ممكن كيف اغير مكان الاختبار من مركز الي مركز

[ام عبد الرحمن4]

اهلين با الجميع

ممكن كيف اغير مكان الاختبار من مركز الي مركز

انا حددوا لي مدرسه عرقه با الشمال وانا مدراس الرود اقرب لي بكثير


فاكيف اغير مكان المركز ,,,,,,وشكرا:39:

[فــوفي]

اختي التحديد اول الكورس

الحين مايصير لا توهقي حالج

لان الحين اسمج صدر باي مدرسه تختبري

[منوله ام حمودي]

مرحبا ام عبدالرحمن وانا معاك
بيتي قدام الرواد وحاطيني بعرقه ابغى رقم المسؤول وابكلمه مو حاله هذي اتمرمط علشانهم وهم عندهم سو ء تنظيم
العام كنت بعرقه وحالتي حاله من سواق الى سباك.....:38:

[منوله ام حمودي]

ام عبدالرحمن اذا تعرفين رقم المسؤول عطينياه

[الفصول الأربعه]

وين الرواد اي مخرج
اساسن عرقه مهي بالشمال هي غرب تعتبر وليه حاطينها شمال مدري
لو يحطولنا ايقونه بالرياض نكتب فيها اسم الحي على شان وقت التحديد كل واحد للمكن اللي اقرب له

[منوله ام حمودي]

بليز الي يعرف رقم المسؤول عن الانتساب واشنو اسمه يقوله الله يعافيكم ضروري

[قـف و نـاظـر]

والله انا ساكن بحي العريجاء الغربي مخرج 30 والمدرسة الي فيها مركز الاختبار انا متخرج منها الثانوية وهي جازع الشارع ومحددين لي مركز أخر في حي لبن مخرج 34 .. ما نقول الا الله يعينا على زحمة الجسر المعلق

[منوله ام حمودي]

بس هدا يسمى سؤو تنظيم ليش يحذفون العالم كل واحد قالعينه ورا الشمس مايصير ...الى متى؟؟؟؟؟
انا وحده من البنات ماعندي سواق وابوي كبير بالسن-العام كان يروح معاي ياحياتي ويجلس بالمسجد لين اخلص__ادهور صحه ابوي علشان جامعه ماعرفت تدرس وضع المقرات صح-والمشكله حاطين ايقونه للتقيم عن مقر اختبار-وش دعوه طالعتو فيها ولادريتو عنها
مااقول الاحسبي الله ونعم الوكيل-الله لايجزاكم خير يالجامعه

[**Besho0o**]

تنظيم المقرات الترم هذا
فاشل فاشل فاشل

وع فكره الكل مو راضي عن مقره
وكلموا الشعيبي رفض تماما وقال مافي تغير للمراكز
:24:

الوعد في الايقونه الي بتنتفح بعد الاختبار تقيمك لمركز الاختبار
اكتبوا كل ملاحظاتكم فيها :23:

[L-A]

الايقونة هذي زينه بس فالحين يتفسلفون ماشفنا منها شي
الله يعينكم يارب

[3abdlllh]

السمستر الي راح بجامعه فيصل وقبل الاختبار بدقايق .. ذكر الدكتور مسؤول القاعه انو الي جاي من خارج الاحساء وبيختبر ويانا يرفع ايده عشان يعطونه ورقه يكتب بيانته فيها .. وانو عادي يختبر باي مكان بس اهم شي يعطي المسؤل خبر عشان يعبي بيناته بورقه خاصه لهذه الشغلات .. وكان يكرر هالشي يوميا

وبكذا ممكن تداومون اول يوم بالمقر المحدد لكم وبعدها تختارون المقر الانسب .. بس انتوا تاكدوا عن الموضوع عند مسؤل المقر عندكم .. وبالتوفيق جميعا

[Мαнαвн]

صحيح كلام الاخ
شفت موضوع بالمنتدى العام انو الفريدان ذاكر بتويتر انو اللي في مركز اقرب له من المركز اللي طالع له يروح يختبر فيه بس يبلغهم
انو جاي من مركز ثاني
بحاول اجيب الخبر

[Lavender flower]

زوجي مشرف باحد المراكز
يقول ان الجامعه تعطيهم المواد تبع المركز والمواد اللي موتبعهم
واعطوهم ورقه للطلاب المختبرين من خارج المركز
عاد انا ماحط بذمتي شي اخاف احد يأخذ بكلامي ويتورط
لأن انا بنفس وضعك متورطه
اختي بمركز وانا بمركز وصعب على اخوي يودي ويجيب مع زحمة الرياض :7:
وصعب علينا حنا يروح الوقت وحنا ماوصلنا
اختي بالقدس وانا باشبيليه :6:
و ارسلت على ايميل الجامعه ورفضوا
انا خايفه اتورط مع مشرفة مركز القدس ماتقبلني
خاصه ان الحريم مو متساهلات مثل الرجال
ياليت احد يجيب لنا اسماء المشرفين على المركزين :16: