زيزو تهديكم 15 درجه بالمحاسبه ...تبونها؟

[زيزو الوايليه]

من منطلق حبي للخير للكل قررت انزل شرح اغث ماده ع قلبي سااابقا الحين امووت فيها لاني فهمتها .. اي شي تجهله تكرهه وانا بساعدكم ع الفهم علشان تحبونها وتفلحون فيها مثلي

اهم درس تقريبا وعليه سؤال فيه 15 درجه وكل اختبار لازم يجي فيه لانه دررس مهم جدا فتحو وركزو معااي الدرس هو > اعداد القوائم الماليه
ايش يعني قوائم ماليه ؟؟؟
يعني هي ناتج الدوره المحاسبيه الي نحوس فيها لنا ترم وش طلعنا منها بفايده؟
الفايده اني اعرف نتيجة اعمال المنشاءه واشوف مركزها وووضعها المالي وش رسى عليه ..
الحين المنشاءه بشكل عام وش لها ووش عليها ؟؟
هنا مفتاح الحل وبدايه الفهم
علشان اقسم هالحووسه زين واضبط وضعي قالو لي الاخصائين حط لك ميزانين تضبط فيهم هالحووسه الي هم
1- قائمة المركز المالي
2- قائمة الدخل
ادري مافهمتو ...؟ تعالو نتعرف عليهم اكثر وش معنى كل واحد
1- المركز المالي وش يعني ..؟ اسهل شي... ماللمنشاءه ..وماعليها > >الاصول + الخصوم + حقوق الملكيه > اي شي يجي تحت كل هالحوووسه ينحط في المركز المالي
خلونا نتوسع اكثر فيهم
a- قلنا الاصول > كل شي يشمل الاصول نحطه مع المركز المالي > اصول ثابته مثل السيارات والاراضي المباني والاثاث الالات ومعدات > اي شي للاستخداام وليس للبيع نسدحه فيذا
وبعد باقي في الاصول ماجيناها الي هي اصول متداوله > يعني نقديه .. تطلع لنا قريشات او اقدر احولها للقريشات مثل البنك والنقديه والصندوق المدينون > ناس نطلبهم فلوس يعطونا نقود> اوراق قبض > تعطينا فلوس بعد لانها تبع البيع > اوراق ماليه ومخزون سلعي اخر المده > انتبهو ترا هذا فيه شويه تحشيش اقولكم ليه بعدين ... وتامينات مسترده > يعني انا اامن ع شركتي وومكن ترجع لي فلوسي > يعني اصل لكن متدااول يعطيني فلوس هذي كلها في جاانب المدين ..؟؟ ليه لانهم اخذو مناا فلووس مدين > ياااااخذ
*b- ع الجانب الاخر من الجدووول يجينا الخصصوم وحقوق الملكيه وتوابعها > اي حقوق للغير علينا الخصوم > مثل القرض و اوراق الدفع والدائنون > كلهم يطلبونا فلوووس اعطووو > داائنوون
+ حقوق الملكيه > راس المال + صافي الربح - الخسائر - المسحوبات > الي تخص صاحب المنشاءه يعني يشتري لحاله والا لعياله هدايا وسيارات ماهي للاستخدام المنشاءه
الحين كل هالبلاووي الي ذكرناها كله ابووها للمركز المااالي > احفظوها اولا وثانيا حددو من المدين ومن الدائن
نجي الحين لقائمة الدخل > قائمة الدخل ماتحب الحووسه وكثرة الشغل والبربره قالت خلو كل شي فيه اصول وملكيه وقروض لكم عطوني بس عمليات البيع والشراء اضبطها لكم > مصروفات + ايرادات> بسس > مسالمه مالها بالمشاكسه
بس قالت بشررط ؟ وش هالشرط قالت ابيكم ترتبون لي المدين والدائن بعد مثلهم فوق مابي شغلي حووسه .. قلنا ابشري يلا نررتب
2- قائمة الدخل تاخذ> في يمين الجدول تحت بند المدين مصروفات وش معنى مصروفات .؟ يعني اي شي تدفع فيه قريشات وينقص حلالنا بالصندووق قالت هاتو لي
مسكووني اياه مثل .. المشتريات > مصاريف النقل والجمارك وعمولة المشتريات ومردودات المبيعات > شوفو المشتريات دايما مدين وعكسها مردوداتها تكون يسار > نشتري نننقص فلوس ونرد المشتري تزيد فلوس> مثلها ترا المبيعات تكون يسار لانها تعطينا فلوس ايرااد بس عكسها المردودات تجي يمين لانها تنقس لنا فلوس الي ردو بضاعتي اخذو قريشاتهم ههههه
نكمل بعد وش تاخذ ايه تااخذ بعد مردودات المبيعات وممسموحات المبيعات والخصصم المسموح به وتامينات غيررررر مسترده > ركزو هنا غير مسترده واول قلنا في الاصول تامينات مسترده > تذكرتو؟ باقي مخزون اول الفتره > اشتريناه نندفع فيه فلوس
هذا كله مديين ياااخذ فلوووس نجي للمسكين الدائن الي يعطينا فلوس مثل ايش قلنا اي شي ايرااادااات مثل المبيعاات ومردودات المشتريات ومسموحات المشتريات والخصصم المكتسسب > ركزو هنا خصصم مكتسب > انا اكتسبته يعني يعطييني وهناك بالمدين قلنا خصم مسموح به يعني انا عطيهم باااقي حق التحشيش الي هوو مخززون اخر المده هذا قصه وسالفه ركزو معاي > يطلع في حساب الاصول المتداوله بقائمه المركز الماالي كمدين ويظهر هنا بقائمه الدخل كدائن > هذا اسممه النشبه >..ركزو عليه ناشب هنا وناشب بالاختباااار هههههههه
هذا الدرس للي معاه اسئله علاء زهران تبع 1431 - 1432 نموذج a
صفحه رقم 7 القسم الرابع > من 36 - 50 > جدووول كلها عليه بكره الي معااه الاختبار نحله مع بعض والي مو لاقيه يدوره هنا موجوود لانه مررررره مههههم تخيلو بس هالدرس عليه اكثر من 15 ويمكن اكثثر وكل سنه يجي لاانه اهم شي هنااااااااا حتى بالسمستر الجاااي ارجوووكم ركززو عليه وشكراااا
الي ماافهم يحفظها ويعرف وين كل واحد البدايه اعرفو المركز المالي وش ياخذ
ثانيا اعرفو قائمة الدخل وش تاخذ وبعدين قسمو عاد لك لواحد مدين ودااائن
ايه حااجه مهمه جداا قالت المدرسه ان الدكتور جاب باحد الاعووام سوال ذكر فيه المركز الماالي والمتتاجره ؟؟؟!!!> يعني حط بدال ملخص الدخل او قائمه الدخل كلمه متاجره!!! > يحسبنا عيال نيوتن ابو تفاحه ع غفله ههههه > عاد افهموها ان جابها :16:

[حلم ملوك]

:3::3::3::3::3::3:
لاهنتي

[عِصآميهة]

تسلمينَ ي آلوآيليه "

مَ قصرتيُ يعطيكك آلعآفيه ، شرح رآئع بس لو تصغرين آلخط شويُ آخذ كل آلصفحه ههههههه

فديتكك ، لـ روحكك آلدميله " :16: "

[.. آمــل !]

مشكوووووووووووووورة لاهنتي:1::1:
ويارب احبهاا مثلك ماشاء الله عليك
لكن ماتوقع :29:

[أشوآق ..!]

مشكوووره :1:

[F-fatimah]

ماقصرتي زيزو

تحمست لشرحك ولي عودة بالتكمله ان شاء الله بكره على خير

يعطيك العافيه

...

[زيزو الوايليه]

مشكوووووووووووووورة لاهنتي:1::1:
ويارب احبهاا مثلك ماشاء الله عليك
لكن ماتوقع :29:

لو ترجعين اول لمواضيعي هنا كلها عن المحاسبه وكيف عقدتني !!!
بس تعودت اي شي يعقدني احطه ببالي واحول العقده لفهم وابدااع .
ليش احنا نكره ماده او نتعقد منها؟؟!! لاننا مانفهمها مثل الرياضيات متاكده نص الشعب يكرهها ليه؟ لانه مابذل جهد علشان يعرفها ويفهمها >
طيعا فيه عامل مهم يسااعد كثثثير وهو > احد يفهمنا ويشرح لنا كوون المااده جديده كلياا ومنفصله عن جميع ماسبق دراسته
انا كان لمدرستي فضل كبير على بعد الله في فهم المااده علشان كذا نذرت اني اساعد بكل جهدي وافيدكم مثل ماستفدت انا
الحين لاطفشت سحبت المحاسبه وطقطقت عليها وروووقت > ارحمينا يابنت نيوتن ابو تفاحه هههههههههههه:14::17:.

[ابراهيم الغامدي]

:21: يعطيككككك العافيه

[جوجو الحلوهـ]

يالبببببببببببى زيززززززو يانااااااس ,,:37:

ماقصررررررررتي ي سوكرهه ..

الله يوفقك ويسعدك ,,:16:

[اخت مصطفى]

يعطيكك العافيه ياقلبي بجد مشكوره ع الوقت والجهد حتى تساعدين أخوانكك وأخواتكك الله لايحرمكك الآجر والله وكلمة حق تنقال في أعضاء هنا مثل العسل واللي حببني في الجامعه هالوجيه الطيبه مثلك وشرواك ..:16::43: أعضاء كثريقضون معظم وقتهم حتى يساعدون الغير ومن حقنا اننا نشكركم ولو أن كلمة شكر ماتكفي دعواتنا للجميع والله يجزاكم ألف خير:1:

[ابو وليد 2020]

الله يعطيك العافيه

وانتبهوا لحساب ملخص الدخل فهو مكون من حسابين حساب المتاجره وحساب الارباح والخسائر واحيان تكون الاسئله فيها فخ فكل حساب موجود في حساب المتاجره فهو لابد وان يوجد في حساب ملخص الدخل والعكس غير صحيح فالحساب الموجود في ملخص الدخل ليس شرط ان يكون موجود في حساب المتاجره لانه من الممكن ان يكون تبع حساب الارباح والخسائر مثال ذلك حساب نقل الميعات (نقل للخارج )

[عبدالعزيز الوائليstc]

كفووووووو يابنت العم والله يسعدك ويوفقك يارب

[Reem 2016]

يعطيك العافيه على شرحك الروعه وماقصرتي:16:

[نسرين خالد]

هذا الدرس للي معاه اسئله علاء زهران تبع 1431 - 1432 نموذج a
صفحه رقم 7 القسم الرابع > من 36 - 50 > جدووول كلها عليه بكره الي معااه الاختبار نحله مع بعض والي مو لاقيه يدوره هنا موجوود لانه مررررره مههههم تخيلو بس هالدرس عليه اكثر من 15 ويمكن اكثثر وكل سنه يجي لاانه اهم شي هنااااااااا حتى بالسمستر الجاااي ارجوووكم ركززو عليه وشكراااا

::

هالحكي والمطلوب التركيز على اي محاضرة بالضبط
ممكن توضيح يا قمر


وتشكرات على الجهد والاسلوب النحفيزي للفهم
والاستيعاب
انا حبيت المادة بس يبيلها ذهن متفتح
الله يوفقك ويوفق الجميع


:19::5::2::16:

[ASOY]

الله عليك زيزو كل ماده لك بصمه فيها تمشي معاي
اهنيك على عزمك ماشاء الله تبارك الله :15:

[emeali]

السلام عليكم .. بغيت اخذ من وقتكم شوي للي عنده خلفيه بالموضوع انا انتظام اول سنه علمي وودي احول انتسام لان ابي تخصص اداره اعمال
مع العلم انه السنه اللي طافت سجلت انتساب بالغلط وسحبت اوراقي لان مافي احد كان يفيدني بالموضوع .. 😁

[SaRa El SwAiFy]

يالبه قلبك زيزو
من جد سهلتي عليه كنت حايسه مره في هذا الدرس واني ادور عشان افهم المركز المالي وملخص الدخل وجع في شكلهم:32:
جعله الله في ميزان حسناتك
ويوفقك وييسرلك امورك:1::1::2::2:

[هدوء آنثى♪]

شكراا

[abdullah733]

ههههههههه والله شرحك يوسع الصدر :17:

[بنت الشهري 111]

فديييييتك ياعسل ياسكر انتي
يازين شرحك واسلوبك حلوووو مع النشبة:5:
وبيني وبينك كنت اجن من المحاسبه
خاصه أول يوم شفت فيه ملخص ابو موزه
:7:جاني مغص ببطني من الخوف
لكن شوي شوي فهمت الماده وحبيتها
ووالله قدها احلى ماده عندي بالمنهج:34:
ربي يوفقك ياقلبي:3: ويجزاك الف خير

[dr.d7o0om]

يعطيك العافية وتسلم يمينك ,,
زيزو سؤال شرحك مع المدرسة مانزل بموضوع مستقل لحاله بحيث يكون مرتب ويسهل علينا
الوصول له ,,
شااااكر لك مجهودك وربي يعطيك على قد نيتك,,,
بالتوفيق’’’

[شخصية مجهولة]

بيض الله وجهگ :29:

كفيتي ووفيتي

الله لايحرمگ الأجر يارب


وفقك الله

:2:

[zaynab157]

هذا الدرس للي معاه اسئله علاء زهران تبع 1431 - 1432 نموذج a
صفحه رقم 7 القسم الرابع > من 36 - 50 > جدووول ))))
لو سمحتي عطينا نموذج ,,,,او اكتبي شوي منه عشان اشوف هو عندي اولا...

:16::16::16::16::16::16::16::16::16::16::16::16::1 6::16::16::16::16::16::16:
والله يجزاك خير :43:وهذي أحب راسك ..والله ماقصرتي ...زكفيتي وفيتي زيزو :1:

[أنا شخصيا]

يعطيك العافيه يابنت العم


ماقصرتي ..

لك مني :2:

[بنت سلام1]

انا مثلك اول ما مسكتها كرهتها بس صرت اقول لنفسي التكرار يعلم الحمار هههههه يعني كيف الانسان وضليت مقاطع من اليوتيوب مع اعادة المحاضرات
والله سهلها بعدين وفهمت
مشكوره بنت وائل ربي ينولك الي في بالك ياكريم :16:

[جوري العتيبي]

الله يعطيكـ العافيه

[عازف الشوق]

يعطيك الف عافيه
ويقول جاسر
الله يوديك المدينة .. :17:

[زهرة اللوتس1]

يعطيك الف عافيه عاجبني شرحك بس يبيلي ارجع له بتركيز بس بصراحه شكله بيسهل علي اشياء كثير مو فاهمتها

وياريت اشوف مواضيعك الثانيه اللي تولين عليها << طمعت :34:

[هدوء صاخب]

:3::3::3::3::3:


الله يعطيك العافيييه

[زيزو الوايليه]

يعطيك الف عافيه عاجبني شرحك بس يبيلي ارجع له بتركيز بس بصراحه شكله بيسهل علي اشياء كثير مو فاهمتها

وياريت اشوف مواضيعك الثانيه اللي تولين عليها << طمعت :34:

فيه موضوع هنا باسمي تحت عنوان > بعد دروس الاستاذه للاقتصاد:17:

[زيزو الوايليه]

شكرا ع دعواتكم الحلوه الحين نبدا بالجدوول تبع هالدرس لان منه راح تفهمون الدرس مررره وتضمون ال 15 درجه > جيبو فرري ستروونق بلاك كووفي ونفيش هههه وتعالو نبدا يلا :16:

[زيزو الوايليه]

الجدول تبع اسئلة علاء زهران يعني بيجبها يمكن بس يغير الارقام ويمكن بارقامها
السوعااال > بعد الاطلاع ع محتويات ميزان المراجعه في محلات المبارك التجاريه الموضحه اسفله والمعد في 30-12-1431 بالريال مع العلم بان مخرون اخر المده بلغت قيمته من واقع الجرد 160000 اجب ع الاسئله من > 36 الى 50 > ويلاه 15 سوعاال ههههه
طبعا مصور الجدول ثلاث خانات الخانه الاولى اصده مدينه وفيهاا ارقام الخانه الثانيه ارصده دائنه وبرضو ارقام الخانه الثالثه البيان وفيها طماط هههههه> امززح فيها كل شي يخص المنشاءه من عميلات واصول وخصوم
قاعده ... الكلمه اللاولى بالجدول لها المبلغ الاول والثانيه لها المبلغ الثاني الا المبيعات تكون جنب رقمها
قاعده ثانيه .. المبلغ يبين لنا هو مدين ام دائن لان الي عليك تروح تشوف السوال وتشوف كم الرقم جنب الي الحاجه الي سال عنها بس عاد عليك تعرف هالحاجه تبع الدخل والا المركز المالي > هذي سيمونا الكي وروود يعني مفاتيح الحل دائماا اكررر لكم كل اسئله لها مفاتيح حلول اعرفوها يسهل لكم الحل ع طوول مجرد ربط الامور ببعض
*- يظهر رصيد حساب المبيعات في ....
*- الجانب المدين لحساب ملخص الدخل بمبلغ 125000
*- جانب الاصول بقائمه المركز المالي بمبلغ 5000
* الجانب الدائن لحساب ملخص الدخل بمبلغ 125000
* جانب الخصوم وحقوق الملكيه بقايمه المركز المالي بمبلغ 1250000
طيب اول شي نروح ندور حساب المبيعات ونشوف المبلغ الي جنبها وين بالجدول وتذكرو المبيعات رقمها بجنبها ع طوول طلع لنا انها بخانه ارصدة دائنه والمبلغ حقها هو 125000 اهااا باقي نعرف هل هي مركز مالي والا ملخص دخل ؟ نروح نشوف السسته حقتنا الي رتبناها امس نلاقي انها مع ملخص الدخل لانها ماهي اصول ولا هي خصوم ولاهي حقوق ملكيه بل هي تعتبر من الايرادت عمليات البيع والشراء يعني الاجابه الصحيحه هي رقم ثلاثه

2- يظهر رصيد حساب مسموحات المشتريات في ....
*- الجانب المدين لحساب ملخص الدخل بمبلغ 500
*- جانب الاصول بقائمة المركز الممالي بمبلغ 1000
*- جانب الدائن لحساب ملخص الدخل بمبلغ 500
*- الجانب الدائن لحساب ملخص الدخل بمبلغ 1000
هااه شرايكم ؟؟
طيب نروح للجدول نشوف وينها فيه وكم المبلغ حقها اذا شفنا يطيح عنا نص الحل طيب لقينا مبلغها 1000 الف ريال وفي جهةة جانب الدائن حلوو باقي نعرف هي هي تبع المكز المالي والا الدخل هاه شرايكم..؟ هل هي اصول او خصوم او حقوق ملكيه ... او هي عمليات بيع وشراء ومصاريف وايرادات ؟؟ هاه اكييد انها راح تكوون تبع الدخل لانها عمليات بيع وشراء فهمتوو؟ يعني الجوواب رقم اربعه .. الجانب الدائن لحساب ملخص الدخل بمبلغ 1000 ريال
الدنيا سهله وبسيطططططططططططططططه خااالص ههههه
3- يظهر رصيد حساب الخصم المكتسب في
*- الجانب الدائن لحساب ملخص الدخل بمبلغ 450
*- جانب الاصول بقايمة المركز المالي بمبلغ 450
*- الجانب الدائن لحساب ملخص الدخل بمبلغ 250
*- الجانب المدين لحساب ملخص الدخل بمبلغ 450
هااه شرايكم ..؟ نروح للجدول ندور كلمه خصصم مكتسسب ونشوف كم المبلغ حقها يطلع لنا في خانه الرصيد الدائن 450 رصيد داين طيب باقي نعرف هل هو ملخص والا مركز مالي هاه شرايكم؟ طبعا لاهو من الاصول بانواعها ولاهو خصوم ولاهو من حقوق الملكيه .. اذا هو ملخص دخل ومن المبلغ عرفنا انه رصيد دائن يعني اي اجابه هااه؟
واحد الجانب المدين لحساب ملخص الدخل بمبلغ 450 ريال
مرره بسيط وحلو
4- يظهر رصيد حساب التامئنات التليفون والكهرباء > مسترده > بمبلغ 1000 في
*- الجانب المدين لحساب الملخص
*- جانب الاصول بقائمة المركز المالي
*- الجانب الدائن لحساب ملخص الدخل
*- جانب الاصول وحقوق الملكيه بقايمة المركز المالي
هااه شو رايكم؟ هنا كي ورد مهم جدا كلمه تامينات مسترده!! تبع اي بند اهاااا هي نوع من انوواع الاصول المتداووله لو تذكرون ليه ؟ من اسمها مسترده يعني ممكن نستردها وناخذ فلوسنا يعني هي نقديه او مايمكن تحويله لنقديه يعني اصول متدااوله يعني المركز المالي بجانب المدين لانها اصلا بالجدول محطوطه بخانه المدين فهمتو؟؟
يعني اجابه رقم اثنين جانب الاصول بقامة المركز المالي
وهكذا تقيسون ع طريقة الحل الباقي بس تذكرون النشبه الي قلنا عليه؟؟ هههه
ايوه مخزون اخر المده هذا طول الله اعماركم واعمار ابن سعود > تاثير جدها طلع هههههه
سوعااله كالاتي
يظهر مخزون اخر المده بمبلغ 16000 في
*- الجانب الدائن لحساب ملخص الدخل
*- الجانب الدائن لحساب ملخص الدخل وفي قايمة المركز المالي ضمن الاصول المتداوله
*- الجانب الدائن لحساب ملخص الدخل وقائمه المركز المالي ضمن الاصول الثابته
*- قائمه المركز المالي ضمن الاصول المتداوله فقط
طيب النشبه هذا يقول يطلع هنا بالمركز المالي وبملخص الدخل
يعني الخيار الاول والخير غلط باقي الثاني والثالث > الحين مخزون يعني وش ؟ يعني انا حاطه بالمخزن عندي سلعه وبضاعه ناويه ابيعها بعدين واحصل دراهم > يمديكم ع الشرح هههه طيب يعني هي اصول لكن وش نوعها ثابته والا متداوله ؟ اكيد ماهي ثابته لاي ماشريتها للاستخدام شريتها اتاجر فيها يعني متداوووله يعني اجاابه رقم اثنين .. في الجانب الدائن لحساب ملخص الدخل وفي قايمة المركز المالي ضمن الاصول المتداوله فهمتوووووووووو؟
باقي سوععال
6- يظهر رصيد حساب راس المال بمبلغ 90000 ريال في
ع طوول راس الماال حقوق ملكيييه في المركز الممالي
اوراق القبض > مركز مالي ونشوف المبلغ حقه
اوراق الدفع مركز مالي ونشوف المبلغ حقه
لوتلاحظون الحل يعتمد ع المبلغ اولا وين مكانه وثانيا تحت اي بند هو مركز والا ملخص وبسسسسسسسسسسسسسسسسس تعبت
من هف النفيش كله ؟؟ هههههههههه

[ε7šάŠ Šђά3я]

والله مو سهله يابنت العم يالوايليه

احلى شرح مر علي

ودي ووردي:16:

[سعودالشهراني]

ابدعتي بيض الله وجهك ورحم الله والديك :16:


وصح عليك الشي الي يعقد حاول انك تركز عليه اكثر وحطه براسك قبل لايحطك براسه :42:

[um saif]

جزاج الله كل خير يا اختي :16:

[a3any_99]

لباااااااااااا روووووووووووحش ي الوايليه

مشكووووووووووووره فديتش

:16::43:

[عـبدالعزيـز]

بالمرفقات نموذج a الي قالت عنة الاخت زيززو
الاول بدون حل والثاني محلول

ولها الف شكر

[شوشو7]

:27:من وين طبعتوهم الاسئله ذي انا بطبع اسئله بس ابغى اسئله محلوله

[عطرالحروف]

مشكووووووووووووووووره ياقلبي
آآآآه من الحاسبه قلبي كم يعاني

[shosh.m]

يعطيك العافية اختي على مجهودك ..

بس اقترح عليك تنسقين الشرح بملف ورد وتبسطين الكلام بطريقة مختصرة
كاسهم وجدول عشان يبسط علينا اكثر

لان اللون والخط الي حاطته جدا مزعج للنظر..

[كتومة]

:39:والله متوترة ماني فاهمه ولاشي بالماده مادري وش اسوي فيه مدرسه مدحوها لي رحت لها وقالت مضغوطه ماقدر تورطت والله للحين مادري وش اسوي الماده كلمة دسمه قليله عليها :12:




الله يوفقكك ويسعدك:21:

[. . τđōōōмm lle]

هلاآ

تسسلمين زيزوو بس ياليت لو تعطينا ميه بالميه بدل الخمسطعششر هذي . .:44:

هههههههههههههههههههه امزززح :42:

الله يعطيك ألف عافيه \

بس لاحظت شي وانتي تشرحين جالسهه تنافخين وتصارخين :39::39:

بالراحهه علينأآ تراناآ ضعيفين حنأآ :44::44:

ثكككككككرن لكك
\

[a3any_99]

يحق لنا تنافخ وتصارخ :27:
مو استاذتنا هي ؟:11:

خلاص تموووووووووووووون :43:

م تذكرون ابلاتنا بالثانوي شلون يصارخون وهم يشرحون واصواتهم تلعلع :8:

زيزو .. آي لوف يو :1::5:

[medo0o0]

زيزوزيزوزيزو

يسعد صباحك ...
وش رايك تشرحين لي الترصيد ما فهمت ...؟؟؟:42:
غي اسئلة جاية ف الاختبار منه ولا فهمتها ..
مممممكن :42: