أنا معلمة واتمنى تفيدوني

[إيثاار]

السلام عليكم ورحمة الله وبركاته
الأخت على الماشي نبهتني على نقطة
حقيقة اقلقتني اتمنى تفيدوني
أنا معلمة لغة عربية خريجة دبلوم كلية متوسطة
والأخوان والأخوات جاوبوا على الأخت
إنه لازم أخذ موافقة الإدارة إلى أنا تابعة لها
وأنا الحين منتسبة للجامعة
إلى عندة علم بهذا أرجوا أن يخبرني بها :mh12::Cry111::verycute:
بكل فيسات العالم المعبرة اتمنى ألقى جواب

[ابونواف1]

وزارة الخدمه المدنيه لا تشترط الموافقه لاكمال الدراسه عن طريق الانتساب

ولكن يوجد شيء آخر هو تسجيل المؤهل في وزارة الخدمه المدنيه عن طريق ادارتك

كي تستفيدين منه في المستقبل سواء في الترقيات او التعينات الجديده

وتفضلي هالرابط راح ينفعك كثير http://www.ksa-employers.com/showthread.php?t=99210

[بنت الريم 1]

ايوه لازم تأخذي موافقه من الادارة عشان تأخذين اجازة وقت الاختبارات

وبعد التخرج تحسنين المستوى بدون مشاكل

[لمُت نفِسٌيَ]

أختي موافقة جهة العمل اذا بغيتي أجازة بوقت الأختبار عشان يكون لك عذر ..
والأختبارات بتكون بالفترة المسائية بس ..

اذا حبيتي تعريف من الجامعة أنك منتسبه لها
تحصل ب الخدمات الطلابيه ( التعريف ) ..

أي سؤال أنا حاضر .. بالتوفيق .

[إيثاار]

شكراً على الردود
والمشكلة أنا من وين أرفعها من المدرسة
والا من الإدارة نفسها
والمشكلة الأدق أن الاختبارات باقي عليها أقل من
الشهر ولسى مارفعت الأوراق :9:

[لمُت نفِسٌيَ]

شكراً على الردود
والمشكلة أنا من وين أرفعها من المدرسة
والا من الإدارة نفسها
والمشكلة الأدق أن الاختبارات باقي عليها أقل من
الشهر ولسى مارفعت الأوراق :9:


التعريف اللي يدل أنك منتسبة للجامعة تحصليه ب خدماتك
ويكون بالتوفيق والختم " رسمي " ..
راجعي أدارة مدرستك بالطريقة ( لأن هالشي من عندها ) وهي ترفعها لأدارة تعليم المنطقة .

*
وبالأخير أعيد لك الاختبار مسائي يعني أن شاء الله معك وقت له بعد المدرسه
لأن بالغالب ادارة التعليم ماتقبل أحد يطلع من مدرسيها بالعام الدراسي : )

[ابونواف1]

اختي العمل يبغون جدول الاختبارات وبس والاجازه حقت الاختبار غصب مو على كيفهم

[بدر 2011]

فالك التوفيق

[إيثاار]

الأخ لمت نفسي
أنا اختباري في منطقة أخرى غير المنطقة اللي أنا عايشة فيها

[لمُت نفِسٌيَ]

الأخ لمت نفسي
أنا اختباري في منطقة أخرى غير المنطقة اللي أنا عايشة فيها



أوك أرفعي أوراقك بدري عن طريق مديرة المدرسة

[سؤال عالماشي]

ياليت تخبريني ياايثار وش سويتي
عشان ارفع مثلك

[إيثاار]

شكري وتقديري لك أخت سؤال على الماشي
على التنبيه والله ماكنت عارفة عن الأورق أي شي أنا
قدمت على الجامعة وأقبلوني وأرسلت أوراقي
ودفعت الرسوم

[إيثاار]

وسألت وحدة من زميلاتي وقالت تروحين مركز التدريب والإبتعاث
وبعدين توقعينها من المديرة وأكيد بيقولون لك كل شي
وبالتوفبق أن شاء الله

[صباح الخير]

أنا معلمه....
عادي مافاتك شي، من الخدمات الطلابيه إسحبي برنت تعريف
تروحين لمديرتك بالمدرسة ,وتقولين لها ترفع لك نموذج طلب إكمال دراسه
هوه موجود عندها وإذا مو موجود تطلبه
تعبيه بإسمك والجامعه والتخصص وترفعه للإشرا ف التربوي
ترى يوافقون بس يآخذ وقت بس الاكيد يوافقون
لييييييييييييييييييييييييييييييييييييييييييييييييه هالطلب والنموذج
لما يرجعون لك الموافقه صوريها ....
وحطي صوره بملفك المدرسي.....
ولما تتخرجين على خير من الجامعة
تروحين للوزارة وتطلبين تعديل مستوى
يعني انت عالحين عالمستوى الثالث
إذا خلصت دراسه تعدلين عالرابع
صحيح طولت عليك ...............
بس ماحبيت تجلسين محتاره..........................
وأي استفسار انا حاضره

[إيثاار]

شكراً أخت صباح الخير الله يسعدك دنيا وآخرة
ويجعل هذه الإجابة في ميزان حسناتك

[سؤال عالماشي]

الله يجزاكم خير صارت الحين واضحه
والله يسهل امرنا وامركل مسلم

[white paper]

عادي ياقلبي تقدرين تاخذين الموافقة اللحين

صديقتي بالمستوى الخامس وتوها تروح للتدريب وتطلب الموافقة يوم قلت لها خذي احتياطاتك لانه يمكن يوم تتخرجين وتجين تبين تسجلين المؤهل في الخدمة المدنية يطلبون الموافقة !!

يمكن !كل شيء جايز مع انه اختي راحت للخدمة المدنية واكد لها الموظف انه مو لازم الموافقة فقط لازم تجيبين كل جداول الاختبارات السابقة من اول مستوى الى اخر مستوى اطبعيهم كل مستوى واحتفظي فيهم عندك وبعد التخرج ان شاء الله قدميهم للخدمة المدنية مع نموذج طلب رفع مستوى

الله يوفقكم ياارب وينجحكم وييسر اموركم وكل المعلمات ياارب

[إيثاار]

شكراً جزيلاً على كل الردود فعلاً أخوة أثق بهم
شكراً منتدى الجامعة حفظكم الله وكثر من أمثالكم
وجعل ملتقانا الجنة بإذنه ورعانا برحمته :16::16::1::1: