اقدر انجح في البنوك والنقود بدون مسائل ؟ [الأرشيف] - ملتقى طلاب وطالبات جامعة الملك فيصل,جامعة الدمام

ღ الليدي ساره ღ

2012- 12- 20, 09:28 PM

السلام عليكم ورحمة الله وبركاته
اخواني وخواتي مثل مو واضح بالعنوان
اقدر انجح في هالمادة بدون حل مسائل وحسابات يعني باختصار بعتمد على الجزء النظري :19:

لأن اغلب الدكاترة كل عام يقول جايب الاختبار شامل وذاكروا اسئلة الكتاب واختبر ولد جيرانك وطع فش
وتالي قبل الاختبار باسبوعين يسلم الجامعة نموذج العام ويقول صوروه متعاجز اصوره :26:
مثل اللي صار مع دكتور عدنان الملحم اليوم واغلب الدكاترة اللي اختبرنا موادهم ماشين على نفس سيستم الازوال :10:
لذلك بختصر على نفسي الطريق بحاول احل نموذج العام واحفظه صم وبعدها بمر مرور على اسئلة اختبر ولد عم خالة جيرانك :5:
مع تمنياتي لكم بالتوفيق :16:

الحل الصعب 14

2012- 12- 20, 09:36 PM

ههههههههههه والله انا نفس الحال .. ماحب هالمواد والمسائل

X_5

2012- 12- 20, 09:37 PM

المسائل سهله نوعا ما

بس اكيد النظري اكثر من المسائل بكثيررر

1من الناس

2012- 12- 20, 09:43 PM

لكِ هذا يا بنتي:26:

اقصد اذا والله حفظتي النظري الا ماشاء الله بتنجحين

المسائل اساسا ماهي كثيره

والمادة والله ماهي صعبة بس هو صعب

ǺĽ ẕeeห

2012- 12- 20, 09:44 PM

ღ الليدي ساره ღ

2012- 12- 20, 09:58 PM

ههههههههههه والله انا نفس الحال .. ماحب هالمواد والمسائل

ههه اذن مرحبا بك في عالم : انقش نموذج الاختبار وعيش لذة الانتصار :5:

والله ماجاك الا الصحيح ياخيي كل الشعب على هالطريقة استاذة وطلاب :17:

ღ الليدي ساره ღ

2012- 12- 20, 10:05 PM

المسائل سهله نوعا ما

بس اكيد النظري اكثر من المسائل بكثيررر

رح ياشيخ الله يبشرك بالخير يعني اسحب على المسائل بقلب بارد :5:

الحل الصعب 14

2012- 12- 20, 10:09 PM

انا اخذت ملخص ( اسير الهم ) والله يصبرنا ونشوف وش يطلع معناة.. الله سهل لنا ولكم ، ان شاء الله تكون مثل الادارة الماليه ( نسخ لصق )

ღ الليدي ساره ღ

2012- 12- 21, 12:34 AM

لكِ هذا يا بنتي:26:

اقصد اذا والله حفظتي النظري الا ماشاء الله بتنجحين

المسائل اساسا ماهي كثيره

والمادة والله ماهي صعبة بس هو صعب

سلمت يا أبانا والله يبشرك باللي يحبه قلبك :13:

اما سالفة بحفظ النظري كله يبطون عظم :5: والله اللي ماطرت علي .. اشوف ان شديت العزم حفظت نموذج الاختبار ويخب عليهم
حرمت اذاكر عقب اللي صار لي اليوم في محاسبة التكاليف يومني بسوي دافورة وبذاكر المنهج كامل حسب ماقال الدختور
وتالي السالفة ناسخ لنا نموذج العام من تحت البطانية وهو نايم الزول :10:
فاللي ماذاكر ولا فتح ولامحاضرة وشاف النموذج نجح بتفوق واللي مسوين فيها انا الذي نظر الدلخ الى دفارتي توسدوها :44:
هذي حوبة السكليف اللي خرطت فيه على الدوام اسبوعين مرضي :5:

ღ الليدي ساره ღ

2012- 12- 21, 12:43 AM

هو احلى شي بالمسائل ان الجواب رقم واحد بس يعني اقسمي اضربي اجمعي سوي اي شي عشان يطلع لك الرقم

بس عساه يجيب نفس اسئله العام ونرتاح "" :22: اكثر ماده مخوفتني هالماده
المستوى الي قبلنااا - وقفو قلبي - بردودهم محد مدحهاا "

الله يعين :42:

لا يابنكه لاتخافين وربي كله خرط واللي قبلنا ماكان عند الدكتور نموذج والا كان مايوفر حاله حال دكاترة التيك أوي :5:
والدليل اختبارنا اليوم بكل وساعة وجه يقولون له البنات في المحاضرة المباشرة دكتور الاسئلة نفس نظام العام
يقول بكل ثقة وخراط لا الاسئلة بشكل وصيغة جديدة والمنهج شامل والاسئلة جديدة وركزوا على اختبر نفسك
وتالي السالفة ماجاب سؤال واحد برا نسخة العام وكل الشعب ماشاء الله نجح باستثنائي وكم واحد من اللي ذاكروا وضيعوا وقتهم على متابعة فلسلفته الزايدة في المحاضرات كاملة والمحتوى واختبر ولد عم جيرانك حسبي الله عليه :23:
والدليل ايضا لو تبين اتحفك اختبار الاقتصاد العام جاء نسخة من اللي قبله كوبي بست
والدليل الرد اللي بعدك شوفي شكاتب ياقلبي الشعب كله ماشي على نسخ ولصق منذ ازل
لن نكون عرب اذا لم ننسخ ونلصق نحن امة يعرب الناسوخية ههههههههههه :5:

ღ الليدي ساره ღ

2012- 12- 21, 12:50 AM

انا اخذت ملخص ( اسير الهم ) والله يصبرنا ونشوف وش يطلع معناة.. الله سهل لنا ولكم ، ان شاء الله تكون مثل الادارة الماليه ( نسخ لصق )

وشهد شاهد من اهلها ماقلت لكم ان الشعب كله على نسخ ولصق ههههههههاي

شوف يااخوي انت ركز بالبداية على نموذج العام وبعدها ابدا باللي تبي :21:

ونصيحة لكم يااخوان اللي يبي ينجح ويضمن له هبشة درجات مو بسيطة يحفظ نماذج العام لكل دكتور

منها مليون بالمية جايب منها اسئلة ومنها ماتلحق نفسك حسافة ولوم ان طلعت جينات الدكتور زول ونسخ لك اختبار العام تكون حافظه وتنجح مثل اس اس السلام عليكم :29:

انا هذي نصيحتي لكم لكل الدكاترة وللامانة مااقول لكم لاتدرسون الباقي لكن بدّوا النماذج على كل شي بتضمنون اقل شي درجة النجاح وذاكروا عشان مااحد يدعي علي تراني مريضة بليا دعوات :26:
وفالنا اجمعين النجاح ياكريم :2:

بروووق

2012- 12- 21, 02:06 AM

المشكلة نموذج اختبار النقود اللي العام مو واضح ولا كامل الملفات كثيرة والدنيا مخربطة وناااقصة
ياريت اللي عنده شي كامل يسعفنا اليوم قبل بكرة

لولوجده

2012- 12- 21, 09:49 AM

انا معاكم ان الواحد يحفظ اسئلة العام زي اسمه
بس برضو لازم ناخذ لفه سريعه ع المنهج عشان لو لاقدر الله وتغيرت الاسئلة نكون على بينه :44:
انا حملت الان كمايقارب 15 ملف اسئله وخرابيط واحترت والله خخخخخخ
بحاول انسقها واحفظها حفظ محدش حفظ زيه :5:

احمد محمد موسى

2012- 12- 21, 10:43 AM

والله اني حسيت بمر في كبدي يوم فتحت ذا الماده الله المستعان
ليه كل ذا الصعوبه من الدكتور

ღ الليدي ساره ღ

2012- 12- 21, 02:48 PM

بروق الله يعين يالغلا ان شاء الله ننجح ولو ان المادة تجيب الهم الله يستر :26:
لولو هذا انا بتنشط وانقل اسئلة العام واحفظها وبمر على المحتوى وان شاء الله خير :29:
احمد والله انك صادق مدري ليش كل ذا التعقيد على بالهم اننا مراهقين وذاكرتنا نظيفة ذاكرة يابانيين على غفلة
اللي يشوفهم على صعوبة مناهجهم ودسامتها وصعوبة ولف اختباراتهم يقول بيمسكوننا بورصة نيويورك على غفلة :5:
مايدرون ان الجامعيين منتظم مالقوا للحين وظايف حسبي الله عليهم ونعم الوكيل :44:

ღ الليدي ساره ღ

2012- 12- 21, 02:51 PM

بديت لخصت لكم المحاضرة الاولى بشكل مرتب ونظيف بعيد عن البربرة الزايدة وفيها كل اللي مهم
واذا الله عطاني عمر وصحة بكمل الباقي وانتم ساعدونا كل واحد يلخص محاضرة ويجيب لنا منها الزبدة
تفضلوا بالمرفقات:2:

noufa_london

2012- 12- 21, 03:15 PM

الله يعينكم والله انا مااخذت الماده هالترم

الله يسهل عليكم يارب :1:

ღ الليدي ساره ღ

2012- 12- 21, 03:26 PM

آمين يالغالية علينا وعليكم
وتوووووبة اخذ مادة مافات عليها ترمين هههه
عشان اشوف نماذج الاختبارات :17:

N E X T

2012- 12- 21, 03:35 PM

وآآآآآآآضخ انكـ متأثرة في اساسيات التكاليف بقوووة :8:.... الصراحه كانت الاسئلة موجود في المنتدى بس حنا الله يخلف مسوين فيها مصطفي المصري :5:.... هــآآآآر دلك الخساره امس وانشاء الله نعوض وتعوضين في الجاااي

مع التحيه

الحل الصعب 14

2012- 12- 21, 04:11 PM

شكلي بسوي مثلك ياساره واذاكر اسئلة العام بس !!

بس ياخوفي ماتجي ونبلش فيها !! والله مالي نفس اذاكر

ღ الليدي ساره ღ

2012- 12- 21, 04:11 PM

ههه ابو ابراهيم خلاااص الله يعوض علينا وعلى جينات مصطفى اللي نقزت علينا امس
وتوبة شعارنا من اليوم لا لمصطفى واهلا بعصمان هههههههههاي :5:
الحل الصعب اها بس توكل على الله وصم النموذج حرام ان شعب الدكاترة شاربين سطل لبن وكلهم ازوال نسخ ولصق هههه :13: لاخلصت النموذج مر على ملخصاتي ابراء للذمة :17:
تفضلوا الملخص الثاني للمحاضرة الثانية جاهز للطباعة :21:
يالله شجعوني عشان اكمل ترى عصمان شارب باور هورس والا بيشرب لبن وبيسحب عليكم :11:
برب صلاة العصر :16:

cocktail

2012- 12- 21, 04:14 PM

الله يوفقكِ :16:

cocktail

2012- 12- 21, 04:16 PM

عذراً

بس ممكن نموذج امتحان الترم الماضي محلول
اللي بملخص اسير الهم مش محلول و15 سؤال مش موجوده

الحل الصعب 14

2012- 12- 21, 04:18 PM

يعني نذاكر ملخصك ياساره ونترك ملخص اسير الهم ؟

ملخصك اعجبني كلها كم صفحه هههههههه

باسم باغريب

2012- 12- 21, 04:29 PM

أختي الليدي سارة معك حق في كلاام النسخ واللصق صار عندنا طبيعة لكن لو جيتي معنا بإختبار السلوك التنظيمي امس والله لافيه نسخ ولصق ولاغيره والله طبخ بطوننا طبخ وطلعنا من الإختبار معرقين هي كم سؤال معدودة عد جابها من الترم اللي راح ولا والله 75% من الإختبار متغيرة وبعيدة حيل عن الترم اللي راح يعني بعض الدكاترة اذا قال قول يسويه وهذا اللي يخوفك ويقعدك ع اعصابك .. :39:

سلطانة زماني

2012- 12- 21, 04:36 PM

سلمت يا أبانا والله يبشرك باللي يحبه قلبك :13:

اما سالفة بحفظ النظري كله يبطون عظم :5: والله اللي ماطرت علي .. اشوف ان شديت العزم حفظت نموذج الاختبار ويخب عليهم
حرمت اذاكر عقب اللي صار لي اليوم في محاسبة التكاليف يومني بسوي دافورة وبذاكر المنهج كامل حسب ماقال الدختور
وتالي السالفة ناسخ لنا نموذج العام من تحت البطانية وهو نايم الزول :10:
فاللي ماذاكر ولا فتح ولامحاضرة وشاف النموذج نجح بتفوق واللي مسوين فيها انا الذي نظر الدلخ الى دفارتي توسدوها :44:
هذي حوبة السكليف اللي خرطت فيه على الدوام اسبوعين مرضي :5:
[/b][/center]

ااااااااااخ بسسس عالتكاليف اول مرره اشوف احد نفسسس شعوري
من امسسسس وانا محترره من هالاساسيات امتريت قسسم وللحين المر بحلقي :24:
انا مثلك جلسست اكثر من اسبوع اذاكر واحووس ومسويه فهيمه
وطليت على اسئلة السمستر الي فات بسس طله واخذت الافكار
لو اني حفظت المعطياة :20:
واساسا مو كلهم جاب نفس المعطياة هو جاب نفس صيغ الاسئله
اصلا اسئلته مافيهااااااااااا انصاف الظاهر كاتبها وهو راقد ولا فكر كم تحتاج من وقت عشان تنحل ورربي حامت كبدي وتحطمت

ماعلينااااااااااا راح وعدى والحين جانا الغثى الثاني النقود والبنوك :25:

انا وبكل صرااااااااحه اصبت باحباااااااط شديد من عقب التكاليف

وشكلي بصم الاسئله حقت العام صم بالاجابات حقتها
قبل كل شيي ولا ما راح اسامح نفسسي ابدا
بلالالا فهم بلالالالالا بطيخ
كفايه قهرررر :36:

على الرغم اني اخذت موقف من بنات العام كانووو يسبون بالاسئله وتعذبو من هالماده

الله يسترررررر بسسسس :24:

a+ {{{ حلم صعب يتحقق

ღ الليدي ساره ღ

2012- 12- 21, 04:37 PM

عذراً

بس ممكن نموذج امتحان الترم الماضي محلول
اللي بملخص اسير الهم مش محلول و15 سؤال مش موجوده
ويوفقك ياخوي ويجزاك خير
مشكلة هالمادة انكبنا فيها لو ان الاعضاء يفتحون موضوع خاص بس لحلول اسئلة الاختبار ويكونون متأكدين منها وينزلونها في ملف واحد كان اختصرنا وقت وجهد
المشكلة كثرة مواضيع وكلها بس موجود فيها نموذج الاختبار بدون حل الا موضوع او 2 الله يجزاهم قاعدين يحلون فيها لكن كثرت صفحاته واختلطت الله يعين
مابي اطول عليك هذا نموذج محلول بالمرفقات لقيته اليوم باحد المواضيع عسى الله ينفعك فيه وينفعنا

الحل الصعب هههه انا اتبع مبدا يسروا ولاتعسروا كثر الخرط وشو له :23:
يارجال اسحب على المحاضرات والمحتوى ماهم حق حشيمة وحفظ هذولا وجه ملخص تيك اوي قص ولزق ويخب عليهم قرايه وانت تضرب بصحن عدس وفول ومسطل هههههههه :5:
بس احفظ النموذج اللي في المرفقات وبعدها اذا فيك شدة اقلب مصطفى :13:

سلطانة زماني

2012- 12- 21, 04:44 PM

الحل الصعب هههه انا اتبع مبدا يسروا ولاتعسروا كثر الخرط وشو له :23:
يارجال اسحب على المحاضرات والمحتوى ماهم حق حشيمة وحفظ هذولا وجه ملخص تيك اوي قص ولزق ويخب عليهم قرايه وانت تضرب بصحن عدس وفول ومسطل هههههههه :5:
بس احفظ النموذج اللي في المرفقات وبعدها اذا فيك شدة اقلب مصطفى :13:

من ناحية انكبنا احنا بقووووووووه تورطنا
انا بسوي سواتك بقط هالمحاظرات على جمب بضرب بها عرض الحائط مهيب كفووووووو احد يقراها
ابحفظ الاسئله بصم حتى رقم الصفحه <<< خربت معها
وبطل عالنظرري ابدقق عليه
وتااااااااالي الليل ابطل عالباااااااااااقي

<<< :42:

الحل الصعب 14

2012- 12- 21, 04:52 PM

الله يستر من نصايحكم !! تخوف صراحه

مشكلتي الى الان متردد ومدري وش اذاكرررررً

بنوته فله

2012- 12- 21, 05:05 PM

سوال الفصول المحذوفه موجوده بلخص اسير الهم

الحل الصعب 14

2012- 12- 21, 05:12 PM

^

ما اتوقع لان ملخص اسير الهم ٤٠ صفحه بس

والاشياء اللي قال عنها الدكتور موجوده فيها ..

الحل الصعب 14

2012- 12- 21, 05:14 PM

طبعا اقصد باللي قال عنهاالدكتور ؛ اللي بالمحاضره المباشره وقال ذاكروها مثل التعاريف وغيرها ما اقصد المحذوفه

ღ الليدي ساره ღ

2012- 12- 21, 05:34 PM

[أختي الليدي سارة معك حق في كلاام النسخ واللصق صار عندنا طبيعة لكن لو جيتي معنا بإختبار السلوك التنظيمي امس والله لافيه نسخ ولصق ولاغيره والله طبخ بطوننا طبخ وطلعنا من الإختبار معرقين هي كم سؤال معدودة عد جابها من الترم اللي راح ولا والله 75% من الإختبار متغيرة وبعيدة حيل عن الترم اللي راح يعني بعض الدكاترة اذا قال قول يسويه وهذا اللي يخوفك ويقعدك ع اعصابك .. :39:

ههه والله اني ناسية منهو اختباره هو حق الطرابيش ؟ القبعة البرتقالية والفسفورية :5:
يارجال هذاك فاصل لحاله قصة ههه الحمدلله بس جبنا قبل العام حق النجاح عنده
اقولك شي انا والله مايزعلني اللي يخترع اسئلة يقهرني ويفقع مرارتي اللي يجيك يقول ركزوا على ذا وذا والتواريخ جاية واختبر هندي بقالتكم ضروري وتالي يسحب اقوى سيفون ويمغط لك كوبي اختبار العام لا ويحرص العالم لاقالوا دختور الاسئلة نفس طريقة العام يقولك لاااااا الاسئلة ستايل جديد جانجام ستايل هههههه هذا والله اللي ودك تحك خشته بالقار وتكب عليها كلونيا :20:
بنوتة فلة والله اني مادري عن شي من فضل الله وتوفيقه ولا بحياتي مسكت كتاب ولامحاضرة اطقطق على نماذج الاختبارات واحلق طيران جوي سريع على المحتوى وربك ميسرها
المرة الوحيد اللي سويت مصطفى وسمعت المحاضرات وضيعت وقتي بالتكاليف رسبت :5:
الحل الصعب هههه مع ملخصاتي مش حتقدر تفهم حاقة قرب مش حتندم >> طريقك الى الدجة :5:

الحل الصعب 14

2012- 12- 21, 05:37 PM

يعني غريبه ياساره ماعمرك فتحتي محاضره من اي اماده

بس تذاكرين الاسئله وجميع المواد نجحتي فيها ؟؟ ما اتوقع كذا

اعترررفي

ღ الليدي ساره ღ

2012- 12- 21, 05:37 PM

ااااااااااخ بسسس عالتكاليف اول مرره اشوف احد نفسسس شعوري
من امسسسس وانا محترره من هالاساسيات امتريت قسسم وللحين المر بحلقي :24:
انا مثلك جلسست اكثر من اسبوع اذاكر واحووس ومسويه فهيمه
وطليت على اسئلة السمستر الي فات بسس طله واخذت الافكار
لو اني حفظت المعطياة :20:
واساسا مو كلهم جاب نفس المعطياة هو جاب نفس صيغ الاسئله
اصلا اسئلته مافيهااااااااااا انصاف الظاهر كاتبها وهو راقد ولا فكر كم تحتاج من وقت عشان تنحل ورربي حامت كبدي وتحطمت

ماعلينااااااااااا راح وعدى والحين جانا الغثى الثاني النقود والبنوك :25:

انا وبكل صرااااااااحه اصبت باحباااااااط شديد من عقب التكاليف

وشكلي بصم الاسئله حقت العام صم بالاجابات حقتها
قبل كل شيي ولا ما راح اسامح نفسسي ابدا
بلالالا فهم بلالالالالا بطيخ
كفايه قهرررر :36:

على الرغم اني اخذت موقف من بنات العام كانووو يسبون بالاسئله وتعذبو من هالماده

الله يسترررررر بسسسس :24:

a+ {{{ حلم صعب يتحقق

هههه وربي حفلة امس خليها على الله اكلت حبتين دوا القلب ومسيل امس بغت تجيني جلطة حسبي الله عليه تدرين ليش بحفظ النموذج عشان ماتندم لو يجي منه سؤال واحد اني ماطليت عليه مثل امس يالله ياقلبي انسي انا امس بالليل بعد الاختبار طلعت لمطعم هندي واكلت من الفلفل لين ولعت كبدي من الحرقة هههههههه :5: هي خاربة خاربة :26:

الزبدة ايها الشعب النقودي البنوكي هذا الملخص الثالث وبروح اصلي المغرب واحفظ النموذج واذا هذا رجعت لكم
عاد واحد منكم يتبرع وأجره على الله ويسوي قص ولزق للمحاضرة الرابعة :5:

ღ الليدي ساره ღ

2012- 12- 21, 05:47 PM

يعني غريبه ياساره ماعمرك فتحتي محاضره من اي اماده

بس تذاكرين الاسئله وجميع المواد نجحتي فيها ؟؟ ما اتوقع كذا

اعترررفي

ههه يااخي انا كنت ذكية اول كنت مشروع عالمة ذرة وكان تخصصي تخصيب يورانيوم بمفاعل بو شهر الايراني :26: بس الدنيا لعبت فيني :5: دنق لايلحطك صاروخ ههههه
لاوالله تبي الصدق انا صحتي على قدي وذاكرتي مامن زود وموظفة كرف وبيت مالي في شغلة المحاضرات والاستماع والهذرة واحتمال تجي واحتمال لا :22:
حدي نماذج الاختبار واختبر عامل بوفيتكم والمحتوى اطقطق عليه واقصقصه للقاع وماشاء الله والحمدلله انجح كل ترم بمعدل متوسط وهذا اللي ابيه :35: ولاذبحت نفسي وتفوقت بلاقي وظيفة ؟
خريجين الجامعات وكليات الطب منتظم بأقوى التخصصات والمعدلات مالقوا وظايف ياكلون حب باجة بالاستراحات ليه نذبح انفسنا الله وهالمستقبل الوظيفي المشرق اللي قدامنا ههه :12: خذ الشهادة وبس والواسطة شغالة الحين ماهي سالفة معدل ومرتبة بطيخ كلها توافيق من رب العالمين :17:

برب صلاة وحفظ النموذج :2:

الحل الصعب 14

2012- 12- 21, 05:54 PM

ههههههههه

ماشاء الله ، المهمانك لازم تمرين على المحتوى يعني نفس الشي

بالتوفيق

الإمبراطور

2012- 12- 21, 06:09 PM

اليدي ساره شكلك بتورطينا المشكلة اني باتوكل على الله واسوي سواتك بس انكان الاسئلة تغيرت ياويلك ويا سواد ليلك

بدرالرياض

2012- 12- 21, 06:09 PM

كفو الليدي ساره يعجبني حماسك:17::17: ..
استمري بارك الله في خطاكـ

متابعين معك ونحفظ اول بااول من ملخصاتك ..:21::21:
لا توقفين..فصل فصل وباذن الله نخلص هالماده على خيررر..

بدرالرياض

2012- 12- 21, 06:09 PM

الحل الصعب 14

2012- 12- 21, 07:30 PM

وين المحاضرات الثانيه ياساره ..!!

نزلتي 3 ورحتي 😓

الحل الصعب 14

2012- 12- 21, 07:36 PM

يعني مانذاكر الا اسئلة العام وبس ونتوكل على الله ؟ ��

الحل الصعب 14

2012- 12- 21, 07:36 PM

يعني مانذاكر الا اسئلة العام وبس ونتوكل على الله ؟ 😢😞

ღ الليدي ساره ღ

2012- 12- 22, 01:58 AM

الامبراطور والله ياخوي ماني متحملتن ذنبك ههه :42: ذاكر اللي تقدر عليه انا عن نفسي اقولكم نموذج العام وان شاء الله اختبر نفسك مدري اسئلة الكتاب مدري شسمها اللي منزلينها وصلى الله وبارك :21:
وهذا المحتوى مثل ماانت شايف الخصه لكم والله مو لي محتاجة دعواتكم :44: منها اخذ عنه فكرة ومنها اكسب اجر اللي مثلي منزنق وبياخذ عنها فكرة او يقدر يحفظ منها براحته :34:
بدر الرياض كفوك الطيب ياخوي لكن المنتدى خذلني معلق من الساعة 8 وانا عند ربع انتساب توه الحين فتح وابشر باللي اقدر عليه وانتم يااخوان ساعدونا لخصوا الاشياء المهمة عشان نخلص بدري
الحل الصعب والله مثل ماانت شايف المنتدى مخبطة مكينته ومو راضي يفتح انا بسوي اللي اقدر عليه وربي يوفقنا أجمعين :2:
تفضلوا ملخص المحاضرة الرابعة والخامسة ودعواتكم لي بالولد الصالح :1::16:

ღ الليدي ساره ღ

2012- 12- 22, 02:06 AM

الحل الصعب هم منزلين اسئلة الظاهر انها اسئلة الكتاب ويقولون على عهدة الرواة انه جايب منها العام اطلع عليها
وحاول تحفظ اللي تقدر عليه منها مع النموذج طبعا وهالمحتويات اللي نزلت مختصرة ومهمة بإذن الله ان قريتها قراية وربك يسهل انا تراني بس ابي حق النجاح يعني ماني من ربع معدل وa+ والعياذ بالله :5: حنا شيبان وموظفين ولافينا شدة ياخوك هههههه خل المذاكرة والتفوق للشباب :29:

ياشباب ترى لقيت ملف مرتب اول الليل يوم منتدانا خربان في منتدى شغيغ للأخ بلاك بورد جزاه الله خير يمكن ينفعكم انا بحفظ منه هو نموذج اختبار لكن على قولته متاكد من اجاباته 90 بل 100%100 :19:
كان باقي له سؤالين ماعرف اجابتهم وسال في المنتدى وجاوبوه واضفت الاجابتين وحولت الملف لصيغة pdf وبالتوفيق

باسم باغريب

2012- 12- 22, 04:13 AM

الله مير يبيض وجهك ي سارة ويكثر خيرك يكفي احساسك بغيرك والله يابعضنا يقرأ مثل موضوعك ومواضيع الأخوان الجيدة اللي تساعده مير كلمة شكرا مايقولها ...

ههههههههههههه أعجبتني سالفة a+ والشيبان ههههه حسستيني ان عمرك 150 وانك تدرسين من ايام التابعين بس تبين الجد انا مثلك والله ابي انجح وامسك الباب وي الله الخراج نبي يقولون تخرجت وهذي شهادتك ولو مقبول مع مرتبة الشرف نبي شهادة نعلقها بالبيت وبس ..

انا والله حاولت اقرأ بهالمادة واحس اني انذبحت وكرهت نفسي ولاعرفت أركز لكن قلت ابركز ع اسئلة اختبار الترم اللي راح ان شاء الله وأسئلة الكتاب والواجب ونبي نجيب فيها 31 بس ويقولن نجحت واحمد ربي وأشكره ومابي زود .. :26:

لارا1

2012- 12- 22, 04:27 AM

يعطيك العافيه ساره :1:

بس الحين ذا وشو اللي نزلتيه أسئلة اختبار واختبر نفسك ولا ايش :42:

N E X T

2012- 12- 22, 09:13 AM

الصراحة اهنيك على الملخصات .... ღ الليدي ساره ღ الي الجهاد وربي ينصرك على كل واحد اسمة عصمااان :8:

ما قصرتي والله يجعلة في موازين حساناتك ... والحين ابدق على عجوزي واخليها تدعيلك ...:29:

ســـلآآآآآم يـــآشبـــآب وصــبايــآ ونشــوفكم انشـــآء الله بعـد الآختبــآآآآآآر ويــاالله يـــآآ ربي تــوفيــقك .. وفــآآآلكم النــجـــآآح

cocktail

2012- 12- 22, 10:14 AM