كلية طب الاسنان لو تكرمتم مهم وعاجل ولكم دعواتي [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : كلية طب الاسنان لو تكرمتم مهم وعاجل ولكم دعواتي

ناردين 1

2012- 11- 25, 04:11 AM

السلام عليكم:
اخواني الافاضل اخواتي الكريمات
في كلية طب الاسنان يوضع للمريض على الرقبة مثل( البلاستيك ويكون فيه تعليقه سلسلة من حديد) اتمنى واضح اللي اقصدة:12:
هل صحيح انه يجب تسليم هذة التعليقة بعد الانتهاء من معالجة المريض؟
وفي حالة فقدانها ماذا يترتب على الطبيب؟
دعواتي في ظهر الغيب لمن يرد:16:

Muhamed

2012- 11- 26, 06:01 PM

مو واضح شرحك بس اذا كان قصدك مثل الي بالصوره
http://i01.i.aliimg.com/photo/v0/112012407/Napkin_Holder_Bib_Blips_Beaded_Chain.jpg_250x250.j pg
ما اتصور انها مصيبه يعني عادي ماراح يصير شي هههههه

سؤال غريب ايش قصته هالسلسال :biggrin:

ناردين 1

2012- 11- 26, 06:27 PM

ايه بالضبط نفس هذا اللي بالصورة وش بيصير؟
ومشكور ياخوي محمد ربي يعطيك لين يرضيك
هذا السلسال له قصة عجيبة بحكيها إن شاء الله

ناردين 1

2012- 11- 26, 10:53 PM

اخي الكريم دكتور محمد ياليت تتاكد لي لاهنت ولك دعواتي الصادقة في ظهر الغيب

Muhamed

2012- 11- 27, 11:11 AM

مثل ماقلت لك ما اتوقع انها مشكله كبيره يعني ساعات يكون موجود بالعياده يعني مايدرون مين ضيعه وساعات لا يطلع مع الادوات المعقمة ويكون باسم الدكتور بس ما اتوقع انه من الاشياء الي يدققون عليها

اذا انك نسيتيه معك وقدرتي ترجعينه زين اما اذا انه ضاع اتوقع ان شاء الله بسيط موضوعه لاتشيلين هم

ناردين 1

2012- 11- 27, 11:38 AM

Muhamed

2012- 11- 27, 06:40 PM

الله يجزاك الجنة ويعطيك لين يرضيك ايه هو معاي
بس مافهمت كيف يعني باسم الدكتور؟:4:

لان الدكتور بنفسه اتصل على ولي امري:4: وطلبه والموعد بعد 3 اسابيع اخاف اضرة ويكتبونه تعهد او يضطر يشتريه بمبلغ غالي
وانا مابي اضر احد بسبب جهلي:12:

كنت احسبه شي يرمى بالزبالة الله يكرمك ومن زود النظافة اخذته معي:24: بس الحمد لله ربي الهاني ومارميته و الممرضة الذكية راحت وخلتني والدكتور ساكت ماتكلم وطلبه!
وانا بالعيادة!
وربي يريحك دنيا واخرة
لي عودة بإذن الله..

آمين اجمعين
اقصد بعض الاحيان تكون الادوات المستخدمه مسجله كلها ومسجل الدكتور الي استخدمها تفرق بحسب المبنى الي تعالجتي فيه تفرق الانظمه بعيادات الطوارئ مثلا عن غيرها
عموما ما توصل ابد لهدرجه ان شاء الله بسيط الموضوع ولاهو شي مكلف بسيط موضوعه بس المره الجايه رجعيه معك هههههه

ناردين 1

2012- 11- 27, 11:28 PM

شكرا لك مرة اخرى اخي الكريم على تعاونك
:15: واسمح لي بتوضيح نقطة القسم اللي كنت فيه مو طوارىء والطبيب متخرج او امتياز بس خريج يعني (معليش انت ادرى مني بهذا المسمى وإن شاء الله وضحت قصدي)
ودعواتي لك في ظهر الغيب فرجت كربة علي كنت شايلة هم وكبرت الموضوع مرة..
وإن شاء الله برجعها بس اخاف اضر مسلم قبل الموعد الجاي ويدعي علي واعذب بالدنيا قبل الاخرة
ويوم القيامة بيكون له حق علي..
والمشكلة ان ولي امري مافهم عليه وقال ماخذنا شيء من العيادة!!!
اتصال الطبيب مرتين هو اللي خلاني اشيل هم وماعندي احد يرجعه غير ولي امري
يعني بضطر احط السلسلة عند اسقبال الحريم بالموعد الجاي إن شاء الله اللي عندهم ملفي لنفس الطبيب
عشان ماجيب لنفسي مشاكل او احراج للطبيب

ناردين 1

2013- 1- 2, 03:13 AM

اخي الكريم محمد
طلع سعر السلسة 15 ريال يعني خسرت الرجل 30 ريال
وطلع انها عهدة على الطبيب (مستشفى جامعي) واذا ضاعت يدفع قيمتها في الكلية نفسها!!!
هذا نظامهم وممكن يختلف من مكان لاخر
بس الحمد لله رجعتها بدون مايشوفني ولي امري وافتكيت من هم الامانة يوم القيامة او دعوات مظلوم في الدنيا
بس الفشيلة ان الطبيب درى ان اللي اخذها انا ودرى اني حابة ان ولي امري مايدري اني رجعتها له
(اتفقت مع الاستقبال الحريم يعطونها له بعد اخذ ورد وافكار جهنمية وخطط من البيت لمدة 3 اسابيع)
اصريت على ولي امري اننا نجي قبل الموعد بوقت وكان وقت الصلاة واننا عادي نصلي هناك
ولمن راح ولي امري يصلي استغليت الفرصة وتمت الخطة ولله الحمد
الموقف محرج ومضحك بنفس الوقت وخلاص تووووووووووووووووووووووبة
هههههههههههههههههههههههه

Muhamed

2013- 1- 2, 04:48 AM

حصل خير والموضوع بسيط مثل هالاشياء تحصل ههههههه