برنامج المنح الدراسية للجامعات والكليات الاهليه..~ "نتائج 2009/2010 تم الاعلان عنها" [الأرشيف] - ملتقى طلاب وطالبات جامعة الملك فيصل,جامعة الدمام

ღMs.Kღ

2009- 6- 3, 08:15 PM

http://www5.0zz0.com/2009/06/03/17/622532380.jpg (http://www.0zz0.com)

يبدأ التقديم لبرنامج المنح الدراسية للجامعات الأهليه التابع لوزارة التعليم العالي من 1/9/1430هـ إلى 29/9/1430هـ (شهر رمضان فقط), على النحو التالي:

1- المستجدون:
# معدل تراكمي في الثانوية العامة لا يقل عن 85%
# نسبة اختبار القدرات لا تقل عن 65%

2- المنتظمون:
# معدل تراكمي في الجامعة لا يقل عن 2,75/4

على كل طالب/ـة لا يستفيد من البرنامج وينطبق عليه الشروط المذكورة:

أولاً: التقدم بتسجيل طلب منحة دراسية في موقع الوزارة الجديد:
(( http://grants.mohe.gov.sa ))

ثانياً: تقديم الأوراق الآتية إلى مكتب المنح الدراسية في الجامعة:
# صورة عن الطلب
# صورة عن الهوية الوطنية
# صورة السجل الاكاديمي ( للمنتظمين )
# صورة اختبار القياس ( للمستجدين )
# صورة طبق الأصل لشهادة الثانوية العامة ( للمستجدين )
# صورة من خطاب القبول في الجامعة ( للمستجدين )
# صورة من إيصال الدفعة الأولى للجامعة

ملاحظه:
* تعبئة نموذج طلب المنحة لا يعني قبول الطلب.
* الرجاء الالتزام بالإجراءات المذكورة والتقيد بالمهلة المحددة, وإلا ستخسر الطالبة تلقائياً إمكانية الحصور على المنحة الدراسية.

ختاماً/

اتمنى اني قدرت افيد كل طالب وطالبه كان وده يعرف اكثر عن المنح الدراسيه ..

لاتنسوني من دعائكم=)

http://www.higheredjobs.com/images/AccountImages/3180_1.gif

أم ريم

2009- 6- 11, 06:18 AM

يعطيكي الف عافية.....هذا اللي كنت بدور عليه
لكن عندي سؤال
هل يجب علي التسجيل اولا في الجامعة بعدها اطلب منحة؟
هل عند التسجيل في الجامعة تؤخذ علي رسوم....و كم هي الرسوم؟

ღMs.Kღ

2009- 6- 11, 11:05 AM

# صورة من إيصال الدفعة الأولى للجامعة

يعني اول سجلي وبعدين قدمي ع المنحه..

وبالنسبه للرسوم مو فاكره ..

&

Good Luck

عبدالله الخرج

2009- 6- 27, 07:46 PM

اذا كان تنطبق علي الشروط هل بكون مقبول يعني كم نسبة اني ادخل البرنامج اذا كان الشروط تنطبق على

عبدالكريم سلطان

2009- 7- 10, 03:24 PM

يعطيكم العافية. طيب اذا انا كان عندي من السنة اللي فاتت و جبت المعدل هل لازم اقدم مرة ثانية ؟ ولا خلاص هي تستمر اذا كان المعدل 2.75 و فوق؟

جنة الورود

2009- 7- 10, 04:07 PM

اناا اعرف نظام المنح في كلية الرياض الاهليه واتوقع ينطبق على المنح في جميع الكليات

بالنسبة للسنة الاولى : (للحصول على منحة +استرداد المبلغ المدفوع) بشرطين فقط:-
1- تكون نسبة الثانوية فوق 85 %
2- تكون نسبة القدرات فوق 65 %

اذا انطبق عليك هالشرطين تدفعي المبلغ حق الترم الاول هو 30 الف ريال .. وقبل ماتكملي الترم بشهر تقريبا يرجعولك المبلغ كامل 30 الف ريال .. ويكون الترم الثاني مجاناا

بالنسبة للسنة الثانيه : (للحصول على منحة) بشرط:-
يكون معدلك حق السنة الاولى 3.75 من 5
وهكذا بقية السنوات

واذا اخذتي في اي سنة من السنوات معدل اقل من جيد جدا
يعني اخذتي جيد
تاخذي منحة جزئية .. يعني يدفعولك نص المبلغ فقط

اذا ما انطبق عليك الشرطين .. تدفعي لسنة كامله (للسنة الاولى) .. واذا اخذتي معدل 3.75 من 5 .. تاخذي السنة الثانيه منحه
وهكذا بقية السنوات

ان شااء الله فهمتووني

والله يووفقكم

moha111

2009- 7- 15, 08:28 AM

الحين انا مخلص البقنر

وجايب في الرايتنق +c

وفي الكومانيكيشنb

هل يحسبوني منتظم

كم نسبتي من 4 بالتقريب

في البانر كاتبين التقدير بس مافيه درجات ولا شي
وش السالفه

هدوء الروح

2009- 7- 22, 05:31 AM

يعني ما يهمهم كم مضت على الشهاده ؟

حتى لو اكثر من خمس سنوات عادي ؟

طيب والي نسبتها 84 ما تنقبل؟

ღMs.Kღ

2009- 7- 22, 09:48 AM

moha

مافهمت عليك .. :g2:

هدوء الروح .. ايه عاادي .. ع حسابك بس المنح لا

واذا جبتي في اول سنه تخصص من 3.57 او فووق ممكن تجيكي منحه.. :g8:

&

Good Luck

هدوء الروح

2009- 7- 22, 05:09 PM

يعطيك العافيه

احلى ابتسامه

2009- 8- 18, 01:06 PM

يعني لازم اسجل بالجامعه اول؟؟
بعدين اقدم على المنحه؟؟؟
طيب متى بينتهي التسجيل؟؟؟

عاشقة الورد

2009- 8- 22, 02:20 PM

مو فاهمة شئ عن الموضوع!

بس سجلت بالمنحة وانا مو من طالبات جامعة الامير محمد بن فهد؟؟!!!!!

يصير؟؟

ابي اعرف بالتفصيل:sdfgdsf:

انا ماامتحنت قدرات نهائيا لاني متخرجه من سنتين يعني قبل قرار القدرات؟؟!!!!
:o3:

:c8: اذا في حد يشرح لي كل شئ من طقطق للسلام عليكم بكون لكم من الشاكرين

يعطيكم العافية:119:

FoxDie

2009- 8- 22, 04:57 PM

ألف شكر على الموضوع التفصيلي أختي ღMs.Kღ
ماقصرتي الله لايقصر من عمرك ويوفقك ان شاء الله

عندي سؤال بالنسبة للمنح ، أنا سجلت في الجامعة الترم اللي طاف وعديته ولله الحمد بمعدل طيب
ألحين، لازم أسجل في الجامعة بعد قبل ماأقدم على المنح وألا كيف؟؟؟

وألف شكر مره ثانية على كل من وضح لنا

DANA

2009- 8- 22, 05:17 PM

اللي عرفته لازم تكون مسجل بالجامعة بعدين تقدم على طلب منحه

FoxDie

2009- 8- 22, 05:40 PM

مشكورة اختي دانا على التوضيح

الله يعينا اليوم اضبط التسجيل ونشوف وضعهم

في أحد راح قدم اوراقه والا بعد مافي؟

DANA

2009- 8- 22, 07:00 PM

العفوو ..

نقصد اوراق المنح ولا التقديم للجامعه؟

FoxDie

2009- 8- 22, 07:47 PM

لا قصدي اورق المنح

وبعدين ، في ؟؟ تقديم اوراق للجامعة بعد التسجيل المبدأي وألا كيف؟؟
أنا سجلت من قبل وعديت سمستر واحد،
طبعا ألحين لازم أسجل من جديد من البانر للسمستر الجاي، هل يحتاج أوراق ثانية أقدمها؟؟

ماأدري ، بس ماأعتقد ، شرايكم ؟؟

وانتي أختي دانا ، شنو وضعك ، توك متخرجة من الثانوي وبتسجلين في الجامعة وألا كيف؟؟

معليش اعذرونا على كثرة الأسئلة ، حاليا الوضع عندي ملخبط Confused
إن شاء الله احل الازمة اللي عندي

flakenet

2009- 8- 22, 08:24 PM

أنا ما فهمت :s

الحين انا قدمت بموقع الوزاه عالمنحه ..

وش علي اسوي الحين ؟؟

ღMs.Kღ

2009- 8- 22, 09:22 PM

FoxDie

2009- 8- 22, 09:40 PM

flakenet

2009- 8- 22, 10:21 PM

طيب الحين ايصال الدفعه الاولى , وصوره عن الطلب ؟؟ من وين اجيبهم ؟؟

واروح هناك لمكتب المنح واعطيهم اياها عادي طبيعي ؟؟

طيب هذي المنحه وش سالفتها ؟؟ أدفع شي والا ما أدفع

لأني اشوف كاتبين لتخصصات الهندسه والحاسب يعطونك منحه 40 الف للسنه
وتخصصات الاداره 20 الف للسنه

طيب محمد مو السمستر بـ 55 الف كيف يغطي ؟؟!!!!

ومشكوووووره تعبتك معي

ღMs.Kღ

2009- 8- 23, 12:43 AM

Thanks alot ღMs.Kღ

باقي شغلة ، ألحين التسجيل للجامعة في البداية عن طريق هذا الرابط، صح؟
http://pmu.edu.sa/enn/banneradmissionapp.asp

يعني اسجل كأني جديد، أختار السمستر المطلوب وأسجل، أبغى أتتأكد؟؟

اللي يدررس خلااص يدخل عن طرريق البانر عشان يسوي جدووله مو عن طرريق التسجيل كطالب جديد لانوو خلاص u have already ID & PIN .. .. :119:

والتسجيل يكون عن طريق الموقع من Banner self server وتختاار السمستر الجاي وتسجل جدولك :119:

وهو عن طريق هذا الربط ..

http://www.pmu.edu.sa/enn/bss.asp

طيب الحين ايصال الدفعه الاولى , وصوره عن الطلب ؟؟ من وين اجيبهم ؟؟

واروح هناك لمكتب المنح واعطيهم اياها عادي طبيعي ؟؟

طيب هذي المنحه وش سالفتها ؟؟ أدفع شي والا ما أدفع

لأني اشوف كاتبين لتخصصات الهندسه والحاسب يعطونك منحه 40 الف للسنه
وتخصصات الاداره 20 الف للسنه

طيب محمد مو السمستر بـ 55 الف كيف يغطي ؟؟!!!!

ومشكوووووره تعبتك معي

هلا اخوي ..

لما تسجل في الجامعه لازم تدفع دفعه اولى.. اللي هي 10.000 خذ منها صووره ومن ورقه القبوول اللي يدووك اياها وحط كل الطلبات هادي في ملف واديها لمكتب المنح مو عارفه ايش اسم المكتب بالضبط.. .. اسأل عنه وبيقولولك عليه ..في الجامعه وقدم ع موقع الوزاره ..
لأنو لو قبلووك بيطاابقوا الاوراق اللي اديتهم مع المعلووماات اللي حطيتها في تقديم طلب المنحه اللي راح تجيهم من موقع الوزاره ..

وبالنسبه للتغطيه ايه ماتغطي كل الرسووم يعني لو جتك منحه بـ 40 انت يكوون عليك تدفع 15 الف كل سنه .. :119:

وان شاء الله اكون افدتك..

دعوااتك .. :119:

&

Good Luck

FoxDie

2009- 8- 23, 12:55 AM

شكرا على التوضيح اختي ღMs.Kღ
أعجز عن تعبير امتناني لأجوبتك وصبرك علينا
Keep it up :thumbs-up:

بس تعالي باقي ماكملتي :D
ألحين دخلت على صفحة البانر، وبعدها Student Registration
ألحين وين بالظبط، يعني على أطول أروح اضبط الجدول من دون أي شيء قبلها وألا كيف
لأن عندي حاليا يقول ماأقدر أضيف شيء

This term is not available for Registration processing. Please select another term or return to the menu and choose a different option.

عارف اني زودتها شوي، بس ملعيه على اجر ان شاء الله :cheese:
الله يعطيك العافية

ღMs.Kღ

2009- 8- 23, 01:06 AM

ايه تدخل من Student Registration

وبعدها تسوي جدولك عاادي,,

بس مايمديك تسوي جدولك الا لما تدفع الدفعه الاولى الـ 10 الاف .. :cheese:

بس مااظن تسجيل الجدااول الحين مفتووح! ..

الا اذا عندك خبر من الجاامعه ..

ياليت تقولي عليه ^_____^

شكرا على التوضيح اختي ღMs.Kღ
أعجز عن تعبير امتناني لأجوبتك وصبرك علينا
Keep it up

لا عادي شدعووا .. :119:

عااد احنا في شهر فضيل.. ودعوااتكم .. ^______^

واي استفساار ثاني.. ان شاء الله اقدر افيدك فيه ..

DANA

2009- 8- 23, 01:08 AM

FoxDie

2009- 8- 23, 07:30 AM

يالله التوفيق للجميع
ماقصرتي اختي ღMs.Kღ ، اجوبتك كلها واضحه زي الشمس :119:
الله يعينا نروح لهم وندفع القصد :011:

هلا بك أختي DANA
ان شاء الله تعجبك الجامعة وماتندمين على أي شيء
وبالتوفيق لك :119:

flakenet

2009- 8- 25, 01:47 AM

الحين بنات العام كانت منحتهم يدرسون بمحمد بن فهد مجاناً

كيف هالسنه صار فيه دفع ؟؟

ღMs.Kღ

2009- 8- 25, 04:40 AM

حتى العام نفس الشي :) ..

FoxDie

2009- 8- 25, 07:34 AM

أختي flakenet
هي المنحة تصل إلى 50 ألف،أو 40 ألف، أو 20 ألف على حسب تخصصك
والباقي عليك، يعني الدفع فيك فيك :011:

FoxDie

2009- 8- 26, 01:15 AM

السلام عليكم شباب وبنات
صباح الخير جميعا، اخباركم؟؟

امس رحت الجامعة أو بالاحرى ابوي راح لأني ماأقدر>>> مكروف في الدوام ماأقدر أروح :011:

ماعلينا، قدمت اوراقي وهي:
# صورة عن الطلب
# صورة عن الهوية الوطنية
# صورة السجل الاكاديمي ( للمنتظمين )
وبالنسبة لـ # صورة من إيصال الدفعة الأولى للجامعة
ماطلب شيء بحكم اني من المنتظمين :praying:
بس المستجدين لابد من ذلك :mh19:

وبالنسبة لنتيجة، على كلامه ان شاء الله بعد العيد بالله التوفيق لنا ولكم :119:

ღMs.Kღ

2009- 8- 26, 04:13 AM

موفقين :119:..

شذاووي

2009- 8- 26, 07:23 AM

طيب أني عندي سؤال .. اني الحين قدمت بموقع الجامعه وبعدين طلبت منحه عن طريق الموقع ..!

الحين شسوي ؟؟ .. كيف اعرف اني انقبلت بالجامعه ؟؟؟

علماً بأني ماسلمت اوراقي للجامعه .. خبري اسلم اوراقي للجامعه اذا انقبلت ..!!؟

FoxDie

2009- 8- 26, 07:43 AM

هلا فيك ღMs.Kღ
الله يوفقنا معاك :119:

أهلين اختي شذاووي
بالنسبة لك، ألحين لازم تكلمينهم وتسألينهم عن التسجيل وموعد امتحان القبول
ولو تروحين لهم يكون احسن :mh19:

و الله يوفقك ان شاء الله

sawsan

2009- 8- 27, 05:06 AM

صباح الخير :)
وتقبل الله طاعتكم ..
أنا توني مسجله في الموقع هنا خصيصا عشان عندي استفسارات كثيرة وكلي أمل اني القى منكم الردود
وأتمنى انكم تساعدوني
استفساري الأول هل التسجيل في الجامعه لسه مفتوح
لأنو لمن ادخل ع الموقع ما يفتح معاي نظام البنر فما ادري اذا الخلل من النت او انو قفلوا التسجيل او يمكن اني مادخلت الرابط الصحيح
ثاني شغله
انا ابي اقدم ع المنحه
بس انا متخرجه من 3 سنوات فهل يقبلوني لاني لمن قريت الشروط تبع المنحه ماكان من ضمنها سنة التخرج اهم شي المعدل وانا الحمد لله معدلي الثانوية مرتفع
اتمنى انو تفيدوني باستفساراتي باسرع وقت عشان لو في فرصه اسجل ماتروح علي
الله يجزاكم خير
وانا استفدت كثير من التساؤلات المطروحه وردود الأعضاء وخصوصا الأخت Ms.k
بانتظاركم :Cry111:

FoxDie

2009- 8- 27, 05:30 AM

أهلين أختي sawsan ، صباح النور :119:
حياك الله في منتدنا المتوضع وإن شاء الله تستفيدين وتفيدين
خلينا نجاوبك على استفساراتك
الاول: نعم لسه مفتوح :119:
بالنسبة للتسجيل، فليس من موقع البانر، بما انك مستجدة فتسجيلك من هذا الموقع وهو Admission
http://pmu.edu.sa/enn/banneradmissionapp.asp
لما تدخلين على الموقع اختاري First time user account creation وبعدها كملي طريقك
وان احتجتي مساعدة، بإذن الله ماحد راح يقصر :119:

الاستفسار الثاني: بالنسبة لسنة التخرج، فمو معطينها أي بالي :mh19:
بإمكانك التقديم بدون أي مشكلة، أهم شيء توفين الشروط الآخرى من التسجيل الانتظامي في الجامعة وغيره

وأخيرا بالتوفيق لك :119:

ღMs.Kღ

2009- 8- 27, 06:01 AM

يعطيك العافيه اخووي ع ردك ماقصرت ..
بس بما انك متخرجه من3 سنين مااتوقع انك اختبرتي ذيك الفتره اختبار قدرات وتحصيلي [اختبار القبول] .. سو لو كنتي تبي تقدمي ع المنح لازم تختبريهم :g2:

واي خدمه احنا حاضرين .. وان شاء الله نقدر نفيدك باللي نقدر عليه ..:119:

&

Good Luck

sawsan

2009- 8- 27, 06:42 AM

يعطيكم العافية ماقصرتوا
مشكور اخوي ع الرد كفيت و وفيت
[س الظاهر انا المشكله عندي بالجهاز ماتفتح الصفحه عندي تطلع لي فاضيه مافي خيارات Done
بحاول افتح الموقع من جهاز 2 وان شاء الله يضبط معاي

.........................
اممممم
اختي Ms.k
شككتيني هههههه
مدري اذا الامتحان اللي عندي مايعتبر قدرات فهذا شي 2
انا اختبرت امتحان وقت التقديم ع جامعة الفيصل وقت اللي تخرجت من الثانوية
وكان مقسم تحصيلي وقدرات
بس مدري من ردود الأعضاء شكيت انو كان عندنا اختبار قدرات وانو توه جديد
ان شاء الله نفسو لأنو ماتوقع في مجال " وقت " الحين انو اقدم اختبار قدرات :sdfgdsf:
في انتظار ردودكم
ريحتوا بالي الله يريح بالكم ان شاء الله
ان شاء الله يكون لنا نصيب في التسجيل بالجامعه
:)
/
\
/
\
sawsan

FoxDie

2009- 8- 27, 06:46 AM

لأ اكيد اختبرت :cheese:
أقول لك كيف عرفت :mh19: لأني بكل بساطة اختبرت اختبار القدرات :d5:
وأنا الان حاليا لي 5 سنوات من تخرجي من الثانوية، وبالنسبة للإختبار التحصيلي، فليس مطلوب :mh19:

توكلي على الله و الله يوفقك :119:

تعديل Edit: أختي سوسن، لا معليك الاختبارات اللي قدمتيها هي المطلوبة :119:

sawsan

2009- 8- 27, 07:05 AM

:020:

شكرا ألف أخوي تعبتك معاي
الله يسعدك دنيا وآخره
يعطيك ألف عافية والله يوفقك
دعواتكم انو تتسهل أموري

بس موقع الجامعه قاهرني مو راضي يضبط معاي
بحاول فيه الظهر من جهاز 2

طيب سؤال أخير طرى ع بالي الحين
كيف الدوام في الجامعه في رمضان عشان لو حبيت أروح أقدم الأوراق ؟
و
سؤال كمان عشان أطيّر الشك من بالي
اختبار القدرات عادي يكون من 3 سنوات والا شرط يكون تبع السنة هذي ؟

ويعطيكم العافية
وشكرا مرة 2 أخوي :)

FoxDie

2009- 8- 27, 07:26 AM

حياك اختي ولو :119:

بالنسبة للدوام في رمضان فهو من الساعة 9 إلى 3.
واختبار القدرات ماعليهم من السنة ، انا من قبل خمس سنوات وماقالوا شيء :119:

الله يوفقك

EID03

2009- 8- 27, 03:18 PM

نشكر الاخوة والاخوات على هاي المعلومات المفيدة جدا ولكن عندي بعض الاستفسارات التالية ارجو منكم مساعدتي قدر المستطاع ولكم جزيل الشكر:
ان احد الطلبة المسجلين في الجامعة لهذه السنه ان شاء الله ابدا الدراسة بعد العيد.
1-انا خريج سنة 1423
2-اختبار القدرات اول سنة يطبق علينا في ذلك العام وجبت 61
3-معدل الثاتوية 94 علمي
4-درست السنه الماضية في الجامعة العربية المفتوحة وخلصت 20 ساعة بمعدل 3.44 من 4
5-سجلت بجامعة الامير محمد لهذه السنه وانقبلت نهائي ومستواي ادفانس واستلمت خطاب القبول على اساس اني محول من جامعة اخرى وراح يعادلولي الساعات
6- دفعت للجامعة الدفعة الاولى 10.000
اللي ابغى اعرفها هل يحق لي التقديم على برنامج المنح كطالب مستجد ام كمنتظم؟ وهل القدرات ليست مهمة بالنسبة لي لاني مختبر القدرات قبل ست سنوات واللي اعرفه ان صلاحية اختبار القدرات سنتين فقط.

sawsan

2009- 8- 27, 05:33 PM

مساكم خير :)
مشكور أخوي ع الرد والتفاعل
انا الحين دخلت من جهاز 2 وضبط معاي الموضوع وفتح الموقع
ودخلت ع التسجيل
بس حابه اتأكد
هل في حانه معين للمنحه والا هو التسجيل نفسه وبعدين ع المنحه من موقع الوزارة ؟
وسؤال 2
في التسجيل في سؤال
Do u wish 2 apply 4 financial aid?
اجيب بـ yes حتى لو انا ابي اقدم ع المنحه والا كيف

وسؤال كمان " اسمحوا لي زهقتكم بكثر الأسئلة :t1: "
الحين بعد ماقدم ع الموقع شو المفروض يصير ؟
وطبعا اكيد التقديم ع المنح لازم ابدأ الدراسة بعد العيد مافي سمستر 2 صح ؟
وبس واذا في اي معلومات او نصايح عندكم لا تبخلوا فيها
ترى مضيعين ومحتاجين من يساعدنا :)
وانتوا بصراحه ما قصرتوا :d5:

امممممممممم سؤال ثانوي
شنو احسن التخصصات ؟
انا خاطري ادرس Interior design
بس متردده وفي بالي شي عن الكمبيوتر
فشنو تنصحون ؟

في انتظاركم

FoxDie

2009- 8- 27, 05:50 PM

هلا والله فيك اخوي EID03
والله قضيتك اشوية عويصة :mh19:

انت عارف من الشروط للتقديم على المنح ان تكون معدل اختبار القدارت 65% للطلبة المستجدين
لذلك لاأعتقد انك تقدر تقدم بشهادتك الثانوية، انا اقترح عليك انك تقدم بشهادة العربية المفتوحة
بس مش أكيد يقبلونها :mh19: ...

أمممم من الافضل انك تروح الجامعة وتسألهم عن مشكلتك وشوف شلي ينصحونك فيه
هناك شخص اسمه هاني الدوسري المشرف على المنح
رحله واسأله عن مشكلتك
واذا بغيت تكلمه، هذا رقمه 038498861
دوام الجامعة من الساعة 9 الى 3 تقريبا

أتمنى اني قدرت افيدك، مابي انصحك بشيء ويمن يطلع غلط
لذلك رح هناك وقدم استفساراتك واقتراحاتك عليهم وبالله التوفيق

FoxDie

2009- 8- 27, 06:05 PM

مساء النور أختي sawsan، الحمدلله مشى الوضع تمام معك :119:
بالنسبة للتسجيل للمنح، فلايوجد شيء في موقع الجامعة :mh19:
ولكن هناك سؤال صغير في اخر التسجيل في الفقرة Additional Information كما حددتي ذلك
Do you wish to apply for Financial Aid? Yes
اكيد لازم تضعين نعم

وبالنسبة للتسجيل للمنح، فهو من موقع اخر من الوزارة، وهذا هو الموقع
http://grants.mohe.gov.sa/

وبعد ماتقدمين على موقع الجامعة، المفروض يدقون عليك :mh19:
ولكن انتي بادري بالاتصال عليهم وسؤالهم عن موعد المقابلة والاختبار
ولو تروحين لهم يكون احسن، لأنك لابد ترسلين اوراقك لهم

بالنسبة لسؤالك عن المنح، مافهمته مضبوط؟؟

بالنسبة للتخصصات، Interior design ماعندي اي فكره عنه ابدا
طبعا تخصص الكمبيوتر قوي بإذن الله
التخصص يعتمد عليك كليا، لازم تفكرين شلي يمكن تبدعين فيه اكثر وراح تحبين شغلته
الميول هي المفروض تحدد مصيرك، واذا اشوي متوهقه زي :000: اسألي من حولك لأنهم يعرفونك اكثر

و الله يوفقك

sawsan

2009- 8- 27, 06:16 PM

مشكووووووووور أخوي ع الرد السريع وافادتك لي
تقبل الله صيامكم وطاعتكم

عندي كمان استفسار
الحين بعد ما اقدم في الموقع للجامعه هل القبول تلقائي للمنحه يعني لو انا مستوفية الشرطين ونسبتي فوق الـ 96 و القدرات فوق 75
هل احصل القبول ع المنحه بعد ما ادفع الـ 10000
واذا ما اقبلوني هل العشرة ترجع ليوالا كيف ؟
:000:

ومشكور مرة 2 ويعطيك الف عافية تعبتك معاي

FoxDie

2009- 9- 2, 10:48 AM

رجعنا لكم بعد ماأنقطع المنتدى :Cry111:
الحمدلله ان رجع :119:

السلام عليكم اختي sawsan
بالنسبة للقبول، مع الآسف مافي شيء أكيد، مالك الا الدعاء وإن شاء الله ربنا يوفقك ويوفقنا اجمعين
الجامعة راح ترشحك، والوزارة هي اللي تختار :mh19:

وبالنسبة للـ 10,000 فهي شرط من شروط الجامعة للتقديم على المنحة
فلذلك لابد انك تدفعينها
أما اذا ماقبلوك المنح، ماأدري اذا راح ترجع لك وألا لا :mh19:

وأخيرا، لاحد يستحي يسألنا، اللي نقدر عليه راح نجاوبه وألا مانقدر عاد الله يعينكم تبحثون شوي :mh19:
وبالتوفيق للجميع

شذاووي

2009- 9- 3, 01:50 AM

طيب ، اني الحين رحت الجامعه وامتحنت والحمد الله الامتحان كان ســهل وميســر اموره ..!

بس الرايتنق اشوي جبت فيه العيـــد :000:

الموهم .. الحين متى اقدم على طلب المنحه .؟؟

اذا طلعت نتائج القبوول ؟؟

أو الحين اقدم عادي ..؟؟

ارجوكم ساعدوووني ..!:praying:

فيزيائية زمانها

2009- 9- 3, 03:08 AM

طيب مافيه ماجستير
سوري على الدخله

FoxDie

2009- 9- 3, 06:24 AM

أهلين أختي شذاووي
إن شاء الله فالك التوفيق :119:
بالنسبة للتقديم، عادي تقدرين تسجلين في موقع المنح من دون مشكلة بإذن الله
بس بعدها لازم ولابد انك تروحين الجامعة وتستفسرين عن نتيجتك وعن ماهية الخطوة الثانية؟
ممكن يقولون لك خلاص، ادفعي الدفعة الاولى وسجلي جدولك.
كذا بعدها تروحين لمكتب المنح، وتقدمين اوراقك عندهم

وبالله التوفيق

مرحبا فيك اختي فيزيائية زمانها
حياك الله معانا، بالنسبة للماجستير في هذي الجامعة فهي تقدم فقط برنامج واحد وهو درجة الماجستير التنفيذى فى إدارة الأعمال

شذاووي

2009- 9- 4, 02:16 AM

عن نفسي شخصياً مابقدر أروح للجامعه واستفسر عن النتيجه ، انا لمن رحت سألت الموجوده في المكتب .. عن النتيجه وقلت لها متى راح تطلعون النتائج قالت راح نطلعهم بعد يوم يومين كذا ، على الجوال كذا اتصال .. او افتحو بريداتكم الالكترونيه بعد .. هيك قالت لي ..

المشوااااار جداً طوويل من البلد لين الجامعه .. اسمع بالقبول واروح اقدم اوراقي الشخصيه مو مشكله ..
بس اروح مشان النتيجه قدر الله ماطلع لي قبووول .. واني متعنيه الجامعه ..

لذلك مابعرف شو اسووي انتظرهم زي ماقالت لي .. ! ولا شنو ..!

FoxDie

2009- 9- 4, 08:30 PM

الله يعينك، والله هذول ماينضمنون، ساعات يصفطون وألا ينسون
لأنهم انكبوني في السمستر اللي طاف، قالوا لي راح ندق عليك ولا دقوا
انا اللي دقيت بعمري وتأكدت من كل شيء

أجل مالك الا تكلميهم :mh19:
هذا رقمهم 038964554
وتقدرين تروحين على السنترال بالضغط على "صفر"

مع الاسف ماأقدر أفيدك بأي رقم من ناحية البنات :011:
إن شاء الله ღMs.Kღ عنده علم ببعض الارقام وتفيدك

وبالله التوفيق

شذاووي

2009- 9- 6, 12:32 AM

والله اني احترت من امتحنت لين اليوم وانا انتظر مر اكثر من يوم ويومين .. :000:

اتصلت بالرقم اللي عطتيتني اياه بس ماحدا رد عليي ..

نكبه والله ، رحت لها بنفسي وقلت لها لو سمحتي متى راح تطلعون النتائج .. واعتمدت على كلامها

وسألتها على وين راح تطلعونهم .. قالت راح نتصل او نرسل لكم عالبريد ومتابعه الاتصال والبريد اول بأووول

ولاشفت شئ .. والمصيبه انووو لو انقبلنا وماودينا الاوراق اهم ماخبرووونا ولا قالو لنا تعالو بأنفسكم استفسرو على القبووول .. وبيقولو لنا راح عليكم ومادري شنوو ..!!:000:

الله يعين يارررب .. ><

FoxDie

2009- 9- 6, 12:37 AM

مشكلتهم السنترال في رمضان ... محد حولك مع الاسف الشديد :011:

وأنا مامعي اي رقم من قسم البنات، آسف جدا :011:

ماأقول ألا إن شاء الله يدقون عليكم :praying:

شذاووي

2009- 9- 6, 12:55 AM

لا مشكووور أخوووي انت ماقصرت الا عليك سووويته ..

ان شاء الله يدقون علــينا .. :s12:

{ أميـر الذوق }

2009- 9- 6, 02:42 AM

اللي مقدم السنه اللي فاتت وتم قبوله في المنح
هل يحتاج يقدم مره ثانيه ؟!

:mh19:

DANA

2009- 9- 6, 07:04 AM

قدمت اوراقي لمكتب المنح بالجامعه وويكتبون لي بالموقع

حالة الطلب : يجب تقديم المستندات

مع انو انا قدمت اوراقي لمكتب المنح داخل الجامعه وخلصت كل الاجراءات المطلوبه ودفعت الدفعه الاولى:000:

FoxDie

2009- 9- 6, 07:40 AM

هلا بك أخوي أمير الذوق
بالنسبة للتقديم مره ثانية، اعتقد لابد منه :mh19:
وإذا بغيت تتأكد، هذا رقم هاني الدوسري المشرف على المنح
038498861

أهلين بأختي دانا
ماشاء الله عليك :d5:
كل شيء تمام معاك بإذن الله، انتي اعطيهم وقت وإن شاء الله راح تتغير حالة الطلب :119:
نفس الشيء صار معي، وماتغيرت ألا بعد فترة أسبوع إلى اسبوعين>>>> ماني متذكر :mh19:
ولكن تطمني، إن شاء الله ربنا يوفقك ويوفقنا اجمعين

DANA

2009- 9- 6, 08:18 AM

آآمين الله يوفق الجميع

ويعطيك الف عافيه أخوي FoxDie

ع الرد السريع :119:.

sawsan

2009- 9- 6, 03:03 PM

أهلييييييييييين
مساء الخير :119:

شذاووي انا شابكه ع النت مخصوص عشانك
لان توي دقيت ع الجامعه وطبعا كله السنترال اللي يرد
الموهيم دقيت ع الرقم اللي دقوا علي منه يوم تحديد امتحان القبول واللي ترد أمريكية
وكلمتها بالانجلش وعطتني هذا الرقم تفضلي ودعواتك لي وبشرينا بالقبووووووول :mh001:

8499260
.............................

أختي dana

اذا ممكن تخبريني شو الأوراق المطلوبة اللي قدمتيها لمكتب المنح لانو بكره او اللي بعدو رايحه ادفع القسط الاول
ومرة وحده بقدم اوراقي لمكتب المنح :cheese:
فياريت تساعديني بالمطلوب دامك قدمتي " للاثنين "
انا لسه ما قدمت ع الموقع

بالتوفيق للجميع
وفي انتظارك يا شذاووي تبشرينا
والحلاوة لي :g20:

شذاووي

2009- 9- 6, 07:43 PM

sawsan

هلا اختي .. والله اليوم اهم اتصلو فيني وقالو لي مبروك قبولك بالجامعه ..:119:

وقالت لي يوم الاربعاء اخر يوم تسليم الوثائق ..ومشكووووره ماتقصريييين ..

والحين صايره معاي مشكله .. انو اني سجلت بامنحه قبل لااسجل في الجامعه وبعدين سجلت بالجامعه

بعد ماامتحنت وخلصت في الجامعه .. رجعت البيت بدخل ملفي في المنح .. بس مو راضي يدخل وكله يقووولي كلمة سر خطأ او اسم مستخدم واني متأكده ان الاثنين صح .. رقم السر واسم المستخدم ..

الحين اقدر اقدم مره ثانيه :Cry111: اولا ؟؟

FoxDie

2009- 9- 7, 08:12 AM

أختي sawsan
الأوراق المطلوبة موجودة في أول رد من هذا الموضوع، ارجعي الصفحة الأولى :119:
بس تأكدي قبل ماتروحين أنك مسجلة بموقع المنح، عشان تطبعين ورقة حالة الطلب
وبالتوفيق لك

هلا أختي شذاووي
مبروك عليك القبول وإن شاء الله عقبال المنحة :119:
بالنسبة لتسجيل في موقع المنح، مافي مانع لو سجلتي قبل ماتسجلين بالجامعة :mh19:
أنتي حاولي تتأكدين من اسم المستخدم وكلمة المرور، وعشان تتأكدين أدخلي على هل الموقع
http://grants.mohe.gov.sa/ForgetPassword.aspx
وحطي رقم الهوية أو البريد الالكتروني، عشان يرسلون لك المعلومات وبإذن الله امورك طيبة.

وبالتوفيق لكم جميعا :119:

شذاووي

2009- 9- 7, 09:33 AM

طيب انا سويت اللي قلت لي عليه .. ورسلت رقم الهويه .. والبريد الالكتروني معاً .. مع ان واحد من الاثنين ..

ممكن اعرف كيف تضمني او تقبلني المنحه ومتى وكيف ؟؟

ولازم يرسلووو لي اليوم معلوماتي ... !! لاني بكره اروح اقدم اوراقي الاصليه ..

والاربعاء اخر يوم تسليم الوثائق ..! :Cry111:

FoxDie

2009- 9- 7, 10:47 AM

اهلين أختي شذاووي
أول ماتدخلي البريد الأكتروني، على طول راح يكتب لك "تم الارسال بنجاح"
شيكي على أيميلك وإن شاء الله راح تحصلينه
واذا كان في خطأ أو غير موجود البريد الألكتروني، راح يعطيك "البريد الالكتروني غير موجود"
تأكدي تماما راح يرسل في نفس اليوم، شيكي على Inbox و Spam او Junk

وبالنسبة لضمان المنحة، مع الاسف مافي ضمان :011: والنتيجة راح تكون بعد رمضان بإذن الله:mh19:

وبالنسبة لتسليم الأوراق، طلع خبر جديد، أقرئي الموضوع هنا :119:
http://www.ckfu.org/vb/showthread.php?t=44349

شذاووي

2009- 9- 7, 08:22 PM

انا فتحت بريدي ولا لقيت شئ .. يا إلهــي .. متباعتنه على اساس بيوصل لي ..

والحل يعني .. مو راضي يفتح معاي الملف ..

يؤؤؤؤ شنو هذا .. مافيه ضمان للمنحه .. يعني لو ماتضمني المنحه .. بضل ادرس على حسااابي علطووول

لآخر سسسسنه ؟؟؟ ماكنت بعرف >< ..

الله يسااااعدني ياااارب .. :011:

FoxDie

2009- 9- 7, 10:43 PM

أختي شذاووي
أرجع وأأكد المفروض لما تضعين رقم الهوية أو البريد الالكتروني، في النهاية راح يطلع لك "تم الارسال بنجاح"
تأكدي تماما أو 100% اني رسالة جديدة راح تجيك على البريد في لحظتها

حاولي مع البريد أفضل عشان تتأكدين ان مافي مشكلة في البريد اللي وضعتيه
وبعدها عطينا الحالة، هل تم الارسال أو لا؟؟

إن شاء الله مافي مشكلة من الموقع، جربي من كمبيوتر ثاني أو انترنت ثاني للتأكد :mh19:

بالنسبة للمنح، اليوم مكلم المسؤول عن المنح ويقول ان الامور طيبة ومافي خوف لاطالما كانت درجاتك مناسبة وعالية
وغير ذلك يقول ان الاغلبية راح تنقبل بإذن الله >>> نتمنى ذلك :praying:

مالك الا الدعاء والأتكال على الله، و الله يوفقك والجميع :119:

شذاووي

2009- 9- 7, 11:16 PM

:cheese: دام مشان الدرجات والنسبه الحمد الله مو خايفه .. ولو ادرس على حسابي سنتين .. مو مشكله ..

الحين المشكله في البريد كتبو لي تم الارسال بنجاح .. بس اني دخلت البريد ومانرسلت لي رساله هذي
المشكله .. بكره اذا وديت اوراقي .. الاصليه .. بيسألووو عن حالة الطلب لازم اطبعها مدري شنو

واني مشكلتي ابغى ادخل ملفي .. شكلي راح اقدم من جديد .. :Cry111: .. والله اخووي مانرسل لي شئ

اقوولك متابعه البريد او بأأووول .. وكاتبين لي تم الارسال بنجاح ورسلت لهم رساله شكورى ..!! :bawling:

ولاردوو عليي ..:011:

FoxDie

2009- 9- 8, 10:34 AM

رسالة شكوى، والله اللي مادروا عنك :000:
والله غريبة ياأختي، لأني أنا كنت مسجل مرتين، الأسم الأول ماعجبني، فرحت سجلت مره ثانية بأسم آخر
طبعا لازم يكون البريد الألكتروني مختلف في الأثنين، فجربت على الأثنين وأرسلوا لي على طول :mh19:
ممكن ماراحت على الـ Inbox، ممكن تحصلينها في ملف ثاني :mh19:
عموما انتي جربي سجلي مره ثانية وشوفي شنو يعطيك، لأن احتمال لما تضعين معلوماتك، بيقول المعلومات متوفرة موجودة لدينا :mh19:
مجرد حدس ليس ألا :mh19:
جربي وأعطينا النتيجة، وتمنيات لك بالتوفيق :119:

{ أميـر الذوق }

2009- 9- 9, 09:48 AM

اخوي foxdie الرقم اللي عطيتني اياه يعطيني السنترال ويبدا يعد ارقام .. الخ

ابي اكلم هاني الدوسري مباشرة كيف ؟!

FoxDie

2009- 9- 9, 06:36 PM

هلا بك اخوي أمير الذوق
والله غريبة هذا الرقم 038498861 ماخذه من البطاقة الشخصية بتاعته
حاول تجرب في اوقات الدوام اللي من الساعة 9 إلى 3.30 العصر، أو حاول تروح لهم السبت وتستفسر بنفسك
انا اليوم رايح الجامعة الساعة 1، بس اقهروني مافي احد :017: كلهم مشوى :o3:

للمعلومية انا شخصيا ماكلمته من قبل، ولكن الشايب الله يطول بعمره هو اللي متكفل بالشغلة بحكم ارتباطي بالعمل فماأقدر اتفرغ لهم، الشايب كلمه قبل أمس واعطاني بعض التفاصيل :mh19:

مالا ان تجرب مره ثانية وألا اطلبه من السنترال، وعسا الله احد يرد :mh19:

وبالتوفيق، وخبرنا بالمستجدات

شذاووي

2009- 9- 10, 07:48 AM

انتظرت واجد وماشفت شئ وصلني .. ممكن اني اسجل بأسم مستخدم ثاني وبنفس البيانات ..وعلى نفس الجامعه ..؟؟

:103: بس غريبه اسم المستخدم وكلمة السر متأكده منهم عدل ..!!

اشك اني انوو وصلت لهم المعلوماااات .. بس ياترى وش اللي يضمن !! راح اسجل بالموقع االمنح مره ثانيه !؟

FoxDie

2009- 9- 10, 07:58 AM

عجيييب :000:
يالله مالك الا تسجلين مره ثانية وإن شاء الله ماراح تكون مشكلة :praying:

بالتوفيق لك، ولاتنسين تخبرينا بالمستجدات :mh19:

{ أميـر الذوق }

2009- 9- 12, 09:41 AM

يعطيك العافيه اخوي Foxdie ابشرك اتصلت ورد علي الاستاذ هاني الدوسري

ما قصرت يالغالي حبيت اشكرك

شذاووي

2009- 9- 13, 06:53 AM

سؤؤال ؟

اذا درست سنه تحضيريه .. " ليفل 1 " او ليفل 2 " .. معناتها ادرس سنين ؟؟؟

يعني دراسه ليفل 1 سنه بروحها .. وليفل 2 سنه بروحها ولا كييييف ياريت احد يفهمني ..!

FoxDie

2009- 9- 13, 07:51 AM

حياك اخوي أمير الذوق، ولو حنا بخدمتكم
الحمدلله الامور طيبة معك :119:

أهلين اختي شذاووي، أمممم والله ماعندي معلومة أكيدة لإستفسارك
اللي اعرفه ان اليفل يكون سمستر واحد مو سنة كاملة، و الله اعلم :mh19:
إن شاء الله اختي Ms.K تعطيك الكلام الأكيد

ألا صحيح، بشرينا وش صار معك في موقع المنح :mh19:
عسا إن شاء الله تيسرت امورك :119:

ورده حساويه

2009- 9- 13, 08:02 AM

لحضه التسجيل خلص ولا لا؟
بكم السنه؟
وفيه اقساط ولا لا؟

{ أميـر الذوق }

2009- 9- 13, 01:22 PM

لا بالنسبه لليفلات اختي شذاوي

لما تقدمين يختبرونك اختبار لغة ويحددون مستواك ( بيقنر - انترميديت - ادفانس )

وبناء عليها يحطونك في المستوى المطلوب

يعني لو حطوك بيقنر تدرسي سنه ونص ( 3 سمسترات ) ولو حطوك انترميديت سمسترين ( سنه ) وادفانس ( سمستر واحد ) أو يمكن اذا عديتي الاختبار تروحي على الكور على طول بدون سنه تحضيريه

{ أميـر الذوق }

2009- 9- 13, 01:23 PM

اختي ورده حساويه بالنسبه للتسجيل للمنح ما انتهى اما التسجيل في الجامعه والله ما عندي علم اكيد

السنه بـ 55 ألف وفيه أقساط

ღMs.Kღ

2009- 9- 13, 07:09 PM

امير الذووق كفيت ووفيت ..

عسااك ع القووه .. :g8:

شذاووي

2009- 9- 13, 07:22 PM

FoxDie

سجلت مره ثانيه الحمد الله مافيه اي اشكال ..:119: ..

أمير الذووق ..

اي انا امتحنت امتحان لغة وقالو لي سنة تحضيريه طيب .. بس ماحددو لي بالضبط وييين :no2: وضمن اي قسم حطووني .. ؟؟

ღMs.Kღ

2009- 9- 13, 07:36 PM

اهلين شذااوي ..

لما يقبلووك يعطووك ورقه قبوولك وفيها مكتووب مستوااك .. :119:

شذاووي

2009- 9- 13, 09:59 PM

حاطين لي انترميديت .. يعني ادرس سنه كامله .. طيب يعني السنه اللي بعدها ادرس ادفانس سمستر واحد .. وبعدين علطووول التخصص ؟؟:mh19:

ღMs.Kღ

2009- 9- 13, 10:29 PM

لا بتدرسي بس سنه ..

سمستر انترميديت وسمستر ادفاانس ..

:119:

شذاووي

2009- 9- 13, 10:56 PM

صاحبتي بينقر ممكن تشرح لي كيف بتدرس .. كم سمستر ؟؟

وسامحيني اختي صرعتكم بالاسئله بس لازم اعرف كل شئ .. !:c8:

FoxDie

2009- 9- 14, 01:27 AM

لما تقدمين يختبرونك اختبار لغة ويحددون مستواك ( بيقنر - انترميديت - ادفانس )

وبناء عليها يحطونك في المستوى المطلوب

يعني لو حطوك بيقنر تدرسي سنه ونص ( 3 سمسترات ) ولو حطوك انترميديت سمسترين ( سنه ) وادفانس ( سمستر واحد ) أو يمكن اذا عديتي الاختبار تروحي على الكور على طول بدون سنه تحضيريه
In English

Beginner = 1.5 Year and Half (3 Semester)l

Intermediate = 1 Year (2 Semester)l

Advance = 0.5 Half Year (1 Semester)l

You might understand better :cheese:

عادتا مايكون السمستر = نص سنة، و2 سمسترين = سنة كاملة
أتمنى وضحت الفكرة معك ألحين :119:
معليك أول سنة أو بداية السنة راح تكون شوية لخبطة أو محيرة :sdfgdsf:
بس بعد بكم يوم راح تتعودين على الوضع ويبقى كل هذي ذكريات حلوه :049:

ĝàmē Ŏνéѓ

2009- 9- 14, 07:40 AM

مرحبــآ .,

الحين انا قدمت ع المنحهً .., لآزم اسجل بالجامعه واسلم اوراقي وادفع القسط الاول ؟.!!

sawsan

2009- 9- 14, 11:33 AM

صباح الخير :)
مشكووووورين كثير ع المساعده
وطبعا انا انقبلت و حطوني لفل ادفانس :g2:
وامتحنت ماث :150:
وقدمت ع برنامج المنح بس ننتظر :praying: دعواتكم
نبي تجاربكم ونصايحكم
كيف الدراسة اول بداية
وكيف بالنسبة للـفل الادفانس كم مادة اتذكر قريت بالردود 5 بس ابي اعرف شنو المواد
والدوام مع المدارس صح ؟
مبسوطة حدي بس متوترة حبتين :cheese:
مو لاقية للحين مواصلات :bawling:
امممم انا تخصصي Interior design
ابي نعلومات عنه من اللي يدرسون بالجامعه
وبسسسسسسسسس
:g20:
وأخيرا صرت PMU Studen:mh001:

sawsan

2009- 9- 14, 11:37 AM

أهلا اختي gome over :)

بالنسبة للخطوات اللي قلتيه هو الصح
المفروض تكوني مقدمة ع الجامعه و مختبرة الاختبار ودافعه القسط
بس ماعندي فكره اذا التسجيل لسه مستمر بالجامعه او لا
اللي اذكره انو اخر موعد 22 رمضان بس مش متأكده
هذا الرقم دايركت ع قسم القبول والتسجيل تفضلي
8499260
وبالتوفيق

....................

شذاووي مبروك القبول ومبروك ع اللفل ويالله كلها سنة وتدخلي ع التخصص :d5:
وان شاء الله نشوفك

FoxDie

2009- 9- 16, 09:33 AM

مبروك عليك اختي sawsan
وعقبال المنح بإذن الله :119:
بالنسبة لبرنامجك، مع الآسف ماعندي خلفية عنه :Cry111:
إن شاء الله غير ينفعك :mh19:
بالنسبة للدراسة راح تكون في 3 October إذا ماخابني ظني

بعدين لاتخافين ولاتتوترين، توكلي على الله وثق بنفسك وبإذن الله امورك راح تكون بخير :119:

الله يوفقك :119:

றşhά3я 7zn

2009- 9- 17, 06:29 AM

عندي آستفسآر ..

آخوي سجل بالمنحه الحمدالله ..

لازم يسجل بموقع الجآمعه ولا لأ خلاص ؟

FoxDie

2009- 9- 17, 04:26 PM

أهلين أختي آرنووبه
أخوك لازم يكون مسجل بالجامعة، هل سجل وقدم الاختبار والمقابلة؟ وألا كيف وضعه :mh19:

essa212675

2009- 9- 17, 05:10 PM

السلام عليكم

عندي سؤال للعندهم منح سابقه,هل صحيح أن المبلغ للمنحه تتغير على حسب التخصص:mh19:

FoxDie

2009- 9- 17, 06:44 PM

نعم يتغير ع حسب التخصص، أنت وش تخصصك؟

essa212675

2009- 9- 18, 01:54 AM

أنا تخصصي نظم معلومات اداريه

بس هل أخوي عندك منحه سابقه

فلفلة

2009- 9- 18, 02:03 AM

طيب اللي معدلهم 3 وشوي بس مو 3.75

وتطلع لهم المنحه جزئية

اذا ارتفع معدلهم في الترم الأول ترجع المنحه كامله ولا لآ

essa212675

2009- 9- 18, 02:08 AM

لا يا أختي يحق للطالب المنتظم الحصول على المنحه الكامله

اذا كان معدله 2.75 مش 3.75

FoxDie

2009- 9- 18, 09:25 AM

أهلين أخوي essa212675
لا ماعندي منحة سابقة، ولكن هذا موضح كامل في موقع المنح بالنسبة للتقسيم
تفضل موقعهم وأقرأ بنفسك
http://grants.mohe.gov.sa/brief.aspx

هلا بك اختي فلفلة
أعتقد ماقصر اخوي essa212675 وضح لك اللبس :119:
ألف شكر :d5:

essa212675

2009- 9- 18, 12:47 PM

شكرا جدا :d5:

فلفلة

2009- 9- 18, 08:29 PM

بس انا معدلي 3.12 وطلعت لي منحه جزئية:Cry111:

FoxDie

2009- 9- 19, 01:11 AM

أختي الموقع مو موضح بشكل خاص عن المعدل المطلوب، ولكن هذي الشروط اللي ممكن تفيدك:

ب ) المنحة الدراسية الجزئية.
يمنح الدارس الذي أنجز أثناء دراسته بالكلية فصلاً دراسياً بتقدير ( جيد ) منحة دراسية جزئية تغطي 50% من الرسوم الدراسية

ثالثاً: تنخفض نسبة المنحة لأصحاب المنح الكاملة إلى 50% في حالة انخفاض المعدل الدراسي أثناء الدراسة، وترتفع نسبة المنحة لأصحاب المنح الجزئية إلى 100% في حالة ارتفاع المعدل الدراسي أثناء الدراسة.

من كلامك :mh19: أفهم انك اخذتي منحة من قبل، صح وألا لا؟
اذا اخذتيها، ممكن تفيدينا بالخطوات اللي مريتي عليها مع موقع المنح والجامعة :mh19:

essa212675

2009- 9- 19, 12:08 PM

متى يا جماعه تطلع نتائج المقبولين في المنحه:mh19:

FoxDie

2009- 9- 19, 12:17 PM

على كلام الجامعة، بعد العيد بإذن الله
بالظبط، متى؟؟؟ الله العالم

:mh19: إذا احد ماخذ من قبل منحة، ممكن يفيدنا بهل الخصوص؟؟؟

essa212675

2009- 9- 19, 12:40 PM

مشكور ما قصرت:d5:

dala3 PMU

2009- 9- 19, 01:09 PM

حنــآ السنـه اللي فـآتت

آعلنوا النتايج بعد شهر من بدأ الدرآســه

فلفلة

2009- 9- 19, 03:47 PM

ايوه خديت منحه من قبل

طبعا اول شي لازم تسجل في الجامعة
بعدين تقدم طلب منحه من خلال الموقع
الجامعة اللي قدمت فيها ترسل الى الوزارة انك مسجل فيها
بالتالي يسهل قبولك
وكل شي له شروطه معدل الثانويه جيدجدا والقياس 65 فما فوق
بعدين يتأكدوا انه مافيه خطأ في البيانات
وان شاء الله يتم قبولكم

بس اللي ابي افهمه
ثالثاً: تنخفض نسبة المنحة لأصحاب المنح الكاملة إلى 50% في حالة انخفاض المعدل الدراسي أثناء الدراسة، وترتفع نسبة المنحة لأصحاب المنح الجزئية إلى 100% في حالة ارتفاع المعدل الدراسي أثناء الدراسة.

يعني متى ترجع منحه كامله اثناء الترم الترم الثاني ولا السنه اللي بعدها

موفقين

moha111

2009- 9- 19, 06:48 PM

متى تطلع اسماء الي حصلو على المنحه؟؟؟؟؟؟

FoxDie

2009- 9- 19, 07:57 PM

بل صبرتوا شهر كامل عليهم :c8:
الله يعينا عليهم :Cry111:
شكرا اختي dala3 PMU على التنبيه :119:

أهلين اختي فلفلة
اولا ان شاء الله ربي يوفقك بمنحة ثانية وكاملة :praying:
ثانيا بالنسبة للإستفسارك، اعتقد الترم الثاني، لأنهم هم ماراح يشيكون الا بعد نهاية كل ترم :mh19:
أتمنى اني وضحت لك الفكرة

هلا أخوي moha111
لو شوية قرأت هذي الصفحة راح تحصل اجابتك :o3:
عموما، النتايج تطلع بعد العيد، بس بالظبط متى؟؟؟ الله العالم :000:
مالك الا الصبر والدعاء وإن شاء الله ربي يوفقك :119:

صحيح كل عام وأنتم بخير مقدما :119:

غريبة

2009- 9- 20, 02:11 AM

يارب تطلع لي منحة :praying:

.. Jόόd }● ~

2009- 9- 20, 10:49 PM

متى يا جماعه تطلع نتائج المقبولين في المنحه:mh19:
تصدر نتائج المنح بعد شهر كامل من العودة

يعني بإذن الله بشهر ذو القعدة بالغالب

اذا كان مثل العام الماضي

moha111

2009- 9- 21, 12:27 AM

اما شهر ما اتوقع والله واجد

انا قالولي مسئولين المنحه في الجامعه راح تطلع الاسماء قبل الدراسه
والله مادرينا وش القصه

.. Jόόd }● ~

2009- 9- 21, 04:03 AM

إن شاء الله قبل الدراسة

وَ لكن هذا الأمر لا يعود للجامعة فالأسماء تصدر من الوزارة نفسها وليس للجامعة أي دخل فيها لأن القرار للقبول يكون من هناك و الجزم في الموعد من قبل الجامعة غريب :mh19:

طبعا راح يعلن عنها بالجرائد و مسؤولي المنح من القسمين ( الطلاب - الطالبات) راح تكون عندهم الأسماء :150:

أيضا تقدر تراقب حالة المنحة من خلال موقع الوزارة نفسها

حالة الطلب راح تتغير .. و أيضا أمر بسيط ملحوظة تجنبا لأي هلع :064:

النتائج من خلال الموقع تكون متفاوتة من طالب لآخر حسب وقت إستلام الطلب

فحين إعلان الوزارة عن الأسماء سيكون أكتمل دراسة جميع حالات الطلبات المقدمة للحصول على المنحة الداخلية ..

:119: و بإذن الله مقبولين ..

و كل عام وانتم بخير

فلفلة

2009- 9- 22, 01:49 AM

اخوي بس الكليه اللي انا ادرس فيها

قالوا لي لازم ادفع حق الترم الثاني

وانا مشككه في السالفة

.. Jόόd }● ~

2009- 9- 22, 03:49 AM

اخوي بس الكليه اللي انا ادرس فيها

قالوا لي لازم ادفع حق الترم الثاني

وانا مشككه في السالفة

أعتذر على المداخلة

لكن على مايبدو أن المنحة تتغير حالتها من سنة لأخرى

لأن القبول بالمنحة سنوي لا نصفي

هذا والله أعلم

A F N A N

2009- 9- 22, 09:17 AM

تعالي مس كي

مو بس رمضان

المنح مفتوح إلين 29 -10-1430
هذا اللي مكتوب بموقع وزارة التعليم العالي

انتي قصدك الجامعه محدد بس رمضان ؟؟؟

:017:

.. Jόόd }● ~

2009- 9- 22, 09:28 AM

تعالي مس كي

مو بس رمضان

المنح مفتوح إلين 29 -10-1430
هذا اللي مكتوب بموقع وزارة التعليم العالي

انتي قصدك الجامعه محدد بس رمضان ؟؟؟

:017:

كلام صَحيح

وهذا المصدر من موقع وزارة التعليم العالي التقديم مستمر لغاية 29 / 10

http://grants.mohe.gov.sa/agreement.aspx

لكن جامعة الأمير محمد قد أعلنت مسبقا أن نهاية رمضان آخر موعد
وهنا المصدر

http://www.college-help.org/news_bk.php?recordID=9541

:praying: نسأل الله الموفقية للجميع

ღMs.Kღ

2009- 9- 22, 06:57 PM

.. Jόόd }● ~

2009- 9- 23, 01:49 AM

هلا A F N A N ..

واشبك معصبه كذا :g2:

كل المعلومات الموجوده في هالموضوع جبتها من ورقه وزعووها الجاامعه علينا ..

والخبر مادري عنوو لأني اوريدي مو مهتمه بالمنح فما صرت ادور ع اخر اخبارها بس من الرابط اللي حطتوو هدووء وااضح انوو من اسبوعين .. غريبه مو متابعه لاخبار المنح مادامك مهتمه فيها ماارا! :g2:

ع قولتهم .. صاحب الحااجه اولى بالطلب .. :g8:

واي اخبار جديده ان شاء الله انا وباقي الاعضاء مانقصر ع المنتدى^.^

موفقه .. :119:

الموضوع مزعج قليلا

خصوصا بأن الجامعة تعلن عن هذا و التسجيل لا زال مستمرا من قبل الوزارة

ربما لأن الدراسة هذا العام ستكون بعد العيد مباشرة بإسبوع و ستكون الجامعة في صدد تسجيل المواد و مشاكل الجداول و الخ .. من اعدادات للسمستر الجديد :o3:

:g2: فمعها الحق أن تثور ثائرتها ..

ღMs.Kღ

2009- 9- 23, 03:55 AM

مااظن السبب لان الدراسه في نص شووال .. لان الللي اعرفوو انهم كانوا مقدمينها اسبووع والحين خلووها 14 شووال :no2:

واكييد لهم اسباابهم الخطنطرريه .. :cheese:

الله المستعاان .. :119:

.. Jόόd }● ~

2009- 9- 23, 05:59 AM

مااظن السبب لان الدراسه في نص شووال .. لان الللي اعرفوو انهم كانوا مقدمينها اسبووع والحين خلووها 14 شووال :no2:

واكييد لهم اسباابهم الخطنطرريه .. :cheese:

الله المستعاان .. :119:

يمكن ليش لا

العام الماضي كان دوامنا 15 أكتوبر و كان يوافق يوم الأربعاء

وهذي السنة دوامنا 3 أكتوبر مثل باقي الجامعات أعتقد الجامعة تحاول معادلة جداولها مع الجامعات الأخرى :mh19:

:cheese: عموما هو الدوام واحد قبل بإسبوع ولا بعد بإسبوع ...

و إن شاء الله موفقين جميعا

ღMs.Kღ

2009- 9- 24, 05:16 PM

اها ماشاء الله .. متاابعه اخباار دوامات الجاامعات الثانيه .. :cheese:

.. Jόόd }● ~

2009- 9- 24, 10:41 PM

Ms.K

:cheese: الله يسلم صديقاتي

moha111

2009- 9- 25, 01:29 AM

.. Jόόd }● ~

2009- 9- 25, 04:44 AM

ليه الجامعه تقول لنا اعلان اسماء المقبولين في المنحه 4 او 5 شوال>>>هذا الكلام قاله لي الي في مكتب المنح

والى الحين ماجانا شي

شكلهم ينقون على كيفهم ويخرجون الي يبغون ويدخلون الواسطات:000:

الله يستر

تابع موقع الوزارة و لا تأخذ بكلام مسؤولي المنح

http://grants.mohe.gov.sa/brief.aspx

لأن القرار راح يصدر من وزارة التعليم العالي نفسها و الجامعة غير مسؤولة بأي شكل من الأشكال عن الأسماء

الجامعة شغلتها بس تتأكد من البيانات المدخلة للطالب تقدر تقول هم لجنة التدقيق فقط بعدها الوزارة تختار عدد معين من كل جامعة

و إن شاء الله مافي الموضوع واسطات :s12:

FoxDie

2009- 9- 26, 08:28 PM

.. Jόόd }● ~

2009- 9- 27, 01:00 AM

السلام عليكم جميعا :119:
رجعنا لكم بعد انقطاعه شوية طويــلة :011:
كانت اجازة رائعة ولله الحمد :119:

حبيت بس اشكرك اختي .. Jόόd }● ~ على اجاباتك المتواضعة على بعض الاسفتسارات :119:
وأعلن عودتي للمنتدى الرائع :119:

FoxDie حمدلله على السلامة

و عودا حميدا أستاذي

... و بالنسبة للإجابات المتواضعة على الأعضاء .. ( لا خير في كاتم العلم )

:. تحاياي .:

Huda MH

2009- 9- 27, 02:53 AM

السلام عليكم

مرحبا للجميع

عندي استفسار ياليت تجاوبوني عليه

اانا مسجله بالجامعه ومقدمه على المنحه

هل اقدر ان احصل على منحه دراسيه كامله ( يعني من السمستر الاول) مع ان ماعندي اختبار قدرات؟؟

لان متخرجه من ثنوي قبل 5 سنوات وماكان اختبار القدرات اجباري

مع اني اختبرت قدرات وتحصيلي فجامعه الملك فيصل بس اظن ان الاختبار كان قاصر على القبول فنفس الجامعه فقط!

مع العلم ان نسبتي ثنوي ممتازه وكذلك اختبار القدرات حق جامعه الملك فيصل كانت عاليه :mh19:

وسؤال ثاني عن الجامعه
هل السمستر الا انا مسجله فيه في شهر رمضان (Fall 2009/2010) هو هذا السمستر الا بيبتدي بعد اسبوع تقريبا؟؟ او السمستر الا بعده؟:mh19:
لان اختباري والمقابله في الجامعه بتكون انشا الله اليوم الاحد...

شكرا للجميع
تحياتي

dala3 PMU

2009- 9- 27, 06:11 AM

FoxDie

2009- 9- 27, 11:28 AM

أهلين اختي Huda MH ، ومرحبا فيك معانا :119:
أبي اعرف بعض التفصيل اشوي، أنتي الحين قدمت على الجامعة والمنح
هل قدمتي بعد ذلك اوراقك لمكتب المنح في الجامعة والا لا؟؟ :mh19:

Huda MH

2009- 9- 28, 01:35 AM

.. Jόόd }● ~

2009- 9- 28, 05:37 AM

مرحبا

شكرا للرد

لا لسه ماقدمت فموقع المنح الا فالجامعه للاسف

لاني مو متوقعه اني اقدر اخذ منحه كامله لاني ماعندي اختبار قدرات
فلازم ادرس اول سمستر على حسابي الشخصي وبعدين على حسب المعدل تقرر الوزاره تعطيني منحةاو لا

صح ولا انا فاهمه غلط؟؟:mh19:

اختبار القدرات بهدلني والله ماكان على وقت تخرجي فيه والحين انا مطالبه فيه :000:

تحياتي

للأسف أختي فاهمة الموضوع غلط

الي تتكلمي عنه إسمه الإلحاق بالبعثة و هو خاص فقط ( للبعثات الخارجية ) و حاليا النظام للبعثات الخارجية لازم يدرس 30 ساعة

عموما ماعلينا من البعثات الخارجية

.
.

الجامعة أعلنت مسبقا إن آخر موعد لقبول المنح نهاية شهر رمضان .. و لكن يمكن كلام جرايد فقط تأكدي من إدارة الجامعة

أول شي أختي لازم تكون عندك شروط المنحة ..

الشروط الواجب توفرها في قبول الدارس للمنحة:
1-أن يكون سعودي الجنسية.
2-أن يكون حسن السيرة والسلوك.
3-أن يدرس الطالب في جامعة أو كلية أهلية مؤهلة لمشروع المنح الدراسية.
4-أن تكون الدراسة في التخصصات المحددة.
5-أن يحصل الطالب على المعدل جيد على الأقل للطالب المستمر أو المنتظم لإمكانية ضمه للمنحة الجزئية حسب المفاضلة .
6-أن لا يتجاوز الدارس الحد الأدنى من المدة الزمنية (المعتمدة) للحصول على الدرجة.
7-أن تكون الدراسة بنظام الانتظام في الجامعات والكليات الأهلية.
8-أن يحصل الطالب على معدل جيد جداً في الثانوية العامة ومعدل 65% للقدرات للطلبة المستجدين.

ثانيا لازم يكون عندك قبول من الجامعة لإتمام إجراءات المنحة

.
.

بخصوص إمتحان القدرات مافهمت إختي

إنتِ عندك إمتحان قدرات ( مركز القياس ) و هذا هو المطلوب لأن مافي إمتحان قدرات لجامعة معينة ! :000:

عموما يشترط إمتحان القدرات مادمت ما تدرسين بالجامعة

و لو إن كلام توقف إستقبال طلبات المنح أكيد فإن السنة الجديدة راح تقدمي على المعدل الجامعي و لازم يكون

5-أن يحصل الطالب على المعدل جيد على الأقل للطالب المستمر أو المنتظم لإمكانية ضمه للمنحة الجزئية حسب المفاضلة .

:119: أتمنى إني وضحت لك

MISS **DODO

2009- 9- 28, 04:44 PM

السلام عليكم

عندي استفسارحول المنح الدراسيه

%هل يجب تجديد المنحه كل سنه ؟
%وكيفية الأستمرار بالمنحة ؟

أرجوا الأفادة بسرعه
:sdfgdsf::sdfgdsf:

8

dala3 PMU

2009- 9- 29, 11:27 AM

السلام عليكم

عندي استفسارحول المنح الدراسيه

%هل يجب تجديد المنحه كل سنه ؟
%وكيفية الأستمرار بالمنحة ؟

أرجوا الأفادة بسرعه
:sdfgdsf::sdfgdsf:

8

هـلآ آختـــي

آذآ كـآن معدلك عـآلي مآيحتآج تجددينها

مسؤولة آلمنح تسجلك فيها بدون مآ تتعبين نفســك

ولآزم يكون معدلك ع الاقل 2,75 عشـآن يحق لك تطالبين بمنحه

آو تكونين من ضمن الطلاب آللي تسجل لهم الجامعه بالمنح

:love080:

FoxDie

2009- 10- 3, 11:26 AM

وااااو ماشاء الله عليكم :d5:
الله يعطيكم الف عافية على الردود جود و dala3 PMU

الله يخيلكم للمنتدى :119:
Keep it up
And
Good luck :119:

مريم الكرخي

2009- 10- 5, 11:25 AM

لازم تكون نسبتي 85 وفوق عشان انقبل في الجامعه ؟

أتمنى الرد منكم..

ولكم جزيل الشكر..

FoxDie

2009- 10- 5, 11:30 AM

لا ياأختي في الوقت الحالي الجامعة راح تقبلك بأي نسبة

أعتقد إلى الان ماأكتفوا من الفلوس اللي جاتهم :hahahahahah:
فلذلك تحصلينهم يقبلون بأي نسبة :mh19:

قدمي وربي يوفقك ان شاء الله
للمعلومية: أنا اقصد القبول في الجامعة، بعيدا عن المنح

moha111

2009- 10- 21, 04:04 PM

السلام عليكم

يا اخوان قبل كم يوم كانت حالة الطلب عندي طلب جديد

بس امس تغيرت حالة الطلب الى مرشح لمنحه كامله

وش معنى هذا الكلام
يعني انا حصلت على المنحه او لا ؟

غريبة

2009- 10- 21, 04:33 PM

اي حصلت على المنحة مبروك وعقبالنا ياااااااااااااااااااااااااااااااارب:119:

essa212675

2009- 10- 21, 06:44 PM

يا شباب بالنسبه لتخصص نظم المعلومات الاداريه,ماهي قيمة المنحه السنويه لهذا التخصص.

وهل يجب التسجيل كل سنه لأحصل على المنحه ولا بس اذا جاتني المنحه مره وحده,أضمن انها لكل سنه.

FoxDie

2009- 10- 21, 10:47 PM

الله يبشرك بالخير اخوي moha111
حتى انا تغيرت عندي حالة الطلب إلى مرشح لمنحة كاملة :119:
لكن اعتقد هذا مجرد الترشيح من قبل الجامعة، باقي الوزارة و الله اعلم
ان شاء الله نستفسر ونفيدكم بالمفيد :mh19:

عموما الله يوفقك الجميع يارب

هلا بك أخوي essa212675
بالنسبة لتخصص نظم المعلومات الاداريه، اعتقد 20 ألف، لكن تأكد من الجامعة احسن لك
ولا اخوي لازم تسجل كل سنة، لأن احتمال يكون معدلك نزل، فيسقطون المنحة :011:

moha111

2009- 10- 22, 12:07 PM

يعني الجامعة رشحوني بس باقي الوزاره تعتمد؟؟؟؟
انا رحت لمكتب المنح في الجامعه

قلت له يطلع عندي مرشح لمنحه كامله
قال مثل ما قلت لكم راح تطلع في الجرايد ولاتخاف الامور طيبه ان شاء الله

؟؟؟؟؟؟؟

ههههههه

FoxDie

2009- 10- 22, 03:14 PM

الله يبشرك في الخير اخوي moha111
وعقبال الجميع ان شاء الله :praying:

بس ماعندك خلفية متى راح تنزل في الجرايد :mh19: ؟؟؟

elct2003

2009- 10- 24, 04:22 PM

مشكور على هذه المعلومات

moha111

2009- 11- 8, 07:31 AM

سلام

وش السالفه يا شباب

كم صار لنا نستنى ولا طلع شي؟؟؟؟؟؟؟؟؟؟
شكلهم يبغونا ندفع القصد الثاني هع

FoxDie

2009- 11- 8, 03:11 PM

باقي ماتغير شيء
هل الوزارة هذي ماتدري متى يطلعون النتايج
يقولون هل الاسبوع هذا أو اللي بعده أو اللي بعده أو ..... :mh19: بس ماأعتقد :Cry111:

صبرا جميل وبالله المستعان
معليك أي خبر يطلع، إن شاء الله ماراح نقصر :119:

وبالتوفيق للجميع

زينة الزينات

2009- 11- 9, 03:02 AM

ايه من جد من متى وحنا ننتظر
حشاا ماصارت نتيجة صراحه
خلهم يطلعوها قبل الإجازة بس هع

زينة الزينات

2009- 11- 10, 04:21 AM

ياشباب ياصبآيآ
ترى طلعت النتايج
ادخلوا الموقع وشوفوا النتيجة:119:

FoxDie

2009- 11- 10, 06:53 AM

صادقة اختي زينة الزينات :119:
الله يبشرك بالخير، عسا ان شاء الله انقبلتي :praying:

الحمدلله ربي وفقني وقبلوني :praying:
بشرونا عنكم ياشباب وصبايا :mh19:

زينة الزينات

2009- 11- 10, 08:51 PM

الحمد الله انقبلت
:cheese:
مبروكـ لكـ أخوي foxide المنحة
هالسنة وكل سنة إن شاء الله
:cheese:

DANA

2009- 11- 12, 12:18 AM

اذا كانت حالة الطلب:مقبول لمنحه كامله

يعني خلاص اكيد مقبول؟؟؟

essa212675

2009- 11- 12, 01:22 AM

أنا حاله الطلب عندي لسه مرشح لمنحه كامله

يعني مانقبلت في المنحه ولا يعني لسه ماقيمت

muhanad

2009- 11- 12, 02:45 AM

مساء الخير ..

ياعالم انا صار لي تقريبا ساعه احاول استرجع كلمة السر حق برنامج المنح مب راضي يرسل لي شيء ع الايميل !!!

خطيبتي مسكينه كاسره خاطري حدها تحاتي مع ان البنات اللي اقل من معدلها قياس والتراكمي انقبلو بس نبي نتطمن وش الحل الله يرضى لي عليكم؟؟

FoxDie

2009- 11- 12, 09:51 AM

الله يبارك فيك أختي زينة الزينات وعقبال الشباب والصبايا كمان
وإن شاء الله تكون دوووووووم :praying:

أختي DANA
مبروك عليك، أكيد مقبولة والا وش معناة هل الكلام برايك :119:

مرحبا اخوي essa212675
هل انت مقدم جديد على المنحة؟؟ والا سبق انك اخذتها من قبل ؟؟؟
معلومة بسيطة، بالنسبة للي كانت عندهم من قبل المنحة، وضعهم يختلف :mh19:
ممكن ماراح تطلع عنده النتيجة في الوقت الحالي لذلك عليكم بالاستفسار من مكتب المنح في الجامعة بالله التوفيق

أخوي muhanad
مرحبا فيك، عادتا كلمة السر على طوووول ترسل لك ع الايميل
بس تأكد انك وضعت الايميل الصحيح، وإذا ماظبطت معك، مالخطيتبك الا تروح مكتب المنح في الجامعة وتستفسر :mh19:

Hend

2009- 11- 12, 11:43 PM

طيب الحين
انا مستجده يعني توني اول مرة اقدم ع المنحة !

بس لسه كاتب لي ( مرشح لمنحة كامله ) ! انا كلمت الوزاره الاسبوع اللي راح قال راح تطلع هالاسبوع وماطلع شي :( :Cry111:!

االسؤال .. اللي ماانقبل خلاص وش يطلع له ( لم يتم القبول ) ولا مايكتبون شي !! :bawling::bawling:

essa212675

2009- 11- 13, 03:41 AM

أهلا أخوي FoxDie لا أنا ماعندي منحه سابقه

كيف حالة الطلب تكون عند طلاب "مقبول منحه كامله" وطلاب لسه حالة الطلب عندهم " مرشح بمنحه كامله":mh19:

FoxDie

2009- 11- 13, 06:01 AM

هلا فيك اختي Hend
والله ماعندي أي خلفية بهل الموضوع، ولكن انتي كلميهم السبت الجاي وبلغينا بما يستجد معك
وربي يوفقك ان شاء الله

أخوي essa212675
أمممم، والله غريب :mh19: مالك الا تكلم الوزارة وتستفسر منهم
وبالتوفيق لك

marawy

2009- 11- 14, 07:38 PM

:g20:هاااااااااااااااااااااي
وانا بعد قبلوووووووووووني باركولي يلا

moha111

2009- 11- 15, 12:57 AM

مبرووووووك لكم

انا الى الان مكتوب عندي مرشح لمنحه كامله؟؟؟؟؟

marawy

2009- 11- 15, 01:18 AM

لاتخاف انشالله خير - هم قالوا النتايج تطلع يوم ( 1- ذو الحجة ) بس كل واحد وحظه اهم شي تفاءل وربك كريم :119:

moha111

2009- 11- 15, 01:28 AM

الله يستر يله نصبر الى يوم الاربعاء

والله اذا ما طلعت لي منحه راح اسحب من الجامعه

لانهم بصراحه ما يستاهلون 55 الف في السنه .

غريبة

2009- 11- 15, 01:39 AM

خلاص اني باروح ادرس بكندا احسن لي :Cry111: ما طلع لي الا الريش

moha111

2009- 11- 15, 01:50 AM

وشو الريش يا غريبه هههههههه

marawy

2009- 11- 15, 06:54 AM

لا moha لاتفاول على عمرك - ربك يفرجها انشالله- انا كنت كذا اقول قبل مايقبلوني كنت بطلع لان من جد كثير 55 شدعوة- بعدين الحمدلله

انت استخير ربك وشوف

حتى انتي يا غربية اسخيري ربك

واللله كريم لاتخافون بدعيلكم

DANA

2009- 11- 16, 03:14 AM

متى راح نتأكد انو جتنا منحه؟

لاني رحت لمسؤلة المنح قالت لازم تجيني ورقه رسميه من الوزير

سؤال للي جتهم من قبل منحه

اذا كان مكتوب بالموقع مقبول لمنحه كامله وو لسه مابعد يوصل اي شي رسمي يعني خلاص انو اكيد انشاءالله مقبولين؟

moha111

2009- 11- 16, 05:49 PM

تم التغيير الحاله عندي الى : مرفوض

الله يا خذهم

هذا راح يكون اخر سمستر لي في الجامعة السرق

باي

الوافي502

2009- 11- 16, 05:54 PM

تم التغيير الحاله عندي الى : مرفوض

الله يا خذهم

هذا راح يكون اخر سمستر لي في الجامعة السرق
:Cry111:

غريبة

2009- 11- 16, 09:13 PM

حسبي الله ونعم الوكيل
ما لينا نصيب ندرس في هالجامعة
مع السلامة يا طلاب وطالبات جامعتي السابقة :s3:

cnnc

2009- 11- 17, 02:20 AM

جاني الحالة مرفوض لاحول ولاقوة إلا بالله

بعد كل هالتأخير بعدين مرفوض للأسف هم يهتم النسبة وبس وإمكن واسطات أيضا والله أعلم
يا أعضاء المنتدى هل هذا اخر منحة يعني مافيه منح سنة الجاية؟

نسأل الله أن يعوضنا :Cry111::Cry111::Cry111::Cry111::Cry111::Cry111::C ry111::Cry111::bawling::bawling::bawling:

essa212675

2009- 11- 17, 02:53 AM

هل أسماء المقبولين راح تطلع في الجريده يوم الاربعاء:mh19:

mnm7b

2009- 11- 17, 05:58 AM

تم التغيير الحاله عندي الى : مرفوض

الله يا خذهم

Hend

2009- 11- 17, 10:36 AM

:Cry111:

خلاص يعني مافي امل ننققققققققبل !

cnnc

2009- 11- 17, 11:33 PM

أجوكم يا أعضاء المنتدى هل هذا اخر منحة يعني مافيه منح سنة الجاية؟

الله يعوضنا :s11: :( :Cry111: :bawling:

essa212675

2009- 11- 17, 11:49 PM

لا يا خوي المنح تكون كل سنه

cnnc

2009- 11- 19, 04:22 AM

لا يا خوي المنح تكون كل سنه

إن شاء الله

DANA

2009- 11- 21, 11:20 PM

نزلت الاسماء ولا لسه؟

FoxDie

2009- 11- 22, 01:59 PM

والله يؤسفنا بشدة لمن لم ينقبل و الله يعوض عليكم في السنة الجاية :praying:

على حسب اعتقادي، المهم في هذي المنحة هي النسبة وساعات الدراسة
الكثير من الشباب اللي اعرفهم :mh19: قبلوا ولله الحمد

بس هذا النصيب وش نقول :011: لكن الواحد يصابر ويثابر ويجتهد اكثر وإن شاء الله ربنا يفرجها عليه

أخيرا أشكر لكل من شاركنا معنا في الملتقى ونمنتى تغيرون رايكم وتبقون معنا، لأننا مانعاز عنكم
و الله يوفقكم ايناما كنتوا :119:

BoY-LoNDoN

2010- 1- 19, 05:15 AM

الدوسري11

2010- 1- 19, 11:15 AM

المنتدى

مهم ونستفيد منة من المعلومات

وكذلك تبادل الاراء والخبرات بين الاعضاء

FoxDie

2010- 1- 22, 04:16 AM

صباح الخير
أنا توني مسجل في الموقع هنا خصيصا عشان عندي استفسارات كثيرة وكلي أمل اني القى منكم الردود
خصوصا اني اسفتدت من ردور الاعضاء وخاصة الاخت ms.k
سؤالي :
اذا سجلت بالجامعه ودفعت لهم القسط الاول وقدمت اوراقي على برنامج المنحة
طيب يمكن المنحة مايقبلوني هل اقدر استرجع الدفعه الي دفعتها ولا خلاص يكون محكووم علي اني ادرس فيهاا واكمل باقي المبلغ حتى لو ماجتني المنحة !
وسؤال ثاني انا درست سنة تحظيرية بجامعة الملك فيصل الكلية الصحية ونجحت فيها بأميتاز هل فيه احتمال يعادلون لي بعض المواد ولا لازم ادرس سنة كامله تحظيرية عندهم برضوو ؟
مرحبا فيك اخوي
معليه على التأخر في الرد :011: ، الاختبارات والواجبات مو مقصره فينا :sdfgdsf:

عموما للرد على اسئلتك
أولا اي شيء تدفعه، لاتفكر انك راح تسترجعها :no2:
مسألة انك تكمل الدراسة بعد ذلك، فهو راجع لك

بالنسبة للمعادلة، احتمال كبير يعادلون لك
وماحد يقدر ينفعك بالنسبة لهل الموضوع الا الجامعة

وبالتوفيق لك :praying:

الورد الاحمر

2010- 2- 24, 05:31 PM

هل توجد منح لدراسة الماستر في الجامعة واللى عنده خلفية عن وقت النقديم للماستر لا يبخل علينا ولي معلومة مفيدة

FoxDie

2010- 2- 24, 07:48 PM

هلا بك اختي الورد الاحمر
والله لايوجد بالتحديد اذا كانت المنح تقدم لشهادة البكلاريوس او الماستر، فااعتقد مافي خلاف من هل الناحية
وللتأكد، كلمي الجامعة على رقمهم 038964554 واطلبي مكتب المنح الداخلية

p_l_7_ll

2010- 5- 22, 09:20 PM

1000
شكر

الجفووول

2010- 7- 4, 07:55 PM

بليز ردوووو علي مافي منحه ماجستيرررر

متى يتحقق حلمي

ღMs.Kღ

2010- 7- 7, 04:54 AM

سوري .. ماعندي معلومات عن الماجستير

موفقه..

تيانا

2010- 7- 30, 09:05 PM

سلام

هذا 2009 و 10

متى تبع هالسنه ؟؟؟

تيانا

2010- 7- 30, 09:16 PM

صدرت موافقة معالي الوزير حفظه الله لفتح باب التسجيل في برنامج المنح الدراسية للجامعات والكليات الأهلية للطلاب والطالبات المنتظمين والمستجدين عبر رابط موقع برنامج المنح الدراسية الداخلية على موقع الوزارة الإلكتروني إعتباراً من 1/9/1431هـ وحتى 29/9/1431هـ وذلك للعام الجامعي 1431/1432هـ

Nice Shine

2010- 8- 4, 01:38 PM

الجفووول

2010- 8- 11, 04:39 AM

طيب شلون اسجل وكيف الطريقه

Truth

2010- 8- 11, 12:59 PM

س سؤال

ألحين أذا قدمت ع المنحة وانقبلت وكلشي تمام !! ,,

وجبت معدل انشاء الله فوق 4.50

هل لازم اسجل من جديد للمنحة وكل سنة على هالمنوال والتوتر في انهم يقبلوني بالمنحه او لا ... ولا كيف ؟؟

او هل خلاص دام ان معدلي تماااااااااام طوووووول السنوات اللي ادرسها بالجامعه تبقى المنحه معااي ؟؟؟!!!

ياريت لو تجاوبوني جواب أكييييد!!!!!!

كل سنه التقديم من جديد عشان الوزاره تعرف مستواكي في كل سنه و اذا نزل المستوى عن المعتاد راح اما يعطونك نصف المنحه او يشيلون المنحه حتى يتحسن معدلك

مضيع

2010- 8- 13, 05:00 AM

انا سجلت على موقع الوزاره و كل حاجه

لازم اروح للجامعه بعد و اسجل عندهم و ادفع لهم رسوم

و الا خلاص اكتفي بالتجسيل على موقع الوزاره ؟؟؟

pinkish.jomo

2010- 8- 19, 09:50 PM

لازم تتطبع ورقه طلبك من موقع الوزاره

وخطاب القبول حق الجامعه

وايصال الدفعه الاولى من الرسوم

وصوره من نسبه القدرات

وصوره من شهاده الثانويه العامه

وصوره من الهويه

وتوديها لمسوول المنح بالجــآمعه

alialiali

2010- 10- 19, 07:10 PM

:150:

alialiali

2010- 10- 19, 07:11 PM

:(204):

أ.ام فيصل

2010- 11- 6, 02:02 PM

:(204)::33_asmilies-com:

طريق العلم

2010- 11- 22, 04:41 PM

مشكووووووووور

rana4

2011- 3- 11, 05:17 PM

جزاكم الله كل خير :119::53:

EyoOo

2011- 4- 21, 09:44 PM

السلام عليكم و رحمه الله وبركاته

لو سمحت أنا عندي استفسار بخصوص القبول في المنح
أنا طالب متخرج من كلية الجبيل الصناعية بدرجة الدبلوم في تخصص الهندسة الميكانيكية
وارغب في اكمال دراسة البكالوريوس في الجامعة

هل يحسب معدلي على حسب المواد والدرجات بعد المعادلة ام سوف ابدأ من معدل تراكمي صفر
واذا معدلي حيكون صفر على اي اساس اقدم على المنح ( معدلي قبل المعادلة ولا بعد )

بمعنى
ايش الشروط اللازم توفرها لمثل حالتي للحصول على المنحة
واذا فيه اي معلومات بخصوص حالتي تفيدني اكتر يا ريت تفيدوني اذا سمحتم