ابي شوركم تكفون .. [الأرشيف] - ملتقى طلاب وطالبات جامعة الملك فيصل,جامعة الدمام

عبـدـآلـلـه

2012- 9- 23, 09:23 PM

أولاً بسم الله الرحمن الرحيم ..
الموضوع ومافيه ..
بقولكم وضعي كله ..
أنا أكبر عيال أبوي وتوني متخرج من كليه المجتمع التابعه لجامعه الملك سعود بمرتبه الشرف الأولى تخصص موارد بشريه ورحت للجامعه الي انا أتبع لها سعود قالو نعادل لك ترم واحد من الي درسته كله سحبت ملفي قلت جيبوه بس ..
قدمت على فيصل وأنقبلت وبرضه أنقبلت في جامعه شقراء تجسير ..
وانا الحين محتار بالحييييييييييييييييييييييييل أحس أني ضايع ..
ودي أتوضف وودي أكمل ..
اذا كملت بجامعه شقراء كل يوم بروح من الرياض لحريملا ممكن 80كيلو وانا ضروفي يعني مو مره انا مأأشكيلكم أني أفقر الناس ومن هالكلام بالعكس بيت ملك الحمدلله وغيره بيوت وسياره ويجني راتب وانا نايم ..
بس أبي أتطور مع الناس والراتب الي يجيني طفسه وانا عمري مو صغير والوقت يمضي والناس ماتدري عنه يعني اذا خلصت انشاء الله البكالوريس من التجسير يكون عمري 25 او 26 بدون خبره لأني ماتوضفت متفرغ لدراسه فقط ..
أما اذا درست في جامعه الملك فيصل راح اتخرج من البكالوريس وعمري 27أو28 سنه وبكون موظف ومرتاح وأموري زينه وعندي خبره ومن هالكلام ..على قد حالي ووممكن فوق شوي يعني مستوره وزايده بعد ..
فكرت في جامعه شقراء قلت ممكن التكميل عندهم من سنتين أو سنتين ونص إلى 3سنوات ولا راح أتوظف ولا شي بكون متفرغ للدراسه فقط وانا الحين عمري 23 بدخل24 سنه يعني كبير شوي وقلت اذا كملت في جامعه الملك فيصل راح يعادلون لي 15 ساعه يعني بمايقارب ترم يعني يبقالي 3سنوات ونص اذا شديت على عمري وراح أتوظف ومعروضه علي ب7000 في بنك البلاد والراجحي وراح أكسب خبره خلال فتره دراستي هذا الي انا افكر فيه بس الحلو أن كل شخص ياحاول يختصر من عمره يعني لو درست بجامعه شقرا الدراسه من سنتين إلى سنتين ونص إلى ثلاث كحد أقصى..

^تركي^

2012- 9- 23, 09:29 PM

اولاً ما شاء الله ،، لا حول ولا قوة الا بالله

ثانياً قرأت موضوعك ولم اجد لدي ابداء مشوره لك ،، سوى الدعاء لك بأن يوفقك الله في اختيار القرار الصائب

استخير ربك وضع رغباتك وامنياتك بيده وهو سبحانه من يحلها لك ويهديك الى الصواب ان شاء الله !

موفق

عبـدـآلـلـه

2012- 9- 23, 09:29 PM

:Cry111:

عبـدـآلـلـه

2012- 9- 23, 09:31 PM

تكفون ياناس شورو علي والله أني تعبت من التفكير ..
تقطع قلبي أخر الليل الناس ترقد وانا قوم من التفكير ..:Cry111:

لحنّ

2012- 9- 23, 09:33 PM

والله التجسيررر

انا سمعت عنوو وبصراحه نظامه مرا حلوووووووو وهو الافضل طبعاا
بس دام ظروفك كذا ممممم اجل ادخل نظام تعليم عن بعد ., وتوظف
وانت اكيييد راح تخصص وقت لدراسه وبكذا بيكون كل شي سهل عليك

ي رب يوفقك :biggrin:

تيتشر ريماز

2012- 9- 23, 09:35 PM

اخوي عادي كمل نعليم عن بعد وتوضف في نفس الوقت لانك ماتروح الى وقت الاختبارومو لازم تخلص في سنتين ونص أو ثلاث خلصها متى ماتخلصها اهم شي انك تاخذ البكالوريس وترى التعليم ماله عمر شوف الدكاترة يدرسون لين مايتعبون ماقالوا عمر ولاشي وانا انصحك بجامعة فيصل لان نظامها حلو مره يكفي عندك اعمال سنه وتوزيع الدرجات ولا احلى منه *

عبـدـآلـلـه

2012- 9- 23, 09:37 PM

والله التجسيررر

انا سمعت عنوو وبصراحه نظامه مرا حلوووووووو وهو الافضل طبعاا
بس دام ظروفك كذا ممممم اجل ادخل نظام تعليم عن بعد ., وتوظف
وانت اكيييد راح تخصص وقت لدراسه وبكذا بيكون كل شي سهل عليك

ي رب يوفقك :biggrin:
..

الكويتي 1

2012- 9- 23, 09:38 PM

الاخوان والاخوات ماقصرو

ولكن استخير ربك

دوَدي

2012- 9- 23, 09:44 PM

-

خلك معنآ ، و توظف
اشوفهآ افضل من وجهة نظري ،
يعني عصفورين بـ حجر ..
واستخير .. والله يسهل امورك ويفتحهآ بوجهك ،

بعيدة المنال~

2012- 9- 23, 09:45 PM

السلام عليكم ورحمة الله وبركاتة
اخي الكريم بزمنا ذا الواحد مايصدق يلقى وظيفه تناسبه رأي انك تمسك وضيفتك لانو راتبها حلو تقدر تمشي به امورك ...بعدين قدم ع جامعة الملك فيصل صدقني نظامها رائع وممتاز والتقديم للترم الثاني راح يكون ب 25/12 (شوف التقويم الزمني من بوابة التعليم عن بعد) ...يكفي انك تختبر بالمدينه الي انت فيها عند اهلك وشغلك ونصيحتي كلها اربع سنوات تدرسها وتاخذ بكالوريوس لاتطلب معادلة احتفظ بشهادتك تبع الكلية تحتاجها وقدم بشهادة الثانوية ..وانت تقول عمرك 23 سنه لك طولة العمر انشالله معك وقت ..بس انت احسبها بعقلك ولاتنسى انت الكبير كلها كم سنة او شهر ويقولوا لك لاتزم تتزوج ..ساعتها تكون متوظف وظروفك كويسه ...بالنسبه للدراسة بهاذي الجامعة (التعليم عن بعد )جدا رائعه ..اهم شي
توكل ع الله سبحانه ورتب وقتك وامورك تمشي ...
:106::106::106::106::106::106::106::106::106::106:

عبـدـآلـلـه

2012- 9- 23, 09:46 PM

السلام عليكم ورحمة الله وبركاتة
اخي الكريم بزمنا ذا الواحد مايصدق يلقى وظيفه تناسبه رأي انك تمسك وضيفتك لانو راتبها حلو تقدر تمشي به امورك ...بعدين قدم ع جامعة الملك فيصل صدقني نظامها رائع وممتاز والتقديم للترم الثاني راح يكون ب 25/12 (شوف التقويم الزمني من بوابة التعليم عن بعد) ...يكفي انك تختبر بالمدينه الي انت فيها عند اهلك وشغلك ونصيحتي كلها اربع سنوات تدرسها وتاخذ بكالوريوس لاتطلب معادلة احتفظ بشهادتك تبع الكلية تحتاجها وقدم بشهادة الثانوية ..وانت تقول عمرك 23 سنه لك طولة العمر انشالله معك وقت ..بس انت احسبها بعقلك ولاتنسى انت الكبير كلها كم سنة او شهر ويقولوا لك لاتزم تتزوج ..ساعتها تكون متوظف وظروفك كويسه ...بالنسبه للدراسة بهاذي الجامعة (التعليم عن بعد )جدا رائعه ..اهم شي
توكل ع الله سبحانه ورتب وقتك وامورك تمشي ...
:106::106::106::106::106::106::106::106::106::106:

ابشركم انا مسجل بجامعه الملك فيصل وأدرس وياكم الحين وأدرس بعد في جامعه شقرا ومحتار يعني انا الحين بالجامعه وياكم

لحنّ

2012- 9- 23, 09:52 PM

اي تخصص قدمت !!

ادارهـ اعمال ؟

انا واختي خوات

2012- 9- 23, 09:53 PM

اول شي استخير ثاني شي تبي شوري توظف وكمل دراسه هذا انا ولله الحمد والمنه متوظفة واكمل دراستي بجامعة فيصل نظامهم مريح وسهل خلصت سنه ومعدلي حلو والله يوفقنا جميع

عبـدـآلـلـه

2012- 9- 23, 09:54 PM

اي تخصص قدمت !!

ادارهـ اعمال ؟
إيه أداره أعمال

Just have fun

2012- 9- 23, 09:55 PM

حسب الوظيفه و راتبها و مميزاتها

بعيدة المنال~

2012- 9- 23, 09:57 PM

يأخي والله انك بالش نفسك بنفسك حاول انك تاخذ قرارك وتمشي عليه لا تتردد
طيب ايش رايك تاخذ ورقه وقلم وتكتب مميزات كل موضوع.. الوظيفه - الدراسة بجامعة الملك فيصل - الدراسة بجامعة شقرا ..
بعدها شوف اللي يناسبك وترتاحله ولاتنسى تستخير وتتوكل ع الله سبحانه وتختار بقلب جامد وهمه عاليه الله يخليك..

:106::106::106:

عبـدـآلـلـه

2012- 9- 23, 09:58 PM

حسب الوظيفه و راتبها و مميزاتها
الوظيفه مدير عمليات في بنك البلاد فرع أنجاز يعني نائب مدير الفرع وراتبها أقل شي 7000ألاف من غير الونص ومن غير الراتب الدبل السنوي ومن غير دوام الخميس مميزات كثيره بس عيبها دوام فترتين من الساعه8 الصبح إلى 12 ومن الساعه4العصر إلى الساعه8..
بس هذا عيبها ..
والا الباقي حلو جدا

عبـدـآلـلـه

2012- 9- 23, 10:00 PM

يأخي والله انك بالش نفسك بنفسك حاول انك تاخذ قرارك وتمشي عليه لا تتردد
طيب ايش رايك تاخذ ورقه وقلم وتكتب مميزات كل موضوع.. الوظيفه - الدراسة بجامعة الملك فيصل - الدراسة بجامعة شقرا ..
بعدها شوف اللي يناسبك وترتاحله ولاتنسى تستخير وتتوكل ع الله سبحانه وتختار بقلب جامد وهمه عاليه الله يخليك..

:106::106::106:
والله والله والله أنك صادقه وانا خوك كل من عرفني عن قرب قالي هالشي ..
انا شخص متردد في كل شي ماني بواثق في الخطوه الي باخذها ..
ياجعل عيني ماتبكيك وانا خوك والله يوفقك ويسعدك دنيا وأخره ..

لحنّ

2012- 9- 23, 10:00 PM

إيه أداره أعمال

حلوووو بينفعك في مجال التوظييييف
:biggrin:

angle KFU 2011

2012- 9- 23, 10:03 PM

الاستخاااارة افضل لك ..

عبـدـآلـلـه

2012- 9- 23, 10:03 PM

حلوووو بينفعك في مجال التوظييييف
:biggrin:
أكيد هذا تخصص إداري مكمل لتخصص إداره الموارد البشريه وانا أحب الأداره بشكل عام سواء موارد بشريه ولا ماليه ولا أي شي ..
بس أهم شي إداره ..
وفي دكتور بالجامعه الله يذكره بالخير يقولي عبدالله أنت شخصيتك إداريه عندك الحس الإداري ..
^_^

بعيدة المنال~

2012- 9- 23, 10:07 PM

انا اشهد انك رضي والدين ...الله يوفقك ويسخرلك الخير مشكور ...واحفظ قول الشاعر
إذا كنت ذا رأي فكن ذا عزيمه **** فإن فساد الرأي ان يترددا.
ولاتنسى انت اكبر اخوانك
:106::106::106::106::106::106::106:

عبـدـآلـلـه

2012- 9- 23, 10:09 PM

انا اشهد انك رضي والدين ...الله يوفقك ويسخرلك الخير مشكور ...واحفظ قول الشاعر
إذا كنت ذا رأي فكن ذا عزيمه **** فإن فساد الرأي ان يترددا.
ولاتنسى انت اكبر اخوانك
:106::106::106::106::106::106::106:

تعجز كلامات الشكر في شكر سموك الكريم اسئل الله من قلبي أن يسهل عليك دوب ومشاوير الحياه كلها يارب ..
بس وانا خوك مافهمت عليك ..
وانا أشهد أنك رضي والدين <~ مافهمت هالجمله ..
وأيضا وش قصدك بأني أكبر أخواني يعني هل ترى أن الوظيفه هي الأفضل لي ..<~

بعيدة المنال~

2012- 9- 23, 10:16 PM

معناها انك ترضي والديك امك وابوك عشان كذا الله موفقك بحياتك يعني بسم الله ماشاء الله ولاقوة الابالله جتك وظيفه وانقبلت بجامعتين ماشالله لاتقولي هذا حظي بس ..لا ماتدري امك وابوك ايش كانوا يدعولك ..
فرعون ع جبروته ماخذاه ربي غير بعد ماماتت امه لانو كانت تدعيله ...فهمت الحين
:106::106::106::106::106::106:

عبـدـآلـلـه

2012- 9- 23, 10:22 PM

معناها انك ترضي والديك امك وابوك عشان كذا الله موفقك بحياتك يعني بسم الله ماشاء الله ولاقوة الابالله جتك وظيفه وانقبلت بجامعتين ماشالله لاتقولي هذا حظي بس ..لا ماتدري امك وابوك ايش كانوا يدعولك ..
فرعون ع جبروته ماخذاه ربي غير بعد ماماتت امه لانو كانت تدعيله ...فهمت الحين
:106::106::106::106::106::106:
كلامك بالنسبه لي كبير الله يسعدك ..
وأشوف الي سويته لهم قليل بالنسبه للي قدموه لكنا وانا ماني أفضل الخلق أنا مقصر في حق والديني كثيير وحاس بهالشي بس ان شاء الله بتعدل..
مع أني مأقصر وياهم ومع أن أبوي جافيني واحاول أتقرب له ..
:( ..
قلبتي المواجع وانا خوك ..

بعيدة المنال~

2012- 9- 23, 10:25 PM

اعتذر ماشفت السطر الاخير....
ايه اشوف الوظيفه احسن ومعها الدراسه وبعدين ترى الاخ الكبير مثل مكانة الاب الكل يحتاجه ويستند عليه ..

بعيدة المنال~

2012- 9- 23, 10:27 PM

انااا اعتذر اذا ازعجتك

عبـدـآلـلـه

2012- 9- 23, 10:32 PM

انااا اعتذر اذا ازعجتك
افاا عليك وانا خوك وش هالكلام بالعكس والله أن كلامك أثلج صدري وفرحني حسسني أنك عايشه مشكلتي الله يسعدك ..
انا الي أعتذر عن أزعاجك الله يسعدك ..
عندي سؤال أخير لك ..
الوظيفه الي بتوظفها إن شاء الله دوامها فترتين تنصحيني فيها ولالا ..
دوامها من الساعه8 الصبح إلى الساعه12 ومن الساعه4االعصر إلى الساعه8 العشاء أدري وقتي كله دوام بس وش سوي أجلس كذا وانا أكبر عيال أبوي أن شاء الله الوضع يتعدل مع أن الوظيفه دلع أعرف مدير الفرع وأعرف ناس بالأداره مسهلين لي كل الأمور ..
وش رايك

بعيدة المنال~

2012- 9- 23, 10:32 PM

شوف اذا انت ابوك مجافيك ترى انا يتيمة الاب والام ابوي مات وانا بسن 6 سنين وامي ماتت وانا بسن 8
وماشفت...لاحول ولاقوة الا بالله ...الله يكون بعونك وعوني بس

عبـدـآلـلـه

2012- 9- 23, 10:34 PM

شوف اذا انت ابوك مجافيك ترى انا يتيمة الاب والام ابوي مات وانا بسن 6 سنين وامي ماتت وانا بسن 8
وماشفت...لاحول ولاقوة الا بالله ...الله يكون بعونك وعوني بس

يعلم الله أن عيني دمعت لك ..
:Cry111:..
انا أخوك وانا خوك والله أني أخوك :Cry111:

بعيدة المنال~

2012- 9- 23, 10:35 PM

امسك وظيفتك حتى تلقى احسن منها....او ترتقي لدرجه افضل
تصبح على خير

عبـدـآلـلـه

2012- 9- 23, 10:36 PM

امسك وظيفتك حتى تلقى احسن منها....او ترتقي لدرجه افضل
تصبح على خير
ههههههههههههههههههههههههههههههههه ..
الله يسعدك طفشتي مني وانا خوك ..
^_^ ..
وأنتي من أهله ..

عبـدـآلـلـه

2012- 9- 23, 10:49 PM

أثروني برئيكم الله يوفقكم ..

عبير الامل

2012- 9- 23, 10:59 PM

:106:
ماشاء الله عليك
اخوي نصيحتي لك تمسك وظيفتك وتدرس بجامعه الملك فيصل عن بعد
يعني تضرب عصفورين بحجر وانت مرتاح وعند اهلك وبدون مشاوير
بس نظم جدولك مابين الشغل والدراسه وان شاء الله رح تسهل عليك امور كثيره
وقبل كل شي استخير وشور والدينك
والله يوفقك ويسهل امرك:106::004:

عبـدـآلـلـه

2012- 9- 23, 11:06 PM

:106:
ماشاء الله عليك
اخوي نصيحتي لك تمسك وظيفتك وتدرس بجامعه الملك فيصل عن بعد
يعني تضرب عصفورين بحجر وانت مرتاح وعند اهلك وبدون مشاوير
بس نظم جدولك مابين الشغل والدراسه وان شاء الله رح تسهل عليك امور كثيره
وقبل كل شي استخير وشور والدينك
والله يوفقك ويسهل امرك:106::004:
الله يسعدك رائيك هو الي أجمع عليه الكثير من داخل المنتدى أو خارجه ..
لكن بستخير وبيفرجها ربي وبشوف الي برتاح له ..

عبـدـآلـلـه

2012- 9- 23, 11:16 PM

:Cry111:

عبير الامل

2012- 9- 23, 11:20 PM

:cry111:

:106:
عبدالله توكل على ربك ولاتخسر الجامعه ولا الوظيفه
رح استخير وكلم والدينك وابداء:106::004:

عبـدـآلـلـه

2012- 9- 23, 11:32 PM

:106:
عبدالله توكل على ربك ولاتخسر الجامعه ولا الوظيفه
رح استخير وكلم والدينك وابداء:106::004:

بإذن الله ..

حاول تفتكرني

2012- 9- 23, 11:33 PM

توظف + دراسة في جامعة الملك فيصل

عبـدـآلـلـه

2012- 9- 24, 12:08 AM

:Cry111:

عبير الامل

2012- 9- 24, 12:22 AM

:106:
اخوي عبدالله
بليز لاتحط هالفيس اني ما احبه
مثل ماشرنا عليك وتوكل على ربك
وفالك التوفيق:106::004:

♣ ĽзỵŐйķ ♣

2012- 9- 24, 12:56 AM

بنسبة لي الصراحهـ كنت طالب جامعي منتظم ودرسة لمدة سنه ونص وللاسف شفت العمر يمشي ولا حققت شي من النجاح المطلوب بالجامعه وانعرضت علي وضيفة مناسبة لي واستخرت و سحبت ملفي من الجامعه و توظفة والان لي خبره 9 شهور والحين تم قبولي بجامعة الملك فيصل و بكمل دراستي عن بعد و بنفس الوقت متوظف ومرتاح

ولكن قبل كل شي كل شخص و ضروفة وقبل كل شي الاستخارهـ بالله تعالى ..~ :004:

عبـدـآلـلـه

2012- 9- 24, 01:04 AM

:106:
اخوي عبدالله
بليز لاتحط هالفيس اني ما احبه
مثل ماشرنا عليك وتوكل على ربك
وفالك التوفيق:106::004:
أبشري طال عمرك ..
وش رايك بهالفيس:lllolll::biggrin:

عبـدـآلـلـه

2012- 9- 24, 01:05 AM

بنسبة لي الصراحهـ كنت طالب جامعي منتظم ودرسة لمدة سنه ونص وللاسف شفت العمر يمشي ولا حققت شي من النجاح المطلوب بالجامعه وانعرضت علي وضيفة مناسبة لي واستخرت و سحبت ملفي من الجامعه و توظفة والان لي خبره 9 شهور والحين تم قبولي بجامعة الملك فيصل و بكمل دراستي عن بعد و بنفس الوقت متوظف ومرتاح

ولكن قبل كل شي كل شخص و ضروفة وقبل كل شي الاستخارهـ بالله تعالى ..~ :004:
انا بستخير اليوم بكلم ابوي على السبوع الجاي وبقوله الي بخاطري معني قلبي مايل للوظيفه والدراسه ..

بعيدة المنال~

2012- 9- 24, 01:21 AM

ياااااالله ياأخ عبدالله يافيك تردد يذبح دام قلبك يبي الدراسة والوظيفه وانا حاسه انك مقتنع ومعزم على اللي يدور براسك وشوله صاحي للحين روح نام ووكل امرك لله ..والله اذا لك رزق بهالدنيا راح تاخذه باذن الله ولاتنسى ان العبد بالتفكير والرب بالتدبير فضها سيره ولاتحرق بنفسك ...والرسول الكريم عليه افضل الصلاة والسلام قال واقضوا اموركم بالكتمان وانت قاعد تقول باتوظف بالمكان الفلاني وبالمبلغ الفلاني وانت لسى ماضمنت الوظيفه ...ياخوي لاتنسى احنا بزمن تنحسد بالقمه اللي تاكلها ...لا وصلت حتى للطموح اللي تبيه تنحسد عليه ..ع العموم انتبه ع نفسك وحصنها بالاذكار ياخوي...
:106::106::106::106::106::106:

عبير الامل

2012- 9- 24, 02:06 AM

أبشري طال عمرك ..
وش رايك بهالفيس:lllolll::biggrin:
:106:
هههههه ايه جذي
وفالك التوفيق:106::004:

عبير الامل

2012- 9- 24, 02:08 AM

ياااااالله ياأخ عبدالله يافيك تردد يذبح دام قلبك يبي الدراسة والوظيفه وانا حاسه انك مقتنع ومعزم على اللي يدور براسك وشوله صاحي للحين روح نام ووكل امرك لله ..والله اذا لك رزق بهالدنيا راح تاخذه باذن الله ولاتنسى ان العبد بالتفكير والرب بالتدبير فضها سيره ولاتحرق بنفسك ...والرسول الكريم عليه افضل الصلاة والسلام قال واقضوا اموركم بالكتمان وانت قاعد تقول باتوظف بالمكان الفلاني وبالمبلغ الفلاني وانت لسى ماضمنت الوظيفه ...ياخوي لاتنسى احنا بزمن تنحسد بالقمه اللي تاكلها ...لا وصلت حتى للطموح اللي تبيه تنحسد عليه ..ع العموم انتبه ع نفسك وحصنها بالاذكار ياخوي...
:106::106::106::106::106::106:
:106:
صح السانك وانا اختك
اخوي عبدالله اسمع الكلام
وتوكل على ربك
وربي اختي صادقه بكل كلمه قالتها
:106::004:

مكافحه

2012- 9- 24, 11:36 AM

بتوفيق :106:والله يسهل امورك

zoooom

2012- 9- 24, 11:48 AM

كمل نعليم عن بعد وتوضف في نفس الوقت

zoooom

2012- 9- 24, 11:49 AM

استخر والخيره فيما اختاره الله