هام جدا جدا جدا جدا يرحم ابوكم ساعدوني

[فتاه]

السلام عليكم ~ اما بعد
انا بنت ابغا اسألأكم اسئله واقولكم عن حاله
بنت خالتي
. بنت خالتي كتبت تعهد من الهيئه
وبسبب لبسها اي الزي الخارجي
عشان لابسه تنوره قصيره
ومسكوها بالمول وسوو حفله لهاصراحه
المهم هم قالو لها احنا نبغالك الستر
انا سؤالي
هو التعهد اللي كتبته بنت خالتي يقدر اي احد يشوفه
ورب البيت ان البنت حالتها تصعب علاالكافر
لاتاأكل ولاتشرب وحتا بالنوم بس تفز
تقول اخاف احد يقراه ويدري ابوي . طبعنالهيئه مادقت على ابوها
دقو على امها وخوالها واللي خرجها خالها وقع خالها
بنات تكفون استفسرو حول التعهد اللي كتبته
البنت وربي تبي تموت بس تدعي انها تموت
تكفون داخله على الله ثم عليكم
ساعدوني

[Fatiy]

حبيبتي اللي كتبتيه مايناسب تحطيه هنا لان منتداناا مصمم للاستفسارات عن الدراسه

[ماتقولش لحد]

انا اعتقد خلاص مدام خالك خرجها
انتهى الموضوع
يعني ماتوقع ابوها بيدري
وماتوقع يكبرون السالفه ويتصلون ع الاب يكفي خالك
واالله اعلم

[فتاه]

شكرا ع الردود .
ادري المنتدا حق الدراسه لاكن والله مااعرف وين اشكي قلت ادخل المنتدا يلي انا فيه
ومشكله بنت خالتي وربي خلتني اسوي كذا
~
هي خايفه التعهد اللي كتبته في احد بيدري عنه
والله انا اكتبلكم ودموعي بعيني
لاتلوموني اذا كتبت هنا

[sehamm]

الله يستر عليها وعلينا وان شاءالله يكون درس لها :36:

[صدى الكتمان]

الله يستر عليها واتتوب ان شاء الله
ويكون درس لها
وعبره للبنات بالجامعه
خليها تتوب تدعي بالستر على موضوعها
والله يستر عليها ان شاء الله وينسي الموضوع ويغفر لها ربك

[وسن$]

الله يستر عليها وعلى بنات المسلمين
بس استفساري وماقصد اني احرج احد او اتهه
بس الهيئه كيف عرفو انها لابسه تنورة قصيرة الا اذا كانت عبايتها مفتوحه

المهم ماحصل الا الخير والواحد مايدري متى يموت واي مكان لازم الوحد يراقب رب العالمين

الله يستر عليها وهديها ان شاء الله يكون لها درس

[H.t]

يا فزعة الله :35:

[وينك ياغلاي]

حبيبتي دام خالك طلعها وامك درت
التعهد محد بيدري فيه
انا اذكر وحده كتبت تعهد بالهيئه وقلقهم
و ابوها مايدري وحتى م وصل له الخبر

طمنيها وقولي لها محد بيدري بالسالفه


الله يستر عليها وعلينا

[فتاه]

مشكورين اللي ردو تسلمون ~
وياليت اللي تقدر تفيدنا اكثر تقول
ولا الي تعرف بنات صارلهم زي بنت خالتي
ولااي شي تعرف تقوله
تبرد صدورنا الله يبرد صدرها