لطلاب وطالبات المستوى الرابع للضروره

[Rossse]

السلام عليكم ورحمة الله وبركاته
اتمنى من الاداره ماتنقل موضوعي لان احتاااج انه يكون هنا

انا بمستوى اول تخصص انجليزي ومو مره في الانجليزي اطقطق ممكن اعطي نفسي 35%
ومتخوفه كثييير منه ولي رغبه فيه انتو الحين كيف بالنسبه لكم سهل والاصعب
وهل دخلتم وانتم عندكم لغه وتفهمون فيه والا مثلي على البركه
وهل تنصحوني اكمل او اغير التخصص
اتمنى انكم تفيدوني بهالموضوع
وجزاكم ربي خيرا

[سمسووومه]

اغلبيتنا زيك داخلين التخصص عن رغبة

التخصص يبي له اراده قوية ومجهود شخصي كبير ويعتمد بالدرجة الاولى على تطويرك لنفسك لأنه زي ماانتي عارفة الدراسة عن بعد مو زي الدراسة المنتظمة

الصعوبة موجوده لكن مافيه شيء ماتقدري عليه

وانا ممكن اقول اني لمن خشيت التخصص كان مستواي جيد في اللغة وماكان توب

والحمد لله مشيت ومعدلي مرتفع ولله الحمد واطمح للمزيد

توكلي على الله وشدي حيلك وخليك قد التحدي:16:

[k@y@N]

حبيتي والله ماكنت افهم في الانجليزي ولا كلممممممه
لكن بتوفيق من الله ثم بمجهودي المتواصل الحمدلله وصلت للى ابغاه
ولعلمك كل شي فيه صعوبه ولكن بالعزيمه والاراده تقدري توصلي لمبتغاك

[علاية]

عزيزتي المادة حلوة مرة:34:
بس النظام:26:

[علاية]

عزيزتي المادة حلوة مرة:34:
بس النظام:26:

[Rossse]

ي لبببببببببى قلوبكن الله يسعدكن دنيا واخخخخره ويسهل عليكم اختباراتكم وتاخذوون الفل مااارك يارب ياكريم:43:

طيب ياليت تعلموني ايش الاشياء اللي ساعدتكم على تطوير انفسكم لان الاغلبيه عندي مسوين لي احباط ماراح تمشين في التخصص وانت ماعندك فيه شي وصعب غيري التخصص احسن لك ومن اقرب الناس لي
اوقات كلامهم يشجعني ويخليني اتحداهم وادور وادور وماعرف ايش اسوي وكيف ابدا و كيف اطور نفسي واحوس :12:واخر شي ياثر فيني كلامهم :18:

الله يسعدكم يااارب :16:

[سمسووومه]

لا يحبطوك وهذا اللي يصير معي على طول الخط

كل ماشكيت ان دكتور مايشرح مزبوط قالوا لو كنتي درستي غير هالتخصص

تحسيهم واقفين لك على الزله وينتظرونك تفشلي

ولابد تخيبي ظنونهم وتثبتي لنفسك انك قدهاا زي ماقلت لك اول

خذي لك روايات اقرئيها وتدرجي من البسيط للمتوسط للصعب

فيه كتب يجي معها دسكات تعليم

خشي مكتبة العبيكان او جرير وراح تلاقي فيها كل شيء

خذي لك مترجم ناطق من المكتبة

خلية بشطنتك وين ماتروحي

اي كلمة تمر عليك ترجميها واسمعي نطقها

راح تندمجي مع اللغة بالاخير وتصير جزء منك

:16:

[Rossse]

والله نفس اللي عندي الله يعين وانا اختك :23:

الله يسعدك ياارب ياسمسومه ويسهل امرك ويوفقك دنيا واخره :11:

ادري اني ماانعطى وجه تحمليني فديتك :37:عطيني اسماء كتب او وروايات كنت تستخدميها في بداية مشوارك الفني

وهل قصدك بالمترجم الناطق هو اطلس واذا هو اي الانواع افضلههها
واي شي استفدتي منه:34:

جززاك ربي خيرا :29:

[سمسووومه]

ايوه اقصد اطلس وماادري اذا فيه انواع ماعندي فكرة

بالنسبة للروايات اللي عندي عطيتها لبنت اخوي خاشة انجليزي ومايحضرني اسماء

روحي العبيكان واطلبي روايات للمبتدأين وبيعطونك

[gєℓηαя]

:25:


اذا على تنزيل العزيمة والاراده في هي موجوده بكل بيت الله المستعان

انا جيد جدا بالانجليزي بس الدرجات لك عليها يعني الحمدلله على كل حال اللي يخوفني لما امسك الاوراق تبع الامتحان

هنا يبدأ التخبيص صح

:7:

[مجمدالهنيدي]

سلام عليكم
تخصص لغه انجليزيه ...مهم جدا جدا...واكثر تخصص راح يستفيد منه الطالب ...وكذلك في الحياة العامه اصبح من الضروروي الالمام باللغه حتى ولو لم يدرس ...بالممارسه يعني ....
فما بالك اذا كان هناك شهاده ودكاتره يدرسون الماده ...وشهاده جامعيه ...يعني فرصه ممكن ما راح تتكرر
..الشي الثاني فيه ناس لديهم لغه من السابق ..من 20 سنه اتكلم انجليزي واسافر ..واستخدم اكثر من لغه في عملي ...ومع ذلك مستواي جيد جدا
..وفيه طلاب وطالبات دخلوا القسم وهم لا يعرفون شي عن اللغه ومع ذلك وصلوا الى تقدير ممتاز ...
لذلك مهما كانت حصيلتك في اللغه فهي ليست مقياس ..انما المقياس هو العزيمه والمتابعه والمذاكره والاصرار على بلوغ الهدف ...واقول كلمه اخيره ان هذا التخصص سهل جدا ...واي طالبه او طالب راح يعدي بسهوووله ..........والكلام للجميع ...وفقكم الله ..وكما قال القذافي الى الامام.. الى الامام ,, الى الامام..

[تخطيت السحاب]

على قدر اهل العزم تاتي العزائم ----- وعلى قدر اهل الكريم تاتي المكارم


شدي حيلك وادخلي بالصيف معهد وشوفي لك مدرسة تدرسك في البيت
وحاولي تطوري نفسك بنفسك
حاولي يكون الانقلش معاك على طول اليوم
عندك هدف لازم تحققيه
على فكرة ترى كثير من الناس يسبب لك احباط
لكن لاتنظري للخلف ولا يهمك كلامه
بكرة اذا ان شاء الله اخذتي الشهادة
تشوفين عيونهم تطلع من روسهم من هول المفاجاة
يازين ذيك اللحظة زيناه

مبروك التخرج اختي من الان

[حلم قلب]

ذكرتيني اول ما دخلت القسم نفس كلامك بالضبط
لا حبيبتي عااادي بس شوية مذاكرة ومتابعة وكل امورك بيرفكت
:16:

[Rossse]

:29: شككككككككككككككرا لكم جميعا ملئ قلبي :2::16:

[متعب2012]

اللغه الانجليزيه سهله مع الهمه والاطلاع مو بس في مقررات الجامعه ومع الوقت راح تشوفين نفسك كونتي قاعده كبيره من اللغه الانجليزيه بس اهم شي ذاكري اول باول مو بليلة الاختبار واحفظي كلمات مع نطقهم وتابعي مقاطع باليوتيوب ومواقع كثيره لتطوير اللغه وربي يوفق الجميع