بليز ردوا علي

[واثقه بالله]

بسم الله الرحمن الرحيم

السلام عليكم ورحمه الله وبركاته


انا طالبه تخرجت من العام قدمت على المانع وقالوا لي اختبارك يوم السبت ياليت لو احد عنده معلومه عن كيفيه الاختبار وش الاسئله الي تجي يقولي وان شاء الله تكون في ميازيين حسناته....؟ هذا سؤال الاول

السؤال الثاني .. هل الدراسه بكالوريس تكون مدعومه عن طريق صندوق الموارد ولا لا... ؟؟


السؤال الاخير ... وين الافضل الدراسه بمعهد المانع ولا بكليه سعد ؟؟


ارجوا منكم الرد ودمتم بكل ود >>> اختكم واثقه بالله

[جيـــفآآرآ]

هلاا اختي وااثقه بالله

بالنسبه للاختباار عباره عن قطع عليها اسئله وقرمر قوااعد وفراغات وفي الاخير تعبير عن نفسك او تختاارين موضووع

كله اختياارات ماعدا التعبير
هو لتحديد المستوى يعني اذا مستوااك الانجليزي ممتاز ماتدخلين سنه تحضيريه

البكلوريوس انشااء الله انه مدعووم للحين بااقي

الماانع الدرااسه قويه وحلوه بس سعد والله ما ادري عنه شي

تقلبي مروري

[واثقه بالله]

يسلمووووو جيفارااااا والله مرورك وردك الجميل اسعدني بصراحه وادخل على قلبي الفرح

لاعدمناك يارب تسلم ياخوي



واثقه بالله

[بنت الفيلسوف]

جيفاارا ماقصر
ورح اقولك شي
الاختبار لاتخافي منة ركزي بس عدل وروحي وانتين مانتي نعسانة
بس قلت الش لاتخافي لان رح تعدية ان شاء الله ورح تدرسي ان شاء الله 98%
كلة اختياري وزي ماقال جيفااارا بس التعبير تكتبي عن نفسش
الدراسة في سعد يقولش مو لهناك طبعا هدول كلة فلوس يعني
واتوقع مافية الا تخصص واحد الي آهو تمريض
المانع والله الدراسة حلوة مرة يعني اني كنت تلخة شوي في الانجليزي الحين نص سنة بالعكس تقوت عندي اللغة شوي
وكلا البرنامجين ان شاء الله الدعم فية :119:

وبالتوفيق الك عزيزتي وان شاء الله نشوفك معانا

[جيـــفآآرآ]

هلاا اختي واثقه بالله

نحن بالخدمه واقل شي نسويه لك واي استفسارات انا جااهز واي عضوو بالمنتدى ماراح يقصر معك

تحيااتي

[واثقه بالله]

تسلميين حرم مناحي والله ريحتيني بكلامك
مشكوووووره على كلامك الرائع



واثقه بالله

[نـورهـ]

لاتقووولين 000 اختي(( وااثقه بالله)) اختبااراك يوم السبت 4\7\2009 ؟؟؟


كيف؟؟ واانا قاالو لو لي التسجيل ينتهي باليووم هذاا؟؟:bawling::bawling: رااحت علي ولا؟

[جيـــفآآرآ]

هلاا نوره اضن التسجيل رااح يفتح مره ثاانيه

شفته بالاعلان تاكدي

[واثقه بالله]

اي والله اليوم اخر يوم ومثل ماقال اخوي جيفارا ان را يبدا التسجيل من جديد بس لخريجات الثانويه لاني استفسرت وقلت لهم ل اسجل بعدين قالوا هذا التسجيل لخريجات العوام السابقه اما الي بعده لخريجات الحديثه هذا كلامها وانا حبيت اقولك



انتي دقي عليهم واستفسري وان شاء الله يقبلونك




واثقه بالله

[بنت الفيلسوف]

خيتو نورهـ اني وضعت الك الاوقات متى يبدا التسجيل الثاني
شوفي موضوعك موجود :119:


الله يسلمك اختي واثقة باالله
واي خدمة حنا عند الخدمة لاتترددي اتصلي على الارقام الظاهرة على الشاشة
او اارسلي فاكس على الرقم الظاهر :cheese:
مثل ماقلت الك اطمني :119:

[بنت الفيلسوف]

يبدا التسجيل من
20-6-2009
وينتهي 2-7-2009

وسيعاد
18-7-2009
وينتهي
6-8-2009


شروط التسجيل :
! شهادة الثانوية العامة القسم العلمي ( يستثنى من ذلك برنامج التأمين الصحي الذي يقبل لة القسم العلمي او الادبي )
وبمعدل لايقل عن 75% كحد أدنى .
! أن لايكون قد مضى على شهادة الثانوية العامة أو الشهادة العلمية الاعلى ثلاث سنوات كحد أقصى .
! أن يجتاز المتقدم بنجاح اختبار تحديد المستوى للغة الانجليزية .
! أن يستوفي شروط الفحص الطبي .
! معدل قياس وقدرات 65% فما فوق للبنات و 60% فما فوق للشباب ( للمتقدمين لبرنامج البكالوريوس فقط ) .

مميزات الدراسة بالكلية \ المعهد :.
! يمنح الطالب شهادة البكالوريوس معتمدة من وزارة التعليم العالي وشهادة الدبلوم مصدقة من الهيئة السعودية .
! هيئة تدريس على مستوى عالي من المؤهلات العلمية والكفاءات المهنية .
! جميع البرامج لشهادتي البكالوريوس والدبلوم هي بالتعاون مع الجامعة الامريكية ببيروت AUB بموجب اتفاقية
التعاون الاكاديمي معها .



يعني يانورهـ لو ماسجلتي راح عليكِ الحين
بس لاتنسي التاريخ الثاني
وربي يوفقكم ان شاء الله .

[نـورهـ]

الحمــــد للـــه طمنتووووني 00 ريحتووو ألبــي 00 الله يريح ألبــــكم يااارب






:s12: :s12: الله يوفقكم مشكووورين000

[المتمرد]

هلا بالبنات الجدد


سمعو لوصيكم بكلية سعد والله احلى وقرار واحد وكلام مرتب
هنا تبون المغامرات ويا المانع تعالو قرارت كل يوم لهم قرار جديد

سعد بحكم الدراسه افضل والتوظيف بالمستشفى افضل برواتب المانع بكثيرررررررر:bawling:ررر


وانتم مخيرين والله يوفقكم

[واثقه بالله]

تسلم يالمتمرد على كلامك شجعتوني كثييييييير


تسلم ماعدمنااااك يارب

[MANOOR]

المانع دراستهم بتكون 3 اسابيع اوو 5 في المستشفى و بعدين 3 او 5 في الكليه مااذكر بضبط

ودوام المستشفى يكسر الظهر 12 ساعه من 7 الى7 ويكون شفتات

وصديقتي اتقول تعبانه عدل من الدوام الدراسه النار وعندهم اختبار اليتس وهو اختبار اللغه

وكل سنه تتختبريه ومررره صعب

اني بنسه اني دررست بالسعد اشوف المانع افضل بحيث المسات لي في سعد شايفين حالهم ولا يعطو وجه :cheese:

بالمانع المسات احليوين

اتمنى افادتش

[واثقه بالله]

تسلم على مرورك وكلامك الجميل الله يجعله بميزانين حسناتك



دمت بكل ود


واثقه بالله

[نـورهـ]

انا ماا خترت الماانع الا لانه في دعم من الموااارد 000


سعد ما يدعموونه المواارد ولا؟؟

[بنت الفيلسوف]

نورهـ
الا سمعتة في وحدة من البنات اعرفها اول ماطلعت من المانع
راحت قدمت في سعد على ان في موراد طلع مافي موارد
والله اعلم


المانع ان شاء الله كلا البرنامجين رح يدعموهم

[نـورهـ]

قالوا هذا التسجيل لخريجات العوام السابقه اما الي بعده لخريجات الحديثه هذا كلامها

ماادري ربي كاتب لي اسجل في ذا ولا لا؟؟ لانه شهادتي حديثه 000لكن جامعه مش ثانويه00

المانع ان شاء الله كلا البرنامجين رح يدعموهم

ان شـــاء الله 000

الا سمعتة في وحدة من البنات اعرفها اول ماطلعت من المانع
راحت قدمت في سعد على ان في موراد طلع مافي موارد

اساسا انا ماارتااح لـ سعد00ومش مدعووم بعد يعني ممسووح من قائمتي :cheese:

[واثقه بالله]

على فكره يابنات سعد مدعوم من الموارد مين قال مو مدعوم انا سالت ومتاكده


الله يوفقكم يارب



واثقه بالله

[♥╠ טּـقآء !]

سعد 100% مع الموارد
من السنه التحضيريه بعد
أما الدراسه فسمعت انو سعد أفضل
حتى لو كان عندهم إختبار إذا حابه تعديه بسهوله بتعديه !
أني إن شاء الله بختبره في هالإجازه رغم اني ماادرس في سعد ولا بدرس عندهم حتى
بس هالإختبار دا بيفيدني .. واجد


المانع التحضيري ع حسابش
بكالريوس ولا دبلوم .. إحنا كنا إستثناء لإن الغلط عليهم اساساً

وبالنهايه القرار لش
ربي يوفق الجميع