ماسلمت ورقــة الاســـئلة ..؛؛

[mohamedSS]

السلام عليكم

الحمدالله عدى اليوم على خير

وفالكم النجاح ان شااءلله :17:


بعد اختباري الرياضايات اليوم صارت لي حركة:26:

مادري هل جبت فيها العيـد :12:ولا عادية :31:


المهم انا خلصت اختباري ع الساعة 8:30 ع الوقت
سلمت ورقة الاجابة ..ونزلت من القاعة

بعد ماطلعت بالسيارة اسولف مع الشباب

قلت لهم انا ورقة الاسئلة معاي هل لازم اسلمها..!!

اللي قالي مو لازم واللي قال لالالا ارجع وسلمهاا..!!


المهم رجعت وسلمتها بس اخذها شخص اخر بلجنة ثانية لقيته بوجهي لانه سألني وش عندك وقلتله
قالي خلاص وصلت ..!!
حتى ماقالي وش اسم لجنتك ..!!

سوعااالي هل فيه اشكالية اذا ماتسلمت ورقة الاسئلة ..؟؟

وفقكم الله جميييييعاً :16:

[أبووسن]

هههههههههه والله مدري يااخي صابني ارباك ان جبت الطامه جهزت اوراق الي ادخل بهم المحاضره اقصد هنا ورقة حضور الاختبار ونزلت مسرع وحركت وتوجهت للمدرسه ويوم وقفت عند الباب للتفتيش وانا اتذكر اني نسيت الورقه بغا يغما علي اي اي هههههههههههههه غير المدرس بوجهي يقول لاتخاف مهي مهمه حرام بالله كان فوقي سحابه تمطر علي رجعت لي الروح ههههههههه انفع مؤلف افلام ههههههههه .انشاءالله مهو مهمه ويوفقك ربي بالنسبه لي مدري ..

[shamasi]

الي بيتورط المراقب

[بقايا المجد]

تساهيل تساهيل يا صديقي

عادي لا تقلق ولا تشيل هم

لانهم مايحتاجون ورقة الاسئله

نموذج الاجابات هو المهم والاهم

اما ورقة الاسئلة سجل عندك ( واحد فدى ) :13:

[mohamedSS]

الله يعطيكم العافيه ..

وجزاكم الله خيـــر ..؛؛



لك من مـــر هنــآ او عــلق :rose: :rose: :rose:

[عِصآميهة]

م آعتقد مهمه ، بس ليه مآيخلوناا نأخذهاا نفسيُ فيهاا :5:

[ترف آلسعد]

م آعتقد مهمه ، بس ليه مآيخلوناا نأخذهاا نفسيُ فيهاا :5:

ههههههههههههههههههه وش تبين به !؟

[أشواااااق]

وش هـ الحماس ؟ هههههـ
كان خذيت ورقه الأجوبه بعد :))

الله يسعدك عادي دام مكتوب فيها أسمك ورقمك الجامعي وكل شيء
معناها إنت بخير وبيرفقوها ضمن الأوراق إللي بترسل ل الجامعه


موفقين :16:

[شخصية مجهولة]

وضعك طبيعي جدا لاتقلق ابد

لان ورقة الاسئلة تنطل ولاحد يناظرها

انا قلت ميد المراقب ابي اخذها قال صعب شوي قلت تساهيل اخذها
قال نهاية الاختبارات تعال لي وابشر اعطيك كل النماذج لان الحين ممنوعين نعطيها احد

الله يوفقك
:2:

[~الولهان~]

أنا ما سجلت إسمي على ورقة الأسئلة
بس كاتب إسمي ومعلوماتي على ورقة الإجابة ما كان في وقت أكتب أي بيانات على ورقة الأسئلة
الله يستر

[~الولهان~]

وضعك طبيعي جدا لاتقلق ابد

لان ورقة الاسئلة تنطل ولاحد يناظرها

انا قلت ميد المراقب ابي اخذها قال صعب شوي قلت تساهيل اخذها
قال نهاية الاختبارات تعال لي وابشر اعطيك كل النماذج لان الحين ممنوعين نعطيها احد

الله يوفقك
:2:

الله يريحك والله طمنتني كنت شايل هم

ربي يسعدك ويوفقك

[زمرد :$]

ايه والله ليتهم يعطونا نتأكد من اجاباتنا ونتطمن شوي
اتكلم عن اللي يذاكرون اما اللي حقره بقره ياخذه الاستاذ احسن :5:

[ام مووودي]

أنا ما سجلت إسمي على ورقة الأسئلة
بس كاتب إسمي ومعلوماتي على ورقة الإجابة ما كان في وقت أكتب أي بيانات على ورقة الأسئلة
الله يستر

انا لما سلمت الورقة وجيت ابطلع رجعتني المراقبة وقالت لي سجلي اسمك ورقمك الجامعي على ورقة الاسئله:34:

[زيزو الوايليه]

الدنيا بسيطه وسهله خااالص هههههه انا لو اني طالبتهم المدرسه بكبرها عطوني ايها يبون الفكه جننتهن الكشه طايره ومستنزله من تعبئه النماذج يبي لها ساعه كل مامرتني مراقبه كرشتها ههههه ابصم بالعشره كبن وراي خيشه ملح من فراقي لهن ههههه

[hura]

والله ضحكتوني انواع الافلام هههههه

والله المراقبه قالت ورقة الاسئله مهمه ناخذها وبصمونا عليها وصارت يديني حبر ومامعي مناديل ��. قمت مسحت الحبر الباقي بالورقه وبكيفهم هههههه

[عبودي2013]

بالنسبه للاخ اللي يقول ماسلمت ورقه الاسئله خذ الكلام اللي يريح راسك لاتشيل هم ابدا اهم شي ورقه الاجابه لانها بتروح للجامعه ويصير عليها التصحيح اما الاسئله توصل للجامعه ويتم اتلافها خذ الكلام اعني مايلحقك شي كلام من مصادر موثوقه :21:

[Nana1412]

غريبه المراقب ماسحبها منك


ههههههههههههههههههههه لا تخاف ماجبت العيد دام الاساس الاجوبه عطيته:17:

[همسه حب]

ابد لاتهتم عاادي جدا

انا ف مستوى اول سويت حركه اقوى ممن حركتك ههههه:42:
ومشت الاموووور الحممد لله ع كل حال :11:

[anwaralunezi]

اتوقع ضروريه لانو يقولون لازم ترفق مع نموذج اجابتك على الاسئله ارجع تاكد كي لا تتسبب في مضره اي شخص من مراقب وغيره لايمنع من التاكيد ..
بالتوفيق لكم

[الذي هو جامعي]

هذا اللي مخوفكم
واذا قلت لكم ولد خالي حل بورقة الاسألة وسلم ورقة الاجابة فاضية هههههه:3:
لا وحاط مدرس بعد مسكين امس شوي وينجلط :24:
الحق على المراقب ماشرح له :20:
بيروح بكره مسكين ويحاول فيهم
بس اتوقع قضي الامر

[ASOY]

اذا مو مهم ورقه الاسئله ليش يبصمونا عليها ؟؟؟؟؟؟؟؟؟؟؟؟

[soul hope]

انا مابصمت على شي وش السالفه بس عبيت البيانات على الورقتين ووقعت الاقرار وطابقت ببطاقتي حقت الاحوال وانتهينا وش له البصمه

[Ali-Ahmed]

انت مايلحقك شي

اللي بياكلها المراقب الفاضل :42:

كيف يستلم ورقة الاجابة بدون الاسئلة

[ǺĽ ẕeeห]

ياحليلكم والله "

لازم ياخذون ورقه الأسئله & الأجوبه "

المراقب اللي راقب عليكم الله يهديه المفروض يكون مركز "

اكيد لازم ترجعهاا لو مو مهمه ما بصمونا عليهاا ولازم يطابقون اسمك و وباقي البيانات بنفس ورقه الأسئله "

زين انك رجعتهاا ""

والي مابصموو مايخالف مو مشكله بتبصمون بالأختبار الجاي :42:

[mohamedSS]

لالا سالفة البصصمة جديدة هذي ..!! :6:

يعني حنا مابصمونا ولا شيء ..!! مادري بس احس انهم مفهين تنظيمهم مختلف ((المراقبين)) :19:


الله يعطيكم العافيه ولكل اللي مروا منهم جزاكم الله خير ,. استفدت كثيراً منكم ..


:rose::rose::rose:

[* آمل *]

احنا بصمه ومطابقه ودنيا

ونسيت اكتب بياناتي ورجعوني

علشان اكتبهم

[بعيد المدى]

نموذج الاجابات هو المهم