عدد الغيابات والاعذار .. ضروري

[BNT ESSA]

السلام عليكم

بنات ابي اعرف عدد الغيابات المسموح لي بالمواد كيف ؟
و الحين انا لو جبت عذر طبي لكن "مراجعة " مو تقرير اللي يقولون عنه
وجبته للدكتوره من غير ورقة الشؤون تتوقعون تشيل الغياب ؟

لان الشؤون حوستهم حوسة ولا هذيك حقت الامن ياشينها :36:

بكره عندي مادتين وكلها 3 ساعات يعني محاضرة ومعمل
وبصراحة غياباتي كثير لظروف صحية الله يعافيني ولا يبليكم
و مااقدر اجيب تقرير لان حالتي مالها علاج يعني الالم يروح ويجي ومتعب جداً

ياليت القى مساعدة او رد منكم
رجاءً لا تطنشون فيه مواد ممكن احملها وانا غايبة مضطرة
اممممم انتظركم .. :18:

[ĤǿŐǿмά]

وعليكم السلام
الف لا باس عليك , وجعله طهور م يصيبك :16:

شوفي هي غيابين , والثالث انذار والرابع حرمان
وبعض الدكاتره طيبات يقبلون العذر بدون ورقه من الشؤون وبعضهم لاا :39:

ع حسب دكتورتك بس جربي وشوفي :29:
ولازم تتاكدين انها شالت لك الغياب قدامك :31: :27:

بالتوفيق لك :16:
ودي :1:

[رهف ()]

والله عندنا كلية خايسه قسم بالله ولا تقدر الظروف :32:
مره كان فيني تسمم ومغص شديد لدرجة ما أقدر أقوم من فراشي
وغبت واختبروا كويز وجبت لها سكليف يوم قلت عيدي لي اياه
قالت : لازم حالة وفاه أو ولاده أو عملية خطيرة :4:
مايعيدون لك الاختبار الا اذا كنتي على حافة الموت عويذ الله من شرهم

واللي يقهر هي لو زكام غابت

لكن ما أقول غير حسبي الله

[dreams-]

إذا للحين ما انحلت المشكلة ,
روحي للشؤون وودي لهم ورقة المراجعة الي عندك ..
ويعطونك ورقة طلب تقرير , تعطينها المستشفى ويعطونك ورقة مكتوب فيها إجازة :1:

بعدين خذي هالورقة و وديها الشؤون
يعطونك ورقة فيها جدول ويكتبون فيها المحاضرات الي عليك هذاك اليوم :31:
وتودينها عند الدكتورات الي عليك بذاك اليوم ,
كل وحدة توقع ع الورقة .. وتشيل الغياب من عندها وتخليه غياب بعذر :26:
بعدين تاخذين هالورقة وترجعينها الشؤوون وكان الله غفوراً رحيما :1::1:

ولو تعبتي مرة ثانية روحي المستشفى .. وعيدي نفس الحكياااة وهكذا :26:
حتى لو يومين ورا بعض .. لااااازم تسوين هالحوسة ولا ينزل لك حرمان :31:
ويفضل تروحين حكومة , ولو مو حكومة احرصي تاخذين منهم العذر "مختوم" :31:


الغياب بعذر . يعني كأنك غايبة نص غياب ..
و 4 غيابات بدون عذر حرمان ..
لو جاك إنذار .. لازم إذا غبتي بعدها تجيبين عذر ولا بينزل لك حرمان :31:
لكن لو كل مره غبتي وجبتي عذر .. يعني أنتِ بالسليم إن شاء الله :1:


* نقطة أخيرة .. العذر لما تودينه للشؤون ويقبلونه .. يعني الدكتورات ما يطلون فيه وبس يوقعون ع الورقة :42:
^ محد حلل غياباته العام وفهم الموضوع :26:

ومعافاة يا رب :16:

[dreams-]

والله عندنا كلية خايسه قسم بالله ولا تقدر الظروف :32:
مره كان فيني تسمم ومغص شديد لدرجة ما أقدر أقوم من فراشي
وغبت واختبروا كويز وجبت لها سكليف يوم قلت عيدي لي اياه
قالت : لازم حالة وفاه أو ولاده أو عملية خطيرة :4:
مايعيدون لك الاختبار الا اذا كنتي على حافة الموت عويذ الله من شرهم

واللي يقهر هي لو زكام غابت

لكن ما أقول غير حسبي الله

لا والله حرام مو كل الدكتورات !
أنا عادوا لي اختبارات واجد فيه منها ميد وفيه منها اختبارات معمل نهائي مع أن عذري كان إجازة مرضية .. لا وفاة ولا عملية ولا ولادة :31:

[رهف ()]

بنات ابي اعرف عدد الغيابات المسموح لي بالمواد كيف ؟


*: http://www.ckfu.org/vb/t379090.html#ixzz29udqgxry (http://www.ckfu.org/vb/t379090.html#ixzz29udqgxry)

المادة اللي 3 ساعات بالأسبوع مسموح لك تغيبين فيها 9 ساعات ..
و المادة اللي ساعتين كل أسبوع مسموح لك تغيبين فيها 6 ساعات ..

هذا والله الموفق :42:

[ms.tsleek]

سلامتك ماتشوفين شر :1:


اممممم
انتي سجلي غياباتك اول باول في كل مادة
واذا اخذتي اشعار حضور واو تقرير طبي وديه الشؤون ولاتتكاسلين حتى لو حسيتي الشغله طويله وسالفتها سالفه اضغطي على نفسك وخلصي اوراقك

وترا فيه دكتورات متعاونات كلميها وقولي انا المحاضره اللي فاتت ماحضرت عشان عندي كذا وكذا < قولي لها وش كان فيك عشان تتعاطف معك , وقولي بعوض المحاضره ( بحيث انك تكونين عارفه جدول الدكتوره زي مثلا تكون محاضرتك مع هذي الدكتوره يوم السبت الثانيه والدكتوره تعطي نفس الماده لشعبه ثانيه يوم الثلاثاء الاخيره وانتي فاضيه في هذا الوقت احضري معها , و ذكريها اذا حضرت البنات انك من شعبة السبت وحضرتي معها يوم الثلاثاء " وان شاء الله يتعاونون معك " :37: :29:

ووو اذا فيه مهدئات ومسكن لحالتك لاتهملينها و خليها دايم معك واحرصي عليها لان هذا مستقبلك ولازم تضغطين على نفسك شوي :36:


اجر وعافيه يارب :1: :1:

[BNT ESSA]

الله يجزاكم كل خير :1::1:
وييسر اموركم يااارب
الف شكر :16: