شرح اجابات اسئلة اختبر نفسك في محاسبة التكاليف

[ღ الليدي ساره ღ]

السلام عليكم ورحمة الله وبركاته
اخواني خواتي الله يوفقنا واياكم اجمعين ويسهل علينا اختباراتنا وننجح على خير يارب
هذا موضوع بحط فيه بعض الاسئلة اللي في اختبر نفسك واللي عجزت عقولنا النابغة عن فهمها واستنتاجها :31:
واللي مثل حالاتي متنح والمعلومة متنحة قدامه موب راضية تدخل مخه يجي يسدح سؤاله وان شاء الله الاشناب وخوات الاشناب مايقصرون في هالمنتدى وبيساعدونا ويفرجونها لنا الله يفرج لهم لين نعديها على خير هالترم :17:

يعني رجااااءا خلوه بس لشرح اسئلة اختبر نفسك لأنها مختصرة ومباشرة وامثلتها احتمال كبير تجي في الاختبار حتى لو تغيرت الارقام

بداية صار عندي ظروف وماقدرت ابدا مذاكرة الا اليوم وطبعا اكثر شي خارش قلبي هالسنة محاسبة التكاليف وخويتها الادارة المالية هذولا وحدة بجيب بها عيد الفطر والثانية عيد الاضحى والاحصاء العيد الوطني

قدر الله علي اليوم وفتحت اول محاضرة لمحاسبة التكاليف وعصرت مخي على سؤالين في اختبر نفسك بعد ماسمعت المحاضرة حاولت وحاولت لكن ماش ماعرفت شلون جاء الجواب

السؤالين هم 3 و 4 في اول محاضرة اختبر نفسك :

3 ـ وقعت الشركة في 1/9/1431 عقد لمدة سنة لنظافة المصنع بمبلغ 24.000 ريال كم تبلغ قيمة التكلفة :
1)16.000 ريال
2) 8.000 ريال
3)12.000 ريال
4)18.000 ريال

هو قايل سنة شدراني هو يبي من شهر 9 الي 12 هالسنة يعني 4 الشهور الباقي في السنة
او من شهر 1 السنة الجديدة الى 8 السنة الجديدة ؟
ويوم يطلب تكلفة او مصروف شلون افرق هو يبي اللي قبل الشهر اللي معطينا والا نحسب الشهور اللي بعده ؟

4 ـ قامت الشركة بشراء بعض المواد الخام في 1/10/1431 بمبلغ 6.000 ريال لاستخدامها في السنة القادمة كم تبلغ قيمة المصروفات :
1) 6.000 ريال
2) صفر ريال
3) 1.500 ريال
4) 4.500 ريال
ليه صفر ؟؟؟؟


والسؤال هذا بعد ابي احفظه حفظ
7 ـ من أمثلة المصروفات :
1) التأمين على المباني ضد الحريق المقدم
2) شراء الآلات للمصنع
3) إيجار السنة الحالية المدفوع
4) مخزون البضاعة

انا شفت الاجابة ايجار السنة الحالية المدفوع شلون اعرف انها امثلة على المصروف وتكفون الباقيات امثلة على وش ابي احفظهن اذا مافهمتهم
الله يعطيكم العافية ويوفقكم :1:
والله يجزا كل من يساعد اخوانه وخواته المسلمين كل خير ويفرج كربه وينور قلبه وعقله بالعلم النافع:2:

[وردة الحجاز]

3 ـ وقعت الشركة في 1/9/1431 عقد لمدة سنة لنظافة المصنع بمبلغ 24.000 ريال كم تبلغ قيمة التكلفة :
1)16.000 ريال
2) 8.000 ريال
3)12.000 ريال
4)18.000 ريال

هو قايل سنة شدراني هو يبي من شهر 9 الي 12 هالسنة يعني 4 الشهور الباقي في السنة
او من شهر 1 السنة الجديدة الى 8 السنة الجديدة ؟
ويوم يطلب تكلفة او مصروف شلون افرق هو يبي اللي قبل الشهر اللي معطينا والا نحسب الشهور اللي بعده ؟

هو طالب في السؤال التكلفه .. يعني التكلفه الغير مستنفذه
لو قالك مصروف او تكلفه مستنفذه يعني ماتم صرفه
لو طلبه بيكون الجواب ب- 8000 ريال



4 ـ قامت الشركة بشراء بعض المواد الخام في 1/10/1431 بمبلغ 6.000 ريال لاستخدامها في السنة القادمة كم تبلغ قيمة المصروفات :
1) 6.000 ريال
2) صفر ريال
3) 1.500 ريال
4) 4.500 ريال
ليه صفر ؟؟؟؟


يقولك في السنه القادمه يعني اصلا مااستفذوه ماصرفوه بالتالي مافي
مصروف حصل اذا صفر


والسؤال هذا بعد ابي احفظه حفظ
7 ـ من أمثلة المصروفات :
1) التأمين على المباني ضد الحريق -اعتقد مصروف مستنفذ
2) شراء الآلات -اصل
3) إيجار السنة الحالية المدفوع
4) مخزون البضاعة - لو تم بيعه يصبح مصروف

انا شفت الاجابة ايجار السنة الحالية المدفوع لكن الباقيات امثلة على وش ابي احفظهن
الله يعطيكم العافية ويوفقكم :1:
والله يجزا كل من يساعد اخوانه وخواته المسلمين كل خير ويفرج كربه وينور قلبه وعقله بالعلم النافع:2:



... ونصيحة لو شئ اشبهه عليك او ماعرفتيه راجعي محاضرة الاستاذ

على نفس الجزئيه ... شرحه ممتاز الله يعطيه العاافيه

موفقه عزيزتي:16:

[م ـلآكـ آلـ ح ــزن]

الليدي ساره مثل ماقالت لك وردة
تابعي الدكتور
شرحه مرا حلو بدون تعقيد ومفهوم
مووفقه
:16:

[هتان بن محفوظ]

مشكوووووووووووووووورين

[ღ الليدي ساره ღ]

وردة الحجاز وملاك الفرح الله يجزاكم خير ياغاليات
السؤال الثاني فهمت لكن الاول للحين شفت المحاضرة والشرح مرتين لكن مافهمت
الاجابة هي 16000
24000 قسمتها على 12 شهر اللي هي سنة طلع كل شهر = 2000
ضربت الالفين في الشهور من 9 الى 12 = 4 شهور = 2000 * 4 = 8000
ضربت الالفين في الشهور الباقية من السنة اليي هي 8 شهور = 2000*8=16000
على اي اساس اختار وحدة من الاجابتين بمعنى ثاني وباختصاااار
لاقال تكلفة اختار الشهور اللي قبل الشهر اللي معطينا والا اللي بعده
الله يجزاكم خير تحملوني شوي لين افهم اول محاضرة عشان اقدر افهم على اساسها المحاضرات الجاية يارب :7:

[متعاون]

شوفي اختي
لازم تفرقين بين كل من

المصروف وهو ماتم صرفه واستفدنا منه
التكلفة وهي ماتم صرفه و سنستفيد منه مستقبلا
الخسارة ما تم صرفة دون اي فائدة لا الان ولا مستقبلا يعني فقدنا الامل منه

السؤال يبي التكلفة والتكلفة في التعريف السابق زي ماقلنا ماتم دفعه و سنستفيد منه مستقبلا انتي حسبتيها صح 100% لكن ما فرقتي بن التكلفة والمصروف بس هذي السالفة لو انه طلب منك كم المصروف كان الجواب 8000 لكن انتي شاطرة ضربتي 2000 في المده الي باقي ما استفدنا منها الي هيه 8000 التي تمثل تكاليف
اسف طولت بس ماني فاهم الا السؤال هذا فرحان ان احد سألني :8:

[ღ الليدي ساره ღ]

ههه متعاون قل ماشاء الله تراني كنت دافورة لكن الدنيا لعبت فيني لعبتها وصرت مفهية >> دنقوا عن الصواريخ :5:
شوف حسب تربيطات مخي ربطت فكرة ان التكلفة الشهور المستقبلية الجاية والمصروف الشهور اللي راحت صح والا بديت اخبّط :20: والله يجزاك كل خير ويوفقك على المساعدة :2:
بعدين ياشباب المحاضرة اللي عندي الثانية حملتها مرتين وكل ماافتحها تطلع لي نفس المحاضرة الاولى الله يقلعهم هم وبلاكهم وسستمهم المعفن من هالمليارات اللي يبلفونا كل هالسنين بخلانين لايصلحون نظامهم عن هالاعطال والاخطاء اللي فيه يامال الضعفة ان شاء الله
انتم مثلي يوم حملتوا الثانية طلعت هي نفسها الاولى ؟

[امورة وايد]

:41:اكرة هالمادة

[المـ ؛؛؛ ــافر]

شوفي طال عمرك ..
السنه فيها 12 شهر نقسم 12 على 24 = 2000 ريال
من شهر 9 الى نهائة السنة 4 شهور .
4000 * 2000 = 8000 ريال
والباقي من 2400 الف ريال 16000 الف ريال
تعتبر تكلفة لانها لم يستفاد منها . وتحمل هلى السنة القادمة .

السؤال الثاني :
صفر لانه لا تعتبر مصروف للسنة الحالية .
لانه لم يستفاد منها ..

بتوفيق لكِ

[وردة الحجاز]

والسؤال هذا بعد ابي احفظه حفظ
7 ـ من أمثلة المصروفات :
1) التأمين على المباني ضد الحريق المقدم
2) شراء الآلات للمصنع
3) إيجار السنة الحالية المدفوع
4) مخزون البضاعة



تصحيح لما قلته سابقا ..

مانتبهت لكلمة المقدم . دامه مقدم مايعتبر مصروف
لانه لم يستنفذ ..


:16:

[ღ الليدي ساره ღ]

شوفي طال عمرك ..
السنه فيها 12 شهر نقسم 12 على 24 = 2000 ريال
من شهر 9 الى نهائة السنة 4 شهور .
4000 * 2000 = 8000 ريال
والباقي من 2400 الف ريال 16000 الف ريال
تعتبر تكلفة لانها لم يستفاد منها . وتحمل هلى السنة القادمة .

السؤال الثاني :
صفر لانه لا تعتبر مصروف للسنة الحالية .
لانه لم يستفاد منها ..

بتوفيق لكِ


الله يجزاك كل خير ويوفقك الف شكر

[ღ الليدي ساره ღ]

امورة سجلي عندك واحد نفر كمان :27:
وردة الحجاز شكرا على التوضيح يالغلا الف شكر :16:
شباب بنات ممكن تساعدونيقبل لايطفي حماسي للمذاكرة :35: ابي المحاضرة الثانية كل مااحملها تطلع عندي نفس المحاضرة الاولى انتم نفس الشي والا لا الله يوفقكم ردووووووووا ماعندي وقت :39:

[ღ الليدي ساره ღ]

للاضافة لنفس عنوان الموضوع شرح الاجابات حصلته قبل كم يوم ملف فيه شرح لاجابات اختبر نفسك للي يبحثون من داخل وبرا المنتدى عبر العنوان للاستفادة من المضمون
الله يجعل من كتبه وحله ونزله للجنة والتوفيق دنيا واخرة :17::21:

[ღ الليدي ساره ღ]

خلاص انا ساعدت نفسي بعد ماخذلتوني يامستوى ثالث :12: لاني غريبة عنكم :5:
المهم رحت للافتراضي وحملتها ولقيتها طلعت الثانية الصدقية موب مثل المعفن البلاك بورد :20:
سؤال ياجامعة فيصل : :23:
بالله ماتحسون بتانيب الضمير ولا مخافة من الله يوم تعيشونا على بلاك بورد خربان ومخرف مثل بلاككم :20:
مااقول الا حسبي الله عليكم ونعم الوكيل في وقتنا اللي قاعدين تضيعونه وتلعبون فيه :23: