بخصوص Displacement >>> مدخل الى اللغويات *^*

[كافيين]

استفسااري يخص مدخل الى اللغويات

في المحاضره الثانيه

في موضوع

displacement


هالموضوع مسببلي ازمه


من زمان ماعرفت شنوو يقصد بهالكلمه

كل ماجيت اراجع المحاضرات اجي عند النقطه هذي ولا اعرف شنوو يقصد فيها

وفي نفس الموضوع لو ترجعون تقرونه

it has been proposed that bee communication may have the property of displacement

معناهاا ان في دراسة او عقد اقتراح ان نظام الاتصال في النحل قد يكون لديها خصائص لــ displacement


تكفوون شنوو يثصدك فيهاا

ربي يوفقكم

:34:

[k@y@N]

displacement معناها الاحلال او الازاحه او الاستبدال


Displacement is a property of language that allows users to talk about things and events not present in the immediate environment.


معناها

الاستبدال هو خاصية للغة التي تسمح للمستخدمين أن يتحدثوا عن أشياء وأحداث ليست حاضرة في البيئة الحالية .

Animal communication is generally considered to lack this property.
اتصال الحيوان عامة يعتبر انه يفتقر الى هذه الخاصية .

It has been proposed that bee communication may have the property of displacement.
من المقترح ان اتصال النحلة ربما لديه خاصية الاستبدال .

Bee communication has displacement in an extremely limited form.
اتصال النحلة لديه خاصية استبدال في شكل محدد للغاية . :14:

هذا اللى انا فاهمته واتمنى اني وصلت لك المعلومه
وممكن يجي سؤال يقولك خاصية displacement توجد في اي من ........
هل توجد في جميع الحيوانات ؟
هل توجد في النحله بشكل واسع ولا محدود

[لحن الزهور]

رفعت لك ترجمة للاخ رضوان جزاه الله خيير

وان شاء الله يساعدك كثير

و بالتوفيق يارب

[كافيين]

الله يوفقكم ياارب ومشكورين ع الرد

بس اناا نفسي اعرف بالضبط

شنوو قصدهم بهالموضووع

يعني استبدال

استبدال شنوو

كلمه بكلمه اخرى ولا ايش

اناا نفسي اعرف شنووو المقصد من هالموضوع

يعني انوو النحله تقدر تعطي او تنتج اشارات غير الاشارات الي تصدرهاا

ولا شنوو بالضبط

اتمنى انو الصوره وضحت اكثر

[سحــ الليل ــاب]

displacement = not present in the immediate

يعني مو عمل أو حدث فوري

معنى الكلمة ترحيل الأعمال أو اي شي لبعدين

ترحيل

ممكن النحله تبي تعبي الخلية وتجيها نحلة ثانية وتقول يا شيخه خليها بكره :41: وترحل عملها

والدسبليسمنت عند النحل محدود جداً

هذا الي فهمته انا وان كان المعنى غير كذا فاحجزلي كرسي بجنبك وننتظر الافتاء :8:



is that clear :31:

[كافيين]

اممممم


والله مدري

بس ديسبلسمنت

يقوولك هي خاصيه من خصائص الكلاااام

فاتوقع لهاا معنى في اللغه

شنوو ماا ادري

ننتظر من الباقين كل واحد يدلي براايه

ننتظر الباقين


مشكوور ياسحاااب الله يوفقك :37:

[GADY]

ماشاء الله ياكافيين انت بس هالنقطه مسببتلك أزمه

أنا الماده كلها مسببتلي أزمه .. ماتنبلع :42:

ذاكرت باستماته ووصلت تقريبا للتاسعه ..

بس نص الماده ولا بلعته ..أحس فيهامعلومات تلخبط ..

يعني مثلا هالنقطه اللي فهمته ان هالخاصيه معناها الفصل أو النزوح <<على اختلاف الترجمات

بس في النهايه متفقين على ان مفهومها خاصيه تسمح للشخص بالتحدث عن أشياءوأحداث

غير مرتبطه بالبيئه المحيطه ....طيب وش حشر النحل بالسالفه ..:25:

والله الماده كلها ماعندها سالفه ..يعني الواحد يحاول يفهم بس بدون مايفك رموزها :8:

يعني مشي مع اللي مكتوب قدامك .. بس زي الأطرش في الزفه :14:

ويــــــــــــــــــــــــــــــارب نعديها على خير

[رنو الحلوه]

الماده ادا مو غلطانه هي مقدمه لماده الصوتيات فونتيكس
درستها من قبل ومدري كيف عديتها:9:

[كافيين]

تووني واااصل للخامسه

وانتي واصله للتاسعه

ماشااء الله عليش

داافووره

ههههه

والله مااعااد معااي غير اني اسوي نسخ ولصق

والمشكله اني اتابع شرحه ولاشرح المقصوود منهااا ومن سالفة النحله

ورااسلته امس ولاجااني خبر لحد الان

الله يعين بس

:30:

[مجمدالهنيدي]

ما شا اله عليكم ...اللي واصل التاسعه واللي واصل الخامسه ...انا لسه اجمع في الكتب وراح ابدأ بعد العيد ان شا الله

[GADY]

بانتظارك كافيين .. ردلنا خبر ..

يمكن نطلع بحاجه مقنعه ..:27:

[MLK]

اممممم


والله مدري

بس ديسبلسمنت

يقوولك هي خاصيه من خصائص الكلاااام

فاتوقع لهاا معنى في اللغه

شنوو ماا ادري

ننتظر من الباقين كل واحد يدلي براايه

ننتظر الباقين


مشكوور ياسحاااب الله يوفقك :37:

صباح الجد والمجتهدين


كلامك صحيح

بمأن السالفة عن الكلام

فكأن الدسبليسمنت تكون قدرة النحلة على تبادل المعلومات

زي ما في مشاركتك أنها تتبادل الاشارات


أي بدل من أن تتكلم ، تعطي اشارة عن معلومة وتأخذ اشارة معلومة


يعني Displacement


وهذا رأي في القضية :17: والله المستعان

[مجمدالهنيدي]

السلام عليكم
ادلي بدلوي ..واقول لكم ان كلمة احلال او ازاحه ترجمه للكلمه ولكن ليس في هذه الجمله ..لان هذا التفسير يتعلق بشي فيزيائي او علمي ..
واظن المقصود بالكلمه هنا ...هو تشريد او تهجيره او انتقال........
اذا صحيح تستاهلون اذا غير ذلك مشوهأأأأأأأأأأأأأأأأ شكرا لكم

[P e a c e]

Displacement
يقصد فيها أنك تقدر تتكلم عن أشياء غير موجودة عندك حاليا

يعني إحنا الآن نقدر نتكلم عن أشياء تحصل في مكان أو زمان مختلف, مثلا نقدر نتكلم عن أشياء حصلت في الدولة الأموية في الأندلس, أو نقدر نتكلم عن مباراة قائمة الآن في مكان ثاني.

لكن الكائنات الثانية ما عندها هذي القدرة, لما يكون فيه تخاطب بين حشرتين أو حيوانين اعرف أنهم يتكلمون عن شي موجود قدامهم أو يحسون فيه الآن,
يعني يكون حيوان يقول للحيوان الثاني ابعد عن منطقتي أو لا تاكل من فريستي أو وخر عني, بس ما عندهم مقدرة أنه مثلا يقول له أمس صدنا خوش غزال قريب النهر.

لكن وحسب التجارب, اتضح أن النحلة عندها جزء من هذي القدرة, كيف؟
لغة النحلة هي الرقص,
يعني لما النحلة تبي تقول شي لباقي النحل تعمل رقصة معينة في الهواء تدل على شيء معين.
ومن ضمن الرقصات رقصة يكون معناها أنه يوجد زهرة بها رحيق وتشير أيضا إلى اتجاه الزهرة في الرقصة.
فهذا يعتبر displacement لأن النحلة هنا تتكلم مع باقي النحل عن شيء مش موجود قدامهم

لكن ليش قالوا إنها قدرة محدودة؟
لأنه - وحسب التجارب أيضا - لاحظوا أنه لو كانت الزهرة فوق بناية وخلية النحل في الأسفل, لما ترجع النحلة إلى الخلية ما تعرف توصف مكان الزهرة لبقية النحل, فقدرتها على الوصف بس على الأماكن المسطحة, فهي محدودة.

[GADY]

الله ينور عليك أخ رضوان ...

والله هالماده جابتلي الضغط :25:

وعلى قد ماذاكرتها أحسني لازم ألخبط فيها

أحسها تشبه بعض مدري ليه مو حابتها بس لازم أذاكرها صح

عشان المعدل طبعا ماودنا يتأثر,,والا الماده والله غثيثه ..!!:9:

[كافيين]

الله يوفقك يارضوان وينور دربك ويخليك

صراحه شرحك وافي جدا

جمايلك كثيره مرره

اسال الله ان يوفقك

:16:

[P e a c e]

مشكورين على دعواتكم الحلوة

ولا فيها جمايل ولا شي, كلنا أخوان

والمادة دسمة صحيح بس فيها معلومات حلوة وممتعة

موفقين جميعا

[GADY]

باقي سؤال يارضوان .. معليش بنمصخها شوي

بس أبعرف طريقة أو أسلوب الدكتور في أسئلة الاختبار

على نفس الأسلوب حق أسئلتك اللي نزلتها أو يتغير

ودي أهيء نفسي عشان لا أنصدم ..يعني أقدر أقول انها

بنفس الطريقه والمضمون والا بيكون فيه اختلاف ..!!

[P e a c e]

تقريبا نفس الطريقة

بس الدكتور يركز على محاضرات معينة

يعني ما جاب شي من المحاضرات الأخيرة

وفي امتحاننا ركز كثير على درس المورفيمات اللي هو تكريب الكلمات
وفي امتحان الدفعة اللي قبلنا ركز كثير على درس الفونيمات اللي هو طريقة نطق الأصوات

وخذي راحتك في أي استفسار

[وزيرة]

مشكور أخوي رضوان شرح رائع مقنع فعلاً :21:

[طالبه جامعيه E]

ماخذيتها الترم اللي طاف لا هي ولا المنظومه بس المنظومه اجلتها للترم الجاي واخذت اللغويات الترم هذا :42: