ممكن احد يشرح لي هذي المسائل بالمحاسبه

[كول كول]

:44: ممكن احد يفهمني بحل هذي الاسئله ابغى طريقه الحل وكيف اقدر احل لانها تتوه وماني عارفه وشلون طبعا الحل لقيته مختلف في كل مره عشان كذا خليته بدون حل عشان اعرف كيف احله واي جواب صح



/ الأعباء الصناعية المقدرة لشركة زهران تبلغ 140,000 ريال , وعدد ساعات العمل المباشر عن نفس الفترة 20,000 ساعة .
والبيانات التالية خاصة بالأمر الإنتاجي رقم 999 الذي أنتج خلال الشهر الأول من السنة :
الوحدات المنتجة 100 وحدة
تكلفة المواد المباشرة 10,000 ريال
تكلفة العمل المباشرة 7,000 ريال
ساعات العمل المباشر 1000 ساعة
بناء على ما تقدم من بيانات حول شركة زهران تبلغ تكلفة الأمر الإنتاجي رقم 999 :
a
17,000 ريال
b
18,000 ريال
c
24,000 ريال
d
27,500 ريال




فيما يلي البيانات المستخرجة من سجلات شركة الأثاث الحديثة خلال شهر محرم 1432هـ :
- تكاليف المواد المباشرة والمستخدمة خلال الشهر 200,000 ريال .
- تكاليف الأجور المباشرة 60,000 ريال ( عدد ساعات العمل المباشرة 10,000 ساعة )
- معدل تحميل التكاليف الصناعية الغير مباشرة التقديري يبلغ 7 ريال / ساعه عمل مباشر .
- تكاليف التسويق والتكاليف الإدارية 25,000 ريال و 30,000 ريال على التوالي .
- تكاليف مخزون الإنتاج تحت التشغيل أول وأخر الشهر 10,000 و 15,000 ريال على التوالي .
- تكاليف مخزون الإنتاج التام أول الشهر 18,000 ريال
- تكاليف مخزون الإنتاج التام أخر الشهر 13,000 ريال
بناء على البيانات السابقة تبلغ التكاليف الصناعية للإنتاج التام خلال شهر محرم 1432هـ :
a
320,000 ريال
b
315,000 ريال
c
325,000 ريال
d
330,000 ريال





فيما يلي بعض البيانات المستخرجة من سجلات شركة الوطن الصناعية خلال شهر محرم 1432 هـ
160.000 ريال مشتريات خامات _2.000 ريال مسموحات مشتريات خامات _
3.000 ريال مردودات مشتريات _7.500 ريال مصاريف نقل مشتريات خام _ 12.500ريال
مصاريف تأمين الخامات المشتراة _27.500 ريال رسـوم جمركية على الخامات المشتراة _2.500 ريال عمولة مشتريات خامات .
فأذا علمت مايلي :
تكلفة مخزون الخامات أول الشهر بلغت 50.000 ريال
تكلفة مخزون الخامات أخر الشهر بلغت 40.000 ريال
بناء على ماسبق تبلغ تكلفة المواد المستخدمة فى الأنتاج خلال شهر محرم :
a
205.000 ريال
b
215.000 ريال
c
200,000 ريال
d
225,000 ريال

[جنون الحياه]

ان شآئ الله يفيدونك الأعضآء,,لأني كنسلت هالترم,,

تفضلي هوون ثبت لكم موضوع خآص بالمآده,,وان شاء الله يفيدونك الأعضآء,,

http://www.ckfu.org/vb/t381655.html

موفقه,,

[نسيم الصبا]

ماحد يسترجي يجاوب في هنا خبرآء في المحاسبة:42:
ان شآء الله تلقي جواب واذا مالقيتي بأحاول أحلهم معك

[أبان]

راح أحل واحد و أفتح المجال للمتواضعين



/ الأعباء الصناعية المقدرة لشركة زهران تبلغ 140,000 ريال , وعدد ساعات العمل المباشر عن نفس الفترة 20,000 ساعة .
والبيانات التالية خاصة بالأمر الإنتاجي رقم 999 الذي أنتج خلال الشهر الأول من السنة :
الوحدات المنتجة 100 وحدة
تكلفة المواد المباشرة 10,000 ريال
تكلفة العمل المباشرة 7,000 ريال
ساعات العمل المباشر 1000 ساعة
بناء على ما تقدم من بيانات حول شركة زهران تبلغ تكلفة الأمر الإنتاجي رقم 999 :
a
17,000 ريال
b
18,000 ريال
c
24,000 ريال
d
27,500 ريال





أول شي
عشان ما ندوخ و نتشتت و حنا نقرا السؤال نركز على المطلوب

تبلغ تكلفة الأمر الإنتاجي رقم 999

الحمد لله حددنا المطلوب ، نجي الحين نبسط المطلوب

الأمر الانتاجي عبارة عن قائمة فيها المواد و الأجور التي ساهمت في تصنيع المنتج .

حلو ... يعني نقدر نعرف كم تكاليف المنتج المباشرة اللي هي بنفس الوقت التكاليف الأولية اللي هي = أجور مباشرة + مواد مباشرة

كلام سليم و واضح

كم الأجور المباشرة ؟ 7,000 ريال

كم المواد المباشرة ؟ 10,000 ريال

يعني التكلفة المباشرة (اللي هي التكلفة الأولية) = 7,000 + 10,000 = 17,000

خلاص ؟


لا باقي شي بسيييييييييييييط




هو يبي تكلفة الأمر الإنتاجي ، يعني يبي التكاليف المباشرة و الغير مباشرة ، و بعبارة أخرى يبي تكلفة الانتاج

تكلفة الانتاج = التكلفة الأولية + التكاليف الصناعية الغير مباشرة

التكلفة الأولية و عرفناها 17,000

طيب و التكاليف الصناعية الغير مباشرة ؟

يقول لك طال عمرك ، حنا بأول السنة ولا نعرف كم التكلفة الفعلية، ولكن ..... قدرناها في أول العام أنها ستكون 140,000 ريال ، وقدرنا بعد أننا راح نشتغل 20,000 ساعة عمل مباشر .

تمام ... يعني لو قسمنا التكلفة المقدرة ÷ ساعات العمل المباشر المقدرة = معدل التحميل المقدر

نقلبها أرقام

معدل التحميل المقدر = 140,000 ÷ 20,000 = 7 ريال

الحين عرفنا أن كل ساعة عمل مباشر تكلفنا 7 ريال تكاليف صناعية غير مباشرة


الحمد لله ، يعني ببساطة نضرب معدل التحميل (الـ7 ريال) في عدد الساعات المستخدمة في الأمر الإنتاجي ( الـ 1,000 ساعة عمل) تطلع لنا التكلفة الصناعية الغير مباشرة

نقلبها أرقام ؟

التكلفة الصناعية الغير مباشرة = 7 * 1,000 = 7,000 ريال


الحين عندنا كل شي

التكلفة الأولية
و التكلفة الصناعية الغير مباشرة

نجمعهن عشان نطلع تكلفة الأمر الإنتاجي(999) = 14,000 + 7,000 = 24,000 ريال


تراى الحل بسيط و يمكن يكون بسطرين ، بس عشانك طالبه شرح طولنا بالحل


نجرب !


تكلفة الأمر الانتاجي 999 = التكلفة الأولية + التكلفة الصناعية الغير مباشرة

تكلفة الأمر الانتاجي 999 = (10,000 + 7,000) + ( 1,000 ساعة * (140,000 ÷ 20,000)) = 24,000 ريال


افسح المجال للمتواضعين

[نسيم الصبا]

السؤال الثاني

عندك
المواد المباشرة=200000
+
الأجور المباشر=60000

+
وعطاك معدل التحميل التقديري =7 وساعات العمل المباشره =10000
تقدري تطلعي ت.ص.غ.م=10000×7=70000

+
مخزون انتاج تحت التشغيل اول الشهر =10000

-
مخزون انتاج تحت التشغيل آخر الشهر=15000

بيعطينا التكاليف الصناعية خلال الفتر=325000

+
مخزون الأنتاج التام اول الشهر=18000

-
مخزون انتاج تام أخر الشهر=13000

التكاليف الصناعية للأنتاج التام خلال الشهر =330000

330000 اللي هو الجواب d

السؤال الثالث

الجواب 200000

والله أعلم

ابان ترى مالي شغل اذا خطأ لسه ماذاكرت زي الناس

[أبان]

على السريع

جواب 3 أظنه 215,000

[وردة الحجاز]

على السريع

جواب 3 أظنه 215,000

اعتقد صح ...

160,000- 2000-3000 = 155,000 ريال هذا صافي المشتريات ..

155,000 + 7500+27500+ 2500+ 12500 = 205,000 تكلفة المواد المشتراة ..

نضيف له مخزون اول الشهر للخامات ونطرح منه مخزون اخر الشهر ..

205,000+ 50,000 - 40,000 = 215,000 ريال

[تلاوين الروح]

جواب السؤال الثاني
325000

[تلاوين الروح]

بناء على البيانات السابقة تبلغ التكاليف الصناعية للإنتاج التام خلال شهر محرم 1432هـ :



المطلوب هو التكاليف الصناعية للانتاج التاااااااام

تكلفه الاولية=200000+60000=260000
التكلفه الصناعيه= 7x10000=70000
نجمهع التكلفه الاوليه والصناعيه اللي هو 260000+70000=330000
نرجع نجمع التاتج اللي طلع ونجمعه معه تكلف المخوزن تحت التشغسل اول المده- تكلفه مخززن تحت التشغيل اخر
330000+10000-150000=325000

[نسيم الصبا]

على السريع

جواب 3 أظنه 215,000


صح صح الله ينور عليك
مدري فين طارت عيوني توقعتها فقره تابعه للي قبل....شكراً جزيلاً

عموماً اصحح غلطتي
مشتريات-مسموحات المشتريات-المردودات=صافي المشتريات
صافي المشتريات+مصاريف نقل المشتريات+مصاريف التأمين+رسوم جمركية+عمولة مشتريات=تكلفة المواد المشتراه
تكلفة المواد المشتراه+مخزون أول الشهر-مخزون اول الشهر=تكلفة المواد المستخدمة في الأنتاج
تعويض الارقام ماقصرو اللي قبلي والناتج بيطلع 215000

معليش على هااللخبطة مثل ماقلت ماانتبهت أنه سؤال مستقل....

[نسيم الصبا]

أبان سؤالي اللي حليته قبل صح؟الثاني
اذا خطأ ياليت تصحح لي:33:

[تلاوين الروح]

:060: ننتظر ابان يصحح لنا
<<<<< تقول الله يستر:$

[نسيم الصبا]

:060: ننتظر ابان يصحح لنا
<<<<< تقول الله يستر:$


عادي انا تعودت وتبلدت:42:

[تلاوين الروح]

نسيم اللغلط اللي عندك اتوقع
انك انتي اخذتي المحزون التام
وهو المفروض تاخذين تحت التشغيل
والله اعلم:$
وبنتظار ابان يوضح لنا:$

[أبان]

تلاوين حلك صح
الناتج 325,000 ريال

نسيم
لو حسبنا مخزون الانتاج التام أول و آخر المدة سيكون الناتج هو تكلفة البضاعة المباعة

[تلاوين الروح]

الله يسعدك يا ابان ريحتني
وما قصرت:2:
احترامي

[نسيم الصبا]

تلاوين حلك صح
الناتج 325,000 ريال

نسيم
لو حسبنا مخزون الانتاج التام أول و آخر المدة سيكون الناتج هو تكلفة البضاعة المباعة




اوووووووه اي والله
بدايه لاتبشر بخير
أبان من فضلك مره ثانيه لاتفسح مجال للمتواضعين:12:

[تلاوين الروح]

هههههههههههههههه نسيم
يا حبي لك

[وردة الحجاز]

البلا يوم تجيك المعلومات بجدول مو زي كذا واقعدي افرزي

ذا لذا وذا لذ1:40:

[أبان]

اوووووووه اي والله
بدايه لاتبشر بخير
أبان من فضلك مره ثانيه لاتفسح مجال للمتواضعين:12:

بالعكس

لو ما شاركتي اليوم و جاء السؤالين في الاختبار كان خسرتي 3 درجات !


أتمنى كلنا نشارك دون اعتبار : أخاف حلي يكون خطأ

[أبان]

البلا يوم تجيك المعلومات بجدول مو زي كذا واقعدي افرزي

ذا لذا وذا لذ1:40:


البلا والله يوم يعطيك معلومات و يطلب منك معلومة ما تطلع إلا بشكل عكسي

لأن القوانين راح تقلب اشاراتها (الجمع يصير طرح والعكس)


مثل لو عطانا :
الاجور المباشرة
التكلفة الغير مباشرة

مخزون تحت التشغيل أول و آخر المدة
مخزون تام أول و آخر المدة

المبيعات
مجمل الربح

وطلب منك تكلفة المواد المباشرة ..... يا ستير


لازم تطلع تكلفة البضاعة ..... وبعدين دق ريوس إلى آخر شيء :9:

و الترم الماضي جاب سؤال كذا

[وردة الحجاز]

8


الله يعين بس شفت شبهه بمحاضره 11 باختبر نفسك ...

يبغالك تكون حافظ القوانين صح وتحلل صح عشان تحل صح

عن نفسي باسرد السلسله الطويله ع الهامش ..

بس اعتقد وانت الابخص ان اسئلته طريقتها مابتخرج من اختتبر نفسك

والمحتوى مابجيب شئ يلخبط مخك او مامر عليك الا مايكون تمرين مشابهه له

عموما الله يسهلها ان شاء الله على الجميع ...

[نسيم الصبا]

بالعكس

لو ما شاركتي اليوم و جاء السؤالين في الاختبار كان خسرتي 3 درجات !


أتمنى كلنا نشارك دون اعتبار : أخاف حلي يكون خطأ


الله يوفقك ،خليتني أنظر للجانب المشرق في الموضوع

من جد المحاسبة ماينفع التسرع فيها أبداً مهما كان ظاهر السؤال سهل

الله يسهلها وييسرها ان شآءالله

[كول كول]

:2:ابان ربي يسعدك وييسرها لك

:1::1::1: نسيم الصبا فديتك تسلمي يالغاليه
:16:تلاوين الروح:16:مشكورة يالغاليه
مشكورين كلكم ماقصرتوا
الله يعين
اخاف يجيب شيء من محاسبه 1 او2 لانه انا نسيت وشلون نطلع صافي المشتريات :12:
يارب ما يجيب شيء من الي قبل