طالبات كلية الطب والعلوم التطبيقيه

[مس كيوت]

السلاام عليكم
بلييز ساعدووني احس اني بنجن وعمري وصل 70:000:
انا اتمنى احقق حلم امي وادخل طب او علوم طبيه تطبيقيه
وانا شاء الله يقبلوني
انا الحمدلله نسبتي مره كويسه بس شايله هم التحصيلي احس انو صعب
المهم سؤالي بخصوص الطب والعلوم الطبيه
ايش اسهل؟؟
والعلوم الطبيه تكون دراسته بالانجلش نفس الطب ولا كييف

وايش المواد اللي ندرسها بكلية العلوم الطبيه:t1:

سااعدوني بليييز
وابغى اعرف ان شاء الله اذا انقبلت بكلية العلوم الطبيه اقدر اختار رعايه تنفسيه ولا للاولاد بس

ادري طووولت عليكم:c8:
لكن ساااعدوني مااعرف ولا شي عن الكليااات:011:
بليز اي وحده تدرس طب او علوم طبيه تسااعدني

[غلا الدنيا]

اول شي لا تحاتين لا القدرات ولا التحصيلي صعب ..
كلها اشياء كنتي دارستها ومره بسيطه مراح يجيبون لكم تعقيدات في الحل ..
يعني اسئله واجوبتها مباشره ماتحتاج وقت طويل :119: ..

ثاني شي اانا مو في كلية العلوم التطبيقيه ولا طب ..
لكن قريبتي في هالكليه ودراستهم كلها انجلش :cheese: ..
يعني كأنك في طب ..
بالنسبة للتخصصات تشوفيننها هنا ..
http://www.kfu.edu.sa/ar/Colleges/MedicalSciences/Departments/Pages/Home.aspx

[مس كيوت]

مشكووره غلا الدنيا الله يعطيك العافيه
ويحقق لك مطلبك وامنياتك يااارب ويفرحك دنيا واخره ياااارب:119:

[BeeB]

وعليكم السلام

هلا فيك اختي مس كيوت

المهم سؤالي بخصوص الطب والعلوم الطبيه
ايش اسهل؟؟

كلية الطب تدرسين فيها 6 سنوات وسنه واحدة امتياز ..يعني المجموع سبع سنوات .. اول سنه تكون سنه تحضيريه تدرسين مواد عامه زي الانجليزي والثقافه الاسلاميه والكيميا والاحيا والفيزيا ..

اخر سنه وهي سنة الامتياز تطبقين بالمستشفى ( تدريب عملي كله لا يوجد نظري ) .. هذا طبعا تتخرجين طبيب عام .. و ليس طبيب متخصص .. اذا تبين تتخصصين بمجال معين تدرسين زياده سنتين .. او ثلاثه ..

كلية العلوم الطبية التطبيقية تدرسين فيها 4 سنوات وآخـر سنه هي سنة امتياز بالمستشفى ( تدريب عملي بدون نظري ) ..يعني المجموع خمس سنوات .. اول سنه تحضيريه تدرسين 6 مقررات عامه ,, انجليزي وثقافه اسلاميه واحياء وكيمياء وفيزياء ومهارات تعلم .. بعد السنه التحضيريه تختارين التخصصات اللي تبينها بالترتيب .. وعلى حسب معدلك يدخلونك بأي تخصص طبعا تحاولين تشدين حيلك بالسنه التحضيريه عشان تدخلين التخصص اللي تحبينه وهو رغبتك الأولى ..

مافي كلية أسهل من الثانيه .. يعني تقريبا الطب والعلوم الطبية دراستهم متشابهه,, اللهم ان الطب تدرسين كل شي .. العلوم الطبية التطبيقية تتخصصين في مجال معين ..


والعلوم الطبيه تكون دراسته بالانجلش نفس الطب ولا كييف

ايه كل شي بالانجليزي .. ماعدا الثقافه الاسلاميه .. لغة عربيه :119:

وايش المواد اللي ندرسها بكلية العلوم الطبيه

لكل تخصص مواد تخصه .. اتوقع عندك فكره عن التخصصات وطبيعتها ..

وابغى اعرف ان شاء الله اذا انقبلت بكلية العلوم الطبيه اقدر اختار رعايه تنفسيه ولا للاولاد بس

ايه تقدرين تدخلينه .. تخصص الرعايه التنفسيه للطلاب والطالبات ..


عذرا عالاطاله ..

بالتوفيق اختي ويارب يقبلونكـ :119:.. عشان تفرحين امك ..

[مس كيوت]

تسلميييين beeb
الله يعطيك العافيه

[مس كيوت]

طيب سمعت اان اذا حطيت الرغبه الاولى طب
والرغبه الثانيه علوم طبيه
واذا لاسمح الله ماقبلوني بالطب ماياخذوني علوم طبيه
صحيح هذا الكلام ولا لأ
ويااليت كل وحده انقبلت تقول لي ايش رغباتها وبأيش انقبلت بلييييييز:Cry111:

[BeeB]

بالنسبه للرغبات .. بصراحه انا سويت شي عجيييب

كل الثلاث رغبات حطيتها علوم طبية تطبيقية

والحمدلله جاني القبول

اما عن اذا حطيتي رغبتك الاولى طب وبعدين علوم طبية تطبيقية بالعكس عادي ..

يمكن يحطون اولوية للطالبات اللي حطوا رغبتهم الاولى علوم طبية تطبيقية

بعدين يشوفون اللي حطوها رغبة ثانيه ..

انتي شوفي كم نسبتك الموزونه اذا صارت اعلى من 86% ان شاالله يقبلونك علوم طبية تطبيقية اما اذا هي اعلى من 92% يقبلونك كلية الطب .. هذا اتكلم عن نسب طالبات الدمام لأن بنات الاحساء نسبهم اقل مننا بكثير ..

مدري ليش بس هذا هو .. ههههه

بالتوفيق

[مس كيوت]

:011::011::011:

[مس كيوت]

:c8::c8::c8:

[حاملة القرآن]

اهلين أختي

أنا رايحه سنة ثانية طب الدمام
..

يوم التسجيل لدفعتنا قالوا انه ماينفع رغبة أولى طب ورغبة ثانية علوم طبية لازم تكون رغبه اولى للكليات الصحية ورغبة الثانية والثالثة غير الكليات الصحية

بالتوفيق وان شاء الله تنقبلين وتحققين امنيتك

[دمع حبي ولآ دمعي]

هلـآ أختي

بس حآبـهـ أعلق ع كلـآم بيب

اما عن اذا حطيتي رغبتك الاولى طب وبعدين علوم طبية تطبيقية بالعكس عادي ..

بنـإأــت كثـير صآرت لهم مشآكل بالقبول وضيعوآ عليهـمـ فرصهـ يوم سووآ هآلطريقـهـ

لأنهمـ يشترطون بالرغبآت تكون رغبــهـ وحدهـ بس هي رغبهـ طبيهـ والباقي غير طبيـهـ

وهالرغبـهـ الطبيهـ بعد المفروض تكون أول رغبـهـ لأنهآ لو كانت ثاني أو ثالث رغبـهـ مرح ينظرون لهـآ

وآن شآء الله تنقبلين بالتخصص آللي تبينـهـ وتفرحين أمك فيك

:119:

[BeeB]

لأنهمـ يشترطون بالرغبآت تكون رغبــهـ وحدهـ بس هي رغبهـ طبيهـ والباقي غير طبيـهـ

من وين هالشرط طلع ؟

معللش حبوبتي دميع .. تأكدي من هالمعلومه ..

طيب انا كل رغباتي طبيه .. كيف قبلوني؟

الغلط انك تحطين رغبه اولى تربويه اقصد كليات البنات وبعدين رغبه ثانيه طبيه .. هنا مارح ينظرون للرغبه الثانيه ابدا ..

الأولويه دائما للي يحطون رغباتهم الأولى طبيه وبعدين يشوفون اللي رغباتهم الثانيه والثالثه طبيه ..

اذا هم توهم منزلين هالشرط بهالسنه وهو ان تتضمن الرغبات رغبه طبيه واحده فقط ..

ياليت تعطينا تأكيد من مصدر رسمي :119: يكون احسن .. عشان الكل يعرف ولا يرتكبون هالشي .. وتضيع عليهم الفرصه ..


يعطيك العافيه

[واحه محبه]

اختيBeeB
انا بعد سمعت انه مستحييييل يقبلوا أي طالبه قدمت على كليتين :017:
صرااااااحه يوم سمعت الخبر تحطمت انت كم لك سنه متخرجه يمكن الشروط ذي جديده تكفوووووون يابنات قلولنا عشان نتأكد
وكمان انا حاسه ان عندي مشكله ثانيه انا بعد ودي افرح أمي وأدخل التخصص اللي أبيه وأرفع راس امي وابوي بس انا نسبتي المعدل بالثانويه تقريبا97.34:o3::no2:واليوم اختبرت قدرات والحمدلله احس انه زين لكن اذا اني قدمت طب او علوم طبيه ممكن يقبلوني انا كانت كل احلامي اني ادخل واحده من هالكليتين واحس ان حلمي ضاع ماني عارفه وش اسوي:t1:
بس حبيت استفسر اذا تعرفون السنه ذي كم النسب اللي طالبتها كلية الطب او العلوم الطبيه بناااات :sdfgdsf:
عندي سؤال محرج تحملوني شوي الجامعه عندها نظام السنه التأهيليه للتخصصات العلميه وفي قسم علاج طبيعي لبنات وايش احلى قسم فيها لان الظاهر ان ماراح يقبلوني طب الحمدلله ان قبلوني علوم طبيه وبالنسبه لتقنية القلب كيف دراستها وهل تختص بالطلاب فقط
وماهي كلية الطب الموازي..... ادعولي يابنات الله يوفقكم:s12:

[واحه محبه]

بنات تكفوووووووووووون انا انتظر الرد من أمس

[واحه محبه]

:Cry111::Cry111::Cry111::Cry111::Cry111::Cry111:

[BeeB]

واحه محبه .. لي عوده للرد

حبوبتي انتي ..

بالتوفيق

[عبدالله السالمي]

اي تخصص طب يكون الدراسة بالانجلش ((( لمصلحة الطالب )))

ومن ناحية الانجلش لا تحاتين راح يكون فيه سنة إعدادية إنجلش :150:

[BeeB]

السلام عليكم

صرااااااحه يوم سمعت الخبر تحطمت انت كم لك سنه متخرجه يمكن الشروط ذي جديده تكفوووووون يابنات قلولنا عشان نتأكد

انا العام تخرجت .. خريجي 1429/1430 هـ .. مافي فرق غير سنه .. وانا لما سجلت حطيت رغباتي الثلاثه كلها طبية .. عالعموم لاتسوين مثل ماسويت لأن يمكن يشددون على هالشرط هالسنه ..

بس انا نسبتي المعدل بالثانويه تقريبا97.34واليوم اختبرت قدرات والحمدلله احس انه زين لكن اذا اني قدمت طب او علوم طبيه ممكن يقبلوني انا كانت كل احلامي اني ادخل واحده من هالكليتين واحس ان حلمي ضاع ماني عارفه وش اسوي

طيب .. القبول يعتمد على النسبة الموزونه مو على نسبتك بالثانويه العامه .. رح ياخذون من نسبة الثانوية مجرد 30 % لحساب النسبة الموزونه والباقي على القدرات والتحصيلي .. ارجعي اقرئي أول رد لي بهالموضوع .. كلية الطب تتطلب نسبة موزونه اعلى من كلية العلوم الطبية التطبيقية ..

بس حبيت استفسر اذا تعرفون السنه ذي كم النسب اللي طالبتها كلية الطب او العلوم الطبيه بناااات

هذا اللي ماندري عنه .. التسجيل مابدأ .. وموقع الجامعه مافيه اي معلومات بهالخصوص ..

عندي سؤال محرج تحملوني شوي الجامعه عندها نظام السنه التأهيليه للتخصصات العلميه وفي قسم علاج طبيعي لبنات وايش احلى قسم فيها لان الظاهر ان ماراح يقبلوني طب الحمدلله ان قبلوني علوم طبيه وبالنسبه لتقنية القلب كيف دراستها وهل تختص بالطلاب فقط
وماهي كلية الطب الموازي..... ادعولي يابنات الله يوفقكم

ايه جميع كليات الجامعه الطبية ( الطب - علوم طبية - التمريض ) تبدأ دراستها بسنة تحضيرية ..

تخصص العلاج الطبيعي من الاقسام المتوفرة في كلية العلوم الطبية التطبيقية وهو تخصص ممتاز ومطلوب والاقبال عليه من الطلاب والطالبات يزداد سنويا ً ..

تقنية القلب هو تخصص جديد تم افتتاحه هذه السنه ولاتوجد هناك دفعات سابقه .. لذلك ماعندي فكره عن دراسته .. وهو يختص بالطالبات فقط بدون الطلاب ..

كلية الطب الموازي .. تدرسين فيها الطب برسوم مالية محددة من حسابك الخاص ..


بالتوفيق اختي ..

[واحه محبه]

مشكوووووووووره ياعمري تعبتك معي
ولي عوده انشاء الله أخبركم اذا انقبلت بس انتوا ادعولي ربي يحققلي امنيتي
:s12:وبالتوفيق للجميع:s12: