حددو موعد المقابله لكن السؤال!!!

[ما تهاب]

السلام عليكم ورحمة الله وبركاته


يوم السبت دقو الجامعه علي وخبرني ان مقابلتي يوم الثلاثاء لكن السؤال


ما هي طبيعه الاسئله الي يطرحونها ؟

اطلبت مني الموظفه العنوان هل قصدها اثبات السكن او لا ؟

[أحلى شيء]

مقابلة تبع ايش بالضبط

[ما تهاب]

المقابله النهائيه لقبول المعيدات

لاننا اختبرنا وقابلنا في الكليه لكن اتصلو علي وقالو فيه مقابله في جامعة الملك فيصل يوم الثلاثاء

[انــآ]

.





.





وعليكم السلام والرحمه




تقصدني المقابله الثانيه الي بتكون



مع عمادت الدراسات العليا ؟؟؟؟



بنسخ لك مقابله لقيتها في منتدي ثاني




(صديقتي سوت مقابلة قبل حوالي شهر في كلية النعيرية ومعها اكثر من 15 متقدمة
اما اليوم فسوت مقابلة في كلية الدمام ومعها نفس العدد تقريبا وطلب منها احضار شهادة الثانوية مبين بها اسم المدرسة ومكان التخرج وكانت الاسئلة جدا عادية مثل
من هو الملك؟
من هو وزير التعليم العالي؟
من هو مدير جامعة الملك فيصل؟
اين تقع جامعة الملك سعود؟

والسؤال الاستفزازي
من اين تعرفي اسم وزير التعليم العالي؟
لمادا تقدير بعض المواد عندك منخفض؟
لمادا لم تدهبي بعثة خارج المملكة؟ ما المشكلة؟)



بس بسالك انتي مقدمه على اي كليه



وايش تخصصك؟؟؟



ولا تنسي تخبرينا باسئله المقابله



ودعواتك لي ولصاحبه المقابله بالوظيفه

[الجفووول]

مرحبا حبيباتي ......

انا دقو علي اليوم وقالو مقابلتي الاربعاء بالدمام انا اسلاميه من الخفجي هل هذه المقابله قبول نهائي وهل انا والا في بنات دقو عليهم بعد ..........

بعدين الاسئله بتكون بالتخصص والا عامه والله اني متخوفه حيل مع اني اليوم دقيت سوالف مع اللي كلمتني من الكليه هههههههههههه صوتها يطمن .........

تكفون جاوبوني .. واللي تروح تعلمنا وانا بعلمكم بعد

[seaking4377]

السلام عليكم ااختي ماتهاب انتي من كليه العلوووووووم وماهو قسمك ؟؟وهل تتوقعين دقوا على جميع الكليات...واذا فيه احد دقوا عليه غيركم يالين تقول لنا وش هو قسمها علشان نعرف الاقسام اللي دقوا عليهم ..ومشكوريييييين:m22asmilies-com:

[الجفووول]

بنات وينكم؟

ابي اعرف هل دقو على كل البنات والا ناس معينه ؟


وهل بتكون المقابله بالتخصص ومتعمقه والا مجرد اسئله عامه ومنوعه ....


الفزعه يابنات الفيصل <<<تحس انها انكبت



لاتخلوني اختكم جفووول

[سامية]

يابنات انا اقول لكم تطمنوا مافيه شي يخوف
طبعا الاسئلة تقيس مدى ثقتك واطلاعك وانشطتك ..الخ ومن خلالها يقيسون هم اللي يبغونه

ولاتنسون تطمنونا

وهذي مب معناها قبول نهائي القبول النهائي لادقوا عليك نهاية السنة وقالوا تعالي وقعي اخترناك

وبالتوفيق للجميع:m22asmilies-com:

[سامية]

ماتهاب لا قصدها

عنوان البريدي ورقمه وصندوق البريد


بالتوفيق

[ما تهاب]

مرحبا صبايا
انا سألت المعيدات الي قدمو العام
وكانت هذي اسئلتهم

ما هو مشروع تخرجك ؟؟وتكلمي عنه
ما هو اخر بحث قمتي به
ما و اخر كتاب قرأتيه وماذا استفتي منه
اخر خبر سمعتيه
ما هي نشاطاتك في الكليه
ما هي اعمالك بعد تخرجك
لماذا تريدين ان تصبحي معيده
لماذا دخلتي قسم الرياضيات (طبعا هذا قسمي)؟؟
ما هي المواد التي كنت تدرسينها في الكليه وما هي اسماء الكتب

طبعا هذي المقابله النهائيه وبحسبها يتم توظيفنا او لا

ادعولي بالتوفيق بكرى وراح اكتبلكم الاسئله وشنو صار معي

صباب شهادة الثانويه ضروريه ولا لا يعني لازم اجيب الاصل او صوره عادي (لان الاصل ماني لاقيتها )

[فرحة العمر]

الله يوفقكم جميعا
:119:

[ام طارق]

الله يوفق جميع البنات بالوظيفة الطيبة والزوج الصالح

قولو آمين:119:

[عيةن الامل]

اميــــــــــــــــن
:c8::c8::c8::c8:

[ما تهاب]

مرحبا صبايا امس قابلت ولله الحمد لكن ادعولي بالوظيفه ان شاء الله
وهذا الي صار معي في المقابله

كان عددهم 4 من بينهم العميدة

أول سؤال اسألوني

ما هو إلي يميز ما تهاب غير الذكاء ؟؟

لماذا اخترت قسم الرياضيات

هل أنتي مستعدة انك تروحين للبعثه

ما هي مهام المعيدة (اهنيه يبون تقولين انها أتكمل دراستها العليا)

لو كانت طالبه عندك تكرر تاخيرها عن المحاضرة شنو اتسوين معاها

ما هي مواهبك ؟؟

ما هي نشاطاتك في الكلية ؟؟

لكن ابصراحه ما يخلونك تتكلمين يقاطعونك في الكلام ما ادري هل هو اسلوب استفزازي لكن بتصرفهم هذا ما عطوني فرصه ابين قدراتي ومواهبي

[كلي إحساس ودلع]

أختي ماتهاب أنتي أعملتي المقابلة لأي كلية :mh19:

أنا قدمت معيدة في الجبيل وأبي اعرف أتصل لبعض البنات أو لاااا

عشان ما أنتظر وأحرق أعصابي على الفاضي

[سهى]

عزيزتي انتي مقدمة على اي كلية

س:هل كان فيه متقدمات للمقابلة كثير؟


س:هل كان فيه متقدمات في تخصصات ثانية غير الرياضيات؟


ادري ازعجتك بأسالتي بس اعذريني لي فتره مقدمه وابي ارتاح تعبت من الانتظار:Cry111:

اتمنى لك التوفيق والقبول ان شاء الله

الله لايضيع تعبك

والله يسمعنا الاخبار الطيبه:praying:

[ما تهاب]

أختي ماتهاب أنتي أعملتي المقابلة لأي كلية

أنا قدمت معيدة في الجبيل وأبي اعرف أتصل لبعض البنات أو لاااا

عشان ما أنتظر وأحرق أعصابي على الفاضي

اهلين حياتي
انا قدمت على كلية الخفجي
اختبرنا وسوينا مقابله مع العميده من شهر تقريبا او اكثر

يوم السبت الي فات دقوا على عمادة الدراسات الليا بكلية العلوم بالدمام وخبروني ان فيه مقابله مع العميده
طبعا كانت المقابله يوم الثلاثاء وكانت لجميع المرشحات من قبل كلية الخفجي اي كل الاقسام لكن مو كل الي قدمو
يعني الرياضيات الي اختبرن وقابلن في الخفجي 25 والي ترشحوا لمقابله بالدمام 6 فقط
دعواتكم اني اكون من المقبولات نهائيا

[ما تهاب]

عزيزتي انتي مقدمة على اي كلية
على كلية الخفجي

س:هل كان فيه متقدمات للمقابلة كثير؟

لا بس 6 فقط

س:هل كان فيه متقدمات في تخصصات ثانية غير الرياضيات؟

جميع اقسام كلية الخفجي ما عدى الدراسات كانو يوم الاربعاء وكان عددنا الاجمالي 19


ادري ازعجتك بأسالتي بس اعذريني لي فتره مقدمه وابي ارتاح تعبت من الانتظار

اسأل الله انه يطمنك ويكتب لك الخير

اتمنى لك التوفيق والقبول ان شاء الله

ااااااااااامييييييييييييييين


والله يسمعنا الاخبار الطيبه
عقبال ما اتخبرينا بمقابلتك