تقديم اختبار مادة وحدة بغير المنطقة المختارة

[ahmed_louai]

السلام عليكم

توه جاني خبر انه عندي تغطية عمل بيوم 27-12-2012 في منطقة الخبر ( انا مقيم بالرياض )

وفي هذا اليوم عندي مادة اقتصاد كلي , فهل ممكن اني اقدم للجامعة اني بقدم المادة هذي بس بالخبر ؟ احد عنده فكرة ايش ممكن اسوي غير اني اسحب المادة ؟

ياريت اللي عنده فكرة ينصحني وتحياتي لكم

[fares 1166]

كلمهم على الهاتف المجاني

[شـهد ..]

الرقم المجاني : 8003030308

:16:

[ahmed_louai]

للرفع , كلمت الجامعة وكان جوابهم جرب حظك

[fares 1166]

اجل جرب:27:

[هيفاء 3]

اخوي يوم كنت اختبر جتنا وحده من الدما اختبرت معانا يوم واحد لظروف عندها وكملت بالدمام بعدين بس وش طريقتها مدري استفسررر بس حبيت افرحك مبدئي :2:

[آلمستشآر]

ع حسب هواء رئيس لحنة الاختبارات
بس وآلعلم عند الله تقدر تختبرها في نفس المدينه اللى انت فيها
حاول تتصل ع عميد الكليه ممكن يفيدك
موظفي الجامعه اللى يردو ع الاستفسارات ما عندك احد مب عارف اي شي

[jno0o0n]

انا الترم اللي فاإت اختبرت اول ماده بالشمال وبعدين اضطريت اختبر بالحفر
رحت لمديرة المركز اللي اختبرت فيه بالشمال وقلت لهآ وضعي وقالت اشوف وارد لك

رجعت للبيت ودقيت عالمركز نفسه اللي بالشمال اخذت رقمه من الموقع هناإ

ورد على رجال وقلت له شنو ظرفي وانو ماإاإقدر اكمل اختبارات هنا ولازم اروح للحفر وبعد بكرة كان عندي اختبار
والله يجزاه خييير دق لي عالمركز اللي بالحفر وقال لهم وبعدين رجع قالي خلاص روحي واختبري هناك وهذا رقم دكتورة بالمركز بالحفر كلميهأ وشوفي اذا تحتاجين تجيبين معك اوراق او شي

والحمدلله ياإارب تسهلت وكملت اختبارات بالحفر

يعني الزبده ماعلييييك من الجامعه كلم مدير المركز اللي انت فييييييه وهو يدبرك باذن الله :27:


بالتوفيق

[aroosh]

انا عندي ضروف ولازم نسافر يوم الخميس
لحاااايل ويصادف اختبار اقتصاد كلي
كلمت الجامعه قال لي واحد انه ممكن ما تنجسب درجتي (يعني مايرصدونها) واخذ صفر ولو جبت عذر مراح يقبلونه
وقال اعطيك اياها ع بلاطه ريحي نفسك ولا تختبرين وجيبي عذر :12::12::12::12:
وانا صراحه ما ابي اضيع الماده ابي اختبرها وافتك بس هالضرف مضطره اسافر
تتوقعون كلامه صحيح او لا

[ahmed_louai]

صراحة اختي انا اللي بسويه عند تقديم اول مادة بروح مدير مركز الاختبارات وبقوله سالفتي , في حال نفع وكان ابن حلال وكلملي اي مركز بالخبر , يكون زين ! لو ما نفع ابقدم عذر " باختصار بسوي زي ما سوت اختي " Jnooooon "

تحياتي اختي وموفقة انشالله

[المســافر]

الله يكون بعون الجميع

وتمنياتنا للجميع بالتوفيق والنجاح
وقبل كل شي دوام الصحه والعافيه ان شاء الله

المسافر