وش طريقتكم في الدراسة .. الرجاء من الجميع المشاركة

[ماجد بن فهد]

السلام عليكم ورحمة الله وبركاته
صباح / مساء الخير للجميع

اخواني واخواتي وش طريقتكم في الدراسة

اقصد انتم مثلي ( انزل المحاضرات وانسخ والصق المناقشات وبس ) ومعتمد على الله ثم على المنتدى في المذاكرة من ناحية تحميل الملخصات واي شي مهم
صحيح ان طريقتي غلط ولازم اتابع المحاضرات بس كلنا متأملين قبل الاختبارات النهائية على الملخصات اللي راح تفك ازمة ترم كامل


ارجوا من الجميع التفاعل بالموضوع للاستفادة من بعضنا البعض

[محمد عزيز]

ياخوي كل المدرسين نبهو من هالطريقه في كل المحاظرات انه غلط انك تعتمد على المذاكره قبل الامتحان ..
لازم تفهم الحاظرات بوقتها .. والله يوفقك

[هتان 2]

ذاكر يالغلا اول بول تابع المدرس وهوا يشرح وحط خطوط على الاشياء المهمه الي يطلبها المدرسين مثل المحاسبه والاقتصاد الجزئي يقولو اشياء مهمه راح يجيبونها بنهاائي يالغالي يعني متابعتنا للمحاضرات ماتجي من فرااغ في فايده نطلع منها من هالمتابعه وبتووفيق ياغلا نصيتي لك تابع المحاضرات كلهم اول بول نظم وقتك ترتاح

[* آمل *]

امممم انا عن نفسي لسا مابديت شي

((بس حليت المناقشات وحملت الرياضيات والاقتصاد بدون مشاهده))

لكن اقول انشاء الله انو قبل الاختبارات بشهر بحاول اشد حيلي واذاكر>>ماضمن نفسي

انا اقول ودي يعني اني اذاكر واطبع المحتوى واتابع مع المدرب لكن اذا جاء وقتها بشوف شنو بسوي

[Bedoor21]

انا عن نفسي طبعت المحتوى
اشاهد المحاضرة بدون تنزيل و ابدا اشوف المهم من خلال الشرح و اكتب الملاحظات

غير طريقتك ماراح اتفيدك وقت الامتحان النهائي وربي يوفقنا و يوفقك

[أبو سديم-]

ياماجد مو شرط تسمع المحاضره اول ماتنزلها يمكن مالك خلق تسمع شيء او هيك شيء

بس الافضل وقت فراغك بالاسبوع الللي نزلت فيه المحاضره تسمعها فيها
مستحيل راح تكون طول الاسبوع ماعندك لو ساعه وحده تسمع فيها :rose:

[ندى الورد*]

انا عن نفسي اشوف المحاضرة وادون عندي ملاحظات الدكتور :oao:والاشياء المهمه والاشياء اللي مافهمتها عشان ارجع اشوف المحاضرة واذاكراها:icon120: واكتفي بالمشاهده من موقع الجامعه وليس الملتقى الا اذا في محاضرة صعبه وييغالها تركيز احملها وارجع كل محاضرة بيومها ويكون كذا الفهم صح:biggrin: واذا جات الاختبارات ارجع كل شي لاني اسوي طريقه مصطفى:sm5::sm5: بعدالدرس اذاكر صح :58545::58545:

[بنت مطير *]

مساك الله بالخير انا عن نفسي الى الان حملت كل المحاظرات ابي حملهم اول باول عشان ماتكثر واتكاسل احملهم بس مافتحتها اذاكر من المحتوى فقط والله يوفقنا يارب جميعا ويعيننا :biggrin::biggrin:

[nsam]

الحين لانزلت المحاضره ينزل معاها المحتوى والا كيف
واسئله المناقشه مهمه او لا يعني نسوي نسخ لصق له ونراجعها:Looking_anim:

[روح حرّة]

حملت المحاضرات بس المشكله مالي نفس ابد للمذااكره :(

مو عارفة ليه ..

الله يعين

[رنا الشهراني]

آنآ بالنسبهةِ ليَ ,
نزلت المحاضرات على جهآزي وللاسف مآنفتحت عشآن كذآ مرآح انزل كمآن على الجهآز بسَ بتآبعهآ بدون تحميل :(177):
لكن شآهدتهآ كلهآ وبعض الدكاترة يقولون هذآ مهم جدآ وكذآ عرفت انوِ لآزم نركز عليهآ آكثر .. :tongue:
والملخصات اكيد بنآخذهآ من المنتدى , لانهآ نفس اللي يقولون بالشرح ونطبعهآ بآقرب مكتبهةِ عشآن نبدآ نذآكر
وآنصحك آخوي مآجد والجميع يتآبع المحاضرات اول بآول عشآن مآتتركم عليك وتتبهذل .. :Looking_anim:

وعســى ربيَ يوفــق آلجميــع :106:

[nsam]

ونا بعد الا مارديتو علي المحتوى انزله لحال والا ينزل لانزلت المحاضره:g2:

[مـالـي حـل]

انا عن نفسي اشوف المحاضرة وادون عندي ملاحظات الدكتور :oao:والاشياء المهمه والاشياء اللي مافهمتها عشان ارجع اشوف المحاضرة واذاكراها:icon120: واكتفي بالمشاهده من موقع الجامعه وليس الملتقى الا اذا في محاضرة صعبه وييغالها تركيز احملها وارجع كل محاضرة بيومها ويكون كذا الفهم صح:biggrin: واذا جات الاختبارات ارجع كل شي لاني اسوي طريقه مصطفى:sm5::sm5: بعدالدرس اذاكر صح :58545::58545:
صح عليك حتى انا اسوي كذا اصلا مايثبت الفهم غير كذا

[* آمل *]

المحتوى تنزلينه لحاله

[sultan15]

ما أعتمد على ملخصات ولا على الأسئلة تبع الاختبارات اللي تنزل بالمنتدى , اشاهد المحاضره و أكتب أهم النقاط في الدفتر حتى أفهم أكثر مع الكتابة , و اقرأ المحتوى مره و مرتين و وقت الفضاوة أعيد مشاهدة المحاضره

أشوف أن كثرة الملخصات و الأسئلة تشتت الذهن و التركيز , بس المتابعة أول بأول و تدوين النقاط المهمة في دفتر خارجي هنا بيكون الفهم أكثر

[خالد الزهرآني]

:


انا ابي ملخصات الموآد , بس ماني عآرف من وين اجيبهآ ؟!


من وين اجيب الملخصآت ؟

وهل اعتمد عليهآ الى الاختبارات ,, لاني سمعت ان الملخصات ماتنزل الا بنهاية الترم !!

[* آمل *]

اخوي خالد شنوتبي ملخصات

[* آمل *]

للي مايفتح معه المحاضرات تحملها على صيغة جوال
او تشوف هالموضوعhttp://www.ckfu.org/vb/t366381.html

[راعي المعالي]

انا عن نفسي لو عندى المذكرات راح اقراها كاملة والنقطة اللي ماافهمها ارجع لشرحة الدكتور في المحاضرة المسجلة لين ماافهمها واذا استصعبت علي شي اصلي ركعتين وادعى ربي يسهل لي الامور وبعدها اكمل وهذا ياشباب ويابنات طريقة مجربة من ناس كثير والله الموفق والهادى الي رضوانه

[lole..]

انا سويت لي جدول
وكل يوم انزل محاضرة لمادة وحده
يعني مثلا :
الاحد رياضات
الاثنين محاسبه وهكذا :biggrin:
اسمع المحاضرة واكتب مع الدكتور الاشياء اللي ماهي موجودة بالمحتوى
بعدين اذاكرها
:tongue: وان شاء الله استمممر هيك
بسس

[* آمل *]

والله ياراعي المعالي ونعمه بالله ومن طلب الله مايرده
لكن القصور مننا

[* آمل *]

خالد عندي ملخصات بعض المواد اذا تبي روابطهم عطني خبر

[راعي المعالي]

ياملكة بالنسبة للمناقشة اي السؤال اللي يطرحة الدكتور معظم الاجابات مكررة اي نفس الاجابة لجميع الطلاب
طيب اذا نسختها ولصقتها يعتبرها الدكتور مشاركة صحيحة ام لا افيدونا الله يبارك فيكم

[* آمل *]

يب الدعوه نسخ ولصق
وعلى قولة بعض الاعضاء لو تكتب اغنيه انحسبت مشاركه
اهم شي المشاركه حتى لو كانت غلط وفيه مواضيعع مثبته لحلول المناقشات
هنا اجوبة المناقشات
http://www.ckfu.org/vb/t358378.html

[راعي المعالي]

يعطيك العافية علي الاجابة الواضحة والمقنعة لا عدمناك اختى ملكة :d5:

[* آمل *]

ولو نعين ونعاون
مانبي غير دعواتكم بظاهر الغيب

[منو الدوسري]

:Cry111::Cry111::Cry111:

[هدوء آنثى♪]

انا عن نفسي لو عندى المذكرات راح اقراها كاملة والنقطة اللي ماافهمها ارجع لشرحة الدكتور في المحاضرة المسجلة لين ماافهمها واذا استصعبت علي شي اصلي ركعتين وادعى ربي يسهل لي الامور وبعدها اكمل وهذا ياشباب ويابنات طريقة مجربة من ناس كثير والله الموفق والهادى الي رضوانه
كثير ماننتبه لهذى النقطه
جزاك الله خير

[عاليه العتيبي]

صباح الخير ..
طريقتي أشوف المحاضرات اللي يبي لها فهم مثل الرياضيات والادراة أحسن يبي لها تركيز شوي ..
الرياضيات لازم تمرن يدك على حل المسائل انا قعدت يوم أمرن يدي على المسائل بفترات متفاوته
والسرد من باقي المواد ممل الصراحة يبي لها ملخصات ..
والله ولي التوفيق ..

[عبدالله الفهيدي]

انا والله مثل الاطرش بالزفه ادخل واشوف المحاضرات واطلع لا

واللي لاحس مخي اني اشوف اخواني الطلاب واطالبات

يتكلمون عن النسخ والصق المناقشات

واروح وادخل على منتدى الحوار واحصله مقفل وضايع

بطوشه مدري منوين ابدا بس خلوها على الله ياعني مع

الخيل ياشقرا.... بس منكم نستفيد

[هوى الجنوب]

ذاكر كل درس بدرسه وبأذن الله تجيب نتيجه حلوه :rose:

[خالد الزهرآني]

:



اخوي خالد شنوتبي ملخصات

كل موآد ادآرة اعمآل - المستوى الاول



خالد عندي ملخصات بعض المواد اذا تبي روابطهم عطني خبر

ايه ابيهآ :004:

ارسلها لي , الله يعطيكَ الف عآفيهِ :106:

[ابن بطحي]

انا والله مو فاهم شيء وشكلي بجيب العيد مدري من وين ابداء :060:

[* آمل *]

من ناحية العيد كلنا بنجيب العيد
اصلا العيد شي جميل وناااسه علشان كذا انا بجيب العيد

[* آمل *]

الاداره عندي ملخص هتان اسود وملون

[* آمل *]

هذا الملون>>مبادى اداره هتان ملونه
http://www.gulfup.com/Xsarnktnqvfkgc

[* آمل *]

وهذا مبادى اداره كامله اسود هتان
http://www.gulfup.com/Xsarnq8cbqb4sc

[هولمز]

أقول لابد أنك تابع المحاضرات أول بأول عشان ما تكثر عليك بعدين .. ثانيا خل لك يومين في الأسبوع عشان تسجل ملاحظاتك على مفكرة خارجية يسهل مرجعتها ..و بالتوفيق :d5:

[أخـُفيْ غلآهـــأآ..]

نزلت المحاضرات ويس ! ><

مشكلة لمن يجيك الخمول والوضع ما ينفع كذا ابد

[* آمل *]

نزلت المحاضرات ويس ! ><

مشكلة لمن يجيك الخمول والوضع ما ينفع كذا ابد

آآآآآآآآآآآآآآآي نفس الاحساس

[ماجد بن فهد]

مشكورين يا أحبائي على مروركم وعلى نصايحكم

لكن المشكلة إننا شعب ( يبي الزبده )

خصوصا إن آخر دراسة تقول ان الشعب السعودي ثالث اكسل شعب بالعالم

ههههههه والله مصيبه هالدراسه
:lllolll:

[* آمل *]

احمد ربك انه الثالث زين ماططلع الاول

[ماجد بن فهد]

ههههههههه والله اشك اننا نسابق الزمن عشان نطلع أول شعب كسول ياملكة

[شوشو7]

ابغى طريقه اعتمدها في حفظ ماده الاداره سبحان الله ماحبيتها هالماده وانا مشكلتي اذا ماحبيت الماده ما افلح فيها الله يعين