بخصوص الاقتصاد والمحاسبة [الأرشيف] - ملتقى طلاب وطالبات جامعة الملك فيصل,جامعة الدمام

ابو نآآآآيف

2012- 10- 17, 02:33 AM

السلام عليكم ورحمة الله وبركاته ...

ودي ادخل في الموضوع بدون اي مقدمات
الي اشوفه من ردود بالمنتدى ومن بعض زملائي الي يدرسون معنى بالجامعة
ان الكل شايل هم المحاسبه والاقتصاد بغض النظر عن باقي المواد انشالله مافيها مشاكل والكل قادر يعديها بعون الله سبحانه
لكن المحاسبة والاقتصاد الكل عجز يستوعبها وعجز يفهمها وصابه احباط من مشاهدة محاظراتها
لذالك الفرصه باقي في يدينا ولازم نتحرك بشكل جدي في هالموضوع كلنا قبل فوات الاوان
الحل والربط بيدين الدكاترة مدرسين الماده بيدهم يغيرون طريقة شرحهم بيدهم يقللون عدد تنزيل المحاظرات بيدهم يقللون مدة كل محاظرة بيدهم يتساهلون معنى بالاختبارات بيدهم الحل والربط من الاخر .
العماده ماعتقد راح تفيدنا بشي

لازم الكل يرسل لهم ويخبرهم انه عجز يفهم وعجز يركز ويستوعب وصابه احباط من طول مدة
المحاظرات
وحنى الطلاب لازم نروح للهم بالجامعه ونفهمهم معاناتنا لازم يشوفون لنا حل نبي نعدي هالمادتين

اعذروني على هالجريده لكن غصب عني

nour.s

2012- 10- 17, 02:49 AM

آنآ وددي آنو يشرحوون لنآ كتآبةة
مشش يقرآ وبسس
مثلاً آلمحآسبةة فيهآ جدآول وهيگآت
لآزم يشررح لنآ ب آلتفصييل ب قلم وورقةة مشش يتگلم
ويگتب گلمتيين على ورقةة خآرجيةة وخلآص
گيف نفههم ..؟
وآلإقتصآد بآطط گبدي وعجززت آفههم ليه يرسسم وعلى آي آسسآس

آآآآآھ وربي تعبت وضآقةة فيني آلوسيعةة
آبي آرتآح بسس وين آلرآحةة

لييتهم يسسهلوون علينآ وشش لهم يضغطونآ گذآ

ثَـانْگْسْ آبونآيف

al-mha

2012- 10- 17, 02:52 AM

ااي عاد بطريقكم قولولهم خل ينسقون جدولهم وكل واحد يختارله يوم يحط فيها محاضراته مو كل ماروقو حطولنا محاضره <عاد دايما مروقين ماشالله
ولاخل حنا نختارلهم يوم ونقولهم ياتحطون محاضراتكم بهليوم ولاترا محنا سامعينهم < بلعنا خخخ
لا بس جد السالفه سهله ليش مصعبنها يعني مثلا دكتور ثابت يقول ياطلاب ترا يوم السبت والاحد بحطلكم محاضرات وحنا نقول اوك
يجي دكتور عاطف يقول وانا تراني يوم الاثنين عليكم محاضره نقول ان شالله
يجي دكتور العقيده يقول ياالربع ترا يوم الثلاثاء عندكم محاضره عقيده نقول ابشر
وهاكذا سهله ليه مصعبينها مدري

وشكرا على الموضوع

nour.s

2012- 10- 17, 02:54 AM

^
^
ميين يسسمع ..:5:

ابو نآآآآيف

2012- 10- 17, 02:55 AM

العفو اختي
لكن وربي كرهت الدراسة بعد هالمادتين حسيت ماراح امشي ابد وحس اني جالس اضيع وقت على الفاضي

تصبحون بحفظ الرحمن

صمت ..~

2012- 10- 17, 03:24 AM

انا معكم بكل حرف قلتوه خل حد يكتب رساله لهالدكتورين و الكل يرسلها لهم وناس يروحون لهم الجامعه يكلمونهم بما اني حرمه مافيه امل اروح الجامعه يالشباب تصرفوا قبل نهاية العطله تعبنا جججججججججججججججد :10:

High ambition

2012- 10- 17, 03:54 AM

من جدد شيء لا يطااق :36:

آزاهير آلعمُر ~

2012- 10- 17, 04:05 AM

^
من ججججججججد

برسل رسايل لهم بس هل بيردون ماظنتي :12:

حنان آل حيان

2012- 10- 17, 06:25 AM

:21: ضغط مو طبيعي جتني وحده تدرس بفيصل امس يوم شافت محاضراتنا كم والواجبات والمناقشات بتنجلط تقول مره صعب:39:

المواد ممكن حلوه راح تنفهم بس المشكله الضغط ورب البيت صاير جهاد الله المستعان ماعاد حتى شفت حد حتى عطله الاسبوع ماكنت اطلع مرابطه من جد

اشاعه الي يقولو مضمونه درجات البلاكبورد من واجب ومناقشات وتنزيل ما ناخدها الا طلوع الروح الى المفروض انها مساعده

ماعليه ماعليه الله كريم :18:

nour.s

2012- 10- 17, 07:20 AM

^
^
من ججد جآمعة آلملگ فيصصل سهآله
آعرررف نآس وآيد فيهآ
بسس وشش نقوول ..:30:

soooze

2012- 10- 17, 10:30 AM

كل ما جا ليها الامور تتعقد وللاسف ماحد معبرنا
وين العميد الي في المستوى الاول كان يدخل ويكلمنا
ويناقشنا ويطمنا ؟؟ , ليش الحين مطنشين ومحد جايب خبرنا
حتى الرسوم للحين ما سآلو عنها كل الدراسه هالترم صايره مهزله
مافيها ولا شي جدي يحسسنا ان قاعدين ندرس بجد
تعبنا والله تعبنا اوضاعنا تدهور وكلامنا مو مسموع
نبغى جدول نبغى تخفيف من هالضغط
نبغى تنظيم في الواجبات والمناقشات
يعني عاجبكم واجب الاقتصاد من 5 درجات و35 سؤال
ليييييييش ابي افهم !!
يارب يعدي هالترم على خير واتحول انتظام
واصير طالبه وانسانه ومخلوقه طبيعيه مو مخلوقه فضائيه اتحمل كل هالضغط
:12:

البرنسيسية

2012- 10- 17, 10:56 AM

كولنا مع كلام ابو نااايف الله يطول بعمره على الخير
والله طفح الكيل عندنا ارحمونا ياجامعه :10::10::10::10:

البرنسيسية

2012- 10- 17, 10:57 AM

ولا كمان مدرس الاقتصاد حاط 35 سوال ب 5 درجات والمشكلة محاوله واحدة
هل هذا من حق الطالب :10:

اميمه

2012- 10- 17, 11:32 AM

مازيد على الاقلتوة كل صح في صح ليش مايبغونا ناخد درجات :32::32::32::32::32:

alola

2012- 10- 17, 11:44 AM

صراحه يبي لنا حلقه مع الشريان ايش رايكم :27:؟!

بالنسبه لي من يومين بديت كل يوم اشوف محاضره من للمحاسبه والاقتصاد
مراح يجي العيد الا وانا مخلصه ان شاءالله واذا ماامداني بعد العيد بكم يوم اشوفهم مراح تاخد وقت كثير وبحاول افهم واذا ماقدرت افهم امري لله عاد :35:

والله كريم :18:

_Jood_

2012- 10- 17, 12:52 PM

والله عني المحاسبه فاهمتها اما الأقتصاد ظرررررررب فيوزات راسي ياهي ثقيله والدكتور يشرح على اسرع من السريع مدري وش محسبنا !! بجد خايفة منها ما ابي اشيل ولا ماده

ابو نآآآآيف

2012- 10- 17, 02:08 PM

ياخوان رد صمت اعجبني انه احد يكتب رساله الكل يرسلها حق هالدكتورين تكون الرساله موحده عشان يعرفون انا كلنا نعاني نفس المعانه ونا مش فاهمين لعلهم يخففون علينا ويقدرون وضعنا
السمستر الي فات سئلة الاستاذ فراس بعد الاختبار قلت ليه الاسئلة كانت صعبه والله ماتوقعناها كذا ولاتوقعنا تجي منك هالاسئلة تدرون وش كان رده لي قال كنت اتوقع انكم فاهمين الماده زين اشوف حلكم بالمناقشات والواجبات ممتاز
يعني الجماعه يتوقعون انا دوافير ..... امحق دوافير

المهم الي يعرف يكتب رسالة زينه ياليت يكتب لنا وينزلها بالمنتدى
انا والله اسلوبي زفت مايشجع اكتب لكم لكن بروح لهم اكلمهم من الراس
تكفون مانبي الموضوع بس نشكي لبعض وكثرة ردود ماتفيد نبي فعل

F.A.A

2012- 10- 17, 02:32 PM

شوووفو بالنسبه للمحاسبه ترا مرررررره سهل وهو يهبل ومسهل علينا مفروض نحمد ربنا بصراحه لان اعرف بنات انتظام يقولون انه صعب يوم شافو اللي ادرسه قالو انتم اسهل بكثيرررر ولو تشوفون كتاب المحاسبه شلون يضيق الصدر انا عن نفسي المحاسبه ماشيه فيها وسهله الحمدلله
بس المصيبه والعله اللي هو الاقتصاااااااااااد بس انا اعرف بنت انتظام تقول ان نفسه هالدككتور درسهم تقول انه يهبل واسئلة في الاختبارات سهله وانه يعطيهم درجات زياده يقولهم انتم مثل بناتي وتقول تطمنو هو بيسهل عليكم بعدين

اميمه

2012- 10- 17, 02:52 PM

خبر حلو :21:

_Jood_

2012- 10- 17, 04:11 PM

اجل انا يابو نآآآيف بكتب الخطاب هع" ودقايق وأنزله لكم وكل واحد ياخذه ويرسله للدكاتره :19:

nour.s

2012- 10- 17, 04:24 PM

آلمحآسبةة لآششگ آنهآ تهوون عند آلإقتصآد
بسس يععني آلحيين آنآ فهمت معه
بسس لو صآر منآقشةة ولآ وآجب وفتحت آلملخص
بسأل آلحيين گيف صآر گذا ..؟
مثلاً صآفي آلربح ف المصروفآت وآلإيرآدآت
آهو شررحهآ بسس هل هي موجودهـ ف آلتلخيص.؟

AL-shahd

2012- 10- 17, 06:17 PM

:hhheeeart4: انا مأيده كلامكم كلكم بس ماقول الا الله ييسر اموورنا وحاولو تستغلون اجازة العيد علشان تنظمون وقتكم وان شاءالله تتعدل الامور وعلى قولة اخواننا المصريين من يبي الدح مايؤلشي اح :53:
وان شاءالله نهاية المستوى راح نساعد بعض ونشرح لبعض وان شاءالله يعدي هالمستوى على خير وبتوفيق لكم جميعاً وفالكم الفل مارك بأذن الله :2::2::2:

Mai Abdulaziz

2012- 10- 17, 08:11 PM

أي مراا صصصعبه والمحاضرات كثير ~~ الله يعنناا :18:

راسي عالي

2012- 10- 17, 08:21 PM

والله من اول هالكلام حنا ندرس بفلوس يعني بالعبي هاالمادتين مش فاهمينا من الدكاتره
المفرةض صوتنا يوصل العماده ويغيرون لنا الدكاتره
تعبنا :28:

ملآمح نآعمه

2012- 10- 17, 09:13 PM

انا معكم بكل شي قلتوه
وأأكد ع الشررح مستحيل نعدي بماده اذا حنا مافهمناها
خاصة الاقتصاد شرحه ابدن ماينفهم

F.A.A

2012- 10- 17, 09:42 PM

اذا تبوون الصراحه ترا مامعكم حق ابد الشرح مافيه شي وكل الدكاتره زينين بس المشكله فيكم انتم تبون كل شي جاهز ولا تبون تتعبون نفسكم وانا اشوف ان الدكاتره مسهلين علينا الحمدلله .. هذا بدال ماتحمدون ربكم فيه ناس يدرسون من الكتب وفيه ناس يدرسونه بدال العربي انجليزي وفوق هذا يجيبون معدلات مرتفعه ؟؟ ليش يعني احنا ماعندنا عقل مثلم ؟؟ .. واللي يقول عدد الساعات واجد والمحاضرات واجد .. لا مهوب صحيح هذا المقرر علينا كل ماده 3 ساعات في الاسبوع بس العقيده ساعتين اما الرياضيات لاننا متاخرين نزل محاضرات واجد هالاسبوع
واللي يقول انه يشتغل وعنده وظيفه .. فيه احد اجبرك تدخل ؟؟ مهوب انت اللي تبي ... واللي يبي الشي يوصل له حتى لو صعب وعنده ظروف
ياناس اتعبو على نفسكم شوي
مهوب انتم تبون شهاده جامعيه ؟؟ الظاهر تحسبون للحين في الثانوي
اسفه اني طولت بس بصراحه قهرتوني
وانا الحمدلله مرتاحه ومستانسه على المواد متفائله اجيب معدل مرتفع

al-mha

2012- 10- 18, 12:57 AM

بخالفك بالرد شوي
بس التعليم عن بعد مسوينه للموظفين وللناس الى عندها ظروف وماتقدر علي الانتظام
يعني من البديهي انه مايكون بصعوبه الانتظام لان اغلب الى داخلين فيه عندهم اشغال غير مقابل الابتوب وتنزيل محاضرات تظل بلساعات وحل مناقشات وواجبات تنزل وراء بعض بدون اي تنظيم
ومحد قال انه يبي كل شي سهل بس بعد ما.يبون كل شي صعب
وماهو ذنبا انهم تاخرو بتنزيل المحاضرات اسبوع كامل وراكمو عليهم المحاضرات وصار كل واحد ينزل محاضره متي مايبي بلمده يبي
علي الاقل الدكاتره الى متاخرين بلمنهج والى موادهم صعبه يراعونا شوي بلمناقشات والواجبات ماينزلونهن وراء بعض يعني دكتور المحاسبه متاخر مثلا لنفرض بمحاضرتين ونزلهم كلهم لنا بهلاسبوع من المفترض يراعينا
وبهلاسبوع مايحطلنا لاواجب ولا مناقشه
حلو التعاون والمراعاه مثل الى كان بدكاتره مستوي اول

غير كذا بلنسبه للشرح اانا اشوف محتويات المواد مرتبه وجميله وواضحه بس مدري عن الشرح

ميمو العسل

2012- 10- 18, 01:41 AM

انا معكم بكل كلمه
يعني موظفين من كثر المحاضرات تراكمت وماني قادره الحق وياليت عندي فرصه بالاجازه اشوف مايمدي بررووح الحج
وبالنسبه لدكتور الاقتصاد انا من شفت كلامه بالمحاضره المباشره ويوم يقول العلم علم وانا غاسله يدي ومبشره اهلي ان الماده حاملتها الله لايعوقني بشر :41:
قسم جامعة زي الزفت لاتعامل ولا تفهم لوضع الطالب ولاشي
لو اني رحت لفيصل ازين لي بمليون مررره :12:

يادكاتره ارحموا من بالارض يرحمكم من في السماااء طفح الكيل صراحه :32:
الله يكوون بعونا يارب

ابو نآآآآيف

2012- 10- 18, 02:55 AM

عن أبي هريرة -رضي الله عنه- قال: قال رسول الله -صلى الله عليه وسلم-: من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه رواه البخاري ومسلم.

هذا الحديث أدب من الآداب العظيمة، وهو صنو حديث: من حسن إسلام المرء تركه ما لا يعنيه من جهة أنه أصل في الآداب العامة، وهذا الحديث دل على أن من صفات المؤمن بالله وباليوم الآخر، الذي يخاف الله ويتقيه، ويخاف ما يحصل له في اليوم الآخر، ويرجو أن يكون ناجيا في اليوم الآخر، أن من صفاته أنه يقول الخير أو يصمت.

soooze

2012- 10- 18, 03:35 AM

^:21:

soooze

2012- 10- 18, 03:38 AM

نسيت اقول لكم شي بخصوص الاقتصاد
انا اخذت الكتاب واحس مسهل علي الموضوع كثير
ماغير بس احدد مع الاستاذ في كل محاضره
وحتى الرسم والامثله موجودين
واحسه كله كلام يحتاج فهم لما تجون تذاكرونه بروحكم
بتفهموه علطول بس المحاضره لانه اول مره تسمعوه
ماراح تستوعبوه
ماده سهله وما تحتاج حسابات وتعقيد

والله ولي التوفيق
دمتم بود :2:

طالبه مضيعه

2012- 10- 18, 03:47 AM

شووف الجامعه الغلط راكبه من سااسه الى راسه
كان ثلاث سااابيع عطل فني اوكي
وتاخرانا في منهج والحين نززلوا محاضرات عشان نمشي صح من بعد العيد الاضحى
وانا عن نفسي لاازم نطلب بحقنا اجازه ثلاث اساابيع وقت الامتحانات واتواقع ها لشي مافي ظلم لنا الجامعه الحق ينقال ماايحسووابد:32::32::32:

F.A.A

2012- 10- 18, 02:28 PM

والله اشوف الكلام اللي قلته مافيه غلط
او يمكن كل واحد وقدراته العقليه

فجــر

2012- 10- 19, 02:57 PM

الاقتصاد
والمحاسبه
.
.
وحدا قاعده على قلبي
ووحدا قاعده على كبدي

.
.

اذا احد فاهم يشرح لنا الله يجزاه عنا كل خير !

فجــر

2012- 10- 19, 03:04 PM

والله اشوف الكلام اللي قلته مافيه غلط
او يمكن كل واحد وقدراته العقليه

الكلام الي قريتيه بأجماع
المادتين يحتاج لها دكتور يفهم بطريقه افضل من كذا
لان يمكن مو صعبه بس تحتاج فهم وفهم عالي بعد
وتقدرين تبحثين في قوقل وتشوفين مأساة العالم مع هالمادتين

ومشا الله تبارك الله على قدراتك العاليه
اذا انتي فاهمه سوي خير ونزلي مواضيع شروحات
ولك اجر لان الاغلبيه مو فاهم !:1:

أماوند

2012- 10- 19, 10:34 PM

انا تعبت من هالمادتين وبس ! :24:

nour.s

2012- 10- 19, 11:29 PM

آنششآءالله نهآيةة آلمسستوى يخففون علينآ

حرم الجامعه

2012- 10- 20, 12:22 AM

احس الدكاترة يشوفوا هالردوود

ويعلى محياهم ابتسامة المكر ههههههه

M.k♔

2012- 10- 20, 02:25 AM

المحاسبة > صح صعبه بس تنفهم وغير كذا الدكتور اسئلته واضحه

الاقتصاد > لا تعليق بصراحه ماده سهله اصلن بس دكتور نفسه مصعبها
واسئلته صعبه .

يعني المشكله مو في المنهج بدكتور نفسه
والمحتوى طووووووويل
لابد من ملخص نهائي للماده ذي بذات نعتمد عليه في الاختبار

ارحمو مافي الارض يرحمكم مافي السماء.