الملازم والملخصات والدكاتره موضوع أتمنى قراءته من الجميع

[Against Gravity]

السلام عليكم ورحمة الله وبركاته



أخواني وأخواتي الأعزاء ،،

قرأت كثير مواضيع هنا بخصوص الملازم ومحتوى المناهج
والمشكله ان الأغلب يضع اللوم على الجامعه أو الدكاتره ويقول ( ليش ماينزلون لنا ملازم)؟


ياجماعة الربع
تدرون ان جامعة الملك فيصل هي الجامعه الوحيد اللي تهتم بطلابها المنتسبين
هي الجامعه الوحيده اللي خلت لطلاب التعليم عن بعد أولويه واهتمام كبير عندها
طورت وتابعت من اجل راحة المنتسبين

اسألوا مجرب
تدرون بجامعات ثانيه
مااحد معطيك وجه
تسأل ومحتاس ولا احد يمك لا الجامعه ولا منتديات الجامعه


واللي يقول ليش الدكاتره ماينزلون لنا ملازم؟
اقول والمحتوى اللي ينزل مع كل محاضره هذا وشو ؟؟؟؟؟

وغير كذا بكل المحاضرات التمهيديه الدكاتره جزاهم ربي خير ذكروا لنا
بعض المراجع للي يبي يطّلع ويستزيد
غير المحتوى
والدكتور عبدالحميد النعيم مادة مهارات التعلم والتفكير ذكر فقط انه (انتم غير ملزمين بكتب وغيره فقط تابعوا معي المحاضره وهذا اللي تذاكرون منه والامتحان مايخرج عنها)

وكثير من الاخوان والاخوات اللي سبقونا ماشاء الله عليهم ربي يوفقهم ذكروا انهم ذاكرا فقط من المحتوى لاملازم ولاكتب فقط المحتوى وشرح الدكتور وعدوا وبمعدلات ممتازه ماشاء الله


ولله الحمد والمنه
محاضراتنا عندنا نرجع لها بأي وقت نبيه ونعيد ونزيد ونقدم ونأخر بشرح الدكتور زي مانبي :biggrin::004:


بصراحه وضعنا كمنتسبين هنا أفضل من طلاب الانتظام :(204):


واقرأ ردود للأسف يقولون وين الفلوس اللي ياخذون ليه مايطورون
اقول تدرون ان الجامعات الأخرى رسومهم أكثر
وتدرون ان بعض الجامعات الأهليه رسومهم يدفعون باربع سنوات 260 ألف ريال او مايقاربها
وفي الدول الأخرى كم؟؟
التعليم غالي ويستاهل دم القلب



ويكفي أولا وأخيرا اننا بجامعة تحمل إسم شخصيه تاريخيه عظيمه له مكانته وتأثيره في تاريخ وطننا الغالي وفي تاريخ أمتنا الإسلاميه
الملك فيصل رحمه الله

هذا بحد ذاته أكبر فخر لنا كلنا

تدرون اني انا يااختكم كنت طالبه منتظمه في احد جامعات المملكه
ووصلت لآخر المستويات واجلت أكثر من سنه لظروف وبعدها لقيت نفسي مفصوله لأسباب دراسيه وممنوعه من الدراسه بانتظام بجميع جامعات الوطن ولم أجد أحد يسمع شكواي او يعيد النظر في أمري وكل باب طرقته في جامعتي السابقه كان مغلقا .


وعندما كنت منتظمه كانت الدراسه تعب ومعاناة ويشرح الدكتور ويبلغنا باسم الكتاب اللي نعتمد عليه بمنهجنا ويمر شهر ولا حصلناه في المكتبات ولا وفرته لنا الجامعه او يجي بكميات قليله ويخلص
وتجي امتحانات الشهر وتبدي الشحاذه :cheese: وندور كتب منا مناك نصور ونطبع وحالتنا حاله :139:
ولا يوجد هناك احد يسمع شكوانا او يهتم بآراءنا
كل ماعليهم يشرحون المحاضره وبس
لا عميد يسمع لك ولادكاتره يعطونك وجه والا يخصصون لو بس ربع ساعه يسمعون منك والا تناقشهم وتستفسر منهم


تدرون ان كثير من اقربائي طلاب منتسبين في جامعة الامام
وجامعة الملك عبدالعزيز

والكل يتمنى ان لو كان من طلاب جامعة الملك فيصل لما رأوه من إهتمام كبير بالطلاب في جامعتنا
وتيسير السبل أمامهم وتذليل العقبات أمام تعليمهم .



** الملازم اللي في المكتبات ماهي الا تجميع لمحتويات المحاضرات اللي ينزلها لنا الدكتور
فقط تم تجميعها وطباعتها والغرض منها
التسهيل على اللي ماعندهم وقت يطبعون والا يبون يتابعون مع الدكتور ويخططون بملازمهم أول بأول أفضل لهم .



** واللي مصر لازم يبي ملازم
ياخذ ملازم الاخ هتان الله يوفقه ويجزاه خير
وبالنسبه للانقليزي ياخذ حق الاخ سكرتير عبادي الله يجزاه خير

رابط مباشر فيه ملخص الاخ سكرتير عبادي (https://dl.dropbox.com/u/36889822/EnglishFacitilate4KFUStudent.pdf)
اللي يبي يحفظه كليك يمين وثم save Link as
أو save the target as

وهنا موضوع الاخ هتان رعاه الله

http://www.ckfu.org/vb/t368706.html



يعني الدعوى سهله جدا ياربي لك الحمد

وربي يوفق كل من كلف على نفسه وسوا الملازم والملخصات او وضع حلول اسئله سابقه
وغيره ربي يسعدهم ويحقق لهم كل ماتمنوا يارب وأسأل الله أن يسدد خطاهم ويثيبهم ويفتح لهم ابواب رزقه ويغفرلهم ولوالديهم على حسن خلقهم وتعاونهم وحبهم لنشر الفائده والخير :004::106:







ارجو اني ماثقلت عليكم :060:
بس حبيت اوجه كلمه لان البعض للاسف مصعبها وهي سهله
والبعض يقول كلام سئ جدا عن الجامعه وعن دكاترتنا
وقبل كل شي اذكر نفسي وأذكركم " قم للمعلم وفه التبجيلا _ كاد المعلم أن يكون رسولا"

اللهم لك الحمد حمدا كما ينبغي لجلال وجهك وعظيم سلطانك

اسأل الله أن يكتب لي ولكم التوفيق والسداد والنجاح والدرجات العاليه في الدارين
وان يغفر لوالدينا واحبابنا فيه
وكل عام وأطهر وطن بخيـــر ..

[ماريوت]

اول شي اسئل الله ان يعوضك خير مما ارح منك في جامعتك السابقه وينتقم لك ان كنتي مظلومه بفصلك وانتي باخر سنه


ثاني شي الي جالسه تشوفيه مش تذمر او انكار للجامعه مثل ماهو لخطبه بدايات تحصل في اي مرحله


لاتنسين الاغلبيه غايبين عن اجواء الاختبارات والدراسه فترات طويله والوقت مايساعدهم وهذه مش اعذار من اجل مساعده الجامعه اكثر للطلاب لا والله


ولكن الي اقصده من كلامي خلي الاخوان والاخوات يفضفضون شوي وصدقيني اسبوعين وبتشوفي المواضيع تغيرت ان شاء الله والناس بداءت تتقبل الامور


شويه وقت وينتهي كل هالامورباذن الله للافضل وهم الان محتاجين دعم وتشجيع وتوضيح ومساندتهم فلا نبخل عليهم


والاخوان والاخوات والله مش مقصرين مثل الاخ هتان والاخت حفيده الفاروق وغيرهم من الزملاء رغم انهم بمستويات اعلى الا انهم جالسين معانا ويجاوبون على استفسارتنا


ونسئل الله لهم ولباقي الاخوان الجنه ويرزقهم دنيا واخره يارب


من لايشكر الناس لايشكر الله

[تفاصيل الهوى]

الحمدلله وضعنا طيب
:d5:

[Against Gravity]

الاخ ماريوت
جزاك الله خير
واتفق معك بكل ماذكرت
لكن ماتصل الفضفضه لكلمة الدكتور فلاني بثر وهذاك مدري وشو ؟؟

مهما كان فيه حدود لازم ناقف عندها كلنا
ولازم الاحترام هو منهجنا كلنا في التعامل سواء بحضور دكاترتنا والا بغيابهم
انا زمان كنت اتضايق من قول بعض زميلاتي مادتنا تدرسنا فيها فلانه
تخيل فلانه بدون حتى كلمة دكتوره او استاذه بس فلانه وكأنها وحده من خواتها
فمابالك باللي يقول بثر؟؟؟
ماهكذا نخاطب اهل العلم منا .



تفاصيل الهوى اشكرك على مرورك

[عبدالعزيز المنصور]

اول شي احب اشكرك على موضوعك القيم و المفيد لكل شخص منا مهما كان مستواه عالي بالدراسه
الحقيقه ماشاء الله الاخوان مو مقصرين و انا اذكر فتحت موضوع واحد للإستفسار و حتى جوابه كان واضح و ماكلفت نفسي بالبحث
لكن بعد كذا صرت ابحث و القى اجابتي باول الصفحات
الحممد لله الاخوان و الدكاتره مو مقصرين الشرح واضح جدا ً و الملازم ماهي الا تبسيط للمحتوى و ذكره بطريقه شيقه و سهله

الله يوفق كل من سخر جهده ووقته لمساعدتنا سواء كان طالب او دكتور

و فالكم ان شاء الله الـ a+ .،~

[أفا يا قلب]

اختي تدرس بعبدالعزيز بصراحه ماكأنها عن بعد كتب بـ400 وشوي ودراسه بـ4000 ولازم تحظرين المحاظره بصراحه فيصل مافيه احسن منها للموظفين خصوصاً بأي وقت يقدر يدخل ويحمل ويشارك

ومن هالموضوع اسمحو لي اشكر اخواني:
هتان
حفيدة الفاروق
دودي
كويتي
اشكرهم على تعاونهم معانا وعلى تحملهم تكرار الاسئله,, والله بحياتي ماأنساهم ولا انسا هتان وملازمه والله اني اطبعها وانا ادعي له من كل قلبي
الله يوفقكم دنيا وآخره وياارب دراسة خير وبركه علينا وعليكم:d5:

[Against Gravity]

اخوي عبدالعزيز المنصور جزاك الله خير

وفعلا الاخوان ماقصروا ربي يوفقهم :004:
من اول ماسجلت هنا وشفت التعاون والتكاتف وحسن الخلق وانا اشكر ربي ان وفقني لهذه الجامعه وتشريفي بأن أكون مع هؤلاء الكبار :004: ولا أريد ان اذكر اسماء معينه خشية ان انسى احدهم سهوا :004:
وأكتفي بالدعاء لهم دوما .


الغاليه أفا ياقلب
منوره :004:

ربي يعين اختك ويوفقها

ومعك حق بشكر هؤلاء العمالقه الأفاضل ربي يزيدهم ويوفقهم وين ماكانوا

[حنين نجد]

الله يجزاهم خير . فعﻵ الكل يمدح جامعة فيصل وهي افضل جامعة للمنتسبين


موفقه يارب

[ام عذب]

موضوع جدآ رائع جزاكم الله خير انا وحده من اللي كانو في حيره شريت الملخصات ولا ادري اعتمد عليها والا على المحتوى لان المحتوى احسه مختصر والملازم مفصله وواضحه :060::060:


ماقصرتو :53:

[ام عيده]

جزاك الله خير كفيتي و وفيتي

[Against Gravity]

حنين نجد
أم عذب
أم عيده


الله يجزاكن خير ياغاليات
ونورتن :004:


الله يوفقكن ويوفق الجميع يارب :004:

[ندوش الفرفوشه]

جزاك الله خير كفيتي و وفيتي

[RoOo7-2012]

السلام عليكم ورحمة الله وبركاته ...
موضوع جميل يستحق من جد القرءاه والله يعطيهم العافيه جميعا وكل من ساهم في مساعدتنا وحاول يفرج كربة اخوانه واخواته واسال الله العلي العظيم ان تكون في ميزان حسناته ....

وخاتمتي اشكر الجميع:d5:

[Against Gravity]

ندوش & RoOo7

الله يجزاكن خير عسولات
نورتوا :004:

ربي يوفقكن ويسعدكن ويسدد خطاكن وخطى جميع طلاب وطالبات جامعتنا :004::004::004:

[لووله@]

جزاك الله خير
والله يجزي من كتب لو كلمه وحده يستفيد منها اي احد
الله يجعلهم بموازين اعمالكم جميعاً ويفرج لكم همومكم
ويوفقكم دنيا واخره يااارب

لو سمحتي محيرتني الملازم ووالملخصات الى الان ما اشتريت ولا طبعت شي
دحين هي نفسها المحتوى الموجود مع المحاضرات او غيرها
يعني على ايش اعتمد في المذاكره لاني جداً محتااااره :(107):

[رمَـآدِيہَ]

شيئ جمييل أن مثلك و مثل تجربتك يكتب هالاكلام الأكثر من رآئع :106:
أنآ بالنسبه لي
أوآفق ألأخ مأريووت ..
رغم أني ما مآرست الفضفضه هذي ولآ طرآلي
لأني أتنفس حأجه أسمهآ ألتعليم ,, أهوآه و أستعذب كل التعب اللي من ورآه
لكن فعلاً الموضوع جديد و كبيير عليهم و النظام جاد و دقيق
و التوتر و الجهل في بعض الجوانب احياناً يترجم نفسه غضب و سخط

كلامي هذا مآ يشمل اللي تجاوزوا حدوودهم في الفضفضه طبعاً ..
لكن ما يوسعني الا اقوول .. أن الشي مآ تحس بقيمته الا إذا فقدته للابد .

شُكراً جداً يآ غآده :119::004:

[Against Gravity]

باقة ورد
وإياك يالغاليه
الله يجزاك خير ويوفقك

بالنسبه للملازم خوذي حقات الاخ هتان ( حمليهم من موضوعه الله يجزاه خير)
وتابعي مع محاضرات الدكاتره وشرحهم وشوفي متطابقات والا لا؟
اذا المحاضرات الاولى متطابقه مع الملازم
خلاص ذاكري من الملازم وارجعي لشرح الدكتور
انا كذا لازم اكتب مع الدكتور وادون ملاحظات والشرح والنقاط اللي يذكرها على الملازم ومنها اذاكر
الا الانقلش والتحرير العربي شريت كتب ومع شرح الدكتور طبعا
لانه الانقلش تخصصي وراح استفيد من كتاب القواعد للابد
والتحرير ماده لذيذه ومهمه لنا كلنا بما انها لغتنا ولغة القرآن .
ومادة مهارات التعلم والتفكير
ماشريت لا ملزمه ولا كتاب ولاشي
بس فقط اكتب شرح الدكتور لانه قال اعتمدوا على شرحي وهو اللي انتم مطالبين فيه لاكتب ولا ذا
ومادة الصحه نفس الشي احس المحتوى مجمل وشرح الدكتور اشمل وأهم :004:

بالتوفيق لك وللجميع يارب


أم غاده
هلا يمه :004::biggrin:
يالباك انتي وبنوتتك سميتي :060:
الله يسعدك ويوفقك يارب
أحيي فيك حبك للعلم
واشكر لك ردك وكلامك الذي ان دل فإنما يدل على وعيك وادراكك

تدرين لي 8 سنوات منقطعه عن الدرس
وكلنا في لخبطه لكن البعض للاسف التحق بالتعليم عن بعد وهو ماهو فاهم ولايدري عنه
المفروض الشخص قبل يقدم على شئ لازم يدرسه من كل النواحي ويفهمه
عشان يدخل وهو مرتاح وفاهم ويتجنب اللبس ويبعد نفسه عن الاساءات الغير مقصوده طبعا :004:


وفقكن الله خواتي الغاليات
اسأل الله لكن السداد والنجاح ولجميع طلاب وطالبات جامعتنا :004:

[W A R D]

معك حق
ما شاء الله تبارك الله جامعتنا ميسره لنا كل شي
و طلاب و طالبات الإنتساب متعاونين معنا ما شاء الله عليهم
الحمدلله رب العالمين
الله يوفقهم و يوفقنا جميعاً يارب
:106:

[نوني انا]

:d5:

عطيتيني دفعه للأماااام وسهلتي لي الأمور جد

خصوصا اني اول مافتحت اول محاضره جتني كئاااااابه فضيعه قلت انا وش خلاني اسجل :cheese:
غير اني تخربط من وين اذاكر
والملخصات اللي هنا اربكتني زود مع ان جزااهم الله خير اللي سووها وساعدونا فيها

المهم ان موضوعك جميل ويعطي امل وسهل الامور كلها


جزاك الله خير حبيبتي
وفالك وللجميع ولي ياااارب الدرجات العليا ونعدي هالسنين على خير يارب

[زهرة الأوركـيد]

اقول والله انكم كذا :(204):

ياحبي لكم بس

ويسلموو غيوووده على الموضوع الرائع تستاهلين اللايك :004:

[مراسي الشووق]

يعطيك الف عافية ياقلبي ويسلم عمرك

فعلا كل كلمة قلتها صح بس كمان كلمة اخ ماريوت صح بعد الواحد مطول عن اجواء
الدراسة وعلشان كذا الواحد شوي متلخبط ذكروني بي ايام الابتدائي الواحد حايس مو عارف شئ :hahahahahah:
بس اكيد بكرة راح نساعد الجدد بكل شئ نعرفة ..:106:

[الجلاد]

بارك الله فيك والله يسعدك

[رمَـآدِيہَ]

أم غاده
هلا يمه :004::biggrin:
يالباك انتي وبنوتتك سميتي :060:
الله يسعدك ويوفقك يارب
أحيي فيك حبك للعلم
واشكر لك ردك وكلامك الذي ان دل فإنما يدل على وعيك وادراكك

تدرين لي 8 سنوات منقطعه عن الدرس
وكلنا في لخبطه لكن البعض للاسف التحق بالتعليم عن بعد وهو ماهو فاهم ولايدري عنه
المفروض الشخص قبل يقدم على شئ لازم يدرسه من كل النواحي ويفهمه
عشان يدخل وهو مرتاح وفاهم ويتجنب اللبس ويبعد نفسه عن الاساءات الغير مقصوده طبعا :004:







يختي يا حي ذا الرووح و الهممه و الله .. :sm5:
كآن نفسي القى شخصيه تستلذ معي التعب و تستمتع
لاني من جد كنت بديت احس اني فيني غباء
بعد ما عارضوني كلهم على الدراسه
و ان التعليم عن بعد ممكن يهضم حقك و لا تستفيدين:sm18:
و انو عندي بنت خلاص فاتت علي احقيتي فالتعليم:sm18:
تعالي بس تعالي أجلسي جنبي و حلي سنيين التعب الجاييه :biggrin::004::004:

[أم عمر w]

ما شاء الله تبارك الله ,,:004::004:

موضوع كله تفاؤل ربي يزيدكم ,,:biggrin::004:

وإحنا في خدمتكم بالي تآمرون فيه ,,:wink::004:

[naoom]

الله يجزاك كل خير ويعوضك بالخير دوم يارب
كلامك عين العقل واستفدت منه
بس يمكن البعض بسبب بعده لفتره عن الدراسة
بس هذا مايسمح ان نغتاب ايا كان معلم او غيره
الله يغفر للجميع
ومشكوره على التوجيه
بارك الله فيك وللاخوه اللي ذكرتيهم من جد قدمتوا لنا اجابه عن جميع الاستفسارات وصبرتوا علىنا
جزاكم الله كل خير
دمتم بحفظ الرحمن

[RoOo7-2012]

جزاكم الله خير

[ظل الورد]

جزاك الله اخت غاده على الموضوع :004:
انا في المستوى الاول وماادري ايش اشتري كتب يعني رائك مايحتاج بس امشي مع المحاظرات والاستاذ؟
ولو فيه كتاب للانقلش لاني خايفه منه واحس كتاب افضل :mh12:
ومشكوره ويعطيك العافيه :106::106:

[حجاب الوريك]

كلام من ذهب اشكرك اختي
وأسأل الله ان يعوضك الخير
تحياتي الاخويه

[Against Gravity]

معك حق
ما شاء الله تبارك الله جامعتنا ميسره لنا كل شي
و طلاب و طالبات الإنتساب متعاونين معنا ما شاء الله عليهم
الحمدلله رب العالمين
الله يوفقهم و يوفقنا جميعاً يارب
:106:




صدقتي Joody
الله يوفقك ويوفقهم ويسدد خطى الجميع
نوورتي يالغاليه :004:




:d5:

عطيتيني دفعه للأماااام وسهلتي لي الأمور جد

خصوصا اني اول مافتحت اول محاضره جتني كئاااااابه فضيعه قلت انا وش خلاني اسجل :cheese:
غير اني تخربط من وين اذاكر
والملخصات اللي هنا اربكتني زود مع ان جزااهم الله خير اللي سووها وساعدونا فيها

المهم ان موضوعك جميل ويعطي امل وسهل الامور كلها


جزاك الله خير حبيبتي
وفالك وللجميع ولي ياااارب الدرجات العليا ونعدي هالسنين على خير يارب




قولي آمين الله يسعدك ويزيل كل هم عن صدرك ويحقق لك امانيك
زي ماأسعدني ردك ياغاليه :004:
كلنا بالبدايه طبيعي نكتئب ويجينا ابليس ويقول وش تبون يالشيبان تدرسون من جديد :cheese:
بس مع التوكل على الله وحسن الظن بالله والاجتهاد
تزين الدعوى مع الايام

الله يرزقك النجاح والسداد والفردوس ووالديك
ويوفقك والجميع يارب :004:



اقول والله انكم كذا http://www.ckfu.org/vb/images/avatars/jamela/%28204%29.gif

ياحبي لكم بس

ويسلموو غيوووده على الموضوع الرائع تستاهلين اللايك :004:



وانتي بعد كذا :(204):
تسلمين ياقلبي ع الطله العسل
ربي يوفقك ويسدد خطاك :004:




يعطيك الف عافية ياقلبي ويسلم عمرك

فعلا كل كلمة قلتها صح بس كمان كلمة اخ ماريوت صح بعد الواحد مطول عن اجواء
الدراسة وعلشان كذا الواحد شوي متلخبط ذكروني بي ايام الابتدائي الواحد حايس مو عارف شئ :hahahahahah:
بس اكيد بكرة راح نساعد الجدد بكل شئ نعرفة ..:106:



ويعافيك ويسعدك يامراسي :004:
صحيح
وربك يعين
الله يسمع منك وان شاء الله بكره نصير حنا الخبره ونعلم ونشرح :biggrin::004: عقب ماحنا حايسين الناس باستفساراتنا وحوستنا :004:
دفعتنا هذي مدري من زود الحماس والا دوافير والا شيبان كلنا ومبطين عن الدرس
احس اننا مسوين زحمه بالحيل :060::cheese:
ربي يوفقك ويسدد خطاك



بارك الله فيك والله يسعدك

أسعدك الله أخي الجلاد
ووفقك وسدد خطاك وجعل الجنه مثواك ووالديك :004:



أم غاده :004:
نفس الكلام اللي أسمعه وكلام تكسير المجاديف اللي يجي
ماعليك وانا اختك
ولنا في علماءنا قدوه
ابن تيميه وابن القيم والطنطاوي
يطلبون العلم ويستزيدون حتى آخر ايامهم رحمهم الله :004:


حفيدة الفاروق
نورتي ياغاليتنا
الله يجزاك خير ماانتي مقصره وربي :004:
مااقول الا الله يوفقك ويجعلك من عباده الاخيار ويغفرلك ولوالديك واحبابك ويسدد خطاك وين ماوجهتي :004:



naoom
آمين والله يجزاك كل خير ويسعدك
معك حق
الله يغفرلك ولي وللجميع ياحي ياقيوم :004:
الشكر لك يالغاليه :004:


RoOo7-2012
هلا والله :004:
ويجزاك كل خير يارب


ظل الورد
هلا وغلا
كلنا معك مستوى اول وان شاء الله يعدي تمام التمام قولي يارب :004:
بالنسبه لي انا شخصيا طبعت ملازم الاخ هتان لبعض المواد وادون ملاحظات وشرح الدكاتره عليها
والانقلش شريت كتابه لانه تخصصي وابتعمق فيه:wink:
من العبيكان Basic english grammar ( بس انتي انصحك بملزمة سكرتير عبادي مترجمه وحلوه:004:
ومادة الصحه واللياقه ومهارات التعلم والتفكير اكتب مع الدكاتره كل شي خصوصا المهارات هو قال ان المنهج (شرحه فقط):004:
ولو تشوفين المحتوى تلقينه شبه مجمل
ومادة تقنية المعلومات صراحه اكتفيت بالمحتوى لانها احسها ماتحتاج كتب وملازم خصوصا للي عنده خبره بالحاسب
وربي يوفقك والجميع


حجاب الوريك
اشكرك على ردك الطيب
وتواجدك المميز
اسعدك الله ووفقك ورعاك اخوي


لكل من رد ومر على موضوعي ومن زاره ولكل طلاب وطالبات التعليم عن بعد بشكل عام:004:
أسأل الله لي ولكم النجاح والصلاح في الدارين
اثابكم الله وسدد خطاكم وجعل الجنة مثواكم ووالديكم وجميع احبابكم

[نوني انا]

جزاك الله اخت غاده على الموضوع :004:
انا في المستوى الاول وماادري ايش اشتري كتب يعني رائك مايحتاج بس امشي مع المحاظرات والاستاذ؟
ولو فيه كتاب للانقلش لاني خايفه منه واحس كتاب افضل :mh12:
ومشكوره ويعطيك العافيه :106::106:


تعالي صفي جنبي :cheese:

شوفي على حسب دكتور الماده
مثلا مادة التحرير العربي بديت فيها وقال الله يجزاه خير في الاختباار مايحتاج منكم غير تذاكرون المحتوى للإختبار كافي..

[مس حلم]

يعيك العافيه ~:106:

[الريم3]

بأذن الله خيره والله يعوضك عن مافاتك اختي حبيبتي وجعل الله هذه كله في ميزان حسناتك وكلامك ميه بالميه صحيح جزاك الله خير:004:_:004:

[ظل الورد]

صباح الورد:106:
ههههههههه نوني انا شفت المحاظرات التمهيديه والكل يقول مايحتاج بس تكونوا متابعين للمحاظره خلاص ان شاء الله بنمشي مع البوربينت والاستاذ والانقلش حاخذ ملزمة عبادي والله يسهلها يارب للجميع ويسلموو لكل اللي رد علي :004:

[أبو ربى]

:oao:

[S0ma]

Thanx:d5:

[Hana-ALahmadi]

سبحان الله وبحمده ...

جزاك الله خير ... كلامك عين العقل .. فعلا ان جامعة الملك فيصل من افضل الجامعات وخاصة التعليم عن بعد
احمد الله اللي وفقني واخترتها عشان اكمل دراستي فيها.

وبالتوفيق للجميع

[ظل الورد]

اهلين غدو :004:
والله مااعرف ليش فاضيه بس للاسف موذيك الخبره في المنتديات :mh12: بس توني دخلت على الرسايل الخاصه وطلعلي لازم يكون عندي 100 رساله شكله من عينك ههههههههههههه:sm5:

ومشكوره ياعسل ع الرابط :060::biggrin:

[أم نونه]

يا أختي الله يجزاك الجنة
وربي صدق أحس أن الكل مؤ مقصر
ويكفي تعاون الإخوان هنا بالملتقى
شئ يثلج الصدر
قسماً بالله كنت شاليه هم وكنت أتوقع انسحب
لكن لما شفت الكل معاك ويحاول يأزرك تشجعت
وتخليت نفسي متخرجة خلاص
الله لايحرم كل من حاول واجتهد انه ينفعنا الأجر يارب

[أخصائية اجتماعية]

كلام في الصميم صراااحه الله يعطيكم الف عاااافيه انا لي سنه متخرجه من الثانويه واحس ان النظام غريب علي
الله يسهل بس

[دلوعتي صبا]

يعطيك العافية ومعوضة خير ان شاالله

ويعطي العافية الاخت ام عمر يكفي انو كنيتها حفيدة الفاروق تحس انك ترتاح وتتطمن من ناحية مشاركاتها وتعقيبها للمواضيع والاسئلة

ويعطي العافية الاخ هتان وكل من يساعدنا كطلاب جدد تايهين

الله يجزاكم الخير على كل مساعداتكم

[فوازمحمد]

سلمت اناملك علي ماطرحتي وكلام في الصميم وفق الله الجميع لما يحبه ويرضاه
تقبلي مروري تحياتي لك

[Fofah]

بالعكس دكاترتنا فيهم الخير الكثير والجامعه من افضل وايسر الجامعات ولكل مجتهد نصيب واسال الله ان يعوضك خير وصدقيني ان الله كاتبلك اللي فيه الخير لك باذن الله