وشلون مرتبين وقتكم ؟

[ابو نآآآآيف]

يسعد مساكم بكل خير ومسرات ,,,,
بنسبة لكم اخواني واخواتي الموظفين كيف طريقتكم في الدراسة وشلون مرتبين وقتكم حق المذاكرة وحق بيوتكم وحق دواماتكم احس اني متلخبط بقوووووة هالترم موقادر اركز ابد

[Majed_The_Gr8]

مع جامعة الدمام مافي شي اسمه ترتيب , احنا ننتمي لحامعه قويه لكن غير منظمه

[rana.a]

الله يعينا على ذا الترم بخير انا عن نفسي مره محيوسة و في كم ماده مو مستوعبتها

شكلي بغير التخصص وش لي بوجع القلب :18:

بس لين الحين صامده و الله يستر

انا مو مرتبه ابد و اسبوع المحاضرات المباشره

هو الي خلاني الحق مع الناس

بس بجد الواجبات و المناقشات مو طبيعيه كل اسبوع ليتهم زي الترم الي فات 6 اسبوع بدو يعطون

على الاقل الواحد يرتب اموره

ليتك ابو نايف تروح زي الترم الي فات و تقولهم ترانا بشر مو الات

و دكتور الرياضيات يقول محاضره بالاسبوع و الباقين جالسين يعطون 2 ومدتها ساعه ونص

خلها على ربك و الله يستر علينا ذا الترم و نعدي

[ابو نآآآآيف]

المشكله التخصص هذا هو افضل تخصص بصراحه وفي نفس الوقت اصعب تخصص
وللاسف الترم هذا انا مالقيت فيه حماس زي الترم الي فات والمشكله اني عارف السبب
وبخصوص اني اروح للجامعة اكيد بروح انا من بكره عندي دورة مدتها اسبوع في الخبر
وبكون فاضي انشالله وناوي اروح يوم الاحد او الاثنين للجامعة

[High ambition]

والله أنكــــــــــــــــــــ صادقه يا رنا :36:
الله يسهل علينا

[Live is Hope]

والله مافيه وقت عشان نرتبه :8:

[إحسـاس]

يمكن حنا بحكم إننا موظفين نلاقي صعوبة وخاصة هذا السمستر بالتأقلم مع المحاضرات خاصة .. مع زيادة العمل والإنشغالات ..

الترم الماضي بحكم أول سمستر كان في حماس وعزيمة .. بس هذا السمستر قل كثير الحماس والدافع ..

الله يستر ويسهل علينا كلنا يارب ..

اليوم أول يوم أبتدي أشوف المحاضرات وكلها على شان واجب الإقتصاد الجزئي

بالتوفيق إن شاء الله للجميع ..

[حنان آل حيان]

صراحه هالترم بداء وانا عندي ظروف وعزا وتعب وما انتظمت من اوله وانحست مرررررره احس ضايعه لكن رتبت وقتي شوي شوي انا ماينفع معاي الا اذاكر الصباح يمكن انتم موظفين اصعب عليك بس انا ست بيت على قولتهم وراي اشغال بيت وادرس اطفالي واحفظهم للمدرسه وكمان احفظهم قران حق تحفيظ العصر :42: وبعدين اتفضى لنفسي وبصراحه كل وقت فراغ اروح بين الكتب والملخصات واسمع محاضرات واذا انشغلت اشغل ايباد جنبي واسمع محاضره واسوي شغلي جهاد صدق الله يكتب لنا الااجر
اما مواد التركيز لازم انام بدري واذاكرها الصباح الطريقه الوحيده استوعب فيها ويكون وقت طويل وهدوء :36:

بس الي مصبرني اني احب الدراسه وجت فرصه اكمل ماراح افوتها وعندي طموح عالي :2:

الله يوفقنا وياكم

[ابو نآآآآيف]

الله يقويك انشالله ويعينك على رفعت الضغط
والله ياخي عجزت اتقبلها خير شر احسها طويله وممله جدا
وقررت ابطل اشوفها اذاكر من المحتوى والباقي على الله سبحانه

[ابو نآآآآيف]

الله يعينك دافوره هانم ويخلي لك عيالك تفرحين فيهم ويفرحون فيك انشالله
وبالعكس حلو وقت الصباح للمذاكرة طريقتك حلوه

[Noor227]

مساء الخير
الله يكون في عونا ويسهل امرنا يارب
والله انا تقريبا شطبت على كل المحاضرات ماعدا الاقتصاد الجزئي وباقيلي الواجبات والمناقشات
والله ماعندي وقت
وبالذات اني كنت مخططه اني اشطب علي كل شي بالويك اند
بس الويك اند الي هاليوم وانا حايسه مع عيالي حراره واللتهابات :12:
قمت اصيح ما ادري على ايش بلحق...ولا قادره استوعب شي....
ضغط ضغط ضغط مو طبيعي
الله يحنن قلوبهم علينا ويسهلون الوضع

[حرم الجامعه]

صراحه شي يحسسك انك اخطبوط بسبع قلوووب وكمن يد زايده..

في البدايه هم يدرون ان التاخير منهم ؟؟ ليش يحوسون اوقاتنا كانهم يبغون ينتقمون او اكانا احنا سبب التاخير
انا اعرف لكل ماده 12 محاضره والترم ثلاث شهور تقريبا؟؟
ايش يعني بشهر راح نقفض كل شي ونقعد ..:40:

[حنان آل حيان]

مساء الخير
الله يكون في عونا ويسهل امرنا يارب
والله انا تقريبا شطبت على كل المحاضرات ماعدا الاقتصاد الجزئي وباقيلي الواجبات والمناقشات
والله ماعندي وقت
وبالذات اني كنت مخططه اني اشطب علي كل شي بالويك اند
بس الويك اند الي هاليوم وانا حايسه مع عيالي حراره واللتهابات :12:
قمت اصيح ما ادري على ايش بلحق...ولا قادره استوعب شي....
ضغط ضغط ضغط مو طبيعي
الله يحنن قلوبهم علينا ويسهلون الوضع


ياقلبي حاسه فيك اسأل الله يشفيهم يارب ويسهل لك امورك ويوفقك :16:

[nour.s]

آنآ آوضضآعي دمآر ..:5:
ست بيت ومو قآدرهـ آضضبط آموري
آلسمسترر آلأول گآنت بنتي تو صغيرره مررآ
آمآ آلحيين گبررت حبتيين ومآأقدر آجلس ع آللآب ولآ أششوف آلمحآضررآت
مآتخليني من آفتح آللآب تبيهه ه ..:39:
وآفگرر آششوفهم آلصبآح بسس بنوتتي نومهآ معتفس
وبججد آقوول آلله يعدي هآلسمستر ۶ـًِْلّْى خيرر
متخووفه كثيرر .. خآيفهه ه آحمل موآد ..:9::7:
وآلضضغط آللي حنآ فيهه ه مشش صآحي

[nour.s]

آلضضغط آللي آنآ فيهه ه يحسسني
آنو وقت درآسستي خطأ بحگم عندي بيبي

وإذآ آجلت درآستي مآرآح آدرس آبد

[وردة الوفــاء]

nour.s نفس المعاناااة بالضبط..
بنتي كملت سنة.. مررررة معاناة..

للحين ماسمعت غير محاضرة وحدة للمحاسبة .. وماعندي وقت اسمع الباقي..

متأززمة من الوضع مرره..وخايفه انو ما اعدي هالترم ع خيرر..
:12::12:

[أريـــج]

السَلام عليكَمـ ورحَمة الله وبَركاته


" امَـا عَن التنَظيَمـ للحَـين ولا مُحاضرة فتحَتهَا :39::36: مَع الاسَف

بَس حليتَ الواجَبات و كَمـ مُناقَشه :24:


أحَتاج وقَت للتَرتَيب و ضَعَي :23:


الله يَيسر الامَر و يَوفَق الجَميع

[soooze]

الي مسبب الضغط مو ازدحام الوقت او عدم التنظيم
انا احس الجدول غلط , كل المواد دسمه وصعبه
فرق عن الترم الي راح كنا نحس بسهوله بعض المواد
وصعوبه مواد ثانيه , الحين كلهم صعبين ويحتاجو فهم
وبصراحه كل المحاضرات الي سمعتها لهذا الوقت مافهمت فيها شي
ليه مصعبين الامور علينا كل ذا عشان مايحولونا انتظام ><"

[Majed_The_Gr8]

اتمنى كل من شارك في هذا الموضوع التواصل مع الدكتور سعد العمري والدكتور فيصل الزهراني ,, المدرسين مالهم دخل في اللخبطه ,, لان العماده المفروض انها حددت كل شي من البدايه :
1- مدة الدراسه
2- اوقات الاختبارات
3- اوقات المناقشات ومدة تسليمها
4- اوقات الواجبات ومدة تسليمها
5- الجدول اليومي للمحاضرات المسجله

[كيانك]

الكل متأزم هالسمستر ححيل
انا موظفه وماعندي مسؤليه زوج ولا عيال واحس بالضغط وحيل نفسيتي تتعب
صراحه ماشاءالله عليكم عساكم ع القوه انتو امهات عظيمات:27:
غير كذا بحكم الضغط ماقمت افتح الا محاضرات الرياضيات احس لازم اسمعها ولا مافهم والباقي اقراهم من ملخصات البنات الي ينزلونها ماقصرو انصح الكل فيها ع الاقل اكون ماخذه فكره عن موضوع المحاضره
ترى محد مرتاح حتى الانتظام محيوسين الدراسه يبي لها صبر ومابعد الضيق الا الفرج ان شاءالله
الصبر يارب:1:

[عيون سحاب]

السلام عليكم جميعاً
حبيت اشارككم الحوآر

لكل مننا عنده ظروفه وضغط الحيآة قبل ضغط الدراسه ولكل شخص عنده هدف يطمح لوصوله
لذآ احنا كلنا بمختلف اعمآرنآ عندنا اهداف ونطمح نحققها ...
فنصيحتي لكم ..
يكون الهدف هذا دافع لنا ندرس ونضغط على نفسنا مهما كانت ظروف الحيآة " من طلب العلآ سهر الليآلي"
والجامعه صحيح انها خطأت بالبدآيه ضغطتنا لكن هذا مايمنع ان احنا نكمل مسيرتنا في طريق العلم ..
من وجهة نظري ماافضل فكرة الانسحاب أو التأجيل لأي شخص منكم مهما كانت ظروفه وان شاء الله مستوى واحد ونحصل على المعدل المطلوب ونحول انتظام واللي اتوقعه حلم كل طالب وطالبه في الوقت الحالي ...
كلها شهرين وبتتيسر الأمور وربي مايضيع تعب لأي شخص على قد اجتهادك ربي بيرزقك ..
اتمنى ماطول عليكم بكثرة الكلام بس نصيحة اخت لأخواتها واخوانها في الله ...
والله ولي التوفيق :)

[Nadoi]

السلاام عليكم ورحمة الله ....
صحيح كلامكم هذا الترم غييير حاسينه صعب والمواد اصعب ومو قادرين نرتب اوقاتنا , اصلاا مثل ماقال احساس قل حماسنا , وبصراحة كله من الجامعة للاسف تنزل اكثر من محاضرتين للمادة وغير المناقشات بالهبل ليه طيب ؟ انتوا اللي تاخرتوا , انا مااظلمكم نقول مثلاا مشغولين بس راعوا ظروف الكل , والله كريم .....

[هيفااء]

مساء الخير ع الجميع

انا عن نفسي صراحه الى الحين مارتبت ووضعي ماشفت الا محاضره وحده للرياضيات الاداره

وطريقتي ان شاء الله اللي بعتمدهاا مواد الفهم اشوف المحاضره والحفظ اطبعهاا من المحتوى وبس

قل حمااسنا (عين وصابتناااا ) :18:متمحسين السمستر الاول :6: نبي نرججع زي اول حمااس ونحل الواجب ونشرح لبعض اذا مافهمناا شيء

وان شاء الله ماتجي الاجازه الا انا مشطبه ع المحااضرااات

كلناا عندناا طموووح ونبي نووصله وقسمناا جداااا جميييلللللل ومطلووووب يعني نحاول نشد قد مانقدر وللي

كماااان يبوون يحوولون انتظااااااااااام بلييزز خلووناا نضغط ع انفسناا شوي

وبليزز اللي يروح للجامعه يحاولون يقلولهم يقللون ساعاات المحااضره حدا ازمه ساعه وننص :31:

الله يسيرر لناا وللموظفين والموظفااات واحسن ووقت جد للتركيز الصبااح <<علمي نفسك :6:


وبالتوووفيق للجميع :2:

<< ماودكم تتغيير الفيساات المنتدى ابد ماجاازتلللللللللي :26:<< ادري اني برى

[راسي عالي]

:12:

[راسي عالي]

انا مثلك دافوره الله يعينا مره ضغط البيت والعيال
المشكله المحاضرات طويله لا ومش مفهومه
زي الاقتصاد و المحاسبه:32:

[ابو نآآآآيف]

انا الي رافع ضغطي طول المحاظرات ماقدرت اتحمل طولها امل بسرعه ماعندي صبر اكملها
ويوم الاثنين انشالله بروح للجامعه اما رجعت لكم بالعلم الطيب ولا بروح وراء الشمس الله يستر :20:
:42:

[Noor227]

انا الي رافع ضغطي طول المحاظرات ماقدرت اتحمل طولها امل بسرعه ماعندي صبر اكملها

ويوم الاثنين انشالله بروح للجامعه اما رجعت لكم بالعلم الطيب ولا بروح وراء الشمس الله يستر :20:

:42:



عساك عالقوة بو نايف
من جد ممله المحاضرات ما عدى الرياضيات للادراه
الله يسهل امرك وامرنا ومستنين الاخبار الطيبه
موفق..بحفظ الرحمن

[Noor227]

لووووول حسيتك رايح تجاهد :8:

[ابو نآآآآيف]

لووووول حسيتك رايح تجاهد :8:

ههههههههه انتي تقولينه والله الجامعه يبي لها جهاد قوي :19:

[e7sasy '3er]

:4: ي حيااتي الله يعينكم ويووفقكم

:35: اماا الامهاات الله يسهل عليكم امووركم >< عيال ودراسه احسس صعب :42:

:28:ماجازت لي سالفه دراسه وزواج ف ماوفقت وربي اناا الان سمستر اول ومتخربطه لازم بسس مع الايام بتعوود ان شاءالله

:41: سوري ع دخوولي قسمكم بسس الموضووع حمسني اقوول الي ب خااطري

[ابو نآآآآيف]

^
حياك الله الاقسام كله لك وللجميع بالعكس نورتي الموضوع

[ملآمح نآعمه]

بس حبيت اعلق على ان المحاضرات ممله !!
يعني ودكم يحطون فواصل ترفيهيه ؟؟ هههههههه
هذي ماده والدكاتره ملزومين يشرحونها سواء ممله ولا ممتعه
هو بس لو يقل وقت المحاضرات :21:

[ريممممو]

المحاضره الطويله اقرو المحتوى قبل ثم سرعوها وبتصير اقل من ساعه ونص :35:

وبالتوفيق للجميع

[احـتـويـنـي]

الله وكيلكم كل مافكرت ارتب وضعي ونظمه

وعدل نومي يجي البليس فوق راسي ويخربه

ههههه
:24:

وربي كل ما مسكت ملخص ولا اللاب توب يجيني خمول مو طبيعي واتنرفز بسرعه بسببهم

بس الله كريم والله يسهل :36:

وانا ناويه باذن الله اني انام الفجر وقوم من نومي الظهر وبتدي بتحميل المحاضرت وحل المناقشات والواجبات والعصر ابتدي اشوف المحاضرات الين اطفش وتحول عيوني :42:

وبعد الاجازه ودي انام 12 اليل والساعه 7 او 8 صاحيه مثل السمسر الاول

اكون مره نشيطه ومروقه لاخر حد :29:

[نمله مطبله]

:7:
وقتي مو مرتب
الجمعه بديت البدايه الجديه للمذاكره شريت دفاتر وأقلام وتوكلت على الله:19:
و خلصت محاضرات ( الرياضيات ) حسيت إني اتابع شي ينفهم <<الماده سهله وحلوه لحد الان
بعدين بديت اتابع ( المحاسبه ):12: ياخي كنت برجع اتابع الرياضيات من جديد:39:ماده ممله بمعنى الكلمة أنسدت نفسي بس سألت عنها البنات الي درسوها وقالو يبي لها تركيز قوي لاتستهينون فيها
, يلاااه الشكوى لله لازم نضغط ع أنفسنا مافيه شي يجي بالساهل..

وربي يوفق الجميع:2:..

[ELAAF]

الموضوع مؤلم في صمآصيم القلب :24:
أنا بالنسبه لي متأززززمه من النوم و الوقت ولآ عندي عيال ولآ بيت ولآ مسؤليه !
بس إني نقلت من الشرقيه كلهآ بكبرهآ :12::18:
وهينآ تأزمت أكثر منكم كلكم مآبعد أتعود على المكان ولآ تعودت على الأشخاص
ولآحتى حبيت المكان أبببد :12::18::18:

أنا عني بديت من السبت شطبت على المناقشات والواجبات كلهآ :35:
وبديت أشوف محاضرات المحاسبه وحالتي حاله معاه أشوف شرح من اليوتيوب :31::15:
أخوي يقولي أنا دارس هالماده بس ترا دكتوركم نذل يعطيكم رؤؤس أقلآم مآيشرح لكم بالتفصيل :6:
^
لو يشرح بالتفصيل بنقعد يوم كككامل بنشوف محاضره وحده من المحاسبه بس :44:
الله يسسسهل لنآ ولكم يآررب :24:
وأبششركم طلعت لي نخله برآسي والحمدلله :42::18:

[أريـــج]

بِأذن الله سَأبدا غَداً بِ الدِراسَة المَواد :42:

و أُحاول تَنظيَم الوقَت لدَي :21:

[ملآمح نآعمه]

بِأذن الله سَأبدا غَداً بِ الدِراسَة المَواد :42:


و أُحاول تَنظيَم الوقَت لدَي :21:


أحسنتِ

[rana.a]

انا خلصت الحمد لله من المناقشات

و اليوم خلصت عقيده محاضره 4 و رياضيات

باقي اقتصاد و محاسبه اجلتهم

لمتى مدري :24::24::24:

[how are you]

رنوووش هنا مشكلة

كل شي نخلاصة للا ها مادتين ماندري متي نتهي منها :44:

[حرم الجامعه]

الي يب يرفه عن نفسه ويكره الهذره من الاستاذ يحط سماعات الايفون باذنه ويتنكس ههههههه

ولا يجيب له باسكن روبنز كل يوم شكل ع اساس نغير جو يعني ..

ترى انا سويت دعايه ببلاش.. :2:

[Nwyf AL.subaie]

سؤال مسبب لي حكه بمخي
اللحين احنا ما سجلنا انتساب الا لاننا مو لاقين وقت كثير نسجل فيه انتظام
" وهذا للاغلبيه "

يقومون يصعبون الامور زود ماهي صعبه ><" !!
المفروض ع الاقل في كل اسبوع مناقشه لماده وحده ولا واجب
ينظمون هالجدول بينهم "الاستاذه او الدكاتره"
يصير الواحد يقدر يركز شوي


* وعن نفسي توني امس بديت دراسه *
بديتها بحل كل المناقشات والواجبات
مع انه للاسف راحت علي مناقشتين للتسويق
لانه مخليهم بوقت =\

وببدا من اللحين احمل محاضرات
واخلي كل يوم ماده عشان ابدا اتابع بانتظام
^ ونقول يارب :40:

[أريـــج]

أحسنتِ

أسَعدنَي تَحفَيزكَـ بُوركَتيَ :3:

[kenani]

أنا بصراحة ما أدري إيش قصة الجامعة معا النظام
أنا متأكد لو بس يعملون جدول يومي لنزول المحاضرات مثل ما عاملين جدول معتمد للفصول المباشرة
والله راح يحسنو صورتهم قدام الطلاب ... أحسن من اللخبطة الي صايرة وعلى فكرة ترانا كلنا على بعضنا مستوى أول ومستوى ثاني ... يعني صفين وفيهم إثنين..!!!!

أنا الي قاهرني إنهم يدعون النظام والأنظمه وهم أبعد ما يكونو عن التنظيم ... بعد المستوى الأول رحت للعمادة عشان آخذ خطاب يثبت المبلغ المالي الي دفعته في المستوى الأول لأن الشركة الي أشتغل فيها تعوض 80% من مصروفات الجامعة ... والله ... أنواع الدهاليز في الكلام والتصريف كأني طالبهم معادلة كميائية في علم النانو!!!!
من مبنى60 إلى مبنى 90 وبعدين يقولون لا روح العمادة الطلابية وفي الأخير يقولون لا أنت تعلم عن بعد روح العمادة الثانية وفي الشمس وصيف ... وفي النهاية بعد شهر كامل قالو ما عندنا ... طبعاً الي قالي هذا الكلام هم الشباب الي والله ما يدرون وين الله حاطهم ... وفي الأخير أقولهم أبي أدخل على العميد ... يقلون مش موجود روح وعطنا جوالك وراح نتصل عليك ... وهذا وجه الضيف ... ولا أحد إتصل
رحت بعدها من الصباح قبل ما يفتحون وجلست إلين جاء العميد وقبل ما يدخل مكتبه كلمته وقلتله القصة وكان جداً متعاون والله ما دخل مكتبة إلا لما عملو الخطاب ووقعة وهو واقف وقبل ما يدخل المكتب ... وقالي إنه لازم كل الخطابات الي يحتاجها الطالب تكون مجوده "أون لاين" ولا يحتاج إنه يحضر من بنفسة وراح يتأكد من هذا الشيء

زبدة الكلام.... العميد صدره رحب لكل الملاحضات الي تصب في صالح الطالب ... المشكلة في البطانه السيئة الي في مكتبة وهم ما يوصلون الصورة الحقيقية من معاناة الطالب ... هذي هي المشكلة "التواصل" فقط....

شكراً ... والله يستر من هذا السميستر ... خاصة الموظفين أمثالنا....

[ملآمح نآعمه]

أسَعدنَي تَحفَيزكَـ بُوركَتيَ :3:

على الرحب والسعه

[فجــر]

زبدة الموضوع
1-مواد هالسمستر تسد النفس
2- طول المحاضرات المبالغ فيه

هذا الي يخلينا كل يوم نأجل لبكرى ويجي بكرى وحنا ماسوينا شي
مااحس في تنويع بلمواد
احس كل الي ادرسه واحد عدا العقيده


وللعلم انا مو موضفه ولابعد افتح الا كم محاضره
عندي اشغال فلبيت
واحيانا يضرب مزاجي ما اشتهي اشوف شي
وهلمزاج مطاولني مدري لمتى

.
.
احس تندمت اني اخذت كل هلمواد
وفي مواد ماتجتمع مع بعض
المحاسبه لحالها يبيلها ترم كامل لها :23:
مع تغيير المدرس طبعا :14:
احسه هو الي مسب لنا ازمه مع الماده مدري ليش


.
.


المهم
ابو نايف كلنا في حراك
برد تسبودنا تكفى :18:

[nour.s]

من ججد
لو يغيرون دگتوور آلمحآسبةة ودگتور آلآقتصآد
حنآ بخيرر وسلآمةة ھھھھھھھـ(:5::5:)ـھھھھھھھ

[ابو نآآآآيف]

فجر يرحم والديك تراني واصل حدي شوي ونفجر
لاتخليني اتهور وروح للجامعه ويضيع مستقبلي :8:

[ابو نآآآآيف]

وراكم تقول مستحين كل واحد ساتك اقصد ساكت

[iGhaida]

مالنا حل :26:

[ابو نآآآآيف]

:15::15::15:

[al-mha]

والله انا فاضيه طول اليوم وماوصلت لنص المحاضرات الله يعين الموظفين اجر ان شالله

................

مسحته بطلت :23:

[ابو نآآآآيف]

والله مافكرت اشوف المحاظرات من طول وقتها احسها ممله
لكن شايل هم المحاسبه والاقتصاد فقط مدري وشلون بشوفهم
الباقي الله يخلي المحتوى انشالله راح يفي بالغرض

[ابو نآآآآيف]

الله يذكره بالخير

[ابو نآآآآيف]

صارو الزوار اكثر من الاعضاء وش السالفه :8:

[dhuhasaud]

السلام :34: وحشتوني واللهي :11:
ونااااسه الفيسات تغيرت صارت زي حقت الواتس اب :11: < من زمان ما دخلت الملتقى :42:
الصرااااحه انا ذا السمستر مدري وين ربي حاطني :13::18:
ماغير احل بالمناقشات والواجبات بس
والمحاضرات لما فتحتها فالبدايه كأنو احد جالس على صدري من الضيقه مااتحمل ماتوصل لين نص المحاضره الا انا مقفلتها !!!! ومن بعدها ماصرت اشوف محاضرااات تجيني ضيقه وليت النص اللي شفته استوعبت منه شي !! والله اخررطي ولا شي دخل المخ
مااقول الا الله يسسستر بس

[nour.s]

إلآ وشش آخبآر مآدة آلإدآرهـ..؟
عسسآهآ سهلةة..؟
للحين مآششفت شي فيهاإ..:5::5:

[حنان آل حيان]

الاداره حفظ احسها افتحها يجلس يتكلم وانا احل اشياء ثانيه ههههههههههههههههههههههههههههههه اهم شي يخلص وش عنده ارضي ضميري سمعتها :13:

[فجــر]

نقدر ناخذ اسئلة اختبار المنتضمين من نفس الدكاتره حقينا ولالا !
لان جد موادنا للحين مابعد اتخيل طريقة الاسئله عليها
خصوصا الاقتصاد والمحاسبه
لما طبت الملخصات اقرا الاقتصاد يفك المخ
جامعة الدمام جابتلي القولون العصبي
ما انام من التفكير والضغط وليتني اسوي شي هههههه

:20:

[فجــر]

ابو نايف
شفلك كل يوم محاضرتين !
انا كذا قالت لي وحدا من البنات
وشكلي بسويها
واكبر فرصه الاجازه
يابخت الي فاضي وماعنده التزامات ولا شي غير العيد
مشا الله
البلا الي بيحتاس من اول الاجازه ل اخرها :12:
ولا بيسافر :12:


.
.

[ابو نآآآآيف]

فجر وش رايك لو اقول لك اني مداوم في الايجازة
ماراح اتهنى مثل العالم الايجازة هذي بكون مكلف
يعني نفس دوامي الحين ماراح يتغير شي معي
لكن الله يكتب الي فيه الخير
ومابنسبه لجامعة الدمام لاتجيب لك قالون ولاهم يحزنون وسعي صدرك
صيح نفس مشكلتك الاقتصاد والمحاسبه وربي فكو مخي :42:
اهم شي تتذكرين اختبار الرياضيات السمستر الي فات ههههههههه

[حنان آل حيان]

:19: خلوكم اقوياء وذاكرو بالعطله :42:

انا شكل بسافر بلاجازه الى قمم جبال السروات بالجنوب نغير جو احتمال كبير بجرب اذاكر هناك :11: يمكن المذاكره هناك غير مع الجبال والامطار والضباب :11:

اما اذا الله ماكتب و جلست بالبيت برضو لااااااااااااازم اذاكر المحاسبه والاقتصاد لازم مو مركزه فيها شي ابدا

المحاسبه بشوفها من الدكتور الي قالو باليتيوب يمدحونه :21:

[sweet>jOoj]

و الله كانهمم يقولون لنا تحلمون تصيرون انتظام :25:

انا زيتس دافوره هانم بالاجازه بمسك هالمحاسبه اللي ترفع الضغط من واحد يشرح باليوتيوب
و ان شاء الله يفهم :39:

[nour.s]

ششي طيب إذآ گآنت آلإدآرهـ حفظظ..:2:

[iEMAN]

مرحبا , انا عجزت ارتب وقتي حوس ما اعرف متى المحاضرات تنزل والمحاضرات طويلة مرررا ملل ع العموم مادة المحاسبة عجزت افهمها ياليت تحطون لي رابط الدكتور اللي ع اليوتيوب وشكرًا كثير , الله يوفقنا يارب :16:

[so0ona]

مرحبا , انا عجزت ارتب وقتي حوس ما اعرف متى المحاضرات تنزل والمحاضرات طويلة مرررا ملل ع العموم مادة المحاسبة عجزت افهمها ياليت تحطون لي رابط الدكتور اللي ع اليوتيوب وشكرًا كثير , الله يوفقنا يارب :16:

http://www.youtube.com/watch?v=cTEocMaku6U&feature=relmfu

http://www.youtube.com/watch?v=57eqk14GPvQ&feature=related


:2::2:

[ابو نآآآآيف]

الله يوفق الجميع الي بيسافر والي بيذاكر والي بيداوم
المهم المحاسبه والاقتصاد لازم نشوف لها حل مابي معدل فيها ابي بس اعديها ورتاح :42:

[أماوند]

:22::22:

كلنا نفس الحالة والله انا عجزت ما قدرت ارتب اموري بين البيت و الدراسة يالله ألحق ولو تلاحظون مشكلتنا بس في المحاسبة و الاقتصاد بس و كل الطلاب يعانون منها يعني الخلل مو منا منهم هم


بس والله حسيت انا اخوان و قلوبنا على بعض في هالموضوع الجميل
الله يديم علينا يارب و يوفقنا و يسهل امورنا

:1: