حاطين مركز اختباري ب عرقه والازدهار جنب بيتي كيف اتصرف

[سدن22]

يسعد مساءكم بهالجمال امطار واجواء بارده وترد الروووح
المهم
والله اني متضايقه حيل ومعصبه من هالجامعه بس الجو مخفف علي شوي
ماعلينا
بافهم
انا اللحين حي الازدهار جنب بيتي شمال الرياض

الجامعه هذي ترميني بحي عرقه ليه ليه ليه

اعطوووني رقم الجامعه ابي اتوااااصل معهم لين ماخليهم يغيرونه بزعجهك كل يوم
مستحيل اروح لهناك ظروفي ابد ابد ماتسمح صحيا وكمان دوام زوجي مايمشي معاه هالموضوع
ف بالله اللي عنده الرقم يكتبه لي خلونا ناخذ شوي من حقوقنا من هالجامعه زارفتنا بكل شي :32:

[ريومة الشرقية]

http://www.kfu.edu.sa/ar/Deans/elearning/Pages/contacts.aspx
في كثير مثلك اختبارهم بعرقه
كلموه امس على تويتر رفض التغيير:23:
بس انتي جربي وان شاء الله خير
الله يعينك:1:.

[سدن22]

حسبي الله فيهم اللحين اعرف وحده معاب بنفس الحي اللي انا فيه حاطينها بالازدهار وانا بعرقه واختباري السمستر اللي طاف كان بالازدهار وش التخلف هدا:32:

[سمسم كيوت]

حتا انا بحي الازدهار وحذفوني بعرقه وش الحل؟؟؟
وزوجي معصب علي انا وش ذنبي:12::12: بس معاه حق ما يمديه يطلع من الدوام ويجي ياخذني ويوديني قسم حوسه الرواد اقدر اروح على رجليني لازم نلقالنا حل

[سمسم كيوت]

:12:

[شجوون الليل]

دآم أنكم بحي وآحد

دبروو لكم سواق الله يعينكم و دآومو مع بعض


لأن أتوقع مافي تغيير الأختبارات تبدأ الخميس والأسماء أكيد وصلت للمراكز

[سمسم كيوت]

انا من بكره بزعجهم اصالات وانتي بعد لاتقصرين فيهم وخبريني اذا طلع معاك شي

[السنيدي]

يا أخوات عسى ان تكرهو شيء وهو خير لكم انا هالترم ابعد عن مركز الاختبار 150كيلو وماجزعت مقسوم لي يالله لك الحمد اصبرن لاحول ولا قوة الابالله
الله يسهلها علينا وعليكم

[am.ahmad]

الله يسهلها عليكم يارب :2:

[ريـمـيــہ]

لاحظت محد يبي عرقه ,, طيب ليه فاتحين مركز هناك :Looking_anim:

وانا بعد قالعيني في اشبيليا ,, الله يعين على زحمة الرياض

[سدن22]

اي سواق زوجي مايرضى مستحيل :40:
انا بس عرقه مو مرتاحه لها ابد غير كدا ضروفي الصحيه ماقدر اطلع مشوار والمدرسه جنب بيتي حسبي الله عليهم من جامعه نصبر وماصبرنا الا بالله :39:
ارسلنا فاكس وكلمنا بس للاسف محد حولنا حسبي الله ونعم الوكيل

[**Besho0o**]

غريبه بنات الرياض وش مسوين للجامعه :40:

ملاحظه كلكم حاطينكم بعرقه
مع ان في مراكز قريبه منكم :38: