ودي بشاعر محترف :)

[B.alasmari]

:3:

ودي بشاعر محترف ألعب معه قاف ٍ خطير :15: آبيه فاهم للبيوت اللي بجوفي كامنة
آجيه طيّب ان رضى و إليا تحداني بغير :15:لبيه يا بعض الحروف اللي بشاهدها منه


:3:

[شخصية مجهولة]

صح لسانك

وللاسف مانيب شاعر:23:

[منو الدوسري]

هلا بك يابعد هالحرف
..............ليتني شاعر كان تحديت:24:


صح السانك
اعذر مداخلتي البيسطه :27:


ننتظرجديك بكل شوق
دمت بسعاده:16:

[بحر العطا]

يامرحبا يالاسمري سر المعاني يالامير 00000000000اضمن لي الهاجوس من صوبك وانا لك ضامنه


وان جات للوقفات بالسيف المهند والجفير 0000000لابو انفوسن لااحتماء الميقاف ترجع طامنه

[خارج القانون]

صباحكم بكم أبهى

ماقطع مساجلتكم الا بالخير ان شاء الله
والمعذره على قلة الحضور




يامرحبا ترحيبةٍ ..ماهي على البحر القصير
لو صاغها بحر العطا.. قبلي وجت متزامنه

ارخي حباله لا اشتهى يارد على جم الغدير
واثني له العقد مثل... داوود وقت الثامنه (داوود الشريان)

ولو كل سيفٍ لا لمع في ناظرك قالوا شطير
مانامت عيون القطط ..وسط الشوارع آمنه

والشعر في ألفيته ..هذي ولو ماهو بخير
نصيحتي لو شفت وجهه يبتسم لا تآمنه

كـفّـيت يابحر العطا..واوفيت بالشطر الاخير
وارواحنا يالاسمري ..لاجل الوطن متضامنه





"

[B.alasmari]

ياسلام يا سلام
ردود تطرب :29:

حياكم الله جمييييييييييييع .

و لـ الشاعرين المبدعين .. بحر العطا و خارج القانون
اقول صحت الالسن و لكما هذه :


لبيه يا (بحر العطا أستاذ) و (الثاني مدير) *** اثنينكم شعار وبيوت النشاما سامنه
ماكنها الا مزنة ٍ هلت و قابلها هدير *** و أحترت اقول ان الحلا : هذا و هذا أحلا منه ؟!!


:16:

[[ قايدة الريم ]]

_

الله الله

صحت الآلسن والقلوب , من زمآن مَ حضرنآ محآورآت ,
لآهنتوآ ,

:21:

[بصمة وطن]

هالله هالله ..
جوك اثنين بدال الواحد يالأسمري
شاعر ولافيك حيله
ودخول الشعراء " بحر العطاء وخارج القانون " قوي
صح الله لســــــــــــــــــــــــــــــــــــــــــــــــ ـــان الجميع
جيت متأخره والا كان لي رد
سـ أكون من المتابعين على المدرّجات
بالتوفيق

[التعب منسي]

صباح الخير ومشاركة بسيطة تقبلوها :16:

سلام اعطر من الأزهار وارياح العبير .... للي لعب في الملعبة انخصّ له بسَلَامنا

حدّيتنا يالأسمري بالقاف حيث انّه عسير .... لكن بعون الله وحده ماتخون اقلامنا

ويا شينها لا قامت الدنيا تلّف وتستدير .... وايامنا متغيّره ماعاد هي بيّامنا

الوضع مستوجب حذر مخطور والواقع مرير .... والله يعجل بالنصر لأحرارنا في شامنا

[B.alasmari]

حبيبنا التعب منسي

صح لسانك يا الغالي

يدوووم عزك و تدوم في خير و راحة بال وصفاء نفس وانشراحة صدر و الي تبي بعد

:34:

[بنوته حساويه وو]

لبق حد يتحداني قلت لبيه
تحديتك في الحب وتحدني في الغرام
واذا خسرت قلبــــــــــــــــــي ملك لك

[فَــخْ .!]

مشآركة متوآضعة ,,,


يآروعة هـ المعآني ولذة التصوير ,, في صميم ارواحكم سآكنه

.........

ماتنكسر ابيآتكم ولو خآنهآ التعبير ,, وان عآبهآ جآهل تبقى وآزنه

.........

شعرٍ من سطوته سبب التخدير ,, وحرفٍ رَسْمِتَه حيل متوازنة

.........

يآ مآلك الملك يآ محسن التدبير ,, أغفر زلآت النفوس المآجنة

...



سلآم ملكي لـ حضرة الشعرآء اللي توآجدوا وأَمْتَعُوا ,

وبآقة ورد لـ كل من ح ـضر وعلق .


إعجآبي .