انا معلمة ... ياليت المعلمات اللي يدرسون يفيدوني

[سؤال عالماشي]

السلام عليكم
انا معلمة من 10 سنوات وتخصصي دبلوم تربوي
وابي اكمل بكالوريوس بالتعلم عن بعد
هل جامعة الملك فيصل معتمده في احتساب البكالوريوس لي بعد التخرج ؟؟
وهل اي تخصص معتمد من وزارة التربيه والتعليم
او انه يجب ان تكون تخصصات تدريس؟؟

ياليت اذا فيه احد مثلي ودرست او سالت تفيدني وجزاكم الله خيرا

[ولد حبيل]

من يجد الاجابة ان يجاوب بادرو في نصيحة وشكرا

[سؤال عالماشي]

بالانتظااار

[خلف الشمري]

معتمد بوزارة التربيـه وتعليم بشرط اخذ ترم تربوي
هاذا الي انا اعرفـه
لان شروط التربيه وتعليم الي نزلت بخصوص التوظيف تنص على حصـول خريجين الانتسـاب على ترم تربوي

[إيثاار]

أنا معلمة أيضاً دبلوم تربوي والسنة هذي سجلت في الجامعة طبعاً بدعم من أختي الكبيرة قالت فيه وحدة من زميلاتها كملت والآن رفعوها للمستوى الخامس
فقط ادعيلي بالتوفيق :16:

[white paper]

شوفي يالحبيبة انتي دبلوم ايش بالضبط ؟يعني كلية متوسطة او كيف ؟

بالنسبة للاعتماد هي معتمدة واختي مثلك معلمة وتوها رفعت اوراقها لاخذ الموافقة لاكمال الدراسة

بالتوفيق ياحلوة

[al7sass88]

الله يسهل امرك اختي سوؤال على الماشي ويكتب لك ما فية الخير والصالح لك

[فهد العتيبي]

اهم شي موافقة جهة العمل
شهادة الجامعة
بكالوريوس غير تربوي
على المستوى الرابع

[KHALED99]

خطوة موفقة وجبارة اكيد بالتوفيق :21::29:
..

[سؤال عالماشي]

الله يجزاكم خير وشكرا لتشجيعكم
بس ليه موافقه جهة العمل
انا بااكمل انتساب
انا دبلوم رياضيات دبلوم تربوي اصلا
بس ابي بكالوريس

اختي ايثار
انتي ايش تخصصتي
يعني اي تخصص ماشي ؟؟
لاني ودي اتخصص انجلش

اختي وايت بيبر
انا رياضيات اختك وش تخصصت ؟

[سؤال عالماشي]

اختي ايثار
ياليت تخبريني كيف سجلتي
هل ظليتي على راس العمل ؟
وش الاوراق اللي محتاجتها للتسجيل
هل فعلا لازم موافقه وانا باادرس انتساب وبااداوم كمعلمه عادي

[white paper]

هلا بك ..اختي
وزي ماقلت لك هي راحت للخدمة المدنية وقال لها معترف فيها مية بالمية وقال انه هو بعد يدرس بالجامعة وانه ليس مطلوب موافقة العمل والمطلوب فقط جداول الاختبارات من اول مستوى لاخر مستوى لازم تحتفظين فيهم عندك
اختي رفعت اوراق عشان الموافقة بسس الى الان ماردوا عليها وطلبت الموافقة لانها خايفة تقول يمكن اذا بغيت اترفع الى المستوى الرابع يطلبون الموافقة فأخذت احتياطاتها كاملة
الله يوفقك وييسر امرك وامرنا ياارب

[سؤال عالماشي]

الله يجزاااك الجنه يااارب ويجعله بميزان حسناتك ويوفقك ويوفق اختك
ياليت تسألين اختك وش الاوراق اللي ارفعتها ولمن ارفعتها
لااني ابيهم يرفعوني لامستوى الخامس اذا خلصت بااذن الله وابي اخذ احتياطاتي
الله يجزاك خيرررر يارب

[white paper]

ابشري يالغالية

شوفي تروحين لمركز الابتعاث والتدريب بالمنطقة اللي انتي فيها وتروحين للمسئولة عن البكالوريوس لان فيه ماجستير وفيه دكتوراة

وتعطيك الموظفة نموذج طلب دراسة بالانتساب

تروحين لمديرتك توقع بالموافقة وتختم لك
تاخذين ورقة تعريف موجودة هنا بالخدمات الطلابية تفيد انك منتسبة
تاخذين صورة المؤهل
تاخذين صورة من البطاقة
وبس تروحين لها وهي ترفع الاوراق لمدير التربية والتعليم بالمنطقة ويتصلون بك او يرسلون لك رسالة بالموافقة وتاخذين نموذج منهم بالموافقة على اكمال الدراسة

وترى الدراسة بالانتساب تخولك للحصول على المستوى الرابع وليس الخامس

بالتوفيق الله ييسر لك ويوفقك ويرفعك درجات بالدنيا والاخرة وجميع من قرأ

[سؤال عالماشي]

الله يوفقك يارب ويجعلك بالجنه ووالديك
ماقصرررررتي

[ام يزوووون]

شوفي عزيزتي انت استخيري ثم توكلي على الله في الدراسة انا معلمة دبلوم مثلك وقدمت على الدراسة وبعد القبول من الجامعة ولله الحمد رفعت طلب موافقة على الدراسة من ادارة التعليم التابعة لمنطقتي وبعد شهر من تقديمي للطلب جات الموافقة من مدير التعليم وترا كل التخصصات في جامعتنا معتمده اتمنى اني افدتك ............

[إيثاار]

أنا تخصص لغة عربية

[بنت الريم 1]

انا بعد معلمة دبلوم تربوي وتخصص رياضيات وكملت دراسات اسلامية

بس لازم تاخذين موافقة من الادارة ع تغيير التخصص

[بنت الريم 1]

وعلى فكرة يابنات لازم تحتفظوون بصورة من الموافقة لان وحده من زميلاتي بعد ما اتخرجت رفضوا يحسنون مستواها لانهم ضيعوا الورقة وهي ماعندها صوره

[أخيراً قررت]

انا مثلك خريجة دبلوم كلية متوسطة وانتسبت هذا اول ترم لي الله يسهلها علينا
طبعا لابد ترفعين طلب موافقه ع الانتساب ع اساس لمن تقدمين تحسين مستوى بعد التخرج يكون الوضع نظامي وعشان تاخذين اجازه ايام الاختبارات
الله يوفق الجميع

[سؤال عالماشي]

الله يجزاكم الجنه ياااارب نورتوني
انا فاتني التسجيل هالترم
بس بااذن الله بااسعى بالموافقه

[أبو لولو]

مرحبا للجميع
واجبات المستوى الثالث وين القاها
الله يكتب لكم الاجر ويرزقكم الجنة

[hams1420]

انا بعد معلمة دبلوم تربوي وتخصص رياضيات وكملت دراسات اسلامية

بس لازم تاخذين موافقة من الادارة ع تغيير التخصص



انا بعد دبلوم كليه متوسطه تخصص رياضيات وكملت علم اجتماع واخذت الموافقه على اكمال الدراسه هل انتي تقصدين هذي الموافقه والا فيه شي ثاني