المساعد الشخصي الرقمي

مشاهدة النسخة كاملة : مساعدتكم ياطالبات الاكادميه فرع الاحساء

أم نواف
2009- 6- 28, 10:53 PM
بسم الله الرحمن الرحيم
السلام عليكم ورحمة الله وبركاته

أخواتي طالبات الاكادميه الدوليه للعلوم الصحيه فرع الاحساء


ابي مساعدتكم


انا خريجه من خمس سنوات من الثانويه العامه قسم ادبي

وحابه التحق بالاكادميه الدوليه للعلوم الصحيه

وحابه اعرف عن الرسوم . هل يشترط اختبار قياس

وعن افضل التخصصات

انا خاطري في سجلات طبيه وسكرتاريه طبيه

او مساعدة طبيب اسنان

وش رايكم بالتخصص ممتاز

وكيف طريقه الدراسه كلها انجليزي او تعتمد على الانجليزي


وكيف المدرسات يشرحو زين او نص ونص
al malak
2009- 7- 1, 02:40 AM
هلا والله اختي
علي حسب علمي انك لازم تدرسين تاهيلي بس

اما عن التخصصات فانا انصحك بمساعد طبيب اسنان لانه ممتع جدا واحس انه احلي تخصص

اما عن الدراسه فهي كلها انجليزي وعلي حسب ما سمعت ان من بداية السنه الجديده ما راح يقبلون احد الا اذا اجتزتي اختبار الانجليزي والله اعلم



واي استفسار عن الاكاديميه في الاحساء تراني حاضر

اختك al malak
أم نواف
2009- 7- 1, 11:53 AM
شاكره لكي اختي

almalak

على المساعده

حتى انا فكرت في تخصص مساعدة طبيب اسنان

لاني اتصلت امس وسألت عن التخصصات الموجوده

وقالو تمريض وصيدله ومختبرات واسنان

وسألت عن التخصص الاكثر طلباً قالت ما اقدر احدد لك انتي ورغبتك

وقلت بفكر بين الصيدله والاسنان

الاكثر طلباً عليه في مجال التوظيف

بس ياليت اذا عندك معلومات اكثر تزودينا بها

المشكله ما نقدر نتواصل على الخاص لارسال الايميل للمفاهمه


بس كيف يكون اختبار الانجليزي ؟
al malak
2009- 7- 8, 01:20 AM
والله ما ادري يا اختي عن الاختبار حق الانجليزي بس علي حسب اللي سمعت ان اختبار الانجليزي قبل لاتسجلين بالاكاديميه علشان يحددون مستواكي بالانجليزي تري انا شفت هالخبر بالجريده بس ما ادري

ايوا توني اعرف ان الرسائل الخاصه ما تشتغل كنت راح ارسلك ايميلي بس ما رضت

اختي اي استفسار تراني حاضر


تحياتي اختك al malak
المتمرد
2009- 7- 9, 10:40 PM
ييااخواتي ام نواف / والملاك

الله يوفقك وتدرسون اي اختبار بمعهد اهلي بفلوسكم راح تنجحين موصحيح ماتنجحين او تخافينن

شوفي افضل التخصصات الي مرغوبة بسوق العمل لما تقولين لي صيدله شوفي الشعب كيف جالس من غير وظيفه بسب تخصص الصيدله لاانهم شبه شبعانين منه (الله يخلي الاجانب)

عندك مساعدة طبيب اسنان بصراحه قسم ولااروع منه وتخصص جديد ومطلوب بسوق العمل

فالله يوفقك قبل لاتأخذين على كلامي شوفي رغبتك ورغبة العمل
واتمنى اني وصلت بعض الافاده
أم نواف
2009- 7- 10, 05:24 PM
المتمرد


شاكره لك التواجد والافاده

انا فعلاً حابه تخصص مساعد طبيب اسنان

اتوقع له مستقبل افظل

بس المشكله اني اشوف الاغلبيه يذم في دراسه الاكادميه

وانا ماعندي مجال ادرس هالتخصص في الاحساء إلا في الاكادميه

مادري اخوي عندك فكره عن الدراسه فيها اذا كانت ممتازه او لا ؟

لان الاغلبيه يذم وانا محتاره
المتمرد
2009- 7- 10, 07:23 PM
هلا ااختي ام نواف

قبل كل شي الارزاق بيد الله

انا ادرس بكلية المانع الصحيه بالخبر تدريب منتهي بالتوظيف

اما لااكاديميه لي شباب واجد متخرجين منها مااستفادو شي اشتغلو على شركات بمستشفى الملك فهد

فااذا الله كاتب لك رزق بالاكاديميه لتتندمين روحي الله يوفقك كسبي شهاده وانتظرري خمس سنوات الي ماتتعينين:hahaha_2008:

والمانع اذا ماخب ظني مافيه ادبي بس اسئل واعطيك خبر اذا حابه تدرسين بالخبر

وشوفي معهد هجر اسئلي شوفي كيف الدراسه هنا وهناك والتطبيق كيف يكون:s12: داعيلك بالتوفيق

اتمنى وصلت لك الافادة وتقبلي مروري
أم نواف
2009- 7- 10, 08:01 PM
المتمرد



شاكره لك التواجد للمره الثانيه

المشكله انا ما اقدر ادرس في الفتره الحاليه إلا في الاحساء

ومعهد هجر سمعت عنه مايقبل ادبي

مافيه إلا الاكادميه في الاحساء تقبل ادبي


وعلى التوظيف مافيه مشكله لو الاكادميه ما تتبنى التوظيف
ممكن اسعى انا بنفسي
بس المهم عندي تكون الدراسه ممتازه فيها



مشكلتنا في الاحساء قلة المعاهد



والله يوفق الجميع إن شاء الله