انقبلت في التسجيل اليدوي بس عندي استفسار [الأرشيف] - ملتقى طلاب وطالبات جامعة الملك فيصل,جامعة الدمام

شموخ,,

2012- 12- 12, 12:50 PM

السلام عليكم
انا راح علي وقت التسجيل الالكتروني وارسلت رساله لايميل الجامعه وتم تسجيلي يدويا
واليوم وصلتني رساله عالجوال يقولون تم قبولي والمطلوب ارسل اوراقي
بس المشكله ماعندي وثيقة القبول الي المفروض ارسلها مع اوراقي
وكل ما ادخل نتائج القبول في موقع الجامعةواحط رقم السجل المدني يقول انه فيه خطأ
كيف اسوي؟؟
ومتى اخر موعد لارسال الوثائق؟؟؟

بنت الاشراف

2012- 12- 12, 12:55 PM

متى جاءك القبول

شموخ,,

2012- 12- 12, 12:58 PM

اليوم الصباح

بنت الاشراف

2012- 12- 12, 01:01 PM

اها الف مبروك :16:

شموخ,,

2012- 12- 12, 01:08 PM

الله يبارك فيك

طيب وش اسوي مع اوراقي :8:

بنت الاشراف

2012- 12- 12, 01:29 PM

دامك انقبلتي خلاص ارسلي اوراقك كامله وتوكلي على الله واتصلي عليهم واساليهم عن ورقه البريد انصلي على الرقم المجاني

قمرة دلوعه

2012- 12- 12, 02:24 PM

تكفوووون انا عندي نفس المشكله اللي يعرف يرد لايبخل علينا

Saad A

2012- 12- 12, 02:35 PM

مرررحبا

انا نفس الشي ارسلو لي اليوم واخذت صورة من بطاقه الاحوال + الشهادة الاصل + صورة شخصيه ورحت للبريد الممتاز وارسلتها ع العنوان المسجل بالرساله ودفعت 50 ريال .... وبعد كذا تسوون التسديد.

يعني ما يحتاج ورقة البريد

ووبس

mohammad.alanzi

2012- 12- 12, 02:41 PM

اخوي سعد ماعندك علم راح يستقبلونا البريد يوم السبت ولا لا

Saad A

2012- 12- 12, 02:41 PM

واخر وقت لتسليم الوثائق نهاية دوام غداً

لكن سؤال السداد متى اخر يوم ؟؟؟

شموخ,,

2012- 12- 12, 02:43 PM

يعني اتوكل على الله وارسلها،،
طيب الحين اكيد انتهى دوام البريد
لو ارسلها بكرة الخميس ينفع؟
واخاف تتأخر لانه ياخذ ٢٤ ساعة على وصولها

Saad A

2012- 12- 12, 02:45 PM

اخوي سعد ماعندك علم راح يستقبلونا البريد يوم السبت ولا لا

على حسب الجدول الزمني يبين ان غداً هو اخر يوم

Saad A

2012- 12- 12, 02:47 PM

يعني اتوكل على الله وارسلها،،
طيب الحين اكيد انتهى دوام البريد
لو ارسلها بكرة الخميس ينفع؟
واخاف تتأخر لانه ياخذ ٢٤ ساعة على وصولها

يوجد بعض فروع البريد تعمل حتى الساعة 9 مساء

وايضاً غداً .. ادخلي على موقع البريد وشوفي اوقات الدوام واماكن الفروع

عهوووود

2012- 12- 12, 02:55 PM

يووه يووه وانا بعد انقبلت الحمدلله

بس المشكله حطوني بتخصص غير اللي كنت حاطته>>>قاهريني والله

ممكن اللي يعرف متى ينتهي دوامهممم اذا في مجال يعني الواححد يرسلهمم بأي وقت عادي

لان بكرا اخخر يوووووم

Saad A

2012- 12- 12, 02:58 PM

الحين مداومين اتوقع.
ارسلي او اتصلي افضل

عهوووود

2012- 12- 12, 03:04 PM

طيب اخووي يقولون لازم ترسل نموذج القبوول!!!!

والله مافهمت شسالفه

ويقولون الصورة الشخصيه بس للاولاد صح هالكلام ولا!!!!

شموخ,,

2012- 12- 12, 03:14 PM

الصورة الشخصية للاولاد بس،،
طيب ينفع ارسل صورة بطاقه العائلة او لازم بطاقة الأحوال؟
لاني ماودي ارسلها وفيها صورتي

Saad A

2012- 12- 12, 03:45 PM

ارسلو المستندات المطلوبة في الرساله فقط .
وبالنسبة لبطاقة العائله فأتوقع انو لازم بطاقه الاحوال ..
عادي حطي على خشيشتك ورقة وصوريها :13:

قمرة دلوعه

2012- 12- 12, 03:48 PM

انت متاكد انو يقبلون هذي العمليه اللي سويتها لان يقولون لازم الوثيقه مايرضووووووون

شموخ,,

2012- 12- 12, 03:50 PM

انت متاكد انو يقبلون هذي العمليه اللي سويتها لان يقولون لازم الوثيقه مايرضووووووون

في الرسالة ماجابوا طاري الوثيقة
وهنا في المنتدى يقولون الوثيقة وورقة من البنك بعد ما اسدد المبلغ
والله ماندري وش السوات
ياليت احد مسؤول يفيدنا

شموخ,,

2012- 12- 12, 03:51 PM

ارسلو المستندات المطلوبة في الرساله فقط .
وبالنسبة لبطاقة العائله فأتوقع انو لازم بطاقه الاحوال ..
عادي حطي على خشيشتك ورقة وصوريها :13:

طيب انت ارسلت اوراقك وبعدها سددت المبلغ ولا لسى ماسددت؟؟
لان البعض يقولون لازم ترسل الايصال حق البنك مع اوراقك

قمرة دلوعه

2012- 12- 12, 04:01 PM

لو سمحت اي رقم الي عطيته البريد الرساله مافيها الا رقم واحد وهو صندوق بريد الاحساء والرقم الاكاديمي فقط

Saad A

2012- 12- 12, 04:08 PM

يا جماعه هم قالو بالرساله ارسال الاوراق وهي كذا وكذا وكذا الى جامعه الملك فيصل ..... الخ

ومن ثم سداد الرسوم .
يعني اي احد يقول لازم وثيقه او لازم ايصال البنك كلامه خطاأ

Saad A

2012- 12- 12, 04:09 PM

لو سمحت اي رقم الي عطيته البريد الرساله مافيها الا رقم واحد وهو صندوق بريد الاحساء والرقم الاكاديمي فقط

اول ما تروحين البريد وريه الرساله وهو يسوي الباقي

Saad A

2012- 12- 12, 04:09 PM

طيب انت ارسلت اوراقك وبعدها سددت المبلغ ولا لسى ماسددت؟؟
لان البعض يقولون لازم ترسل الايصال حق البنك مع اوراقك

ارسلت وللحين ما سددت لانو مو لازم الايصال لانه بالرساله مكتوب ارسال الاوراق ومن ثم السداد

Saad A

2012- 12- 12, 04:10 PM

ارجو من الجميع اللي يقول لازم ايصال او لازم وثيقه يجيب لنا المصدر

شموخ,,

2012- 12- 12, 04:11 PM

مشكور اخوي
خلاص بتوكل على الله وبروح البريد الحين
وترى دقيت عليهم مداومين من ٤ العصر الى الليل

Saad A

2012- 12- 12, 05:20 PM

علمينا وش يصير معاك وهل اخذو منك فلوس ولا .
<<<<مقهور من اللي دفعه :8:

عهوووود

2012- 12- 12, 06:02 PM

ي ناااااس مدري ليش مسوينها سالفه

اخووي راح قبل نص ساعه مو رضين يرسلون

يقولون له لازم نموذج قبوول

مع انه قالهممم اني مسجله تسجيل يدوي و وراهممم الرساله:39::7:

Saad A

2012- 12- 12, 06:09 PM

ي ناااااس مدري ليش مسوينها سالفه

اخووي راح قبل نص ساعه مو رضين يرسلون

يقولون له لازم نموذج قبوول

مع انه قالهممم اني مسجله تسجيل يدوي و وراهممم الرساله:39::7:

خليه يوريهم الرساله ويرسلها لنفس الشخص .. البريد ما عندهم خبر

الرساله فيها رقم صندوق البريد واسم الشخص

عهوووود

2012- 12- 12, 06:11 PM

وراهم الرساااله

شلون يعني يرسلها لنفس الشخص؟؟

Saad A

2012- 12- 12, 06:15 PM

الرساله مو فيه اسم لشخص ورقم صندوق البريد ... لحظه
لقد تم قبولك بجامعة الملك فيصل في تخصص ادارة الاعمال
ورقمك الاكاديمي هو عليك الأن إرسال شهادة الثانوية الأصلية وصورة من بطاقة الأحوال وصورة شخصية لك عبر البريد الممتاز إلى
عمادة التعلم الالكتروني والتعليم عن بعد
جامعة الملك فيصل
الهفوف 31982<<رقم الصندوق
عناية الاستاذ فاضل الصباغ<<هذا اسم الشخص
ومن ثم سداد الرسوم والبالغة 2485 ريال
عبر الصراف الالي او الانترنت المصرفي عبر نظام سداد فقط علما بان رمز الجامعة بالصراف هو 118
ولايقبل ايداع نقدي او تحويل
www.kfu.edu.sa

عهوووود

2012- 12- 12, 06:18 PM

يوووووووووووووووووووب نفسها جاتني و وراهم الرساله ذي

موولت عليهمم مدري ليش معقدينها <<اووف جات علي انا:39:

Saad A

2012- 12- 12, 06:20 PM

قولي مالكم شغل انتو وصلوها للصندوق هذا

عهوووود

2012- 12- 12, 06:23 PM

ي ربي وش الحل مره عقدوهااااا

يقولون لازم تطبع النموذج

وش اسووووووووووووي؟؟؟؟؟؟؟:7:

Saad A

2012- 12- 12, 06:28 PM

روحي فرع ثاني

عهوووود

2012- 12- 12, 06:37 PM

بشوف اقول لاخوي يروح >>>عااااد خلاص هو معصب :7:

Saad A

2012- 12- 12, 06:46 PM

ههههههههه

عهوووود

2012- 12- 12, 06:49 PM

:34::7:

والله شي يقهر موولت عليهم :25:

شموخ,,

2012- 12- 12, 07:12 PM

انا مثلك يقولون لازم تطبعين النموذج
قلتله انا مسجله في الدفعة الاخيرة ومانزلي نموذج في الموقع
قالي بيحط اسمي ورقمي الجامعي في ورقة خارجية
وخلاص ارسلتها الحمدالله

شموخ,,

2012- 12- 12, 07:13 PM

علمينا وش يصير معاك وهل اخذو منك فلوس ولا .
<<<<مقهور من اللي دفعه :8:

ماخذوا شي يقول مايحتاج فلوس

modi3

2012- 12- 12, 07:55 PM

جاتني رساله للقبول ابي اعرف متى اخر وقت لارسال الوثائق لان عندي مقابله لوظيفه حكوميه يواسبت ومحتاه شهاه الثانوي اللهم:39:

شموخ,,

2012- 12- 12, 07:57 PM

لازم ترسلينها اليوم لان بكرة اخر موعد لاستلام الوثائق
والبريد يستغرق ٢٤ ساعة للوصول
وشهادتك صوريها واشرحيلهم وضعك في الوظيفة

modi3

2012- 12- 12, 07:57 PM

معليش على الاخطا الاملائيه *:22: بس محتاجه رررد ضروري الله يجزاكم الجنه

modi3

2012- 12- 12, 08:17 PM

ليه بكره اخر موعد انا قريت بالموقع انهم فيه تمديد للتسجيل اليدوي

شموخ,,

2012- 12- 12, 08:25 PM

والله مدري
اذا تسمحين عطيني الرابط الي قريتي فيه هالخبر
لاني ودي اعرف شغلات ثانية عن التسجيل اليدوي

هلا 622

2012- 12- 12, 09:48 PM

شموخ,,

2012- 12- 12, 10:14 PM

اهلين اخوي
الي اعرفه انه انتهى التسجيل اليدوي
وبكره اخر موعد لاستلام الاوراق
مالك غير تنتظر السنة الجايه
وموفق :16:

esraa 2

2012- 12- 12, 11:00 PM

ماذا يعني تسجيل يدوي الله يخليكم فيدوني عاجلا قبل تفوتني الفرصة :39::39::39:

عهوووود

2012- 12- 12, 11:39 PM

ي نااااس والله مقهوووره

انا مسجلة تسجيل يدوي وجاتني رساله ع الجوال ويوم راح لهم اخووي

مارضوو يرسلون الاوراق قالوله لازم نموذج القبووول وقاعد ساعتين يحاول مو راضين الا بالنموذج

والله مقهوووره لا بعد يقولون اصلن التسجيل ذا كله غلط والرساله اللي جاتك ع الجوال غلط

والله مدددري وش السالفه !!!!!!!!

esraa 2

2012- 12- 12, 11:44 PM

ممكن تشرحيلي شو تسجيل يدوي لو سسمحتي اخت عهود:7:

عهوووود

2012- 12- 12, 11:56 PM

التسجيل اليدوي ي خيتو معناه

أنك ترسلين عن طريق الايميل لهمم طبعا في ايميل للجامعه تراسلينهم عليه

وانا ارسلت لهم ان التسجيل فاتني وكّذا...وردو علي ان ارسلهم معلوماتي وصوره من الشهاه وبطاقه الاحوال واكتب التخصص اللي ابيه...

وبعدها ارسلولي انو تم تسجيلك انتظر نتائج القبوول وطبعا هالكلام من اسبووعين

وامس الصبح ارسلو لي رساله ع جوالي انو تم قبولك ورسلولي رقم الاكاديمي و اني لازم ارسلهم الوثيقه وصوره من الاحوال عن طريق البريد الممتاز لهم>>>حششششا ماصار احس اني كاتبه قصه هههه

عساك فهمتي بس:14:

esraa 2

2012- 12- 13, 12:05 AM

جزاك الله كل خير اخت عهود
فضلا لاامرا بس تحطيلي الايميل الي ارسلته له هالقصة!!!!
وبكون ممنونة الك :29:

عهوووود

2012- 12- 13, 12:14 AM

تكفين ادعي لي بس انهم يرسلون اوراقي:39:

وتفضلي ي عسل هذا الايميل اللي تواصلت معهم

del_academic@kfu.edu.sa

esraa 2

2012- 12- 13, 12:24 AM

يارب الله يجبر بخاطرك وييسر امرك حبيبتي:11:

شموخ,,

2012- 12- 13, 12:56 AM

عهوووود

2012- 12- 13, 01:01 AM

عهوووود حبيبتي ماعليك منهم
حقين البريد ترى ماعندهم سالفة :19:
روحيلهم وقوليلهم يكتبون اسمك ورقمك الاكاديمي في ورقة خارجية ويحطونها مع الملف ويرسلونها
ولو مارضيوا روحي البريد الممتاز الي في شارع الملك فهد اذا انتي في الرياض
انا رحتلهم وصلحولي زي كذا وارسلوا الاوراق

اي والله قاهريني مو راضين يرسلون معندين مالت عليهممم

وبكرا الصبح بروح لهم بنفسي اتفاهم>>>وش عندها القوويه هههه

للااسف ي قلبي انا من الخبر مو من الرياض

بس ان شاء الله بكرا يرضوون ويرسلونها

شموخ,,

2012- 12- 13, 01:07 AM

ان شاءالله
ولو مارضيوا قوليلهم انا راسلت الجامعة وقالوا مايحتاج
المهم لاتطلعين من عندهم لين يرسلونها مالت عليهم

طيب من دفع الرسوم؟؟؟
انا ابوي سددها لي من النت
بس كيف اعرف اذا خلاص اندفعت او لا؟؟ وكيف اعرف ان اوراقي وصلتهم؟؟؟

عهوووود

2012- 12- 13, 01:15 AM

اميييين من بؤك لباب السمااا

هههه والله بقووه مالت عليهمممم

بس ولا يهمك انا اوريك فيهممم بكرا بستقعد لهمم واطلع ريحتهممم لين يرسلونهاااا

شموخ,,

2012- 12- 13, 01:21 AM

ايه زين :21:
ولاتنسي تبشرينا

وموفقة ياقلبي :16:

mohammad.alanzi

2012- 12- 13, 02:36 AM

ياجماعه انا رحت لهم وارسلت الوراق علا حسابي لانو قال ماراح ارسلها لك بخدمت جامعي الا تجيب النموذج

المهم سجلت المستلم جامعة الملك فيصل فقط يعني ماسجلت اسم الشخص الي بالرساله مدري وشسمه ذا

اذا هي غلط الطريقه الي سويت ياليت احد ينورنا ويرد

شموخ,,

2012- 12- 13, 10:14 AM

انت ماوريتهم الرسالة الي جاتك؟؟؟
يعني هم ما اخذوا منك اسم الشخص؟؟

Rasta

2012- 12- 13, 12:12 PM

والله عندي اوراق بنت اخوي وانا نفس حكايتكم صراحه بس ارسلت ايميل لنفس الجامعه بخصوص ان ورقة النموذج للبريد السعودي لم تطبع لنا الطلبة المسجلين يدويا وموظفو البريد يرفضون استقبال طلباتنا ارجو الرد حالا ..

اتمنى يردون علي ووقتها بقدر افيدكم :7:

Rasta

2012- 12- 13, 12:12 PM

سمو بما انك ارسلتي اوراقك اتمنى تعلميني وش ارسلتي .. عشان اسوي مثلك لبنت اخوي وشكرا

أمل80

2012- 12- 13, 12:20 PM

أرسلت لهم وهذا كان ردهم
قم بتزويد موظف البريد بالرسالة التي اتتك عبر الجوال

Rasta

2012- 12- 13, 12:27 PM

امل وش الاوراق المطلوب ارسالها الخاصه للبنات ؟؟

أمل80

2012- 12- 13, 12:32 PM

الشهادة وصورة من بطاقة العائلة فقط ..

Rasta

2012- 12- 13, 12:39 PM

الله يعطيك العافيه اختي ..

والله يعيننا يوم السبت برسلها عن طريق البريد الله لايعوق بشر لو ماوافق خليته يكلم الهاتف المجاني للجامعه قدامي ويستفسر منهم المهم ماني طالع من عنده الا وهو مرسلها .. على كلام الشباب بعض الفروع تفهمو الموقف وارسلوها :25:

أمل80

2012- 12- 13, 12:45 PM

الله يعافيك أخوي وشكراً للتنبية ..

شموخ,,

2012- 12- 13, 12:51 PM

اهلين ياقلبي
اذا انتي في الرياض روحي الفرع اللي في شارع الملك فهد
لاني رحتلهم وتفهموا وارسلوا الاوراق
الاوراق المطلوبه
اصل شهادة الثانوية/ صورة من بطاقة العائلة
والجوال الي جاتك الرسالة عليه عشان يشوفونها
وراح يكتبون اسمك ورقمك الاكاديمي في ورقة خارجية ويحطونها مع الملف
وفي بعض الاحيان يطلبون منك ٥٠ ريال
انا ماطلبوا مني بس بعض الاعضاء طلبوا منهم
بس اذا تبين رأيي روحيلهم اليوم لاتنتظرين لين السبت

هذا رقم البريد المجاني لو حابه تستفسرين عن شي
٩٢٠٠٠١١٤٤
وان شاء الله تبشرينا بارسال اوراق بنت اخوك
موفقة :16:

Rasta

2012- 12- 13, 12:51 PM

اختي راجعي تواريخ الخبر ترى حقت السنه الي فاتت ..

انا ماعندي مشكله باخر يوم لتسليم الاوراق انا متاكد مو اليوم لدفعة الطلاب الي سجلو يدويا

المشكله في البريد السعودي الي مو راضي يستلم طلباتنا وارسالها للجامعه بدون بموذج مع العلم ماحنا قادرين نطبع النموذج .؟؟؟؟؟؟؟؟؟؟؟

وحده من الثنتين يا انهم بيفتحون لنا ايقونة النموذج يوم السبت او اني راح اكلم الجامعه واتفاهم معهم يشوفون لنا حل ماصارت صراحه !!!!!!

شموخ,,

2012- 12- 13, 12:53 PM

الله يعافيك أخوي وآخر موعد لقبول الأوراق يوم الاربعاء 13/03/1432 هـ
وهذا رابط الخبر http://www.kfu.edu.sa/ar/lists/kfunews/dispform.aspx?id=605

بس اتوقع ان هالخبر قديم !!!!!
شوفي السنة اللي حاطينها في الاعلان

صدى الحياة

2012- 12- 13, 01:01 PM

لم يتم ارسال رسالة قبول :7::7:
في احد مثلي سجل يدوي ولم يتم ارسال رسالة قبول

Rasta

2012- 12- 13, 01:02 PM

متى ارسلتي طلبك

شموخ,,

2012- 12- 13, 01:03 PM

انتي بعد ما ارسلتي بياناتك في الايميل ردوا عليك؟؟؟
وارسلتي البيانات كاملة؟؟؟
( صورة الشهادة الثانوية/ صورة بطاقة العائلة/ بياناتك/ التخصص المرغوب/ رقم الجوال)

؟؟؟

سؤال عالماشي

2012- 12- 13, 01:29 PM

انا قبلوني بس مابعد ارسلت لهم شي
يمديني السبت ؟

galaxy cake

2012- 12- 13, 01:53 PM

لوسمحتوا ايش الايميل اللي ارسل عليه؟ ايش اكتب عن بياناتي غير صوره من الشهاده ووبطاقة الهايله والتخصص المرغوب ورقم الجوال؟

شموخ,,

2012- 12- 13, 02:21 PM

لوسمحتوا ايش الايميل اللي ارسل عليه؟ ايش اكتب عن بياناتي غير صوره من الشهاده ووبطاقة الهايله والتخصص المرغوب ورقم الجوال؟

هلا عمري
رديت عليك في موضوعك
موفقه :16:

شموخ,,

2012- 12- 13, 02:23 PM

انا قبلوني بس مابعد ارسلت لهم شي
يمديني السبت ؟

لو تقدرين اليوم افضل
لان مافيه شي يثبت انهم مددوا فترة التسجيل
الاعلان الي حطوه الاعضاء قديم من السنة الي راحت

mohammad.alanzi

2012- 12- 13, 02:38 PM

اعطيت الموضف الجوال وشاف الرساله

ولا فهمها داج الموضف مايدري وين طبسا

الي استنتجه من الرساله انو ارسلها علا حسابي انا عادي ماعندي مشكله كلها خمسين ريال

بس اهم شي ما اكون جبت العيد

شموخ,,

2012- 12- 13, 02:50 PM

ان شاءالله دامه ارسلها للجامعة توصلهم

مشكلتنا في التسجيل اليدوي مايعطونا البريد ورقة نموذج بعد الارسال
يعني مانقدر نسوي تقفي الأثر عشان نتأكد من وصول اوراقنا

mohammad.alanzi

2012- 12- 13, 04:17 PM

انا عطوني ورقه الضاهر فاتوره مالها فائده

شموخ,,

2012- 12- 13, 04:35 PM

من جدك اعطوك؟؟؟
طيب ليش انا ما اعطوني

طيب اذا هم اعطوك ورقة معناتها تقدر تسوي تقفي الاثر وتعرف اذا اوراقك وصلت او لا

mohammad.alanzi

2012- 12- 13, 06:30 PM

نعم ياعزيزتي عطوني

ونبي نشوف يوم السبت نبي نقص الاثر حقت الورقه نشوف وصلت ولا لا

شموخ,,

2012- 12- 13, 06:51 PM

ان شاءالله تكون وصلت

بالتوفيق يارب:16:

mohammad.alanzi

2012- 12- 13, 07:07 PM

يسلمو

الله يوفق الجميع :16::16:

سؤال عالماشي

2012- 12- 13, 07:12 PM

لو تقدرين اليوم افضل
لان مافيه شي يثبت انهم مددوا فترة التسجيل
الاعلان الي حطوه الاعضاء قديم من السنة الي راحت

اليوم مااقدر بعدين مهوب حق يرسلون رساله واخر موعد بكره
خاصه انه اربعا وخميس ويكند
وهم قالوا القبول في شهر 3
ارسلت لهم ايميل والله يسهل
البريد يسكر الجمعه صح ؟؟؟؟

Hictar

2012- 12- 13, 11:18 PM

راسلت العميد عبدالله الفريدان
وحساب الجامعه بتويتر وهذا ردهم بخصوص هالمشكله
والافضل للجميع فتح حسابات بتويتر ومراسله العميد وحساب الجامعه

http://im29.gulfup.com/g1D81.png

muni

2012- 12- 13, 11:25 PM

ارجو من الجميع اللي يقول لازم ايصال او لازم وثيقه يجيب لنا المصدر

انا اليوم الوالد راح وماوافقو يرسلون الاوراق مع انه وراهم رسالة الجامعه بس ماقبلو وش اسوي :12:

يقولون اليوم اخر يوم نرسل اوراقنا

أبو رونق

2012- 12- 13, 11:28 PM

مالك إلا الصبر وش وداك له :29:

المشااكس

2012- 12- 13, 11:33 PM

الف مبروك :16:
ويالله عاد شدو حيلكم بالتوفيق يارب:3:

Hictar

2012- 12- 13, 11:43 PM

muni

2012- 12- 13, 11:53 PM

طيب يعني يمدي نرسلها السبت ولا كيف ؟؟

أرسلتلهم بالتويتر ماردو علي :36:

سؤال عالماشي

2012- 12- 14, 07:24 AM

انا ارسلت لهم ايميل اني مااقدر ارسل اوراقي الا يوم السبت
ردوا علي من شوي جزاهم الله خير
وهذا ردهم بالنص :

(لاتوجد لديك مشكله قم باارسالها في اقرب فرصه )

Rasta

2012- 12- 14, 07:49 AM

ممتاز الله يعطيكم العافيه وخصوصا Hictar الي راسلهم على تويتر ..

الان الخطوه الجايه نقدم اوراقنا بالبريد وقوله على حسابي الخاص برسلهم .. اذا قالك الموظف نموذج بريد او شي قوله مالك دخل هذا مو تسجيل هذي اوراق مرسلها بعناية (فاضل الصباغ) وغلفو اوراقكم وحطو الرقم الاكاديمي واسمك ورقم جوالك بالداخل ..

:17:

شموخ,,

2012- 12- 14, 12:27 PM

بالتوفيق للجميع
وان شاءالله نجتمع جميعا في النصف الثاني مستوى أول :16:

muni

2012- 12- 15, 02:48 PM

الحمدلله اليوم ارسلت اوراقي باقي الدفع

متى اخر يوم للدفع

هل يرسلون لي الرقم السري اذا مادفعت ؟

لان قالو لي ادفع بعد مايرسلون لي الرقم السري

DoOoLi

2012- 12- 15, 07:06 PM

صديقتي فاتها التسجيل وتبي تسجل يدويا كيف الله يعطيكم العافيه ..؟

عهوووود

2012- 12- 15, 11:21 PM

الحمدلله انرسلت اوراقي

وسويت تقفي الاثر وصلت خلاااص

بس أبي اعررف متى يرسلون لي الرقم السري عشان اعرف متى اسدد؟؟

شموخ,,

2012- 12- 16, 12:58 AM

قبل الدراسة باسبوع او على بداية الدراسة

وموفقة حبيبتي :16:

Saad A

2012- 12- 16, 01:39 PM

ماذا عن الجميع هل ارسلتم مستنداتكم؟

سؤال عالماشي

2012- 12- 16, 02:17 PM

انا ارسلت اوراقي
وسددت اليوم بالنت
والا ادري وصلهم شي والا بعد

استودعت الله اوراقي وفليساتي

muni

2012- 12- 16, 04:34 PM

يعني اسدد الحين ولا لما يرسلون لي الرقم السري ؟

عهوووود

2012- 12- 16, 08:28 PM

يسلمووو سمووو

إلا بسألكم في مجال أني أغير تخصصي لأني انا كنت مختاره ادب e

وهما حطووني أدارة أعمااال وهالتخصص كلش مو ميووولي وما احبه

عهوووود

2012- 12- 19, 02:51 PM

محد رد علي !!!

بوح المشـاعر

2012- 12- 22, 08:04 PM

:.

السلام عليكم ورحمة الله وبركاته

فيه احد الاقارب قدم اوراقه كتابيا عن طريق الايميل وتم قبوله
:21:

نص الرساله عالجوال ::33:

تم قبولك بجامعة الملك فيصل في تخصص ... ورقمك الاكاديمي ...
عليك الآن ارسال شهادة الثانوية الاصلية وصورة من بطاقة الاحوال وصورة شخصية لك

عبر البريد الممتاز الى
عمادة التعلم الالكتروني والتعليم عن بعد
جامعة الملك فيصل
الهفوف
31982
عناية الاستاذ فاضل الصباغ

ومن ثم سداد الرسوم البالغة 2485 ريال عبر الصراف الآلي او الانترنت المصرفي
عبر نظام سداد فقط علماً بأن رمز الجامعة بالصراف هو 118
ولا يقبل ايداع نقدي او تحويل

^^

طريقة ارسال الاوراق :39:
هل فيها اثبات .. ؟
او ورقة تطبع ونوديها للبريد ؟
او ارسال بدون شيء ..
مجرد المعلومات اللي ذكرت أعلاه ؟

وربي يسعدكم

modi3

2012- 12- 25, 05:40 AM

للأسف أني ما قدرت ارسل أوراقي ، راسلتهم أبي اعتذر هذا الترم ؟ اقدر و خلاص يروح علي الرقم الأكاديمي

~ Confidence

2012- 12- 25, 03:27 PM

للأسف أني ما قدرت ارسل أوراقي ، راسلتهم أبي اعتذر هذا الترم ؟ اقدر و خلاص يروح علي الرقم الأكاديمي

يمديك على حسب كلام الدكتور الشعيبي .. لأنو أخر فرصة للطلبة المسجلين عن طريق الإيميل الإلكتروني .. الإربعاء الجاي هذا ..
هذا حسابه في التويتر و راح يجاوب عليك بسرعة إن شاء الله ..

rrr898@

موفقة ,,

~ Confidence

2012- 12- 25, 03:29 PM

غــرور ..~

2012- 12- 26, 03:50 AM

ياناس انا البريد رافض يرسل أوراقي

يقول لازم النموذج تبع البريد
وأنا مسجلة يدوي ما عندي نموذج

كمان لو أرسلتها اشلون اعمل تقفي اثر؟

~ Confidence

2012- 12- 26, 12:20 PM

ياناس انا البريد رافض يرسل أوراقي

يقول لازم النموذج تبع البريد
وأنا مسجلة يدوي ما عندي نموذج

كمان لو أرسلتها اشلون اعمل تقفي اثر؟

عندك أحد هالحلول :

إما أنك تروحي لفرع ثاني .. لأنو بعض الفروع تتغاضى عن نموذج البريد ..
أو تخلي أحد من اهلك و يشوف موظف البريد رسالة القبول الي جتك على جوالك ..
او تروحين لاحد مكاتب فيديكس أو غيره .. و ترسلينها من عندهم على هذة البيانات ..

عمادة التعلم الالكتروني والتعليم عن بعد
جامعة الملك فيصل
الهفوف
31982
عناية الاستاذ فاضل الصباغ

و خلاص خلصت الحتوتة ..

نقاءالروح

2012- 12- 26, 02:00 PM

السلام عليكم
لو سمحتوا انا انقبلت يدوي
وقالوا لي ارسل الاوراق بالبريد
بس كيف أرسلها في ملف أوكيف
وكمان وصل التحويل ارسله مع الاوراق والا احول من إلنت
وجزاكم ربي اعلي الجنان أرجوا سرعه الرد :16:

~ Confidence

2012- 12- 26, 02:06 PM

السلام عليكم

و عليكم السلام ..

لو سمحتوا انا انقبلت يدوي
وقالوا لي ارسل الاوراق بالبريد
بس كيف أرسلها في ملف أوكيف

تأخذين اوراقك و بيناتك .. تحطينهم في ملف و تقولين لموظف البريد ابغى ارسلها
على هذا العنوان ..

عمادة التعلم الالكتروني والتعليم عن بعد
جامعة الملك فيصل
الهفوف
31982
عناية الاستاذ فاضل الصباغ

و تدفعين مبلغ خمسين ريال ..

وكمان وصل التحويل ارسله مع الاوراق والا احول من إلنت
وجزاكم ربي اعلي الجنان أرجوا سرعه الرد :16:

حبيبتي التسديد يكون من خلال رقمك الجامعي و من خلال كود الجامعة الي هو 118
مو تحويل .. انتبهي ..
تروحين لأقرب صرافة ..أو عن طريق النت ..

و بس ، موفقة ,,

طيف نجد

2012- 12- 26, 02:42 PM

رحت وسددت اليوم
ورد علي الصراف عذرا العمليه الغيت مؤقت
وش الحل

modi3

2012- 12- 27, 04:50 PM

الحمد الله تم إرسال الأوراق مشكورين جميعا بالتوفيق

KMHS

2012- 12- 28, 08:38 PM

االسلام عليكم
فيه احد الاخوان يبي يسجل الترم هذا كيف الطريقة ووين احصل الايميل
وشكراً لكم جميعاً

~ Confidence

2012- 12- 28, 10:23 PM

االسلام عليكم
فيه احد الاخوان يبي يسجل الترم هذا كيف الطريقة ووين احصل الايميل
وشكراً لكم جميعاً

و عليكم السلام ..
هنا التسجيل موجود في نفس الملتقى ..
http://www.ckfu.org/vb/t400422.html