طالبات غرب الرياض 12 تعالو شوي

[أمل جديد4]

السلام عليكم
طبعا كالعادة لخبطة من الجامعه ومو مقدرين الوضع والتوتر يوترونا زياده كلكم مايخفى عليكم انه كان موقع الاختبار المتوسطة 199 في لبن وتغير الموقع الى متوسطة وثانوية التحفيظ بعرقه (اولا عرقة لاتعتبر غرب الرياض -ثانيا وين رقم المدرسه والا بس انا اللي مو طالع عندي )
المهم كل هذا تغاضينا عنه طيب نزل الكروكي اليوم شيكت على الموقع مالقيت كروكي لغرب الرياض 12 طيب لارقم مدرسه ولا كروكي وين اختبر بالشارع مثلا انتم زيي والاطالع عندكم رقم المدرسه والكروكي وشكرا لكم وياليت تردون علي :39:

[أمل جديد4]

ياربي وينكم والا بس انا اللي بهالمركز :39:
ابي اعرف رقم المدرسة والا الكروكي طالع عندكم:31:

[طالبة متوهقه]

لا كلنا مثلش من الاحمديه الى عرقه ولا كروكي ولا رقم يمكن اختبارنا يكون في المصحه

[عجايب00]

مثلك والله يستر من هالتغيير كنا مرتاحين بلبن :23:

[أمل جديد4]

طالبة متوهقه وعجايب شكرا على الرد والله يريحكم مثل ماريحتوني
من جد شي يرفع الضغط خذرفت دخلت موقع الجامعه من كذا متصفح اقول يمكن في غلط بس مافيه امل الله يصبرنا بس

[أنا طالبة]

حتى انا بنفس هالمدرسه :10:

[أنا طالبة]

بس سمعت انو الكروكي يطلع بس يتاخر شويه قبل يوم او يومين من يوم الاختبار والله يستر ويوفقنا

[نجد999]

أنا مثلكم لا رقم للمدرسة ولا كروكي

والله حرام وبعيد علي

[بوح نبضي]

آنا مثلكم كمآن ...

مركزين بنفس العنوان مدري وش هالحوول اللي فيهم :20:


مركز ١٤ قريب لنا اقرب من لبن ف العريجا ليه يودونا هناك ..

:32:

[im Diamond]

اشوى لقيت احد معي تخيلت اني الحالي من جد مركز 14 مررررررررررررررره جنبي اروح له مشي

الله يعينا ع هالحاله بس الي يعرف وين يعلمنا تكفووووووووووووووووووووووووووون

ينزل الوصف ولا رقم ولا اي شي

[هديليزا]

:007:

الحين وش سالفتهم قالعينا بعرقه

احس فيه لخبطه بالله احد يرسل للفريدان بتويتر ويساله وش قصة اومه لاني ارسلت ومارد علي :42:

[اكليل البنفسج]

حسبنا الله ونعم الوكيل

طيب والحل

[im Diamond]

عطونا تويتر حق الفريدان هاذا نراسله ونفهم وش الوضع

الي عندها تحطه بليز

[بوح نبضي]

للتواصل والرد على استفساراتكم على تويتر حياكم rrr898@ اعتذر عن الرد لكثرة الاستفسارات حياكم في تويتر


هذا تويتره:23:

[بوح نبضي]

طيب لو رحنا الخميس لعرقه ولا لقينا اسماءنا وش نسوي


يعني مركزين بنفس المقر مسسستحيل احد يقدر يوصل لهم هاللخلطه مراقب مشرف اي احد


لا يسسسسون لنا قلق نفسسسسي ماندري وين حاطينا فيه :32:

[كان في مكان]

الله ياجزاك الجنة والله ماعرفت الى منك اليش التغير من مدراسة 199 الى العرقة الى على فكرة واين عرقة ذي لايكون اخر الدنيا :12: مش ناقصة انا نذالة يكفي اني متوترة من الامتحانت :32:

[هديليزا]

سمي


@alfraidan

تفاهمي معه :19:

[أمل جديد4]

شكرا لردودكم جميعا :1:
بس من جد انا متأزمة من الموضوع وبعدين متى راح يبان رقم المدرسه والكروكي علما ان بعض المراكز طلع الكروكي لهم والفريدان اللي يقدر يتواصل معه ليتها تعلمنا وش يصير وبعدين متى بنعرف مركزنا وين:39:
واللي تسأل عن عرقه هي اقرب للشمال عارفه لما تجين من الدائري الشمالي ومستشفى الملك خالد الجامعي على يمينك لاتلفين يمين لفي يسار وهذي هي عرقة بس كبيره ولااعرف فيها شي قد رحت لاستراحه فيها واحسها تضيع

[sakaker]

انا مثلك مركز 12 ولا ادري وينه لاطلع لا اسم مدرسه لا وصف ولاشي طيب وش نسوي ؟

حتى بالنت دورت مالقيت عنها شي

[أمل جديد4]

ماراح ينفعنا النت لانه مافيه رقم مدرسه فمادري وش نسوي الله يسهلها وتنتبه الجامعه لهالخلل قبل يوم الخميس

[أمل جديد4]

ياليت اللي تقدر تتواصل مع الجامعه تبلغنا وش يصير

[ارام]

السسلام عليكم و رحمة الله و بركاته ..
صباحكم رضا و سرور ..

يا صبايا الله يرضا عليكم هدو انفسكم و صلوا على سيد البشر .( عليه افضل الصلوات و اتم التسليم )

طبعاً صار لي مثلكم من اللخبطه ..
فسميت بالله الرحمن الرحيم و هديت نفسي و لا وترتها ..
و سويت بحث عن مركز اختبارنا و طلع معاي في البحث موضوع عن استفسار لاحدى الاخوات عن مركز يقع بشمال الرياض و طلع اهو مركزنا الجديد اللي بعرقه ..
و لقيت احدى الاخوات راده عليها و حاطه كروكي للموقع ..
و يوم شفت اللخبطه و الحوسه و الارتباك اللي انتم فيه حبيت انزله و اطمنكم لو شوي ..

سمو بالله و هذا اهو الموقع ..


http://img05.arabsh.com/uploads/image/2012/12/18/0d324d4863f703.jpg




سوري الصووه كبيره لانها موخوذه من خرائط قوقل بتاعت الايباد :34:
دعواتكم لي بالصلاح و النجاح ..
بالتوفيق للجميع ..
محبتكن ..
ارام :16:

[أمل جديد4]

هلا اختي ارام
والله غصب نتوتر من الجامعه انتي من وين جبتي الوصف من دون رقم المدرسه والوصف اللي انتي كاتبه نفسه وصف الثانويه الخامسه للتحفيظ بعرقه اللي هو مركز شمال الرياض 2 انا شفت وحدة بمركز 2 كاتبة نفس وصفك معقولة مركزين نفس الموقع :30:
مستحيل طبعا وهم بعد مركز 2 مانزل الكروكي فيه غلط ميه بالميه وياليت تنتبه الجامعه وتصلح الخطأ مو معقولة شمال وغرب الرياض كلها عرقة

[im Diamond]

والله لخبطه ورى ماخلونا في لبن زي العام ووخلاص وش هالحوسسسه الحين مابقى الا يوم ع الامتحان

والخوف ان رحنا المركز وطلع مركز 2 وش نسوي وين ندور 12

الله يعين

[اصايل نجد]

انتم ملاحظييييين عرقه مالها علاقه في غرب الرياااض:32::32::32:ارسلت للعميد ع تويتر بنشوف وش يقوول

[كنوزه]

:39:
حتى أنا نفس الشي معكم


متوسطة وثانوية التحفيظ بعرقة ؟

وشلون :7:

[im Diamond]

ارسلت له ولا رد للحين بس ارسلت ايميل وقالو سيتم التعديل عاد بيعدلونه يوم الامتحان مادري الله اعلم

[emem]

أنا مثلكم لا رقم للمدرسة ولا كروكي

والله حرام

[كان في مكان]

حسبي الله ونعم الوكيل :12:

[أمل جديد4]

ياربيه والله ماصارت دخلنا الاربعاء ولا نعرف مركزنا مع العلم تغير مركز 2 الرياض اللي كان فيه شك انه نفس المركز تواصلو مع الجامعات بالايميلات وغيرو مركزهم من عرقه للازدهار يارب يغيرونا مركزنا للمتوسطه 199 مره بعيد عرقة
والاكيفه عرقة بس يحنون وينزلون رقم المدرسه والكروكي ماعاد فيه وقت :12:

[رامـ2009ـا]

طيب واللي ماعندها مواصلات وش تسوي ليش يبعدونا اتوقع يحسبون معنا سيارات :5:
شكلنا بنسوي اضراب مانروح على اخر الوقت توك تفكر تغير المراكز من جد شي يحزن
الله يعيين

[im Diamond]

الحين المشكله ماصارت في عرقه سلمنا للامر الواقع عرقه عرقه مافي مشكله بس وين الوصف

وين الرقم ع الاقل نروح قبل بيوم نشوف موقع المدرسه لاحضو الامتحان الفتره الاولى :12:

[بوح نبضي]

ابي العريجا :20:

الحين مركز الشمال٢ انحل موضوعهم وحنا وراهم علينا:44:

[أمل جديد4]

انا بعد ابي العريجا:12:
صبر جميل والله المستعان

[سلطانة زماني]

اخيرااااااااااااااااااااا لقيت ربعي وانا محترقه واكتب بالمنتدى الثاني هنااااك
نزل اليوم وصف المدررسه الي بعرقه ( قلعة وادي رين )
اول شي الكروكي ماطلع وشكله فيه غلط بالوصف والله العالم متى يضبطونه وينزل ثاني شي هالرقم الي حطووووووه محد يرد عليه نهااااااااااائي :25:
ياناااااااس انا وش يودي لعرقه بقريح هناك يارررررررررررربيه بسسس
الحين وش السوات وين موقعها هذي في احد راح وشافها ؟؟؟؟

[sakaker]

بنات ياليت وحده تنزل الكروكي هنا لان مافتح معي من الموقع بلييييييييييييييييييييييييييييييييييييييييير

[حلم طفلة]

يمكن الكروكي فية غلط ننتظر ونشوف :7::7:

[سلطانة زماني]

اخووي الحين بعرقه يدور فيها قاعد يحووس مالقى المدررسه لحد الحين :39:يقوول اخوي ماشفت الا مبنى مدرسه قديم ماعليه اسم ويقول مالقيت احد حتى اساله

حسسبي الله ونعم الووكيل بسسسس

[sakaker]

المشكله مايطلع الكروكي بالموقع يسسسسسسسسسسسسسسستهبلون

واتصل ع الارقام مايردون

[غلآ الريآض]

ووبعدين يعننني وين بندآإووم :20:بعرقه وﻻاﻻحمديه.

[im Diamond]

بنات وراهم مايردون ع الارقام والوصف خرابيط وش السالفه الحين اختبارنا الفتره الاولى

وش نسوي يعني ابد مافي وقت حتى ندور بكرى

[ḿảḍ ќiḍṡ]

اخووي الحين بعرقه يدور فيها قاعد يحووس مالقى المدررسه لحد الحين :39:يقوول اخوي ماشفت الا مبنى مدرسه قديم ماعليه اسم ويقول مالقيت احد حتى اساله

حسسبي الله ونعم الووكيل بسسسس

هههههههههههههههههههههههههههههههههههههههه

شكل نهايتنا بنختبر بالبر

[ḿảḍ ќiḍṡ]

بنات قبل كنا بالاحمديه , وفجاءة قسمونا
ناس بالازدهار وناس بعرقه ,,

وهذا ظلم لنا :40:

وش رايكم نتعاون ونصير يد وحده وكلنا نروح الازدهار :17:

وخلو الجماعه الحلوين يختبرون بعرقه بدالنا :31:

[كنوزه]

:18:
الحين كيف ؟
الوصف ما يفتح

بعدين ي حلوتي im Diamond
وشو أنتي إداره أو ايش ؟

لأن اللي أعرفه إنو إمتحانا الفترهالثانية مبادئ الرياضيات مو؟
^
لآ أكون غلطانه بعد:4::12:

[غلآ الريآض]

صبايا مَ‘ـَِنٍ عندهآ بكره علم اجتماع سيآحي
ﻵيكون بأختبر لحآلي بالمركز . :4:

[كنوزه]

ي حلوين ـ
الحين وش السوات ليت أحد يتبرع لنا ويروح يدور الممدرسه ويعطينا الوصف بندعي له كثيره .
البلشه اللي لحد الحين أنا مالقيت مواصلات لآزم أعرف المكان عشان أتفق مع أحد يوصلني :7:

.

[im Diamond]

:18:
الحين كيف ؟
الوصف ما يفتح

بعدين ي حلوتي im diamond
وشو أنتي إداره أو ايش ؟

لأن اللي أعرفه إنو إمتحانا الفترهالثانية مبادئ الرياضيات مو؟
^
لآ أكون غلطانه بعد:4::12:


اي اداره حبيبتي تخيلي اني من حوسة المخ شكيت رجعت اشوف وش انا :6:


المهم بنات اخيرا رد واحد وعطاني وصف وبروح اتاكد منه ان شالله يطلع صح

للي بترسل احد يروح طبعا كلنا بنجي من غرب الرياض يعني من الجسر المعلق

نطلع مع مخرج 36 ونروح يمين طريق الامير مشعل

على طول لين يجي هرفي على اليمين ومدارس ابن خلدون ع اليسار

هرفي راح يكون بعده محلات وبعده ارض فاضيه ع قولته الارض الفاضيه امشي بعدها اشوي راح يجيك شارع ادخلي معه يمين

يجي مطب وقصر تروحين سيده بيجي منحنى اجباري صغير تدخلين معه وتجي المدرسه المتوسطه الخامسه للتحفيظ


وسلامتكم

طبعا الي يبي يتاكد يعلمنا وانا بروح الحين

[كنوزه]

^
تسلمين م قصرتي واذا تأكدتوا بالله علمونا :16::16::16::1::1::1:

بس أبسالك إمتحانا الفتره الثانيه مو الأولى وإلاّ أنا غلطانه

.

[im Diamond]

كنوزه نسيت اقولك ان اختباري الفتره الاولى محاسبه اداريه وتكاليف :16:

[كنوزه]

أها ماشاء الله
أنتي مستوى غير :16::16::16:

طيب مستوى أول إمتحانهم الفرتة الثانيه ؟
> شكيت بالوضع

.

[غلآ الريآض]

im Diamond
مَ قصرتي ربي يسعدكك ويووفقكك :16:

[كنوزه]

:39:
بنات مستوى أول
إمتحانا أي فتره الرياضيات الثانيه أو غلطانه ؟؟

[KFU STUDENT]

اختبرت فيها العام لكن الوصف اللي عندي اللي جاي من شمال الرياض



هذا الوصف المتوسطة والثانوية الخامسة لتحفيظ القران/ حي عرقة

اللي بيجي من طريق الملك عبدالله جامعة الملك سعود عيال تكون ع اليمين اعتقد بعد اشارتين يجي طريق عرقه
امتداد شارع الامير مشعل الدوار الاول بعدها الدوار الثاني بعد الدوار الثاني
يصير بنك الراجحي ومدارس ابن خلدون على يمين
وبعدها يجي شارع ابراج كهرباء نروح معه يسار لين ماينتهي الشارع نعمل يوتيرن
ثاني فتحه يمين ندخلها المدرسه راح تكون ع يد اليسار وواضحه ان شاءالله

[روحي بنتي]

اختبرت فيها العام لكن الوصف اللي عندي اللي جاي من شمال الرياض



وصفك صح واللي جاي من الدائري يدخل مع مخرج 36وبعدين يمين مع طريق الامير مشعل ويمشي لين يجيه شارع اللي كله ابراج يدخل يمين ويكمل على وصف الاخت اعلاه


دعواتكم لي

المدرسه واضحه انا رحت لها مبناها تقريبا جديد وواضحه:33:

[im Diamond]

وصفك صح وانا بعد انا جيت من الجسر المعلق عشان كذا صار اوضح لي والي بيروح من طريق الملك عبدالله برضوا صح

مبين المبنى جديد يالله خيرررره ارتحنا نروح نذاكر

كنوزه حبيبتي انا مستوى ثالث مادري والله مستوى اول متى اختبارهم

[اسيل الروقي]

بنات مايفتح معي الكروكي انا غرب الرياض 12 في عرقه ابي الوصف زين :7:للى يدل

[اكليل البنفسج]

...............

[أررريج]

ظظظلم

[كنوزه]

حبيبتي im Diamond


:43::43::43::43:

وصفك مضبوط ميه الميه :16::1:
كل الشكر لك
والله أخوي يقول الوصصف ممتتتتاز حتى المطبه واصفتها هههههه :13::17:
مَ قصرتي والله يجازيك بالجنه ..

.

[رويدا الصالحي]

كلنااا في عرقه ,,

طبعااااا توتر موطبيعي رحت دورتهااااا قبل الاختبار بيوم ومالقيتهاا ودقيت على الارقام وماحد رد الا بعد مووووووووت وحيااة ..

واشواا وصفووولنا ورحنا اختبارنااااااا ..

والحمدلله :18:

كيفكم ان شاء احسن بعد االرياضيات :28:

[حياة 2]

بنوتات طلبوا منكم اوراق ثبوتيه ؟

ايش اجيب معي ؟

[بوح نبضي]

المركز هذا شديد مررره ونفسيتهم خايسسسه يعاملونك كانك اولى ابتدائى..:23::23:



جيبي معك الهويه الوطنيه اذا عندك بطاقة خاصه فيك واذا ماعندك بطاقة العائلة ..


اهم شي حاجه فيها رقم السجل المدني ولاتنسي رقممك الجامعي اكتبيه بورقه او احفظية ورقم جوالك هذي معلومات لازم تعبينها ف الورقة .
وبس:2:

[غنج 2009]

لاحول ولاقوة الابالله توني ادري واختباري بكره مع ان المدرسه الي في لبن قريبه واختبرت فيها العام طيب اذا كان فيه ناس يختبرون فيها بروح واختبر ماعلي منهم وين قالعينا في عرقه

[im Diamond]

حبيبتي im diamond


:43::43::43::43:

وصفك مضبوط ميه الميه :16::1:
كل الشكر لك
والله أخوي يقول الوصصف ممتتتتاز حتى المطبه واصفتها هههههه :13::17:
مَ قصرتي والله يجازيك بالجنه ..

.



هههههههههههههههههههههههه اي تعرفين مثل وضعنا حتى لو حصاه من التوتر نحتاج ننعرف
موقعها

الله يسلمك حبيبتي كنوزه اذا احتجتي شي بما اننا بنفس المركز لايردك الا السانك فديتك

[كان في مكان]

صراحة العيب مش في المركز بلى المشرفات اقسم بالله انهم اطفال وحواسة مش طبيعية وزعاج اقسم بالله اني ماعرفت احل كلة صراخ كل ماجي افكر ماقدر ازعاج وكمان توتر مش طبيعي المعلومات طارت ان شاءالله يعدلون امورهم اليوم وعلى الاقل يحطون الاسماء مانقعد نحواس على الاسمي :32:

[غنج 2009]

طيب تكفون ردوا علي هل فيه طالبات بيختبرون في مدرسه المتوسطه الي في لبن لاني ناويه اجيهم اختبر اذا فيه ماعلي منهم خير ايغيرون مكان اختباري على كيفهم العام وانا اختبر فيها ومرتاحه

[كان في مكان]

اي اختي قصدك متوسطة 199 حقت العام

[غنج 2009]

ايه اقصدها هل فيه اختبارولا الغوه حول كل البنات

[كان في مكان]

لا اختي الغوه الاختبار فية بس تراى المدرسة عرقة قريبة يعني حوالي 15 دقيقة من حي الامير احمد يعني زيادة على مشوارك الي كانتي تروحين لة 15 دقيقة بس

[غنج 2009]

الله يجزاك خير والله ضاق صدري احسبها بعيده مره

[كان في مكان]

لا حبيبتي ماهي بعيدة انتي بيتك واين انا قريبة من الجسر المعلق و اخذ حوالي 10 دقائق وكمان على حساب زحمة الجسر المهم اطلع من البيت قبل 40 دقيقة على الامتحان

[كان في مكان]

تمسكون الطريق المعلق سيـــــــــــــــده


الين يجيكم مخرج 36


تدخلون من مخرج 36 الين يجيكم ع اليمين هرفي


من بعد هرفي تعدون 4 تقاطعات


تدخلون مع المخرج الرابع وبعدين سيده هو الطريق فية اشجار و عمواد انارة


يجيكم مصلى العيد على اليسار والمدرسة على اليمين

جبت الك وصف الطريق المدراسة واضح كثير

[شقاوتي غير]

صراحة الله يعينكم سسلامات انا كنت معاكم الترم اللي راح بـ المتوسطة 199 وكانت حلوة

الحين انا اقرب واقرب :8: بـ العريجا الغربي ممممرة قريب والبنات فية ممممرة قليل ليش ماحطونا بمكان واحد لان عرقة مال امها دخل بغرب الرياض

مدرستكم جنب استراحة دايم نتكي فيها بعيد والله اشوا اني موب معكم :30: الشمال اقرب لها :16: