متأخر + مادري وش السالفة + أبحث عن حل

[!. سعودي كفو .!]

السلام عليكم ورحمة الله وبركاته .!

كيف الحال يا جماعة الخير ، انا متوهق وأبحث عن الفزعه بكل صراحة .!

حصلي حادثه بسيطة في أيام عيد الأضحى و اهملت بعض الدروس في الجامعة والحمدلله تمكنت من بعضها وأستدركته وكان عندي أكتف عالي قبل الحادث لكن قدر الله وما شاء فعل .!


ودي أستفيد من خبراتكم بمذاكرة الدروس انا لحد الآن لا أملك ملخصات للمواد ولا املك مذكرات أبداً ما أملك إلا بعض المحاضرات على هاردسك ، وين أحصل ملخصات المواد في مدينة حائل .؟ او مذكرات للدكاترة .؟

طريقة الأختبارات كيف .؟ هل هي سهلة أو صعبة .؟

عقلي مشتت ودي بجدول تنظيمي للي مثل حالتي .! مع العلم ان الأختبارات باقي لها أقل من 4 أسابيع .

[عبـدـآلـلـه]

يـآمرحبا فيك يالغالي ..
جعلك ماترى باس إن شاء الله ..
واجر وثواب وتفكير أذنوب أن شاء الله ..
بالنسبه لطريقه الأختبارات كلها أختيارات ..
وبالنسبه للمذاكره ..
انا اشوف أنك تفتح المحاضره وتكتب مع الدكتور والنقاط الي يذكرها مهمه حددها ..
أفضل شي اشوفه أنك تاخذ ورقه وقلم ويالله أدهر ..
هذا من ناحيتي انا أشوفه أفضل ..
وبس ..
^_^ :8:

[بسمه ♫]

وعليكم السلام ورحمة الله وبركاته


مواضيع بتفيدك

http://www.ckfu.org/vb/t374926.html

http://www.ckfu.org/vb/t380820.html

http://www.ckfu.org/vb/t388278.html

http://www.ckfu.org/vb/t388645.html

الجدول تلقاه بموضوع القروب
شد حيلك :16:
اممممم بدك شي تاني !؟

[منو الدوسري]

اخوي مثل ماقالت لك بسمه لكن نصيحه خذ لك فره على المواضيع المثبته
راح تفيدك فيها ملخصات واسئله ومراجعات مهمه ,,


والله يوفقك وماتشوف شر أخوووي :16:

[طموح شايب]

اخوي سعودي اقدر افيدك بعد الله بمادة القانون
هذا ملخص لمحاضرات القانون من 1 الى 10
لخصتها بنفسي من شرح الدكتور بالمحاضرات
والاخوة والاخوات اللي اطلعوا عليه افادوا بانه شامل ووافي للمنهج
وجاري تلخيص بقية المحاضرات
وبالتوفيق للجميع

http://www.ckfu.org/vb/t388849.html (http://www.ckfu.org/vb/t388849.html)

[* آمل *]

ماقصرو الاعضاء افادوك بس بحايل مدري يمكن فيه او لا شووف المكاتب الكبيره

روح مكتبة المعرفه اذا ماخاب ضني انو اسمها كذا عندكم بحايل

او اطلبها من الاحساء او من ععندنا الدمام او الرياض وتجيك لحايل

مووفق خيوو

[* آمل *]

ايووه الف الحمد لله على سلامتك

وع فكره عندكم مركز اختبار بحايل

اذا كذاا شي حلوو عندي خاله ودها تدرس بس انو

خافت يكون مافي مركز بحايل

[* آمل *]

على فكره بفزع لك فزعه خااصه بما انك من اهل حايل:1::1:

برسل تنبيهات للي عندي يجون يخبرونك بالمفيد وانا مابقصر

بس عسا ماتكفخ

[* آمل *]

ابقولك اخر شي سوته الجامعه نزلت المحاضرات 14 لكل المواد

ونزلت الواجبات 3 لكل المواد

وباقي لنا المحاضرات المباشره


وبنزلك الحلول

[شخصية مجهولة]

حياك اخوي

لابأس طهور ان شاء الله

الاخت بسمة اجابتك في الملخصات

وباقي وقت قصير يمديك ان شاء الله

انت حددتت مركز اختبارك او ولا ؟


الله يوفقك
واي مشاكل تواجهها كلنا في الخدمة


موفق
:2:

[بسمه ♫]

ايوه صدق مركز الاختبااار لايكون ماحددت
ملكه سويله تنبيه
الولد نزل الموضوع ونساه ههههههههههههه

[* آمل *]

طيب بسوي له

مدري وش وضعه وش سوا وش ماسوا

علشان نقدر نساعده

[F-fatimah]

شووف يااخوي الجدول بالموضوع اللي عطتك اياه بسمه ورتب نفسك عليه عندك 14 محاضره رتب نفسك تشاهدهم وتذاكرهم خلال اربع اسابيع ولا تناظر الطلاب وين وصلو وانت وين عليك من نفسك اللي تشوفهم وصلو المحاضره العاشره واللي قريب يختمون المواد هاذوله طروفهم غير ظروفك واذا بتشوف وين وصلو بتتحطم وبيجيك يأس ولا راح تقدر تذاكر شئ


وان شاء الله اذا قدرت ارتب لك جدول ثاني افضل برتب لك بس قل لي انت ايش وضعك موظف ولا لاء ..؟؟

اذا موظف دوامك من كم إلى كم ..؟؟

متى الاوقات اللي تناسبك للمذاكره ..؟؟؟

يمكن اقدر اساعدك على ترتيب جدول مناسب لك

واي حاجة تبيها او شرح لايردك شئ يااخوي كلنا بخدمتك وتحت امرك

...

[عـابـر سبـيل]

طهور لا بأس اخي الكريم

ولا تشيل هم ان شاء الله تلحق اللي راح منك

توكل على الله واستعين بالمواضيع اللي هنا في الملتقى

ما قصروا الأخوان والأخوات

[Alanoud K]

حمدلله على السلامه

لازم تطبع المحتويات و انت تتفرج على المحاضرة تابع على الورق كأنك بالفصل :33:

افضل لك تستعجل لأن قريب بيرفعون الدرجات حقت المشاهدة و تحميل المحاضرة !! :31:

[أعشق أنفاسه]

طهوووور ياخوي وماقصرو الأعضاء
مافية شي صعب أن شاء الله والمواد والاسئلة كلها سهله إن شاء الله
بس إنت إبدى حل المناقشات والواجبات أول لا شطبت عليها

يصير أطبع الملخصات الموجودة فوق( راح تغنيك عن الملخصات الموجودة في المكتبات) وأحضر المحاظرات المسجلة ( وخل طريقتك مذاكرة وفهم لان الوقت ضيق للمذاكرة) والامتحانات على الابواب

ونصيحة عشان تذاكر على رواق لا تتابع مواضيع الاعضاء اللي يشكون من ضيق الوقت وعدم فهمهم للمواد أو صعوبة أسئلة الامتحانات لانها بصراحة تجيبلك الاحباط :42:

وبالتوفيق :16:

[طالب دبلومسي]

نفس وضع سعودي كفووو حايس مدري وش اسوي المشكله المحاضرات المسجله والمباشره مانزلت ولاشي منها يفكر يسحب على ام الجامعه ويكبر المخده ويرقد :22:

[* آمل *]

طالب وش وضعك علشان نساعدك

[طالب دبلومسي]

طالب وش وضعك علشان نساعدك
يسلمو ياالغاليه الله يخليك لنا بس المحاضرات موراضيه تنزل وش اسوووي حتى المحاضرات المباشره مدري وش صار فيها بس وش رايك انزلها صوت تحسب لي

[أعشق أنفاسه]

نفس وضع سعودي كفووو حايس مدري وش اسوي المشكله المحاضرات المسجله والمباشره مانزلت ولاشي منها يفكر يسحب على ام الجامعه ويكبر المخده ويرقد :22:

إنت طالب مستجد والا بنفس دفعتنا ؟ وإذا إنت بدفعتنا هل دخلت الانظمة سواء البلاك بورد أو الافتراضي بشكل صحيح لاني مستغربة تقول مانزلتلك ولا محاضرة، والمحاضرات والمناقشات والواجبات كلها موجودة في النظام الافتراضي<<

إذا إنت مستجد اعتقد لسه مانزل شي من المحاظرات أما إذا إنت من دفعتنا حاول تلحق على نفسك وتكلم الجامعة إن شاء الله تروح لهم خميس وجمعة لانه يالله يمديك الامتحانات باقي عليها اقل من 3 اسابيع إن شاء الله.

وأنا اشوف حرام تدفع فلوس وبعدين تسحب على الجامعة !

[!. سعودي كفو .!]

الله يعطيكم العافية وجزاكم الله الف خير أستفدت من تعليقاتكم الكثير .

انهيت مناقشات مبادى الإدارة والآن في مناقشات مبادئ المحاسبة . وراح اكمل الجميع .

عندي سؤال بالنسبة لنسخ المناقشات ولصقها كيف .؟ وهل فيه متصفح ينسخ ويلصق المناقشات او لا .؟

بالنسبة لـ تحميل المحاضرات الغير مباشرة هل يكفي تحميل إي صيغة لاعتماد الدرجة ؟

الملخصات لو أكتفيت فيها هل تفيدني او لازم أوجع راسي بالمحاضرات والحوسة .!

ودي أطلع بأقل خسارة ممكنه .!

الفزعه يا جماعة الخير ،،

[* آمل *]

اممم اسمعني

اخلص المناقشات

بس مدري عندك الجدول حق بعيد والا لا

والمحاضرات باي صيغه تحملها تنحسب لك

انا عن نفسي احمل صيغة الجوال

اسهل واسرع

وش سويت وش ماسويت

علشان اقدر اساعدك

[!. سعودي كفو .!]

اممم اسمعني

اخلص المناقشات

بس مدري عندك الجدول حق بعيد والا لا

والمحاضرات باي صيغه تحملها تنحسب لك

انا عن نفسي احمل صيغة الجوال

اسهل واسرع

وش سويت وش ماسويت

علشان اقدر اساعدك



الله يجزاك الف خير أختي و الله يعينك علي .!

ياطويلة العمر انهيت مناقشات مبادئ الإدارة وناقصني منها للتحميل 8 محاضرات لكل مادة .

8*5= 40 محاضرة ما حملتها لحد الآن وراح انتهي منها بأسرع وقت بإذن الله.


بالنسبة للواجبات انهيت حلها جميعاً ثلاثة واجبات لكل مادة،

أبي أريح راسي وشلون أنسخ المناقشات سريع سريع ! هل فيه متصفح يسوي لي هذي الخدمة .
للعلم جربت فايرفوكس + قوقل كروم + الأنترنت أكسبلورر ، سمعت أن أوبرا ينسخ ويلصق المناقشات هل هو صحيح .!

[* آمل *]

يب اوبر ينسخ بس عبال مايتحمل وذا يبيلك وقت

جرب طريقة السحب

حطيت لك جدول بالمرفقات بينفعك
كثثيير

ماضبط بالمرفقات

رفعته لك عموقع الخليح

http://www.gulfup.com/?9EvkPl

[!. سعودي كفو .!]

جزاك الله الف خير أختي .


طيب هل طريقة المذاكرة عن طريق الملخصات يكفي ..؟ او لازم أتابع المحاضرات و أطبع و احوس .!

[* آمل *]

يب ماضبط بالمرفقات وحطيته لك ع موقع الخليج

شووف من هالناحيه ماقدر افيدك كل شخص واللي يرتاح فيه

وش نوعيتك بهالشي ماقدر افيدك انت احكم ع نفسك

بس انصحك لاتستغني عن المحاضرات

لو قسمت وقتك صح بتمشي صح

يعني مثلا باقي شهر ع الاختبارات بالضبط

قسم 30 يوم على 5

6 ايام

يعني لو بديت تشد ع نفسك تقدر تمشي اووك

http://www.gulfup.com/?9EvkPl

[!. سعودي كفو .!]

الله يجزاك الف خير ،

إذا أستجد شي برجع هنا أكيد .:16:

[!. سعودي كفو .!]

الأخوان لمن سأل هل هناك مركز أختبارات في حائل

الرجال يوجد لهم مركز أختبارات في مجمع سهما التعليمي الواقع جنوب الدائري الجنوبي .


أما النساء ليس لدي علم .!


أتمنى أن تتعاقد الجامعة مع جامعة حائل كون الجامعة يوجد بها قاعات فسيحة وتكفي لاكبر عدد ممكن من الطلاب . :16:


مع العلم أن جامعة حائل الآن متعاقدة مع جامعة الآمام و مركز قياس .

جامعة الأمام بالإضافة إلى وجود المعهد العلمي هناك جامعة حائل أيضاً لمن لا يعلم .!:16:

[mzajye]

بالتوفيق لك والله يكون بعون الجميع

[* آمل *]

يب جامعة حايل كبيره

ومرره حلوه عيبها الوحيد مافيها سكن

واالا انقبلت فيها طب وهندسه

بس للاسف مافيه سكن