D]

والشكر موصل لك أيضا

تم حل المشكلة جذريا .. ولاكن لتزال بعض المراكز التي تقع خارج المنطقة الإدارية لم تصل إليها الخطابات الرسمية
لذالك ع المتدربين الذين لم يصل لمركز التدريب خطاب رسمي مخاطبة مدير المركز ليقوم بالتواصل مع المنطقة الإدارية ليتم إتخاذ مايلزم

أتمنى لكم التوفيق .. وعقبال مانشوفكم زملاء

[ممرضة شطوره]

السلام عليكم
حلقة يوم الاثنين لبرنامج الثامنه لداود الشريان الذي يعرض على قناه الmbc1راح يتكلم عن المعاهد الخاصة ومشاكلها
وفي بعض الطلاب والطالبات من اكاديميات المملكة راح يعرضو مشاكلهم مع الاكاديمية تابعو البرنامج والا يقدر يشارك ويتكلم عن مشاكلنا ياليت يشارك في البرنامج

[ممرضة شطوره]

للمشاركة في البرنامج على الفيس بوك
https://www.facebook.com/groups/367345146641875/