يمديني على الترم؟ و الا ضاع خلاص ضاع علي؟ اخوكم بورطه

[DKNY]

السلام عليكم جميعا
انا بحكم شغلي اتواجد باستمرار في افريقيا، و الانترنت هناك لا يتوفر بسهولة، و ان توفر فهو (دايل اب) بالكاد يكفي لتصفح الايميل
و الحين انا جاي متأخر جدا و ما ادري الحق على الواجبات و المشاركات و الا خلاص ضاع الترم علي!
اذا فيه امل قولوا لي عشان اتفرغ من اليوم الى اخر يوم اختبارات
و اذا ما فيه امل،، فالحمد لله على كل حال

[عهود ~]

و عليكم السلام
الله يعينك و يعطيك العافيه

عطيني جدولك و المواد عشان نحاول نرتب لك جدول على حسب صعوبه موادك

[هتان 2]

في امل حبيبي يالغالي حل الواجبات مثبته من اختنا اشوواق جزاها الله خير وشاهد المحاضرات المباشره مهمه جدا ومن ثم حمل المحاضرات بصووت فقط علشان بسررعه الله يسلمك والمناقشات حلهم من تعليم الافتراضي اكتب بس السلاااااام عليكم شكرا لكم وتنحسب لك درجات المناقشه ويبقى عندك الاختبارات النهائيه ذاكر نماذج الاختبارات السابقه مهمه جدا ورياضيات سهل ترى مر عليه مرورر الكرام طالع في الحلوول وروح الاختبار وانت خلك هادي وريلاكس ماتدرري يمكن تجيب نسبه ماتتوقعها والله يووفقك ياررب ويحفظك :18::18:

[هتان 2]

عندك الين نهاية 7-2 من صفر تتسكر واختبارنا في نفس هذا اليووم الخميس الساعه 6ونص مساءا الين 8ونص تواجدك الساعه 4ونص بالمقرر وبحفظظ رحمن يالغلاا

[عهود ~]

راح يقفل النظام بعد 11 يوم تقريبا ً أول يوم اختبارات
قول عندك 10 ايام بأذن الله يمديك

لو تعتمد كل يوم ماده وحده واجبات و مشاركات و تنزل المحاضرات بالصوت او نسخه الجوال كذا راح تنحسب لك الدرجه كامله ان شاء الله و لا تنسى تنزل المحتوى مهم هالشي

بعدين تركز على اسئله السمسترات الماضيه و تذاكر الملخصات و لا تنسى المحاضرات المباشره يا ليت تسمعها يمكن الدكتور قال شي مهم فيها

توكل على ربك و ان شاء الله تتسهل امورك كلها و محد يدري ايش المكتوب
ان شاء الله تيجي تبشرنا انك جايب معدل مرتفع :21:

[طموووحه]

ان شاء الله ماضاع شي ولا راح يضيع والامل اكيد موجود وحتى لو ماكان مووجود انت أوجده ..
ماقصرو عطوك ملاحظات وان شاء الله انه بيمديك خل املك بالله كبير وتوكل على الله

[ماجد الشاعر]

الاخوان كفّوا ووفّوا .. الله يجزاهم خير ..

لكن صدقني .. مافيه شي مستحيل .. وكل شيء يستحق المحاولة .. وبإذن الله بيمدي .. وبتنـجح :21:

[نينآ..]

شد حيلك وخلي عندك عزم هذا المهم
بتخلص لو في يومين
وبالتوفييييييق الله ييسر لك..

[dooda nouri]

في مجال بس لازم تفرغ نفسسك بالكامل

من بعد اليوم باقي عندك 9 ايام بالضبط للاختبارات

لو عندك في البيت احد من اهلك و يقدر يساعدك في المناقشات و الوجبات يكون كفى ووفى

ووقتك انت خليه للمذاكره
ابدأ في المحاسبه و بعدها الرياضيات

و سمي و اتوككل على الله كلو بيتسهل :1:

[!RAYAN ALGHAMD]

الحين لو نزلت المحتوى من الجوال تحسب لي درجات المشاركه ياشباب ولا لا؟

لأني جالس احملها ع الجوال عشان وقت الدوام اصير اقدر افتحها

فـ مادري اذا بيحسبون لي الدرجات ع المحتوى ؟

[وقتي]

اخوي بسيطه ان شاء الله كل الي عليك بس نسخ لصق بنسبه للمناقشات بتلقها محلوله
او مثل ماقال الاخوان اكتب اي شي ,, بتنحسب لك الدرجه
بنسبه للواجبات بتلقها محلوله كل الي عليك تعلم على الاجابه الصحيحه ,,
اظمن 30 درجه اهم شي وركز في المواد النظريه على اسأله الأعوام السابقه
اما المواد العمليه يبي لك تاخذ فكره سريعه عنها مع بعض الاسأله وان شاء الله يمشي
الحال وتنجح كل العالم تسوي كذا

[saudi-com]

اذا قفلت معاك الله يسلمك احفظ اسئلة العام و قبل العام و كذلك اسئله الواجب و ادخل الاختبار ...