ساعدوني فاتتني خمس محاضرات مالحل

[um saif]

السلام عليكم ورحمة الله وبركاته

اعذروني اخواني واخواتي عالاسئلة

لكن انا طالبة جديدة وتم قبولي بالدفعه الثالثة وامس وصلني الرقم السري ودخلت الموقع وتفاجات ان الناس وصلوا للمحاضرة الخامسه وفي مناقشات وماعرف اذا في شي ثاني فاتني والا لا ؟؟

كيف ابدأ الحين بالدراسة ، كيف اشارك بالمناقشات اللي فاتتني ؟؟

واعرف ان جميع الطلبه يختارون مراكز الاختبار ، بس انا ما اخترت شالحل ؟؟؟

انا حاسه اني انا ضايعه

افيدوني جزاكم الله خير

[عـابـر سبـيل]

وعليكم السلام ورحمة الله وبركاته

فعلا متأخرة ، لكن ان شاء الله مافي شي فات .....

ابدئي بتنزيل المحاضرات على جهازك او شوفيها في موقع الجامعة والأفضل تنزليهم عشان المراجعة ـ

وبعديم كل محاضرة عليها مشاركة شاركي في كل محاضرة ، وثالث شي بتلاقي في بعض المقررات محاضرات مباشرة نزلت بعضها ، نزليها على جهازك ، رابعا مكان الأختبار ، تأخرتي فعلا ، يا اما انك تحاولي تكلميهم ، او اتوقع بيصير اختبارك في الأحساء ، اتصلي عليهم وشوفي ايش الحل ....... بالتوفيق

[حب حب]

حياك الله معاناااا لاتخافين مافاتك شي بس يبييلك تفضين نفسسك ع الاخر ,تنزلين المحاضرات وتحلين المناقشاات لان عليها درجاات
هذا موضوع فيه حل للمناقشات

http://www.ckfu.org/vb/t358378.html (http://www.ckfu.org/vb/t358378.html)

وهذا بعد

http://www.ckfu.org/vb/t375687.html (http://www.ckfu.org/vb/t375687.html)


وعندك هذا الموضوع فيه كل الملخصات التابعه للمواد ..

http://www.ckfu.org/vb/t374856.html (http://www.ckfu.org/vb/t374856.html)

شيكي على كل الصفحات لان فيها الملخصاات

وأبدئي بالمذااكره .. عندك رياضيات ومحاسبه واقتصاد تعتمد ع الفهم تابعي الدكتور بالفديو وانتي معك المحاضره مطبوعه
الادارة والقانون تعتمد ع الحفظ
هذا اللي فهمته من الطلاب اللي هنا ..
اتمنى أكون أفدتك وأي شي تحتاجينه أستفسري عنه لايردك شي ..وبالتوفيق:16:

[Mnoory]

اول شيء قبل ما تنزلي المحاضرات والمناقشات لازم تحديدي مركز الاختبار روحي الخدمات الطلابية وتلاقي ايقونة تحديد مركز الاختبار اختاري المدينة او المنطقه اللي تبيها واذا لقيتي الايقونه مقفله ضروري تكلمي الجامعة بهالموضوع لانك اذا ماحددتي بيحطوا لك الاحساء
وبعدها نزلي المحاضرات على جهازك وتاكدي انك منزلتهم كلهم عشان تنحسب لك الدرجة وحلي المناقشات كلها اول باول ايو صح في محاضرة مباشرة نزلت للمحاسبة والادارة روحي البلاك بورد ونزليهم عشان تنحسب لك الدرجة
بالتوفيق :16:

[منو الدوسري]

لا تحاتين ولا تتوترين الاخوان ماقصرووو
كفوو وفوووو
اما عن مركز الاختبار الله يعينك اتصل عليهم وان شاء الله يتجاوبون معااااك
وبالتوفيق يااااارب :27:

[جوجو الحلوهـ]

لاتحاتين حبيبتي مافاتك شي ,,

و الاعضاء ماقصرو معاك ,,

بالتوووووفيق ,,:16:

[ابو بندر 2012]

حبيت اسئل انزل محتوي المحاضرة ولا المسجلة

[al65amah]

مشاء الله مآقصرت الأعضاء
ربي يوفقكم :16:
وعلى المذاكرة مافي شئ يفوت عليك عادي ابدي من الحين بالمذاكرة
أنا الحين وصلت المحاضرة الثالثة توني مابديت بالرابعه والخامسة
ف عادي الوضع حبيبتي:35: :27:

[هنو اداره اعمال]

لم ينزل عندي مناقشات للمحاسبه

والوجبات للاداره والمحاسبه

فيه حد مثلي ؟؟؟

ارجو المساعده بقرب وقت

[طيب الخاطر]

الله يوفقك والشباب والصبايا ما قصرو الله يعطيهم العافية

اتشوفين فزعات عند كل استفسار او مشكلة


ربي يوفق الجميع ...

[أبو سديم-]

لاتشيلين هم تونا ببداية الفصل مامر الا شهر بس
اهم شيء ابدي فيها وبتركيز:29:

[nsam]

فادوك الاخوان ماقصروا
اتمنى لك التوفيق والله يسهل عليك

:2:

[آبتسآم]

مو لازم تحملين المحاضره وتنزلينها على جهازك , يكفي تشوفيها وتحسب لك الدرجه :21:

وروقي تونا انا ماشفت الا التمهيديه :8: وحليت كل المناقشات :29:

باقي مطولين ع الاختبارات النهائيه بتكون بداية شهر 2 روقي ولاتخافين :16:

[purity,,]

الله يسهل دربك ويوفقك..:2:

[um saif]

جزاكم الله كل خير يارب

والله يسعدكم مثل ما فكيتوا ضيقتي وريحتوني بردودكم

وما اضيع طالما معاي هالناس الطيبه

عموما انا منتسبه من دولة قطر وتقبلوني بينكم واي شي بجيكم وبرجع لكم

وجزاكم الله كل خير مره ثانية

[عـابـر سبـيل]

حبيت اسئل انزل محتوي المحاضرة ولا المسجلة

نزل الاثنين ، الأثنين راحوا يفيدونك في المراجعة .... محتوى المحاضرة غالبا يكون بور بوينت ينفع تاخذ منه قص ولصق لو تحب تسوي ملخصات خاصة لك

[عـابـر سبـيل]

لم ينزل عندي مناقشات للمحاسبه

والوجبات للاداره والمحاسبه

فيه حد مثلي ؟؟؟

ارجو المساعده بقرب وقت


المناقشات موجوده مع كل محاضرة ، يمكن عندك مشكلة في المتصفح ، لكن الواجبات مافي شي نزل الى الأن لا للإدارة ولا المحاسبة ولا غيرها ..... غريبة

[سما الحمايل]

:16:

[amoonah]

هذا عشر طعش مشاركه اكتبها
المحاضرات مهي جايه تتحمل عندي دايم يقول لي تعذر نزلت حقين المحاسبه كلها والقانون كم وحده والرياضيات وحده والباقي ماهو جاي يتحمل بليز وش اسوي
وبعدين بخصوص المحاضرات المباشره نزلت الجافا بس مدري وش الحل كيف افتحها فيه اتمني احد يجاوبنها وطبعا اخر برج براسي قرب يطير:12: