هام للجميع رسالتي للجامعه بخصوص المحاضرات المباشرة المسجلة

[Against Gravity]

السلام عليكم ورحمة الله وبركاته



بالامس ودعنا عام 1433
واليوم نستقبل عاما جديدا 1434

نسأل الله أن يجعله عام خير علينا اجمعين
وان يحفظ فيه امتنا الاسلاميه وان ينزل الامن والسكينة على اراضينا واخواننا المسلمين في كل مكان
وان يغفر لاحبتنا الذين كانوا بالامس معنا واليوم هم تحت الثرى
وان يجمعنا بهم في فردوسه الأعلى




عندي مشاكل في المحاضرات المباشره الاولى لمادة الانقلش ومبادئ الاداره والتقنيه ومهارات التعلم

واتوقع الاغلبيه لديه نفس هذه المشاكل

فارسلت للجامعه على ايميل الاستفسارات العامه من قائمة اتصل بنا
انظر الرابط
http://www.kfu.edu.sa/ar/Deans/elearning/Pages/contacts.aspx


فردوا علي بأنه سيتم رفع طلبي


لذا
انصحكم جميعا بالارسال لنفس الايميل
حتى يتم تدارك الوضع
يااخوان باقي 28 يوم فقط
ويتم ايقاف كل الانظمه وسيتم رصد الدرجات

بدأوا الناس بالمحاضرات الثانيه وحنا ماخلصنا من الاولى :44:



ارسلوا لهم المواد اللي واجهتكم فيها مشاكل
ورقمكم الجامعي


صورة لرسالتي وردهم لي


http://img02.arabsh.com/uploads/image/2012/11/15/0d33464f67f703.png (http://arabsh.com)

http://img02.arabsh.com/uploads/image/2012/11/15/0d33464f67f702.png





من منطلق قوله صلى الله عليه وسلم " لايؤمن احدكم حتى يحب لأخيه مايحب لنفسه" كتبت هذا الموضوع
+

لاتنسون تحديد جهة طبيعة العمل من الخدمات الطلابيه باقي يومين وتنتهي المده المحدده

ووفق الله الجميع

[أم عمر w]

وعليكم السلام ورحمة الله وبركاته ,,

جزاك الله خيير أختي غادة ,, :1:

وجعل ما تقدمين في ميزان حسناتك ,,:16:

[Against Gravity]

آمين

وجزاك الله عنا خير الجزاء

ووفقك ورعاك يالغاليه

:1::2::21:

[الجــــ@ـارح]

الاخت غادة دائما سباقه لما فيه خير لاخوانك واخواتك

في هذا المنتدى والله يجعل ما تقديمنه في ميزان حسناتك

وان يكت لكي ماهو خير

ورح نرسل لهم ان شاء الله

[Against Gravity]

جزاك ربي كل خير يالجارح
الله يوفقك ويسعدك

ويجعلك من اهل النجاح والفلاح في الدارين

[أخيراً قررت]

جزاك الله خير

بس كيف ارسل لهم ايميل ع الهوتميل والا كيف ؟؟

[Against Gravity]

ايه من بريدك الخاص هوتميل او غيره

[sulttaan9]

طلب واحد مايكفي لازم نرسل ولاننتظر

[سمُو]

جزاك الله خير

[روابي الدوسري]

جزيتي خيرآ
لقد ارسلت لهم ان شا ءالله يتم حل المشكله لنا
يلا همتكم الباقين من شان يتم حل المشكله
:27::27::27::27:

[Against Gravity]

اخوي سلطان كاتبين لاترسل اكثر من مره لو ارسلت كذا مره راح يتم تجاهلك

انا ارسلت مره وحده وردوا لي بسرعه الله يوفقهم مايتأخرون ابدا


سمو& روابي
ويجزاكم كل خير
نورتوا حبيباتي

[الجود**]

أرسلت رساله الان وانتظر ردهم :35:

[مانسيتك !]

الاخت غادة جزاك الله خير بالنسبة لي هذي افضل خدمة تقدم لي في هذا المنتدى منذ تسجيلي فيه بصراحه انا كذلك اعاني من نفس مشكلتك ويارب تنحل مشاكل الجميع بالله وافينا بالجديد في حينه اما بالنسبة لي ماني عارف كيف اراسلهم الا والله ودي اشغلهم بس خساره العتب على النظر ههههه

تمنياتي للجميع بالتوفيق

[احمد الشمري@]

ألف شكر لك ومشكوره ع هالجهود الكبيره

الله يوفقك دنيا واخره وان شالله يحلون هالمشكله

[جوااانا]

نور الله بصيرتك تو استفسر من أم عمر عن المشكلة ولقيت موضوعك ريحتيني :43: دام الكل مثلي
أن شاء الله تنحل وننجح ولكل مجتهد نصيب ...أسال الله لي ولكم التوفيق وبيض الله وجهك ياعسل :1:

[جوااانا]

للاستفسارات الاكاديمية (مشاكل اكاديمية - تسجيل- حذف - اضافة - عودة - تأجيل - انسحاب- تخصص )
del_academic@kfu.edu.sa (del_academic@kfu.edu.sa)
للاستفسارات المالية
del_finance@kfu.edu.sa (del_finance@kfu.edu.sa)
للاستفسارات العامة
del_Help@kfu.edu.sa (del_Help@kfu.edu.sa)
يرجى ارسال الاستفسار مرة واحدة فقط وان تكرار الاستفسار أكثر من مرة قد يؤدي الى التأخر في الرد على طلبك






للاستفسارات الاكاديمية (مشاكل اكاديمية - تسجيل- حذف - اضافة - عودة - تأجيل - انسحاب- تخصص )
del_academic@kfu.edu.sa (del_academic@kfu.edu.sa)
للاستفسارات المالية
del_finance@kfu.edu.sa (del_finance@kfu.edu.sa)
للاستفسارات العامة
del_Help@kfu.edu.sa (del_Help@kfu.edu.sa)
يرجى ارسال الاستفسار مرة واحدة فقط وان تكرار الاستفسار أكثر من مرة قد يؤدي الى التأخر في الرد على طلبك


طيب الله ينور لك اي ايميل راسلتي علية في ثلاث وش أختار :43:

[Against Gravity]

الله يجزاكم كل خير يارب
ويوفقكم ويسدد خطاكم
هالمحاضرات المباشره سببت لنا عقد نفسيه والله يكون بالعون :22:
ابونايف777 واحمدالشمري
والله يجزاكم فردوسه الأعلى ووالديكم واحبتكم :21:
الف شكر على كلماتكم الطيبه ربي يسعدكم



اختي جوانا كاتبه وموضحه انا بالموضوع وبالاحمر بعد
اني ارسلت لايميل الاستفسارات العامه

وواضح انه الايميل الاخير :8:

[جوااانا]

فديت قلبك لاتلوميني انا بس اقراء اسم محاضرة مباشرة انحول:8::8:جاري المراسلة والازعاج

[جوااانا]

فديت قلبك لاتلوميني انا بس اقراء اسم محاضرة مباشرة انحول:8::8:جاري المراسلة والازعاج

[Against Gravity]

هههههههههههه
بعذرك والله
انا مثلك كرهت شي اسمه مباشره ياليت يلغونها :35::44:

[wesam1300]

الله يجزاك الجنه يارب ..

لازم اكتب رقمي الجامعي بالرساله !؟

[Khaled.SU]

الله يعطيك الف عافيه

تم ارسال الرساله و بعرض عليكم مشاكلي لو كلكم مثلي او بس انا

النظام الافتراضي :

بعض المحاضرات ما اقدر احملها بأي صيغه كانت بس المشاهده و هذي المشكلة من المحاضرة السابعه لحد اللحظه

و تجيني هالرساله

File or directory not found 404 - . The resource you are looking for might have been removed, had its name changed, or is temporarily unavailable

وبعضها بدون استجابه , مع العلم ان سرعة اتصالي تصل ل16MB و لا عندي اي مشاكل تقنية او برمجية في جهازي


اما البلاك بورد :

اكثر من مقرر مانزل له اي محاضرة مباشره ( اللغه الانجليزية العامه - مبادئ الادارة )

و مقررات لم تنزل لها الا محاضرة مباشره واحده عكس الباقي ( مهاراة التعلم و التفكير - الصحة و اللياقة - العقيدة الاسلامية و المذاهب - التحرير العربي )

احد مثلي كذا :7:

[Against Gravity]

خيتي وسام لو انتي شايفه الصور بالموضوع
تلقين انهم هم اللي طلبوا مني رقمي الجامعي؟

طبعا عشان يتأكدون من الطالب وش مشاكله بالضبط
والا وش دراهم عنك من انتي لو ماوصلهم رقمك الجامعي؟



اخوي خالد
التحرير كلنا نفسك
عادي تفتح مشاهده وبكذا خذيت درجة المشاهده تمام

حنا بلشتنا بهالمباشره العقده :24:
الانجليزي مانزل شي
الاداره والمهارات نازله بس مافيه لادكتور ولامحاضره ابد < عندي انا :(

العقيده نزلت الاولى والثانيه وتمام الحمدلله
الصحه واللياقه & التحرير نزلت الاولى


طبعا لسه جدولنا باقي المباشره الثانيه لبعض المواد مانزلت

[Khaled.SU]

خيتي وسام لو انتي شايفه الصور بالموضوع
تلقين انهم هم اللي طلبوا مني رقمي الجامعي؟

طبعا عشان يتأكدون من الطالب وش مشاكله بالضبط
والا وش دراهم عنك من انتي لو ماوصلهم رقمك الجامعي؟



اخوي خالد
التحرير كلنا نفسك
عادي تفتح مشاهده وبكذا خذيت درجة المشاهده تمام

حنا بلشتنا بهالمباشره العقده :24:
الانجليزي مانزل شي
الاداره والمهارات نازله بس مافيه لادكتور ولامحاضره ابد < عندي انا :(

العقيده نزلت الاولى والثانيه وتمام الحمدلله
الصحه واللياقه & التحرير نزلت الاولى


طبعا لسه جدولنا باقي المباشره الثانيه لبعض المواد مانزلت



فيه اختلافات بيننا مع اننا مستوى واحد و بنظام واحد يفترض مشاكلنا متشابه :25:

ننتظر ونشوف و الله يستر

[مانسيتك !]

جزاك الله خير بس بالله بشرينا اول مايردو عليك انا بالنسبة لي ماني عارف طريقة ارسال الايميل الا كنت ازعجتهم
بالتوفيق للجيمع

[asoom1]

حتى انا للحين اخلصت المحاضرات المباشرة :44:

والانجليزي للحين مانزلت عندي محاضرات مباشرة

وعندي 4 مواد مافتحو معي :23:

[Against Gravity]

اخوي ابونايف ماجاني رد والمهم انهم رفعوا طلبي

والارسال ايميل عادي ؟
اذا عندك ايميل ارسل لهم او خل احد من اللي حولك يرسلك

انا مااتوقع راح يكون فيه رد
لكن عالاقل اقول لو لاقدرالله نقصت درجات المباشره
راح اقولهم ارسلتلكم والا انا ماقصرت اتابع واحمل :8: بس الخلل من عندكم
وبيتأكدون من خلال طلبي اللي رفعوه لي :21: < شايله هم وأمني نفسي:16.jpg::060:

[asoom1]

ارسلت لهم ان شاالله تنحل المشكلة

[Against Gravity]

آمين يااسوم

الله يحلها من عنده ويريحنا من معاناة هالمباشره :24:

[ibrahim-]

الله يعينكم .. وييسر أمركم ...

أنا الحمد لله ما اعاني من المشكله بس قلبي معكم .. ماودي تخسرون درجات مالكم ذنب فيها..

طالبوا وارسلوا واتصلوا لين ما تنحل المشكله... د. الفريدان له حساب بتويتر بإذن الله اطرح مشكلتكم له واذا رد علي رح أرد لكم خبر...

[Against Gravity]

قوول آمين اخوي ابراهيم

الله يوفقك ويسعدك ويرزقك الفردوس الاعلى ووالديك واحبتك

وربي يكثر من امثالك

يكفي انك حاسس بمعاناتنا مع هالمباشره :bawling:

[ibrahim-]

ارسلت للدكتور وشرحت له كل التفاصيل وماهي المواد التي حولها الاشكال وكان رده سريعاً


http://im30.gulfup.com/P9vP1.png

للعلم أكثر الطلاب يسألونه عن هالمشكله ووعد بحلها قريباً ..

الله ييسر أمركم ..

[ibrahim-]

قوول آمين اخوي ابراهيم

الله يوفقك ويسعدك ويرزقك الفردوس الاعلى ووالديك واحبتك

وربي يكثر من امثالك

يكفي انك حاسس بمعاناتنا مع هالمباشره :bawling:


آمين وإياّك ..

[H . N . O]

الف شكر

[Against Gravity]

الله يسعدك ياابراهيم
ويطمن قلبك بالنجاح باعلى معدل وبوظيفه بأعلى مركز :1::21:
ويوفقك ويرزقك عيش السعداء ودار الشهداء ووالديك وكل من تحب

الله يجزاك كل خير ماقصرت خيي
تقييم + :21:+ :16::2:


hno الشكر لك
نوورتي الله يوفقك ويسعدك :16::2:

[Awatef]

الله يعين انا ولاماده ضابطه معي ارسلت لهم وولحين ماوصلني رد :9:

يعطيكك العافيه غاده سهلتي علي مراسلتهم بس ان شاء الله يتعدل الوضع ونقدر نحملها

[Hana-ALahmadi]

وعليكم السلام ورحمة الله وبركاته ...

وكل عام وانت بخير ....

حقيقة الكلمات تعجز عن شكرك ... دائما افعااالك سبااقه ...بارك الله فيك ووفقك لكل ما يحبه ويرضااه
جزاك الله خير ...

:2:

[Against Gravity]

طابه & حاتمه

جزاكم الله الفردوس الأعلى
نووورتوا يالغاليات

[Khaled.SU]

جاني الرد اليوم

و كان محدد المحاضرات المسجله ماجاب طاري المباشره و سألني اي وحده الى ماتنزل بأسم المقرر و رقم المحاضره عطيتهم مع المحاضرات المباشره الى مانزلت ورد على اقتراحي بالنسبه لتوحيد النظام بدال الافتراضي و البلاك يكون الافتراضي بس لكنه قال عشان يعطي الخيارات اكثر لطلاب :36:

[Against Gravity]

لان برسالتك لهم ياخالد تكلمت عن التحرير العربي محاضراته المسجله 7 &8&9&10
وهذي المشكله عندنا كلنا
كان فاتحها مشاهده وخلاص مايحتاج ترسلهم بهالخصوص
مفروض بس ارسلت عن المباشره لانها شئ ظلم صراحه نخسر درجات والمشكله مو من عندنا
اما توحيد الانظمه
فانا معهم صراحه كذا تخفيف على الانظمه من الضغط
وراحه لنا حنا يالطلاب
المعضله الوحيده اللي تاعبة كثير من الطلاب هي المباشره

[fluff]

تم الارسال :16:

[وجدان الشمري*]

Ahmed Alshuaibi


^ طبعآ هذا مو الحساب هذا اسمه بتويتر عشان اسهل لكم البحث عنه ..
مدير مكتب عميد التعلم الألكتروني والتعليم عن بعد ..

^ ما يقصر ويرد بسرعه الله يجزاه خير ..

[Against Gravity]

وجدان جزيتي خيرا عزيزتي


بس الافضل ارسال ايميل والرقم الجامعي فيه
عشان يكون الحل قريب وكذلك يكون موجود عندهم شكوى الطالب ورقمه الجامعي في حال نقصت الدرجات
لاقدر الله بسبب هالمباشره

والاستاذ الشعيبي ماهو مقصر
بس احس اننا ازعجناهم وزودناها عليهم ولاصار حبيبك عسل لاتلحسه كله
وهم ارسلوا لنا
من لديه مشاكل او استفسار يرسل للبريد الخاص بالجامعه :21: