المقررات الصيفيه يا شباب نزلت

[مهرب مشاعر]

السلام عليكم

الي مقدم على الدراسه بالصيف ترى المقررات نزلت على موقع الكليه الي يبي يتاكد ان مادته نزلت ولالا يروح الموقع

انا الحمد لله باقي لي ماده نظم تشغيل 2 ونزلت بس مدري اخذها عند م.عبدالرؤوف
أو عطا جروان

صراحه عطا جروان جربته في نظم 1

وعبدالرؤوف في امن الحاسبات وطلع شي
شكلي باخذ عبدالرؤوف


بالتوفيق

[طالب تقنية]

شباب الحين ماني فاهم أنا تخصصي إدارة مكتبية و من ضمن المقررات اللي طلبتها عند التسجيل هو مقرر مقدمة تطبيقات الحاسب الآلي و لكن الآن بعد ما نزلوا المقررات ما اشوف المقرر موجود ضمن الأقسام الإدارية بل أشوفه في المقررات المخصصة لقسم الحاسب فهل أستطيع دراستها بالصيف أو لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[درب المحبهـ]

طيب يا اخوان انا اخذت مادتين
ونزلت ...اقدر اضيف ماده عليهم ؟؟
ومتى تنزل الجداول؟؟

[مهرب مشاعر]

شباب الحين ماني فاهم أنا تخصصي إدارة مكتبية و من ضمن المقررات اللي طلبتها عند التسجيل هو مقرر مقدمة تطبيقات الحاسب الآلي و لكن الآن بعد ما نزلوا المقررات ما اشوف المقرر موجود ضمن الأقسام الإدارية بل أشوفه في المقررات المخصصة لقسم الحاسب فهل أستطيع دراستها بالصيف أو لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا ماعليك اختبارات .. روح شؤون المتدربين الصباح واسألهم أحسن لك ع شان تظمن اذا ايه ولا لا

[كايدهم]

انا ابي احط دعم شبكات بدال مهارات دعم .. اقدرر ؟؟!!

[درب المحبهـ]

انا ابي احط دعم شبكات بدال مهارات دعم .. اقدرر ؟؟!!


نفس السؤال ودي احد ماده بدال ماده او اضيف

اللي عنده علم يخبرنا

[مهرب مشاعر]

اعتقد انك تقدر ..

[كايدهم]

رحت للحلو د.عماد قصاص وبكل اخلاق مثل ماتعرفونه كلكم < اي هين .. قال امشيي وتعاا الاسبوع الجاي واحتمال نقدر نبدلك مو اكيد

[ssx3]

وين نزلت انا ماشفتها

ودي اشيك على المواد
بس ماني عارف:000:

[كايدهم]

رح هنا act.gov.sa وبتلقى شريط اصفر فوق مكتوب المقررات الصيفيه

[كايدهم]

معليش اخوي تعديل للرابط act.edu.sa

[سحابه أمل]

مرحبا ساعدوني الله يعطيكم العافيه ....
أولاكيف أعرف المواد الصيفيه اللي نزلت دخل أخوي على الشريط الآصفر وشاف خيارات الآقسام بس مافتحت له المواد
ثانيا: كيف ادخل على نتائج الأختبار لكل ماده لآن دخل كلمة المرور وتطلع غلط ياليت تشرحون لي حتى يستطيع اخوي يدخل تكفوووون ,,,,,

[طالب تقنية]

اختي سحابة بالنسبة للمواد اللي نازلين للصيف فتدخلين على الرابط اللي حطوه الجماعة فوق و هو رابط موقع الكلية بعدين تضغطين على الشريط الأصفر و لما تضغطين عليه بيطلع لج الأقسام اختاري القسم المطلوب بيجيج نافذة تحميل حطي منها اختيار فتح ( هنا لابد يكون عندج على الجهاز برامج الأوفيس لأنه بيفتح لج ملف برنامج الأكسل ) و إذا حطيتي فتح بيفتح لج الملف و تشوفين المواد


_ _ _ _ _

أما بالنسبة للنتائج فهي لحد الأآن ما نزلت لكن حتى لو نزلت تراها ما تطلع على موقع الكلية تطلع على موقع المؤسسة و خطوات الدخول كالتالي :
ادخلي على هذا الرابط : http://www.tvtc.gov.sa/ ثم تدخلين على بوابة المتدربين

بيطلع لج نافذة تسجلين فيها البيانات رقم المتدرب هو الرقم الأأكاديمي الجديد و كلمة المرور هو رقم السجل المدني المكون من 10 خانات و يمكن تغييره بعدها بيدخل لج على البوابة و بتلاحظين على جهة اليمين فيه خيارات اختاري منهم السجل التدريبي عربي بيطلع لج صفحة فيها جميع نتائج السمسترات الماضية طبعا تروحين إلى آخر الصفحة تشوفين آخر جدول موجود هل المواد اللي فيه حقين هذا السمستر او السمستر اللي طاف إذا كان حقين هذا السمستر فهذي نتيجتك أما إذا كانوا حقين السمستر الماضي فاعرفي انهم لسى ما نزلوا النتايج

و أي سؤال حاضرين أتمنى الشرح واضح

[سحابه أمل]

ألف ألف شكر اخوي طالب تقنيه كفيت ووفيت بالشرح والله يوفقك ويفرحك بالنتائج:119: ....

_ _ _ _ _