سؤال نظري أحتاج مشاركتكم لأنه حيّرني عن أجور عمال الخدمات

[Half Smile]

أهلين اخواني .. اول شيء أسئل الله انه يوفقنا في هالسميستر إن شاءالله

ونعديه على خير .. سؤالي وأتمنى نتعاون فيه


تصنف تكلفة أجور عمال الخدمات بالمصنع على أنها :

تكلفة مختلطة

تكلفة فترة


انا محتار بالإجابتين هذي .. تكلفة الفترة هي تكلفة تحويل اجور غير مباشرة وتكلفة إنتاجية

يعني مدفوعة مدفوعة كان فيه انتاج او ما كان

والتكلفة المختلطة تتأثر بحجم النشاط ولكن ليس بنفس النسبة ؟


وش تشوفون أقرب إجابه وأصح اجابة انا اتوقع انها تكلفة فترة

وكثير من أسئلة الإختبارات محلولة على أنها تكلفة مختلطة

احتاج أرآئكم ..

[Half Smile]

تنبيه تكلفة مختلطه .. مثل فواتير الكهرباء حقت المصنع .. عليها رسوم ثابته ووتتأثر بزيادة تشغيل الآلات والله أعلـم

[اسير الدراسه]

مختلطه يالغالي متأكد من الاجابه وفالك النجاح،،،تحياتي

[كبد فزيع]

مختلطه والله اعلم:26:

مابي افتي لك اخاف :40:

[صوت الحياة]

تكلفة فترررررره

[Half Smile]

هلآ أخوي أسير الدراسة .. من أسمك خلاص بقتنع من إجابتك يا مصطفى :42:

سألت دكتور غير إلي بجامعتنا وقال تكلفة فترة لأنها اجور عمال خدمات

الله يسهل : (

[Half Smile]

عمومآ أنا خذيت نموذج b من هنا من المنتدى وحليته مع دكتور ..

أكتشفت إن النموذج المحلول فيه أغلاط حول ثمان أسئلة إلي عنده النموذج ومحلول

يقولي وانا أقوله وش الأسأله الي حلها صح ميه بالمية ..

[TarF]

غلط مش تكلفه الفتره , تكلفه الفتره فقط تكاليف تسويقيه و الاداريه

[العقيل]

هي لا مختلطة ولا فترة

عمال الخدمات

تكلفة ثابتة لان عامل الخدمات بياخذ حقة اشتغل الانتاج او مشتغل

بس لو قلت عمال الانتاج بيكون

تكلفة متغيرة لانة كل ما اشتغل زاد اجرة

[Half Smile]

طيب والتكاليف الإدارية ما يندرج تحتهم عمال الخدمات ؟

أخوي العقيل لا يارجال اما تكاليف ثابته قل غيرها يارجـال :42:

[Abu ali55]

هي لا مختلطة ولا فترة

عمال الخدمات

تكلفة ثابتة لان عامل الخدمات بياخذ حقة اشتغل الانتاج او مشتغل

بس لو قلت عمال الانتاج بيكون

تكلفة متغيرة لانة كل ما اشتغل زاد اجرة

هذا الجواب اللي الصحيح ان شاء الله

[مارياج]

انا مقتنعه في كلام اخوي العقيل
بس في الخيارات ماذكر تكلفه ثابته
:38:

[Half Smile]

جاكم العلــــــــم .. أجـور عمال الخدمـات تصنـف على أنها

تكلفـة فتـــــــرة .. تبي تقول ليـش !!

بقولك أولاً هي تكلـفة تحويل ثانياً هي أجور غير مباشرة ثالثاً تكلفة إنتاجية مدفوعة بإنتاج أو بـدون


واللـ أعلم ـه ..

[TarF]

هي لا مختلطة ولا فترة

عمال الخدمات

تكلفة ثابتة لان عامل الخدمات بياخذ حقة اشتغل الانتاج او مشتغل

بس لو قلت عمال الانتاج بيكون

تكلفة متغيرة لانة كل ما اشتغل زاد اجرة


اجل هذأ تصحيح سووال 8 في أسئله الاختبار

لان لقيت الجواب تكلفه مختلطه !

[Half Smile]

مالها دخل التكلفة الثابته .. لا تحوسون انا اصلاً من سألت ما حطيتها عشان ما احد يتلخبط

حنا بين الثنتين يا تكلفة فتره او مختلطة .. تكلفة ثابته مالها دخـل ابد

[Half Smile]

عموماً انا حليت نموذج b بي مع دكتور ..

وهذا حل تصحيح بعض الأسئلة الغلـط

بحط رقم السؤال والإجابة

س 7 الجواب d تكلفة تغليف المنتجات

س 8 الجواب d تكلفة فترة

س 13 الجواب b تكلفة الفرصة البديلة

س 18 الجواب 60.000 الف ريال d

س 20 الجواب 5.310 d

س 27 الجواب d التكاليف الإضافية المحملة أكبر من التكاليف الإضافية الفعلية

س 32 الجواب 21500 ريال d

س 33 الجواب 325.000 c

س 46 الجواب b تكلفة فترة

س 48 الجواب c لا نعم نعم


والله يوفق الجميـــــــع .. متأكد من الأجوبه

[TarF]

^
ي أخى ليه مو راضي تفهم ! التكلفه الفتره تخص تكاليف تسويقيه وتكاليف اداريه !

يعني تسويقيه المبيعات التوزيغ التغليف . اما الاداريه قصده الي تخص الاداره المكاتب وهكذآ


وبعدين وش جاب اجور عمال المصنع ! مصنع مو اداره ولا تسسويق !!



مثل ماقال العقيل انا اتوقع انها تكلفه ثاثبه مثل اجور مشرفي الانتاج

[لارا1]

انلحس مخي ليتني مادخلت :42:

الله يسهل ويوفقنا يارب :24:

[mromh5]

حسستونا بصراحة:40:

وش رسيتو عليه طيب؟؟

[العقيل]

^
ي أخى ليه مو راضي تفهم ! التكلفه الفتره تخص تكاليف تسويقيه وتكاليف اداريه !

يعني تسويقيه المبيعات التوزيغ التغليف . اما الاداريه قصده الي تخص الاداره المكاتب وهكذآ


وبعدين وش جاب اجور عمال المصنع ! مصنع مو اداره ولا تسسويق !!



مثل ماقال العقيل انا اتوقع انها تكلفه ثاثبه مثل اجور مشرفي الانتاج



ههههههههههههههههههههههههههههههه


ميت ضحك
هههههههههههههههههههههه

شكلك ونتي تكتبين معصبة

[دمعة الغيم]

جاكم العلــــــــم .. أجـور عمال الخدمـات تصنـف على أنها

تكلفـة فتـــــــرة .. تبي تقول ليـش !!

بقولك أولاً هي تكلـفة تحويل ثانياً هي أجور غير مباشرة ثالثاً تكلفة إنتاجية مدفوعة بإنتاج أو بـدون


واللـ أعلم ـه ..



اقنعني تفسيرك :17:

[Half Smile]

^
ي أخى ليه مو راضي تفهم ! التكلفه الفتره تخص تكاليف تسويقيه وتكاليف اداريه !

يعني تسويقيه المبيعات التوزيغ التغليف . اما الاداريه قصده الي تخص الاداره المكاتب وهكذآ


وبعدين وش جاب اجور عمال المصنع ! مصنع مو اداره ولا تسسويق !!



مثل ماقال العقيل انا اتوقع انها تكلفه ثاثبه مثل اجور مشرفي الانتاج

عزيزتي مو أنا إلي مو راضي أفهم انتي إلي موب راضيه تفهمين والحين بشرحها لك

أول شيء التكاليف الثابته هي المواد المباشرة والأجور المباشرة ..

عمال الخدمات أجورهم غير مباشرة وطالما إنها غير مباشرة هي تكلفة إنتاجية مدفوعة بدون إنتاج ولا يعملون في خط الإنتاج ولك الخيار الي يناسبك .. شكراً

[دمعة الغيم]

^ ^ ^
:3::3::3:
كلامك صحيح ((اجور غير مبااشره))
اللي مافهم يرجع للمحاضره 3

[من اكون]

س/تكون فروق التكاليف الاضافيه المحمله باكثر من اللازم اذا كانت:؟
فيه ناس حاطه الجواب هذا :ج/التكاليف الاضافيه التقديريه اكبر من التكاليف الاضافيه الفعليه
وفيه ناس حاطه على : ج/التكاليف الاضافيه المحمله اكبر من التكاليف الاضافه الفعليه
ف ليت الى عنده الحل ومتاكد منه يجاوب.

[العقيل]

عزيزتي مو أنا إلي مو راضي أفهم انتي إلي موب راضيه تفهمين والحين بشرحها لك


أول شيء التكاليف الثابته هي المواد المباشرة والأجور المباشرة ..


عمال الخدمات أجورهم غير مباشرة وطالما إنها غير مباشرة هي تكلفة إنتاجية ولا يعملون في خط الإنتاج ولك الخيار الي يناسبك .. شكراً




لالا انت رايح بعيد عن السؤال


هي يا تكلفة ثابتة او تكلفة متغيرة او تكلفة مختلطة


بعدين تكلفة الفترة = التكاليف الادارية او التكاليف التسويقية فقط لا غير

انت رحت لتفرعات ثانية


مالها اي شغل في الانتاج

وهو ذاكر مصنع يعني انتاج

[Half Smile]

س/تكون فروق التكاليف الاضافيه المحمله باكثر من اللازم اذا كانت:؟
فيه ناس حاطه الجواب هذا :ج/التكاليف الاضافيه التقديريه اكبر من التكاليف الاضافيه الفعليه
وفيه ناس حاطه على : ج/التكاليف الاضافيه المحمله اكبر من التكاليف الاضافه الفعليه
ف ليت الى عنده الحل ومتاكد منه يجاوب.


الجـواب الصح الميه بالميـه

ج/التكاليف الاضافيه المحمله اكبر من التكاليف الاضافه الفعليه

[عسله]

اه يا مخي :44: حتى انا ليتني ما دخلت
أحس الاسئله فيه اخطاء:12::12::12::12:

[Half Smile]

لالا انت رايح بعيد عن السؤال


هي يا تكلفة ثابتة او تكلفة متغيرة او تكلفة مختلطة


بعدين تكلفة الفترة = التكاليف الادارية او التكاليف التسويقية فقط لا غير

انت رحت لتفرعات ثانية


مالها اي شغل في الانتاج

وهو ذاكر مصنع يعني انتاج


انا بقتبس لك سؤال للدكتور من أختبر نفسـك المحاضرة السادسـة

6 ـ تصنف أجور عمال الخدمات على أنها :
1) تكاليف إنتاجية
2) تكاليف مباشرة
3) تكاليف ثابتة فقط
4) تكاليف فترة

ما جاب تكلفة متغيره ولا تكلفة مختلطة .. جاب تكلفة ثابتة فقط وتكلفة فترة وإنتاجية

تكاليف الفترة عبارة عن تكلفة تحويل و تكاليف إنتاجية مدفوعة واجور غير مباشرة ..

يعني الآن مشكلتنا يا تكلفة ثابتة يا تكلفة فترة .. ولو تلاحظ الدكتور كاتب ثابته فقط!

هنا علامة إستفهام وحنا هنا نقرب وجهات النظر ونساعد بعضنا ..

أتمنى نستمر على هالنهـج :)

[ايووت]

الحين كل سهران والكل متبرع والكل يشرح واﻻساله تجي نار
مانشوف اﻻ موضوع بعد اﻻمتحان
كل الشكر وتقدير للمادة. كانت مويه اﻻساله
ﻻ ولله كانت بركه سباحه
:7:
خخخخخخخخخ ﻻتزعلو وجهة نظري
:39::18:

[رافايللو]

تكاليف الفترة >> تكاليف بيعيه + تكاليف ادارية

اجور عمال الخدمات تكلفة مختلطة


ان شاءالله صح 😊


لخبطتوني 😓 على ايش اتفقتوا !

[آسسسوم]

انا بقتبس لك سؤال للدكتور من أختبر نفسـك المحاضرة السادسـة

6 ـ تصنف أجور عمال الخدمات على أنها :
1) تكاليف إنتاجية
2) تكاليف مباشرة
3) تكاليف ثابتة فقط
4) تكاليف فترة

ما جاب تكلفة متغيره ولا تكلفة مختلطة .. جاب تكلفة ثابتة فقط وتكلفة فترة وإنتاجية

تكاليف الفترة عبارة عن تكلفة تحويل و تكاليف إنتاجية مدفوعة واجور غير مباشرة ..

يعني الآن مشكلتنا يا تكلفة ثابتة يا تكلفة فترة .. ولو تلاحظ الدكتور كاتب ثابته فقط!

هنا علامة إستفهام وحنا هنا نقرب وجهات النظر ونساعد بعضنا ..

أتمنى نستمر على هالنهـج :)

هنا إنتاجية غير مباشره مستحيل تكون فتره

[Half Smile]

تكاليف الفترة >> تكاليف بيعيه + تكاليف ادارية

اجور عمال الخدمات تكلفة مختلطة
ليش ؟

لان اجره غير ثابت
مثلا عامل ينقل البضاعه داخل المصنع >> كل ما زادت البضايع ح ينقلها وبالتالي يزيد اجره

ان شاءالله صح 😊

سؤال للدكتور من أختبر نفسـك المحاضرة السادسـة

6 ـ تصنف أجور عمال الخدمات على أنها :
1) تكاليف إنتاجية
2) تكاليف مباشرة
3) تكاليف ثابتة فقط
4) تكاليف فترة

[Half Smile]

انا قيم أوفـر .. قسم بالله مخي فر .. شكلي إذا جاء هالسؤال بجاوب وانا مغمض

منيب شايف الإجابـه .. أحس بكرى أول سؤال بشوفه هالسؤال وقولوا ما قـال هاف سمايل :42:

[من اكون]

طيب فيه سوال من ضمن اسئله الاختبار السابقه يقول
س/ تصنف اجور عمال الخدمات على انها ؟
1-تكلفه انتاجيه 2-تكلفه غير مباشره 3-تكلفه تحويل 4-كل ماذكر
وحاطين الجواب رقم 4- كل ماذكر .؟ونفس سوالكم الى تتنقاشون فيه

[رافايللو]

هنا إنتاجية غير مباشره مستحيل تكون فتره

يس هنا انتاجيه
لانهم عمال خدمات داخل المصنع > كذا قال الدكتور

تكاليف مباشرة > غلط لانها لعمال الانتاج
تكاليف ثابته فقط > غلط لانه يوجد عمال خدمات تكاليف متغيرة مثل عامل ينقل البضاعه
تكاليف فترة > غلط لانها ( اداريه وتسويقية )

ترى كل هذا كلام الدكتور وهو يحل السؤال
وانا كتبته بالملخص عندي

[أسيــــره. ']

بكل اختبار فيه سؤال معجزة ...


على مااعتقد هذا هو السؤال ... :17:

[Half Smile]

تكلفة الفترة :
هي التكاليف والمصاريف التي تكبدتها المنشاة بمرور الزمن وليس على أساس الإنتاج ,
ومن البنود التي تعتبر تكاليف فترة المصاريف الإدارية والمصاريف التسويقية .

إلي فهمته من هالتعريـف مكتوب ومن البنود التي تعتبر تكاليف فترة مصاريف إدارية وتسويقية

يعني فيه أكثر من بند مو معناته هالبند هذا فقط فيه ادارية وتسويقية وبيعية

على العموم خلونا نتفق كلكم جاوبوا تكاليف ثابته ما عدى أنا بجاوب تكاليف فترة : ) :17:

[العقيل]

سؤال للدكتور من أختبر نفسـك المحاضرة السادسـة


6 ـ تصنف أجور عمال الخدمات على أنها :
1) تكاليف إنتاجية
2) تكاليف مباشرة
3) تكاليف ثابتة فقط

4) تكاليف فترة



السؤال هذا غير الي انت حطيت في الاول


الجواب تكلفة انتاجية

[من اكون]

العقيل بالله شوف سوالي الى حطيته وش جوابه؟؟

[آسسسوم]

طيب فيه سوال من ضمن اسئله الاختبار السابقه يقول
س/ تصنف اجور عمال الخدمات على انها ؟
1-تكلفه انتاجيه 2-تكلفه غير مباشره 3-تكلفه تحويل 4-كل ماذكر
وحاطين الجواب رقم 4- كل ماذكر .؟ونفس سوالكم الى تتنقاشون فيه

انا أشوف هنا كل ماذكر لانها إنتاجية وغير مباشره وتعتبر تكلفة تحويل

[Half Smile]

يس هنا انتاجيه
لانهم عمال خدمات داخل المصنع > كذا قال الدكتور

تكاليف مباشرة > غلط لانها لعمال الانتاج
تكاليف ثابته فقط > غلط لانه يوجد عمال خدمات تكاليف متغيرة مثل عامل ينقل البضاعه
تكاليف فترة > غلط لانها ( اداريه وتسويقية )

ترى كل هذا كلام الدكتور وهو يحل السؤال
وانا كتبته بالملخص عندي

زين اختي طيب السؤال إلي حنا مفحطين عليه

تصنف أجور العمال على أنها

تكلفة ثابته
تكلفة متغيرة
تكلفة مختلطه
تكلفة فترة

هنا وش الجـواب وسوف أكون لك من الشاكرين

[آسسسوم]

تكلفة الفترة :
هي التكاليف والمصاريف التي تكبدتها المنشاة بمرور الزمن وليس على أساس الإنتاج ,
ومن البنود التي تعتبر تكاليف فترة المصاريف الإدارية والمصاريف التسويقية .

إلي فهمته من هالتعريـف مكتوب ومن البنود التي تعتبر تكاليف فترة مصاريف إدارية وتسويقية

يعني فيه أكثر من بند مو معناته هالبند هذا فقط فيه ادارية وتسويقية وبيعية

على العموم خلونا نتفق كلكم جاوبوا تكاليف ثابته ما عدى أنا بجاوب تكاليف فترة : ) :17:

انا بجاوب مختلطة لانه الثابتة ما أقنعتني

إذا صحيت أن شاء الله برجع أتأكد من الإجابة الصح :39:

[Half Smile]

عموما الظاهر إنتهت الحلـقة

وبالنهاية أحب أقولكم ترى العقل فـ الراس موب فـ القرطاس وفالكـــــم Full Marks :13:

[من اكون]

شكرآ اختي اسوم .. من ناحيتي انا بهرب قبل يدور راسي كل شوي يطلع جواب خطاء ههههههه

[آسسسوم]

بقولك شي شوي اقنعني انه الفترة غلط

سؤال للدكتور من أختبر نفسـك المحاضرة السادسـة

6 ـ تصنف أجور عمال الخدمات على أنها :
1) تكاليف إنتاجية
2) تكاليف مباشرة
3) تكاليف ثابتة فقط
4) تكاليف فترة

قال تكلفة إنتاجية لو الفترة صح كان اختارها بس غلط

[Half Smile]

بقولك شي شوي اقنعني انه الفترة غلط

سؤال للدكتور من أختبر نفسـك المحاضرة السادسـة

6 ـ تصنف أجور عمال الخدمات على أنها :
1) تكاليف إنتاجية
2) تكاليف مباشرة
3) تكاليف ثابتة فقط
4) تكاليف فترة

قال تكلفة إنتاجية لو الفترة صح كان اختارها بس غلط

انا معاك لكن انا جايب هالسؤال من نموذج بي ما فيه تكلفة إنتاجيـه

فيه تكلفة متغيره

وتكلفة ثابته

وتكلفة فترة

وتكلفة مختلطة

[TarF]

^

هي ي متغيره او مختلطه !

بس مختلط مثل الصيانه ااو الكهرباء

ف أتوقع انها متغيره

ودليل اجابه الدكتور *تكاليف ثابته فقط > غلط لانه يوجد عمال خدمات تكاليف متغيرة مثل عامل ينقل البضاعه *

[من اكون]

السوال الي تقصد في نموذج بي .؟ مو كذا
س/ تصنف تكلفه اجور عمال الخدمات بالمصنع على انها؟
1-تكلفه ثابته 2- تكلفه متغيره 3- تكلفه مختلطه 4- تكلفه فتره.؟ والجواب كان 3- تكلفه مختلطه.؟ ركز على السوال انت ماكتبت بالمصنع

[Half Smile]

يا جماعة الخير أحد يفـزع لنا ويجيب لنا تعريف تكلفة التحويل ووش يندرج تحتهـا

[Half Smile]

من جد ما انتبهت طالما انها بالمصنع شكلها مختلطه .. وش تقولون؟

[آسسسوم]

انا أتوقع أنها تكلفة مختلطة لأنها تتأثر بالنشاط ولكن ليس بنفس النسبة

[مارياج]

اممم احس اني اقتنعت بكلام اسوم :35:
يمه وش فيني كلمه توديني وكلمه تجيبني:4:
المهم حبيبتي اسوم ماعليه بطلع خارج الموضوع
بس حبيت اسالك اذا عندك ملخص للعقيدة
لاني مافتحتها ابدا
تخيلي الى الان ماطبعت اي ملخص للعقيده
ياليت تساعديني
ولكي مني كل الحب:43:

[Half Smile]

وأخيرا عرفنا الحـل الى الآن تكلفة مختلطة .. بس ودي أعرف تكلفة التحويل تندرج تحت تكاليف الفترة أو لا

[أسيــــره. ']

أقول وش رايكم بنموذج بي ... سؤال 29 و 30 و 31 و32 و 33 و 34 ....


تعرفون لهاا طريقه مختصره غيت تدخل مخي ... :7:


هي من المحاضرات 8 و 9 و 10 ...



لا تطنشوني :20:

[من اكون]

اسوم انا سالت اخوي هلف.؟ وشكله مضيع بعد ههههههه

السوال:س/ تكون فروق التكاليف الاضافيه المحمله باكثر من اللازم اذا كانت؟
وش جوابه < هلف انا عاذرك شكلك دجرت مرره ههههههههه

[Half Smile]

لو مخترعين الذرّه امدانا خلصنا لا بوه من سؤال حفلــــــــه

[TarF]

^ اتمنى ان أسئله دكتور تكون وآضحه ومباشره -___-

[Half Smile]

اسوم انا سالت اخوي هلف.؟ وشكله مضيع بعد ههههههه

السوال:س/ تكون فروق التكاليف الاضافيه المحمله باكثر من اللازم اذا كانت؟
وش جوابه < هلف انا عاذرك شكلك دجرت مرره ههههههههه

ههههههههههه الجواب الي قلته لك متأكد انه صح

[mo0oni]

انا اتوقع انها مختلطه لانو فيها اجور ثابته لبعض العمال واجور متغيره لعمال تانيين زي عما نقل البضائع
والدليل انو في الخيار التالت كاتب ثابته فقط كلمه فقط تدل انه غلط لانو لانو في عمال لهم كمان تكاليف متغيره مو كلها ثابته
واللللللله اعلم انا هذا اللي فهمتوا من كلام الدكتور*

[من اكون]

هلف لو يطلع الجواب خطاء بتلقاني بكره عند بابكم ههههههه

[آسسسوم]

اممم احس اني اقتنعت بكلام اسوم :35:
يمه وش فيني كلمه توديني وكلمه تجيبني:4:
المهم حبيبتي اسوم ماعليه بطلع خارج الموضوع
بس حبيت اسالك اذا عندك ملخص للعقيدة
لاني مافتحتها ابدا
تخيلي الى الان ماطبعت اي ملخص للعقيده
ياليت تساعديني
ولكي مني كل الحب:43:

http://www.ckfu.org/vb/t394459.html

تفضلي

وراجعي ملخص هتان

موفقة خير حبيبتي :16:

[مارياج]

ياجماعه مستحيل تكون تكلفه متغيره
لان الدكتور قال كل مباشر يعتبر تكلفه متغيره
واجور عمال الخدمات تعتبر من التكاليف الصناعيه الغير مباشره
لان ليس لها اي علاقه بالمنتج مباشره
وهي تعتبر تكلفة تحويل ايضا لانها تقع تحت التكاليف الغير مباشر
ونحن نعرف ان تكلفه التحويل تمثل
الاجور المباشره +التكاليف الصناعية الغير مباشره
وتعتبر ايضا من التكاليف الانتاجيه لانها تدخل ضمن نطاق المصنع
زبدة الموضوع
مستحيل تجي التكاليف الثلاثة اللي ذكرتها كلها في الخيارات
الا في حاله وحده
اذا اعطانا جميع التكاليف اللي ذكرتها
وكتب من ضمن الخيارات كل ماذكر
في هذه الحاله نختار كل ماذكر
بالتوفيق للجميع
:2:

[مارياج]

تسلمين حبيبتي اسوم ماتقصرين
تعبتك معاي
بس ملخص هتان مو عندي
ياليت تنزلينه لي
ربي يحفظك ويوفقك
:2:

[آسسسوم]

تلاقينه هنا

تفضلي http://www.ckfu.org/vb/t356831.html

[اشراقه الامل]

بكتب مختلطه ورزق على الله :21:

[مارياج]

تسلمين حياتي اسوم
وربي يوفقك ويسهل امورك
:16:

[Adel A]

فيه فرق بين سؤاله عن ( أجور عمال الخدمات ) وسؤاله عن ( أجور عمال الخدمات في المصنع ) ..
أنا أقصد الفرق ليس في السؤال فقط إنما في الإجابات ..


لكن منعاً للتشتت : زي ماذكرت الأخت ( مارياج ) ..
هي قد تكون ( تكلفة صناعية غير مباشرة - تكلفة إنتاجية - تكلفة تحويل ) ..

إذا ذكر في الإجابات إحدى التكاليف السابقة نختاره ..
أو إذا ذكر جميع التكاليف الثلاث السابقة بيكون الخيار الرابع ( كل ماذكر ) وهو الجواب الصحيح ..

أما اذا كانت الإجابات بالشكل التالي :
- تكلفة فترة
- تكلفة مختلطة
- تكلفة ثابته
- تكلفة متغيرة

يكون الجواب الصحيح ( تكلفة مختلطة ) ..



^ ^ ^
الكلام السابق ، جاء نتيجة ( مواصلة ) 24 ساعه بدون نوم ..
( ما كان فيه من صواب فمن الله وحده وما كان فيه من خطأ فمني ومن الشيطان ) :36:

..*

[مجنونهmeshoo]

الحين يعني تكون هي تكلفه مختلطه ولا شوووو

[زهرة الخليج وبس]

خذوا العلم الاكيد وبتدعون لي تكلفة عمال الخدمات تعتبر انتاجيه وغير مباشره وتكلفة تحويل ومختلطه

[أبان]

يا جماعة الخير

تكلفة عمال الخدمات تكلفة مختلطة ، لأن عدد عمال الخدمات يزيد بزيادة حجم النشاط ولكن ليس بنفس النسبة ( لاحظ أني قلت عدد العمال يزيد وليس راتب العامل الذي يزيد و بالأخير إذا زاد عدد العمال سترتفع تكلفة الخدمات تماشياً مع حجم النشاط ولكن ليس بنفس النسبة)


يعني عامل التحميل و التنزيل طاقته تحميل 1000 كرتون في اليوم

فلو كان حجم نشاط المصنع 900 كرتون باليوم فيكفي عامل واحد
ولو زاد حجم النشاط إلى 950 كرتون باليوم فيكفي عامل واحد
ولو زاد حجم النشاط إلى 1000 كرتون باليوم فيكفي عامل واحد

ولو زاد حجم النشاط إلى 1050 كرتون فالمصنع بحاجة لعامل إضافي


وهكذا زادت تكلفة عمال الخدمات مع زيادة حجم النشاط ولكن ليس بنفس النسبة



و لهذا هي تكلفة مختلطة


:13:

[BayanFJ]

في محاضرة 5..و سؤال اختبر نفسك ال6
كان فيه سؤال / تصنف أجور عمال الخدمات داخل المصنع :
- تكاليف إنتاجية
- تكاليف مباشرة
- تكاليف ثابتة فقط
- تكاليف فترة

الإجابة كانت تكلفة إنتاجية!
بس لما شرح الخيارات و بالاخص (تكاليف ثابتة فقط)
قال " لا هذا غلط , لأن أجور خدمات العمال قد تكون تكلفة متغيرة وقد تكون تكلفة ثابتة"
المعنى : إنها مختلطة .

الصدز انا فهمت قصده كذا عاد مدري عنكم :biggrin:

[خزندارة]

اوف اخيرا انتهى الجدل

[أبان]

الأمر واضح يا شباب

مصنع ينتج بطاقة 50% من قدرته الانتاجية

و بعد ما وصلت طاقته الانتاجية إلى 90% طبيعي أن تكاليف الصيانة ستزيد ( مثل صيانة عددات ، صيانة إنارة ، صيانة أجهزة ، صيانة خطوط انتاج ، ..... الخ ) هذه الطلب المتزايد على الصيانة مع زيادة النشاط لابد أن يقابله زيادة في عدد فني الصيانة لمواجهة هذا الطلب .

وهكذا تزيد تكلفة عمال الصيانة (عمال الخدمات) مع زيادة حجم النشاط ولكن ليس بنفس النسبة

[محمد الشمريـ]

اللهم يسر ما كان صعبا يارب ...
بسم الله ,,,
ياجماعة الخير اوجعتوا راسي الحين ونا اكتب معي كرتون بنادول اما الجواب انشاء الله حسب ما فهمته من المحتوى انه تكلفه متغيره والي خلاه يرسي هالجواب براسي ان شغالة امي تستلم 600 وشغالة اختي تستلم 700 فلذالك الجواب متغيره ههههههه عن جد اتكلم ربطتها بالخدمات ....

بما في ذالك بجواب (مختلطه) الله يخلط راس ابليسه

[أبان]

اللهم يسر ما كان صعبا يارب ...
بسم الله ,,,
ياجماعة الخير اوجعتوا راسي الحين ونا اكتب معي كرتون بنادول اما الجواب انشاء الله حسب ما فهمته من المحتوى انه تكلفه متغيره والي خلاه يرسي هالجواب براسي ان شغالة امي تستلم 600 وشغالة اختي تستلم 700 فلذالك الجواب متغيره ههههههه عن جد اتكلم ربطتها بالخدمات ....


أضحك الله سنك :13:

فعلاً رواتب الشغلات متغيرة من بيت لبيت و دار دار و زنقة زنقة :5:

[Half Smile]

وأخيراً بالحلقة الأخيرة عرفنا الجـواب .. إلي هو تكلفة مختلطة بعد جهد جهيد :17: :26:

[محمد الشمريـ]

1 تصنف تكلفة أجور عمال الإنتاج على أنها :
)1 تكلفة ثابتة
)2( تكلفة متغيرة)
)3 تكلفة مختلطة
)4 لا شيء مما ذكر
ــــــــــــــــــــــــــــــــــــــــــــــــــ ـــــ
8/ تصنف تكلفة أجور عمال الخدمات بالمصنع على أنها :
a
تكلفة ثابتة
b
تكلفة متغيرة
c
(تكلفه مختلطة)
d
تكلفة فترة


بجاوب مثل ما ذكر

[سعيدان و عليان]

أخوي الله يسعدك حتى مايتشتت البعض ان كتبت في احد ردوك أنه توجد 8 أخطاء في الأسئلة


ولما رجعت للتصحيح حقك أكتشفت أنها جميعها حالها الاخ أبـان بالضبط كما نوهت له دون وجود خطأ


عدا السؤال الي أنت أشرت له


مع العلم أني بحفظها مختلطه ...

[محمد الشمريـ]

أخوي الله يسعدك حتى مايتشتت البعض ان كتبت في احد ردوك أنه توجد 8 أخطاء في الأسئلة


ولما رجعت للتصحيح حقك أكتشفت أنها جميعها حالها الاخ أبـان بالضبط كما نوهت له دون وجود خطأ


عدا السؤال الي أنت أشرت له


مع العلم أني بحفظها مختلطه ...


خلنا من الجامعة انت وش وقعك الحين والحمدالله على سلامتك يالبى قلبك

[سعيدان و عليان]

خلنا من الجامعة انت وش وقعك الحين والحمدالله على سلامتك يالبى قلبك



الحمد لله بخير بس بين الألم والراحه شعرهـ عسى الله يسهلها وأنا أخوك

شكراً لك يابعدي حيي

يازين قهوتكم ياشمر جاري الصباح يشب دايم احيان لما أطلع للدوام أدرعم بالمشب حقه وأتقهوى ياخي ناركم حيه الله يسعدكم

[1stc1]

اخوي عبدالله
على اجر ان شاء الله

[سعيدان و عليان]

اخوي عبدالله
على اجر ان شاء الله




الله حي stc والله أنك فقيده يارجل أين أنت كل هالمده تظهر بتسجيل المواد وتختفي بعدها


لك وحشه ياخي :34:

[محمد الشمريـ]

الحمد لله بخير بس بين الألم والراحه شعرهـ عسى الله يسهلها وأنا أخوك

شكراً لك يابعدي حيي

يازين قهوتكم ياشمر جاري الصباح يشب دايم احيان لما أطلع للدوام أدرعم بالمشب حقه وأتقهوى ياخي ناركم حيه الله يسعدكم

الله يشفيك يارب العالمين واحتسب الاجر ونا اخوك .....

اما بخصوص جارك له الشرف يابعد حييء دامك تقهوى عنده ,,,,

[مجنونهmeshoo]

الي عنده شرح اسئله الواجب ينزلها
توني مخلصه المحاضره 12،13 اشواا انها سهله بعد:24:
تكفون ابي الشرح :11:

[Abu ali55]

السلام عليكم

صبحكم الله بالخير جميع

سؤوال للأخ ابان الله يجزاه كل خير على حل نموذج الاختبارات


السؤال رقم 35 بالنموذج

اول خطوه في الحل قمت بايجاد تكلفة الانتاج التام عن طريق جمع مبلغ الانتاج التام اللي موجود في السؤال + مخزون التشغيل اول الفتره - مخزون تحت التشغيل اخر الفتره .

طبعاً انا حليته من دون ما اسوي هاذي الخطوه لان الناتج التام كان من ضمن معطيات السؤل جاهز وطلع الناتج معي 40000 .

بانتظار ردك الله يحفظك

[Abu ali55]

الله حي stc والله أنك فقيده يارجل أين أنت كل هالمده تظهر بتسجيل المواد وتختفي بعدها


لك وحشه ياخي :34:


خارج من الشر اخوي سعيدان

سلامات ما تشوف شر والله

والحمدلله على السلامه

[أبان]

السلام عليكم

صبحكم الله بالخير جميع

سؤوال للأخ ابان الله يجزاه كل خير على حل نموذج الاختبارات


السؤال رقم 35 بالنموذج

اول خطوه في الحل قمت بايجاد تكلفة الانتاج التام عن طريق جمع مبلغ الانتاج التام اللي موجود في السؤال + مخزون التشغيل اول الفتره - مخزون تحت التشغيل اخر الفتره .

طبعاً انا حليته من دون ما اسوي هاذي الخطوه لان الناتج التام كان من ضمن معطيات السؤل جاهز وطلع الناتج معي 40000 .

بانتظار ردك الله يحفظك


حلك صح

و أنا أخطيت في هذا السؤال

[Abu ali55]

حلك صح

و أنا أخطيت في هذا السؤال


الله يجزاك خير

هالسئوال واللي قبله يتعبون للأمانه وعسا الدكتور ما يكثر من هالاسئله بالاختبار ويدوخنا .


تحياتي لك على مجهوداتك الجباره اخي الكريم .

[خـوخ ـاآ ..~]

الحين وش هي اﻻجابة الصحيحة

[ay$heno]

اسمعو العلم الصحيح باول المحاظره 7 في اختبر نفسك الدكتور قال انها انتاجيه غير مباشره. . .

يعني غير ثابته لان كل ما زادت البضاعه الوارده عمال النقل بتزيد رواتبهم :42:

اما بالنسبه لمتغير ومختلط حتى انا احترت بروح اشوف المحاظرات:9: