التجسير (تمريض)

[Just to]

السلام عليكم

تحية طيبة لكل الاعضاء ..

والله يجماعة الخير أنا خريج معهد التنمية

وحاب اعرف هل الفصل الدراسي النصفي الجاي في تسجيل للتجسير والا لا؟

لأني والله حاب اكمل دراستي معكم..

وأبي اعرف الحين هل بإمكاني التسجيل مباشرة عالمنح والا ادرس بالأول على حسابي رغم انو معدلي ممتاز

وآخر استفسار سمعت انو بنك الإنماء يساعدني في قرض للدراسة اذا احد عنده فكرة يزودنا بعد

اتمنى من الأخوة انهم ما يقصروا بالردود مسبوقين بالشكر ..

[مكاويه 97]

راح اجاوبك باللي اعرفة

بالنسبة للمنح فالتسجيل فيها سنوي ولازم تدرس على حسابك بالبداية وتستنى لرمضان مشان تقدم على المنح

وصحيح بنك الانمااء راح يساعدك بس شهريا لازم تعطيهم مبلغ وقدرهه على حسب النسبة الي سسددوها لك للكلية

[Just to]

تسلمين والله مكاويه

بس يليت من يفيد على موضوع البنك...

والتسجيل وشكرا لكم

[saudman]

اولا اخوي راح اجاوبك بالي اعرفه .

البنك اتوقع يمولك تمويل تعليمي بدون فوائد ( وياليت تتاكد اكثر )

بخصوص التجسير لازم توفل 425 درجتك اقل شي او البديل المناسب وهو اختبار step

اختبار ستيب يسويه مركز الوطني للقياس والاختبار راح يكون بشهر 4 افتح ملف من الان .

هذا موعد الاختبار

http://www.qeyas.com/Qiyas/ExamDates/examDates.6.aspx (http://www.qeyas.com/Qiyas/ExamDates/examDates.6.aspx)

ولازم درجتك اقل شي 67 .

والافضل بنظري انك تدخل اول سنه على حسابك او الترم القادم اذا معك توفل او الستيب جاهز .

والافضل انك تركز باختبار الستيب اذا ما جبت وتجيب درجتك 67 فيما فوق وتدخل السنه القادمه بالكليه وتكون مسجل بالمنح برمضان القادم .

لانك منطبق عليك الشروط بس باقي لك اختبار الستيب .

والمنح افضل لك لانهم يعطونك مكافاة امتياز .

لاني الان استلم انا شهري 2500 ريال مكافاة اخصائي متدرب من التعليم العالي .

بالتوفيق

[جمالKFMC]

بالتوفيق للجميع ان شاء الله

[Just to]

استاذ saudman

يعطيك الف عافية يعمي ..

وانشأ لله بشوف حظي مع التوفل وانشأ لله ربنا يسهل

طيب استاذ سعود انت الحين تقصد أني اقدر اسجل بالمنح في شهر رمضان من غير ما ادرس على حسابي .. يعني فقط اطلع لي رقم أكاديمي من الكلية عن طريق دفعي الرسوم 5000 عشان اسجل في المنح؟

بالنسبة لي والله بالعكس أنا ودي ادخل هالترم هذا وما أضيع من هالترم وان كان على حسابي

بس بالنسبة للتسجيل للتجسير الترم هذا قالوا احتمال يكون مافي لأنهم هذا السمستر الحالي ما أخذوا ولا طالب تجسير ..

والله اتمنى منك ترد وتعطيني التفاصيل المناسبة لي ومشكووور جدا يالشيخ

[saudman]

راح تدفع اول سنه على حسابك وبتسجل السنه الجايه برمضان بالمنح والي دفعته لا يسترد ولا تدفعه المنح

[Just to]

مشكور اخوي سعود ما قصرت يالشيخ

[عاصمة الربيع]

السلام عليكم

والله انا ياخوي ودي اجاوبك بس مثلي مثلك وياليت الاخوان يفيدوننا فيه تسجيل الترم الثاني لاني ابغى اكمل على حسابي وكل الشروط منطبقه بس باقي لي التوفل او الستيب وياليت اهل الشرقيه او طلاب كلية الغد يجاوبون على السؤال


فيه تجسير الترم هذا او الترم الثاني او لا ؟؟

[انسان أنا]

حاول تحصل على التوفل أو الآيلتس حتى لو فتح التسجيل للتجسير تقدر تقدم سواء للفصل الجاي أو للسنة القادمة

ما نقدر نفيدكم بهالخصوص ، لكن الأفضل مراجعة الكلية بنفسكم لمعرفة امكانية التسجيل للتجسير للفصل الثاني

[عاصمة الربيع]

يعطيك العافيه اخوي على الرد بس ممكن اسالك

طيب اقدر اختبر توفل وانا ادرس بالكليه؟؟
ومافي احد يدري هل فيه تسجيل الترم هذا او لا ؟

[انسان أنا]

لو تريد تدرس تجسير ... لا ، لازم أول تجيب توفل أو آيلس بالدرجة المطلوبة
لكن لو قدرت تقنع الكلية انك تحضر المحاضرات لحين ما تخلص الاختبار لأن الوقت ضيق او موعد اختبارك اثناء الدراسة فاحتمال يسمحوا لك لكن ما رايح يسجلوك رسمي إلا بعد ما تجيب درجة الآيلتس أو التوفل
وبنصحك باختبار الآيلتس أفضل وأنسب

لكن التجسير حاليا متوقف ولا ندري متى بيفتح من جديد.

ونصيحتي لك تبدأ التسجيل والاستعداد للاختبار من الآن