تعآل أمطر !

[صمتْ]

تعال أمطر ..
يبس غصن الكلام المورق الأخضر ..
ولا ساقي ..
ولا غيمة يبللّ ضحكها أرواقي ..
سنين وشاعرك يقطف عناقيد الكلام العذب ..
ولاغايب قدر يرجع ..
ياليت العمر.. شريط أقدر أعيده كل ما غايب بذر نبتة غلاه بداخلي وأقفى ..
عشان من أوّله أجفى ..
عشان أرتاح من هذا الحنين اللي تغافلني وجاب أقصاي ..

تعال أمطر ..
عشان يكون للدنيا طعم ثاني ..
عشان أذكرك وأنساني ..
عشاني كان باقي لي بقلبك شي ..
عشاني مو عشان الشعر ..
مدد يا سيّد أوجاعي ..
كذا ماعادت الدنيا تساوي شيّ ..
كذا ما أحسّ بأنّي حيّ ..
أنا محتاج لك حتى لو أنّك جرح ..
تعال الليلة أكثر من كذا وأكثر ..

تعال أمطر ..

يبس غصن الكلام المورق الأخضر
ذبلت بغيبتك يا ساقي أحزاني
حسبت أنّي على هذا الغياب أقدر
وقلت أسلّمك لكفوف نسياني
وكان الدرب موحش والحنين أكثر
وكنت بكل درب أروح تلقاني

وكانت كل رغبة داخلي تصغر ..
وكنت أكبر..
ووحدك داخلي تكبر ..
أخيراً والحديث الموجع أحياناً هو الأحساس ..
أمانة خلّني بك غير كل الناس ..
ورح مسموح ..
لا ترجع ..
ولا يورق بعدك أحساس ..
ولا تمطر ..
هي الذكرى وحدها القادرة تبعث حياة بداخلي وأكتب ..
وأحسّ أني مثل هالناس ..
وأحسّ أنّ لجروحي قلب ..
وأروح أكبر ..
مثل كل الشجر لما يتساقط في خريف العمر ..
أنا ياسيّد أوجاعي بديت أسقط ..



http://www14.0zz0.com/2012/10/14/19/282216849.jpg (http://www.0zz0.com)



لـ نوآف التركي ..

[قنوع]

صح لسان شاعرها ويسلم ناقلها
احساس مرهف وعذب قطف لنا هذه الرائعة
ونقل يترجم الذوق العذب
لاعدمنا منقولك
دمتي بخير

[صمتْ]

شكرآ لك .. نورت اخ قنوع :rose:

[ميـاسين ..!]

-

ياليت العمر.. شريط أقدر أعيده كل ما غايب بذر نبتة غلاه بداخلي وأقفى ..
عشان من أوّله أجفى ..

كلمات لآمست المشاعر .. ابدع في كتبتها

كل الشكر لك ولذائقتك المتميزة

لروحكك احترامي http://www.ckfu.org/vb/images/icons/icon21.gif

[صمتْ]

^


يَ هلآ بك ..
العفو , والشكر لك على هالحضور الجميل نورتيني :004: :icon19:

[alfuhaid]

الله الله اطربتن بالحتسي هذاا
حسيت انوه موجه لي

[صمتْ]

^

أهم شي لآ تحس إنه موجه لك :(269):
تسلم نورت .. :rose:

[أقرب إلى الخيال]

تعال أمطر ..
عشان يكون للدنيا طعم ثاني ..
عشان أذكرك وأنساني ..
عشاني كان باقي لي بقلبك شي ..
عشاني مو عشان الشعر ..
مدد يا سيّد أوجاعي ..
كذا ماعادت الدنيا تساوي شيّ ..
كذا ما أحسّ بأنّي حيّ ..
أنا محتاج لك حتى لو أنّك جرح ..
تعال الليلة أكثر من كذا وأكثر ..





هذا المقطع أكثر شيء أعجبني بالقصيدة

شكراً للنقل

تحياتي

[أسير نجد]

:16::16::16:

[صمتْ]

أقرب & أسير شكرآ لمروركم العذب نورتوني :icon19: