استفسارات ضروريه جدن جدن

[نوره | ~]

السلام عليكم و رحمة الله

صباح الخير للجميع

عندي استفسارات ضروريه لاهنتم

اولا المناقشات انا احلها من متصفح اوبرا نسخ و لزق طبعا بس وحده من الأخوات قالت أن الموقع يدري إذا كانت المناقشه منسوخه فبتالي لن تحتسب لي الدرجه تقول ضروري اكتبها كتابه و أنا قد تعتب و حليت المناقشات كلها اذا كان الكلام صحيح علموني علشان يمديني اكتب :12:

الاستفسار الثاني بخصوص البطايق الشخصيه حقتنا يا البنات اللي نحط فيها صورنا وحده من المشرفات بالمستوى الماضي تقول ضروري نسوي بطايق لنا ما عاد يقبولن كرت العائله بس الجامعه ما اشترطت الشرط هذا هي وش دخلها سؤالي هو ضروري ولا لا اسوي بطاقه بس عشان ادخل فيها الاختبار و بعدين ادخلها الدرج بدون فايده لان الوالد الله يحفظه قال لي قولي لها ابوي رفض لو قلت لها بتقول اجل براء مافي اختبار بس جد جد وش دخلها علي الحرام لادخل من فوق مناخيرها

[ابن خلدوون]

تصدقين .. من دخلت الجامعة وانا عايش على الله ثم على النسخ واللصق ..

والدرجة تنحسب لي ..

بالنسبة لبطايق البنات ماعندي علم فيها .. وهالجامعة كل يوم طالعه لنا بسالفة جديدة ..

قايل لكم من أوّل صرنا مثل السنافر هههههههه

[نون ومهري مليون]

اذا كان لازم صورنا في البطاقه عزالله رحنا وطي:4:الله المستعان

[المحترمه]

وعليكم السلام ورحمة الله وبركاته

بالنسبة للنسخ واللصق المستويات اللي فاتت كان
فيه نسخ ولصق الحين توقف .. وحسب ما وصلني
أن الجامعه تظهر لها المتاقشات على شكل رموز
ويعرفون المنسوخ من المكتوب .. من الأحوط إنك
تكتبينها أضمن وأريح نفسيا ..

أما البطايق أنا في مستوى ثالث ولا سبق أن
طلبوا بطايق اللي تدخلين فيها الإختبار أما
كرت العائله أو بطاقة الأحوال الخاصه فيك وورقة
إثبات الحضور تطبعينها من الموقع أما غير كذا
فهو مجرد كلام .. بالتوفيق :16:

[نوره | ~]

اوم الحاله اعيد كتابة المناقشات يصير خير يصير خير

طيب ماعندي بطاقة احوال وش تبغى المشرفه ذيك تتوكل على الله بقولها وين الشروط هذي من موقع الجامعه ماوصلنا شي

[المحترمه]

اوم الحاله اعيد كتابة المناقشات يصير خير يصير خير

طيب ماعندي بطاقة احوال وش تبغى المشرفه ذيك تتوكل على الله بقولها وين الشروط هذي من موقع الجامعه ماوصلنا شي

اختي لا تأزمين أمورك ..
هو يا بطاقة أحوالك أو إذا مو متوفره
تاخذين كرت العائله عند الوالد
أو جواز السفر .. المهم أنه إثبات لك
عرفتي :16:

[مـلـح!]

- اختي - نورة

ادر ي بتتكيسيلين تكتبين المناقشات من جديد - لكن نصيحة لك - اضمن

لان ممكن ماتنحسب وتروح عليك 10 درجااات بسهولة

- موشرط تكتبين المناقشة كاملة - اكتبي نصها او حسب فهمك

اما البطاقة - غريبة امر المشرفة -

طيب تدرين اني من المستوى الثالث ماعاد اخذها - واني احفظ رقم الهوية واكتبها وبس

عموما - خذي اثباتك الشخصي - كرت العائلة وبس

[كولبهـــــآر]

طيب ماعندي بطاقة احوال وش تبغى المشرفه ذيك تتوكل على الله بقولها وين الشروط هذي من موقع الجامعه ماوصلنا شي

تعرفينآ ي آلحريم نحب نتفلسف تلقينهآ متلفسفه آلأ آكيد
:29:

ندش بدوون آثبآت ولاااا شي عندهم قآئمه بأسمآءنآآآ

[نوره | ~]

طاع الله شوركم كرت العائله و تحمد ربها الحشريه

طيب لو اكتب في المناقشات بسم الله الرحمن الرحيم تتوقعون بيلاحظون

[صلو على النبي]

وحده خاشه عرض
نوره بالله عليك ادارة اعمال مو صعب عليك
خاطري فيه بس في آخر لحضه خفت وهونت واخترت علم اجتماع