إلى الآن الجامعة ما قدرت تحل مشكلتها اللي كل ترم !!!! [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : إلى الآن الجامعة ما قدرت تحل مشكلتها اللي كل ترم !!!!

مـرامـ.

2012- 12- 17, 04:11 AM

السلام عليكم

والله شي مو معقول جامعه طول و عرض ما حلت هالمشكلة إلى الآن
كل ترم و احنا في معاناة الضغط على الموقع .. صحيح احنا نتأخر بعض المرات بس مو معناته
إننا مهملين

لأ .. للأسف موقع الجامعة فاااااااشل
مافي حل يعني

تعبنا .. و بالأخير ننقص درجات عشان الموقع غير مهيأ أصلاً لأشياء كثيرة
آلاف الطلاب و الطالبات يدرسون عن بعد و شي طبيعي يصير ضغط.. شوفوا حل !!
حتى الاختبارات مالها اعادة للمتخلفين بأعذار مقبولة .. ليييييش .. ليش اعيد المادة لأن غبت فيها
بسبب ظرف قاهر .. ظرف ولادة .. موت أو مرض شديد لا سمح الله

ندمت اني أدرس تعليم عن بعد لكن خلاص صرت في نص المشوار و كل ترم أقول تنحل المشكلة
بس الظاهر مافي أمل !!

و احس تحطمت لأني سحبت ملفي انتظام من جامعة الامام لظروف نقلي ..
و أدرس في جامعة لن تكون في يوم من الأيام أفضل من جامعة الامام محمد بن سعود الإسلامية

العابرر

2012- 12- 17, 04:17 AM

الكلام غير صحيح ...الساكت عن الحق شيطان أخرس..نعم معك في الأعوام الفائتة لكن هذه السنة بالعكس البلاك بورد في قمة الروعة من بداية الترم.

مـرامـ.

2012- 12- 17, 04:20 AM

والله اني اكتب و انا ابكي ؟؟

يا خوي المحاضرات المباشرة ما رضت تفتح ابد

حفيدة شاعر

2012- 12- 17, 04:30 AM

كلا النظامين شغال تمام التمام

الدكتور الفريدان ماقصصر ابدا معانا هالترم

وافضضل شيء ان هالترم مره بسسلآم ولا عانينا خلل مثل ماكنا نعاني الاترام الي طافت

أختي شوفي المشكله من عندك

مـرامـ.

2012- 12- 17, 04:34 AM

كل ما جيت بفتح المحاضرة المباشرة يطلع لي

error

يعني المشكلة من عندي ؟؟

فاقده غالي

2012- 12- 17, 04:46 AM

معليش بس سؤال ابي اعرف ليش تتأخرون ماتكتبو الواجبات اول باول وتحضرو المحاضرات اول باول كان عندنا شهرين فاضيين وش تسون فيها معروفه بيجي اخر الايام بيكون فيها ضغط الحمدلله خلصت كل شي من بدري وارتحت ماتراكم علي شي :29:

مـرامـ.

2012- 12- 18, 12:50 AM

صح انا تأخرت في تنزيل المباشرة فقط.. بس مو معناته ان الجامعه ما تقدر تحل مشكلة الضغط ..
مو كل الناس مثل بعض .. ظروفهم تختلف يا اختي فاقده غالي !!
ناس ينقطع عنها النت .. ناس نايمة في المستشفى و ناس الله العالم بحالها

بس ما اقول إلا الحمد لله .
و انتِ قولي الحمدلله

Khaled.SU

2012- 12- 18, 02:59 AM

وضع الجامعه مزري و من بداية الترم وانا كل يوم اراسلهم ولا اتصل و كل يوم بمشكله بمحاضره

ومو بس انا كثير يعانون في كثير من المحاضرات او المشاكل التقنيه الاخرى

يعني الجامعه عندها عدد الطلاب يعني ماتدري اذا سيرفرها بينضغط او لا ؟؟

مو معقول هذي احصائيات مبكره يعرفونها و يعرفون نتائجها ولها توقعات و كذا

اما يدرسونا اداره و مدري ايش وهم مايعرفون شي مصيبه صراحه :7:

يعني معليش لو ندرس على حسابهم بنسكت بنقول مالنا وجه نتكلم

لكن ندفع لهم كل ترم و لا يطورون لنا شي :12:

بحة الناي

2012- 12- 18, 03:29 AM

مرام ولايهمك ان شاء الله بتنحل
والخيره فيما اختاره الله لاتتضايقين ولاتزعلين نفسك

ومعك للخميس بيمديك ان شاء الله