هل استطيع تغيير مركز الاختبار .؟

[خافي الود]

السلام عليكم ورحمة الله
مساء الامطار والاجواء الباريسيه : )

وعسي ربي يوفقكم جميع

سؤالي هل استطيع تغيير مركز الاختبار ؟
يعني بكره بروح لمركز غير عن مركزي وبحطهم قدام الامر الواقع
هل تعتقدون فيها شي !

وشكرا :16::17:

[خافي الود]

انتظركم حبآيبي :43:

[جفنشي]

لااااااااااااااااااااااااااااااااااااااااااااااااا ا

كان اول واحد انا سويتها:8:

[محمد عزيز]

انا والله ساكن في الخبر واختباري في الحسا انا اسويها معاك :17:

[خافي الود]

يعطيكم العافية

بكرة راح اسويها وبقولكم شنو صآر معاي انتظروني غداَ

:17::16::27:

[بعدك قدر]

لا ترا بتتوهق انا السمستر اللي فات شفتهم رجعو بنات مع انه مكان الاختبار جنب بيوتهم
ورفضو يدخلونهم قالو لهم ارجعو للمركز اللي حددته الجامعه لكم وكان يبعد عنهم تقريبا نص ساعه
وكان وقتها ماباقي ع الاختبار الا ربع ساعه :)

[عصفورة الشمال]

هذي سوالف الحريم يعني متقيدين بالانظمه والقوانين لكن مراكز العيال ماشاء الله عليهم متساهلين بكره زوجي معاك يبي يختبر بالمركز الي جنب مركزي ويترك الي محددينه له بكره اقولكم وش صار معاه

[خافي الود]

يعطيك العافيه آختي بعدك قدر

السمستر الي راح شفت واحد من مركز ثاني مختبر معانا لكن يعطيك العافيه على المعلومه
ان شاء الله بكره بروح بدري وبشوف

عسي ربي يوفقكم جميع :16:

[سمارا]

راسل الدكتور الشعيبي بتويتر وشوف
صاحبتي اختارت مركز الدمام وكانت تبي تصير
معي وتوها مكلمة الدكتور يمكن ثلاث أيام كل قفلت الأيقونة
وقال لها خلاص تجي معي :13:

[المعالي غالية]

توكلو على الله انتو الشباب سهلات الحريم :42:

[خافي الود]

مآ قصرتي يا عصفورة الشمال والله يوفق زوجك يآرب

الوعد بكره اقولكم شنو صآر :16:ِ

[خافي الود]

بكره رايح رايح وعلى رقبتي اذا طلعت من المركز يا انا يا المشرف <- مفصول

يعطيكم العآفيه جميعآ :16::25:

[سمارا]

ههههههه
قلت لك راسل الشعيبي بتويتر وقول
له مابيقولك لا ومثل ماقلت لك صاحبتي
كلمته كل قفلت الأيقونة وسمح لها وبتصير
معي :42:

[خافي الود]

تصدقين ما ادري منو الشعيبي هههه
ابشري من عيوني بس عطيني حسابه بتويتر اذا ما عليك كلافه

ومشكووره وعسي ربي يوفقك يآ{ب

[سمارا]

عاد هالأيام حالتي حالة مضيعة مو قادرة
أدخل التويتر ناسية كلمة المرور وايميلي
محظور مؤقتاً لأنو حاولوا يدخلونه عدة مرات :44:

[خافي الود]

الله يجبر بخاطرك ويرجع ايميلك قولي امين
يا ليت اذا تعرفين اسم الشعيبي كامل دزية لي وانا بسويله سيرش بتوتر

وعلى العموم ما قصرتي وعسى ربي يوفقك :16:

[سمارا]

آمين
الله يسمع منك دعواتك
وهذا حساب الدكتور
@rrr898

[خافي الود]

يعطيك الف عآفيه والله يفرح قلبك بالاختبآر يآرب :16:

[مهمه جداً]

حتى انا والله ودي اغير

حسبي الله عليهم

[خافي الود]

هآ شلون الاختبآر ويآكم .؟

وعدتكم امس اقولكم شنو يصير معاي
اليوم رحت وانا متحمس واقول بقلبي على رقبتي اغير مركز الاختبار
ودخلت عليهم الساعه 3:30 حكم عشان احطهم قدام الامر الواقع

واول ما دخلت قلت لهم مستحيل اغير المركز هذا قريب مني والسمستر الي قبل انا فيه
قالي بالعربي اصلا ما فيه اوراق اختبار نحو تطبيقي 2 و حلف يعني مستحيل تختبر هنا
قالي الحق على مركزك قبل تروح عليك

والله وكيلكم ما وصلت المركز الثاني الا الساعه 4:28 وصورني حبيبي ساهر والحمدلله عدت على خير
والاختبار كان سهل وصعب بنفس الوقت لكن الحمدلله على كل شي

:27: <- متحسف هههه

اتمنالكم التوفيق جميعآ :16:

[غلا الجوري]

اخوي انا مثلك بروح بدري يوم السبت وبغير مقري والي فيها فيها

[مهمه جداً]

زين انك لحقت

لكن كلم الفوزان بتويتـر

[رامـ2009ـا]

طيب مو في يوم وليله يغيروا المراكز ويرفضون اننا نختار اللي نبغى الوقت حق الاختبار وقت الزحمه والبنت ماعندها سيارره بتروح على كيفها وتجي وغير كذا ليش من الاساس يحطون مراكز وبعدها بفتره يغيرون بدون اشعار لنا انا ماعندي سواق وماخذه سياره مشاوير خاصه يعني السعر بيزيد علي ودي اروح للمركز القريب لي بس اخاف مايرضون ويروح علي اليوم وارسلت للدكتور عبدالله واحمد بتويتر وسافهيني طيب ليش بدال هالضجه كلها حط اماكن الاختبار وانا اختار اللي على كيفي المراكز كبيره وتكفي 500طالب وقفت علينا مانختار ليش

[كنودا]

وانا بعد حطوني بأخر الدنيا وماعندي من يوديني ويجيبني ياليت يشوفون لنا حل

[خافي الود]

المفروض من البدايه ينزلون جميع المراكز وحنا نختار مو نختار مناطق
عموما ما باليد حيله والشكوه لله

عسي ربي يوفقكم ويعطيكم العافيه جميعآ :16: