يــوميات متدرررب ..!!

[ابو حلا]

تحية طيبة للجميع
واتمنى ان يكون هذا الموضوع للجميع كلاً يطرح فيه ماتم عمله في يوم التدريب الميداني لكي يستفيد البعض من تجارب البعض

ابداء بنفسي اليوم رحت المدرسة
رحب فيني المدير واتصل على المرشد الطلابي وحضر المرشد من مكتبة وعرفنا على بعض
كان الاستقبال ممتاز من المرشد الطلابي بعدها تم المرور على الفصول لاخذ الغياب وتدوين المتغيبين في سجل خاص بذلك
كان عبارة عن اوراق مجدولة موضح فيها اليوم والتاريخ والوقت اسم الطالب الفصل الحصة
بعد ذلك عدنا لمكتب المرشد وقام بالاتصال باوليا امور الطلاب المتغيبين على الارقام المدونة لدى المدرسة
واذا تعذر الرد على الجوال تم الاتصال بالمنزل
بعد ذلك تم تناول اطراف الحديث عن الطلاب واكثر المشاكل التي تحدث بين الطلاب في المدرسة كمرحلة ابتدائية
بعد ذلك تم حضور احد الطلاب من الصف الرابع برفقة زميلة لم يقوم بحل واجب القواعد (حينها تذكرت ايام زماان ههههه):12:

هذي بعض الاحداث التي حصلت في اول يوم تدريب.

الايجابيات لليوم الاول :
الاستقبال الجيد ،، المرشد الطلابي يعامل الطلاب كأخوة او ابناء صغار سيما وانهم في المرحلة الابتدائية ،، هادئ الاعصاب
يستمع للطالب جيداً ،، وجود برنامج الكتروني قاعدة بيانات للطلاب ،، تواصل المدرسة مع اولياء امور الطلاب المتغيبين بشكل سريع تقريبا نهاية الحصة الاولى بداية الحصة الثانية.
السلبيات:
البيئة التعليمية المبنى مستأجر ،،

اعتذر عن الاطالة وننتظر ابداعكم
دمتم بود

[ضامي الغيث]

الله جابك يابوحلا لو أعرف بيتكم كان وصلتك من زمان

المهم ما أبي أطول عليك الله يطول بعمرك يارب على طاعته
اليوم رحت مدرسة أهلية بالخطاب والنموذج وقالو لي حط اوراقك عندنا ورقم جوالك وراح نكلمك بعد مناقشة الموضوع مع الادارة ...الخ .

سؤالي هو كالتالي :
متى ارسل للجامعة نموذج مباشرة الطالب في التدريب ؟
متى آخر موعد لتقديم كامل الأوراق المتعلقة بالتدريب ؟

أتمنى الرد على استفاري منك ومن جميع الأخوان والأخوات ولكم خالص الدعاء .

اخوكم
ضامي الغيث

[حــرامـــى]

الله يعينكم و الله يوفقكم

بصراااحه ابو حلااا تقرير راائع عن اول يوم بس لو كان بالصور :41:

شكرا لك

[رنجه]

لا خلا ولا عدم ابو حلا وعساك على القوه حمستني والله لان اغلب المدارس ماعطوني بال آممممممم الحين ياخيي رفعت شي للجامعه ومتى اخر وقت؟
وش سالفة البحث؟
ياليت تشرحلي التفصيل
واذا المدارس مافتحوا لنا المجال الا نهاية الشهر وش السوات كيف اسجل الزيارات

[المسا77فر]

االله يعطيك العافيه اخوي وجزاك الله خير
س/ ودنا شرح كتابة البحث وكم صفحة ومتى اخر موعد
وش اللي اول شي نرفعه للجامعه وااللي اخر شي
تقبل تحياتي ولك مني جزيل الشكر

[RoshoF]

البحث لازم لازم لازم

أول صفحه ( عنوان الموضوع - أسمك - رقمك الجامعي - فوق الصفحه بالزاوية اليمين تكتب الجامعه والتخصص والمستوى )

يعني كذا :




جامعه الملك فيصل
تخصص علم الاجتماع والخدمة الاجتماعية
المستوة السادس
التدريب الميداني







مشكلة الغش في المدارس

أسم الطالب : جالكسي إبن مارس الباونتي <<< :6:
الرقم الجامعي : 210000000000




_________________

بعدها الصفحه الثانيه الفهرس ..

بعدها الصفحه الثالثه المقدمه ( مقدمه بسيطه عن موضوعك )

والصفحه الرابعه و و و و الخ يكون المحتوى ويفضل تكون 10 صفحات وأكثر ..

إذا خلصت المحتوى , تحي صفحه الخاتمه وبعدها صفحه المراجع ..

[مبتسمة]

رش رش اسدحية بالصور اذا رحت شقول يمقن سابعتعش مرة اسال :39:

[سيافه]

صباح الخير
ماشاء الله بدايه موفقه إن شاء الله

سؤالي عادي أروح مدرسه أهليه؟
وسؤالي الثاني ممكن أزيد أكثر من يوم بالأسبوع لظروف خاصه ، حاولت أكلم الدكتور بس مغلق؟

[إشراقة أمل]

جزاك الله خير على طرح تجربتك

ارجوا ان الجميع ينتبه لاخر فرصه لتسليم التقرير والبحث

احس ان الجامعة تطلب منا تطبيق وتعطينا الاوراق متاخرة سبب لنا عبئ كبير

ياريتهم اعطونا اوراق التدريب مع بداية الفصل

وصراحه كثير شوي انهم في نهاية الفصل يطلبون تطبيق ميداني وبحث

انا االي الان ما وضحت عندي الصورة في موضوع البحث راسلت الدكاترة وطلبوا مني الانتضار الي حظور المباشرة لان الدكتور بيوضح طبيعة البحث فيها


بصراحه انا للان ما ني متخيلة الدور المطلوب منا ممارسته في المدرسة باختصار رايحه على عماي:44:

[ام الحلوين]

ماقصرت يابو حلووووو لاخلا ولاعدم رش رش اعرفه جالكسي بن مارس رجالنآ طيب من بيض الوجيه ههه:13:

[رحـآل]

يعطيك العافيه أبو حلا ع الموضوع ، والي جاء في وقته ..



صباح الخير
ماشاء الله بدايه موفقه إن شاء الله

سؤالي عادي أروح مدرسه أهليه؟
وسؤالي الثاني ممكن أزيد أكثر من يوم بالأسبوع لظروف خاصه ، حاولت أكلم الدكتور بس مغلق؟


عادي اذا كان الوقت ضيق أو عندك ضروف ممكن تداومين يومين في الاسبوع بحيث انك تخلصين الزيارات خلال أربعة اسابيع بمجموع ثمان أيام تدريب . وهذا بناء على ما ذكره الدكتور في المباشرة الأولى !!


بالتوفيق للجميع وعقبال الدرجه الكامله في البحث والتقرير يارب ،،

[المسا77فر]

يعطيك العافية اخوي

ياليت احد يفيدني عن
جهة لتدريب ؟
عنوان القسم ؟
اسم المشرف ؟ و وظيفة المشرف ؟ هل المقصود اساتذة المادة او امرشد الطلابي

[مبتسمة]

انا طبعت وعبيت البيانات والحين وش سوي

[سيافه]

جزاك الله خير أخ رحال يبدو أن محاضرة الطلاب المباشره مليئه بالمعلومات
الحين بس باقي أعرف إذا عادي مدرسه أهليه؟

[ابو حلا]

الله جابك يابوحلا لو أعرف بيتكم كان وصلتك من زمان

هلا وغلا الساعة المباركة والله يحييك بس اهم شي جب معك ماي ولبتن عشان الشاي لا تخسرنا :13:
المهم ما أبي أطول عليك الله يطول بعمرك يارب على طاعته
اليوم رحت مدرسة أهلية بالخطاب والنموذج وقالو لي حط اوراقك عندنا ورقم جوالك وراح نكلمك بعد مناقشة الموضوع مع الادارة ...الخ .

سؤالي هو كالتالي :
متى ارسل للجامعة نموذج مباشرة الطالب في التدريب ؟

يفترض أن يكون في بداية الاسبوع الاول من المباشرة حسب ماهو موجود مدون بالحاشية اسفل النموذج

متى آخر موعد لتقديم كامل الأوراق المتعلقة بالتدريب ؟
إذا كنت تقصد التقرير فهوى شهر / مدة التدريب من 3-4 ساعات يومياً تزيد ولا تنقص .. وسوف يتم توضيح ذلك في المحاضرة المباشرة الثانية وكذلك البحث المطلوب منا سوف يتم توضيحة في المحاضرة المباشرة مع الدكتور فهد الخريف

أتمنى الرد على استفاري منك ومن جميع الأخوان والأخوات ولكم خالص الدعاء .

اخوكم
ضامي الغيث



واعتذررر والله عن التأخير في الرد.

[ابو حلا]

لا خلا ولا عدم ابو حلا وعساك على القوه حمستني والله لان اغلب المدارس ماعطوني بال آممممممم الحين ياخيي رفعت شي للجامعه ومتى اخر وقت؟
وش سالفة البحث؟
ياليت تشرحلي التفصيل
واذا المدارس مافتحوا لنا المجال الا نهاية الشهر وش السوات كيف اسجل الزيارات


غير المدرسة يمكن مديرهم معقد انت اعطهم الخطاب اللي مكتوب فيه مباشرة التدريب
بعدين البحث مثل ماقلت قبل راح يتكلم عنه الدكتور فهد الخريف في المحاضرة المباشرة الثانية حسب معلوماتي المتواضعة
واهم شي في البحث يكون (هو الالتزام بشروط البحث وموضوعه ايه موضوع مرتبط بالمجال المدرسي او التعليمي بصفة عامة)

مهم جدا التدريب صدقني راح يضيف لك خبره حلوه

واذا عندك وقت تابع المحاضرات المسجلة من المحاضرة رقم 2 المحاضرة التمهيدية والاولى تعريفية فقط

دمتم بود

[ابو حلا]

يعطيك العافية اخوي

ياليت احد يفيدني عن
جهة لتدريب ؟
عنوان القسم ؟
اسم المشرف ؟ و وظيفة المشرف ؟ هل المقصود اساتذة المادة او امرشد الطلابي


هلا حبيبي المسافر كيفك عساك بخير
جهة التدريب / اسم المدرسة اللي انت رايح لها.
عنوان القسم/ كلية الاداب .
اسم المشرف / المرشد الطلابي او المدير
وظيفته / مدير مدرسة / او مرشد طلابي

اتمنى اكون افدتك
وبالتوفيق

[ابو حلا]

جزاك الله خير أخ رحال يبدو أن محاضرة الطلاب المباشره مليئه بالمعلومات
الحين بس باقي أعرف إذا عادي مدرسه أهليه؟


ايه عادي
اهم شي يكون عندهم مرشدة طلابية
ويكون عندهم ختم للمدرسة ,, مو بعدين يعقدونك يقولون يرسلون اوراقك للادارة عشان الختم

[رنو]

بسم الله الرحمن الرحيم ]~

أنا بطبيعة عملي كإدارية بمدرسه اليوم توجهت للمرشده الطلابيه وكلمتـها عن الموضوع وقلتلهـا عن طبيعه التدريب الميداني قالت نبدأ فيها من يوم السبت بإذن الله ]~

علمـا بإنه تواجهني مشاكل طالبات ويتم حلهـا بأكمل وجه ولله الحمد خصوصا أنهم طالبات ثانوي ]~

بجيب الأستفسارات هنـا وأجاوب عليـها بحسب خبرتي ]~

برب لي عوده ]~

[رنو]

(http://del.kfu.edu.sa/entisab_app/adap_training2/upload_reports.asp)رفع بحث و تقرير التدريب الميدانى 2 (http://del.kfu.edu.sa/entisab_app/adap_training2/upload_reports.asp) (http://del.kfu.edu.sa/entisab_app/adap_training2/upload_reports.asp)

هنـاك أيقونتان الأولى لرفع البحث والآخر لرفع التقرير ]~

(http://del.kfu.edu.sa/entisab_app/adap_training2/rep2.pdf)تعليمات التدريب الميدانى (http://del.kfu.edu.sa/entisab_app/adap_training2/rep2.pdf) (http://del.kfu.edu.sa/entisab_app/adap_training2/rep2.pdf)

تعليمـات مهمـه تفيدك عزيزي وعزيزتي الطالبـ/هـ

(http://del.kfu.edu.sa/entisab_app/adap_training2/rep3.pdf)نموذج مباشرة الطالب في التدريب (http://del.kfu.edu.sa/entisab_app/adap_training2/rep3.pdf) (http://del.kfu.edu.sa/entisab_app/adap_training2/rep3.pdf)

ترفع في الخدمات الطلابيه بأول أسبوع للتدريب الميداني ,,لاتتهاونوا بهـا وبتاريخ إرسالهـا لأنها سوف تحسب لكم شهرا كاملا من أول يوم أرسلتوا النموذج فيه ]~

(http://del.kfu.edu.sa/entisab_app/adap_training2/rep1.pdf)خطاب التدريب الميدانى (http://del.kfu.edu.sa/entisab_app/adap_training2/rep1.pdf) (http://del.kfu.edu.sa/entisab_app/adap_training2/rep1.pdf)

يقدم هذا الخطـاب إلى مدير/ة المدرسه المراد الذهاب لهـا ]~

طباعة تقرير التدريب الميدانى

فيه جميع التسآولات اللتي تم توضيحههـا في المحاضرات المسجله واللتي اتمنى من الجميع أستماعهـا أو قرائتهـا قبل الخوض في تجربة التدريب الميداني ]~

^
أتمنى تفيدكم وأعتذر عن الخوض خارج دائرة الموضوع أستاذي أبو حلا ولاكن حبيت أنبه لأمور تهم الجميع ]~

:2:

[مبتسمة]

هلا بالمطيرة رن رن ما كنت عارفة انك مديرة :31:ماشاءالله وثانوي الله يعينك طيب الحين انا طبعتت ىالاوراق وعبيت البيانات ومكتوب تاريخ البدء شنو اكتب وايش اسوبي وما فهمت :7:

[السهل الممتنع]

نموذج المباشر واقرار الطالب ...لو سمحتوا محد فادنا للحين كيف طريقة رفعهم !!!! نرجوا المساعده بهذا الموضوع

[عيوون القمر]

انا بديت بالتدريب الميدني ... بس مارعرفت كيف أفع نوذج المباشرة والاقرار ..:12: اللي يعرف كيف يقول لنا ا

[عيوون القمر]

متى اخر يوم لرفع التقارير والبحوث..؟

[مبتسمة]

اختي بيكون مكتوب تحت على ورقة التقرير متى البدء والانها بس بالله ساعدوني يش اسوي اول يوم لا رت

[سيافه]

لو سمحتوا سؤال مستعجل طبعت الخطاب بس مكان الأسم و الرقم فاضي
أكتبه أنا بخط يدي؟

[روكو]

اهات من التقرير والبحث
ياليتني جالكسي اومارس لو ذايب بس التدريب الميداني2 مشكله:10::10:

[مبتسمة]

من وين طلعتو خطاب

[سيافه]

الخطاب اللي نقدمه للمدرسه عشان يسمحون لنا بالتدريب، مكان الأسم والرقم فاضي ولا أقدر أكتب شي

ما الحل؟

[سيافه]

وينكم ياالربع ردو

[إشراقة أمل]

الاسم والرقم الجامعي اكتبوها خط يد وسلموا الورقه لادارة المدرسة


الان هل في احد منكم ارسل ورقة بداية التدريب لاني ما لقيت غير رابطين واحد لرفع تقرير التدريب والثاني لرفع البحث

اخاف اغامر واجيب العيد :8:

[مبتسمة]

وش ذا اتحست :7:

[مبتسمة]

ننفس السؤال

[عطر الزهر]

موفقين انا ما اخذت التدريب ان شاء الله الترم الجاي بإذن الله

يعطيك العافيه اخوي ابو حلا تم حفظه في المفضله للرجوع اليه
:34:

[HLOOOMA]

السلام عليكم ورحمة الله وبركاته

الله يعطيك العافيه وماقصرت وموفق يارب

انا عندي هالماده وماسويت لها ولاشي ..

ياليت اذا احد خلصه و بالجبيل الصناعيه يقولي اي مدرسه اقدر اروح ؟ ؟

ومتى اخر وقت لتسليمه للجامعه ..

وجزاكم الله خير :1:

[تكفيني انفاسك]

أنا للحين مأخذا التدريب لا الاول ولا الثاني وخايفه ابي اعرف لرحت لتدريب الاول وش اسوي وش اقولهم وش الأسئله الي نطرحها عليهم والثاني نروح لهم بعد هو مدرسه ومستشفى ورعايه اجتماعيه هل يحددو اي مستشفى اول مدرسه نروح لها ولا إحنا نحدد
جد خائفه حيل :39:

[تكفيني انفاسك]

النموذج إحنا نسويه :24:

[مبتسمة]

اي نموذج تقصدين