كل شىء عن الجامعة من البداية حتى يوم الأختبار

[خُرافية!!]

السلام عليكم ورحمة اللله وبركاته

أنا اختكم خورافيه
من مستوى ثاني
كنت في يوم ما اعيش نفس لحظاتكم
وكنت اتمنى القى موضوع يوضح لي كل شىء
كل شىء عن الجامعة
فحبيت اسوي موضوع لكم مثل ماكنت اتمنى
وبما انكم مستوى أول فبيكون كل شىء جديد
موب بس توضيح سهولة وصعوبة المادة واسئلتها ودور الدكتور في ذلك

نبدء بالمواد

1-الصحة واللياقة:
مادة جداً ممتعه ودكتورها ممتاز وفنان بالشرح والتوضيح
اسئلة الإختبار جميلة بس أنا ما ذاكرت للأسف
عشان كان معها ماده الثانية والوقت ما اسعفني أبد أبد
ورحت وأنا مافتحت الماده
بس كنت مذاكرتها سريع سريع قبل الإختبارات بشهر
والحمدلله نجحت على الحفه
الله كفاني شر الحمل وهي اسواء درجة أخذتها مع انها اسهل مادة
الحمدلله ولعبت بحسبة معدلي
(أذاكر من ملخص المعتقل)

2-مهارات التعلم والتفكير:
كانت اختبارها بنفس يوم اختبار الصحة واللباقة
المادة مرره سهلة وقليلة
ودكتورها ما اقول إلا جعله بالجنة
قمة في الأخلاق واختبارها سهل الله يسهل عليه
(أذاكر من ملخص المعتقل)

3-اللغة الإنجليزية:
يآآآه كنت خايفه منها وعشانها مادة تخصص لازم اركز عليها
كنت اتعب اتعب بالمذاكرة ذاكرتها مرتين قبل الإختبار بفترة طويله
واختبرت وأنا مدري وش السالفة كلها قاعدات وقليل من معنى الكلمة
ماعرفت الأسئلة ابد وضاق خلقي مرره
ويوم جت النتيجه عرفت أن التعب مايروح على الفاضي
الحمدلله ماشاء الله
دكتورها بصراحه رائع ولـ آكسنت حقه جميل،
أنا ماشفت كل محاضرات
صرت اذاكر لنفسي بدون محاضرات اختصار للجهد والوقت
(أداكر من ملخص سكرتير عبادي ملخص رائع لازم الكل يدرس منه)

4-النحو التطبيقي1:
الدكتور صحيح بمعنى الكلمه دكتور ينطق اللغة العربية صح
شرحه جميل ويعطي معلومات في الشرح موب موجودة في الملخصات
أخر الترم بينزل لكم ملخص تطبعونه محذف منه بعض الفقرات
اسئلته يبي لها تركيز والي مايشوف المحاضرات ماراح يفهم ابد
(أذاكر من ملخص المعتقل شريت الملخص قبل الدكتور ينزل بعدين حذفت الي حذفة الدكتور )

5-التحرير العربي:
نصيحه لاتستهينون في قلة المادة او سهولتها
والله اعرف كثير حملوها معهم
الماده تعلمك طريقة الكتابة الصحيحه بدون اخطاء املائيه استفد منها كثير
دكتور ممتاز جداً
المادة اسئلتها تلخبط مرره
يوم اختبارها بنفس يوم اختبار مبادىء الإدارة وهذا الي ضيعنا
يعني لو تذاكرونها قبل الأختبار ويكون عندكم فكرة لو بسيطه عن المادة
(أذاكر من ملخص هتان)

6-مبادىء الإداره:
بكل صراحه اقولكم مدري كيف طلعت منها الحمدلله ربي نجاني
دكتورها فاشل فاشل فاشل الله يهدي ويغفر له ولنا
المادة كثيره وتلخبط وتعاريفها كثيره
وبكل أمانه مع أني ماعرف ولا افهم وش يقول الدكتورلانه يسرد الكلام سرد
إلا أن ضميري يأنبني واتابعه بكل اخلاص
رجعت من الأختبار وأنا مدري وش حليت
وكنت احسب الدرجات النجاح
معد ابي إلا درجة النجاح موب لازم معدل
الحمدلله تجاوزتها بنجاح الحمدلله والعقبى لكم
(أذاكر من ملخص المعتقل لكن يمدحون ملخص هتان بس ماجربته)

7-الاسلامي والمذاهب المعاصره:
دكتورها ماعليه يمشي الحال
الماده ممتعه وفيه اشياء ومذاهب مانعرفها استفد منه كثير
الأسئله ماعليها فيه صعوبه شوي المادة يبي لها تركيز وبتفلحون إن شاء الله
(أذاكر من ملخص المعتقل)

8-مدخل إلي تقنية المعلومات:
مادة حلوه مررره استفد منها كثير
دكتورها جميل واحسه فاهم بمجاله الله يسعده
انصحكم تشوفون المحاضرات عشان تفهمون زين
المحاضرات ممتعه بجد
الأسئله بكل صراحه الي ماذاكر موب حال شىء
بعض الاسئله ماعرفتها الا من الشرح مو من الملخصات
(أذاكر من ملخص المعتقل)


بقولكم كل شىء كنت خايفة منه وبوضح لكم كل شىء ماكنت اعرفه
واكيد اغلبكم بيكون مثلي

أول شىء المحاضرات:
كل سبت تنزل محاضرات لجميع المواد
كنت احملها أول بأول
سويت لي ملف على سطح المكتب
وكتبت عليه جامعة الملك فيصل
وسويت لكل مادة ملف
موجود فيه ملفات مرقمة من 1 إلي 14
على عدد المحاضرات كل محاضره احملها احطها بالملف المناسب لها
مثل المحاضره الأولى من التحرير العربي بالملف رقم واحد
طبعاً تحميل المحاضرات
فيه اكثر من صيغه
في مشاهدة يعني تشوفه بدون تحميل
وفيه بالفديو يعني بتحميل «وهذا الي كنت استعملها
وفيه بصيغة صوت بس مافيه صوره
وفيه نسخة للجوال
طبعاً كل الصيغ تحسب لك الدرجة مافيه مشكله
اختار الصيغه الي تناسبك
أنا احمل بالفديو وفيه بعض المحاضرات تحميل الفديو خربان
فاحملها بصغية الصوت ،او نسخة الجوال المهم تسجل درجة المشاركة
وانصحكم مجرد نزول المحاضرات حملوها
وحطوها بالمف الخاص لها
لا تخلون المحاضرات تتراكم عليكم
لان الجامعه بعض الأوقات يصير النظام عندهم عطلان
فماينزلون المحاضرات كل اسبوع
يعني بعض الأحيان ينزلون لكم 3 محاضرات لكل ماده بأسبوع واحد
مررره كان ضعط علينا وخصوصا المرتبطين بدوامات
حملوا أول بأول
العام بعضهم درجات المشاركه عندهم صفر
لانهم حملوا المحاضرات أخر اسبوع قبل الأختبار
وذاك الوقت كان الموقع عليه ضغط موب طبيعي
يلا يفتح وكل العالم تلحق روحها تحمل لايقفل الموقع عليهم عشان رصد الدرجات
تقفل الموقع والأغلب ماحمل كل محاضرات
بعيدين فتحوه مره ثانيه وصار الضغط مرره كبير لدرجة الموقع معد صار يفتح ابد
وعلى كل هذه الحوسه الي صارت
أنا حاطه رجل على رجل ومرتاحه الحمدلله
لان حملت المحاضرات أول ماتنزل ولا عانيت من هذه المشكله
يوم النتايج ناس كثير أخذت صفر من 30في درجة المشاركه
مع انهم حملوا المحاضرات كلها مساكين الله يعوض عليهم
بس اتوقع كان بسبب الضغط على الموقع ولا تسجل لهم درجات
أوبسبب مجهول حد الأن مانعرف وش السبب
اخذو با الإختبار درجات زينه بس حملوها
عشان درجات المشاركة صفر او درجة متدنيه الشكوى لله

المحاضرات المباشره:
مره مهمه
3 محاضرات مباشره لكل مادة
يعني كل شهر تنزل محاضره مباشره
المحاضره المباشره
كيف تعرف وقتها
وقتها يعلن الموقع عن وقتها باليوم والساعه طبعاً العيال غير عن وقت البنات منعاً للإختلاط خخخ تابعوا هذا المنتدى أول بأول يعلمكم وقتها
غالباً وقت البنات بعد وقت العيال بنص ساعه كذا يعني
محاضره مباشره مع الدكتور يبدء فيها الدكتور بتوضيحات للمحاضرات سابقه
وبعدها يبدء وقت الأسئله للدكتور وهو يجاوب وينصح وبعلمك بالمهم والغير مهم
إذا حضرت المحاضره المباشره بوقتها لك الدرجة
وإذا ماحضرتها اصبر لم تنزل لك مسجله بالبلاك بورد وحملها يسجل لك درجة مثل الحضور المباشر مافيه مشكله
أنا ماقد حضرتها مباشر استعد ذاك اليوم ويروح الوقت علي وانسى الله يخلف
احملها إذا نزلت ولا في اي مشكله الحمدلله
^
(المحاضرات عليها 10 درجات)


المناقشات:
لكل محاضره تنزل ينزل معها مناقشه
يعني 14 مناقشة
مره سهله وتافهه
ينزل الدكتور سؤال
وتجاوب عليه جوابك الكل يقدر يشوفه الدكتور والطلاب
اجوبة الطلاب كلها موجودة تحت سؤال الدكتور
اغلب الطلاب ينسخ الجواب من طلاب آخرين ولصق وارسال
وانتهينا ويحسب لهم درجة
وبعض الطلاب ضميره يقولها لا اكتب الجواب بنفسك
ويحسب له درحة
ودي اقول شىء بس اخاف اخرب عليكم
لو يكون جوابك خطاء تحسب لك الدرجة لو يكون جوابك صح يحسب لك درجة الزبدة اكتب اي شىء ولاتضيع درجتك
بس مايمنع أنك تبحث عن الجواب الصحيح ارضى نفسك وذمتك
(هذه هي المناقشات وعليها 10 درجات)

الواجب :
عددها ثلاث واجبات بكل المستوى
الواجب كل شهر ينزل واجب لكل ماده
عبارة عن سؤال و4 اختيارات
ولك 3 محولات للأ ختيار الإجابه الصحيحه

(وعليها 10 درجات )

المحاضرات والمسجله والمياشره،المناقشات والواجبات)
عليها 30 درجة اسمها درجات المشاركة جداً مهم واهمالها يضيعك
وتحمل الماده

إلا إذا جبت على ورقة الاختبار 60 من 70
إذا انت ضامن تجيب 60 من 70 على الورقه لاتحمل المحاضرات وغيره..
لو حملت جميع المحاضرات وكتبت المناقشات والواجبات
تضمن لك 30 درجة ياسلام
يعني لو تجيب على ورقة الاختبار 30 من 70 تنجح

درجة النجاح من 60 اقل من 60 تحمل الماده يعني تجيب 59 تحمل ولو كان ينقصك درجة قهر صح
الاختبار عليه 70 درجة
المشاركة عليها 30 درحة

هذا جدول لازم الكل يطبعه جداً رائع جدول متابعه
جزا الله من عمله كل خير اسمه لايحضرني
إذا حملت محاضره ظلل مكانها يفيدك ولا يخربطك
تقول مدري أنا حملت ولا لا هذا يفيدك ويساعدك
http://im18.gulfup.com/2012-02-14/1329221825271.gif

فيه جداول كثيره مثل كذا
اكتبوا بقوقل ببحث الصور جدول متابعه للمستوى أول زيطلع لك الي تبي



نصيحتي الأخيره
المناقاشات والمحاضرات والواجبات والمحاضرات المباشره
أول ماتنزل احملها على طول واحط كل وحده بملفها المناسب

مع كل واحد منكم جدول الأختبارات
شوفوا الأيام الي تحس إن فيها ضغط عليك وذاكر الماده
اذكر يوم السبت كانت مبادىء الإداره والتحرير العربي
ويوم الأحد كان مهارات التعلم والصحه واللياقه
تعبنا تعبنا ماكان فيه وقت نرتاح من اختبار امس
كنت بجيب العيد بالصحة واللياقة وهي سهله


طريقتي مذاكرتي
قبل الاختبار بكم اسبوع
سويت لكل مادة يومين
اليوم الأول أذاكر 7محاضرات
اليوم الثاني 7 محاضرات
وقتها خلصت من تحميل المحاضرات وحليت الواجيات المناقشات
ومعد لي اي علاقة بالموقع
وادخل هذا المنتدى بين فتره وفتره اشوف الجديد
وإذا جاء يوم الاختبار اشوف هذا المنتدى الجميل
ينزلون اسئلة اختبار السنة الي قبل لكل مادة
اطبعها واشوفها في في السياره لم وقت الاختبار
اسئلة العام جدا مهمه تجي منها اسئله كثير مررره
وتفك ازمه إذا ماامداك تذاكر خصوصا إذا كان مادتين

قبل الاختبار بكم يوم
تنزل مراكز الأختبار لكل شخص بعد ماتم تحديد المدينة الي تبي تختبر فيها
ينزل اسم المدرسة والكروكي
الي تحتاجه بالاختبار بطاقة العائله للبنات إلي ماعندها بطاقة أحوال
والعيال اكيد بطاقته
و ورقة نطبعها من الجامعة تثبت انك طالب
موقعه من العميد طبعناها ولاحد سأل عنها لاهي ولا بطاقة الأحوال
بس نأخده احتياط

بعضهم يختبر في جامعة
بس الرياض مافيه الا تختبر بمدرسة
اتوقع جده بعضهم اختبروا بجامعة الملك عبد العزيز
بما أني بالرياض اختبرت بمدرسة
الوضع مره مرتب
موجود لوحة فيها اسماء الطالبات ورقمك الجامعي ومكان الفصل الي بتختبري فيه وكل يوم يتغير المكان وإذا فيه فترتين يتغير المكان بعد
خليك مطلعه على ذيك اللوحه خخخخ
الي تبحث عند صديقات من المنتدى ويكون نفس مركز اختبارها
أنا ماسويت كذا لان اصلا مافيه وقت
ابد مايمديك جالسه إلا داخله الاختبار
بس عاد قدر الله علي وصادقة وحده على سريع عند باب المدرسه خخخ
ووحده ثانيه كنت معي بقروب مسوينه للجامعة صادفت انها معي بنفس المدرسة
واقول الصدق والله والله ماشفتهم غير مرتين بس
اللبس للبنات بما انه شىء يسبب لنا آلآرق
أول يوم لبست تنوره
باقي الأيام لبست بنطلون
وفيه بنات يلبسون بنطلون في بنات تلبس تنور وفيه بنات بعبايه
بعد فتره شافتنا المشرفه وقالت ماتدخلون الاختبار الا بعباية
لبسنا العبايه مره وحده وعقبها معد شفتها
والكلام هذه يختلف من مدرسة لمدرسة على حسب المشرفه على المركز وش تقول

الاختبار با الليل يوسع الصدر بصراحه
كان النهار طويل طويل وهذا شىء لصالحنا في المذاكره
هذا المستوى عاد الأختبار بيكون في الشتاء للأسفأنا
بيصير العكس الليل طوويل والنهار قصير وهذا موب في صالحنا ابد

الدراسه بجامعتنا مرره ممتع وسهله
والثقه با الله انك قد هذا الشىء
والتفاؤل والدعاء يحقق لك كل شىء بأذن الله
أنا فخوره أني احد طلاب جامعة الملك فيصل
وكل جامعة لها عيوب العيب عانيت منه الموقع كان يخرب كثير
بس الحمدلله عدينا كل شىء بخير
حبيت اكتب لكم كل شىء بتفصيل
لان يوم كنت بمستوى أول كنت اتمنى القى موضوع بهذا الشكل
لكن ماكان فيه حبيت اعلمك كل شىء كنت افكر فيه يوم كنت بمكانكم
أنا انسانه متفرغه للدراسه يعني لا وظيفه ولا زوج ولا عيال
يعني مو كل كلمة اقوله تنطبق على الكل
الكل عنده التزامات وارتباطات وضغوط الربط بين الجامعة وغيره
فا أنا احكي لكم عن نفسي بما أني متفرغه للدراسه
اسفه جدا طولت عليكم
الله يوفقكم وييسر امورنا ويحعلنا من الفائزين في الدنيا والأخره يارب العالمين وعقبال ما اكتب موضوع تخرجنا معدلات ترفع الرأس إن شاء الله


واي سؤال في اي وقت أنا تحت امركم :rose:

سبحانك اللهم وبحمدك اشهد أن لا إله إلا الله استغفرك واتوب إليك

[أخيراً قررت]

بصراحه موضوعك جا بوقته

الله يعطيك العافيه

[دودي ...]

الله يسسسسسعدكك ويفرج همكك مرهـ استفدت من كلامكك حبيبتي جد مشكورهـ :004:

[Awatef]

ربي يسسسعدككك وفيتي وكفيتي :004::004:

ويفرح قلبكك بالتخرج بمعدل عالي ياارب:rose:

[قطعة صلصال]

الله يسعدك ياارب وربي اني كنت خايفه بس كلامك ريحني ربي يسعدك ويحفظك.

[خُرافية!!]

اخيراً قررت "دودي

حياكم الله
اللله يسعدكم ياجميلات :rose:

[وجدان الشمري*]

الله يعطيكك العافيه ..
ما قصرتي كل شي مهم وضحتيه ..:004:

[ام عذب]

موضوع جدآ رائع :004::004::004:

تسلم يمناك :rose:

["SARAH"]

الله يعطيسسس العاافيهه
ي جعل والديسس بالجنهه ان شاء الله

الله يوفقسس يارب

[أطيآف رآحلهـ]

يجزاكـ ربي جنآآت النعيم والله خآيفه من انه يصير مادتين مع بعض وفي بعض المواد دسمه ويبيلها تركيييز

["SARAH"]

يجزاكـ ربي جنآآت النعيم والله خآيفه من انه يصير مادتين مع بعض وفي بعض المواد دسمه ويبيلها تركيييز


اطياف هذا رابط الجدول ويقولون هذا هو

و خوفك في محلهه في مادتين ..
http://www.ckfu.org/vb/t370202.html (http://www.ckfu.org/vb/t370202.html)

[خُرافية!!]

الله يسعدكم يارب جميعا
لاتخافين من مادتين في نف اليوم س
لو تذاكري قبل الاختبار بيفيدك الوقت كثير
أنا بعد هذا السنه عندي ماده مع الانجليزي
الله يسهلنا ولكم

[Hend Alqahtani]

مشكورةة حبيبتي .. يعطيك الف عافيةة :rose:

[أفا يا قلب]

الله يسعد قلبج ويوفقج ياارب.. بس كم معدلج اختي:lllolll:

[أفا يا قلب]

انا بشتري الملازم هالاسبوع ان شاء الله وبحاول اذاكر اول بأول ان شااء الله:41jg:

[جواااهر99]

يسلمو ياعسل موضوعك
ريحني كثير بس في بالي اسئلة كثير ومرة محتارة واتمني احد يساعدني :Cry111:[/B] انا ماني عارفة من وين اذاكر وكيفة نوعيت الاسئلة هل هي اختياري وهل فية ملازم اذكر منها ومن وين اجيبها وهل فية نماذج من اسئلة العوام الماضية بليز احتاج مساعدة انا جديدة مستوي اول وخايفة مرة وتسلمين اتمني الرد:mh12:

[الغاليه..]

الشكر الجزيل,:rose: لكي..

[أم عمر w]

جزاك الله خيير,,

[هيا العبدالله]

الله يعطيك العافية ,,:004::106:

[شذى الاشواق]

يعطيكي الف عاافيه

[صيته عبدالعزيز]

الله يوفقك يآرب:106:

[لووله@]

الله يسعدك ويوفقك
طمنتيني الله يطمن قلبك ويفرج همك
:106:

[تمنيت]

الله يجعلك من اهل الجنةة

جد جد ماقصرتي وحكيت كل اللي كنا نبي نعرفةة

مشكوره ي عسل وعسى الله يوفقك ويسعدك

[خُرافية!!]

مشكورين جميع ا على كل دعواتكم الحلوه
بنسبة لجواهر

اقولك ذاكري قبل الاختبار بفتره
وخلي كل ماده لها يومين كل يوم 7 محاضرات
الاسئله اختياري كلها سوال واربع خيارا ت
لا تخافي ياقلبي ولا شىء كل شىء سهل بأذن الله
واسئلة الاعوام السابقه اكتبي بقوقل ويطلع لك
اسئلة مستوى أول كلية الاداب جامعة الملك فيصل عن بعد
يعني ابحثي حول ذا الكلمات بيطلعك الي تبين
واي سوؤال يخطر ببالك اسألي تحت امرك أنا

[i.Ae]

وعليك السلام ورحمة الله وبركاته.
موضوع جداً مُفيد، وبحتفظ بنسخه منه.
الله يوفقكِ يا رب، شكراً.

[صاحب صاحبة]

مشكورة ربي يسعدك ...

[sonh]

ماشاءالله شرح كافي ووافي:004:
جدااا استفدت وكنت ابحث عن موضع مثل موضوعك واسلوبك الحلو

الله يسعدك ويوفقك اختي:rose:

[نوني انا]

الله يسسسعدك وين ماكنتي

والله وضحتي لي امور كثيره

جزاك الله خير ماقصرتي ..



الملخصات اللي هنا تكفيني عن المحاضرات وغيره في المذاكره ؟

[ميمونه @@]

مشكوروه ماقصرتي يعطيك الف الف عافيه :004::rose:

[zooz.al]

موضوع جدآآ جميل , آستفدت منه وعرفت آشياء كثيرة
عموما يعيطك العافيةة :004::004: ’,,
الله يوفقك آن شاء الله ويسهل عليك .

[أبي أنقبـل :(]

أبدعـتي بالطرح
وجزآتس الله خير الجزآء
وربي يوفقتس ويسعدتس

[سندباد البحر]

الله يجزاك خير

[شهد المدينه]

الله يجزك الجنه والله ويجله ربي في ميزان حسناتك :004:

[خُرافية!!]

الله يجزاكم خير على الدعوات الحلوه ولكم المثل

نوني أنا
لا افضل لك تشوفين المحاضرات
تدرين ليه لان وقت الا ختبار بعض الاسئله والله ما اذكرها الا من المحاضره
شوفي المحاضره والملخص معك. هذا أهم شىء

[Saja n]

أول مرهـ في حيااتي اقراء موضووع كاااااااااااااااااامل ونستيني اصراحه:mh001::mh001:
الله يعطيك العافيهـ خيتوو :d5::004::004:

[جوااانا]

اسال الله لك التوفيق

[سألت الرووح]

الله يعطيك الصحه والعافيه
ماقصرتي كفيتي ووفيتي

[اتقى الله]

الله يوفقك ويجعلها بموازين حسناتك

[تمنيت]

خرافيه عندي

سؤؤال
شتفضلين للمذاكره المحتوى اللي ينزله الدكتوور

والا ملخصات الطلاب اللي ماقصروا هنا،؟

[manal1993]

:d5:يعطيك الععععععععععععععععافيه

[ابو جيسو]

الله يعطيك الف عافيه يالغاليه

[الغاليه..]

:000: :000::000: عاتي نكتب اجابات خطاء ويحسببون الدرجه كامله.

[منااي]

الله يعطيك العافيه يارب:004:

[Pure Lady]

ماتتخيلين وش قد موضوعك فادني
روحي يا شيخة عسى فالح a+ ًدايم
ولا تدرين لا تروحين خليك معنا انت مصدر للتفاؤل

:d5::d5:

الله يسعدك

[خُرافية!!]

المحتوى الي ينزله الدكتور مثل الملخصات الي يسونها الطلاب
بس بشكل ارتب اختصار للوقت وللحبر والورق

[الغاليه..]

خيتو ماجاوبتي

[خُرافية!!]

الغاليه
لان مافيه اي دقه. في المناقشات
لو تكون اجابتك خطا.تحسب لك درجة. على حسب الي شفته
بس بكل ذمه وضمير اكتبي اجابتك صحيحه قد ماتقدرين احتياط و راحه لنفسك

[تمنيت]

خرافيه يعني نتوكل ونشتري الملخصات

[زميل دراسه]

السلام عليكم

لو سمحتو المستوى الاول علم اجتماع وين القاه وشكراً

[khalid hamid]

انا أشهد انك بنت رجال، ونعم .. الله يسعدك ويوفقك .. كلام مريح عن تجربة جميلة.. باسلوب هادي ومفيد..
وحرص واهتمام على مصلحة الغير .. اسأل الله لكي التوفيق ..
والله العظيم اني قرأت موضوعك حرف حرف ..
وماتصدقي قد ايش فادني واعطاني دفعة معنوية .. بالرغم اني ماني متفرغ زيك ..
ياشيخه يكفي اهتمامك وحرصك واحساسك بالغلابه المساكين :biggrin: اقصد الطلبة الجدد ..
بالتوفيق والنجاح لنا ولكِ خرافيه .. والله يجازيكِ بالخير ان شاء الله.

[المستجدات]

انا أشهد انك بنت رجال، ونعم .. الله يسعدك ويوفقك .. كلام مريح عن تجربة جميلة.. باسلوب هادي ومفيد..
وحرص واهتمام على مصلحة الغير .. اسأل الله لكي التوفيق ..
والله العظيم اني قرأت موضوعك حرف حرف ..
وماتصدقي قد ايش فادني واعطاني دفعة معنوية .. بالرغم اني ماني متفرغ زيك ..
ياشيخه يكفي اهتمامك وحرصك واحساسك بالغلابه المساكين :biggrin: اقصد الطلبة الجدد ..
بالتوفيق والنجاح لنا ولكِ خرافيه .. والله يجازيكِ بالخير ان شاء الله.

نفس الفكره:(204):

:d5::d5::d5:

[awraqalward]

يا قلبي انتي موضوعك منجد يفسر اسئله كثير عندي نثرتها هنا وهنا بالمنتدى وكنت انتظر مين يجاوب لي عليها بس ايش اقول غير الله يسعدك ويوفقك:004::rose:

[ام سدومه]

:106:الله يسعدك يارب

[awraqalward]

بس الله يسعدك انا عندي مشكله تنزل اول خمس دقايق من التسجيل للمحاضره بعدين يوقف الان يحسب لي حضور المحاضره ولا ما يحسب الصراحه فقدت الامل

[عبادي حايل]

الله يجعل كل حرف كتبتيه في موازين حسناتك

من جد موضوع متعوب عليه

كفيتي و وفيتي والله يجعل والديك لجنات الخلد على هذا الموضوع

لكي :106:

[عطر الخزامى]

يعطيك العافيه

[ليآن]

ربيي يسععدك موضوعك جدآ ممتاز ومهم الكل يشوفه صراحه اغنيتيني عن اسئله واجد اشك فيها والحين تاكدت:106:


ربي يعطيك الف عافيه
و بالتوفيق للجميع:004:

[خُرافية!!]

الله يسعدكم يارب على الدعوات الحلوه ولكم بالمثل

[amjad_s]

يعطيك العافيه اختي عندي كم سؤال انا مستوى أول دراسات اسلامية اقدر اغير التخصص ؟؟؟

[Against Gravity]

خرافيه:004:
هاتي خشمك ببوسه :060:

الله يسعدك ويوفقك ويسدد خطاك ويكتبلك التخرج بأعلى معدل والوظيفه بأعلى مركز يارب
ويجعلك من سكان الفردوس ووالديك :004:

موضوعك يريح كثيرررر
ويطمن بالحيل
ويونس جدا

تخيلي ماحملت محاضرات ولادخلت الا باربع مواد ومحاضراتهم الاولى بس
جاني شي سد نفسيتي حييل :icon9:
بس موضوعك هذا شقول بس :119::004:
الله يطمنك ويريج قلبك ويسعدك بالدارين :004:

[Against Gravity]

معليش ع التلقف

اوراق الورد خيتي المشكله من اتصالك
غيري سرعته والا شوفي لك حل معه
اذا انتي ضاغطه ع مشاهدة المحاضره المسجله لازم تشوفينها كلها عشان تاخذين الدرجه كامله
احتياط لك حمليها ولاتكتفين فقط ب مشاهدة المحاضره عشان ماتضيع عليك الدرجه

[W A R D]

ياحياتي عليكي
أستفدت كثير من كلامك
الله يوفقك و يسعد قلبك بالدارين
:106:

[دلوعتي صبا]

الله يسعدك دنيا واخره

[خُرافية!!]

الله يسعدكم يارب
امجاد
ايه فيه تغير التخصص
بس لازم تدرسي هذا المستوى
المستوى الجاي يفتحون لك آيقونة تغير التخصص واختاري الي تبين
الله يكتب لك التوفيق

[ماريوت]

الله يسعدك ياارب كفيتي ووفيتي
فعلا موضوع في وقته

شكرا لك

[rawan.m2]

تسلمين حبوبه ماقصرتي :004:

[rawan.m2]

الله يسهل علينا ويوفق الجميع :106:

[ليآن]

:10111:ياحلوآت بغيت اسالكم المحتوى لو ماحملته عاادي او انقص

[ايناس33]

الله يعطيك العافيه ويستر علينس ويرحم والدينك وجعلك ف الجنه وش باقي مادعيت لتس

كلامك يشرح الصدر وسجلت معلومات منك الله يجزاك الجنه


سسسسسسسسسسسسسلمتي ياعسسسل

[مهرة نجد]

تسلمين يالخرافية بجد انتي خرافية..


واااااااي موضوعك صراحة حلووو واستفدت منه مره .. وكنت بحاجة للموضوع زي كذا..

الف شكر ..ماقصرتي..:106:


بس فية اسأل تتدور براسي ..:000:

[خُرافية!!]

الله يسعدكم يارب ولكم بالمثل على كل دعوه حلوه
مهرة نجد اسألي تحت أمرك أنا
:004:

[خُرافية!!]

الله يسعدكم يارب ولكم بالمثل على كل دعوه حلوه
مهرة نجد اسألي تحت أمرك أنا
:004:

[نون ومهري مليون]

جزاك الله الف خير يالغلا:d5:

[نون ومهري مليون]

:064: بنات في أحد يعرف متى تنزل اسئلة الواجبات

[الجود**]

الله يعطيك الف الف عافيه ماقصرتي ياعسل:106:

[مهرة نجد]

الله يسلمك يالخرافية ومايمر عليك عدووو ..:060:

بس ودي اعرف على اي برنامج تحميل اقدر احمل المحاظرات من شان تحسب لي الدرجة..



وبـــث يالغـلا :004:

[خُرافية!!]

مهرة نجد مافهمت عليك مره
إذا تقصدي ايش البرامج الي تحاتجينها في الجامعه
هذا موضوع يفيدك جدا لـ بعيد النظره الله يسعده
http://www.ckfu.org/vb/t340793.html


واذا تقصدي ايش هي الصيغه الي تحسب لك فيها الدرجه
المشاهده المحاضره المسجله
تحميل المحاضره المسجله
تنزيل المحاضره المسجله صوت
تنزيل المحاضره المسجله نسخة الجوال

كل الخيارات تحسب لك درجة اختاري الي يناسبك
انا عن نفسي بختار تحميل المحاضره المسجله

[ليآن]

جاوبوووووني :000:
المحتوى لو ماحملته عاادي او انقص

[amjad_s]

جزاك الله خير حبيبتي الله يوفقك ويحققلك مرادك

[ماريوت]

جاوبوووووني :000:


المحتوى لو ماحملته عاادي او انقص

المحتوى ماعليه درحات
هو لك فقط

[ماريوت]

موضوع مهم وجاء بوقته
شكرا لك والله يوفقك يارب

[لولو بنت الشيوخ]

روحي يا شيخه الله يفتحها بوجهك ويسهل امرك ويوفقك دنيا واخره:004:

[فطوشه]

الله يوفقك وييسععددك والله كنت محتاجه موضوع ززي كذ1 يووضح لي كل شي مشكوورره أؤؤي الله يووفقكك ويسسررر لك امررك وينجحك يآرب ,,

[Raw3a]

جزاك الله خير موضوع قيم ورائع .. :106:

بس جد صار عندي شك أخاف المحاضرات أحملها ومااخد عليها درجه في طريقه أتأكد :000:

[ليثاوي الرياض]

خُرافية!!
الف شكر
و الله يجعل امورك كلها الى خير
و الله يجزكي كل خير

[خُرافية!!]

حياكم الله جميعا
روعه
لا تخافين دامك محمله كل شى اول بأول كل شىء بيصير بخير

[بدر الخليفي]

:004:الله يعطيك العافيه

[أسيرالأحزان]

الله يعطيكك العافيه ..
ما قصرتي كل شي مهم وضحتيه
الله لايحرمنا منك

[s m r]

ياشيخة روحي ... الله يسعد قلبك قولي آمين.. برّدتي قلبي... الله يوفقك ويفتحها في وجهك من كل مكان..:43: