‌‌‌‌‌ ‌ ‌ ‌‌‌‌‌ ‌‌‌‌‌ ‌ ‌‌‌‌ ‌‌ من الظلمآت الى " النور !

[ريمنقو]

-





هذا ثالث يوم ادخل المدونه ابي اخثردز مير عجزت
احتار وش اقول اتفلسف والا اقول وش صار لي
والا انام أو انام ههههههههه
والا اعلمكم بسالفة شليويح الاطخم والا أبو صندحعندي كتاب نااادر ولايعرفه إلا الطيبين بحاول ألقاه واصوره
< باين اللي ماعنده سالفه وغصب يسولف:cheese:

المهم نفسيتي تطلب الطلاق مني ههههههههه
تبا البر ولاحصل لها تكفون يالربع لاتضطهدوني وتنبهوني ع صور البر والرياض :sm1:


//


على طاري البر :(269):
مرتن خيمنا شمال الشرقيه بوسط محمية البحر أمامنا والبر خلفنا
الأرض مربعه ومفقعه والجو رايق ومطر وخير :cheese:
انا من الحماس خذيت وضعية هايدي أقوم لصلاة الفجر وابدأ مشواري أجمع حطب وأشب ضوي وأسرح غنمي >قويه:hahahahahah:
لاصدق كان حولنا غنم يداهم خيامنا كل صبحية يعني لاتلوموني يوم قلب الجو هايدي باقي بيطر يجي:(100):
المهم أن المخيم vip الفطور بوفيه والغدا مفطح والعشا بوفيه
المهم أفطر 9 ومن بعد الفطور إلى صلاة الظهر (رحلة البحث عن فقع )



خلونا من هذي الرحله
بقولكم سالفة ثانيه أقسم بالله تمنيت ان الارض بلعتني من شدة الاحراج
لاخلاص هونت يبي لها مخمخه :(269):



ايي زانت علومكم

[ريمنقو]

كم بيت بالطريقه الرباعيه


- يالله انا عبدك المظلوم
رضيت بالقسم والمقسوم
جيتك وانا ممتلي هموم
(يالله ياوالي يارحمن)


قفوا حبايب وخلاني
ولإعاد به حتى الاخواني
وأصبحت انا الحين وحداني
(يالله ياوالي يارحمن)



أنت العزيز اعتلى شانك
ياغافر الذنب سبحانك
ياصاين العبد لاصانك
( يالله ياوالي يارحمن)


#مابعد اكتملت

[ريمنقو]

حكآيةة اول عمره ..



في يوم من الايام كنت متمدده واحسب عدد النجوم :(52):
واختبر صحة مقولة ( ظهورر الثالول برأس الاصبع اللي عد النجوم ):(96):


انقطع العد على صوت طويل العمر يقول تولمي بآتسر ان شاء الله بنغبش صوب مكه :(99):
والمغباش هنآ يعني الروحه قبل طلوع الشمس
وهناك فرق بين مسرى ومغباش ..
وفرق بين مغباش ومسراح ..


ولكن طويل العمر اذا قال مغباش يعني مسراح و ورى , ماعنده دقة بالمواعيد:biggrin:


ويقول الشاعر
نصيته بالنهار وليل وجيتـه حـزة المغبـاش
ولا قدر متهـات الطريـق وطـول مغباشـي


مغبآشي ,صح لسانك:cheese:



الوكآد اني تولمت ..
ورسمنا خطة السير على اساس اننا بنوقف في الرياض كمحطه راحه ..!
ولكن شد الذيب وسحب على الخطه ومسك الخط ماوقف الا عند الميقآت :hahahahahah:


//


المهم اننا وصلنا على الظهر ..
وقتها كآن فيه توسعه ودعثه ولافيه مجال نوقف عند اقرب باب .. فاضطرينا ندقها كعابي من الفندق الى اقرب باب وكانت المسافة طوييييله علي وحر وشمس تصلخ وهنا كانت بداية القصة :(85):


الله لايوريكم كعابي وشمس وتمشي على رمل وحيود .. :biggrin:
انا مير ماعاد بي حيل كل شوي اطيح :hahahahahah:
والطامه الكبرى يوم وصلنا لاقرب باب الا هو درج طويل وانا اجيكم محولّه على وجهي باقصى سرعه :hahahahahah:


وبسم الله ابتدينا الطواف , كان شبه مريح لاننا نمشي مافيه جهد كبير :71:
انا اول مره اعتمر عاد تخيلوا فيس المنصدم والمتعجب من الاشكال اللي حوله
الحمدلله الذي عافانا ..
صدق ماكنت استشعر العافيه الا يوم شفتهم


//

المهم كل الامور بالسمبتيك الى ان وصلت عند المسعى :hahahahahah:
خلصت اول شوط ثاني شوط وبديت اتعب وتنكتم انفاسي < مشكلة التعبان :(85):
واسوي لهم اكشن ع الخفيف وارجع اكمل ..
والله من التعب ماعاد دعيت بشي غير ( يارب اخلص ) ههههههههههههههههههههه
مير خلصت بفضل الله والعمر مش حالك لكن الله اعلم بنيتي :hahahahahah:

وارجع مع دربي وكل شوي طآيحه والله ماعاد بي حيل :(58):
وفوقهآ ينسرق بوكي مير اشوى مابه الا 100 ريال ونويتهآ صدقه وعوضني الله بعد 10 سنين :(100):


راجعين للفندق كعابي ونتذكر اننا ماقصصنا شعورنا :sm1:
< كننا بطاش ماطاش:71: :hahahahahah:



آنقطع حبل افكآري الآن :53:

مفردات القصةة

تولمت = تجهزت
دعثه = عاد مدري شلون اقولها بس توحي بالشي الكثيييير :cheese:
حيود = احجار عساها براس العدو :biggrin:


مايستفآد

لا تطقونها كعابي من الفندق للحرم ثم تصيرون مثلي :hahahahahah:
واذا انسرقت فلوسك انوهآ صدقه تجيك اضعاف اضعافهآ :cheese::004:

[ريمنقو]

-



كيف اترجم شوق قلبي باختصار

[ريمنقو]

-



كان بجماعة الرسول صلى الله عليه وسلم خمسة رجال يشبهونه
لدرجه ان الناس يلخبطون بينهم وبين الرسول صلى الله عليه وسلم
هم أبناء عمه إبو سفيان بن الحارث وقثم بن العباس
و حفيده الحسن كان أشدهم شبهه بالنبي
والسائب بن عبيد
وجعفر بن ابي طالب (اخو علي بن آبي طالب) رضي الله عنهم


اللهم صل وسلم عليه

[ريمنقو]

https://youtu.be/JP5wz-c4YBk





قصة انا الذي سمتني امي حيدره باختصار




في غزوة خيبر كان علي رضي الله عنه يحمل الرايه وينادي اليهود
فظهر له رجل يهودي شجاع اسمه مرحب
سأله من انت انا علي وانت مرحب وكرروا السؤال


فقال مرحب


قد علمت خيبر أني مرحـب
شاكي سلاحي بطل مجرب
أطعن حينا وحينا أضرب
إذا الليوث أقبلت تلتهب



فرد علي رضي الله عنه






أنا الّذي سمّتني أمّي حيدره
ضرغام آجام وليث قسوره
عبل الذّراعين شديد القسورة
كليث غابات كريه المنظرة
أضرب بالسّيف رقاب الكفرة
أكيلهم بالسّيف كيل السّندره







يقال ان مرحب هرب بعد ماسمعه
ولكن لا أحد يقدر على الفرار من الموت
ضربه علي رضي الله عنه ضربة قسمت رأسه نصفين

[ريمنقو]

-



رأيتُ الشيبَ لاحَ فقلتُ : أهلا
وودعتُ الغواية َ والشبابا


وَمَا إنْ شِبتُ من كِبَرٍ، وَلكِنْ
رأيتُ منَ الأحبة ِ ما أشابا


بعثنَ منَ الهمومِ إليَّ ركبا
و صيرنَ الصدودَ لها ركابا




رائعه من ابو فراس:rose:

[ريمنقو]

-





ثنتين احذرها
خيانة الامانه و إفشاء السر

السر والامانه في كل شي في نفسك في عملك في من حولك

[ريمنقو]

-





غريبه ..
التحضر عند البعض هو الوقوع في المحرمات والكبائر تحت ظل (التجربة) و(الحريه الشخصية)
والتوبه لاحقين عليها توهم صغار:no:

تخلف :sm1:

[ريمنقو]

شكراً لـ 46 الف مشاهد ..


/


3 مرات اكتب وينمسح ردي ..
اتكلم عن كيف نصل الىالراحه النفسية والشفاء بقراءه القرآن ؟
بطريقة مجربه , ربمايخالفني البعض وربما يوافقني ولكن انا انقل لكم ماوصلت له



انا كنت اتمنى اني اشعربالراحه اللي اسمع الكثير يتكلم عنها ولكن ماستطعت
ولكن بالدعاء والتعلم وصلت الى طريقتين

الاولى / معرفة معاني القرآن
الثانيه / اتقان التجويد..

التجويد اكيد له حكمه ,في بعض المواضع نخرج الحروف من الجوف وبعضها من الانف وبعضها من الشفتين
وطرق استخراج الحروف كثيره ..

لو وضعنا كوب ماء وسماعة في كل مره نرفع الصوت ..
نصل لارتفاع معين يبدأ الماء يتحرك وممكن مع زياده الصوت ينكسر الكوبوهو مجرد صوت ..

القران مثله مثل الصوت , كل ماتقننا قرائته نصل لمرحلة الراحه والشفاءلان الآيه الواحده فيها مد وادغام واخفاء وغيره
يعني احكام تجبر القارئ على التذبذب في القراءه مره يمد صوته ومرهيخفضه مره يظهر صوته من اعماقه ومره من خيشومه وهكذا ..
وهنا تكمن الراحه واللذه في رأيي ..
جربوا وماتندمون ,بل العكس تدمنون القراءه ..

وهنآ رابط يشرح كل مايخص التجويد .. http://www.quran-tajweed.net/tagweed/index.php/%D8%A7%D9%84%D8%A7%D8%AD%D9%83%D8%A7%D9%85-%D8%A7%D9%84%D9%86%D8%B8%D8%B1%D9%8A%D8%A9-%D9%84%D8%B9%D9%84%D9%85-%D8%A7%D9%84%D8%AA%D8%AC%D9%88%D9%8A%D8%AF
ورابط القران الكريم بالتفسير باعلى الملتقى


:love080:

[ريمنقو]

-


شي يقهر يهود يعرفون انك مسلم عربي يسبون دينك بالعبريه علشان ماتفهم
لذلك قررت اتعلم العبريه لي 3ايام ع 3 حروف :hahahahahah:
لكن يا انا ياهم:biggrin:

[ريمنقو]

-




http://cdn.top4top.net/d_226e07c9291.mp3





لا دله قلبي ولا سجيّت منه
:verycute::18:

[ريمنقو]

-

-

ياوجـودي عليهـن وجـد مـن فاطـر لـــه
غره النوم عنهـا فـي فـروع المظامي
فوقـهـا قربـتـه ونعـولـه ومـزهـب لــــه
وأصبحت جرة الفاطر عليها عسامي



الووووروووصف:icon9:
اروع ماسمعت بالتوجد ..
اتخيل الوصف واحد غطه النوم عن ذلوله ..
فروع المظامي الارض اذا نشفت تتصدع ويصير لها مثل الفروع
راس ماله هالفاطر فوقها قربته ونعوله واكل ماعاد بقى له شي


واصبحت جرة الفاطر عليها عسامي

يعني زود على انه بالخلا وهي روحّت بزهابه ، ماعاد لها اثر :sm1:
ياوجدي صدز:icon9:

[ريمنقو]

_





الله يرزق كل محروم ومحرومه من الذريه
والله اني ادعي لكم من قلب صادق اي والله ,
والله يحفظ ابناء وبنات الجميع ويبارك فيهم ويستر عليهم

ادعي لكم دايم سر وجهر ..:004:

[ريمنقو]

-




لي ثمان شهور كن قلبي يدق به مسامير
ولكن كل شي بحسبان ..



الصبر يهل الصبر مفتاح الافراج
بس الصبر يبغى عزومن قويه


اي بالله :bawling:

[ريمنقو]

-

الصحابي : سراقه بن مالك رضي الله عنه


( الجزء الاول )



في يوم من الأيام شاع خبر اختفاء النبي صلى الله عليه وسلم في ليلة مظلمه
فماصدقوا الخبر زعماء قريش فسارعوا في البحث عنه في كل بيت حتى وصلوا لبيت صاحبه ابو بكر
فخرجت اسماء رضي الله عنها وسألها ابو جهل أين ابوك فقالت لا ادري فلطمها من شدة اللطمه سقط حلقها


الان زعماء قريش مذعورين ويبون يعثرون على النبي باي وسيله فجندوا قفاة الأثر حتى يقصون اثر النبي صلى الله عليه وسلم
فمشوا الى ان وصلوا غار ( ثور ) فقالوا قفاة الأثر ( والله ماجاوز صاحبكم هذا الغار )
ماكان بين النبي صلى الله عليه وسلم وصاحبه ابو بكر وبين قريش شي حتى ان ابو بكر كان يرى اقدامهم
فبكى ابو بكر رضي الله عنه فنظر اليه النبي صلى الله عليه وسلم
فهمس ابو بكر ( والله ما على نفسي ابكي ولكن مخافة ان ارى فيك مكروها يارسول الله ) < مؤثر :verycute:

قال الرسول صلى الله عليه وسلم ( لاتحزن يا أبا بكر فان الله معنا )
فأنزل الله السكينه على قلب ابو بكر وهو ينظر لأقدام القوم فقال ( يارسول الله لو ان احدهم نظر الى موطى قدميه لرآنا)
فرد عليه نبي الله صلى الله عليه وسلم ( ماظنك يا أبا بكر باثنين الله ثالثهما) وفي هذي اللحظه سمعوا فتى من قريش يقول
هلموا الى الغار ننظر فيه فقال له اميه بن خلف ساخرا : الم تَر الى هذا العنكبوت الذي عشش على بابه ؟ والله انه اقدم من ميلاد محمد

فقال ابو جهل واللات والعزى اني لأحسبه قريبا منا ويسمع مانقول ويرى مانصنع
ولكن سحره ران (غطى) على ابصارنا
< هنا ارى فطنه وذكاء ابو جهل :icon120:

ورغم انهم مالقوه الا انهم مايئسوا فارسلوا رسل منهم للقبائل التي تسكن مابين مكه والمدينه
تذيع خبر ان من يأتي بمحمد حيّا او ميتا فله مئه من كرائم الإبل

وكان احد الرسل قد ذهب الى مقر اجتماع قوم قريب من مكه فاذاع نبأ الجائزة
وكان من القوم سراقه بن مالك رضي الله عنه
فتحمس لهذي الجائزة ولا يبي يظهر لقومه حماسه لها حتى لايسبقونه عليها
وقبل ان يقوم سراقه من مجلسه دخل عليهم رجل قال لهم ( والله لقد مر بي الان ثلاثه رجال وإني لاظنهم محمدا وابا بكر ودليلهما
فقال سراقه بل هم بنو فلان يبحثون عن ناقه لهم اضلوها فقال الرجل لعلهم كذلك وسكت

فجلس سراقه معهم حتى لايثير قيامه احد فلما انشغلوا قومه انسحب بطريقه لم يلاحظوها
فأسرع لبيته وأمر جاريته ان تخرج له فرسه بدون ماينتبه الناس
وامر غلامه بان يجهز له سلاحه ويخرج به من خلف البيوت حتى لايراه احد

فلبس سراقه درعه وأخذ سلاحه وركب فرسه و، متحمس الرجال للجائزه
فبدا رحلة البحث عن النبي وصاحبه لكنه مالبث الا وعثرت به فرسه وسقط
ورجع يمتطيها ومالبث الا عثرت به مره اخرى فتشائم ونوى الرجوع ولكن طمعه بالمئه ردّه

فرأى سراقه النبي صلى الله عليه وسلم وصاحبه فمد يده الى قوسه
وجمدت في مكانها لانه رأى قوائم فرسه تغوص في الارض والدخان يتصاعد من بين يديها بأمر من الله
فحاول دفع الفرس ولكنها ثبتت في الارض كأنها تسمرت فيها
فالتفت للرسول صلى الله عليه وسلم وصاحبه قال لهم ادعوا ان يطلق قوائم فرسي فدعا له الرسول فأطلق الله قوائم فرسه

فتحرك طمعه بالمئه من جديد فدفع فرسه نحو الرسول صلى الله عليه وسلم وصاحبه
فغاصت قوائمها بالأرض فاستغاث بهما وقال اليكما زادي ومتاعي وسلاحي فخذاه
ولكما علي عهد الله ان أرد عنكما من ورائي من الناس
فقالا له لاحاجه لنا بزادك ومتاعك ولكن رد عنا الناس
ثم دعا الرسول صلى الله عليه وسلم فانطلقت فرسه


انتهى ..

[ريمنقو]

-

الصحابي : سراقه بن مالك رضي الله عنه

الجزء الثاني



لما أراد سراقه الرجوع من حيث أتى ناداهم فقال : تريثوا أكلمكم وحلف مايأتيهم شي يكرهونه
فسألوه ؛ ماتبغي مننا؟
فقال سراقه : والله يامحمد اني لأعلم انه سيظهر دينك ويعلو امرك فعاهدني اذا اتيتك في ملكك ان تكرمني
واكتب لي في بذلك . فامر الرسول صلى الله عليه وسلم إبو بكر يكتب له على لوح من عظم واعطاه سراقه
فلما اراد الانصراف قال له النبي عليه السلام :
وكيف بك ياسراقه اذا لبست سواري كسرى ؟؟


فرد سراقه بتعجب :كسرى بن هرمز؟ قال النبي نعم كسرى بن هرمز
فانصرف سراقه ولما عاد لقومه يسألونه عن النبي فقال لهم ارجعوا فقد نفضت الارض نفضا بحثا عنه
>وهم كانوا يعرفون انه قصاص اثر متمرس وماتفوت عليه اي فائته
المهم انه كتم عن قومه خبر الرسول صلى الله عليه وسلم وصاحبه حتى أيقن انهم بلغوا (يثرب)
عندها اشاع الخبر ولامه ابو جهل فقال سراقه رداً ع ملامة ابوجهل ؛

أبا حكم ، والله لو كنت شاهداً
لامر جوادي إذ تسوخ قوائمه << تسوخ تغوص

علمت ولم تشكك بأن محمداً
رسول ببرهان فمن ذَا يقاومه؟


دارت الأيام حتى رجع النبي صلى الله عليه وسلم الى مكه فاتحا لها بكل قوه
وزعماء قريش المتكبرين الطاغين اليوم يتوسلون للنبي وهم خائفين
فقال لهم رسول الله صلى الله عليه وسلم ( اذهبوا فأنتم الطلقاء)

وفي ذاك الوقت تجهز الصحابي سراقه لملاقه النبي ومعه العهد الذي كتبه ابو بكر قبل ١٠ سنوات
يقول سراقه ( لما اتيت النبي صلى الله عليه وسلم بالجعرانه < مكان بين مكه والمدينه ، دخلت في كتيبه الانصار فجعلوا يقرعونني بكعوب الرماح ويقولون إليك إليك ماذا تريد فما زلت أشق الصفوف حتى غدوت قريبا من رسول الله وهو على ناقته فرفعت يدي بالكتاب وقلت:
يارسول الله انا سراقه بن مالك وهذا كتابك لي فقال عليه الصلاه والسلام إدن مني ياسراقه ادن هذا سوى وفاء وبر
فأقبلت عليه واعلنت إسلامي بين يديه )

لما وصل سراقه للأنصار اخذوا يضربونه ويحاولون ابعاده فاصرّ ع مقابله النبي صلى الله عليه وسلم ) ^^

بعد اسلام سراقه مضت عدة أشهر ثم توفي الرسول صلى الله عليه وسلم
فحزن عليه حزن شديد ويفكر بذاك اليوم اللي نوى فيه قتل النبي من اجل نوق لاتسوى قطعه صغيره من اظفر النبي صلى الله عليه وسلم

مرت الايام وفي عهد خلافة عمر رضي الله عنه هبت جيوش المسلمين على مملكة فارس
فاخذت تدك الحصون وتهزم الجيوش حتى أتت رسل سعد بن ابي وقّاص تبشر عمر بالفتح رضي الله عنهم
ومعهم غنائم وضعوها بين يدي عمر فنظر اليها بدهشه كان فيها تاج كسرى وثيابه المنسوجة بخيوط الذهب
وقلادته واساوره ..
فما كان من عمر الا ان يقلبها وقال لمن حوله : ان قوما ادوا هذا لأمناء
فقال علي بن ابي طالب ( انك عففت ؛ فعفت رعيتك يا أمير المؤمنين ولو رتعت لرتعوا) بمعنى لو اكلت لأكلوا

فدعا عمر رضي الله عنه سراقه بن مالك فألبسه قميص كسرى وثيابه وتاجه وآلبسه سواريه
فهتف المسلمين : الله اكبر الله اكبر الله اكبر

فالتفت عمر الى سراقه فقال : بخ بخ < كلمه تقال عند التعجب او الفخر
اعيرابي من بني مدلج على راْسه تاج كسرى وفي يديه سواراه؟
ثم رفع سراقه راسه للسماء وقال :

(اللهم انك منعت هذا المال من رسولك وكان احب إليك مني واكرم عليك ومنعته أبابكر وكان احب إليك مني واكرم عليك
واعطيتينيه ، فاعوذ بك ان تكون قد اعطيتنيه لتمكر بي ) < تمكر بي تعاقبني
فلم يقم من مجلسه حتى قسمه بين المسلمين


هذي هي قصة سراقه بن مالك وقصة مقوله الرسول صلى الله عليه وسلم ( وكيف بك ياسراقه اذا لبست سواري كسرى)

انتهى

[ريمنقو]

-



اذا كنت تملك حكمه ورجاحه عقل ودائما لك نظره مختلفه عن الآخرين
ماتحس في صفاتك هذي الا اذا جالست طبقات العقول المختلفه
فيه طبقه تنظر وتفكر بنفس نظرتك وتفكيرك وهذي غالبا بتكون نادره بالنسبه لك صعب تلقى من يتوافق معك :rose:
وطبقه تتفق معك في النظره وتختلف معك في التفكير وهذي غالبا يحدث بينك وبينهم تصادم :019:
وطبقه تختلف بالنظره والتفكير وهي طبقه نقّاده وتنظر لك بنصف عين وتسخر منك وتنعتك ب ( الفيلسوف):cheese:
هذي الطبقه غالبا ماتكون جاهله في أمور كثيره وحديثهم لايغني ولايسمن ومواضيعهم لاتهمك :sm12:

فكن انت انت لاتحاول تتفلسف وتظهر نفسك بأنك الافضل ولاتتباهى بنفسك
واعط كل طبقه على قدر حقها ،،

والشي المفقود بالآخرين دائما ماينتقدونه لو كنت انت تملكه
والنقد يزيدك اصرار على ما انت عليه ..
ولكن إياك والتكبر والتفاخر بنفسك واستصغار الآخرين :rose:

[ريمنقو]

_



http://www.ckfu.org/pic4u/uploads/ckfu1453998347531.jpg








آوقآت نصادف في حياتنآ نآس نعتبرهم اصدقاء ..
نقضي معهم آوقآت حلوه ومره ..
ورغم مرارتها الا اننا نتقبلهآ لانهم في نظرنآ [ اصدقآئنا ] ..:rose:
وبدون سآبق انذار يتركوننآ ..:no:
ممكن توصل الى [ انكارنا ] من الوجود اصلاً :biggrin:
وممكن عكس بس نظل ماندري وش سبب الابتعآد ..
نذكرهم بخير و من وفائنا ماننسآهم ونراهم اشخاص كانوا يجمّلون حياتنآ :verycute:

وبعد فتره انقطآع وبداية التئام الجرح يرجعون يفتقونه ..:(85):
تحس انك اشتقت لايام قبل :019:
ويبقى السؤال : لماذا الابتعاد ؟ :verycute:
لو اخطئنا نعتذر ولو ماخطئنا الشكوى لله ..:lllolll:
نقول الله يستر عليكم ومن وفائنا نذكركم
و نقول لكم ماقاله ابن حمري :cheese:


راح وتركني لحالي
فقدت انا اغلى حلالي

ليه الجفا والقطاعة
الله يصيب القطاعة

حلفت ما اقول وابوح
لو راحت النفس والروح

اعطاني سره وداعة
ماني بأخون الوداعة

وش ذنبي اللي إقترفته ؟
للحين انا ما عرفته

الله ما ازين اطباعه
وش غيره في طباعه

:biggrin:

[ريمنقو]

_





http://www.ckfu.org/pic4u/uploads/ckfu1454030514581.gif




ممكن اني تأخرت في طرح هذا الوسام اللي حصلت عليه قبل عدة اسابيع ..
ولكن حق علي ان اشكر كل من كان وراء هذا التكريم ..وكلمات الشكر والله لاتوفي حقكم ..
وكل ماعطيتوني تزيدونني احراج ويزيد حملي ..
والله ان الاوسمه والنقاط وكل الارقام ماتهمني ..
ولكن اذا جات من عزيزين عليك لها معنى ولافندر غاليه ,:004:


والله اني اكتب ولا ادري وش اقدر اقول وش الكلمات اللي ممكن تعطيكم لو ربع حقكم
لذلك دائماً احاول ارد عليكم ب الفعل لانه ابلغ من الكلام
واقولها واكررها لو سعيت بأقصى جهودي مالحق جزاكم ..
لآفندر اتعبها كثير خلف الكواليس وتشيلني شيل < يقال اني بمدح :cheese:


وكل الاداره والله ماهي تقصر معي وكلن يقول آمر وسم وابشر
ولكن حق علي ان اذكر على وجه الخصوص ( ابو محمد )


أبو محمد

انسان لو اتكلم عنه منه هنا الى ماله نهاية ماخلص من مواقفه معي
يشهد الله اني اكثر مشرفه غثيته بالاسئله من بداية اشرافي كل شي يابو محمد يابو محمد
والى الان :hahahahahah:
ليش ذكرته هو لأنه كان معي من الصفر الى وقتنا الحالي , كل صغيره وكبيره بالقسم ,عنده
علمني كثير وغيرني كثير بتوجيهاته ..
فأي تكريم لي ما اقول الا بسبب هذا الرجل , ماسويت شي انا
اذا الاداره تشوفني مميزه فهو من فعله ..
وعز الله انه وافي ولا عليه قصور ..


:
بعض الاعضاء يحسبون ان المشرف على راسه ريشه ولايخطي ولايوجه ولايعاقب حتى
ولكن الصدق عكس هذا كله ..
حنا كلنا نخطي واكثر من يخطي انا والخطأ يغيرني للافضل ..
عن واقع تجربه اللي يظن ان الاشراف تميز وفشخره بين الاعضاء لاوالله ماهو كذا ابد
الاشراف ( مسؤوليه - امانه- تطوير للذات )


انت مسؤول امام الله قبل الاداره
ومؤتمن على قسمك فكل شارده ووارده مسؤول عنها
وتطوير الذات حاجه شخصيه تكتسبها مع الايام :019:




بيض الله وجيهكم جميع ولاهنتم واسأل الله ان يرزقكم من حيث لاتحتسبون
واتمنى بأني اكون عند حسن ظنونكم واكثر , :rose:

[ريمنقو]

-


وَالمَوتُ آتٍ وَالنُفوسُ نَفائِسٌ "
" وَالمُستَغِرُّ بِما لَدَيهِ الأَحمَقُ

وَالمَرءُ يَأمُلُ وَالحَياةُ شَهِيَّةٌ "
" وَالشَيبُ أَوقَرُ وَالشَبيبَةُ أَنزَقُ

وَلَقَد بَكَيتُ عَلى الشَبابِ وَلِمَّتي "
" مُسوَدَّةٌ وَلِماءِ وَجهِيَ رَونَقُ

حَذَرًا عَلَيهِ قَبلَ يَومِ فِراقِهِ "
" حَتّى لَكِدتُ بِماءِ جَفنِيَ أَشرَقُ


انزق= الطيش
لمّتي= الشعر



:verycute::rose:

[ريمنقو]

-



http://d.top4top.net/p_29u5zu0.jpg (http://up.top4top.net/)




من اول(ن) طيري طير القرانيس
متعلق (ن) مابين ارض وسماها

واليوم عوّد واتعوذ من ابليس
حسبي على الاعيان ربي عماها





اللي يعلمني وش اقصد بهالبيتين له 1200 نقطه تنطح نقطه
:cheese:

[ريمنقو]

-


قصه حصلت مع قريب لي بالشركه ..

يقول عندنا واحد توه شباب مابين 22الى 25 ..
هو وحيد أمه وابوه وساكنين في ديره بعيده عن مقر عمله وهو مضطر يبتعد عنهم
أمه وابوه يوميا يكلمونه من بعد الدوام الى الفجر ..
الولد ماينام زين حالته حاله وعيونه تعبانه من قلة النوم ..
دايم يطلب نقل لديرته ويجيه رفض ..
قالوا له كلم فلان الفلاني لحيه غانمه وبيساعدك قال وين مانقلني اللي قبله وصعبه اجيه
المهم انه صعب المهمه في عينه لدرجه اليأس خلاص رضى بالمكتوب ..
وفي يوم من الايام واقف بنص الطريق يبي احد يوصله لمقر عمله

ف وقف له اللي قالوا عنه لحيه غانمه ..( مايعرفون بعض)
المهم ويركب الرجال ويبدا سوالف معه ويعلمه بكل قصته
وقال الريجيل قالوا رح لفلان لكن والله اني ماقدر واخاف يردني مثل اللي قبله
وانا والله وحيد أمي وأبوي وكل ليله مانام لأنهم يكلموني ..

فقال له وإذا قلت لك انه انا و نقلك من الحين تم
قعد الولد يبكي :(
المهم نقلوه وضبطت اموره

لكن انا استوقفني فعل الولد وكيف ربي سخر له الريس
لانه صدق ونحسبه والله حسيبه انه من البارين

احيانا نشوف بعض الأمور مستحيلة ولكن اذا اراد الله سخر لنا من لانتوقعه
وفي ظروف لانتوقعها وموقف لانتوقعه ..
لان الله اراد ،،
لذلك دائما اقول مافيه شي مستحيل أبدا ابدا

[ريمنقو]

*,




للي يكتبون شعر او نصوص أدبيه .. كيف تقدرون تنشرونها للكل ؟
يعني انا اكتب احياناً بس ما احب احد يقراها .. احسها اسراري يعني اكتب بمشاعري .. شيء متعلق فيني ..
احس شيء خاص لي انا .. ما احب احد يقراها و لا يشاركني فيه ..
احسدكم على جرأتكم و الله ..
ههههههههههههه انآ احس دارك تقصدني بسؤالهآ .. :hahahahahah:
هو على حسب بيئتك اللي نشأتي فيها , انا لقيت تعزيز لدرجة المشاركه بحفلات والخ
فمن هنا كانت الجرأه :verycute:

بالنسبة لي مهوب كل شي يشاركني فيه الغير , فيه حاجات محد يدري بها ابد
من القلب للقلب وفالقلب , حتى اني ماكتبها على ورق او في مذكره الجوال علشان محد يطيح عليها بعدين اذا مت :hahahahahah:
لاني اعتبرها اشياء خاصه جداً وهي سر من اسراري ..
وبعضها اقولها للي حولي اخذ ارائهم , بدون نشرها بالنت
وبعضها اكتبها بالملتقى كـ ذكرى ابيات بسيطه مسويه حادث في غالب الاحيان :biggrin:
واعدّ بويتاتي من النوع الصعب فهمه لان بعض الاحيان يكون مقصده مبطّن :(100):
فحتى لو كتبت الكثير مااراح يفهم قصدي على ماعتقد :(85):
ولكن كل اللي طرحته بالملتقى اشياء عاديه ماعتبرها سر:icon9::004:
بالعكس المفروض كل من له قدره على الكتابه لو بشي بسيط لو " محاوله "
يكتبها ويعرضها للناس حتى يقدر يطورّ من كتابته ..
ومثل ماقلت مهوب كل شي ينقال بعضها " فضيحه " :hahahahahah:

[ريمنقو]

_



آسمع درس لمقرر الاتصال ..


يقول لكم اثبتت الدراسات ان النسآء اكثر استجابه للاقتنآع من الرجآل ..


وانتم تقولون المره راسها يابس وعنيده ولاتقتنع بأي شي
لكن الصدز انا اشوف انها ماتقتنع ..
ياخي يكفي اذا راحت للسوق بلشت ماتدري وش تشتري ولو اشترت لها فستان ورجعت البيت تعطيه نظرات ثلاثية الابعاد لين تعيفه < هنا البلا صدق
وش يقنعها انه زيين الحين :hahahahahah:
عادي ترجع للسوق حتى لو هو مقفل اهم شي ترجعه :(269):

[ريمنقو]

-


عندي يقين صادق بأن الله بيعوضني خير من اللي فقدته
ويجي اليوم اللي أبشركم بهذا باذن واحد احد

الكل يتحسر ويتضايق ويحزن لانها طبيعه بشريه
ولكن كل شي يهون اذا كنت مع الله

:004::004:
/

[ريمنقو]

_





وآحشتني سوالف (شليويح )
مع ان جاني عتب على السوالف الخياليه :hahahahahah:
طيب بقولكم سالفتي مع الخرفآن .. :biggrin:


ليلة عيد الاضحى لازم اجهزّ العده واسنّ الستساتسين مع ابوي :(100):
قدرّ الله بهذيك السنه ان يكون ابوي لحاله مابه رجال يعاونونه ..
وانا اليا قلت انا خرتّ جباهه الجبابره ساجدينآ < :hahahahahah:
قال بكره بعد صلاه العيد موعدنا :(173):

ذيك الليله ما امسيت ابحث بالنت عن كيفية الذكاه وكيفية الصلخ
وهل ابدأ بالصلخ من ظهره والا بطنه .. :hahahahahah:

بعد عدة ساعات قآطع حبل افكآري صوت حد السكاكين :(38):
وانا اقوم اعصب رآسي < مشتطه :lllolll:

خروفين يوم شافوني ارتاعوا احس ان نفسه تقول من ذي ام قشه عساها اللي بتذبحنا
هي لو تشوف قشتهآ لحالها تجيب الجلطه , اعمل نفسك ميت يالخوي
قال خويه لاوالله شد ياولد وحط رجلك لاتمسكك ثم والله تغدي مقلقل

والله الخرفان تعاونوا علي واحدن يميني وواحدن شمالي
وكلن يفرك رجلينه ويجهز قرونه للنطح ..
يفتل قرونه ( حركه زي تفتيل الشنب عندنا ) :hahahahahah:

مسكت لي واحد , والثاني يتعزوى ويفتل قرونه وينطحني ( تخيلوا شيله حي من يقدم ولايحسب حساب الظروف )

وبعد عنا وجهد جهيد تم ربط االاول وسدح الآخر:hahahahahah:
< سويلفه سامجه , مانيب مكمله الجزء الثاني من القصه لانه اسمج من الاول :hahahahahah:



/

بقولكم انتم مثلي مايجيكم الا مسجات دعايات
ولايتصل عليكم الا شغالات وسحره > اي رقم دولي ساحر:biggrin::hahahahahah:

[ريمنقو]

_


اشتد تعب ( وليدي ) قبل عدة اسابيع تقريباً . .
فماله الا البكآء ويمسك يدي ويشد عليها بكل قوته ..
هزتني كل التفاصيل وخصوصاً مسك اليد :(


لاباس ياكل الغلا وألف لاباس ..
لاباس يانبض الحشى والوريدي

دمعك يسّل الحال ويضيّق انفاس
ودمع الحزن ياعين وشهو يفيدي

بكاك قطّع قلبي اخماس واسداس
واللي يزيد الهم مسكتك لايدي ..

[ريمنقو]

-


اول بيتين بعد الترقيه .. :biggrin:



طبع الوفي يبقى وفي مهما رقى
مايختلف لا بالزمآن ولا الظروف

خوته تبقى دايم بوضح النقا
وان شاف له هزلات ماكنّه يشوف


اللي تعجبه يحط لايك ..

[ريمنقو]

-



احيانا يأخذ الله منك واحد ويعوضك باثنين
فإذا اخذ فاحمدالله وأساله ان يعوضك بخير من مافقدت
يجيك العوض هديه

يالله احبك ..

[ريمنقو]

_


آنصحكم بإقتناء كتاب ( صور من حياة الصحابه ):004:كتاب ما املّه , اقرأ فيه لي 4 شهور ومازلت ببداية الكتاب ,
من جممال القصص اللي فيه اقرأ القصه اكثر من مره :verycute:
رجعت 1400 سنه وعشت ايام تبكي القارئ شوقاً لذاك الوقت وللرسول صلى الله عليه وسلم:004:

لايفوتكم .. :biggrin:
وللمؤلف سلسلة عن سيره الرسول و صور من حياة الصحابيات .. :(204):


/

اكثر الكتب مبيعاً كتاب ( تثريب ) , بصراحه ماشفت فيه الشي الكبير اللي يستحق
بعكس كتاب ( اقوم قيلا ) لنفس المؤلف كان افضل منه رغم تحفظي على بعض مايقول

يمدحون الزنزانه وش رايكم به , مابعد تهورت :(107):

[ريمنقو]

__







مآيحسون اللي يسحبوني بالغصب مايبوني احبحب جدتي:139:كانت بالمستشفى ومنعوني ما ازورهآ وسكت ..
قلت ( تكفون ياللي تشوفونه ابي شوفه )

لي فتره ماشفتهآ ويوم شفتهآ ماتمالكت نفسي ..

من اول اذا دخلت بيتها اسمع ترحيبهآ :bawling:
والحين الله يشفيها ويعافيهآ يارب ماتتجاوب معنآ الا قليل


ايي والله ان حالها محزني كثير
ويوم ابي اخفف حزني اسولف معها قالوا لي اسكتي لاتتعبينها
طيب انا اتعب :verycute:
لا احبحب ولااسولف


خلوني احب خشمه والمس كفوفه
لو كان اشوفه من الجمعه الى الجمعه :18:



/

قلت لجدتي , يالنوري غاديتن بنيه ماشاء الله عليتس
هنآ واحدن جاي يقول ابي نوره انتي بتوافقين ؟
قالت منهو < تسن علومها زانت مع طاري العرس:hahahahahah:
قلت من ربعتس وتاجر , قالت ماخبرت واحد من ربعي تاجر :hahahahahah::hahahahahah:

يارب تشفيهآ وتشفي كل مريض :rose:



اهداء لكل اللي يجرجروني مايبوني معها




https://www.youtube.com/watch?v=NTqhbmQEEjw

[ريمنقو]

-




يقول جدي " رحمه الله "

الموت في قآع الرقبه < دائما يرددها
يوم دخل المستشفى وبعد شفائه كتبوا له خروج ..
خلاص الرجال بعافيه وبيطلع ، وهو جالس فجأه مسك رقبته وعليها

الله يرحمه ..

الموت في قآع الرقبه

[ريمنقو]

-



اضحك وابتسم ترى الدنيا فانيه :icon9:

[ريمنقو]

-

الوعد بأول شهر مارس يالله انك تتتم فرحتي:004::(269):

[ريمنقو]

-




تعرفون شعور اذا تكتبون بمذكرات و تحطون الدفتر بمكان بعيد عن الأنظار
ماتبون احد يقرا هبهبتكم هههههههههههههههههه
ويطيحون عليه ويقرونه:hahahahahah:
حسيتوا بشعور الاحراج اللي يقطعك ترليون قطعه ؟:hahahahahah::hahahahahah:

انا كذا بعد مادخل مدونتي ابو راشد (king) رئيس المجلس بكبره :hahahahahah::eek:
تعالوا دوروا وجهي معي ماعاد عينتّه اللي يلقاه يعلمني:icon9:
كان يحسبني شخصيه عقلانيه لكن الحين اتوقع تغيرت علومه مع سالفه الخرفان :hahahahahah::hahahahahah:

خلاص مت:71: :icon9:

دخل ناو من قبل وعادي ولافندر وأبو محمد ، زي اهلي يمونون :hahahahahah:
بس ابو راشد ضيف جديد كان مفروض اكنس المدونه وانفضها :(269):

بجلس شهر مستحيه:hahahahahah::icon9:

[ريمنقو]

انا لي 8 سنين موجعتني كلمه مكونه من عده حروف
متخيلين تعمل هوآيل :019:
فما بالكم بكلمه تهوي بصاحبها في النار سبعين خريف :icon120:

انتقوا كلماتكم بدقه واعرفوا متى تقولونها
ولاترمي قلبن يحبك :019:

[ريمنقو]

شكرا على المشاركه الوجدآنيةة .. بس ترى علومي طيبه والحمدلله , انا مااتشكوى من شي
والخوآفي ربي اعلم بحآلها والله يعيننا على مابتلانا به ويكتب اجرنا,,

اليوم اسعدني خبر , وحده تسألني عن تدوينه يمكن ب 2013 او 2014
قديمه ولكنها مفيده وانا مادريت والمسكينه راحت تفر المدونه لين لقتها:hahahahahah:



ياشراف القسم لقفى بي الوقت احذفوا كلامي اللي ماله داعي واتركوا المفيد :oao:






ودآعاً ..

[ريمنقو]

-


عيب العمل الجماعي انك ترتبط مع أعضاء المجموعه ويربطك الوقت ويسبب لك احراج مع زملائك
احب فالعمل أحط وقت بدايه ونهايه لاني كثير التزم بالوقت وبالمواعيد
والوضع اللي انا فيه الحين عشوائي ومسبب لي احراج مع البقيه ،

كل شي يهون ولايجيك ضيوف وذبايح ويضيعون وقتك اكثر ..
والكوم الاخر اللي ابغضه بشده اذا عندي عشا (مفطح) او معزومه ع عشا (مفطح)
هنا للأسف اجامل واسوي يعنني اكل علشان الضيف:41jg:
طيب خلوا عزيمتكم غدا :24_asmilies-com:
الرز بالليل ممنوع عندي وإذا جاملت وأكلت انام بالمستشفى:hahahahahah:
واقعد أسب آليوم اللي اكلت فيه:hahahahahah:
والله العافيه مايوازنها شي


اذكر العام يمكن تكلمت باللي حصل لي وقتها لكن بقوله الحين:064:
اي تعبت تعب اعوذ بالله

فالبدايه اول ماتعبت عادي قايمه مع الناس بس احس بشي غريب في كل جسمي
احس حتى استيعابي ماش وثقيله ومره اتنفس ومره ماتنفس


اقول للي عندي انا احس بشي غريب اول مره احس فيه قالوا مافيتس الا العافيه
قلت ان شاء الله وانا ع يقين بان اللي فيني مب طبيعي :icon120:
بديت احس بضربات قلبي :sm12:
وأصوات الناس احسها داخل راسي:019:
ولاحد صدقني لين طاح الفاس بالراس:hahahahahah:

الله لايعيده اول مره في حياتي احس بالإحساس الغريب :agolakser:
المهم اني تعالجت ولانفع معي العلاج انتكست حالتي اكثر
انا خلاص أقوم واطيح ماعاد بي حيل وتعبت من وضعي مره والعلاج مانفع معي
وآخر الليل زاد معي فلاشعوريا من قو التعب سجدت وقلت يارب مانفع معي علاج ولاشي وادعي يشفيني
مارفعت راسي الا الالم زال :icon120:
اي وقالوا اللي معي مزمن ولازم علاج دايم ، وبفضل الله لامزمن ولااحتاج لعلاجاتهم المخنزه:41jg:

الحمدلله على العافيه والله انها شي عظيم


اي بقولكم الحين اذا نحب ناس بدون سبب ونقول لهم اننا نحبكم بدون سبب
ولايصدقون وش نسوي بهم:019:
هل الحب يحتاج لموقف او صدفه او عشره علشان يقع بالقلب؟:019:

احيانا احب أشخاص من نظره تجيك الوحده وجهها سمح وينحب مثلي جعلني والله اسلم:cheese:
وأحيانا بدون حتى نظره ،
ياخي والله متعبني الموضوع:53:
ابي حل وش أرد ع اللي يسال :019:

[ريمنقو]

-

مسصب < مساء صباح الخير


كل ماقلت للناس اني عصبيه قالوا مستحيل ههههههههههههههههههه
والله اني عصبيه وقشرا
ولكن فيني حلم بدرجه كبيره وهالشي اكتسبته من الاشراف
لو يصير شي يستفزني فالسابق الحين مايستفزني بالعكس يصير وانا اقشم واشرب شاهي:cheese:

ولكن بعض المواقف تجبر الواحد انه يعصب مثل الفهم الخاطئ


المهم انا كل شي عادي عندي ويهون واضبط نفسي فيه الا حاجه وحده
لو تنقال عندي أصير قدر ضغط ويرتفع ضغطي :icon120:
ولا أمسك نفسي

الا وهي (الهقوه الشينه) من شخص عزيز علي لاحظوا عزيز علي يعني اللي مايعز علي ماتفرق معي وش هقى بي :cheese:
ونفسي تكش عنه يعني مثلا قلت والله ان اسوي كذا وكذا وقال لي انتي ؟ مهيب لحيتس :41jg:
خلاص أزعل وأهون .. هالصفه بابوي :mh12:
يقول اللي اشوف نيته معي شينه اهمّله
هالشي صار اليوم بس كان الموضوع اكبر ، ويحمد ربه ماقطعت علاقتي مع الشخص :hahahahahah:
المهم كانت الهقوه شينه في الخوه والامانه عاد اذبحوني عند الامانه :sm12:

انتم وش رايكم بالموضوع وش ردود أفعالكم بمن يظن فيكم ظن سوء و وين الحقيقه الغايبه

[ريمنقو]

_



http://www.ckfu.org/pic4u/uploads/ckfu1456072362671.jpg




حنآ بلشنآ في زمآن راعي الجزله يلام ..
اذا حكينا مشكلة واذا سكتنآ [ مشكلة ] ..!

[ريمنقو]

-


يالله فجر خير ..
شريت كتاب اسمه ( تجربتي في ربع قرن ) للعريفي
عدد صفحاته 500 وشوي ومن جمال الكتاب خلصت اكثر من النصف في يوم ..
طيب الكتاب حلو للي يواجهون الجمهور يعني في إلقاء كلمه او خطبه او محاضره او اي شي وسرد العريفي مواقف له وتجارب .. أفادني والله

باقي اسبوع على شهر مارس انتظره بفارغ الصبر لي سنين انتظر ذاك الخبر :love080::love080::love080:



/


اللي نايم وماشاف ردي فاته الأكشن اللي كتبته ، والحين عدلت الرد خلاص خف الحمل
من حظ عبدالله شاف قبلكم ، لاتعلمهم بشي ياعبدالله خله سر بيني وبينك :hahahahahah:

[ريمنقو]

-




كنت آعتقد ان [ ذوي الاحتياجات الخاصه ] هم فقط المعآقين ..
وآعتقد ان البعض كآنوا بنفس اعتقآدي ..

الحقيقه ان هذا المصطلح يشمل المعاقين و الموهوبين
يعني إنسان سوي وموهوب فهو من ذوي الاحتياجات الخاصه يحتاج الى رعاية واهتمام خاص


تعدلت نظرتي في هذا المجال ف احببت مشاركتكم وقد تكونون سابقيني بهذي المعلومه
لكن انا ماعرفتها الا العام هههههههههههههههه



غ ي آ ب ..

[ريمنقو]

مشاركه للذكرى ..

كتبت بيتين عن العتبآن واطقطق في هذا الموضوع :http://www.ckfu.org/vb/t282428.html


فقلت :


الطيب والصدق فالعتبان
في طيبهم من يجاريهم

أقولها ولاني بغلطان
ياسعد منهو يخاويهم


فجاني الرد مطفي النور :hahahahahah:وكأن صاحب الرد ضاق صدره من كلمه [ طقطقه ] :hahahahahah:
الله يذكره بالخير :biggrin:

هذا رده علي :





سلام ساخن لكم ياخوان
والطقطقه ماندانيها
ان كان شاعر ولك عنوان
جتك الرسايل ونهديها
ترى عتيبة عظيمة شان
واحرص تحاول تحديها
المدح من ماضي الأزمان
وارجع لتاريخ ماضيها
لكن تعوذ من الشيطان
والنفس لازم تهديها






استقعد عتريس وجاه الرد اللي يضيع العلووم :cheese:
فقلت :






شاعر مخضرم فصيح لسان
وجزل القصايد اجاريها

أحكم بيوتي وأجر الحان
ولاني اجهل معانيها

آليا مدحت أمدح العتبان
قبيلتن افتخر فيها

فعولهم ترجح الميزان
ولاتختلف في مباديها

والصدق يامعرب الجدان
خصله علينا نبديها

ياخوي خلك وسيع بطان
وحدودي ماني معديها

مانت بمركز وشوفك شان
بعتم الليالي ومساريها :biggrin:









اعجبني ذكائه فهم قصدي في البيت الاخير:hahahahahah::hahahahahah:




فرد علي بهذا الرد , خلاص ماعاد يقدر يقول شي حجرت له :hahahahahah:







سميت بسم الله الرحمن
على القصيدة وراعيها
حييت ياشاعر العتبان
انا افتخربك وثنيها
ماهي غريبة على الفنان
اللي يخفي معانيها
الله يحفظك من الشيطان
ذي دعوتي والك بهديها









وهو شاعر ولاعليه الكلام ماشاء الله ..
آحب اجواء المحاورات , خصوصا الجو الفكاهي لكن منقرض هالايام :biggrin:

[ريمنقو]

_



..............................!





يالله انــي دخيـلـك وانــت زبــن الدخـيـل
ويالله اني في وجهك مـن ظـروف الحيـاه
:18:
:18:
:18:
:18:

[ريمنقو]

حذفت المشاركات الاخيره واعتذر عن الحذف , بس تسبب لي ازمه .. دائماً اندم بعد فتره اذا كتبت شي حزين:no:

اقول شلون كتبت كذا وش هذي الردود الكئيبه واحذفهآ :Looking_anim:
تزين الاوضآع ان شاء الله واجي ابربر عليكم بعلوم غانمه:cool:

[ريمنقو]

-
من مثلي اذا وده يقول قصيده يضيق ويعتم جوه ..
وذاك اليوم مايتكلم ابد يحظّر للالهام:biggrin:عآد احيانا تجلس بالايام ماتقدر تقول شطر واحد وتقعد منفس
وضعي الحين كذآ ..
عاد اللي محيرني وش اقول بس ابي افضفض بقصيده مير المشاعر متصافقه
حزن على فرح على خيبه:verycute:

اي وكارهه الجامعه كره اعوذ بالله , من معطيني عين على اخر عمري:019:

الله يزينهآ من عنده يالله ياكريم

[ريمنقو]

حلمت قبل يومين .. ماراح اذكر تفاصيل الحلم ولكن بذكر حاجه اشغلت بالي

كنت بالحلم مخيره بجملتين احدهما سيئه والآخرى جيده
فاخترت الافضل طبعاً فكانت عباره عن جمله جيده ولكنها غير مفهومه في الواقع مايفهمها غيري اعتذر عن ذكرها:biggrin:

وكان يتبعهآ سؤال (وهل هنآك تعب مع الله ؟ )
اعتقد بسبب ما امر به كنت احس بالتعب فجاء هذا السؤال غيّر موازيني
في كل مره احس بتعب من هذي الحياه اتذكر السؤال ويهون كل شي

سؤال يستحق ان نذكره

[ريمنقو]

-

http://b.top4top.net/p_64xwdh0.jpg (http://up.top4top.net/)




قال من دار وقته والهموم وغثاها
بينّت كل خافي والبلا في خفاه

النفوس البريّه علموني بخطاها
الوفآ من رداها في سلوم الرداه؟؟؟

علموني تكفون :no:

[ريمنقو]

-


تذكرت موقف بالجامعه
كان عندي شغل المهم قطعت شغلي وقلت بروح اتغدى ..
في حالي ولا علي خلاف اخذت غداي وسميت ..
وتجيني وحده ماعرفها سلمت علي قلت لها حياك انطحي فالك< أعزمها ع الغدا:hahahahahah:
قالت لا بس انا جايه اسالك انتي من اهل القويعيه قلت مالك لوى
قالت الا انتي من اهل القويعيه قلت يابنت الحلال مالك لوى ..
وراحت ورجعت لي قالت قسم بالله انك من اهل القويعيه
ونشبت في حلقي لا انا اللي تغديت ولا انا اللي رحت اكمل شغلي :hahahahahah:
قفلّت معي قلت اي طيب انا من اهل القويعيه قالت طيب ليه قبل شوي تقولين مالك لوى < هذي والله البلشه:hahahahahah:
قلت ابيك تسكتين عني :biggrin:
انا مانيب من اهل القويعيه خلاص روحي والله لو أقوم من الكرسي ماتعينينّ خير < خلاص قافله معي :hahahahahah::hahahahahah:

قالت قومي وريني وش بتسوين < انا ماسكه نفسي عنها لو قمت يمكن اذبحها :no:
ناديت الأمن قلت ذي نشبت لي قويعيه وقويعيه ، وهم يشلونها مع علباها ويطلعونها برى :hahahahahah:
لاعاده الله من غدا ، صرت اشوف غداي ( القويعيه):hahahahahah:

/

انا اصبر اصبر ثم اخربها ماعندي مشكله لو اضرب اللي قدامي ضرب مبرح
اتوحش ، فلذلك دايم ماتسرع:53:
زين بعد كانوا الأمن فيه والا صارت كارثه بيني وبينها :hahahahahah:

شينه هالصفه ان الواحد اذا عصب ينسى نفسه لازم أتخلص منها :no:

[ريمنقو]

-



احلى لحظه في حياتي هي لحظة اللقاء ،،
وانتم وش احلى لحظاتكم؟

[ريمنقو]

Dark Chocolate



زعلآنه عليهآ مليون .. :bawling::18::18:
اختفت وأحس اني اختفيت معهآ:019:
دبآبها قآم ينتّع ماعاد عطاها دعسه ثانيه توصلها للملتقى:biggrin:
.. من يسلفها سيكل جبلي :cheese:

[ريمنقو]

-


صايره مواضيعي وآجده اللي ودي اتكلم بها هنا /.،
شف الحظ يوم قل دخولي صار عندي حماس اكتب ههههههههههههههه
لكن فيه شي مهم

قبل كم يوم طرحت علي اسئله كيف الواحد يتغير كيف وكيف وكيف
خلاني افكر ..

طبعا التغيير المقصود هو تغيير ذاتك من شي الى شي
فيه ناس تحتاج لمؤثر خارجي حتى تستجيب وتبدا بهذا التغيير من السلبيه الى الإيجابية
ونآس قادرين على التغيير بأنفسهم فمؤثراتهم تكون ذاتيه .. ( فئه قليله)
ونآس ماهم قادرين على التغير وحتى لو فيه تغير فهم يقاومون هذا التغيير ( فئه كبيره)

وأركز على الفئه الاخيره لانهآ متعبه ..
ودهآ تكون افضل ولكن في نفس الوقت ماتبي تكون لها قفزه تغير مجرى حياتها
فأنت كمؤثر خارجي تحاول ان تبدأ تمتص سلبيه هذي الفئه وتحاول تبدأ فالتغيير لكن يقاومونك بكلامهم وتصرفاتهم ( مستحيل اتغير ) ( انا عشت كذا وبموت كذا ) ( الكلام مايفيد ) والى اخره
فالامر هنا متعب لك ولهم ..
لابد يكون فيه قابليه للتغيير حتى يغير الله مابهم ! قبل ان يبدأ الطرف الإيجابي بالتغيير !

كل من وده ان يتغير او يغير حاجه سلبيه فيه لازم :

1- يكون عندك قابليه لهذا التغيير فعلا
2- اصرار على هذا التغيير لان المسأله ماهي بيوم وليله تحتاج وقت
3- احسان الظن بالله والنظر للحياه بعين ترى كل شي ابيض :)،< عاد لاحد يسألني شلون انا أشوفها كذا احس بالراحه النفسيه
4- لاتردد الجمل السلبيه ولاتقول ( مستحيل)



حتى بالتغير الاجتماعي هذي الفئه هي الشريحه الاكبر تقاوم التغيير بكل الطرق
لكن مصيرها بالاخير ترضى بهذا التغير وتشوفه مسأله عاديه ومقاومتهم له تخلف حضاري !

كتبت ع عجل والموضوع مره كبير ومتشعب
عطوني ارائكم بكيفية التغيير !!

[ريمنقو]

_






http://www.ckfu.org/pic4u/uploads/ckfu1457697753061.gif




اما حضور [ يجملنّي] بوسط الصدر ..

والا غياب يخليني مثآر السؤال ..!




/

[ريمنقو]

-



من مآ سمعت والله اني ناسيه اذا كان من الصحابه او الصالحين
ولكن يقول ما دعوت بدعوه في رمضان الا استجيبت قبل ان يحول حولها
وانا اقول صدق والله ..
ولنقيس هذا على بقية موآضع الاجابه ..

[ريمنقو]

-


اقسى شعور انك تكون مع شخص سنين وبنين وتعده من اهلك
لكن يبور فيك .. وتصير انت وياه مثل الضيوف اللي مايمونون على بعض ويتحاشا كل منكم الاخر ..!
وفي نفس الوقت تذكر كل لحظه كيف كانت !
يوو ومن وفائك ومحبتك يحزنك مايحزنه رغم كل شي .. !

بصراحه مثل هذا الوفاء ماشفته بغيري :biggrin:

[ريمنقو]

-

فيه شريط بلايستيشن نظامه open world يعني نفس نظام شريط gta
المهم فكرة اللعبه إنسان يثير الشغب في البلد ويسرق ويذبح نفس فكره gta
لكن هذا يدير العالم كامل عن طريق جواله وكل العمليات تتم لاسلكياً
يعني يقدر يحط الإشارات كلها خضراء .. يقدر يفتح اي صرافه ويسرق فلوس
اي كاميرا مراقبه في اي محل يقدر يشوفها من خلال الجوال
أي سياره يبيها ياخذها وابن امه يتكلم ولو بلغوا عليه مصيرهم الموت :hahahahahah:
يلعب بالعالم لعب عن طريق جواله ..
اعجبتني الفكره تخيلوا لو تصير حقيقه عندنا ؟:cheese:

اعتقد مع الايام بتصير الجوالات فيها مثل هذي الخاصيه
فمثلا اللي مسؤول عن لمبات الشوارع يقدر يطفيها ويشغّلها عن طريق جواله وهو منسدح ببيته:hahahahahah:

[ريمنقو]

-




اذا رأيت من شخص ما يسوءك
فلا تخبرني عنه ..!

[ريمنقو]

-



اثنتين ماتزيد الانسآن الا رفعة عند الله و خلقه ( ان شاء الله )
الدين و حسن الخُلق

[ريمنقو]

-

الى كل اب و ام
لاتتركون العمل ومشاغل الحياه تبعدكم عن ابنائكم ..!
ابنائكم يتألمون بصمت .. واقصى تعابيرهم الاحتضآن او اقل من ذلك !!
يحتاجون لكم اكثر من اي شي آخر وهم بسن صغير فلاتحرموهم انفسكم



- اعتذر عن حذف نصف ماكتبت :rose:

[ريمنقو]

-

اذا وثقت بنفسك وبقدراتك
فلن تؤمن بالمستحيل

[ريمنقو]

-


لاتحصر الكرم في المال فقط ؟!
اذا اكرمت فأكرم بكل شي بالفعل والقول الطيب لان الكرم ماهو دايم بالعزايم
الكرم في كل شي بهذي الحياه ..!

[ريمنقو]

-


ادعوا لي بالشفاء في كل ليله لابد من الذهاب للمستشفى حتى استريح بمنامي
قدر الله قبل يوم ان ينقطع عندي التنفس ، مسكين الانسان والله ضعيف ضعيف
لولا رحمه الله بنا حنا ولاشي
الحمدلله على ماكتب والحمدلله على العافيه فلو العافيه تباع وتعطوني كل أموال الدنيا مافرطت بالعافيه نعمه عظيمه نجهلها
فاحمدوا الله

[ريمنقو]

-





دكتور [صفوت] طلبتك تكتب افراجي
ماهو بحقٍ تحرم النفس وتشقيها

مانت بمداوي الوجع ماعندك علاجي
تكفى طلبتك من [الجرعات] تعفيها




# لعب فينا دكتور صفوت :019:

[ريمنقو]

-

الله يجزاكم خير جميع من دعا لي وذكرني بدعواته ..
وانا مانسيتكم من دعائي ..
الحمدلله على ما أصابني حتى يبلغ الحمد منتهاه ..
شكرا لكل من ذكرني بالدعاء وشكرا لكل من وقف معي ومسك أمور الجامعه في غيابي

عدىّ الشر ان شاء الله والله يتم ويمن علي بعافيته
مازلت أعاني ولكن لطف الله وسع كل شي ..

سبحان ربي في غمضه عين بين عشيه وضحاها يبدل الحال الى حال
فالبدايه كان مرض عادي (حمى ) ولكن وصلت الحراره الى مايقارب 40 الا نصف
والأمور بدت تتغير وتتضاعف فماصارت حمى انقطع التنفس !
اسبوع كنت يوميا اروح واجي على المستشفى فكانت حالتي مره توب ومره داون :biggrin:
والحراره مستمره في كل يوم

سويت أشعه على الرئتين وحده منهم كأنها ماكوله مافيه الا نص رئه سليمه :71::lllolll:
فقال دكتور صفوت (تنويم) مافيهاش كلام والله كأنه صفقني دارت الدنيا والشريط أنعرض احسب اني بموت :hahahahahah:
لانه من كلامه خوفني وينافخ علي يوم جا يكشف يرفع صوته لفي ع جهة اليمين واذا كحيت يهاوش
ياخي نفسيتي تعبانه وانت تتعبها اكثر وش ذَا سجن مب مستشفى:hahahahahah:

كنت على كل جهد اتعب تعب شديد كأني في سباق ماراثون
الكلام يتعبني والى الان يتعبني فما اقدر على ان اقول ( الحمدلله رب العالمين ) جمله واحده
حالتي تحسنت كثير بفضل الله عن السابق رغم وجود التعب الى الان ولكن الحمدلله قبل حرف واحد والله ماقدر على نطقه

المرض دائما أراه نعمه من الله لانه يخليني احس بعظمة العافيه
فمن كان ينام على جنبيه وعلى بطنه وظهره ويتلذذ بمنامه فليشكر الله والله اني الان اتمنى انام فقط براحه
فالتعب يجبرني ان اجلس طول الوقت حتى وقت النوم جالسه
واالحمدلله
تذكرون يوم حلمت بذاك السوال ( هل هناك تعب مع الله ) كنت كل ماقلت تعب ذكرت هذا السوال فهان كل شي علي :love080:

:
اكثر شي فقدته اثناء التعب وأفقده الى الان هو ترديد الآيات مع القارئ
فالسابق يوميا افتح ع مقطع سوره البقره او اي سوره احفظها وابدا اردد مع القارئ
امس حاولت لاني اشتقت لهذا الفعل ولكن ماقدرت كني مكينه سياره تنتع قاطعني من كان معي قال اص اص لاتتكلمين صجيتينا:hahahahahah::hahahahahah:



حبيت انقل لكم شي مريت به ، وأقولكم اني باذن الله وبحوله وقوته بخير والشعير بخير :biggrin:
اسأل الله العلي العظيم ان يشفي كل مريض ويلبسه لباس الصحه والعافيه ويكتب اجره

شكرا مره ثانيه لكل من خصني بدعوه وخصني بسؤاله واهتمامه وخصني بتذكير و وصايا
ف والله مايخفف العنف النفسي اللي سببه دكتور صفوت غير كلماتكم ووقفاتكم :tongue:
اسال الله ان يسعدكم ويحفظكم ويحفظ أحبابكم وابنائكم من كل مكروه

موقف الأب يشوف بنته تتألم وهو مايملك شي شعور قاسي وده يحط كل مايملك لأجل العافيه فقط
فالله لايذيقكم حر هذي المواقف ويبعدنا واياكم ومن نحب عن كل مكروه ونعوذ بالله من الامراض وسوء الاحوال وانقلابها
:004:

[ريمنقو]

-

اقرى بعض التدوينات وتذكرت حلمي في ابو بكر رضي الله عنه
ماراح اقول التفاصيل ولكن ودي اوصفه لكم تخيلوه ..

طويل ونحيف وابيض
شعره اسود قصير وشبه كثيف
لحيته قصيره وماهي كثيفه وله زوائد على الخدين فيها شيب وباقي لحيته سودا
خشمه طويل وعيونه صغيره ووجهه طويل رضي الله عنه
واسع الفم واسنانه تقريبا كلها بنفس الطول ومتراصه مافيها فراغات :oao:
اعرف اوصف؟:lllolll:

يمكن هذا الحلم العام او قبله يعني قريب ..
وللحين مستانسه اني شفته وبوضع جميل ومكان اجمل :004:

[ريمنقو]

-


عندي حبوب تسبب النعاس اذا اخذتها لازم انام
اخذت لي حبه بعد صلاه العصر وتجهزت لمتابعه محاضره ..
بدأت الدكتوره السلام عليكم ورحمه الله طلابي وطالباتي .. ونمت ماقمت الا وهي تقول استودعكم الله طلابي وطالباتي:hahahahahah:
عاد نومة العصر شينه تخلي الواحد منفس ومصدع :24_asmilies-com:
المهم ان حالتي اليوم منتكسه يارب سلم سلم احاول اكون على مايرام:sm5:
لكن تطورت الحاله الى اني ماقدر أمارس اي نشاط بسيط ، اليوم اول مره احس بمثل هذا الالم
يعني الصلاه ماقدر عليها ولا حتى الوضوء الا بمشقه
وبما ان هذا اول يوم لهذي الحاله الغريبه قلت بصبر لين بكره واشوف الوضع


الحمدلله فما زلت بعافيه الله يتمها ..
احيانا اسولف بمثل هذي المواضيع لاني أبيكم تكثرون الشكر والله مقصرين كلنا بالشكر
والله وعدنا ان شكرنا زادنا .. :rose:

[ريمنقو]

_


وش اسوي بالنتفه اللي عندي ياناس .. :biggrin:

اذا شاف له واحد ملتحي غنى له ( يامطوع لاتلوع انتا الالوع )
واذا جلس جنب احد قال له ( خلك بدنبي لاتخليني ) :biggrin:
واذا صار اكشن غنى ( حي من يقدم ولايحسب حساب الظلوف ) وينطلق فازع :hahahahahah:


ينوكل اذا قال يامطوع لاتلوع :hahahahahah:

[ريمنقو]

-



مما تعلمته بتخصصي

اذا جاء العميل وبدا بالمشكله واسترسل بالكلام ويتكلم بالم وحرقه
ماقول له ( حاسه فيك ) او اي كلمه تشعره بقدر ألمه وتعاطفي معه
بمعنى بعض الكلمات اذا قلناها تزيد من المشكله ونحن نظن انها تخفف من الضغط النفسي
لاحظت فعلاً اذا قلنا ( حاسه فيك ) نشوف البنت تبدأ تبكي او تزيد بالبكاء وتزيد سلبيتها

معلومه جميله مفيده في حياتنا اليوميه ..

[ريمنقو]

-

كاتبه معرفي بالعربي واشوف الناس تبدع في كتابته مره رمنقوا ومره رمينقو ومره رمنقو
وانت ماشي . .

قررت أغيره جدياً الى :hahahahahah:

1- R E M N G O

او

2- أم جركل

او

3- ام معيض


صوتوا رقم 1 او 2 او 3 ؟؟؟ :cheese:
بكل صدق كنت افكر برقم 2 :cool:

[ريمنقو]

-
http://a.top4top.net/p_9041330.jpg (http://up.top4top.net/)


بعض من شغلي السري ..
تعمدت هذا التصوير الرديئ لان فيه معلومات سريه للمواطنين:biggrin:

من زمان عن الشغل من عقب التعب ماعاد سويت شي
الله يبعدني عن الانتكاسه المفاجئة < شايله همها :sm18:

[ريمنقو]

-



لايغرك رفيقك لو بوجهك ضحك
مايبين الرفيق الا بوقت اللزوم

،

الجمآيل تبيّن والمواقف محّك
من قوي العزوم ومن ردي العزوم !

[ريمنقو]

-


كم مره اكلتي علك ونمتي به ولزق بشوشتس ؟:biggrin:
علميني يا اختي االفاضله ستر وغطى :hahahahahah:

( تكمله للحدث )

وتمسكك امك بهالشعر المعلوك < يعني فيه علك :lllolll:
وتعطيك كف حلاقه مع كم تهزيئه وانتي تمغطين علكتس نصها بفمك والنص الثاني بالشوشه:hahahahahah:

اعترفي ، شايفتس انتي يام علكه

[ريمنقو]

-


مدري اسميها طفله او مراهقه او تنضم لأي فئه !
عمرها 10 سنوات وتتباهى ب ( حبيبها ) مايتعدى 14 سنه والحب مقطع قلبهآ وعقلها مُعلق به

حرام والله تُقتل الطفوله وتنتهك البراءه !
والسبب ؟؟ وسائل التواصل الحديثة بين ايديهم دون اي رقابه ..!

استفزني الموقف واحزني بأن الحال وصل الى هنا لاحول ولاقوة الا بالله
الامر ماهو بسيط ، انتبهوا لابنائكم وبناتكم ..

[ريمنقو]

-

اكثر مايتعبني اني اكون بين طرفين متخاصمين ..
الطرف الاول يفضي طاقته السلبيه وانا اسمعه .. والطرف الثاني نفس الوضع
انغث من الكلام كل طرف يعيب الطرف الآخر دون اي مراعاه ،،

فالآخير نسدد ونقارب ونحاول إصلاح الحال فاذا تصالحوا بقى الأثر في نفسي
والله ما احب الزعل ، أصدقاء يتخاصمون ، اخوان يتخاصمون والخ

اذا صرتوا بهذا الموقف انتبهوا تنقلون الكلام اللي ينقال للطرف الاخر
لو توصل للكذب اكذب لأجل إصلاح الحال وان شاء الله ماعليك اثم

الله يصلح الحال ويطيبّ النفوس

[ريمنقو]

-



كثير من الناس يتمنى عنده مال قارون ..
لازم بكل مجلس نسمع ليت عندي فلوس والله لأسوي وافعل وافلها
لو عندي فلوس ماكانت عيشتي كذا وماكنت مهموم وعلى ظهري ديون وطلبات ومصاريف
الله كريم يارجال ويامره:24_asmilies-com:
وش نسوي وانا اخوك قشران حظ :064:
شف فلان ربي رازقه ومريح وفالها ، شف فلان سفريات وشغل ولاهو بحولنا

يحسسونك من كلامهم ان السعاده كلها فالمال
كثير من الأغنياء ماهم سعداء ولاهم مرتاحين وحياتهم الخاصه اغلبها مشاكل
عمر الفلوس ماجابت السعاده وراحه البال :icon9:
هذا شي لازم يعرفه الكثير الفلوس ماهي كل شي بالحياه :icon9:
وش الفايده غني وحياتك فالحضيض :icon9:

ترى والله اني صادقه بكلامي يمكن بعض اللي يتمنون الفلوس يقرون كلامي ومايقتنعون:icon9:
لكن الفلوس تخرب ماتجيب السعاده زي ماتظنون:cheese:
الا في بعض الأسر :(269):

ف اقنع بقسمك واقصر نظرك عن رزق الآخرين ..
وتأكد ان اللي تشوفه عينك ماهو كل شي ، ممكن تشوف ان هذا الانسان سعيد
لكن اذا خضت بخصوصياته عرفت ان كل حياته معتفسه

والله كريم :verycute:

[ريمنقو]

-



انا بخير وفي تحسن بفضل الله والله يتمها عافيه
باقي الكلام والحركه اجد فيها نوعاً من الصعوبه لانها تتطلب جهد
والحمدلله في تحسن تدريجي ، الله لايعود ذيك الايام

شكرا لمن سأل

[ريمنقو]

-

/

:

ولا كل كلمه في الضمير الصحيح تقآل
صحآح الضمآير مشكلتها ضمايرهآ !

،

،

[ريمنقو]

_


طلعت مره للملآهي , المهم وآقفه انتظر الورعآن يخلصون لعبتهم
وكنت افكر بشكلي وانا شايله دُمى واتمشى بهآ :hahahahahah::biggrin:
وقآطع تفكيري صوت جآي من جهة اليمين , التفت يميناً فاذا بهندي ماسك اذاني ولده
وينفضه نفض والولد مافي وجهه اي تعبير حتى مايرمش :bawling:
والاب يرطن مدري وش يقول وينفض الولد ويهاوشه وصوته عآلي
لكن اللي فهمته ( ليش تروح لحالك يالهيس الاربد ) :hahahahahah:
وبعدين يقول هآ ؟ انا وش قلت لك لا تتعداني خلك هنيّا :71:
والولد مازال مذهول ومصدوم مايرمش ولايتكلم ولاشي , احس جاه ارتجاج بالمخ من قو النفض :icon9:

عنيف الاب ما اكتفى بالهواش ولا اكتفى بمسك اذن وحده ماسك الثنتين :icon9:
وبعد ماخلص كلامه فك اذانيه من قو الفرك صارت حمرا بعدين تغيرت نبرة صوته الى نبرة حنيّه فجأه :119:
ويمسح على راس المسكين وراحوا , بعد دقآيق واناا امشي شفتهم قدامي راكبين دباب يلعبون والامور بخير :hahahahahah:


طفل يمكن عمره 5 سنوات , تحزنه نبره شينه وتنسيّه لعبه :icon9:
ماهو اسلوب فالتربيه الاطفآل مايستاهلون الا الحب والرفق والعطف:icon9::004:

[ريمنقو]

_



بعض التساؤلات تجبرنا على التأمل والبحث عن جواب لهآ ..
قبل ايام قرأت تساؤل هل تحليل الشخصيه علم او تكهنات !
فكان جوابي بأنه علم مبني على التجارب ..


لي قراءات سابقه في تحليل الشخصيه عن طريق ملامح الوجه
فجميع ملامح الوجه لها معاني , فمثلاً اصحاب الجبهه الكبيره اذكياء
وفعلا كل ماواجهت ابو جبهه القاه ذكي , ذكي جداً:cheese::004:
والكلام يطول ولكن ضربت مثال بسيط
احد الكتب اللي قرأتها كانت لـ الدكتور مصطفى الفقي يشرح كل هذي التفاصيل


ومن ما تعلمته من دكتوره بريطانية كانت تدرسني اللغه في تخصصي السابق
تحليل الشخصيه والحاله الاجتماعيه عن طريق الرسم .. سبق ان ذكرت هذا بالمدونه وشرحته
وجربته على كثيييييييير من الناس عدد لايعد ولايحصى وكانت النتائج 99% صحيحه
حتى اني ادخل في تفاصيل خاصه بالاسره وظن البعض انه تكهن او سحر:hahahahahah:

[ريمنقو]

فالتدوينه السابقه غلطت باسم الدكتور

هههههههههههه دكتور مصطفى الفقي أستاذي في الجامعه
كنت اقصد الدكتور إبراهيم الفقي توني انتبه للاسم هههههههههههههههه
ولا احد يصحح شكلكم اصلا ماتقرون:hahahahahah:

[ريمنقو]

_



الله يطيب خاطر كل من يطيب خاطري لو بكلمه :rose:
ويسعده ويوفقه ويجعل له من كل ضيق مخرج :love080:
ناس ما املك لهم سوى الدعاء فيارب تقبله مني

/
/

[ريمنقو]

-

ليت لي قدره على العافيه والله لأخذ من عافيتي لأبوي:icon9:
يالله لاتحزني عليه وتحفظه وتطول بعمره وتمده بالصحه والعافيه
وآباء وأمهات المسلمين اجمعين

[ريمنقو]

_


لو لي سلطه على شروط المدونآت كان حطيت بالخط العريض
ممنوع التدوينات المحزنه واللي بيكتب باند شهرين :cheese:

ما احب اقرا الآلآمكم اعيشها معكم واتألم الم الله يعلم به
اتقلب مع تقلب مزاجاتكم :41jg::cheese:

مثل بعض الناس اللي كآتب عن ابوه , حاسني :redface:

[ريمنقو]

_




https://www.youtube.com/watch?v=OI8ZG_7U6cQ



المنكوس يحوسني :icon9:
فقدت جر المواويل والصوت من عقب التعب :cheese:
منكوس وخط خلاص هنآ تكمن الراحه :hahahahahah:
حالتي اذا سافرت مع ابوي لازم فقره جر المواويل مره منكوس مره مسحوب وانا ماشيه:hahahahahah:
يخرب برستيجي البنت مفروض ناعمه ماتعرف تغني الا طيور الجنه وانا الله لايبلاكم :hahahahahah:
عاد ليت الصوت يشفع , مدري وش مصبر ابوي علي :hahahahahah::hahahahahah::hahahahahah:

[ريمنقو]

-

اللي مافيه خير لاهله مافيه خير للناس ..
ومافيه خير من يشح بحلاله ع أهله وعلى الناس ..

ان كنت في عون اخوك كان الله في عونك ..
وماينقص مالك وهو لأهلك وللناس اللي تبي فزعتك ..
كل شي فاني الا إحسانك واعمالك الصالحه :004:
ومب لازم الكل يدري انك سويت معروف لفلان وفلان .. خلها لله وفالله

[ريمنقو]

-


الحمدلله على العافيه والحمدلله على كل نعمه منّ الله علينا فيها ..
العافيه والوالدين شي عظيم فالله سخي بالعطايا فالنعمتين اعظم عطيه فالحمدلله

كونوا من الحامدين الشاكرين :004:

[ريمنقو]

-


مما سمعت

رجل يشتكي لشيخ من الالام بظهره
فقال له تعاني من توتر وقلق وأرق ؟ قال اي نعم ياشيخ
قال قبل كل هذا كنت توسوس وحسيت بالالام في بطنك قال الله الله

تعجبت من الاسئله ، كمل كلامه الشيخ وقال له
الوسواس ابدا مايكون في العقل هو يبدأ في الصدر كما قال الله ( الذي يوسوس في صدور الناس )
ثم بعد ذلك ينتقل للبطن ثم يذهب للعقل فيقتنع به الانسان فيبدأ بتطبيقه
فقال المتصل زاد معي وجع ظهري لدرجه ماقدر أتحرك .. < المتصل ماستفاد شي من الكلام فرجع يطرح مشكلته
قال له الشيخ اعلم كل ماتود ان تقوله ولكن عليك بالرقيه والحجامه !

اثار تعجبي بطرحه وكلامه ..!
من وجع بالظهر الى وسواس والم بطن !
مدري وش الرابط بينهم ولكن اللي مقتنعه به كمستمعه انه يخثردز عليه دون هدف ؟

[ريمنقو]

-


صار لي كم يوم اشيل واحط وأطيح وأقوم لان ابوي مريض
وطبعاً ظنينا انها حمى عاديه ..
ولكن للاسف اصابه ما اصابني ولكن ولله الحمد والمنه انه ماتضاعف معه لأنه بكّر بالكشف
اما انا تاخرت فكان شديد علي وصار الدكتور يخوفني الله يسامحه :)
وابوي كان يزيدني يقول انتبهي لعمرك والا صار تليف بالرئه لاحول ولاقوة الا بالله ماهكذا الاهتمام :hahahahahah:

الحمدلله من هنا الى ماله نهاية ، والله مالنا حول ولا قوة الا بالله فالحمدلله على العافيه
عديّت مراحل كثيره ، ولكن باقي سالفه الجهد الله يمنّ علي ويتم علي عافيته

متكفله بكل شي يخص ابوي ومع الجهد اتعب
ولكني اتلذذ بهذا التعب جعل عافيتي فداه ..
يالله ياكريم لاتحرم عيني من شوفه والبسه لباس الصحه والعافيه

لحول حسّيت من كلامي ان اللي فينا كورونا الله يحفظنا ويحمينا الحمدلله ماهي كورونا :hahahahahah:
الله يحفظ الجميع ويشفي جميع مرضى المسلمين ويبعدنا عن الأمراض وسوء الاحوال :004:

[ريمنقو]

_



بويتآت كتبتهآ رداً على ابوي ..
سيروآ هنآ :http://www.ckfu.org/vb/t741429.html#post13270908



كآنت ردة فعله محززززنه تمنيت اني ماقلت له :icon9:
مآتوقعت انه بيبكي ويضمني :icon9::004:
طوّل بالضمه تقطع قلبي والله ندمت اني قلت له القصيده :icon9:
بعدين قعد يمدح قال روعه كل بيت احلى من الثاني
والله محد حوووووولك < مدحه :cheese:
ويمش خشمه :cheese:

الله لايحرمني منه ولايحرمكم احبابكم :004:

[ريمنقو]

المرآقبه مطندزره .. :41jg:

[ريمنقو]

-



ارى من الامور المجديه في التربيه ( ترك الأبناء يحددون قراراتهم ويعيشونها ويتحملون نتائجها )
ولايكون الا بعد توجيه من الوالدين وتوضيح ايجابيات وسلبيات هذا القرار ، وفالاخير القرار عند الابن او الابنه ..
هذا يعزز الثقه بالنفس والثقه فالقرارات وتحمل المسؤوليه والتعلم من الأخطاء وتصحيحها وغيره الكثير من الايجابيات

اذكر اي قرار اتخذه ماكان احد يتدخل فيه سوى ب ابداء الرأي ..
حتى وان كانت خطوه مصيريه وممكن أخطئ فيها لعدم وجود الخبره ..
أتحمل كامل نتائج قراراتي ، والجميل اني ماكنت اتخذ اي قرار الا بعد ما اسمع راي الوالدين ..
اذا كان رأيهم عكس رايي مايوقفون في وجهي بالعكس يتركوني اجرب قراري ..

تصرفهم كان له اثر إيجابي بشكل كبير ، فمن يثق بقرارات صغار السن ؟ ومن يقدر على تحمل اخطاء ابنائه ؟
جربوها مع ابنائكم بتشوفون اثرها اذا كبروا ..
تصيرون انتم اللي تستشيرونهم في قراراتكم ، وتثقون بآرائهم :(204):
حتى طريقه تفكيرهم وتحليل الامور غير .. وممكن يغلبونكم في تحديد القرار الصحيح :(204):

[ريمنقو]

-


تجيني حالات اشتاق لاشخاص ، شوق الى درجه الضيق
لو كانوا احياء اتواصل معهم تخفيفاً من شوقي لهم ..

/

لكن اذا متوفي ! واصلا ماقد شفته ؟ :)
احس بنوبه شوق للرسول صلى الله عليه وسلم

ابي ال م د ي ن ه :smile:

[ريمنقو]

_




متى ماكنت متضايق قآبل اغلى عيالك ..:icon9::004:
او اي طفل :icon9::004:
ويفضّل علشان يبآن المفعول الايجابي يكون الطفل من 4 سنوات وادنى :biggrin::004:

[ريمنقو]

-



الله يزين الاحوال يارب

[ريمنقو]

-

ارهآق ..

طول الوقت حايسه بامور ولا أفضى الا الفجر !
وقتهآ اكون تعبانه نفذت طاقتي ! شغل وضغط وفوقها ابوي تعبان لازم اراعيه واشوفه !
ما ادور الا الفراش ، وشغل الجامعه متى اسويه ؟؟؟؟؟؟؟
واللي يزيد الإرهاق اني انام بعد صلاه الفجر وإجباري أقوم الصباح !! يعني كل نومتي ام 4 ساعات
ومن الصباح الى الفجر شغل ومشاكل شغل !؟؟؟
مالي وقت اخلص فيه امور الدراسه ! اذا اشتغلت شوي ع المشروع انسدت نفسي من البربسه!!

وكل شي فيه طلآيب !!

[ريمنقو]

_

( فاصل لان حلطمتي كثرت هاليومين , :cheese: )


ممآ قرأت ..


العرش مخلوق من يآقوته حمراء بعد مابين قطريه مسيرة خمسين ألف سنه ..
واتساع العرش خمسين ألف سنه
والمسافه اللي بين العرش والارض السابعه مسيرة خمسين ألف سنه
لا اله الا الله سبحان الخآلق ..


شهدت بأن وعد الله حق
وان النار مثوى الكافرينآ

وان العرش فوق الماء طافٍ
وفوق العرش رب العالمينا

وتحمله ملائكه كرامٌ
ملائكة الإله مسومينا


فيه حديث صحيح يصف الرسول صلى الله عليه وسلم ملك من حملة العرش
يقول بين شحمة اذنه الى عاتقه مسيرة سبع ميه عام ..

شي يفووق الخيآل مانقدر ولانتجرأ اننا نتخيل !
فالله يكتب لنا جنته خالدين فيها ولايحرمنا من النظر الى وجه تبارك وتعالى ..

[ريمنقو]

-


http://b.top4top.net/p_99vbnv0.jpg (http://up.top4top.net/)



اذا قالوا ( شعثه ) هذي هي الشعثه ^^ :cheese:
حلا الطيبين ، طعمها يصقع في النخآع من جمالها :icon120:
اعتقد والله اعلم ان مايعرفها الا اهل نجد ، مجرد اعتقآد لاني كل ماطريتها عند احد قالوا مانعرفها:no:
هي وكلمه سحله اذا قلتها حسّيت اني من كوكب ثاني :smile:
طيب ترى العصر قهوتكم عندي بذوقكم من الشعثه:biggrin:

[ريمنقو]

-

..

http://a.top4top.net/p_993dqs0.jpg (http://up.top4top.net/)



الله عطاني من الحسن والذرابه
والقلب طيّب و النوايآ سليمه:004:


اكمل لكم ؟ البيت اللي عقبه هوشه هههههههههه :cheese::cheese:

[ريمنقو]

_

ابيآت مدح ..



الطيّب الطيّب على الدنيآ يبين
والا المعآدن تختلف في لونهآ

اما الخفآيا تبان مع طول السنين
ياما تزين والا تشين ظنونهآ

( ......) ودي اختصر في كلمتين
فعولك اللي ضآيعين بدونهآ


جمعت فيك الطيب والعقل الرزين
والناس لاحتاجتك كنت فعونهآ

وفيّت وكفيت الفعل ذرب اليمين
رقيت في قمّات مآيرقونهآ ..

الله يحرّم نار عن ذيك اليدين
والله يحفظ النفس لك ويصونهآ



رهيبه اول بيتين عاجبتني , احيانا يعجبني ما اكتب :cheese:

[ريمنقو]

_


حيآه جديده ..


كنت اقف بالشارع ومعي قريبتي ..
قلت لهآ ( امشي للجهة الثانيه ) ..
فقآلت لي ( لا ننتظر هنآ وش ورانا ) !
واصرّيت انا ان نغير المكان , بدون هدف كذا صنفت معي اغير المكان
وانا قبل التصنيفه مالي طاري واقفه انتظر !!
فاجبرتهآ على ان نغير المكان وفعلاً غيرناه الى الجهة المقابله !
بعد 5 دقآيق حصل حادث شنيع بنفس المكان اللي كنا واقفين فيه
توفى من كان يقف بنفس مكآننا !
اذا اراد الله لك الحياه ساقك بدون هدف لينجيك !
فهل من معتبر ؟
هذي ثالث مره ينجيني الله ولله الفضل والمنه ..
وفي كل مره اخذ ان هذا الموقف كأنه يصحي قلبي فصرت احسب حساب الموت في اي لحظه !
وشهي الدنيا علشان تلهينآ !

يالله لاتجعلني من اللي تغرهم دنياهم والحقني يالله بالصالحين
ومن يقرا:004:

[ريمنقو]

-

اذا نظرت للقمر ما اتخيل الا وجه الرسول صلى الله وعليه وسلم
كانوا الصحابه رضي الله عنهم والشعراء اذا وصفوا وجه شبههوه بالقمر من نور وجه صلوات ربي عليه

[ريمنقو]

_



http://www.ckfu.org/pic4u/uploads/ckfu1460302437361.jpg



و كنّا سنقطع ما بيننآ ..
فصاح بنا الشوق : [ لا تفعلوا ] ..

[ريمنقو]

-


بعض الاحيان احلم بأحلام غريبه يعني تثير تعجبي واستغرابي ..
وأصير افكر وش يعني هذا وأبدا بمحاوله التفسير اذا كان عندي علم بشي لو بسيط ..
فاذا ماعرفت ابد اروح اقول لامي اقول لها من باب المشاركه باستغرابي ههههههههه
فهي الله يهديها ماعندها الا تفسيرين ههههههههههههههههه
اذا كان الامر خير فسرت بتفسير واحد طقم ع كل أحلامي اللي تدل ع الخير
واذا كان مفزع قالت اي انتي مقصره الله يبي ينبهتس ههههههههههههه
رغم ان الحلم وين والتفسير وين ؟
اعتقد احيانا من خوفها ان يقع فتفسره بهذا التفسير


قبل شوي قلت لها اللي شفته بمنامي البارح ..
وانا اقوله هي تبتسم ، لان الحلم يدل ع خير ان شاء الله ..
بعد ماخلصت قالت تفسيرها المعتاد ههههههههههههههههههههه

--

أحلامي كثيره لو نجمعها صار مسلسل تركي ابو ٥ اجزاء ههههههههههههههههههههههه
ومنوعه كوميدي ، اكشن ، دراما هههههههه
بعض الأحلام تكون حديث نفس مالها معنى وتكون واضحه دايم انها ماهي رؤيا
الرؤيا اما مبشره او منذره واذا قام الواحد ماينساها يتذكرها

[ريمنقو]

-


اعطي دائماً ٣ فرص في كل شي بالحياه ..
الا علاقاتي الاجتماعيه فرصتين ان ماكانت واحده ..!

احيانا من اول موقف سلبي ابتعد عن هذا الشخص ولا ارجع له ابدا ابدا
ومثل هذي الحالات اكون ادري لو اعطيته فرصه وش يصير ..
وغالب الاحيان اعطي فرصه ثانيه بعد اول موقف سلبي ..
واعامله كأن شي لم يكن ..
ف اما ان يثبت لي بأنه كفو وماحصل مجرد سوء فهم وإنحل وأما ان يؤكد لي انطباعي عنه بعد الموقف السلبي بالمره الاولى
فهنا اقطع علاقتي به ماهو حقد او كره فيه ولكن وجوده يسبب لي ضرر فالابتعاد افضل ..

/

يحصل دايم بين الناس سوء تفاهم وزعل في امور بسيطه ماتجبرهم ع اتخاذ قرار الابتعاد
لان فيه أُلفه و موده فيما بينهم ..
ولكن التجاهل في مثل هذي الحالات ماهو امر محمود .. يزيد من الضجر وممكن يؤدي الى امور لاتحمد عقباها
فجميل ان المشاكل وسوء الفهم تنحل في وقتها ..


استودع الله الجميع ،

[ريمنقو]

I'm back

*سوالف بدون هدف *


الدخول الطنقوري ..
اشتغل على المشروع وتمللت وتعبت ..

سالفه 1 الجزء الاول


تصدقون ما احب التدوينات اللي تجي بالانقلش ..
لكن اوقات اشتهي اكتب بالانقلش او احط شي انقلش , يمكن مقوله او صوره ماهي بالعربي
لكن في نفس الوقت اقول كلنا هنا عرب ليش الانقلش هههههههههههههه
يمكن مره او مرتين بالمدونه نقلت حاجات انقليزيه
وبعض الاحيان تطلع مني كلمات بالانقليزي عفويه بس اكتبها بالعربي يعني زي اوكي

حضرت مره لقاء او دوره او حفل والله ناسية لكن بالجامعه ..
عن اللغه العربيه وكيف نُحرت وكيف دُفنت وان هذي لغة القرآن لابد من ان نعتز بها
بيني وبينكم قبل احضر كنت ماهتم بهذي اللغه ماعندي اي دوافع في ان اعتز بها واحميها وادافع عنها
لكن ماخرجت الا وغرسوا فيني حب لهذي اللغه وصار عندي غيره عليها ..
بعد مانتهينا كان معي نص فصيح ابي اعطيه الناقده اشوف رايها به ..
فلما كلمتها ( عامي ) ماردت علي تبيني اتكلم معها فصيح هههههههههههه
بهذيك اللحظه اخذني عقلي لزمن ابو جعفر المنصور !

حقيقه صرت انتقد اللي يتكلم بالانقلش مع شخص عربي ,سعودي !:cheese:
صح بعض الاحيان تتزحلق مننا كلمات انقلش عفويه وانا اولكم حتى هنا بالملتقى اكتبها بشكل عفوي!
ولكن هذي ( عفويه ) مب يمسكني شخص ويرطن علي انقلش كل السالفه بالانقليزي ويزحلق كلمه عربيه بالغلط!:41jg:
حقيقه والله يسولف معك عن الابل باللغه الانقليزيه :cheese:
بعض الناس يعتز باللغه الانقليزيه ويهمل لغته الام ..
ويرى ان اللي يتقن هذي اللغه هذا انسان مثقف و ( هاي هآي ) ولاحد قده :smile:
انا اذا احد ناداني اترجم له او ارسل لي صوره يبيني اترجم له اصير هاي هاي ولاحد قدي:cheese:
امزح امزح جعلني مانيب منهم :(284)::41jg:

/
ٍ


سالفه 2 الجزء الثاني


احيانا اشتهي اشوف (كرتون ) فاذا خلا المكان قمت اسحب رجليني بدون محد يحس
واخذ الريموت وابحث عن ( سبيستون ) واجيب حب باجا وسن توب واتفرج :060:
فاذا احد داهمني ألقط الريموت بسرعه واحط ع ناشونال جيوغرافيك علشان محد يقول لي كرتون بهالعمر واسقط من عيونهم وتضيع هيبتي

وش نسوي ياخي مافيه حريه كل شي له عمر وينتهي مع مضي العمر:41jg:

/

سالفه3 الجزء الثالث



ضايقن خاطري من ناس لي سنين معهم وعششره
خلاص بتعوذ من ابليس واكمل البحث :icon9:



سالفه 4 الجزء الرابع



شكراً تعبتك معي بالتظليل :cheese:

[ريمنقو]

_

(( معليش اللي حطت لايك بالمشاركه السابقه حطي هنا والله ماحذف المشاركه )) :cheese:




<نفر حاط يده على خده :smile:
واضح اللي يبي يتهرب من مشروعه , كل شوي ناط هنا :119:
بسبب الجامعه صار عندي الالام بالرقبه و النظر لكم عليه :smile:
واللي بذلته هذا الترم ولاشي عند السمسترات اللي راحت كنت اكرف كرف استلم من الصباح لليل:sm5:
يالله لاتضيع تعبي يالله ..جد كنا نتعب تعب الله عليم به

اول سمستر بالتخصص (بعد التحضيري ) اختبرنا اختبار جلسنا عليه 4 ايام علشان نوصل للفل مارك
4 ايام انام واقوم عليه والاعضاء كانوا نفس الحاله
وفي اختبار ثاني حشرتهم عصبت ههههههههههههههه
اللي يرجع لارشيفنا يلقى بلاوي في ردودي , كنت عصبيه واعطي كاش فالوجه نقرتين لعرض الصورة في صفحة مستقلة
كنت انقهر من بعض التصرفات واقول لهم ,ماعندي دس وحش اذب عليهم ذبات يالله يوم شفتها الحين قلت شلون اتكلم كذا ,:017:
وحلولي لازم تحليل اجوبه ومقارنات واعطي الاجابات الاقرب للصحه اذا مالقينا الجواب
كان ومازال هذا الاسلوب مجدي وممتاز بالنسبة لي :lllolll:
احلى شي في هذا الملتقى ان ذكرياتي الدراسية موجوده مره نضحك ومره نعصب ومره نتناقر واللي تبون :(284)::004:

::



https://www.youtube.com/watch?v=cEPzoqM1TQs



لحول مانقدر نعبر عن مشاعيرنا , مع من حولي احس باحراج
ومعكم احس انه مايصلح وش اسوي :icon9:

[ريمنقو]

-

اعطيكم معلومه ع الطاير من ما درست في الأعوام السابقه

لغة الاتصال مرت بعصور أولها لغة الرموز والاشارات
والإنسان بدائي مايعرف اي شي فاكتسب لغة الرموز والاشارات من المخلوقات الحيه الاخرى

وتطور الوضع فاستبدل الانسان الرموز والاشارات ب الكلام المنطوق
ويقولون علماء الأثر والتاريخ ان اول من عرف اللغة المنطوقه هم المصريين والفينيقيين ويعتبرون هم من نقل اللغة الفرعونيه القديمه الى الإغريق
وطوروا اللغه ومن هنا بدت تتفرع اللغات الاوروبيه
وبدت تنتشر الخطابه ، ويقال انها ارتبطت باللغة اللاتينيه ..

حقيقه انا ماقتنعت باول الكلام ان الانسان ماكان يعرف يتكلم ابد واكتسب اللغة من المخلوقات الباقيه؟
لان الله سبحانه بعد ماخلق آدم كلمه وتكلم آدم والخ ..

المهم ماعلينا من خثردزه أرسطو وكوراكس

[ريمنقو]

-


ترى أقفل المدونه وانا مدري ، اعتذر عن الأخطاء اللي مهيب مني :hhheeeart4:

[ريمنقو]

_


مشكلتي مشكلة مع النسيآن:41jg:

قبل يومين راسلتني وحده واتس كاتبه كلام حلو وتسأل عن الاحوال ..
فتحت الرساله ومارديت انشغلت ونسيت ارد عليها :icon9:

اليوم رجعت تكلمني :icon9:
تسأل عن اخباري وتقول لي شغلتي بالي مارديتي علي من يومين :icon9:
ف رديت عليها والخ واقول لها بكل ثقه وين كلمتيني انا مشيكه ع الجوال ماجاني شي منتس:bawling:
قالت اطلعي فوق شوي وتشوفين :icon9::18:

انحرجت بصراحه وكتبت معلقه اعتذار ..
كل شي يهون ولا كلامها الزين اللي كتبته , ليتها ماكتبته ..
مب حلوه اعطي شخص شي حلو بعدين يقابلني بالسحب حتى لو ان معه عذر ومشغول
لازم يقّدر هذي الكلمات الطيبه اللي ارسلتها له .. :icon9:

للحين مُحرجه :019::18:

[ريمنقو]

_



يتبع مشكلة ( النسيان ):(58):


انسى كثير وين احط اغراضي :smile:
خصوصاً جوالي , كل يوم لازم اسوي اخلاء للمكان علشان القآه :smile:
والا اذا مشغوله بشغلي السري اللي وريتكم , اوقات احط القلم ورى اذني وانسآه ,
و اقعد احوس بالمكان ادوره واطلع والقلم بأذني مانتبه الا بالنظرات والضحك ! :smile:
انا لله وانا اليه راجعون :smile:

[ريمنقو]

-


لاحول ولاقوه الا بالله ..
اليوم وصلني خبر وفاة احد الاقارب أعدّه عم لي الله يرحمه ..
الله يرحمه ويغفر له ويجعل مثواه الجنه ، الله يطيب ذكره في الاخره مثل ما طيّبه في الدنيا
اللهم امين ، ادعوا له ولموتى المسلمين اجمعين
والله يصبر عياله وبناته ويربط ع قلوبهم ويخلف لهم خير من هذي المصيبه يارب

[ريمنقو]

-


اللهم ارحم [ ابو محمد ] واجعل قبره روضه من رياض الجنه ..
ياطيب هذا الرجل الله يطيب حاله بالاخره يارب يارب يارب
معروف عندنا ب [ النادر ] محد يناديه الا بالنادر كل الربع والجماعه النادر والنادر
ماعرف وش سبب هذا الاسم ولكن كان فعلا نادر
ولده كان بالسجن [ مظلوم ] .. وقبله متوفي ولده الكبير
وأصابه المرض وصبر على كل هالابتلائات
الله يجعله من من وعدهم الله بجنات وانهار خالدين فيها

مأثر فيني لاني اعزه واجد كنه عمي

[ريمنقو]

-

الله يجزاكم خير جميع .. الله لايريكم مكروه لا بانفسكم ولا بمن تحبون
أشكركم جميعاً ..

الربع يقولون مشينا للرياض وانا والله ماعاد بي حيل اشوف احد من اهلي حزين .. :no:
يكفيني اللي حسّيت به .. ولو ان الحضور حق وواجب لكن والله ماقدر خلوني بعيده افضل لي
والتعزيه بتصل عليهم ، انا يوم شفت وضعهم يوم جدتي تعبانه ، مرضت شلون اشوفهم بوضع اكبر من هذا ..
ياخي الحزن والله يمرض الواحد .. لذلك قلت مانيب رايحه اخاف من الانتكاسات الصحيه :no:
بعيده ومتعوذه من الشيطان وذاكره ربي والنفسيه انضبطت الحمدلله :cool:
امس كله احس اني متنحه من الخبر لخبطني ،، :139:


باقي يومين ع تسليم الواجب :icon9:

[ريمنقو]

_



https://www.youtube.com/watch?v=cD2S6lxMkgI


الحمدلله رجعت اردد مع القارئ بدون تعب !
مشتاقه واااجد واجد لهذا الفعل , لي حول شهر عنه ..
انصحكم بسماع القرآن يساعد على الحفظ

/

يامرحبآ والله بالمطر وريح المطر , تسعدني شوفته ..
مانساكم من دعائي :004:
يقول واحد من الربع اذا الرياح جنوبيه يجي المطر واذا شماليه تكون قويه فمايكون فيه مطر , معلومه جميله تم التأكد منهآ فعلياً :tongue::(204):

[ريمنقو]

-


مايكدّر خاطر القلب السليم
غير كلمه ماحسبهآ موجعه

لاوصلك الجرح من خلٍ حميم
تختنق دنيآك لو هي بالسعه



بعض من نحب يقول كلمات ولا يبآلي بهآ فأحيانا تكون موجعه ..
وانا ديني ودين من يظن بي السوء ..

[ريمنقو]

-
-


بعض الناس تحسن له مره يحسن لك الف مره
تظن به خير يظنك اخير منه
تعامله باحسان يعاملك بمحبه
تعطيه صاع خير يعطيك صاعين

بصراحه من طيبهم وحسن تعاملهم استحي منهم
ناس تاج على الرأس والله ..
الله يرفع أقدارهم دنيا وآخره ويوفقهم ويرزقهم وين مايولونّ وجوههم

[ريمنقو]

-

اليوم اجازه من كل عمل وأبشركم سلمت الواجب البارح ،، ماذبحنا غير الاسلوب العلمي اسبوع كامل وانا اكتب وامسح واخليه لليوم الثاني علشان ارجع اقراه واكتشف الأخطاء .. ان شاء الله تعطيني فل مارك .. باقي لي أراجع مشروع التخرج صفحه صفحه واعدل الأخطاء ، هذا بعد إجازتي :)

--


تعرفون اكثر شي تقدسّه المرأه في البيت ؟
- الاثاث والمواعين
ركزوا ع الثانيه احيانا يوصل الدم للركب بسببهآ:biggrin:

معي صحن وقدّر الله انه يطيح وانا فديت نفسي لهذا الصحن الثقيل
ومديت رجلي علشان يطيح عليها ومايتكسر:hahahahahah::icon9:
كله علشان ما اكدر خاطر ست الحبايب :(269):

المهم اني الحين أعرج:smile:
ومكان الحادث منتفخ وصاير علبة ألوان بنفسجي وأخضر واسود كنه جفن وحده رايحه زواج :71::hahahahahah:

[ريمنقو]

-

شوفوا كتابتي قبل حول 15 سنه بطرحها زي ماهي باغلاطها:hahahahahah::hahahahahah:
ودي اعرف من كنت اقصد :hahahahahah:

لا وخسارهعقب ذيك المحبه
وعقب التجاره اليوم اعلنت الافلاس

خلّي قطع بالوصل من دون سبه
اتلى العهد به يوم كنا بمجلاس


فيه خطا راعي القصيد بيطلعه بالراحه ..
جربوا قدراتكم وطلعوّا الخطا ،، البحر ( مسحوب )
اللي بيجيبه له ( الف ) نقطه وناقتين حلاّبه
و هديه من عند عبدالله ناقته ( عليا )

[ريمنقو]

-

ارى ان اكثر حاجتين تميت القلب كثرة النوم وكثرة الضحك

بعض الناس اذا حط راسه ماعاد درى عن اللي حوله ..
واذا ضحك يضحك على اي شي وكل شي ،، كثرة الضحك تضيع الهيبه ، تخلي الواحد مهمّش
اي سوالف جديه ماياخذون رايه فيها لانه انسان ضحوك في كل شي فما يفرق بين الجد والهزل
وكثرة المزاح تجرّي السفيه على صاحبه عاد وش يفكه وقتها:cheese:
فلازم يكون الانسان قلبه حيّ ، ويضحك ويمزح وينام باعتدال :biggrin:

قنآعه فقط ..

[ريمنقو]

-

البآرح قبل انام افكر وش عند الناس مشتطه بالمذاكرة ..
وقعدت احسب كم باقي ع اختباراتي احسب واغلط وأعيد احسب .. باقي اسبوعين:Looking_anim:
والله راح علي الوقت بدون ما احس اشوى اني حسبت والا كان مادريت الا ليله الاختبار :lllolll:
الله يوفقكم اخواني واخواتي بجامعه الملك فيصل والدمام ويكتب لكم الخير والرزق وييسر اموركم

الحمدلله على الصحه والعافيه وعلى التوفيق وعلى كل شي الحمدلله والحمدلله والحمدلله
كل ماتذكرت حالي قبل كم اسبوع احس بعظمة وقيمه نعمه العافيه ..
وتدمع عيني لان لولا الله ولطفه بي ما كنت بينكم الآن ..
اتذكر لحظه انقطاع التنفس بآخر الليل والناس نيآم .. والحراره حول 40
من حسن حظي كان فيه احد عندي نايم وسمع صوت اللي بتطلع روحه :cheese::icon120:
ومن حسن حظي ان المستشفى قريب :cheese:

بيبقى الموقف في ذاكرتي ومؤثر بي ، عرفت ان الانسان اضعف مخلوقات الله وان العافيه لايعادلها شي
الحمدلله بعد كل مامريت به الان حالي احسن بكثير من قبل ..
ولو أني مُنعت من اشياء كثيره بسبب هذا ولكن لو يمنعوني من كل شي احبه اهم شي تبقى عافيتي

يارب يارب يعينكم على ذكر نعمه ويجعلكم من الشاكرين الذاكرين .. امين

[ريمنقو]

-


اللي ما اسعد له يتيم حرم نفسه من طعم السعآده ..

[ريمنقو]

-




قدوعي القصايد وقهوتي لحونهآ:(269):
وش رايكم وانا اسوي يعننّي :biggrin:



من انت ياللي تعلمني بما يلزم ..
اجمع بقايا الحكي لاشوفك توطوط :5aga::cheese:


^ لحول من مزعلني :hahahahahah::hahahahahah:
والله انها استهبآل ماعندي شي أعد نجوم العصر وادندن وطلعت ذي القشرا :cheese:

[ريمنقو]

وجه طلق وتسامح ، خلق ، دين

[ريمنقو]

-

^ كتبت بيتين كنت اتمنى ان لي من صفاتي نسختين نسخه للناس ونسخه اخاويها :cheese::icon9:
مسحت كل شي وتركت هذا اللي فوق ..

/


والله قايمه من الصباح وتعب .. وعجزت انام احس بحريقه في جوفي :5aga:
اللي شاف ردي قبل التعديل بيفهم وش مزعلني :icon9:

[ريمنقو]

-


كنت من شدة ما بي ما اعرف وش اسوي مره مكتّمه ..
ولا طرى علي لا ذكر ولا صلاه ولا وضوء ولاشي اعوذ بالله ..
وأفكر كيف أتغلب على ما فيني .. وسمعت صوت بداخلي يقول ( القران القران )
اي والله

وأسرع للمقاطع واشغل مقطع .. سمعت فيه من الآيات اللي تجبر القلب و تحل المشكله
بعد ساعه وأكثر .. زال كل مافيني والله ماكأن فيه شي صاير !!
والحين بصلي صلاه يحبها قلبي ..
المهم فيه احد يحس ان القران دواه مثلي ؟ :icon9:

فالحمدلله

[ريمنقو]

-



كل ما كنت في موضع قوه وسُلطه تذكر بأنك ( لاشي ) فلا تكون ظالم ..
وتذكر فرعون ذاك القوي رب قومه الى أين قاده جبروته ..

[ريمنقو]

-


( القياده ) من الصفآت الواجب توافرها في الأخصائي الاجتماعي
لانه قائد للمجتمع ، يشارك في الامور والقرارات الإدارية في عمله و و و امور كثيره ..
وندرس مقرر كامل عن القياده وتنمية المجتمعات ..
كيف القيادي ينمي مجتمعه بذكاء !

بعض الناس يفقد هذي الصفه وممكن يكتسبها بالتعليم ، وبعض الناس موجوده فيه هذي الصفه وتُنمى بالتعليم
وبعض الناس لاهذي ولاهذي ههههههههههههه فالله يعين من لايستفيد من علمه شي ..

[ريمنقو]

_






دواء الجاهل الأعراض عنه ..
( واعرض عن الجاهلين )

ان خضت معه فأنت جاهل مثله وان أعرضت فهذي قوه منك وماهو بضعف أو ذل

[ريمنقو]

-

-

دعوتين ارددها دائماً
الاولى ان يشفي مرضى المسلمين والثانيه يرزق كل محروم من الذريه
ما رأيت أشد من المرض واوجع من الحرمان ..

[ريمنقو]

-

-

احسان الظن سلامة للقلب وراحة للعقل . .


/



الحين انا بكوكب أمجد بينه وبين كوكب اكشن 400 كيلو :cheese::biggrin:

[ريمنقو]

-

اللي يقدر يشوف هذا الرد قبل التعديل بيشوفني يوم كنت بكوكب اكشن :cheese:
لكن محروم من السفر معنا الى كوكب الكوميديآ :(269):

[ريمنقو]

-


حلمت ( ياكثر احلآمي) :5aga:
المهم حلمت بأن عندي مجموعه كبيره من الكتب والكتيبات
أشكال وألوان وأحجام واصفها على طاوله ، وكلها كانت دينيه .. كني بمكتبه جرير :biggrin:
وكنت انوي توزيعها على الناس واخذ اللي ابيه


اخذت كتيب صغير طوله وعرضه قد 3 أصابع اليد وهي مجتمعه ، وأخذت كتيب اكبر منه شوي قلت زين هذا بقراه دايم ( أذكار الصباح والمساء )
الكتيبين واحد زي حصن المسلم والثاني ذكر فتحته وكانت الصفحة عن الرسول صلى الله عليه وسلم

المهم بعد هذا الحلم قررت احافظ على اذكاري لاني للاسف ما احصن نفسي دايم:41jg:
وقمت وانا متلهفه للمدينه يكفيني ان امشي بمكان مشى فيه من احبه وأكون بمكان هو فيه:004: :icon9:

[ريمنقو]

-



واليـا جرحك الناس من حدة الفاس
( ضـمدت جرحك وانبرى بـنصف ليله)

هذا بيت من عدة ابيات كتبتهآ وهي مناجاه قلبيه:cheese:
اللي بين قوسين اكثر شي شدني وعجبني بكل الكلام
اوقات احس اللي اكتبه غير مفهوم وممكن البعض يراه اي كلام ماله معنى
لاني ممكن اقول عن الكلام السيئ او سوء الظن ( سيف ، فاس ، سكين والخ ) اي شي يعبر عن الجرح وممكن يؤدي الى الموت

الشطر اللي بين قوسين كنت اقصد فيه ( التسامح والعفو والقلب السليم )
يعني ينجرح ويداوي جرحه بنفسه بالعفو والصفح ولاينام الا سلييم:019:
هذا التصوير فيه شي من البلاغه ..


القصيده كامله

http://www.ckfu.org/vb/t744499.html

[ريمنقو]

_



لاحول ولاقوة الا بالله . . :no:
تذكرون الواجب اللي جلست عليه اسبوع اكتب واعدل فيه ( باسلوب علمي )
اخذت فيه 1 من 15:no:
مابي اكدّر خاطري فقلت لنفسي ( اكيد الدكتوره تزحلق اصبعهآ ونست تكتب الخمسه ):hahahahahah::icon9:
بكلمها الليله وبشوف وش العلم :007:

[ريمنقو]

_



لاحول ولاقوة الا بالله . . :no:
تذكرون الواجب اللي جلست عليه اسبوع اكتب واعدل فيه ( باسلوب علمي )
اخذت فيه 1 من 15:no:
مابي اكدّر خاطري فقلت لنفسي ( اكيد الدكتوره تزحلق اصبعهآ ونست تكتب الخمسه ):hahahahahah::icon9:
بكلمها الليله وبشوف وش العلم :007:



آبشركم فل مارك , كان ظني صحيح تقول لي غلطه ماتعدلتش عندك؟ قلت لا ولاتهونين عدليهآ :lllolll:

يوم شفت رقم 1 , تنحت وكنت بصرآع نفسي مابين ( التحطيم ) ومابين ( الثقه بما قدمت ) ..
وحتى اتغلب على المشاعر السلبيه حطيت اسباب يمكن ويمكن ويمكن . .
اهم شي تعب الاسبوع ماراح عبث الحمدلله . . :019:


/


المهم فيه شي من زمان ابي اقوله وانسى . .
فيه كتاب قريته قبل فتره اسمه ( الهام القرار الصحيح ) . . جميل في بعض القصص والحكم والقرارات. .
ولكن للتنبيه والتنويه لمن قراه او يقراه , فيه معلومات عن بعض قصص الانبياء خطآ ..
فما كل شي نقراه ممكن ناخذه , اي معلومه غريبه نبحث عن صحتها ونستزيد بمراجع لهآ :(204):

[ريمنقو]

-


‏أصل العداوهوالشر والحسد الواقع بين الناس
من اتباع الهوى ، فمن خالف هواه أراح قلبه وبدنه وجوارحه ، فاستراح
وأراح . .

[ريمنقو]

-


بعض الناس يظن ان كل شي يؤخذ بالقوه ..
فيواجه قوه اضعاف قوته .. فحتى لو حاول اخذ حقه واشتكى وهدد
القوه المواجهه بأمر واحد تسقطه فهو بالنسبة لها قوه ضعيفه
الامور ماتحل الا باللين فأنت تتعامل مع ناس ذو سُلطه عليك وعلى مستوى عالي من العلم والاخلاق
فمتى ماصرت حكيم واخلاق ومتريث وصلت لمبتغاك ..

[ريمنقو]

_

يُذكر ان سليمان بن عبدالملك حج مره ومعه عمر بن عبدالعزيز
فلمآ وقفوا في عرفه رأوا خلقاً كثيراً فقال سليمآن لعمر بن عبدالعزيز

يا ابا حفص الا ترى الى هذا الخلق الذين لايحصيهم الا الله !
فقال ابا حفص , يا امير المؤمنين هؤلاء اليوم رعيتُك وغداً خصمائك امام الله

ف بكى سليمآن بن عبدالملك ..!

/


ويُذكر انهم خرجوا مره في نزهه وكانوا ينوون المبيت
فجهزوا خيامهم الا عمر بن عبدالعزيز . . فلما بلغوا مكانهم
افتقد سليمآن عمر فذهبوا للبحث عنه فوجدوه يبكي تحت شجره فسأله سليمان عن علته ؟
فقال يا امير المؤمنين تذكرت يوم القيامه من قدم شي وجده امامه ولم اقدم شي فلم اجد شيئا








اقروا عن عمر بن عبدالعزيز :004:

[ريمنقو]

بفتره من الفترات مع كل حزة للاختبارات النهائيه يجيني صدآع فظيع قوي قوي قوي ما اتحمل احرك راسي من قوته وهذا يرجع لتركيزي بالمذاكره وقلة النوم
والفتره الاخيره صاير يجيني حتى لو ما اقرا , شيكت مره وطلع هبوط بالضغط
وراح فتره واليوم رجع لي صداع يوجع ابي اخلص شغلي بس مصدعه
ولانمت زين البارح نمت وبعد 5 ساعات قمت اشتط مع المشتطين لاحول ولاقوة الا بالله :019::004:وللحين مانمت :41jg:



فيه بنات مطفشيني لي 3 ايام اطلب منهن شغلات تخص البحث ولاوحده ردت علي اصلاً:icon120:
هذا جزاي ابي انفع :41jg:


ماستفدتوا شي صح ؟ طيب عادي مب لازم تقرون سكر الباب لافقع وجهك باللوحه :lllolll:

[ريمنقو]

_


حتى تعرف طيب الانسان من رداه , اعرف علاقته مع والديه !
والله مافيه خير ولاترجي الخير من

عآق ..
..........عآق ..
........................عآق ..

[ريمنقو]

_



ارى السعاده بهذي الحياه في قضاء حوائج الناس
فهنيئاً لمن اصطفاه الله بقضاء حوائج الناس وتفريج كُرُباتهم بإذن الله :004:

[ريمنقو]

_

المشروع قص ظهري . .
خلصت الملخص بالعربي باقي اترجمه بالانقلش بس ماعاد بي حيل

مدري وش بخبص بالانقلش تهقون اقدر على الترجمه !
بصراحه ماقد جربت اترجم من عربي الى انقلش ..
ممكن من انقلش الى عربي بس العكس مدري , بجرب


ولكن اللي عنده خبره بالانقلش ياليت يقول لي يفيدني بملاحظاته بعد ما اخلص
واكون ممتنه له . .

[ريمنقو]

وآحد من الجماعه ايام التليفون الثابت قبل الجوالات . .
كآن وين مايروح ياخذ الثابت معه ويشبكه في خط صاحب البيت
ويقول له مالك لا فضل ولا منّه تليفوني معي ..:hahahahahah:

طيب وش وضع الخط على ظهر من المكالمه ؟ :hahahahahah::hahahahahah:

[ريمنقو]

_





http://www.ckfu.org/pic4u/uploads/ckfu1461363882921.jpg






*


طويلين بآل ودايم نسآمح الغالين
ولا حنا من اللي لـ زعل دوّر الزله





":004:"

[ريمنقو]

-


فيه فرق كبير بين ( احرص على الامانه واتق الله ) و ( انا اثق بك وبامانتك )
الثانيه وقعها على النفس اجمل لانك تحسسه انك واثق فيه اصلا ولايحتاج لتوصيه
فتزيده حمل ويبدا يسعى فالحفاظ على ما أؤتمن عليه ويسعى لإثبات بانه يستحق الثقه ولايخيب ظنك فيه ابدا
وقيسوا على ذلك بقيه الكلمات فالمناصحه والتحريص وغيره ..

[ريمنقو]

-


مما قرأت عن عبدالله بن مسعود يقول ( رأيتني سادس سته وماعلى ظهر الارض مسلم غيرنا )

استوقفني كلامه افكر كيف كان الاسلام من سته الى أفواج ..
كان الرسول صلى الله عليه وسلم يدعو سراً ثم جهراً
ومن مكه الى المدينه الى ان وصل الاسلام للموصل وحمص حتى وصل للأندلس
واستمرت الفتوحات حتى وصلوا لجبال الالب ..

والان الاسلام في كل مكان والناس في تزايد
( ورأيت الناس يدخلون في دين الله افواجا فسبح بحمد ربك واستغفر )

[ريمنقو]

_



http://www.ckfu.org/pic4u/uploads/ckfu146142707961.jpg





وضع الطفشآن
طبعا الورقه البيضاء اتخيلها تذكره :smile:وش نسوي يقولون مد خيالك على قد طفشك:064:
لكن تصدقون الخيال لحاله يخفف من المشاعر السلبيه :hahahahahah:

[ريمنقو]

_


ادعوا لي مايمسك منصب " رئيسة قسم " غيري انا:(269):اشغلنّي هالبنّي اخاف وحده من بنات المدير تجي فيه وانا اولى به :41jg:

[ريمنقو]

_


يارب اجعل لي قلب فطين وعقل حكيم ولسان يذكرك .. :004:

[ريمنقو]

_



يالله ياربي لايضيع لي تعب و وفقني و وفق كل الطلاب والطآلبات :biggrin::004:

اعطيت نفسي بريك عن الشغل
سويلفه /
اذكر قبل سنتين يمكن كتبت تدوينه الاهداف اللي ودي احققهآ قبل اتخرج ..
كتبتهآ ونسيتها , لكن مانتبهت لنفسي اني كنت اعمل بهآ لاشعورياً ..
المهم قبل كم شهر افرفر بمدونتي ولقيت اللي كتبته واكتشفت ان اغلبها حققته :004:
الا شي واحد [ حفظ القرآن كاملاً ] :icon9:
حفظت لكن مابعد خلصته لاني افسّر واقرا والخ واحفظه سمعاً مب قرايه :icon9::004:

[ريمنقو]

الصبر مفتآح وبالله نستعين
وكل نيه باين(ن) مدلولهآ . .

ان بغيتو طيب فحنا طيبين
وكل كلمه نقولهآ بنطولهآ

وان بغيتو فارتكو على متين
والحقآيق ازهلو مسؤولها

قولنا يمشي على الحق المبين
وكل كلمه طيبه بنقولها

ان عطينا ماعطينا الا الثمين
وكل شده بعد ربي نزولهآ ..



هذي قبل كم شهر , احيانا اكذّب نفسي اني كتبت هذا الكلام:hahahahahah::biggrin:
شكلي كنت على الحد الجنوبي:hahahahahah:

[ريمنقو]

-



القران مُربي ، موجهه ، مبشر و منذر ..
فمن كان في قلبه غيظ وجد ( والكاظمين الغيظ والعافين عن الناس والله يحب المحسنين ) ..
احيانا يكون كتمان الغيظ و العفو من الصعب العمل بهما ولكن ما يروّض النفس الا قول ( والله يحب المحسنين)
فتطيب النفس وتسعد وتعفو وتصفح ..

[ريمنقو]

https://www.youtube.com/watch?v=j8VA1ITGq6E



مقطع جميل لايفوتكم ..
اسمعوآ وش يقول عن الصحابي عبدالله بن عباس وهمته في طلب العلم ..



آحب اسمع لمعلمي د.محمد العريفي كان هو الوحيد اللي اخذ العلم منه اعتقد اني ختمت مقاطعه باليتيوب كنت اسهر عليها امسكها من الليل الى مابعد الظهربدون ملل وتعب :004:
واغلب كتبه قرأتها , اخرهآ ( تجربتي في ربع قرن ) :cheese:
3 دفآتر عندي كلها زبدة ماتعلمته منه ..

من زمان ماعاد كتبت شي اخر مره كتبت ماتعلمته منه قبل 7 سنوات تقريباً ..
اذا تشتغلون على بحث والا على ملخص والا على ريبورت او اي شي
افتحوا اي محاضره لاي شيخ ثقه واستمتعوا ..


المهم


اذا احد اخذ جهازي ودخل على اليتيوب يشوف الصفحه الرئيسيه يشك فيني
يقول انتي اخرتك بتصيرين ( داعشيه ) :hahahahahah:
لان مقاطعي احيانا تكون مريبه وهالسواليف :cheese:
المهم واحد من الربع يحذرني لا اخوض بهالامور علشان ماتجي الحكومه وتقشعني من محلي
اثنين معه فالشركه كانوا مثلي ويجون يشلون الاثنين ..
واحد منهم بريئ كان مجرد فضول والثاني الله ربنا وربه :no:
انا والله اني بريئه :icon9:

[ريمنقو]

_

يالربع :no:
تكفون يالربع :no:

آحس بارتفاع الحراره والم خفيف , يالله ياربي مايصير بي مثل قبل كم اسبوع :(117):
الله لايعود ذيك الآيام , صرت اخاف كل ماختلف علي شي:(117):
شفت الموت الموت ماعاد ابي احس به :(117):
ولا ابي اشوف د.صفوت للحين ماطلعت من حالتي النفسية السيئه اللي سببهآ لي :(117):
بكره لو اجيه قال تنويم تنويم يخرشني لاحول ولاقوة الا بالله كني بموت :hahahahahah:

يالله اني زابنتك يالله :(117):

[ريمنقو]

-


من الصباح في بآلي نونية ابن القيم في وصف الجنه
وتشفقت للجنه :icon9::004:
هنآك حياتنآ لا نذل فيها ولا نشقى ، نلتقي في الجنه ان شاء الله ونذكر مكاننا في الدنيا
و اشوف الرسول وخلاص ماعاد فيه اماني ولا اتمنى روحه للمدينه علشاني بس ( مشتاقه )
يارب يارب الجنه
يارب اني احب من بهذا المكان فاجمعني بهم بالجنه :004:
قولوا آمين :biggrin:

[ريمنقو]

-


كلمه الانسان تشمل الذكر والأنثى ، ومن الخطا قول ( انسانه )

لذلك انا انسان احب الالتزام بالمواعيد .. اذا قلت بكره خلاص على الموعد
اذا قلت لي الساعه كذا وكذا تكونين مخلصه ، اخلص بالوقت المحدد ..
يعني عندي الالتزام امر مهم سواء انا او من اعمل معه لابد ان يكون ملتزم بمواعيده معي

ما احب المماطله ،
............ المماطله :(269):

[ريمنقو]

-



لو الزمن قآسي وصواديف الاقدار
غطت على دنيآك ودارت رحاهآ

تحزّم بذكر الله في سر واجهار
والله عليمن بالقلوب ودعآها


احيانا في عز انشغالي أُلهم فأكتب ما اُلهمت به ..

[ريمنقو]

-


لا يضرب المرأه الا عديم المروءه

يُذكر ان ملثم يمشي ويقتل المسلمين حتى وقف في وجهه علي بن ابي طالب رضي الله عنه
واخرج سيفه حتى يقتله فكشف المقاتل لثامه فاذا هي امرأة تصيح خافت من سيف علي رضي الله عنه
فلما عرف علي انها امرأة ادخل سيفه وتركهآ !! وهي مشركه مقاتله !!

[ريمنقو]

يا لله اللي ما خشى غير خوفي منه خــوف
لأشـريكٍ له بـــملكه ولا يـــــعبد سواه
فيك تشخيص البصــاير ولك مد الكـفـوف
يا كــــريمِ يكرمون الاكارم من عطاه
عالم اللي ما اعلمه شايف اللي مانشــــوف
خـــافيِ سره والإسرار ما هيب تخفاه
لاجفانا القـــل واللي روابــعهم ضــعــوف
جــــعل ربي ما يرينا غضبه ولا جفاه
ولانقفل بابِ من الرزق حراسه وقـــوف



رحم الله [ بن جدلآن ] لا والله الا راح الشعر:(88):

قصيده مهوب اي قصيد ولا هو يسرد اي شي .. قصيد جزل بمعنى الكلمه
من الشعّار اللي اسمع لهم كثير واحفظ لهم الكثير والكثير
فإبن جدلان ماينطق الا بدرر وحكم ..:004:
الله يرحمه , الله يرحمه ..


تتوآلى الآخبار السيئه اسأل الله ان لايفجعني ولايفجعكم بغواليكم ..
قبل عدة ايام كان تخرج صديقتي بجامعه الدمام فكانت تقول اخاف اروح للحفل ويتوفى ابوي [ ابوها مريض]
حضرت الحفل , الفجر بعد الحفل توفى ابوهآ الله يرحمه ويلهم اهله الصبر :sm1:
اليوم ان شاء الله بروح اعزيها :icon9:

وجدتي بالمستشفى من البآرح , بمرّهآ :139:

[ريمنقو]

-



كل ماكان صوتك هادي كلما كنت قريب من القلوب ، خفيف على النفوس ..

ما اشوف ان ارتفاع الصوت بالمجالس امر محمود ..
فالمجلس مهما كان مستواه ، له آدابه ..
الفئه الغالبه بالمجالس ( تقاطع ، ترفع الصوت ، كلام فاضي ) ..

في اي مجلس تقريباً 7 انواع
1- نوع يقاطعك بالكلام اما بسالفه شاطحه او بتعليق غير لائق او بتكذيب سالفتك او معلومتك
2-نوع انا فاهم كل شي ( انا صح وأنتم خطا ) وعلى فكره هذا الشخص يعاني من مرض ( الفصام)

والفصام يختلف ان الانفصام .. < معلومه خاطفه ، طيب اكمل السالفه :cheese:
3-نوع انا الظريف يستخف دمه ويضحك على اي شي وكل شي حتى تسقط هيبته ولاعاد يؤخذ له راي ماعنده آي جديه :(269):
4-نوع النقّاد ومنفسّ ولا فيه شي عاجبه وينافخ :lllolll:
5- نوع كل سوالفه قال فلان ومادريت عن فلان وهذا غالباً اذا قمت عنه اكل بلحمك :cheese:
6-نوع الهادي اللي يزن الامور ويعرف متى يتكلم ومتى يسكت ومتى يضحك ومتى يمزح ويعرف المواضيع اللي يتكلم بها
7- نوع نصّاب ( سولفجي) نص سواليفه كذب بس يبي يستحل المجلس غالباً هذا النوع عند الرجال :(269):


كل واحد يعلمني هو او هي اي نوع :lllolll:
واذا فيه انواع ماذكرتها علموني:(284):

[ريمنقو]

-


لفت انتباه الشخص ب مناداته بأسمه له اثر إيجابي بنفسه
احيانا مايكون الهدف ( لفت انتباه) بقدر ما تكون رساله ( تعطيه شعور القيمه ) وااثرها إيجابي ولو بالكتابه !

مما قرأت عن الرسول صلى الله عليه وسلم في طرق معاملته مع الصحابه
لاحظت انه لابد ان ينادي بالاسم قبل النصيحه او قبل اي شي يود قوله صلوات ربي عليه ..

[ريمنقو]

-


المؤمن التقي الذي يخاف ربه ويخشاه يستعظم ذنبه

بعض الناس يتهآون بذنبه ويجآهر به
والكارثه لو احد تكلم عند صغير ان هذا الذنب ( هيّن ) واحسن من شي اكبر من هذا الذنب
لاتلومون الصغير اذا كبر واذنب وتمادى بالذنب .. تذكروا انكم انتم من استهنتوا بهذا الذنب حتى زرع في نفسه
اي ذنب بالحياه ولو كلمه !

مما قرأت ..
عن أنس بن مالك رضي الله عنه يقول ( انكم لتعملون أعمالاً هي ادق في اعينكم من الشعر ان كنّا لنعدها على عهد النبي صلى الله عليه وسلم من الموبقات )

[ريمنقو]

-


الحياء ..

شعبه من شعب الإيمان ومن يتحلى به يتسم بالوقار وهدوء الشخصية والاتزان

صوره من الحياء
يقول ابن عمر :
قال النبي صلى الله عليه وسلم ( مثل المؤمن كمثل شجره خضراء لايسقط ورقها ولايتحات فقال القوم هي شجرة كذا ، هي شجرة كذا
فأردت ان اقول هي النخلة وانا غلام شاب فاستحييت)
فقال النبي هي النخله


والآن فالمجالس نرى التسابق في الحديث ،،
والتسابق بالفعل دون اي حياء من كبير وصغير ..

[ريمنقو]

-



الحب ..

اجمل كلمه وأجمل شعور في الحياه مالم يمسسه شيطآن رجيم ..

[ريمنقو]

-

في روايه لحديث أنس رضي الله عنه ..

جاءت امراه من الانصار الى رسول الله صلى الله عليه وسلم ومعها صبي
فكلمها رسول الله صلى الله عليه وسلم فقال :
( والذي نفسي بيده انكم احب الناس الّي مرتين )

ليتني من الانصار وكنت مكانها :bawling::004::004:

[ريمنقو]

-




الروايات


الوحيدة اللي ماجازت لي ولاقدرت اتقبلهآ ، في حياتي كلها ماقرأت روايه الا مره وحده
احد صديقآتي قارئه من الطراز الاول وكثير ما نتناقش حول أفكار الكاتب ونأخذ ونعطي
من الكتب اللي تقرأها ( الروايآت ) وتنصحني بالبوليسية لانها تدري ما احب اي شي فيه رومانسيه وحب هههههههههههههه
المشكله ان الكثير طايح ع روايات الحب ، بعدين يقولون فينا جفاف عاطفي
اذا فتحوا تلفزيون يشوفون هالاتراك واذا فتحوا كتب مافيه الا حب ههههههههههههههههه
مازلت اشوف الروايات ( كلام فاضي ) مع احترامي لجميع الكتّاب
ولكن اعتقد اذا احسنت اختيار الروايه وتكون في مجال يهمني ممكن تتغير نظرتي تجاه هذي الكتب
ولكن ماتتغير نظرتي بان الروايات الرومانسيه تضييع وقت بصراحه وكلام فاضي ..

[ريمنقو]

-



http://up.harajgulf.com/do.php?img=736713 (http://up.harajgulf.com/)




بنو تغلب وبنو بكر ..


قال الحارث بن عباد للحارث بن همام قاتلوهم بالنساء فقال بن همام كيف قتال النساء ؟؟
قال قلّد كل امرأه إدواه من ماء ( إناء صغير ) واعطها هراوه (عصا )
وخلهن وراكم وعلّموا قومكم بعلامات يعرفنها ..
اذا مرّت وحده منهن على مصاب تعرفه وتسعفه وتسقيه من الماء واذا مرت على رجل من غيركم ضربته بالعصا لين يموت < كفو :sm5::004:
فحلقت بنو بكر رؤوسها كعلامه للنساء ..
وكان جحدر يقول : ردوا علي الخيل ان ألمّت .. ان لم اقاتلهم فجزوّا لمّتي
وتقاتلوا مع بنو تغلب قتال شديد وانهزمت بنو تغلب

اسر الحارث المهلهل وهو مايعرف المهلهل فقال له الحارث دلّني على المهلهل قال المهلهل ولي دمي؟ قال الحارث ولك دمك
قال ولي ذمتك وذمة ابيك ؟ قال الحارث نعم فقال المهلهل فانا المهلهل
خدعتك عن نفسي والحرب خدعه !
المهم ان الحارث جز مقدمه راس المهلهل واطلقه .. وهذي من عادات العرب :(269):

[ريمنقو]

-


انا ماعندي في هالحياه غير اهلي وهالنتفه قطعه من قلبي :004::biggrin:
اذا زعل مني قال ( انا زعلانه لاتكلمني ) وأنشب له صح حنا أصدقاء ؟
وهو زعلان مره مكشر ويقول لا مب اسدكا بوديس ( بشد السين ) بالسالع ( بالشارع) :017::hahahahahah:

بعد الرضاوه قال بوديس للجنه وربي يفرش لس فلاش( فراش) بموت من الخيال البريئ :icon9::004::004::004: ..
دعيت ربي ان هذا النتفه ياخذني بيدي للجنه :icon9::004::004:


يارب يارب يارب يرزق كل محروم من الذريه يالله ياكريم :004::004:

[ريمنقو]

اخطاء الكبآر


أحياناً يخطئ من هم اكبر مننا سناً بالقول او بالفعل ..
فما موقفنا تجآه هذا الخطا ؟!

عن نفسي اجد صعوبه كبيره في قول يا فلان انت كذا وكذا وعيب عليك فعل كذا !
ماهي صعوبه كثر انها حاجه شبه مستحيله ، ما اقدر اواجه الكبير بالسن واعلّمه

استحي .... استحي ...... استححححي

يكون كبير كبير وفارق العمر كبير جداً والشيب لاح ..
استحي اعلمه يعني ماهي حلوه اصغر منك واجي اصحح لك
صعب اقول له عيب اللي انت تسويه ، رغم ان فعله يضآيقني اكيد و عيب على اي انسان عاقل يسوي كذا
مايكون فعله ( حرام ) ولكنه ( عيب ) بين ناس واعين وعاقلين ،

المشكله يتكرر هذا الفعل كثير ،،
والله بلشت مدري وش اسوي ما اتكلم حيا تقديراً لسنه
ودي اقول خل في وجهك حيا شوي ولاعاد تعودها ههههههههههههههههههههههه
< قفلت معي هههههههههههههههههههه

[ريمنقو]

-

كان قوت يومه شق تمره وصاحبه نصف رغيف
بعد يومين اصبح قوته نصف رغيف وصاحبه رغيف كامل ..
بعد 4 ايام اصبح قوته رغيفان و قليل من الادام وصاحبه اللحم والرز
ثم نظر لصآحبه وهمته دفعته بأن يكون مع صاحبه او افضل منه ..
فبعد حول اصبح سيّد قومه !


# تدوينه تحتاج لفك هذه الرموز الصعبه !

[ريمنقو]

-


وجود الأجهزه الذكيه مع الأبناء ( الاطفال والمراهقين ) امر لابد منه
ولكن الواجب يكون في اوقات معينه يحددها الوالدين ..
ياجماعه هم في خطر كبير كبير كبير .. اكثر من مره اكتب بالمدونه لاني اشوف الهوايل بألعاب الاطفال
وهم أطفال ! فكيف من يعرف يقرا ويكتب ويعي ماحوله ؟!

وانا ضد ( المراقبه المباشره ) لانها تعطي انطباع سلبي جداً سلبي
ولكن مع ( تعزيز مراقبه الله له ) .. بالتنبيه والنصح بشكل غير مباشر

انا اذكر ان امي كانت كثيره في قص القصص ولو انها كانت تبالغ ههههههههههههه
ولكن كان بذاك الوقت مافيه اجهزه .. كانت باي امر تبي تنبهنا عليه وتنصحنا به تقص قصه ولو من خيالها وتضع العواقب وخيمه
فمثلاً قصص أصدقاء السوء وكيف ينجرف الواحد مع صاحبه حتى يوقعه بمصيبه ..
قصص عقوق والى اخره وكيف حال من يبعد عن الله ..... هههههههههههه

لا أخفيكم بان هذي القصص كانت رادعه لي في كثير من المواقف نمّت مراقبه الله في ذاتي
ومن جهه اخرى كان الوالد ومازال كثير القصص عن الأنبياء والصحابه والتابعين وغيرهم فهذا غرس فيني حب ذاك الزمان حب الأنبياء واتباعهم وحب الصحابه والتحلي بأخلاقهم

كان هناك توازن بين ترغيب وترهيب بطرق غير مباشره فالترغيب من الأب والترهيب من الام
وكلها بقصص ماذكر انهم قالوا لي بشكل مباشر نصيحه او تنبيه ..
ولا اذكر ابداً ابداً ابداً انهم اطلعّوا على اي خصوصيه لي ..

انا معجبه بطريقتهم بصراحه ..
الان ينصح بها اهل الاختصاص وهم من سنين طويله كانوا يتخذون هذا الاسلوب

الوالد مازال يجمعنا ويقص القصص القديمه ومما مر في حياته ..
كأنه كان مع كل قصه يضع بذره ويسقيها حتى نمت واثمرت .. فجزى الله والديني خير والجنه

(ربي ارحمهما كما ربياني صغيرا ) ، ( ربي ارحمهما كما ربياني صغيرا )

[ريمنقو]

-



احتاج الى الدعاء من قلب محب
فمن يدعو لي اسال الله ان يجعل له نصيب من دعواته ..

[ريمنقو]

-



اللسآن


به يجتمع الناس وبه يتفرقون ، فاحسنوا الكلام ..

[ريمنقو]

-




لا تطلب مني الشفآعه وانت فعولك ماتطلق الوجه ..!

[ريمنقو]

-



والله لولا الحيا والخشيه من الله
مارّد نفسي بوصلك والعمر فآني . .


-

[ريمنقو]

-




قَالَ الحبيبُ والحبيبُ متيمٌ
الحبُ اسمى انْ يكونَ مُعرقَلا



هذا بيت من حلمي هههههههههههههههههههه^^^

حلمت اني جالسه بفصل والمعلمه تشرح ..
وتدخل علينا معلمه معها كتاب ( النصوص ) حق المتوسط تقول هذا حقك هههههههههههههههه
فتحته وصار بيننا وبينها نقاش .. فتحت الكتاب وكان فيه ٥ ابيات تقريباً واحد من الابيات عليه الخلاف
انا اقول مافيه شي وهي تقول لازم تتغير الكلمه


المهم اللي كتبته فالبدايه هذا بيت من الابيات اللي قريتها بكتاب النصوص ههههههههههههههه
بحثت عنه فالنت مافيه ابدا هههههههه
هذا اللي مفروض يكون عليه الخلاف لان يبي له تعديل

[ريمنقو]

-


سيأتي زمان تكون فيه مساكننا بيوت الشعر ومعيشتنا اللبن وشي يسير من التمر والخبز
ويفنى كل حاضرنا الآن .!

يكون سلاحنا السيف والرمح بدلاً من الرشاشات والمدفعيات والصواريخ
وتكون وسيلة نقلنا الحمار والبعير للغني مننا وللفقير قدميه تنقله وكتفيه وسيله لحمل متآعه

الآن نعيش على النفط ولكن ماذا لو انقطع النفط ؟! هذا حالنا وعلى الجميع ان يعرف ذلك جيداً ويعرف بأن ذاك الزمان آت وكل شي زائل لا محاله
يقول الملك فيصل رحمه الله عشنا وعاش اجدادنا على اللبن والتمر وسنعود لهما ..رحم الله هذا القائد العظيم
ولانعلم ربمآ ٢٠٣٠ هو ذاك الزمآن ؟


رجعت بي ذاكرتي الى الوراء ١٥ او ١٧ سنه وتذكرت ذاك الكتاب ( ممنوع طرحه بالسعوديه ) يحكي عن بداية و نهاية العالم وعن آبائي الحكام رحمهم الله وحفظ الله لنا قائدنا ابو فهد
قرأته وكنت اتعجب كيف وصلوا الى هذي النتائج وكنت استبعد حدوثها
ولكن والله كل ماقرأته حدث خلال ١٥ الى ١٧ سنه
والايام تمضي الى ان نصل للنهاية ونعود لنقطه البدايه !

الحياه دوره واحده تنتهي بعد إتمامها

[ريمنقو]

-


المستحيل


احيانا نرى بعض الأمور مستحيلة ولكن اذا اراد الله سخر لنا من لانتوقعه
وفي ظروف لانتوقعها وموقف لانتوقعه ..
لان الله اراد ،،
لذلك لايوجد ( المستحيل ) ابداً ابداً ..

[ريمنقو]

-



اليتيم


هو الشخص الوحيد اللي حرام الناس تزعله لو بكلمه واحده ..
انا اسمح لهذا اليتيم ان يقول لي مايشاء الأهم خاطره مايجيه شي ، يكفيه الم الوحده وألم انه لم يحضى باحضان وقبلات
جرح عميييييق مهما حاولنا ان نوفر لهذا اليتيم كل شي فمانقدر على لملمة ذاك الشتات !
الأيتام عندي غير غير ومعاملتهم غير فمهما كبروا يبقون في عيني صغار وايتام وحنيتّي عليهم احن من ام بولدها

فيه شي بخاطري مضايقني ولاقدرت أوصله :(

السلام عليكم

[ريمنقو]

_



امس المغرب نمت ساعه وقمت والى الحين مانمت ..
عجزت انام :icon9:


البآرح تفاجئت بخبر رحلة ابوي !
انا ما احبه يسآفر اتضآيق واجد اذا راح :53:
مره سافر الصين وكل شوي اشوفه بالواتس متصل او لا ما اكلمه ولاشي بس اراقب:hahahahahah:
والله من شوقي له وحزني :icon9:
ارتاح بوجوده وانبسط كني ملكت الكون , يكفيني انه بالبيت حتى لو ما اكون عنده فالبيت المهم هو موجود
ولاحد يلومني بهذا الهوس , انا انحرمت منه بسبب كثرة سفره وعمله ايام الصغر
فتولعت فيه بشكل كبيييير كبييييير يارب يارب يطول بعمره ويحفظه ويجعلني قبله:icon9:
هو صديق اكثر من اب ..
اقول ماراح اتكلم عن ابوي واتكلم انا لله ما ايوز عن طبعي :sm5:
والله ماطب عيني النوم :icon9: !
مكتمة وافتح القرآن الظهر عشوائي , واقرا

( قل ادعوا الله أو ادعوا الرحمن أيا ما تدعوا فله الأسماء الحسنى ولا تجهر بصلاتك ولا تخافت بها وابتغ بين ذلك سبيلا ) ,(وقل الحمد لله الذي لم يتخذ ولدا ولم يكن له شريك في الملك ولم يكن له ولي من الذل وكبره تكبيرا )

دعوت الله و وحدته وكبرته وسكرت المصحف !!:004:
رسآله جميله ماهي صدفه كل ما افتح القرآن وقت ضيقي القى شي !
هذي الايات ذكرتني بذكر الله والدعاء اللي نسيته وما انساني الا الشيطآن :icon9:


بتكلم عن ( حالتي مع حدث صار لي برد ثاني اذا روقت ) , قصه حزينه :hahahahahah::mh318:
< نفر للحين بملابس الجامعه , :24_asmilies-com:

[ريمنقو]

-

بعدين بكتب سالفه القصه الحزينه


///
الوكاد
ايام شغل بحث التخرج البنات حاطين نوع العينه ( قصديه )
فانا نطيت وعدلت على نوع العينه الى ( قصديه عشوائية )
عارضوني ورجعوا على كلمتهم الاولى .. انا وضحت لهن سبب اختياري وماتغير شي فسكت

المهم

امس كان عندي مناقشه بمشروع التخرج ..
حضرت انا والقروب والدكتوره تسال ونجاوب وتعطينا ملاحظات على البحث
كل الملاحظات ماكان لي ردة فعل يوم تقولها يعني عادي اخطينا هنا صحيح واكتب ملاحظات الدكتوره على بحثنا

الى ان وصلت الى نوع العينه وعلقت عليها وقالت غلطتكم ليه ماكتبتوا ( قصديه عشوائية ) ؟؟
الكل ساكت :)

انا تضايقت مب علشان الدكتوره علقت وقالت خطا ، لاني كتبت لهم الصحيح ولاسمعوا كلامي
ضيقه لحظيه ، المهم الامور فالسمبتيك الحمدلله

[ريمنقو]

-


في ظلال السيره

اول مره سمعته كنت رايحه للجامعه وصرت اسمعه كل ماطلعت مكان واذا رجعت اكمل باليتيوب ،،
رائع بكل ماتعنيه الكلمه .. مُبكي ، يزيد الشوق ويزيد اللهفه لذاك الزمااااااان
طبعاً المعلومات اللي فيه مكرره كثير سمعناها ولكني انا ما امل من سوالف فيها النبي صلى الله عليه وسلم
وفيه معلومات بالنسبة لي جديده ..

مدري ابكي شوق او حب المهم اني اعيش مشاعر مختلفه ، اوصيكم به :(

[ريمنقو]

-


‏سئل الفضيل بن عياض عن التواضع ؟
‏فقال: يخضع للحق وينقاد له ، ويقبله ممن قاله .
‏

[ريمنقو]

-



http://c.top4top.net/p_128kidz0.jpg (http://up.top4top.net/)




مجموعه كتب متنوعه قرأتها سابقاً رجعت انفض الغبار عنها :cheese:
بين الكتب لقيت ورقه ذابله اكل عليها الدهر وشرب مكتوب فيها بيتين
بحثت في النت عنها مالقيت لها اي اثر بمعنى انها لي !!!
ولكني الى الان مشككه في نفسي ..



للجروح الام في عين الحزين
وللحزين آهات تبرد حرتّه

آه من جور الليالي والسنين
وآه من ذكرى حزينه مرتّه !!


:icon9:

[ريمنقو]

-


ارى ان بين الألفاظ والعمر علاقه طرديه
فكلما كان العمر اكبر كلما كانت الألفاظ حسنه وهذا المفترض
ولكن اذا صارت العلاقه عكسية اصبح الانسان مُستصغر عند اهل العقول ومحل للانتقاد ومنبوذ اجتماعياً !
لذلك انتقاء الألفاظ امر في غاية الاهميه .. والكلمه الطيبه صدقه !

[ريمنقو]

-


يضايقني اذا الناس تفهمني غلط !
واللي يزيدني غيظ اذا وضحت الامر وماكان فيه تفهم من الطرف الآخر !:41jg:
احس بحريقه داخلي :(
حلفت ماعاد اقول شي لشخصين واحد يظن بي ظن سوء والثاني يبهّر كلامي .. :41jg::41jg:
الله عليم بالجهر ومايخفى

[ريمنقو]

-



يقول احدهم ويحلف بقوله ان التوراه غير محرف
وقرا جزء منه وحلف بانه كلام الله !!
رب كلمه يقولها لايلقي لها بال فتهوي به بجهنم سبعين خريفاً ، اعوذ بالله !

قرأت من قبل الإنجيل والتوراه وامس لأول مره اقرا الزبور ، الزبور كأنه خواطر ابداً ماهو كلام الله !
والانجيل والتوراه فيهما مايتوافق مع القران الكريم من احكام وقصص
وفيهما مايخالف القران والقصص المخالفه للقران كثيييييره ..


** للمعلومية لايجوز قراءة هذي الكتب الا لمن يبي ان يقيم الحجه بها على أصحابها والخ
ويذكر ان النبي صلى الله عليه وسلم غضب لما رأى مع عمر رضي الله عنه صحيفة من التوراه

[ريمنقو]

-



نلزم الصمت حتى لانؤذي من نحب !

[ريمنقو]

-



( وإذ قال لقمان لابنه وهو يعظه يا بني لا تشرك بالله إن الشرك لظلم عظيم )
شدتني طريقه الوعظ ( يابني ) كلمه لطيفه وفيها تودد
فانا اعتقد ابن لقمان كان في شغف لوصية ابوه :004:

مثل
يابوك يابنتي كلمتين اذا سمعتها من ابوي
ما أبالي بما بعد هذي الكلمتين مهما كان ثقل هذا الوعظ او الامر اعمل بها :004:

[ريمنقو]

-


من بعد ماتعلمت سالفه الرياح الشمالية والجنوبية صرت اعرف متى ينزل المطر ههههههههه
قبل دقايق اشوف الرياح كيف قايله فقلت ابشروا بالمطر .. شوي وينزل ههههههههههههههههه


اللهم صيباً نافعاً ..
لاتنسوني من دعائكم ..
ولاتنسون والدنا " ابو متعب " الله يرحمه ويغفر له وأموات المسلمين اجمعين

[ريمنقو]

_



تو زان الجو في عين المولّع
وامطرت غيمة غلانا بضحويّه

ربعتّ ارض الهوى والفقع فلّع
والمحبة بالعطآ ماهي جزيّه

مل قلبن من هوا خله تشلّع
بالمواصل مالقى له مقدريّه


هذي على مود اريج فيهآ حب وعزآب :hahahahahah::004::sm5:
نفسي بمحآوره :verycute::(269):
ابي كلمة استبدلها بمكان اللي بالاحمر , لان هذي مخليه النطق ثقيل شوي
من يقترح علي كلمة تناسب التصوير :(107):



_

[ريمنقو]

-


‏لو ﺗﺄﻣﻠﺖ ﻓﻲ ﺣﺎﻟﻚ،
‏ﻟﻮﺟﺪﺕ ﺃﻥ الله ﺃﻋﻄﺎﻙ ﺃﺷﻴﺎﺀ ﺩﻭﻥ ﺃﻥ تطلبها، ﻓﺜﻖ ﺃﻥ الله ﻟﻢ ﻳﻤﻨﻊ ﻋﻨﻚ ﺣﺎﺟﺔ ﺭﻏﺒﺘﻬﺎ ﺇﻻ‌ ﻭﻟﻚ ﻓﻲ ﺍﻟﻤﻨﻊ ﺧﻴﺮًا تجهله
‏

[ريمنقو]

-


وضعي مع الدراسه
في بداية الترم ----- لازم اجيب a+:(284):
في نصف الترم ----- المقرر صعب بجيب b+ راضيه بها :mh12:
ليلة الاختبار -------راضيه ب c :sm18:
صباح يوم الاختبار ------- ابي انجح باي طريقه ماعاد يهمني المعدل :bawling::sm12:

[ريمنقو]

-



في 2012 وفي وسط الليل الدآمس ..
قررت فتح هذي المدونه المتوآضعه وفي ذاك الوقت قبل اعتمآد العنوان
وصلتني ( صوره ) اهداء لي مكتوب فيها ( لو يحبك الف قلب انا اكثر دون ليه ) !
وبمآ ان معي متلازمة عناوين , ماكنت اعرف وش اكتب عنوان ..
فكانت الصوره المنقذه , واعتمدت الاسم .. :060:

تعددت اتجآهآت المدونه وارى هذا التعدد يرجع الى التغيير ..
في كل فتره تتغير بعض المفاهيم , اعي الحياه اكثر , تغير منطق التفكير !
فبين كل عدد من الصفحات نجد نقله نوعية , نقلآت عفوية ماكنت انتبه لها ..

حتى تغيرت في اخر الصفحات جذرياً ..
فانقطعت سواليف شليويح وحكم جدتي عويشه " رحمهآ الله " ..
وانقطع ذاك الخيآل الوآسع الظريف:biggrin:

وسبب الانقطاع /
1- هذي السوالف اخذت حقها الكافي الوافي
2- هنآك اشياءء اجمل يحق لها ان تترنح من سكرهآ بين هذه الصفحآت !:(269):


عشنا كثير في هذي الدنيآ وواجهنا العديد من الوجوه والعديد من المواقف
والصعوبآت والعقبآت التي حاولنا كثير مجابهتها بقدر مانملك من قوه وعزم فنحن افراد جبهويون لانهآب شي:(269):


حياتي لو اصفها قلت ( من الظلمات الى النور ) لذلك سميت بنتي من الظلمآت الى النور ! :biggrin:
فقبل 2011 كانت الظلمآت ومابعد 2011 بفضل الله كان ذاك النور الساطع اجهرني في بدايته
ولكن سرعان ماسلكت ذاك الطريق الذي وهبه الله لي وجعل من امري رشدا ..
ولعل الايام القادمه تشرح لنا هذه الظلمات وذاك النور ..!


#منطقيآت :(204):

[ريمنقو]

-



شكراً لمن سيتآبع سلسلة #منطقيآت ..!
الهدف منهآ نقل تجربة فاشله الى ناجحه في كثير من امور الحياه !
ومن شخصيه يائسه الى متفائله !
نبدا بهآ ان شاء الله من الصفحه القآدمه :biggrin:
ربمآ تُكشف بعض الاسرار وتلقون اجابات على تساؤلاتكم التي كثير ماطرحتوهآ علي :(269):
ويذهب ذاك الغموض الذي اجتاح زاويا تلك العضويه المتواضعه !

/

آعيش اليوم بدقائقه وساعاته واذكر جيداً تفاصيل اليوم
ولكن اذا سكنت الاصوات وتفشى ذاك اللون الاسود بارجاء المكان
وضعت راسي على كتف النسيان وذكرت الله وعفوت سائلة الرحمن بأن يعفو عني
وابدا يوم جديد و وقت جديد لا اذكر تفاصيل امسه وكأني اعيش لاول مره
وتستمر الحياه ..!

[ريمنقو]

-



العقول ملك لنا فهي مهبط الإلهام ..
فبها نبحر بخيالاتنا وتفيض افكارنا التبشيرية !
وبها نسمع شنشنة صفحات ماضينا وحاضرنآ ومستقبلنآ ..!


-

[ريمنقو]

-




‏لا تجعل الدُنيا تسرق منك هذه الخمس :
‏لحظة الصفاء مع ربك
‏والبر مع والديك
‏والحُب لعائلتك
‏والإحسان والوفاء لمن حولك
‏والإخلاص في عملك .



-

[ريمنقو]

-



اذا حكمت فاعدل واذا قضيت فأفصل !

[ريمنقو]

-



كل مازاد الناس في الاساءه زد في إحسانك لهم
ولاينوء بك الحمل الثقيل ولا تكن من اهل السعاية والخب


#نصيحه
-

[ريمنقو]

-


الفشل ليس في عجزك عن تحقيق النجاح ، الفشل في ان تراه مستحيل


#منطقيآت

شكلي بهون عن سرد السلسله المنتظره ،، :no:

[ريمنقو]

-





استجاشت الذكريات على ذاك الضعيف فأوبقته !

[ريمنقو]

-

الكلمه

تخرج من القلب وتدخل الى القلب ..
فاما ان تكون طيبه يطيب لها القلب او تكون موجعه فتدمي القلب وتهلكه

[ريمنقو]

موقف


كنت مره في مكان عآم مع صغيري الحبيب مايتجاوز ٤ سنوات اسال الله ان يحفظه ويبقيه ..
نأكل ومشغولة معه اشجعه على ان يأكل .. فلما انتبهت لمن هم حولي لفت انتباهي انسان ضعيف
فبكل عفويه اخذت جزء من ما في صحني واعطيته ورجعت .. بعد دقيقه قام هذا الصغير وفعل نفس فعلي !!
وزاد عليه ؟ اخذ يوزع الاكل ع من حوله ؟!

على طول رجعت بي الذاكره لأفعال والدي العفويه اللي كانت تعلمنا من دون ان ينبهنا او يأمرنا وكنت افعل مثله
نفس اللي مريت به في صغري شفته بذاك الموقف ..

الصغار تهمهم التفاصيل ودقيقين فلابد ان نحرص على اختيار الكلمات والافعال !

[ريمنقو]

-



http://e.top4top.net/p_133tpka0.jpg (http://up.top4top.net/)



-

[ريمنقو]

-





الفضفضه

تريح القلب وتسكنّ الآوجاع ولكن لابد من الدقة والحذر في آختيار الاذن السآمعه !

[ريمنقو]

-


مايسعدني كثر تعليقآتكم هنآ :hahahahahah:
وحده تقول متى اعلنتي اسلامك علشان العنوان الجديد :) :hahahahahah:
والثانية تقول صآيرتن ماش لاني كثرت فلسفة :icon9:
مآتجوز لكم فلسفتي ! يكفي انها تجوز لي وتجوز لاثنين من النآس :icon9: :cheese::004:
انتم توحون اللي اقوله تراي اتعب علشان اكتب ربع سطر فيه فلسفه ..:tongue:
والله انهآ مفيده بس تحتآج لاحد يفهمها وفيها حكمه وفيها نصيحه :cheese:



هذي الايام مالي نفس اسولف , ادخل اتفلسف واطلع:icon9:
مدري وش فيني احس بالخمول الداخلي :Looking_anim:



-

[ريمنقو]

-
-


من اتعس شخص بالحياه ( انا )
مرض بمرض شديد من شدة حزنه ( انا )
ضاقت به السبل وانطوى وصارت حياته مظلمه ( انا )
فشل في كثير من الاشياء وتخلى عنه الاقربون ( انا ) ..
اكثر من خُذل وطُعن وظُلم ( انا )
كان انسان مثل شمعه تنير من حوله ثم انطفئت ( انا )
انا ، انا ، انا
ولكن كل هذا ماضي كنت فيه ، والان بفضل الله غير 180 درجه
م ا ض ي .. م ا ض ي .. م ا ض ي
كان مجرد ابتلاء وعديته بفضل الله ومنتّه
من ظلمات الى نور ..!


كانت البدايه حلم في النبي يوسف ! وبعدها تعرضت لظلم وعشت في كبد
والنهاية كانت حلم في الله سبحانه .. فتغيرت حياتي جذرياً ..
عشت حياتين ولا لقيت لذه الحياه وسعادتها الا بحياتي الثانيه ( مع الله )

ياناس اخذوا النصيحه من مجرب والله كل لحظه من الحياه تروح تنقص من أعمارنا
متخيلين ان الواحد يمرض مرض من شده الحزن ؟؟! يعني متصورين الحزن اللي كنت به لدرجة انه امرضني سنه كامله !

النبي يعقوب عليه السلام صار اعمى من شدة حزنه على يوسف !
( وتولى عنهم وقال يا اسفي على يوسف وابيضت عيناه من الحزن فهو كظيم )

اكثر ماندمت عليه اني اصلا حزنت ! ليه احزن والله معي ؟
ولكن هذي هي طبيعه البشر الحزن والهم ، ولكن الأهم ان لايطرحنا هذا الحزن وان لا ننسى الله


لكل مظلوم والله ان نصرك قريب وان طالت المده ..
وحقك يؤخذ في الدنيا قبل الاخره .. والحمدلله الذي اظهر الحق وازهق الباطل ..

[ريمنقو]

-



عمر بن الخطاب كان عدو للنبي صلى الله عليه وسلم .. وعدو للإسلام
ومن يسمع كلامه يجزم انه من المستحيل ان يسلم ..
ولكن رقّ قلب ذاك الرجل القوي الغليظ واسلم والسبب ٣ نساء مسلمات
ومنهن اخته فاطمه بنت الخطاب .. لما دخل عليها وحدث ماحدث في ذاك الموقف المهم انه قرأ سورة طه فمكان منه الا ان يسأل عن مكان الرسول صلى الله عليه وسلم حتى يعلن إسلامه ..

[ريمنقو]

-



‏ينسى صنائعهُ والله يظهرها ..
إن الجميل وإن أخفيته ظهرا



":004:"

[ريمنقو]

-




‏وصُن ضحكةَ الأطفال يا ربِّ إنّها ..
إذا غرّدت في موحشِ الرمل أعشبا

[ريمنقو]

-


هنا معاناه آخرى ..!

http://www.ckfu.org/vb/t754506.html#post1057212791

[ريمنقو]

-



قبل 7 او 8 سنوات نسيت بعض الابيات بقت هذي بالذاكرة ..


لي صاحبن مني وفيني وليّه
اقولها من قلب وصدق اللساني

ماقدّر اللي مايقدّر مجيه
ولا اقدّر اللي مايقّدر مكاني

[ريمنقو]

-


مازلت احس بالخمول الداخلي .. احس ان داخلي نايم :019:
مالي نفس لأي شي ،، ودي بس اطقطق واضحك :019:
هذي الايام كل سوالفي ضحك .. أمسك الواحد طقطقه ..:hahahahahah:
البارح سهرتي مع العائله ،، فسهرنا على مقاطع فيديو ( ماضينا الأسود )
خلص الضحك البارح يالله على ماضينا الأسود كل واحد فينا يسأل الثاني
هل انت راضي عن نفسك وانت تسوي هالحركات ؟؟! :hahahahahah:

انا مايحتاج اقولكم خيّاله .. دايم على حصان الى الحين لازم التقط صوره فوق الحصان :hahahahahah:
جدي الله يرحمه خيال وابوي .. فماهي غريبه علي :hahahahahah:

..
فيه احد يحس ( بالخمول الداخلي ) :019:
احس عايفه كل شي ،، اي احد يجي يقول لي مشكله اقول له ( انا تعبت فكوني من البربسه) والمسكين يكمل
وضعي مع العايله مصلح اجتماعي:019:
ياخي احس بشي ماعرف كيف اوصفه ،، بس اقرب مايكون هو ( البؤس) :Looking_anim:
/

المهم بكره ان شاء الله عندي موعد مهم مهم مهم يالله جعله فاتحه خير علي قولوا امين :biggrin:



** هذي التدوينه ارسلتها بالخاص لعضو بالغلط مانتبهت اني فاتحه رسالته
اقسم بالله تفشششلت عاد عضو اول مره يكلمني بدل مارد عليه كتبت له التدوينه .. عملت نفسي ميته
ياشين اللي يطفي النور مدري متى يولع نوري انا لله :)
احيانا أضيع واكتب في مدوناتكم:Looking_anim::icon9:

[ريمنقو]

-


وحده بسناب مرسله يمكن حول 100 ثانيه
تقول ابي الحل من الله ثم منكم هذا اليوم اصعب يوم مر علي
ضاقت فيني الوسيعه من الصباح .. مالقيت حل تكفون يأهل الخير ساعدوني
ومن هالكلام


انا اشتغلت عندي الحميه والفزعه انتظر بس اقرا اللي تبينا نفزع به :(131)::(110):
اخر 10 ثواني كتبت ( اشيل العصب والا اخلع ضرسي ) :lllolll::hahahahahah:

حلال ذبحهآ؟:biggrin:

[ريمنقو]

-




بعض الناس مثل البوصله لحياتك فأما ان يوجهونك للطريق الصحيح ، او يضيعونك ..!




-

[ريمنقو]

و بعض البشر يدخل حياتك ويترك بمرض ومحطم مهشم وبعضهم دخولهم نعمة لك ..



هي الايام كما شاهدتها دولٌ
من سرّهُ زمنٌ ساءته ازمانُ


من يحآول فقط تهشيمك ابتعد عنه ،
شفت أصناف واجد من الناس ولاشفت أردى من الفئه اللي تدس الخساسه وتظهر لك الجانب الطيب!
من يدخل لحياتي ليحاول قلبها لا والله انا اللي اقلبها عليه .. خلاص فات الزمان اللي نُستغل فيه
لذلك اي احد فيه شي مايعجبني تكش نفسي عنه وابتعد ..
ما احب الخبث واستغلال الناس وهتك الأعراض والظلم والطقطقه و و و و
ناس انا وهم شي واحد بس بمجرد ما اشوف حاجه ماتعجبني يروح كل شي ..
ماهو ردى فيني ولكن اترفع عن رداهم وتشوم نفسي عنهم فمايصلح لي مثل هالناس .. يعكرون صفو قلبي وعقلي


ف اتمنى بان تكون مثلي حتى لا تُهشم ولاتُغشّم

[ريمنقو]

-



قلت ابشروآ بمحمدن جآب السمين
ومحمد المطنوخ ذي عوآيده


مايرتكي الا على مركى متين
والطلعه فوق رجم(ن) ماهي كآيده

سمىّ باسم الله وبالله مستعين
ومن استعان بالله يلقى فآيده



مآكتملت لها كم شهر ..
هذي الابيات يمكن الكثير مايفهمها ..
وخصوصا في وصفي ( جاب السمين ) ( مايرتكي الا على مركى متين ) ، ( الطلعه فوق رجم ماهي كايده)
كلها وصوف في نيل ماسعى له والعلياء ماهي صعبه على من له همه عاليه يجيب رأسها يجيب رأسها ولو كانت صعبه

[ريمنقو]

-


‏من عف كف ومن تألم تعلم
‏ومن عاش بالواقع ماتغريه الاحلام
‏.
‏ما يندم الساكت كثر من تكلم
‏ولا يامن العاقل صواديف الايام
‏

[ريمنقو]

-



كنت بالحرم مره وتعرفون السلم الكهربائي اللي برى الحرم المهم اني كنت بطلع ( صعود )
فيه ثنتين فوق بينزلون .. ونزلوا سباحي هههههههههههه زين محد تكسر
انا ماعاد اسمع الا صوت كراعينهن تضرب فالسلم ههههههههه واسمع الله اكبر الله اكبر
وكل وحده قرطت بالقآع بعد ماركزوا كل وحده تضم الثانيه وتبتسي وتضحك هههههههههههههههههههههه

ماضحكت والله .. بس الحين تذكرت الموقف وضحكت ، ادري السالفه سامجه ههههههههههههههههههه
بس متكدر خاطري وش اسوي

المهم نفسي بالمدينه اذا سمعت طاري الروحه لها والله ان قلبي يفز لها
ياحلو ذاك الشعور ،، سافرت كل مكان والله ماحسيت بالسعادة والوناسه بداخل السعوديه وخارجها الا يوم رحت المدينه
راحه نفسيه صدق صدق راحه ..
نتمشى واعيش لحظات التاريخ واتخيل تفاصيل واجده وأتخيل المعارك
اتخيل ايام بدر واحد :(

[ريمنقو]

-




‏عسى مقبلة الايام تجبر عزآ اللي راح
‏وعسى الضيقه اللي فالصدرتنقلب فرحه
‏.
‏اسولف مع العالم واجامل مع المزّاح
‏واناوسط صدري شي يصعب علي شرحه
‏.

[ريمنقو]

-


ياحزن كبدي حزن من ضاق ثم حام
اخذت فروخه مدري ليه ولوين؟

بعد ما شاف العش عيدان وعظام
خاالي تفكر فووق ويساار ويمين

خلا عشاها فيه ومن الوطى شاام
زبن على روحه وفل الجناحين


:icon9:

[ريمنقو]

-


‏ '
‏.
‏عفى الله عن جوفٍ به الحزن ما ينشاف
‏يكن الضيق في صدره ولا جاب له طاري
‏


؟؟!!

[ريمنقو]

-




ههههههههههههه وش هذي التدوينات الكئيبه من امس
ادري اخر شي بندم على أني طرحت هالأشياء هههههههههههههههه


احس حيلي منهد نفسيا ، نفسيتي احس بها نوم وخامله :24_asmilies-com::hahahahahah:
محد يصدق اذا قلت انا ما اشكي لاحد او افضفض .. انا ماتكلم الا باشياء معينه ويكون اخذ الراي فيها وهذا نادراً اذا الامر محيرني او متشعب وكبير :sm5:
لكن غالباً ماتكلم ..
وان تكلمت فهم لأشخاص معينين واختارهم بدقه ولكل واحد فيهم مجال معين :cheese:

[ريمنقو]

ياحزن خف شوي صاحبك مخنوق ‏ماعاد له من ضيقة الصدر حيله ‏ياليت لو يجلي بي الهم طاروق ‏جريت وناتٍ ..بصدري ثقيله /اااه ياضيقة الصدر قسم على الجرح





هذا اللي يقول لك يزيد الهم هم هههههههههههههههههههههههههه
ترى ماحب اجواء الحزن .. الله يصلح قلبك على الدقه انتي :hahahahahah:
اذكري الله وعيني خير عيني خير :cheese:



--

انسي الحزن بقول لكم سالفه
تذكرت موقف صعب
خالتي عندنا بذاك الوقت .. على اساس جمعة الأهل بهذيك العطله عندنا ننتظر بقية الربع يجون

يوم الخميس الساعه 1 ونص ظهراً بعد الغداء انتشروا اهل البيت محد حولي
اتصلت وحده وانا رديت وبادرت بالترحيب دون ان اسمع صوتها على طول ( ارحبي يالله حيها والخ ) وكان صوتها مريب مختلط بالعبرات والغصات وبدون مقدمات قالت وين امتس قلت مدري قالت وخالتس قلت مدري محد عندي !
قالت وهي تختنق محمد توفى ( ولد خالتي ) سمعت الخبر وكأني مصفوعه انلخمت كانت صدمه كبيره بالنسبه لي
المهم قالت علميهم وسكرت ..

جلست في نار من اقول له ؟؟؟؟ وكيف اقول ؟؟؟؟؟ و وش ردة فعله ؟؟؟؟؟
امي مستحيل أفاجئها بهذا الخبر توقعت انها بتنهار هي خلقه لو اقول لها ( بقولتس شي ) تبدا بالارتعاش
فشلتها من القائمه ،، فكرت اقول لأبوي بس ما اذكر السبب اللي منعني عنه

المهم اخر حل هو اني اقول لخالتي وهي تقول لامي
توقعت خالتي هي الاقوى هي اللي بتكون عون لامي فأمي ضعيفه بهذي المواقف ..
بصراحه كان جُل تفكيري بأمي كنت اخاف عليها من الصدمه ،،

اذكر اني اثناء تفكيري ادور فالبيت فلما اقول بقول لفلان واروح له أتراجع وارجع مع دربي
فاذا قلت بقول لفلان اروح لين أوصل لمكانه ثم اتراجع وأرجع
حتى اتخذت القرار الحاسم باني اخبر خالتي .. جيتها وكنا لوحدنا وبدون مقدمات قلت لها الخبر
كذبتني فالبدايه وتوترت واتصلت على الأهل وتأكدت ثم انهارت انهيار عظيم :sm1:
وعرفت امي وعرف الجميع

والمفاجأة ؟؟


امي كانت الاقوى كانت عكس ماظنيت واخطيت بظني فيها وبقراري
صحيح هي تأثرت واجد لكن كانت الاقوى
والله الجميع تأثر بما فيهم انا ! فحنا متربين مع بعض والعيال اخواني وانا أختهم وكلنا تربينا على هذا الشي
ماكنت أتصور اني بفقد احد قريب لي .. كانت هذيك الليله موحشه صدق مانمت من الخوف :icon9:
ماكنت اتخيل اشوف قريب منهار بهذا الوضع !
كانت الدنيا عندي لعب ووناسه وضحك ما كنت ألقي بال لهذي المواقف .. ولا احسب حسابها
متناسيه كلياً الموت مره مره مره مايخطر على بالي .. ولكن من بعد هذا عرفت ان الموت اقرب من كل شي
بغمضة عين يروح الانسان ..

وعرفت كيف أدير مثل هذي المواقف .. اسال الله العلي العظيم ان يبعدني واياكم عن هذي المواقف
وان لا يحزن قلوبنا بفقد احبابنا يارب امين .. :004:

[ريمنقو]

-



اتمنى يصير فيني هوس على البرامج يعني اتابعها يوميا واتفاعل ... ملوله مره ..
حتى الألعاب أطول مده انسمجت فيها اسبوع وبعدين تركت اللعبه ..
البلايستيشن يمكن لي 9 شهور مالعبت به
والبرامج اللي الناس متفاعله فيها انا مادخلها باليوم الا مره وحده لمدة دقيقه الى دقيقتين
سواء كان واتس او تويتر او اي شي من وسائل التواصل .. ممكن بالايام مادخل عليها
كل البرامج كنت في تفاعل بعدين خلاص تركت كل شي .. صار شغلي يا يتيوب او اقرا بالنت بعض الكتب والأخبار
ماراح ارجع انقز بحلوق الخلق الا اذا اتقنت العبريه ههههههههههههههههه

لي فتره طويله كذا حتى قبل البرامج اتملل من اي شي كان يشغلني حتى الدراسه :(269):
فيه احد مثلي والا بس انا :(

[ريمنقو]

-





جزاكم الله خير ..
القصه اللي ذكرتها لها سنين طوووووويله طويله فوق عشر سنوات

قصة آخرى قديمه بعد !


بقي على عطلة الحج يوم وثالث يوم من العطله معزومين لزواج
فاتفقنا ان نسافر قبل الزواج بيوم .. ولكن قبل ان تبدا العطله تغيرت كل الخطه ؟!
ليه وش السالفه !
قرر ابوي في ليله دامسه ان يقول بنروح لهم مفاجأه الليله ؟ ولاحد يعلمهم مانبي عزايم وذبايح؟
علامات الاستفهام فوق رأسي من متى ابوي يسافر بالليل ؟! واسال امي وش عنده يبي يمشي الحين قالت انتي بس تولمّي ؟

تولمّي = تجهزي :cheese:

المهم ركبنا وطلعت امي الجوال قالت بتصل على امي ورفض ابوي وقام يتعذر ممكن نايمه لاتزعجينها واصلا ما ابي احد يعرف ولاتتصلين على احد :(107):
انا وضعت يدي على خدي وأتأمل المدينه قبل الخروج منه والتساؤلات فوق راسي

وبدا ابوي يسولف مع امي عن عيال خوالي وعددهم سوالف عاديه
ومن ثم تعمق بالسوالف فخصص واحد من خوالي اخذ يسأل عنه وعن تفاصيله وكأن ابوي مايعرفه ..!
طول الطريق يتكلم عنه وامي تجاوب وتتكلم معه على انها سواليف هذا ولده صغير وعمره كذا وهذا كذا :biggrin:

ف فطنت للامر اللي امي مافطنت له !
وقلت في نفسي ان خالي هذا لاشك انه توفى ؟ فمن متى ابوي يسأل مثل هذي الاسئله ويهتم بالسؤال عن عياله ؟
ابوي مايشوف كل عيال خوالي فالصغار مايعرفهم لذلك سأل عنهم
عرفت ان الامر ماهو مجرد سوالف وفضول .. كان عنده خبر ان خالي توفى لذلك قرر على ( المسرا ) في ليله ماهي ليله مساري !
ورفض اننا نتواصل مع آي احد حتى مانعرف بالخبر ! فالمسافة بعيده ومايصير نعرف بالخبر الا اذا وصلنا كان هذا افضل الحلول عند الوالد

كان يسال وهو متاثر ويفكر فعياله صاروا أيتام ! وكم يتيم اكثر من واحد ! طيب من يراعاهم ؟!
يسال وتجاوبه ثم يقول ايييي ويسكت شوي ثم يسال .. وامي المسكينه تحسبه يسولف معها كالعاده

بعد ماوصلنا الساعه 1 ليلاً البيت مظلم وهاااادي والجميع مجتمع بالصاله الا جدتي وينها ؟
امي جن جنونها تسال امي وينها ؟؟! امي فيها شي ؟؟! الوجوه يعمها الحزن والظلام .. تمسك خواتها تسألهم عن أمها ! ولا جواب !؟ كلهم في صمت

حتى قامت وحده منهن ملكت شي من الشجاعه وقالت لها بأن جدتي في بيت خالي لانه توفى ..
فكأن انصب علي ماء حار واسوّد وجهي وذكرت الله فأغمضت عيني فانا لا اقوى ان ارى امي بهذا الوضع ..
سمعها ابوي فناداها وهو يعرف الم الفقد

فراحت له وضمها حاول ان يهديها فكانت تضرب صدره الطاهر بيديها الطاهره ضرب ذاك الضعيف المنخذل المكسور وهو يزيد في ضمها ويذكرها بالله وهي تسال ( ليه ماعلمتني ) ( ليه ماعلمتني )

هو موجوع معك يا امي فانتي تقطعين قلبه وقلبي
هو طول الطريق كان يفكر كيف يخبرك اخبرها عند الوصول او اخواتها يتولون الامر؟
هو يفكر بردة فعلك وفعلي فهذا خالي الحبيب كنت اذا بسلم عليه ابوس راسه وخشمه ويرفض
يقول لي اذا جيتي تسلمين سلمي خشم بخشم
خشمتس يابنتي وينطحني بخشمه ف اتأذى وتدمع عيوني من نطحته ماكان يسلم بشويش ههههههه :cheese:
يذكر الله ويذّكرها حتى هدت .. ليله اخرى موحشه بالنسبة لي وعطله بائسة
الله يبعدنا واياكم عن مايحزننا يارب امين

# ان تفقد اخوك يعني ان تفقد استقامة ظهرك

[ريمنقو]

-



( لانكلف نفساً الا وسعها )


فمايصيب الانسان من وصب ونصب وهم وغم الا وهو قادر على هذا
لاحد يقول انا ماقدر انت تقدر تتحمل ما بك وتقدر تتغلب عليه ولكن اعرف كيف تتحمله وتتغلب عليه

[ريمنقو]

-



نعفو فيرونه ضعف ، نتواضع فيرونه ذُل ومهانه ، نقول كلمه الحق فيرون ألسنتنا ماهي طيبه !
نؤيد فيرونه خضوع وانقياد ، نعترض فيرونه تكبر وعزة نفس ؟

بالله وش وضع هالناس ؟:(269):
من يفهمهم ان الحق حق ويزعل اللي يزعل ويرضى اللي يرضى :(269):


ترى مايجيب الضيم و الضغط والقولون
سوى كلمه من واحدن كنه إيانا

نعده من المضمون وأثره ماهو مضمون
ياربي لاتنكسنا ياربي لاتجفانا

:(269):

[ريمنقو]

-


اعتذر للجميع ان احزنتهم والله ماكنت اقصد أحزنكم فانا كنت أقص القصص وجوي صافي
واعتقدت ان هذي القصص ماهي مؤثره لانها ماعادت تؤثر بي

نلتقي بصفحه اخرى هههههههههههههههه

[ريمنقو]

-


-




من بين زوار المدونه وحده كنت انا وهي شي واحد .. عمر صداقتنا 8 او9 سنوات
اعرف يقيناً انها تقرا كلامي هذا رغم انها ابداً ماقالت لي انها تتابعني و..
بشهاده منها ماجاء مني ردى ولا جاء مني مايسيئ لها وهذا مايهمني ان اكون طيبه وان لا أضر احد

العشره تفرض علي التقدير
فمن يرفس هذي العشره ويتناسى كل شي فهو ردي ..
مازلنا الى الان نتواصل ونأخذ علوم بعض واخر مره كلمتها اليوم ،، :lllolll:

من وفائي اكتب عنهآ الان !
لله وفالله والايام تمشي فان غدت بي الدنيا اذكريني بخير :love080:

[ريمنقو]

-



تقول آمي والله لو ادري اخر دراستك هذي فلسفه ماكان خليتك تدرسين اصلا
ههههههههههه صجيتها بفلسفتي:hahahahahah:
انا ما انتبه لنفسي اني أحلل المواقف واحلل التصرفات والسلوكيات واقول لها مستقبلاً وش النتائج
وهي تتملل من هذي الفلسفه اللي هي ( علم ) :hahahahahah:
مانتبه لنفسي اني صرت اسأل كثير عن التفاصيل أكثرت من ( ليه ، كيف ، شلون ) ليه مايصير كذا بدلاً عن كذا
شلون صار كذا ؟ كيف صار ؟ :hahahahahah:

والله مانبهني الا هي ،، اشوف الامر ايجابي لانه يعطي نتيجه ايجابيه فعند طرح الاسئله حول مشكله ما ، نلقى حلول
عند ملاحظه سلوك معين يثير التساؤلات نوصل الى نتائج قد تكون هذي النتائج سلبيه وقد تكون النتائج تفعّل الدور الوقائي
فانا كثير ما الاحظ شي الجميع يغفل عنه واذا تكلمت اتكلم من جميع جوانب هذا السلوك وبالأخير اطلع انا صح :(269):


شطحه
تذكرت مره شغالتنا في عز الظهر كل شوي طالعه بزباله للشارع فمحد لاحظ كثرة طلعاتها الا انا
قلت يالربع ذي والله ورآها علم ماصارت زبايل:hahahahahah:
اخر كيس طلعتّه روحّت ماعاد لقيناها .. تطلع على اساس تقط الزباله وهي تشوف جاء سؤاقها او لا
شف كيف دهاء الشغالات بالنحشات :hahahahahah:

[ريمنقو]

-


الصبآح


مايليق له الا الرواقه والنفس الطيبه ،، فابتسم واشعر بتنفس الصباح !

[ريمنقو]

-



بعد تدوينه الصباح ..
توكلت على الله وطلعت .. ركبنا السياره والامور طيبه
كنت اسمع كالعاده ( في ظلال السيره ) وماسكين خط عام ..

غارقه بتفاصيل حياة حبيبي رسول الله .. فمره ابتسم ومره ابكي
المهم فجأه الخوي طاح راسه ع كتفه وطلعت السياره عن مسارها ..
الخوي غطّه النوم :eek:
لطف الله بنا وقدر يسيطر على السياره ..
والله لولا لطفه لكنا في خبر كآن
وكم من خبر كآن انجاني الله منه فالحمدلله الحمدلله

يالربع تكفون يالربع لاحد يسوق وهو ينعس:sm1:

[ريمنقو]

-




سامح كل من اساء لك واخطئ في حقك وكدّر مزاجك وقلل من قدرك وكال لك بمكيالين
( ادفع بالتي هي احسن )
انت قادر ان تأخذ حقك ( وجزاء السيئه سيئه مثلها ) ولكن مابعد هذا الكلام قوله (فمن عفا وأصلح فأجره على الله إنه لا يحب الظالمين)
يكفينا والله ان اجرنا على الله الكريم العدل الحق .. :004:
البعض يظن ان في هذا اذلال له وضعف وينسى قول الرسول صلى الله عليه وسلم وهو يقسم بها
( ما زاد الله عبدا بعفو إلا عزا ):004::004:


في حادثة الإفك دروس كثيره نتعلمها من وقفات النبي صلى الله عليه وسلم وابو بكر وابنته :004:
شاع الخبر بين الناس ومن بينهم قريب لابو بكر رضي الله عنه اسمه ( مسطح ) يشترك مع من اشتركوا في اذاعه الحادثه وكان ابو بكر ينفق عليه ..
فلما برأ الله عائشه قال ابو بكر والله لا انفق على مسطح شيئاً ابدا ,
ومن يقف بموقف ابو بكر لا غرابة بأن يقطع عنه النفقه وهذا اقل عمل يعمله ,
فمن الناس لو وقف بهذا الموقف ممكن يقتله ومنهم من يبرحه ضرباً فقط لانه ( اشترك بحادثة الافك )


لكن شوفوا وش كان رد الله عليه ..
نزلت ايه لابو بكر
( ولا يأتل اولو الفضل منكم والسعة أن يؤتوا أولي القربى والمساكين والمهاجرين في سبيل الله وليعفوا وليصفحوا الا تحبون أن يغفر الله لكم والله غفور رحيم )

ولايأتل = ولايحلف


فقال أبو بكر: والله إني لأحب أن يغفر الله لي، فرجع إلى مسطح فأنفق عليه،
وفي بعض الروايات أنفق عليه ضعف ما كان ينفق عليه من قبل

اعظم درس :004:

[ريمنقو]

-





اتصددّ منك والله من حيآي ..
والحقيقه شوفتك هي مطلبي

لالمحتك كن روحك في حشآي
واختلط مابين شرق ومغربي ..


#نيو :004::060:

[ريمنقو]

-


* محاوره من وحي الخيآل يشهد الله انها من وحي الخيآل .. تقمصت شخصيتين وكتبتها
قال وقلت وهي كلها كلامي اصلاً :hahahahahah::hahahahahah:


قلت :

اتصددّ منك والله من حيآي ..
والحقيقه شوفتك هي مطلبي

لالمحتك كن روحك في حشآي
واختلط مابين شرق ومغربي ..





قآل :

ساقني قلبي عليكم من عمآي
وان تعثرت بخُطاي احبي حبي

اذكرك في كل لحظه من ولاي
وان بغيت ادعيك قلتي وش تبي؟ :hahahahahah:



قلت :

لامنعت الوصل ماهو من ردآي
هي سلوم الحب واصل المذهبي

لانت من ربعي ولاهلي واقرباي
ولانت تجهل ياعريب المنسبي


قال :

من سلايل نجد وانتي في حماي
حافظك في سد دقني وشنبي

وحافظن سر المحبه في خفاي
ومقتدي بفعل الصحابه والنبي


قلت:

كل طيّب مبتداي ومنتهآي
وكل حرٍ بالفعايل يطربي

الجبال الشامخه هي مرتكاي
والفعايل ماهي بعرض نكبي


قال :

يالاصيله الردى ماهو ورآي
ومن نوى بك شر يخسى ويهبي

ماعرفتك بين ارضي او سمآي
آمري باللي تبينه وآطلبي ..

قلت :

عاش طيّب والردي جعله فدآي
من تنكر من ورى ذيك العبي

لاتنشّد عن رجآي ومبتغآي ..
دام مالي حيل وقل المزهبي ..



آنقطع حبل افكآري الى هنآ , بالله وش رآيكم :hahahahahah: :(269)::004:

[ريمنقو]

-




* ابوي مرسل لي على البريد ملف يبي رايي فيه


http://www.ckfu.org/pic4u/uploads/ckfu14638510491.png



والله مانت في حاجة رايي يابوي :icon9::004:
انا اللي اجي اخذ الراي , هو ماشاء الله تبارك الله مايحتاج

شوفوا بس كيف الكلام (بنشارك بها ) ( نرسلهآ ) يتكلم عني وعنه
هذا شغله كله ومع ذلك يتكلم على اساس اني معه ,
وقتها كلماته عاديه يمكن علشاني كنت مشغوله معه بس الحين يوم رجعت اقراها جميله معناها كبير اعجز عن وصفه :icon9::004:
وآخر الكلام يحسسني بالثقه :004::004:
كلمته دايم ( لاترسلينها لأي كان , لايعرف أي كان ) وخلاص مايحرصني اكثر ولاحتى يسألني بعدين ..
يعني ثقته بعيده مدى مالها حد :004:
اسرارنا واجده :lllolll::hahahahahah:

الله لايحرمني منه ولايحرمكم من غواليكم امين:004:

[ريمنقو]

-



نكرآن المعروف امر بشع
ولا اسميه معروف خدمه ، او ابسط بعد من كونها خدمه ..
ولا أمّن والله امر يسعدني ولكن نحتاج لتقدير العمل حتى لو هو بسيط ..
امر جداً يزعجني ويحزنني ان اقدم كل شي واسمع كلام ماكأني عملت اي شي ..
صرت اذا بسمع كلام يزعجني حطيت السماعات وشغلت على القرآن ، كلام الله احسن من بربستهم ..

[ريمنقو]

-





اوقفتني مره بنت عمرها 15 سنه ما اعرفها الا بالاسم بسبب شغلي بذاك الوقت
تقول انا عندي مشكله وتكفين ابي حل وعيونها تتكلم قبل لسانها ،، وتتلعثم بالكلام
في نفسي قلت هذي مشكلتها كبيره ياساتر !

فقالت انا امي وابوي حليلين مره ومربيننا تربيه صالحه
انا وحيدتهم من البنات والباقي عيال وكلهم يحفظون القرآن وأخلاقهم حسنه مع والديني
وانا احفظ القران واعامل والديني احسن معامله
وكل شي كويس لكن اشوف اخواني احسن مني وفيه حاجه اخاف اني اكون عاقه فيها وبكت
قلت لها وش هالحاجه ؟
قالت امي تجبرني اني ما اشتغل علشاني اجي من الدوام تعبانه ووراي مذاكره فتحلف علي ما اشتغل
وانا احلف عليها اشتغل وتزعل علي امي

وأخذت البنت تبكي المهم اننا تفاهمنا انا وهي بالموضوع ووصلنا لحل مرضي للطرفين:(204):


قلت هذي القصه لان مشكلتها هزتني وهزني همهإ
شف الى درجة وين هوس البر والخوف من العقوق وهي بنت صغيره ماشاء الله ربي يزيدهم من فضله
تتسابق مع اخوانها على البر .. الله لايحرمهم من هذي النعمه واللذه :004:

[ريمنقو]

-


راعنا

كلمه كانوا يقولونها العرب للنبي صلى الله عليه وسلم وهي اقرب لمعنى اعطنا سمعك وافهمنا
ولكن بالعبريه كلمه تنقيص وسب ..
فكانوا اليهود يقولونها للنبي ومن بين اصحاب النبي حبر من أحبار اليهود قبل إسلامه ويعرف معنى هذه الكلمه فلما غضب
قالوا له انتم تقولون لصاحبكم راعنا .. فنزلت آيه بالنهي عن قول هذي الكلمه
( يأيها الذين امنو لاتقولوا راعنا وقولوا انظرنا واسمعوا وللكافرين عذاب اليم )

الكلمه الى الان تستخدم وعلى الأغلب متداوله بين اهل الشمال

[ريمنقو]

-




شعور مؤلم ان تسمع الجميع ولكن الجميع لآ يسمعك !



:(154):

[ريمنقو]

-


عبدالله بن مسعود معروف بحسن صوته وتلاوته
فمره قال النبي صلى الله عليه وسلم له اقرا لي فاستغرب عبدالله يعني نبي وتحفظ القران وهو منزل عليه ماهو بحاجه لمن يقرأه عليه
فقال النبي احب سماعه من غيري .،
فتلى عبدالله رضي الله عنه حتى وصل الى قول الله ( فكيف إذا جئنا من كل أمة بشهيد وجئنا بك على هؤلاء شهيدا )

فبكى رسول الله ، آيه تهز البدن .. مبكيه وحملها ثقييييييل

[ريمنقو]

-


من وصآيآ ابي

الصح صح والخطأ خطأ والحق حق والباطل باطل
اذا كنتي ترين نفسك صح وحق لايهمك الخطأ والباطل ..
ممكن يظهر في وجهك من يريد تشتيتك ويطعن في صدقك
قولي الحق وافعلي الصح شاء من شاء وأبى من أبى ..


:(204)::004:

[ريمنقو]

-

‏قال الشافعي:
‏"رضى الناس غاية لا تدرك ، فعليك بما فيه صلاح نفسك فالزمه"



‏.

[ريمنقو]

-


*من قلب الالم !


اجمل شعور هو الراحه بعد جهد طويل ..
تكون في وضع حركي من الصباح الى الليل ولا تحس بالارهاق الا اذا نويت النوم
والذ النوم في مثل هذا الوضع ،، صفيت عقلك من كل الشوائب وصفيت قلبك
تتخيل انك بعد هذا التعب تنام نوم عميق وتنوي القيام للوتر او لصلاه الفجر
والنوم يداهمك ويقطع كل شي لتستسلم له وتنام ..

وبعد بضع ساعات يدب في جسمك الالم بدون اي مقدمات او أعراض !
ويعكر عليك صفو جوك وتخرب نومتك بسبب الحراره والاختناق المفاجئ ..

الحراره تدك قوه الجسم والاختناق يجعل الانسان كالمجنون لانه يبحث عن الحياه !
حراره وانقطاع تنفس وتقلب وضياع ماتدري ماذا تفعل حتى تنجو من الهلاك
وتكون اقرب لفقدان الوعي ولكن رحمه الله ولطفه وسع كل شي

هذا حالي قبل ساعتين
والحمدلله عدى الشر ولا اعرف اسباب مايحصل

[ريمنقو]

-


مايصيب الانسان من وصب ولا نصب الا كفر الله عنه سيئاته
وهذا مايزيد من معنويات المريض فاذا ضعف معنوياً تذكر هذي الكلمات فتزداد فيحمد الله على ماهو فيه

[ريمنقو]

-





من ماتعودت عليه السلام على والديني في كل يوم لابد من القبلات
واذا ماصار هذا الشي يزعلون ههههههه او يشكون ان بالأمر شي
فانا ابداً ماترك يوم ما اسلم مادمت عندهم الا اذا مرضت فاني اخشى عليهم من التعب فلا اسلم ولا أقربهم
وقلبي يحترق شوقاً لهم والله اني اشوفهم رايحين جايين وأبكي من شوقي وانا عندهم لكني والله ماستطعت اصبر على يومين بدون ما اقبل ذاك الجبين والخد ..
هم يقدّرون ما امر به من تعب ولكن مايعرفون عن ما في قلبي

كتبت ابيات ولكن مسحتها فهي آلمت قلبي فبتركها للنسيان افضل من ذكرهآ

[ريمنقو]

-




ارض الهوى يازين مثل البسآتين
نقطف من ثمار الغلا مانحبه

شي من الاعنآب وشي من التين
واليآ ضمينا نرتوي عند جبّه

تردّت الاحوال وكل الموازين
وسآقي المحبه انقطّع دون سبه

والأرض جف ماهآ دون المغيثين
وماعآد من محصولهآ لو حبه !!



واضح اني احسن من امس :cheese:
وش رايكم بهذيان التعبآن انا أجيز نفسي :(269): :cool:

[ريمنقو]

-





اجد نفسي بعض الاحيان مختلفه عن الجميع او بالأحرى بمن اعرف في واقعي وافتراضي

اختلف بالنظره للامور .. فاذا قلت شي أراه سهل علي الكثير يراه صعب ؟
وتبدأ الاسئله كيف وشلون ماهو فضول فيهم ولكن استغراب وتعجب وربمآ محاوله للوصول الى قناعتي والاقتناع بهآ

فمثل هذي الامور انا ما املك لها جواب كيف وشلون ،، ما اعرف حقيقه كيف ولا اعرف الاجابه ولكني اعرف اني في يوم كنت مثلكم ارى كل الامور صعبه فلاشي يُنسى ولاشي يُطمس ولاشي من الذكريات تُضرب بعرض حائط النسيان وكل هدف صعب المنال . .
ولكن الان اقول لا هذا كذب مع ابتسامه سآخره !


اعتقد فهم دورك في الحياه له دور !