مهم للجميع ارجو الدخول مافي شي محذوف من القانون انتبهوا

[um saif]

صباح الخير

والله مش عارفة من وين ابدأ لكن الخبر اللي عندي لازم اقوله لكم كلكم والحاضر يعلم الغايب واعذروني راح اتكلم بالعامية اسهل لي وعشان ما يطير شي من مخي ويكون مهم

بخصوص الموضوع اللي الكل يتكلم عنه وهو حذف استاذ القانون لبعض المواضيع من الاختبار

للتنويه ....

امس صباحا اتصلت بالدكتور خالد عبدالتواب وسألته بخصوص هذا الموضوع للتأكد وبخصوص الكتاب .. :
وهذا نص المحادثة التي دارت بيني وبينه ...

انا :
السلام عليكم يادكتور انا الطالبة فلانه الفلانية اكلمك من قطر حبيت استفسر من حضرتك اكثر بخصوص التعليمات المهمه اللي ذكرتها و وجدناها عالبلاك بورد ..
وضح لي اكثر يادكتور ايش المحذوووف

رد الدكتور ::

لا يوجد شي محذوف من المقرر .. ولكن الذي ذكرته هذا محذوف من الكتاب اي ... وركزوا على اي .. لم اشرحه خلال المحاضرة ولم اذكره بالمحتوى اساساً

بالعربي ... ياللي يذاكر من الكتاب انتبه لا تشتط كثير وتجلس تقرأ وتحفظ وتكمل الفصل كامل ترى هاذي الصفحات ما شرحها الدكتور ولا هي جايه بالامتحان يعني مش مقررة علينا ..


وضحت الصورة ..

ثانيا :

أنا : طيب يادكتور بخصوص انك تقول ان راح تجيب لنا اسئلة من الكتاب ومن خلال شرحك بالمحاضرة ومو بالضرورة مذكورة بالمحتوى كيف يعني فهمني اكثر ..

الدكتور :
ايوا يجب فهم المحاضرة كامل والتركيز على كلامي وقراءة الموضوع من الكتاب والتركيز عليه ..

انا : طيب يادكتور انا من قطر وبحثت كثير عن الكتب بالمكتبات عندي وما لقيتهم لكل المقررات مش بس مقررك وقالوا لي لو ابغيهم يوفرون لي طلبية من السعودية لازم اشتري اكثر من 100 نسخه وانا صراحة ما اقدر شاسوي ب 100 نسخه وهذا الامر خارج عن ارادتي

الدكتور : انا مستعد اوفر لج نسخه بي ابعثي لي احد يستلمه ..

انا : يادكتور هذا طريق سفر مش ربع ساعة من السعودية الى قطر وماعندي صراحة احد يقدر يجي .. وهذا ظلم لي صراحة لو هو اهمال مني مابغيت اشتري الكتاب معليش لكن انا ما حصلته ودخلت انتساب والجامعة فتحت الانتساب لدول الخليج من المفترض يحطون موضوع عدم توفر الكتاب لنا بدولنا بعين الاعتبار يااما هم يوفرونه لنا او ينزلونه لنا بموقع الجامعة وبعدين يحاسبونا اذا ما ذاكرنا منه لكن بهالوضع ما ينفع وما ظل به وقت يادكتور ايش الدبره قولي ..؟

الدكتور : مافي شي امامك الا المذاكرة من المحتوى والمحاضرات وبتركيز شديد والله ولي التوفيق

انتهت المكالمة ..

[Ms.Solo]

جزاك الله خير على التنبيه

والله يسهل امورك اختي

[um saif]

يسهل امور الجميع ان شاء الله بلغي صديقاتك وزميلاتك عزيزتي لانه حرام يضيعون درجاتهم

[jooj_7]

صباح الخير :16:

يعطيك الف عافية أختي :1:

يعني تذاكر كل شي ولآ المحتوى والمحاضرة ????

[um saif]

المحتوى والمحاضرات مذاكرتهم مذاكره جيده

[* أبو ريوف *]

والله الدكتور اللي مامنه فكه مستعد يوفرهم بعد
الله يعطيك العافية ماقصرتي ع التوضيح
:16:

[um saif]

شفت شلون يا ابو ريوف هههههههه ناشب لي نشبه

المهم وضحت الصورة للجميع

[هنادي خالد]

والله الدكتور اللي مامنه فكه مستعد يوفرهم بعد
الله يعطيك العافية ماقصرتي ع التوضيح
:16:


ههههههههههه اي مصري مامنه فكه :12::12:

انا من الاول قلت ماراح اجيب ولا كتاب حدي المحتوى واسئلة السنوات واسمع المحاضرات ويخب:20:


يعطيك العافيه اختي

ماقصرتي جعله بميزان حسناتك يارب


وانا عني برسله لبنات الجامعه المضافين عندي


:1:

[jooj_7]

جزاك الله خير :2:

والله يعين ان شاء الله :1::1:

[um saif]

الله يجزينا واياكم يارب يااخواني واخواتي

المهم الكل يفهم اصحابه هالكلام ويوصل الكلام للكل للتنوية والتنبيه

[F-fatimah]

ماقصرتي وجزاك ربي كل خير

لكن الشرح كله من الكتاب يعني مافرقت معي لأني اعمل تأشير في الكتاب للي يذكره بالمحاضرات واكتب المحتوى

موفقين يارب

وتشكرين على حرصك واهتمامك

ويالله حيهم اهل قطر

...

[um saif]

الله يحييج عزيزتي فطمطم :11:

[هتان 2]

شكراا اختي ان شاء الله يجيب أغلب أسئلته من المحتووى ولو جاب مثلا 10 اسئله او 20 سؤال من الكتاب مافي مشكله اهم شي لايجيب صعب ولايلخبطنا

[مـالـي حـل]

مشكوره جزاك اله خير بركز ع المحاضرات وخلاص

[hura]

الله يعطيك العافيه
وبخصوص الكتاب اتوقع يا عسل متواجد بجرير بس انتبهي وانتبهو التنبيه للجميع لا تكون الصفحات ناقصه وبالاصح مشققه تبهذلت من هالموضوع

وياليتك ي اختي متكلمه من بداية الترم بخصوص الكتب كان ارسلناهم لك اهلي كثير ينزلون قطر وبما انو الترم علي نهايته -احرصي علي هالشي الترم الثاني وابشري باللي تبين
نعين ونعاون باذن الله

[زيزو الوايليه]

جزاك الله خير خيتو حي الله قطر واهلها .:1:

[ريح الصبا 77]

الله يوفقك يام سيف:16:

طمنتيني

[um saif]

جزاكم الله كل خير جميعا

وجزاج الله خير يا hura وربي يوفقنا جميعا يارب

ادري والله اني لو طلبت محد راح يقصر والكل بيعطيني حسب استطاعته لكن قلت مثل اللي قبلي بعتمد على الملخصات ولكن الشك ذبحني ورحت دورت الكتاب وبجرير بعد ما حصلتها بس يوم ما حصلتهم قلت اكيد خيره لي ..

بس المهم الكل ينتبه ويذاكر عدل ويركز عالمحاضرات والله يوفقنا وننجح بأعلى المعدلات يارب :19:
وسمعوني اقوى آآآآآآآآآآآآآآمين

[روح مغليك]

:2:جزاك الله خير :2:

[ASOY]

حبيبتي ام سيف لو عندي غير الكتاب اللي دزيته لك ماراح اتأخر دقيقه

[أحمد أبو عربس]

الله يعينك