تعريف بطلاب و طالبات كلية العلوم الطبية التطبيقية [الأرشيف] - ملتقى طلاب وطالبات جامعة الملك فيصل,جامعة الدمام

★ NiGhT AnGeL ★

2007- 5- 25, 12:52 AM

السلام عليكم و رحمة الله و بركاته

أخواني و أخواتي طلاب و طالبات كلية العلوم الطبية التطبيقية
هذه مساحة مخصصة للتعريف بكم من حيث ذكر التخصص و الدفعة
و ذلك من أجل الإفادة و تبادل الخبرات بينكم :s17:

بإمكان الأخوة و الأخوات ممن يدرسون في كلية العلوم الطبية التطبيقية من الجامعات و الكليات الأخرى المشاركة في ذلك بشرط الإشارة إلى أسم جامعتهم أو كليتهم ، بالإضافة إلى ذكر التخصص و الدفعة

أتمنى التفاعل من قبل الجميع و الإسهام في نشر الملتقى بين أصدقائكم و زملائكم
حتى يكون حلقة تواصل تجمعكم
و المستفيد الأول و الأخير هم أنتم :119:

أم زهراء

2007- 6- 28, 10:24 AM

أشوف ماأحد رد على الموضوع

أنا تخصصي Health information management and techenology (HIMT)

دفعة 2005 طيب تخصصي جديد توها السنة الا راحت متخرجة أول دفعة

الكورسات حقتنا تتضمن management and medical record department والأشياء الي تتعلق بالركوردand information technology

هذي نبذة عن القسم باختصار شديد اذا حب أحد يستفسر أكثر أنا مستعدة أرد على استفساراته

موفقين جميعاً

Angel♥!!

2007- 7- 3, 01:42 AM

مسااء الورد ..
اعرف بنفسي انا متخرجة من الثانوي والحمدالله نسبتي 97.39 %
وسجلت بالعلوم الطبية التطبيقية ان شاء الله القى القبوول يارب ..
وودي ادخل قسم العلاج الطبيعي ..!!
اتمنى الي بهذا التخصص تفيدني بسلبيات وايجابيات التخصص الصعوبات الي لاقتها بالدراسة؟؟ ..
ادعو لي انقبل :praying: وبالتوفيق للجميــــ يارب ــــــــع..
تحياتي ..
kSa AnGeL>>!!

جوانا

2007- 7- 21, 01:02 AM

السلام عليكم
أنا طالبة متخرجه السنه من ثالث ثانوي ونسبتي 93 رغم اني في السمستر الاول من العشر الاوائل على المدرسه
بس الحمد لله على كل حال
انا قدمت في كلية العلوم الطبيه
وبدخل تقنية مختبرات طبيه
ابي احد دااارس يفيدني بمعلوماات
وادعوووووووووو لي من كل قلبكم اني انقبل يااااااارب
واتمنى التوفيق لكل الطالبااااااااااات يااااااااااااااااااااااااااااارب

نبوله

2007- 8- 13, 04:58 PM

هاي ..

انا نسبتي ... 93.19

قبلوني علوم طبية .. وودي اخش علاج تنفسي ..

وحاب اعرف هل له مستقبل ووظائف .. ام لا

وسلامي..

فتاة الإيمان

2007- 8- 19, 02:27 PM

بسم الله الرحمن الرحيم

اختي ام زهراء انا محتاره بين المختبرات والاداره الطبيه:000:

فياليت تعطيني معلومات كافيه عن تخصصك

هل له مستقبل؟؟

انتي توظفتي؟؟

شنو وظيفة خريجي هالتخصص بالضبط؟؟

وكم راتب هالوظيفه؟؟:cheese:

تتوقعين اي احسن مختبرات ولا اداره طبيه؟:c8:

faar foor

2007- 10- 17, 03:46 PM

السلام عليكم معكم عبدالرحمن الشهري توني متخرج من الثانويه بنسبة 92.14
عام 1428 والحمد لله قبلوني في العلوم الطبيه التطبقيه في تبوك جامعه الملك
عبدالعزيز وبإذن الله بروح تخصص المختبرات والله يوفقني في إلين أخذ الدكتوراه
ولا أريد سو الدعاء بالتوفيق وشكراً المسير على هذا الموضوع.

طلاب حاير

2007- 10- 30, 05:44 PM

هذي الكليه موجودة في الدمام بس ؟

هل موجودة في الأحساء هذه الكلية ؟

أنوار الكوثر

2007- 12- 17, 12:52 PM

عطوني معلومات عن العلاج الطبيعي الله يخليكم مميزاته وسلبياته لان انا افكر ادخل المجال بعد التخرج
واكون لكم من الشاكرين اذا ساعدتوني

بـــو أحــمــد

2007- 12- 18, 06:04 AM

هذي الكليه موجودة في الدمام بس ؟

هل موجودة في الأحساء هذه الكلية ؟

طلاب حاير
كلية العلوم الطبية التطبيقية موجودة في الدمام فقط

بـــو أحــمــد

2007- 12- 18, 06:10 AM

عطوني معلومات عن العلاج الطبيعي الله يخليكم مميزاته وسلبياته لان انا افكر ادخل المجال بعد التخرج
واكون لكم من الشاكرين اذا ساعدتوني

أنوار الكوثر
تفضلي على هذا الرابط :
http://www.kfu.edu.sa/colleges/College7/College7-2.asp#

هذا هي المعلومات الموجودة على موقع الجامعة

بومترك

2008- 1- 13, 04:20 AM

السلام عليكم كلكم
اخوكم سعد مترك العنزي من دفعة 2006 في العلوم الطبيه تخصص علاج طبيعي من جامعةالملك فيصل(الدمام) اقدع ناس
واذا فية اي استفسار عن اي موضوع انا بالشوفه
واذا عاوزين اي شي انا بالخدمة

s_bloodbank_s

2008- 2- 18, 08:26 PM

اذا ممكن تفيدوني اذ فيه مختبرات طبية للبنين في فرع الدمام
وشكرا

noOony

2008- 3- 5, 01:27 AM

اهلييييين انا طالبه من العلوم الطبيه التطبيقيه قسم المختبرات وبصراحه يا اخت جوانا لو كنتي من النوع الي يفهم ما يحفظ ما ينفع تدخلين مختبرات لا هالقسم يعتمد بالاول والاخير على الحفظ اما لو كنتي حفيظه ما شاء الله فانتي بتمشين فيه وان بغيتي الصراحه يعتبر قسم المختبرات من اصعب الاقسام بالعلوم الطبيه والدراسه حتكووون مره ممتعه لمن تروحين للمستشفى ان شاء الله وهذا يكون بالترم الثاني من السنه الثالثه وووشكرا :119:

الأنيق الرقيق

2008- 5- 31, 01:43 AM

السلام عليكم ورحمة الله وبركاته

أنا من دفعة 2004 قسم علاج تنفسي متخرج وانشاء الله على وشك أتوظف دعواتكم

وبتوفيق للجميع

راجية الغفران

2008- 7- 10, 07:56 PM

لو سمحتي يا أخت no0ony
ودي أعرف عن قسم المختبرات الطبيه
اذا تخرجت وين اتوظف في المستشفى؟
وهل له مستقبل؟
ووش أصير لمن اتخرج دكتورة أو.........!!؟؟:mh19:
الله يوفقكـ:praying:

منول

2008- 7- 19, 03:04 PM

ممكن اعرف ايش تخصصات العلوم التطبيقيه
بالكامل؟؟؟؟

ضروووووووووووووووري

Red Velvet

2008- 7- 21, 12:38 AM

اهلين صباياا ...

اممممم اناااا ان شاء الله يقبلوني في العلوم الطبيه ..

بس ابي استفسر عن قسم التقنيه

والله دخلته كذااااا مدري عنه .....

إذا قبلوووني ..

وكم سنه ادرسة ...

بـــو أحــمــد

2008- 7- 23, 10:11 AM

ممكن اعرف ايش تخصصات العلوم التطبيقيه
بالكامل؟؟؟؟

ضروووووووووووووووري

منول
شوفي هذا الرابط :
http://www.ckfu.org/vb/showthread.php?p=155813&posted=1#post155813

بـــو أحــمــد

2008- 7- 23, 10:12 AM

اهلين صباياا ...

اممممم اناااا ان شاء الله يقبلوني في العلوم الطبيه ..

بس ابي استفسر عن قسم التقنيه

والله دخلته كذااااا مدري عنه .....

إذا قبلوووني ..

وكم سنه ادرسة ...

Dr.Abeer
إن شاء الله إذا حصل لك قبول في الكلية
رايخ يتضح كل كل شي

حاولت أبحث عن معلومات ممكن تفيدكن بس المعلومات المتوفرة محدودة :000:

وله الشوق

2008- 7- 23, 11:49 AM

انا متخرجه من الثانويه نسبتي 95 وسجلت مختبرات .....ؤيارب انقبل .ادعولي ها تكفون

بـــو أحــمــد

2008- 7- 23, 12:04 PM

انا متخرجه من الثانويه نسبتي 95 وسجلت مختبرات .....ؤيارب انقبل .ادعولي ها تكفون

وله الشوق
إن شاء الله أختي

بإذن الله نكونين مقبولة :praying:

][ شموخ الخيل ][

2008- 7- 30, 10:17 AM

عندي سؤال لو سمحتوا
انا طالبه تخرجت بنسبه 74.5% اقدر اسجل في كليه العلوم الطبيه التطبيقه عن طريق الانتساب ولا للا؟
الله يجزاكم خير جاوبوني على احر من الجمر
تقبلوا مروري

used

2008- 9- 18, 01:48 PM

هل في هالسنة تخصص اشعة ام لا:no2:

used

2008- 9- 18, 01:54 PM

انا طالب معدلي في النانوية التركمي 93.78% وانقبلت في كلية العلوم الطبية التطبيقية وإذا هالسنة في تخصص اشعة بادخل و إذا ما في دخلت علاج طبيعي وانا اعرف من تخصص العلاج طبيعي لانك كنت مريض والآن اخذت خبرة 3 سنوات :mh19:

minds eye

2008- 9- 19, 02:10 AM

السلام
حبيت اعرف مو العلوم الطبية التطبيقية برنامج موحد اول سنة وبعدين
تتخصص اذا علاج طبيعي مثلا او Rt مثلا او مختبارت.....الخ؟؟ ولا عادي؟

الأميرة هناء

2008- 9- 22, 01:51 AM

اني طالبه متخرجة من الثانويه بنسبة تراكمية 99,08 % والحمد لله انقبلت في قسم العلوم الطبيه
اني كنت مقررة ادرس مختبرات
لاكن من كلام وحدة ما اتذكر اسمها في هذا الموضوع تقول الحفيظة هي الي تذحل هذا القسم واني ما لي زاغر واجد في الحفظ يعني على المزاج

فحبيت اسأل اي قسم من أقسام العلوم الطبيه يعتمد على الحفظ بنسبة اقل من الاقسام الباقيه

أما بالنسبه الى سؤالشminds eye
اني الي سمعته انا ندرس في البدايه أول سمستر مواد عاديه مثل الكيمياء وشدي
بس متى نتخصص ما ادري اتمنى أحد يجاوب لانى حتى اني ابغى اعرف

amq

2008- 9- 23, 07:41 PM

السلام عليكم ورحمة الله وبركاته

أنا من دفعة 2004 قسم علاج تنفسي متخرج وانشاء الله على وشك أتوظف دعواتكم

وبتوفيق للجميع

لو سحمت عندي كم استفسار

أول شئ أنا طالب مستجد وناوي أدخل علاج طبيعي
بس بعدين قلت بدخل علاج تنفسي

إذا ممكن تقوولي وش هو القسم اللي يعتمد على الفهم أكثر
لأن أكره شئ عندي في الدراسة الحفظ
وثاني شئ أي تخصص يعتبر تخصص نادر وقليل من الناس يدخلوونه ؟؟
وثالث شئ وش التخصص اللي له فرص وظيفية أكثر من الثاني ؟؟

وشكراً لك مقدماً

خارج التغطية

2008- 9- 23, 08:11 PM

انا الحمدلله إنقبلت بالكلية.....

بس حبيت اسألكم عن الRT...أنا سمعت أنه تخصص مرغوب ومو منتشر كثير بالسعودية هل هذا صحيح؟؟؟

وطيب لو درسته وتخرجت ...الوظايف تكون بسهولة ولا لأ؟؟؟...وشغلي بالمستشفى راح يكون دوام بمكتب ولا في أقسام المرضى وكذا؟؟

وأخيراً دراسته أصعب من التخصصات الثانية؟؟ يعني يعتمد على الحفظ ولا الفهم أكثر؟؟

بليييييز اللي يعرف شي لا يبخل علي....

مجنونه صلوحه

2008- 9- 23, 08:36 PM

تكفى اخووووووووووووووي انا سجلت في التشخيص الاشعاعي بس لسى مو عارفه انا انقبلت ولا لا

وانا الحين مو في الرياااااااض

الله يخليكم جميع الي يقدر يجيب اسماء الطالبات المقبولات يحط الرابط او الاسماء تكفووون الله يخليكم

سااااااااااااااااااعدوني بليززززززززززززززززز الله يخليكم وربي تعبت :Cry111:

مجنونه صلوحه

2008- 9- 23, 08:51 PM

على فكررررررررررررررره انا السنه هذي تخرجت ونسبتي 90

انا سئلت قالواكيد يقبلوني في التشخيص الاشعاعي

انا دخلت رابط عشان اشوف الاسماء قالو لازم احط السجل المدني ورقم مرور بس انا ماسجلت ع النت رحت للكليه نفسها مدري شلووووووووووون تكفووووون بنااااااات وشبااااااب ساااااااااااااااااااعدوني الله يخليكم تكفووووووووووووووووون:Cry111:

مجنونه صلوحه

2008- 9- 24, 09:27 PM

اووووووووووووووووف وينكم بليززززززززززززز ردوا علي تكفوووووووووووووووووووووون؟؟؟؟؟؟؟؟

minds eye

2008- 9- 25, 04:31 AM

RT او العلاج التنفسي تخصص يعتبر جديد عشان كذا هو مرغوب
وسمعت ان الشغل فيه ممتع جدا خصوصا انه جماعي ( Teams)
وفيه مجال للتوظيف للRT لحد الآن بس بعدين الله اعلم

مجنونه صلوحه اتصلي فيهم على الاقل واذا ماقدرتي انصحك روحي لهم احسن من ولا شي

مجنونه صلوحه

2008- 9- 25, 08:13 AM

يااااااااااااااااعمري وربي اتصلت بس كله مايردون وربي تعبت

بس تكفوووووووون الي يقدر يجيب الاسماء تكفون لا طنشوووووووووووووووون

انا مو في الريااااض الحين وربي مقدر ارووووووووووووح

physiotherapist

2008- 11- 19, 03:28 PM

هاي
انا نسبتي 92.33 والحمد لله قبلوني علوم طبية تخصص علاج طبيعي

tawasol

2008- 12- 31, 08:52 AM

السلام عليكم
الاخت الفاضله
لو تكرمتى ....احتاج بصوره ضروريه المحتوى الدراسى الذى قمتى بدراسته فى الكليه فى قسم المعلومات الطبيه فى السنوات الدراسيه المختلفه لو عندك رابط او محتوى الكترونى للمناهج و جزاكم الله خيرا

العاشقة

2009- 1- 13, 01:49 PM

هلآ ..

ممكن آعرف هل يقبلوآ جميع النسب ..وفي موآزي ولآ لا ؟؟

dr.fallah

2009- 3- 11, 04:51 PM

ممممممم

مسالخير و صباح اشطه لللحلوييين

انا سنه تانيه في برنامج laborator medicine

في جامعة ام القرى بمكه المكرمه

دفعة 2007:g4:

اتمنى ترحو فيني بيناتكم

تقبلو مروري
:bye:

BeeB

2009- 4- 3, 07:23 PM

اختي العاشقة اكيـــد مطلوب نسبه معينه للالتحاق بالكلية

النسبة الموزونه المطلوبــه من 86% ومافوق ..

اعتقد الكل عنده خلفيه عن النسبة الموزونه وكيفية حسابها

لا يوجد موازي الا لكلية الطب ..

طآلبهـِ ~

2009- 7- 22, 11:21 AM

مرحبآ ..

خيتوِ منِ وينِ عرفتي آن آلنسبه آلموزونهِ من 87 % فأعلى ؟

لآنه هذـآ مآ يصرح آلآ بعد آلقبولِ ..

آنآ نسبتي آلموزونهِ 87,4 %

تتوقعينِ يقبلوني ؟

آمم وبعد كم توِقفت آلنسبه عليه آلعآآم ,,

آنآ كني قريت آنهآ وقفت ع 86 % ؟

يآليت تفيدونآ ..

لآهنتي ..

BeeB

2009- 7- 22, 12:59 PM

هلا فيك طآلبهـِ ~ .. زين انك استفسرتي ..

لأني كاتبه النسبه غلط وتم تعديلها :119:

آنآ نسبتي آلموزونهِ 87,4 %

تتوقعينِ يقبلوني ؟

اتوقع يقبلونك لأنها اعلى من 86% .. وهي النسبه اللي وقفوا عندها العام ..

فيه بنات نسبهم كانت 85.98 % يعني قريبه جدا من 86 % وقدموا بالدفعات الثانيه وتم قبولهم ..

ان شاالله يقبلونك ..

بالتوفيق

طآلبهـِ ~

2009- 7- 22, 01:24 PM

يسلم قلبك يآلغلآ ..

آلله يسمع منك ..

يآآآآرب ..

طيب آنتي آي سنه ؟

ووشِ تخصصك ؟

BeeB

2009- 7- 22, 01:37 PM

انا خلصت السنه التحضيريه ..

وطالعه سنه ثانيه تخصص رعاية تنفسية ..

اي استفسار عندك انا حاضره ..

طآلبهـِ ~

2009- 7- 22, 02:17 PM

شكراً يآلغآليه ..

آمم ممكن أسأل عن آلصعوبآت آلي وـآجهتك سنه آولى ؟

طيب كيف طورتي نفسك بآلآنجلش ؟

وآلآ آعتمدتي ع حصيلتك آلعلميه وآلسنه آلتحضيريه ؟

وعلى آي آسآس آخترتي رعآيه تنفسيه ؟

وآلآ ع آسآس آلمعدل آخترتي ؟

مرررهـٍ سوري ع آلآزعآآج بآلآسئله ..

بس آكيد حآآسه بآلي نحسسسه

لآ خلآ ولآ عدم ,,

BeeB

2009- 7- 22, 09:43 PM

اهلين مره ثانيه ..

اذا تقصدين صعوبات بالدراسه تقريبا مافي شي معين اقول عليه صعب .. لكن يمكن المحاضرات الطويله اذا جيتي تذاكرينها تاخذ وقت ,, يعني لازم تذاكرين أول بأول اقصد الاحياء والفيزيا والكيمياء.. وانا من النوع اللي مااحب اتعب نفسي ولا احب اذاكر اول بأول عشان كذا تعبت بالمذاكره وخبصت شوي ههههههه ..

بالنسبه للانجليزي .. انا من الثانوي الحمدلله ماشيه فيه ولا عندي مشكله معاه .. و استفدت كثييير من السنه التحضيريه وتحسنت لغتي بالمحادثات .. الماده الوحيده بمقرر الانجليزي اللي حست فيها شوي الـ listening .. يمكن لانها جديده علينا ..

الرعاية التنفسيه كانت رغبتي الثانيه من ضمن الخمس رغبات .. اخترته لأنه تخصص حلو وعاجبني من اول ماسجلت بالجامعه ..

بعد السنه التحضيريه رح تتوضح ميولك أكثر لأي تخصص ان شاالله ..

وبالتوفيق

طآلبهـِ ~

2009- 7- 22, 11:57 PM

مرررهـِ شكراً ع آلآجآآبه آلوـآفيه ..

بس حبيت أسألك ..

هلِ فيه آختلآلآط ؟

وبآلنسبه لتخصصِ إدآرة وتقنيه معلومآت صحيه ..

آحسسه جمييل جداً ,,

فإذآ ممكنِ تفيدينآ عنه شوِي ..

BeeB

2009- 7- 23, 12:59 PM

مرررهـِ شكراً ع آلآجآآبه آلوـآفيه ..

بس حبيت أسألك ..

هلِ فيه آختلآلآط ؟

وبآلنسبه لتخصصِ إدآرة وتقنيه معلومآت صحيه ..

آحسسه جمييل جداً ,,

فإذآ ممكنِ تفيدينآ عنه شوِي ..

هلا والله ..

مافهمت قصدك ,, كيف يعني اختلاط ؟؟

فيه محاضرات يدخل علينا دكتور ويشرح .. عادي تلبسون حجابكم قبل لايدخل يعني تكونون عارفين من قبل ..

تخصص ادارة وتقنية المعلومات الصحية .. تخصص اغلب دراسته تتم على جهاز الحاسوب وادارة وتصنيف الملفات للمرضى وادارة تنفيذ الخدمات الصحية بالمستشفى ..

موفقه اختي :119:

آلرووح

2009- 7- 25, 09:52 PM

طيب انا نسبه الثانويه 93.39
واالقدرات 65
والتحصيلي 74
تتوقعوا انقبل؟

عصآيم

2009- 9- 4, 04:14 AM

طيب انا نسبه الثانويه 93.39
واالقدرات 65
والتحصيلي 74
تتوقعوا انقبل؟

هلآ فيك أختي الروح
كل شي بيد ربك

ولكن فرصك ضئيلة
أعرف وحدة نسبتهآ بآلثآنوية 99 وشوية
والقدآت 77
والتحصيلي 75
ومآ انقبلت

ولكن مآكو على ربك عجيب
ادعي ربك
وربنآ يوفقك

StayAlive

2009- 9- 8, 11:34 AM

طيب انا نسبه الثانويه 93.39
واالقدرات 65
والتحصيلي 74
تتوقعوا انقبل؟

الطلاب ماينقبلو بهادي النسبه <<< كيف البنات :Cry111: الله يعينكم

بالتوفيق اختي اتمنى من كل قلبي يقبلوك تستاهلين :praying:

هذا قراري

2009- 9- 30, 10:59 AM

BeeB

2009- 9- 30, 02:57 PM

سؤال الى beeb ...........
hkjd انتي ذكرتي انك كنتي واضعه الرعاية التنفسية الاختيار الثاني ......صحيح
على هذا الاساس : ويش هو الاختيار الاول الا الك وما نقبلتي فيه وكم نسبة القبول من 5 فيه ؟
وكم هي نسبة القبول من 5 في قسم الرعاية التنفسية ؟ الى دفعتك

وشكرا على كل حال .......
ملاحظة : السؤال الاول ليس للاحراج وانما لمعرفة ما هو التخصص الذي نسبته اعلى من rt ؟
* وما هي سنة دفعتك ؟ ( للتقريب في النسب )
وشكرا جزيلا ............... مقدما

هلا اخوي ,, ايه الرعاية التنفسية كانت ثاني رغبة عندي بعد تقنية القلب ..

المعدل المطلوب لتقنية القلب لا يكون اقل من 4.7 .. وانا معدلي كان اقل من 4.7 ..

الرعايه التنفسية قبلوا اخر معدل اعتقد 4.3 ,,

سنة دفعتي من 1429/1430 هـ وهي دفعة العام الماضي .. والمعدل المطلوب للتخصصات غير ثابت ..

وترى عادي مافي أي احراج من سؤالك ..

موفق

هذا قراري

2009- 10- 1, 05:58 AM

شكرا على الاجابة اختي beeb
* ملاحظة : انا اخوك وليس اختك ............... للتنبيه ............ وشكرا

BeeB

2009- 10- 1, 06:22 AM

شكرا على الاجابة اختي beeb
* ملاحظة : انا اخوك وليس اختك ............... للتنبيه ............ وشكرا

المعذره ماانتبهت ,, وتم التعديل

يعطيك العافيه

عبـ 18 ـود

2009- 10- 22, 03:37 AM

BeeB

2009- 10- 22, 11:33 AM

السلآم عليكم ..

آنآ طآلب جديد بالجامعه ..

ويسرني التوآجد بينكم .. واستفيد من تجآربكم

حآب آعرف افضل التخصصات الموجوده بالقسم ..

وكم يبغى لكل قسم معدل .. وعن طبيعة اسئلة الاختبآرآت بالسنه ذي

هل هي صعبه ولا متوسطه ..

اتمنى اني ما طولت عليكم ..

See you .. :106:

ياهلا فيك اخوي ,, نتشرف بتواجدك بيننا

تخصصات الكلية جميعها ممتازه ولا يوجد تخصص أفضل من آخر ,,

الأفضليه تعتمد عليك انت وعلى ميولك كطالب ..

المعدل المطلوب لكل تخصص يعتمد على مستوى الدفعه اللي تدرس فيها ..

يعني مثلا : هالسنه تخصص تقنية القلبct قبلوا آخر معدل 4.6 .. لو انتوا دفعتكم شاطرين مرره ومعدلاتكم جددا عاليه ممكن يكون اخر معدل يقبلونه لهذا التخصص 4.8 ..

تخصص الرعاية التنفسيه rc تقريبا اخر شي قبلوا 4.3 ,, والعلاج الطبيعي pt تقريبا 3.8 ..

تخصص ادارة وتقنية معلومات صحية تقريبا 3.5 ..

طبيعة اسئلة الاختبارات مو ثابته يعني احيانا بسيطه واحيانا دقيقه شوي ,, وتجيك منوعه

هالشي بعد يعتمد عليك مااقدر احدد لك بالضبط ..

والله الموفق

روح توت

2009- 12- 18, 09:26 PM

مشكوووووووووووورين جدا والله يعطيكم العافيه والله يااختي beebمشكوره ردودك مره مفيده والله يعطيك العافيه ويوفقك ياقلبي:m22asmilies-com::m29asmilies-com:

الفرنسيه

2010- 7- 9, 08:58 AM

الســـــــــلام عليكـــــــم

ابغى اعرف شنو اسهل تخصص بالجامعه وهل صحيح ان المختبرات اصعب شي

ولما الشخص يكون مايفهم كثير ( مو فاح كثير ) بالانجليزي ممكن انه يمشي ولا

شكراً واتمنى اني ماطولت عليكم

عصآيم

2010- 7- 9, 10:08 AM

الفرنسيه حبيبتي مآكو تخصص سهل بس في تخصص مآفيه ضغط اللي هو تقنيه المعلومآت الصحيه
أمآ الإنجليزيه فلآزم تتعلمين
يعني أصلآ الدرآسه بتعلمك 8 سآعآت إنجليزي بسنه أولى لآبد وأن تغير
وبعدين كل الدرآسه إنجليزي في إنجليزي
حتى لو كنتي منتي بفآلحه فيه مثلي سآبقآ
بتتعلمين وبتلقين نفسك تطورتي وإنتي مآ تدري
ربنآ يوفقك ويسر لك أمرك حبوبه

الفرنسيه

2010- 7- 10, 02:12 AM

ممكن اختي عصايم

اني اخذتي دورات انجليزي قبل ماتدخلين الجامعه ولا مارحتي دورات

عصآيم

2010- 7- 10, 03:34 PM

شوفي حبيبتي انآ مآ أخذت دورآت
لكن أول شي قلته لبنت عمو لمآ سألتني وشو المفروض تسويه بآلإجآزه
قلت لهآ تآخذ دورآآآآآآآآآت إنجليزي قد مآ تقدر
لأن أنآ صح كنت أفهم
لكن مآ كنت أعرف شلون أذآكر ولآ شو أذآكر
وزفتت بأول إختبآرآت إنقليزي << يعنو هو مو تزفيت بس عندي تزفييت

بحر النسيان

2010- 7- 13, 10:21 PM

أنا طالبة متخرجة من ثالث وان شاء الله يقبلوني في قسم العلاج الطبيعي أو الصيدلة
أنا نسبتي 98.33 والقدرات 69 والتحصيلي انتظر النتيجة ادعولي
بس انا عندي سؤال وبلييييييز اللي يعرف يجاوبني
أنا سجلت في جامعة الفيصل في الاحساء وانتظر ان يفتح التسجيل في جامعة الفيصل بالدمام
بسسسسسسسس عادي اسجل اقدر ولا لا لأني سجلت في نفس الجامعة من حيث المسمى(يعني اقدر اسجل في الجامعتين ولا لا)

عصآيم

2010- 7- 14, 03:18 AM

هلآ فيك بحر النسيآن
تقدرين تسجلي في الجآمعتين
لأنهم أنفصلوآ
بس إن شآآآآآآآآآآآآء الله نسبتك بتوعت القدرآت والتحصيلي تكون أحلى عشآن تضمني القبول

بحر النسيان

2010- 7- 16, 11:39 PM

كل الشكر لك حبيبتي عصاايم

بسسسسس عندي سؤال وااحد ان شاء الله ما اثقل عليكم

في صفحة التسجيل فيه سؤال يكون يبوا تاريخ التخرج للللكن شنو الجواب هل يبوا تاريخ استلام الشهادة ولا آخر يوم في الإمتحانات

ويعطيكم ربي الف الف عافية

BeeB

2010- 7- 17, 12:40 AM

SaRa_12

2010- 7- 17, 08:10 PM

مكتوب في موقع الجامعه إن بإذن الله في تخصصين جدد في الكليه
متى تفتح هالأقسام ؟؟

BeeB

2010- 7- 18, 10:58 PM

مكتوب في موقع الجامعه إن بإذن الله في تخصصين جدد في الكليه
متى تفتح هالأقسام ؟؟

مجلس ادارة الكلية يقرر متى تفتح هالاقسام في الفتره القادمه ان شاالله

موفقه

وجودي يكفي

2010- 8- 14, 11:44 PM

عصآيم

2010- 8- 17, 01:40 AM

انا طالبة ثانويه ماحددت تخصص حبيت استفسر عن قسم ( رعايه تنفسيه & تقنية قلب ) أيهم الأسهل بـ الدراسه ؟ وايهم مجال التوظيف فيه اكثر قبول ؟

وماهي النسبه المطلوبه للقبول بالكليه " الثانويه العامه والقدرات & التحصيلي ؟
وسؤال بسييط وش مسمى خريج كلية العلوم الطبيه التطبيقيه دكتور ولا ؟

< اتمنى احصل الاجابه =)

هلآ وسهلآ فيك
بدآيه مبرووووك لك القبول في كليه العلوم الطبيه التطبيقيه
بآلنسبه للتخصص فإثنينهم فيهم صعوبه
إنتي اللي تقدري تشوفي الي تحبينه وتستمتعي فيه

امممم بآلنسبه للوظيفه فآلكل يقول القلب والقلب لأنه للحين تخصص جديد وأنتوآ رآح تكونوآ الدفعه الثآلثه فيه

امممم النسبه المطلوبه اممم مآكو نسبه محدده البنآت نفسهم هم اللي يحددوهآ
كل سنه تختلف عن الي قبلهآ
وكل سنه الطآلبآت هم اللي يوقفووآ النسبه على شي معين

أخصآآآآآآآآآآآآئي << هذآ هو مسمآنآ بعد مآ نتخرج
أخصآئيين

ربنآ يوفقك وينولك طموحك

سـلطآن

2011- 10- 16, 01:06 AM

السلآم علـيكم ورحمة الله وبركاته..
اسمي سـلطآن طالب في جامعة الدمام قسم علوم طبيه تطبيقيه
تخصص صحة بيئه اول سنه في صحة البيئه وثاني سنه في الجامعه
وياليت لو في احد يفيدنا عن صحة البيئه ومستقبلها واذا عنده اي نصيحه يقدمها لنا رغم اني الاحظ ان اغلبكم تخصصاتهم علاج طبيعي واشعه
ياليت لو في احد صحة بيئه يفيدني:mh318:

زهرة التوليب

2011- 10- 17, 01:04 AM

للاسف مااشوف اي ولد يعتب هنا :)

وما اقدر افيدك في تخصص ما اعرف عنه الكثير

alhaloh

2012- 1- 22, 11:24 PM

dr.abeer
إن شاء الله إذا حصل لك قبول في الكلية
رايخ يتضح كل كل شي

حاولت أبحث عن معلومات ممكن تفيدكن بس المعلومات المتوفرة محدودة :000:

هل فيه مكافاه ؟وهل الدراسه صعبه او لا؟